هو كله ضرب ضرب مفيش شتيمة
كل لما ادخل المصرى اليوم الاقى فى الصفحة الرئيسية صورة نظيف بيه اللى اثناء حلفه اليمين حلف ينظف جيوب الشعب وجنبه مانشيت طويل عريض يا اما زيادة فى الاسعار يا اما الاسعار فى زيادة
نفسى مرة قبل ما اموت اشوف كلمة زيادة فى المرتبات
مرة واحده بس فى العمر ياباشا وهدعيلك
ابشروا بقى
الدقيق الفاخر سعره زاد ....يعنى مفيش كيك ولا بسكويت بعد اليوم ... برضه الزيت سعر زاد .... لا قلية بعد اليوم ماله المسلوق يعنى ده حتى صحى ومفيد وهايل جدا فى الريجيم على الاقل الشوارع مش هيبقى فيها زحمة وهتبقى رايقه شوية ... اصلى كل لما اشوف واحده ماشية احس انها زحمة لدرجة انى بتخيل ان فى حد تانى لازق فيها ماشى وراها بس فى الاخر بكتشف ان كل ده واحد ... بدل بدل ما حتبقى اتنين فى واحد حتتفك وحتبقى واحد لوحده بس شوفتوا الحكومة قلبها علينا ازاى والنبى انا قربت احب الحكومة دى .. بس انا خايفه لما نبطل قلية وناكل مسلوق يقطعوا علينا المية هى اينعم كدا كدا مية مجارى وحمير ميته ومخلفات مصانع بس اهو الموجود يسد انما يقطعوها خالص كدا ارجع فى كلامى واكرههم .... قبل ما انسى كمان السكر برضه سعره زاد
وده الخبر اللى يفتح النفس على الصبح
الحكومة ترفع سعر الدقيق الفاخر والزيوت للمرة الثانية خلال أسبوعين
نفسى مرة قبل ما اموت اشوف كلمة زيادة فى المرتبات
مرة واحده بس فى العمر ياباشا وهدعيلك
ابشروا بقى
الدقيق الفاخر سعره زاد ....يعنى مفيش كيك ولا بسكويت بعد اليوم ... برضه الزيت سعر زاد .... لا قلية بعد اليوم ماله المسلوق يعنى ده حتى صحى ومفيد وهايل جدا فى الريجيم على الاقل الشوارع مش هيبقى فيها زحمة وهتبقى رايقه شوية ... اصلى كل لما اشوف واحده ماشية احس انها زحمة لدرجة انى بتخيل ان فى حد تانى لازق فيها ماشى وراها بس فى الاخر بكتشف ان كل ده واحد ... بدل بدل ما حتبقى اتنين فى واحد حتتفك وحتبقى واحد لوحده بس شوفتوا الحكومة قلبها علينا ازاى والنبى انا قربت احب الحكومة دى .. بس انا خايفه لما نبطل قلية وناكل مسلوق يقطعوا علينا المية هى اينعم كدا كدا مية مجارى وحمير ميته ومخلفات مصانع بس اهو الموجود يسد انما يقطعوها خالص كدا ارجع فى كلامى واكرههم .... قبل ما انسى كمان السكر برضه سعره زاد
وده الخبر اللى يفتح النفس على الصبح
الحكومة ترفع سعر الدقيق الفاخر والزيوت للمرة الثانية خلال أسبوعين
تعليقات
بس انت عارفه احنا اللى ساكتين على المهزله دى
ولاء
يالا البركة في ولاء
المهم ماري انطوانيت قالت لو الشعب مش لاقي ياكل بسكويت مكن ياكل جاتوه
انا بقول طالما هيبقى في ازمة في الكحك و البسكويت و البيتي فور
يبقى ملك الكبدة بينصح الشعب في الحالة دي انه ياكل دانش و سفلادة
ولا اقولكم عربية الكبدة مفتوحة
انتى بقيتى بنت هقوده ليه كته على الهكومه بتاعتنا مس هرام عليكى
وبعدين مس لازم يعنى زيت زيت العربيات كويس انتم مش فاهمين الهكومه بتاعت الاحنا بتهافظ على صهتنا
ايه ما علينا مش انا اكتشفت نظرية الغلايان بتاعت الزيت من بدرى واستبدلتها بغليان المياه هههههههههههههه
حرام عليكى بقى انا ناقصه ماعلينا انا كده زعلانه علشان الشوكليت بووول بتاعتى اللى بجيبها من مونجينى هتغلى
وبعدين مين طلع اشاعه دقيق فاخر ده
اسمها هاله فاخر بطلوا جهل
مش سايبينلك الهوا ببلاش ولا هاننكر بقي يا شعب قليل الادب
عايزين ايه تاني
الحكومه هاتعمل ايه ولا ايه سيبه البني آدم رخيص و متالوش تمن تعمل ايه تاني
سلام يا قطه
ما انا مقدرتش استحمل للظهر يا ولاء قولت لازم الخبر يبقى على الصبح مع ممج نسكافية من غير سكر علشان السكر غلى ومن غير كيك علشان الدقيق كمان غلى
طبها العيب فينا احنا
الناس بصراحة احتاروا فينا وعملوا فينا ما لا يعمل واحنا خرس مش بننطق
ازيك يا حضرة الملك
مع ان المفروض ان كلمة الملك دى حكر لشخص واحد بس والمفروض انت تغير اسمك
بس حسيبك شوية لو مش غيرت كلمة الملك هبهدلك فى محكمة الاسرة
المهم ياباشا
مش مهم بقى الشعب ياكلايه المهم اللى حاكمين الشعب جيوبهم تبقى عمرانة
الاهم بقى من كل ده
انا مش عارفه اضيف عندك اى كومنتات نافذه الكومنت مش متنشطة تفتكر انا دخلت فى وقت القيلولة وعملت لها ازعاج علشان كدا اعترضت ومش رضيت تخلينى اكتب فيها
شوف لنا الموضوع ده الهى يكرمك
اه انا بحقد عليهم بصراحة اصلهم بيرفعوا الاسعار ومبيدونيش نسبة من الزيادة دى
مش المفروض يسكتونى بحاجه علشان ابطل اجيب فضايح فى المدونة
انا مش عايزاها تعمل حاجه
بس تفضل واقفه كدا
يعنى لا تزود ولا تنقص
ممكن تقولى لهم ؟؟ووقتها حبوسك بوسة كبيرة
اه يا قطه بتقلبي علينا المواجع ليه
انهارده جبت ازازة زيت عباد شمس لقيتها ب 9جنيه وربع استغربت لاني كنت لسه شاريه واحده زيت دره بتسعه بس من كام يوم
منهم لله ربنا يورينا فيهم يوم
--------------------
أشكرك على الزياره وعلى مشاعرك الرقيفه
و المية مكتوب في جريدة الدستور إنهم حيغلوها بنسبة 200% يعني حتى المياه غليت
حسبنا الله و نعم الوكيل
طيب كويس ان مفيش شتيمة
و بعدين المية الملوثة = مفيش مية
ده لو مفيش مية و منعوها كان احسن
لانهم بيموتونا بالبطئ
ازعلى منهم ازعلى
ربنا يبدلنا خيرا منهم عن قريب
د.حمـــــاس
Excellent post!
Thank you.
have a good day
هو فعلا كلة ضرب ومفيش شتيمة
هي الحكومة كده بتضربنا وخلاص
اي حاجه دلوقتي بتغلي مش الدقيق بس
ولا زيت ولا الحاجات دي بس كلة بيغلي وبيغلي زيادة عن اللزوم بس العيب مش عليهم العيب علي اللي راضي بالمهانة دي وواقف مبيعملش حاجه وراضي باللي هو فية
تحياتي ليكي
كلو بسكوت
حسبى الله ونعم الوكيل
رغيف العيش بقى بربع جنييييييييه
وايه يعني لما السكر يغلى
ده كله عشان الحكومة بتحب الشعب وعايزاه يغني مع بعضه
والسكر غلي وانا احلي بايه
هتخليني اعيط يعني مش هاكل بسكويت بعد كده ععععععععععععععع
مهبول
بقول لماما الصبح الزيت سعره زاد والسكر لاقيتها بتبص لى من فوق لتحت وبتقولى هو انا ناقصة حرقة دم على الصبح ان شاء الله الاخبار دى مش اكيد
قولت لها يا ماما الدكتورة خمسة فضفضة كانت جايبة ازازة زيت ب9 جنيه اشترتها امبارح بتسعه وربع .. لاقيتها بتبص لى باستنكار وبتقولى خمسة فضفضة ربنا يكملك بعقلك يا بنتى وسابتنى ومشيت
الشعب بيتبطر على الجاتوه
حبيبتى انتى شرفتيى البلوج
المهم انا جاية العزومة
طيب تعالى نزعل سوا بقى
اصل العسلية سعرها زاد والمصاصة كمان
ما انا شوفت الموضوع
بس الحمد لله الوضع عندنا مطمئن
لاء ما هو انا زعلانه منهم خالص
لانهم ادونا على قفانا فى كل حاجه
واحنا مبسوطين بيهم وساكتين
thank's dear
have a good day to you
المشكلة ان الجميع بيعترض بينه وبين نفسه
تيجى تفوله اعمل حاجه يقولك وانا مالى عندى عيال عايز اربيها
الناس فضلت تمشى جنبى الحيط من الخوف لما بقوا زى الحشرات ماشيين جوا الحيط ولا حد قادر يتنفس
احنا اللى نستاهل برضه
دلوقتى يا حبيبتى ولا عيش ولا بسكويت
احنا ناكل فى نفسنا بقى
مش كدا برضه
احنا نقعد نغنى على خيبتنا
والضرب اللى بناخده على قفانا وفرحانين بيه
تصدق وجهة نظر برضه
وانا بقول بيجرفوا فى الاراضى الزراعية ليه
الدور بقى على البنى ادمين
ما هو المعلب ده برضه اقتصاد
انت ضد الاقتصاد ولا ايه ياريس
لا هتاكل بسكويت ولا عيش
كل بؤصمات
الدقيق الفاخر والزيوت دى رفاهية
خلاص الشعب استغنى عنها
اةةةةةةةةة ياااانا
حسبى الله ونعم الوكيل
يا مروة يا حبيبة قلبى احنا مش اتسغنينا عنها احنا اجبرنا على الاستغناء عنها
انا كان فى بسكويت بفطر بيه ب3.50 جنيه الصبح رحت اجيبه لاقيته ب 4 جنيه مالها يعنى شوربة العدس ولا بنص جنيه فول بس امانة عليكى انا عارفاكى جدعة وبميت راجل لو جرا لى حاجه تاخدى بحقى
منهم لله
ان الست اسعار هانم ماشيه علي حل شعرها
هو مش ن الأوان تلاقى اللى يلمها ولا هو يعنى الناس ناقصة
دى اسعار هانم دى زادت عن حدها اوى
مافيش يوم الا اما تحصل فيه مصيبة زي دي كل شوية يرفعوا سعر حاجه و سلعة مهمة
الناس دي ماعندهاش لا قلب و لا ضمير و عايشيين بينا اساسا
لو كانوا حاسيين بينا ماكنش ده بقى حالنا
الناس خلاص فاض بيها و الطوفان خلاص على الابواب
ليه بس كده البوست ده الواحد ما بيصدق ينسي ارتفاع سعار كل حاجة في كل حاجة
أنا لما والدتي دلوقتي تقولي انزل هاتلي طلبات باروح واخد ضعف الفلوس اللي كنت باخدها قبل كده
واقولها يمكن الحاجات تغلي لحد ما وصل للسوبر ماركت
بس للأمانة بضرب الباقي في جيبي .. إوعي تقوليلها ولا حاجة لاحسن تقفلي البلوج
بس بجد أنا مش عارف نفسي أقول لحكومتنا الرائعة جدا ( إلي متي ؟؟؟ ) اللي احنا فيه ده
ونفسي أقول لشعبنا اللي ألذ من الحكومة ده ( إلي متي ؟؟؟) الصمت
بس في حاجة أنا ما بحبش المسلوق .. أعمل ايه
كان معكم ..,
كيكووووووووووووو
البوست اللى فات اثر فيا اوى
ربنا يرحمه رحمه واسعه ويعوضك خير وتقابلى من النهارده وكل يوم ناس تقف جنبك وتحبك لوجه الله وانا كمان معاكى كلنا محتاجين لسند فى الدنيا دى
زى ما قلت عند مهندس مصرى احنا فى علينا مؤامره الحكومه حالفه ع المصحف تسرقنا لاخر قرش وتموتنا بحسرتنا وتخرب كل بيت مصرى
لكن ربنا منتقم جبار عادل ميرضاش بالظلم
ربنا معانا
الاسعار بترتفع عشوائيا...و ارتفاع غير مبرر... احيانا يقولوا الاسعار العالمية
و احيانا يقولوا الدولار...و احيانا يتركوا الناس تضرب رأسها في الحائط و يستخسروا التبرير او الشرح...
كيف يشعر المسؤلون بلهيب الاسعار و الفقراء...و طوابير الخبز.... و كوب الشاي المفضل لدي عامة الشعب...كيف
يشعر مسؤول بزحام المرور...و مشاكل الناس اليومية ...و هم بداية من رئيس
الوزراء الي الوزراء لهم ركب مرافق يفتح الطريق من أمامهم و يعطلوا خلق الله...كيف يشعروا بنبض الاغلبية الساحقة...الفقيرة و من هم فوق خط الفقر بدرجة...و هم لا يختلطون بالناس
و لكن اغلقوا الدائرة عليهم سواء بارادتهم او بارادة الحاشية من حولهم
الذين دائما يقولون كله تمام و ليس بالامكان أحسن مما كان.
كيف يشعروا...و الاعلام الرسمي يمجد و ابواق المبشرين بالفردوس و النعيم
و يسبحون بحمد التطور الاقتصادي...و استرداد الاقتصاد لعافيته.
المستشار جودت الملط ، رئيس الجهاز المركزي للمحاسبات ، قدم تقريره الي
مجلس الشعب ...و به ما به من مغالطات
و سلبيات الحكومة .... فكان الرد من احد المسؤلين الحكوميين تحديدا اثنين من
الوزراء ، ردا قاسيا لم يتضمن ردودهم علي ما قاله تقرير الملط...لكن كان هجوما شخصيا ...
اللهم وفق ولي الامر الي ما تحب و ترضي
وهيء له البطانه الصالحة التي ترشده الي الحق و الخير و تعينه عليه.
تحياتي و تقديري
يا ريت تبلغنى
الناس دى واخدانا سكة اللى يروح ميرجعش
حبيبتى فى مصل بيقول يا فرعون ايه فرعنك قال ملقتش حد يلمنى
هو ده اللى بيتعمل فينا بالظبط
طيب انا مش حقول لوالدتك بقى بس ابو قسم
ده احنا بلوجر زى بعض
انت المرة اللى جاية لما تروح تشترى حاجات من الماركت اعمل حسابك على ال3 اشعاف وان كفوا
ميرسى يا نسرين ده من زوقك
بالنسبة لموضوع المؤامرة
فاحنا كمان شركاء فيها
اصلنا عارفين وساكتين وخايفين على العيال اللى اساسا كدا كدا هيموتوا من الجوع
صح استاذى الفاضل كلام حضرتك لا غبار عليه
احترامى وتقديرى
شوفتى والنبى يا دودو يعنى وجهه نظرى مظبوطة
الحكومة بتحبنا وبتخاف علينا
وعايزانا نعمل ريجيم
ما هو محدش بيلعب رياضة الناس عايشه حياتها اكل وبس
ملقوش حل غير كدا
ربنا معاهم ويوفقوا
انا برضه بقول زيك كدا
احنا نحلم قبل ما يحجموها
الزيت سعره زاد تاني
اعمل ايه بس يارب
والدقيق راخر
طب انا بوفر واعمل الفينو في البيت يقوم يزيد تاني
حسبي الله ونعم الوكيل
الله يكرمك انك قلتيلي عشان ما اشتريش ولا ابصله اصلا
مدونتك رائعة ودمها خفيف
ادعوكي وزوارك لزيارة مدونتي بها مقال اهداء لغزة ولبدا القراءة زوروا هذا الرابط اولا
http://nonoymm.maktoobblog.com/
هستناكم
معلشى يا حبيبتى
اقلمى حياتك بقى على النهارده الزيت ب9 جنيه بكره بعشرة وهكذا
طبعا انا يشرفنى زيارة مدونتك
تحياتى
قالت لا مساس وفعلا لم يمس الكبار
وقالت لن نترك محدودي الدخل ، وفعلا لم تتركهم فى حالهم بل سلطت عليهم نيران الأسعار الملتهبة التى التهمت جيوبهم الفارغة أصلا
وقالت الحكومة أنها ستوفر مليون فرصة عمل ، ووفت بوعدها وقامت بالسماح ل 200 الف موظف أجنبى بالعمل داخل الأراضى المصرية ليزاحموا المواطن فى فرص العمل
انها الحكومة المصرية ، حكومتنا اللى عينها قوية وينضرب فيها رصاصة على وقاحتها وقباحتها وعدم حيائها
واخيرا مع هذه النكتة التى وصلتنى من المهندس أحمد (يامراكبى) عبر الفيس بوك
يروى أن صياداً عاد إلى زوجته
وهو يحمل سمكة كبيرة
طالباً منها أن تقليها في الزيت
فاعتذرت له الزوجة لأنها لا تملك زيتاً
بسبب إرتفاع سعر الزيت
فطلب منها الصياد أن تشويها
فاعتذرت له بسبب إختفاء الردة
وارتفاع سعر أنبوبة الغاز فى الأسواق
فطلب منها أن تطبخها مع الصلصة
فلما علم أن سعر كيلو الطماطم
قد وصل إلى خمس جنيهات
أخذ السمكة وألقاها غاضباً في البحر مرة أخرى
وهنا هتفت السمكة وهي في الماء
تعيش حكومة جمهورية مصر العربية
منقول
خالص مودتى
دمتم فى حفظ الله
لا فوض فوك سيدى الفاضل
ولا تنسى اننا فى مصر
اطلب ما تريد وستنال ما يريدون هم