مرسى مشرشحاً للشعب

مرسى قال هيقول خطاب للشعب طلع وقف ساعتين ونص فى قاعة المؤتمرات وفضل يشرشح ويفرش الملاية وينم ويجيب فى سيرة الناس على الفاضى والمليان من غير ادلة ويرمى اتهامات وبلاوى على الناس  لا لسبب مقنع الحقيقة وانما ظنا منه ان الناس لسه بتاكل من الكدب والخيبة والندامة والنصب اللى عملوه قبل كدا
لكن الناس خلاص فاقت ومرسى بدل ما يكشب شعبية من الساعتين ونص رغى ولت وعجن فقد الناس كلها وبئا مهزأة ومسخرة للصغير قبل الكبير 
خطابك ده تبله وتشرب ميته يا مرسى 
انسى انك توقع يا مرسى بين المصريين انسى ان يتعمل علشانك حرب اهلية انت اقل من كدا بكتير كلها ساعات وهترجع لنا مصر من بين ايديكو يا قتلة يا سفاكين الدماء يا ارهابيين .. والله لترجعوا مكانكو تانى جوا السجون يا مجرمين


تعليقات

‏قال كماله عدد
لا تنزعجوا
ليس علي مرسي حرج
‏قال فوزى


راحت عليك شوف لك ناس غيرنا احكمهم
‏قال أحمد
الخطبة كانت عاملة زى حكاوى القهاوى
‏قال مصرى
مرسى يجب أن يحاكم على كل أفعاله ..وعزله من وظيفته لأنه غير مؤهل لها
‏قال Nour Hassanien
علي فكرة .. مرسي كأنسان احيانا اشعر انه راجل طيب جدا

لكن مشكلة مرسي فى هي جماعة الأخوان المسلمين
مشكلة مرسي هو الجماعات الأرهابية اللي خرجت من السجون واصبحوا نجوم فى الفضائيات .. يطلقون صواريخ الترهيب والتخويف علي المصرين..

سبب سقوط محمد مرسي.. هو اهله وعشيرته
‏قال Mohamed Samir
فكرتني بخطاب محمد صبحي في مسرحيه تخاريف ....لان كل اللي قلته تخاريف اللي كان ناقص تقول
( الشعب ده بتاعي ..كان بتاعك يا كابتن )
‏قال م.وائل
البلد وحشه يا محمد فيها مجزره في المنصوره ..ربنا يستر علينا جميعا
‏قال Mohamed Ramadan
كل الى اقدر اقوله كل كلامك متناقد يامرسى/حذبى الله ونعم الوكيل
‏قال Abdelrhman Atef
لا تنخدعوا يا شعب مصر من هذا الرئيس فهو لا يقول شيئا الا مرتبا من قبل الاخوان والمرشد فانه لا يعرف ان يفعل شى فى نفسه وانا نفسه اقوله خلاص شعب مصر فاق ومش بينخدع تانى وارحل بقا يا شيخ احنا قربنا نكره مصر من كتر ما انتوا ماسكين فيها يا ظلمه

المشاركات الشائعة