اول الـغــيــث
هو انا مش قولت
يعنى اللى ما اخدش باله انى قولت العلاوة هتتعوض من جيوبنا كلنا نفر نفر يراجع البوست اللى فات
هو مش قالهم أخلقوا موارد علشان العلاوات
بدءوا فعلا يخلقوا الموارد
من الصبح
من الصبح مين ده من الفجر
نازلين حملات الله ينور على المحلات التجارية والغير تجارية
حتى اللى قاعد فى الشارع يقول حاجه لله يا محسنين برضه بيروحوا له
تلاقى موظف داخل شايل شنطة معفنة تحت باطه وتلاقيه داخل يقولك انا الاستاذ بتاع من الغرفة التجارية هات اوراقك
واوراق عيلتك كلها وجيرانك
خرج موظف الغرفة التجارية داخل 4 اشخاص وبرضه فيهم واحد شايل نفس الشنطة اللى كان شايلها الشخص الاول ... مباحث الكهرباء
اخر ايصال فييييييين
اسمك وسنك وعنوانك ومقاس جزمتك
خرجوا بسم الله ما شاء الله
مباحث الأموال العامة جت
وبقول مباحث الاموال العامة والكهربا مش قولت الاداب علشان الناس اللى بتسمع كلمة مباحث وتحرف الكلام على مزاجها والله العظيم لو آداب لاقول ومش هخاف من حد انا مبخافش غير من ربنا ....
نرجع لموضوعنا
هو فى ايه بقى
الموظفين يزيدوا 30 % وياريتهم 200 % كنا قولنا الزيادة تستاهل المهرجانات دى كلها
طيب هو بيشوف الاوراق اللى بيطلبها بياخد البيانات ليه بقى ؟؟؟
حد يقولى ومش سالتيه ليه السؤال ده جاية تقرفينا احنا ليه
هرد جوا قناة استاكيوس وانا صوتى عالى طبيعى واقوله وحياة الغاليين سالته ... رد السيد المحترم وقالى ده مجرد روتين .. ولما قولت له نفس الكلمتين دول سمعتهم قبل كدا من زميل لسيادتك من سنتين بالظبط قالى مجرد روتين وبعد ما اخد بياناتى راح واخد بعضه وطالع على القسم عاملى محضر إدارة سيبر بدون ترخيص ... حلو كدا ومقطط على مقاسى وابن ناس ... ... امال الملف اللى فى امن الدولة ده يبقى ايه بقى تهريج مثلا .. ولا اسمى اللى موجود فى جميع الجهات الحكومية والغير حكومية ... مزاج عندى الشهرة والنجومية ... متقلقوش مش اتحبست الحكم كان غرامة 100 جنيه حار ونار فى جتتهم
طيب ايه انا النهارده مليت بياناتى يجى 5 مرات كدا لو على كل محضر 100 جنيه يبقى 500 جنيه ... كل موظف يدخل البلوج بتاعى يبعت لى الـ 30 % اللى اخدهم زيادة من الحكومة حتى لو مش اتعملى محاضر برضه ابعتوا الزيادة اذا كان ده اول الغيث امال السيول هتبقى ايه ؟؟؟
معلشى سؤال واقف فى زورى .... هى العلاوة مش 30 % ... امال لو كان المرتب اتضاعف مرتين ولا 3 مرات كان ايه اللى حصل
؟؟؟؟؟؟
يعنى اللى ما اخدش باله انى قولت العلاوة هتتعوض من جيوبنا كلنا نفر نفر يراجع البوست اللى فات
هو مش قالهم أخلقوا موارد علشان العلاوات
بدءوا فعلا يخلقوا الموارد
من الصبح
من الصبح مين ده من الفجر
نازلين حملات الله ينور على المحلات التجارية والغير تجارية
حتى اللى قاعد فى الشارع يقول حاجه لله يا محسنين برضه بيروحوا له
تلاقى موظف داخل شايل شنطة معفنة تحت باطه وتلاقيه داخل يقولك انا الاستاذ بتاع من الغرفة التجارية هات اوراقك
واوراق عيلتك كلها وجيرانك
خرج موظف الغرفة التجارية داخل 4 اشخاص وبرضه فيهم واحد شايل نفس الشنطة اللى كان شايلها الشخص الاول ... مباحث الكهرباء
اخر ايصال فييييييين
اسمك وسنك وعنوانك ومقاس جزمتك
خرجوا بسم الله ما شاء الله
مباحث الأموال العامة جت
وبقول مباحث الاموال العامة والكهربا مش قولت الاداب علشان الناس اللى بتسمع كلمة مباحث وتحرف الكلام على مزاجها والله العظيم لو آداب لاقول ومش هخاف من حد انا مبخافش غير من ربنا ....
نرجع لموضوعنا
هو فى ايه بقى
الموظفين يزيدوا 30 % وياريتهم 200 % كنا قولنا الزيادة تستاهل المهرجانات دى كلها
طيب هو بيشوف الاوراق اللى بيطلبها بياخد البيانات ليه بقى ؟؟؟
حد يقولى ومش سالتيه ليه السؤال ده جاية تقرفينا احنا ليه
هرد جوا قناة استاكيوس وانا صوتى عالى طبيعى واقوله وحياة الغاليين سالته ... رد السيد المحترم وقالى ده مجرد روتين .. ولما قولت له نفس الكلمتين دول سمعتهم قبل كدا من زميل لسيادتك من سنتين بالظبط قالى مجرد روتين وبعد ما اخد بياناتى راح واخد بعضه وطالع على القسم عاملى محضر إدارة سيبر بدون ترخيص ... حلو كدا ومقطط على مقاسى وابن ناس ... ... امال الملف اللى فى امن الدولة ده يبقى ايه بقى تهريج مثلا .. ولا اسمى اللى موجود فى جميع الجهات الحكومية والغير حكومية ... مزاج عندى الشهرة والنجومية ... متقلقوش مش اتحبست الحكم كان غرامة 100 جنيه حار ونار فى جتتهم
طيب ايه انا النهارده مليت بياناتى يجى 5 مرات كدا لو على كل محضر 100 جنيه يبقى 500 جنيه ... كل موظف يدخل البلوج بتاعى يبعت لى الـ 30 % اللى اخدهم زيادة من الحكومة حتى لو مش اتعملى محاضر برضه ابعتوا الزيادة اذا كان ده اول الغيث امال السيول هتبقى ايه ؟؟؟
معلشى سؤال واقف فى زورى .... هى العلاوة مش 30 % ... امال لو كان المرتب اتضاعف مرتين ولا 3 مرات كان ايه اللى حصل
؟؟؟؟؟؟
تعليقات
و ربنا يهد القوى بقى
و يفرجها علينا كلنا
أومال بعد أول سبعة هيحصل إيه ؟؟
تعالى اقعدي جنبي بقولهم فى الشغل النهارده قالوا ليه مش عندنا فوت علينا بكره يا سيد اخدت شنطتي وتزلت اصل ميعاد الشغل خلص هههههههههههههه
ما هى دي الكوره اللى قولنا عليها رابطنها فى ايديهم
:)
السنه الجايه حيقولوهم تاخدوا 50% علاوه، حيوطوا علي ريجله يبوسوها ميزودش ولا مليم كفايه أوي كده
هو كويس اوي ان ده اول الغيث
اصل الحكومة قصدها ان الشعب يبطل بقى يدعي و يقول العلاوة و المنحة و الزيادة و كلام الفلوس ده
عشان لو الشعب طلب زيادة تاني الحكومة هاتوريه سيول الزيادة و خيراتها اللي هاتغرق الشعب كله
ربنا يكفيكي شر بتوع المحاضر دول و الغرامات اللي بتيجي من وراهم
و مع اني مش من موظفي الحكومة المبجلة و لا اصابتني كرامات الزيادة التلاتينية الا اني هاتبرع لك بمبلغ الغرامات كله
هو احنا عندنا كام قطة مخربشة
والنبى ياقطتى لو لقيتى حد يسلفك تبقى تقوليلى علشان استلف منه انا كمان
و عموما اللي ييجي منهم احسن منهم
عامله ايه ياقمر
انا زي ما قلتلك لو ليا نصيب في الــ 30% دول هديك 15% يله عيشي بقه
بس هما يجيوا وانا اظبطك
سلامووووووووز
وزة
تحياتى لكى
كويس واحمدى ربنا انهم مش قالوا انك خطعتى السيبر من واحد ههههه
خلينا نشوفك ياقطة
مياوووو
تحياتى
الزياده مفاجاه
ومش مقتنع انها مدروسه
و مهياش هديه
وكل شويه بيتقال عندنا ديون وعجز ميزانيه
فمينفعش تتطلعلنا زياده اذ بها فجاه
منين
ولو ينفع تتدبر الموارد مكان من زمان وحلينا مشاكلنا
بصي انا اتقهرت اووووي بال 30% دول يطلعوا ايه يعني
تخيلي المرتب كده زاد معايا 50 جنيه
يا فرحتي يا سعدي يا هنايا
حتجوز بيهم واكون نفسي واحوش الباقي كمان واطلع اصيف بيهم في البيسين اللي ورانا
ايه الذل ده
الدنيا بتولع اضعاف اضعاف ويقولولي 30% يا ناس حرام عليكمم بجد
يرضي مين ده بس
انا مكسوف اقول الاساسي بتاعي كام بس كفايه اقولكم اني موظف حكومه لكم ان تتخيلوا بقى
ربنا يستر علينا
يا ترى دة المحضر رقم كام؟
ادارة سيبر بدون ترخيص
و100 جنيه غرامة
والراجل اياة بتاع اشنطنة المعفنة
ايه يا بنتى دة؟
هو ايه اللى بيحصل
علشان الزيادة
هيدفعونا ضريبة حرق دم عليها
على كل حال
انا عارفة انك قطة عند اللزوم
واسد عند االزوم برضه
كل الحب
كويس اوى كده ده احنا نبوس ايدينا وش وضهر ... ده انا من يوم ماقال الخبر ده وانا عمال بدور فى كل الجرايد على خبر واحد
عرض الهرم الاكبر للبيع
بس الحمد لله انتى كده طمنتينى
طب هاروح استخبالى يومين بقى
و متقوليش لحد على مكانى
:)
طب احنا مالنا و مال العلاوة
دى للحكوميين و احنا مش حكوميين و شكلنا لحد ما انموت مش هنبقى تبعهم بردة
طب ليييييييييه
لنا الله يا قطتى
تحياتى
:(
المشكلة اننا الدولة بتقول شيء و تعمل
نقيضه....بيقولوا بنشجع الشباب ان يكون له مشاريعة للتخلص من البطالة
و يقفلوا في وجوههم الابواب...فلا يستطيعوا ان يستخرجوا تصاريح رسمية..
بينما لرجال الاعمال الامور ايسر...
رجال الاعمال يحصلون علي الطاقة باقل
من سعرها...و الشباب يدفعون ما تمليه
عليهم شركات الكهرباء...
لو اردنا تشجيع الشباب بجد...و القضاء علي البطالة...لابد من تيسير اجراءات التراخيص للشباب..
وإعفائهم من اي رسوم...و محاسبتهم بالنسبة للكهرباء كما يحاسبوا رجال الاعمال ...الذين يستفيدون من دعم
الكهرباء و الغاز...و مصانعهم كثيفة
استخدام الطاقة...
تحياتي و تقديري
لا أجد ما يفيك حقك...من ردك الكريم
علي المجهول الذي دخل و علق في مدونتي
علي بعذ زملائنا المدونين الاخرين...لم يعلق علي الموضوع المكتوب بمدونتي و لكنه
استغل مدونتي لمهاجمة أخرين..
حقيقي كل كلمات الشكر لا تفيك حقك..
لكن هذا ينم عن معدنك الطيب الاصيل.
اعتزازي و شكري و تقديري.
اجدعها عربية فيكي يا مصر مش هتلاقي اللي يشتريها ب 20 جنيه لا قال وانا كنت زعلانه من كام يوم ان انا وميجو معندناش عربيه واتاري -بالمسيحي "كل الاعمال تعمل معاً للخير للذين يحبون الله" وبالاسلامي "عسى ان تكرهوا شيئاً وهو خيراً لكم"- شكراً يا رب وسامحني علشان مافهمتش العبرة من اني معنديش عربية
love,
MishMish
love,
MishMish
أرجوا زيارتى لأمر هام ضرورى
و لكم جزيل الشكر
هى جات فيكى يا قطة
يلا ولا يهمك دول30% للحكومة بس ولسه القطاع الخاص يعنى المحاضر اتبقى زى الرز مع انى لسه ما اخدتش العلاوة بس انا متبرع بيهم علشان القطة وكل محضر وانتى طيبة يا قطة
مع انه لو كان حبس ايكون احسن كنا انجيب عيش وكباب
تحياتى يا قطة
هو بس سؤال صغير: السيبر ليه من غير ترخيص؟
عميق تحيتي وخالص مودتي
وفى كمان تلميح لزيادة المواد البتروليه الجاز والبنزين
سعنى هيلموهم فى يوم ولا اتنين اضعاف
طيب ما ترجعى بسرعه الشغلي ا تام يوسف اهم التلاتين جنيه ينفعوا فى الايام دى اختك فى زنقه
ههههههههههههه
والله انتى طيبة اوى ربنا يخليكى
بعد سبع بقى
هنبيع عفش البيت وهدومنا ان شاء الله
ربنا يتولانا برحمته
تحياتى
ربنا يستر يا آآبى اصل انا بقيت اشهر من فيفى عبده فى الاقسام والمحاكم
هههههههههههههه
المشكلة ان المحاضر بتتعلم وانا بتفاجأ بالغرامة بعد كدا
مش يبعتوا لى حد يقولى مثلا او ينذرنى وحياتك ما بيحصل
ربنا ينتقم حار ونار الفلوس بتاعتى اللى بياخدوها
يارب يا مارفل
انا اول ما شوفت الخبر على مصراوى دمى اتحرق والاضراب ماشاء الله ما شاء الله النهارده يعنى كل الناس نزلت راحت اشغالها وبيغنوا كايده العزال انا من يومى ايوه اه
وبيهدوها للريس علشان كاد الشعب كللللللللله
انا والله ماليش دعوة يا قلبى بالزيادات دى ولا حتى النقصان
هما يزودوا الموظفين وياخدوا مننا احنا نفر نفر
طيب مش يخلوا عندهم ذوق ويدفعوا لنا كل شهر 2 جنيه علشان نقدر نصرف على المحاضر بتاعتهم
هو لحد دلوقتى مفيش حاجه وربنا يستر
عارفه طول عمرك ذوق وكريمة ا حببة قلبى امال هو مش كدا ليييييييييه
انت بس اللى حتفهمى قصدى
هههههههههههههههه
تحياتى
انا محتاجه اخد كورس من عبده الرايق فى تقليب البشرية
وساعتها هستلف لك معايا ولا يمكن اخليكى تقولى لحد سلفنى وانا على وش الدنيا
نورتينى
هههههههههه
قول ومش تخاف من اى رقابات هما كلها يومين وهنقول ما فى الخمر
ربنا يسترها علينا جميعا
انا الحمد لله يا وزة يارب تكونى بخير
هتدينى 15 % بس يا وزة طيب خليها 20 % والباقى هاخده من اى موظف حكومة تانى
عموما كتر الف خيرك يا حبيبتى على الاقل الموظفة الوحيدة اللى قالت لى هدفع لك
ههههههههه
نورتينى يا جميله
اى اختراع يختروعوه ياخدوا فلوسه من جيوبنا
بيقولوا فى موضه دلوقتى اى لبس من غير جيب خاااااالص
اه ربنا يستر والاقيهم بيقولوا انى سارقااااااه
هجى لك حالا يا تامر انا اقدر اتاخر
تحياتى
هو اخد قرار مفاجئ علشان عارف اننا شعب جبان اى حاجه هيفرضوها علينا هندفع وكله هيتعوض من جيوبنا
ربنا يستر بقى
تحياتى
طبعا اسمح لك تنوتنو وتخربش كمان
مرتبك ذاد خمسين جنيه يعنى الاساسى بتاعك 150 جنيه
بتعمل بيهم ايه بقى
دول حتى مش مكفيين مواصلات
والله ربنا معاك ومعانا
ههههههههههه
لاء انت مش واخد بالك يا دكتور
هو دلوقتى انا واللى زى بنشتغل عندهم اه والله مش مصدق
ما احنا بنشتغل طول الشهر علشان ندفع فواتير الكهربا ورسوم النظافه للشوارع المعفنة
ولما ينفذ كل ده ومندفعش بعد ما نفلس مش تقلق هيعملوا اللى قولت عليه
مش انا لوحدى يا شرى
مش مخليني حد غير وكابسين على نفسه
ده انا كل شوية كنت الاقى حد جاى يسالنى انتى جالك بتاع الاموال اه
وبتاع مباحث الكهربا
وباع الروبابيكيا هو الى كان ناقص
وكلنا متنحين ومذبهلين اخر ازبهلال
ربنا يستر
هههههههههههههه
الحمد لله جت فى الشعب
هما شايلين الهرم لحاجه كبيرة
بدءوا بالفعل يا رونى
فى ناس متزوجيني ويعولوا عارضين ملابسهم للبيع علشان يدفعوا للحكومة
هههههههه
مش تقلقى تعالى استخبى عندى والله تنورينى ومش تخافى محدش هيقول على مكانا
تحياتى
بدءوا بالفعل يا رونى
فى ناس متزوجيني ويعولوا عارضين ملابسهم للبيع علشان يدفعوا للحكومة
هههههههه
مش تقلقى تعالى استخبى عندى والله تنورينى ومش تخافى محدش هيقول على مكانا
تحياتى
ده لو يعملوا معانا كدا انا كنت اضرب اى حد يذكر كلمة اضراب على لسانه
وبعدين ايه التناقض الغريب ده
رجال الاعمال بيدعموا لهم كل ده واحنا بياخدوا منا علشان يدعموا لهم
البلد فيها كل الموازين مقلوبة نورتينى استاذى العزيز
استاذى الغالى
احنا مفيش بينا حاجه اسمها شكر لان كلنا اسرة واحدة واخوات نختلف فى وجهات النظر او نتفق بذوق واحترام لان مش كلنا عقل واحد او تفكير واحد
احنا اسرة واحدة واللى يضايق اخ او اخت لينا يبقى ضايق الاخر شخصيا
دمت بكل خير اخ وصديق غالى افخر به دائما
مشمشه الجميلة
عاملة ايه وايه اخبار البلكونات الصغنونة هههههههه
يارب يجو بالسلامة
القانون انا لسه قارية الخبر النهارده فى المصرى اليوم ان مجلس الشعب رفض القانون ولاول مرة فى التاريخ مجلس الشعب يرفض شئ حتى الاعضاء اللى دايمن منافقون قصدى موافقون
تحياتى ليكى يا جميلة
ويارب انتى وميجو يبقى عندكو فى القريب العاجل احلى عربية
انا مش قابلة اعتذارك
لان المدونة مدونتك ومن حقك تكتبى فيها اى حاجه وفى اى وقت
انتى بس تعالى نورينى كل يوم
اااااااه
شكلك شمتنا يا خالد
لاء بجد باين عليك شمتان
انا لو شوفتك هقتلك
احترس يابنى واوعى تنزل الشرقية الايام دى تحديدا
انا متفقه مع حضرتك ان القانون مش وحش فى حالة لو اطبق على الجميع وميبقاش قانون لخراب البيوت وبرضه مش اقول عليه مش وحش
انما اجابة السؤال فهو لو كان فعلا السيبر من غير ترخيص كنت استمريت لحد دلوقتى ؟؟؟؟؟
انا مرخصة من امن الدولة يا فندم وعندى بطاقة ضريبية وسجل تجارى وكل اوراقى تمام واى حاجه يقولوا عليها بنعملها جميعنا مش انا لوحدى
لكن علشان اى امين شرطة اتعود لو دخل عندك وخرج من غير ما تمد ايدك فى الدرج وتديله الى فيه النصيب بيعمل اللى على مزاجه حتى لو كانت اوراقك صحيحة
وكمان لما اتحكم عليا بالغرامة روحت المحكمة علشان اعمل معارضة مش علشان المبلغ انما علشان انا محبش ادفع حاجه بدون وجه حق وازاى يتحكم عليا وانا معرفش ازاى اتفاجا بغرامة يعنى والمفروض انى ادفعها هناك قالوا لى اتلغت دلوقتى اللى بعمل معارضة بس اللى محكوم عليه بحبس اما انتى يا حلوة لازم تدفعى وقد كان
بعدها بشهرين بالظبط اتفاجأت بحكم غرامة تانية وده كان لا شوفت امين شوربة ولا مخبر حتى ولا حد عبرنى لما روحت تانى وسالت اصل اصلا انا بعز المرواح هناك اوى لان مجمع المحاكم قدامى مباشرة
قالوا لى ملناش دعوة ادفعى وبعدين نوحى براحتك
بعدها فكرت انى انصب على بنك او اعمل اى حاجه واهرب بره البلد فى الحاله دى هيقفوا المسؤلين يقولوا لى باى باى طريق السلامة يا جميل
وادى القانون اللى فى بلدنا سيادتك
احترامى وتقديرى
اان بكتب لك الرد دلوقتى واذان العشا شغال
حسبنا الله ونعم الوكيل
فى اللى يجى على الشعب الغلبان
عميق تحيتي وخالص مودتي
اشكرك جدا دكتور ضياء
شرفتنى جدا يا فندم
احترامى وتقديرى لحضرتك
ربنا على الظالم
عارفة بقى لو المرتب زاد 3 مرات
كان حصل ايه ؟
حصل خييييير إن شاء الله
و لسه الاسعار حتولع اكتر
و لسه مصاريف المدارس و الكليات الحكومية حتزيد اكتر و لسه رسوم استخراج اى حاجة من اى حتة حتزيد
و لسه و لسه
تحياتى ليكى
وعملوا فرح العمده ...إنتي عارفه
إحنا شعب عبيييييييييط
دمك زى السكر
انا هلكت من الضحك هو لسه فى حاجه اسمها سلف
هههههههههههههههههههههههههه
ربنا يكون فى عون الناس ويكرمهم
بجد اسلوبك مجرم
فى سرد الاحداث
تحياتى
سؤال وجيه جدا محتاج لاجابة
دمت بخير
لا علاوة ولا دياولو دخلت بيتي
العلاوة دي لا دخلت بيتي ولا شميت ريحتها
ممكن آه الأسعار هاتولع علي حسها
عادي أيه الجديد ماهو ده الطبيعي
ممكن آه الضرايب هاتذيد عشان مايطلعش الريس صغير قدام موظفين حكومته
و كل علاوة وانتي متأشطة
كده يعملوا فيكم كده؟مش كلام ابدا
ماحنا قلنا ياقطه اللي حيدوه باليمين حيرجعوا ياخدوه بالشمال
كنت بسمع تامر امين من فتره في البيت بيتك و كان مستضيف وزير النقل بتاع شيفورليه و اوبل
كان بيقول انه حيرفع اسعار القطارات بتاعت الدرجه الأولي عشان يحسن الدرجه التالته قوم تامر يقول ايه؟ماشي مفيش مشكله احنا راضيين المهم ان الخدمه بتاعت الدرجه التالته تتحسن
مافهمتش الصراحه يعني ايه راضيين ؟مايتكلم عن نفسه
لأ و المستفز يقولك اوكي احنا نقدر ندفع
حاجه بجد مستفزه ال نقدر ندفع
و لا اتكلموا علي الدرجه الاولي ال يعني ميه ميه
معلش ياقمر ماتزعليش نفسك
احنا كلنا فداكي
انتي بس قولي لازمك كام و يجيوا لحد عندك علي طوووول احنا عندنا كام قطه
:)))
تحياتي ياقمرايه
بكرة يطلعوا الزيادة دى على جتت الناس كلها
يعنى اللى ادوه باليمين هياخدوا اضعافه بالشمال
ااااااه
ربنا يبشرك بالخير يا اسلام
تحياتى
احنا شعب يجمعه الناى ويفرقه العصا
عمرنا ما هنتغير
طيب هى العلاوة اصلا لسه فى علم الغيب لما يدبر الموارلد لهم من دمنا ودمهم برضه
تحياتى
يارب دايما سعيدة وفرحانه ومبتسمة
نورتينى يا جميله
اه انا برضه بقول كدا
طيب لو عندكو عربية الحقوا بيعوها اصل اسعار النبزين هتزيد الضعف والعربيات هتبقى برخص التراب
تحياتى
تعرفى انا بقرا ردك حاسه بكلامك وبانك متضايقة علشان تامر امين اتكلم على لسانا كلنا وده فعلا لانك انسانة رقيقة وبتحسى بالناس وهمومها
انما جيت عند اخر سطر وكنت هعيط وحياة ربنا
بجد انتى انسانة جميلة اوى وقلبك طيب
ربنا يخليكى ليا ولا يحرمنيش منك ابدا
وعموما يا ستى ولا تنقلى هم انا الحمد لله معايا لهم الغرامات بتاعتهم وحار ونار فى جتتهم
انما لو اتسجنت ولا حاجه خليكى جاهزة بمحامى
ههههههههههههههه
تسلمى لى يارب يا ارق بنوتة فى الدنيا
هما لسه هيطلعوا
ما هو خلاص طلعت والقادم اسوأ
تحياتى
قلت الطيب احسن اروح اجدد ترخيصي بالتي هي احسن انا اصلي مجربه دخلتهم ولاد الايه
وبعدين هو واحد يجي تلاقي الباقيين وراه تقوليش عقد واتفرط
بس وربنا حاطه ايدي على قلبي
خصوصا ان كل تجديد تلاقي الدنيا بحالها جايه تاكل عيش على حس المعاينه والمتابعه والسؤال والبحث والتمحيص والموافقه و..............
وربنا يعمر بيوتهم
ايه ده انتى عندك سيبر
تعالى جنبى هنا يا زومل
انا مجربة كل الحاجات دى
تعرفى مرة واحد مخبر طلب من ى فلوس بلسانه وقولت له مش معايا فكة كانى بشحته والله قولت احرجه لانه كان بجح قالى ها اجى لك بكره
واقسم لك بالله جالى فعلا تانى يوم
ده حاجه اخر ارف
ابقى طمنينى انتى عملتى ايه
المصيبه انك لما تمشي صح تلاقي الكل جاي يصطاد ولما نقول مش هنجدد متشوفيش حد فيهم غير فين وفييييييين
بس الامر ميسلمش بردو
والواحد بيقول امشي عدل تحتار المصنفات واخواتها فيك
هههههههههههه
فكرتينى بالموظف بتاع رسوم النظافة لما كان قارفينى كل يوم جاى عايز 120 جنيه وكان حظه اسود جاى فى يوم انا مزاجى فيه زفت والشارع كان مليان زبالة
وقولت له عايزنى ادفعلك 120 جنيه على المنظر ده قالى وانا مالى هتدفعيهم غصب عنك قولت له خلى عندك ذوق فى الكلام قالى يا ستى انا بلطجى انا جاى ابلطج عليكى وهتدفعيهم يعنى هتدفعيهم قولت له طب امشى اطلع بره
قالى طب وحياة امى لاروح ارفع عليكى قضية تبديد
قولت له برررررررره احسن اقسم بالله اطلع دلوقتى اعملك قضية بلطجة ورشوه والف من يشهد برررررره وكان صوتى جايب من اخر الشارع الراجل اتخض باين لاقيته خد بعضه وجرى
ومن بعدها مش شوفته بس شكله راح فعلا رفع عليا القضية
عادى ما انا متعووووودة دايما على القضايا والغرامات