ونعم واكرم باحترام المعارضة

اعلن الشباب انهم نازلين يوم 12 اكتوبر لمحاسبة المورصى عن الـ 100 يوم اللى قال انه فى خلال 100 يوم هيخلى مصر باريس التانية قوم ايه راح اقال النائب العام علشان يعنى كدا الناس هتتبسط وتنسى قبل العيال ما تنزل بيوم واحد راح برضه نزلوا قوم ايه المليشيات الاخوانجية نزلت لهم وبقى الدم سايح فى ميدان التحريض .. لسه فى حد معترض على ان الهوجة اللى حصلت فى 25 يناير دى كانت اخوانية؟ لسه فى حد معترض على ان الطرف الثالث هما الاخوانجية ؟! لسه فى حد معترض على ان مرسى سرق الكرسى بالبلطجة وقلة الادب والتهديد بحرق مصر ؟! لسه فى حد بيقول عليه رئيس منتخب ؟! 
الغريب والمدهش ان بعد ضرب الثوار وقتل واحد فى محمد محمود وفقع عيون وضرب الخرطوش طلعت القيادات الاخوانجية تقول اللى فى الميدان دول مش الاخوان .. راح الشباب الطاهر مولع فى اتوبيسات الاخوان اللى فى طلعت حرب سبحان الله الاخوان مش فى الميدان لكن اتوبيساتهم هناك .. طبعا موقعة الجمل اللى ملفاتها كلها عند النائب العام وتدين الاخوان لازم تتحرق ويتولع فيها طالما قولنا لعبدالمجيد محمود امشى قالهم مش ماشى راح الكابتن العريان واخدالعيال وطالعين على دار القضاء وربنا يستر من اللى جاى