Saturday, September 27, 2014

الشباب المصرى اوساخ فى كل مكان







الاشكال الوسخة دى مش تستاهل غير الشنق والطرد من كل مكان يروحوه  علشان مش يوسخوا الدول التانية 

والله العظيم المصريين الاوساخ دول فاضحينا فى كل مكان .. الشباب المصريين بعرفهم من غير ما يتكلموا من نظراتهم وهما ماشيين يبحلقوا فى اى واحدة ولو كلب فيهم حاول يكلمنى بكلمه سورى واقوله انا مش بحب مصر ولا المصريين والغريب لما الاقى واحد فيهم يقولى مش مهم تحبى مصر هى مصر اصلا مش تتحب بس انا عايز اتعرف بكون عايزه اتف فى وش امه مش مهم بلده اصل المهم انه يحكها الوسخ  .. لما اقوله هطلب لك البوليس يجرى من قدامى زى الكلب الجربان علشان عارف ان البوليس مش حيطبطب على امه زى فى مصر ويقولوا لهم اصلها سافلة نازلة من بيتها علشان تتعاكس ... الله يفضحكو يا كلاب 

Wednesday, September 24, 2014

الانكيلاب يترنح

اول مرة اشوف انكيلاب بيلقى خطاب فى الامم المتحدة



ده لو كان ابن سنية كان فضحنا
وقعد يقولهم نلبس هوت علشان المناخ حر ونلبس كولد علشان المناخ برد والواد بتاع سكينة الكهربا بياخد عشيين جنيه علشان يلعب فى المناخ
كانت ايامك سودة يابن الغبية

ده الفرق بين العظماء والصعاليك
 

Thursday, September 18, 2014

الذكرى الاولى

زى النهاردة من سنة صحيت من النوم الساعه 6 الصبح على خبر وفاة بابا مكنتش مصدقة وقولت لهم انتوا بتكدبوا عليا ده كان لسه قاعد معانا بالليل واكلنا وشربنا ومقالش حتى انه عنده صداع .. ورحت بصيت عليه ولاقيته كانه نايم وجه دكتور وقال مات من 4 ساعات .. ومش صدقت وجه الدكتور التانى اكد كلام الاولانى .. وقتها معملتش اى حاجه غير انى التزمت الصمت  وجت بنت عمتى  فضلت تقولى عيطى طيب اكسرى اى حاجه اعملى اى حاجه كدا هتتعبى وانا مش سامعه صوت لاى حاجه غير سكووووت .. ومحستش ولا استوعبت اى حاجه غير وهما واخدينه وخارجين بيه من البيت وقتها كانت صرخة عاليه ورحت فى غيبوبة مفقتش غير وانا بسمع صوت الامام بيصلى على ابويا فى ميكرفون المسجد اللى جنبنا .. وانا مش مستوعبه كل لما يقولوا اسم المتوفى والاقيه اسم ابويا احس ان فى حد بيمد ايده بيكتم نفسى بايد ويسحب قلبى بالايد التانية .. النهاردة فات سنة وكأن لسه كان بينا امبارح .. يارب الصبر من عندك .. يارب رحمتك .. يارب الجنه ونعيمها .. يارب الجنة ونعيمها .. يارب الجنة ونعيمها

Wednesday, September 17, 2014

دكتورة لميس جابر .. دعواتكو

انا من خلال المدونة دى عرفت الدكتورة لميس  جابر تحديداً فى 2011 بداية هوجة يناير اللى بيقولوا عليها ثورة 
الدكتورة لميس جابر فى وسط الهوجة وكله بيركب الموجه حتى اللى مش مقتنع باللى بيحصل كان بيخاف يتكلم اصل يتشتم او يتاذى هو واللى يشتدد له .. الدكتورة لميس جابر مش خافت ووقفت وقالت كلمة الحق .. لم تبالى بالاتهامات والشتائم لكن كان كل اللى يهمها مصر
ولانها مؤرخة قرت التاريخ وعرفت ان اللى بيحصل مش هيعمل حاجه غير انه يحمل الخراب لمصر
بعد المثابرة فى اثبات الحق وبالفعل الجميع اكتشف الحقيقة 
الدكتورة لميس جابر فى المستشفى بس انا واثقة انها تقدر على اى مرض مهما كان وان اى حاجه مهما كانت هى اكبر منها وتقدر تهزمها بقوتها وعزيمتها
انا بدعو الجميع انه يدعى للدكتورة لميس جابر بالشفاء العاجل


Thursday, July 10, 2014

مدونتى العزيزة وحشتينى

مش مصدقة انى انا اللى غبت كل المدة دى على بنتى حبيبتى ايوا ماهى المدونة دى انا بعتبرها بنتى ... كام شهر غياب خدنى السفر والاستقرار فى الخارج وبعدين الشغل وبعدين بدات اجمع نفسى من جديد وتأقلم مع حياتى الجديدة وكان لازم ارجع تانى لبنتى حبيبتى نحكى ونتكلم ونفضفض سوا .. فات احداث اد ايه مش عارفة ... ايه اللى حصل برضه كل اللى بعرفه عن مصر من خلال الانترنت والاصدقاء المقربين . لكن اكيد هيجى يوم تانى وارجع لوطنى واعرف كل حاجه عن قرب ما فى مشكلة .. ورمضااااان كريم

Saturday, February 22, 2014

مصطفى النجار .. اتلهى

:
" مايحدث الآن تشويه لثورة 25 يناير ... هل ترضون العودة لزمن الخوف .؟ هل يرضى المصري ان يجد لنفسه تسجيلا له مع زوجته في عرفة النوم ؟ "
_______________________________________
أنت كذاب يا درش و منافق ... فمع أختلافنا لكل نظام مبارك لم نسمع من قبل تسجيلا لأحد ( أي أحد ) مع زوجته في غرفة نومه ...ماحصلش ... لكننا سمعنا مكالمات ل ( عملاء ) يتحدثون عن سرقة ملفات أمن الدولة و قاموا بدور ( القوادين ) بإخفاء ملف علاقات نسائية لابن القرضاوي ... يا لهههههههوي يا كبييييير .... مصطفي : نصيحة مني أتلهي علي عينك و أسكت ... خلاص أنتم كروت و اتحرقت

Thursday, February 20, 2014

حادث سانت كاترين وجهة نظر

اولا: ما معنى ان يتوجه شباب و فتيات ليس بينهم صلة قرابة و لا زواج الى منطقة خلوية فوق الجبل بمفردهم؟
ثانيا: ما الغموض وراء اصرارهم على الصعود لاعلى جبل سانت كاثرين فى الشتاء فى درجة حرارة تحت الصفر بمفردهم و بدون اخبار احد و بدون الاستعانة بمرشد؟
ثالثا: ما الذى يضمن انهم لم يتحركوا بتلك السرية للقيام بمصيبة او كارثة او ربما للتربص لقتل او تفجير اى فوج سياحى يزور سانت كاثرين؟
رابعا: تلك التصرفات المريبة ما الذى يضمن انهم لم يتوجهوا للتجسس او التصوير لمنشئات عسكرية او لرصد الافواج السياحية من مكان عالى او لتسلم شحنات مخدرات او اى انشطة غير مشروعة؟
خامسا: ما هى انتمائاتهم السياسية؟ و هل لهم صلة بحركة 6 ابريل او الاشتراكيين الثوريين او الاخوان او منظمات التمويل؟
سادسا: ما المانع ان يكونوا قد قتلوا زملائهم لاى سبب ثم ادعوا انهم ضلوا الطريق؟ مطلوب فحص الجثث لئلا يكون تم قتلهم فعلا
سابعا: ما المانع ان يكون الهدف هو استدراج رجال الشرطة و طائرات الجيش بتلك الحجة لاصطيادها عبر الارهابيين؟
الموضوع مريب جدا و نرجو البحث فيه جيدا و استجواب الناجين

Thursday, February 13, 2014

بسم الحب

بسم الحب وبسم كل احساس جميل بين كل عاشقين 
بسم اول كلمة حب قولتها وعشتها وبسم اول لمسة حسيتها معاك حبيت فى اليوم ده اقولك انا 
بعشقك
بحاول اكتب لك واعبر لك لكن اكيد احساسى واصلك 
عارف انك بتكون جنبى وبشتاق لك 
عارف انك اول ما بتقولى خلاص الوقت عدى ولازم امشى قبل ما تتحرك من جنبى بافتقدك 

عارف انى بيك نسيت الدنيا كلها لانك بقيت انت الدنيا بالنسبة لى 
عارف احساسى بالوحدة وانت بعيد عنى هو اللى خلانى اعترف لك بأنى بحبك 
كتير بتمنى لو يكون عندى جناحين علشان اقدر اطير واوصل لك فى اى مكان انت فيه 
عايزة دايما عينى تكون شايفاك 
مش عايزة اعيش غير معاك وجواك حتى لو للحظات 

عارف احساس لما يظهر لك فى وسط الضلمة حب يخطفك من بين كل الناس حتى من نفسك ؟ يعرفك يعنى ايه راجل بيحب حبيبته ومالية عنيه مش شايف غير ها وراضى وسعيد بيها ؟!!
طيب عارف لما واحد ميبقاش ناقصه حاجه وشايفك انت كل حاجه ويسيب اى حاجه علشان يسمع صوتك ويطمن عليك  او يشوفك ان شا الله نص ساعه وانت وبس اللى فى حياته ؟!
طيب عارف لما حد مينفعش ينيمك زعلان مهما عملت ومهما حصل بينكم .. بتبقى خايف لزعلك منه يزعله لانه مش يستاهل منك كدا ؟! عارف الحنية دى والدفا ده ؟! 
عارف مش هقولك بحبك لان الكلمة كل اتنين حبوا بعض بيقولوها
لكن انا عايزة اقولك كلام خاص
بلغة مش يفهمها إلا انت