اخر خدمة الاخوان ... الفاتيكان

وهكذا ومثلما راينا ونرى كل يوم من الحركام الكت مش بس النص كوم من الاخوان تمت اقالة عبدالمجيد محمود النائب العام من منصبه وتعيينه سفيراً للفاتيكان .... طبعا كان فى حشد من الاخوان ضد الاخوان لمظاهرة بكره فى التحرير علشان البراءة الجماعية لمتهمى موقعة الجمل اللى هما فى الاساس مش متهمين ... وطبعا كان فى حساب وعقاب على الـ 100 اللى فاتوا من غير اى تقدم بل كل اللى بيحصل تأخر ورا تأخر يتبعه تأخر .. وبما اننا شعب عملى جدا اوى خالص ومش بينسى اى حاجه وفى الشدة شديد وفى القوة قوى فالمظاهرات انقلبت لافراح وحفلات وليالى ملاح مش بقول شعب هااايل بقى بالذمة حد يلاقى شعب زى ده ومش يستموت علشان يحكمه ؟!!!! طبعا عبدالمجيد محمود انا مش زعلانة عليه خالص اه والنعمة لانه  ياما قدم ناس محترمة للمحاكمة بناء على رغبة الاخوان وياما حول بلاغات كيدية ومعروف انها كيدية للمحاكمة حتى اسالوه عن البلاغات التافهه اللى بيقدمها عصام سلطان ضد الفريق شفيق لحد دلوقتى .. ده ناقص  عصام سلطان يعمل بلاغ فى احمد شفيق يقول عليه بيطلع له فى المنام ... بس فى نفس الوقت فى رسالة برضه قوية من اقالة عبمجيد محمود بصرف النظر عن اخوانة الدولة قبلا وقالبا وانه غير قانونى ان مرسى يقيل النائب العام .. بس ده العادى واحد سارق كرسى الحكم وواخده بالبلطجة وتهديد بحرق البلد يبقى قانون ايه ده اللى بنتكلم فيه .. لازم بعد كدا اللى يجى اما احكام القضاء تبقى كلها بتاعتنا وعلى مزاجنا والا هيبقى مصيرك الفاتيكان