لو اخوك ظابط جيش انزل اشتغل بلطجى

لا اقصد من كلامى مهاجمة الجيش المصرى ولست من المتحولين فانا ما زلت عند موقفى بان الجيش المصرى هو خير اجناد الأرض ومشكلتى الشخصية ليست مع احد من جنود او ضباط او قيادات الجيش المصرى ولكن مع بلطجى اخيه ضابط بالجيش الثانى الميدانى بالاسماعيليه يعمل بالبلطجة محتمياً باسم اخيه الضابط ... فعندما تواجهك مشكلة سواء كنت ذكر او انثى لا تتردد فى الاتصال بالمدعو عبدالمنعم سرحان فهو فاضى طول الوقت وفى خدمتك بيحب يضيع وقت فى الخناقات مع البشر وفى الاعتداء عليهم وفى التهجم عليهم فى اماكن عملهم وفى بيوتهم ان لزم الأمر لو انت حد مضايقك اتصل على عبدالمنعم أحمد سرحان فهو له ظهر يحميه اما نحن فلنا رب يحمينا وهو اقوى من الظهر الذى يحميه والذى يبلطج بحسه وباسمه فاخوه ظابط الجيش الذى يتحدث عنه عبدالمنعم وكأنه المشير طنطاوى ان فكرت واعترضته يقولك انا هتصل على اخويا يبعت فصيلة تقفل المنطقة كلها وان فكرت تعمل محضر فى اى شخص سرقك او اعتدى عليك مش تخاف اتصل على عبدالمنعم سرحان هيدخل القسم ويعزم على المأمور بسيجارة ويقوله انا اخويا عقيد فى الجيش وانت عارف ان الجيش هو اللى بيحكم البلد دلوقتى واللى احنا عايزينه يتعمل اصل انا ممكن اتصل بمحمد بيه وهيكون قراره امر اعتقال مباشر لاى حد مش يعجبنى او يعترض طريقى .. المشكلة حدثت بينى وبين احد الجيران فلن يأتى احد من اقاربها او اخوتها بل من رأيته شخص طويل بطول السنة السودة عريض المنكبين على مناخيره نظارة كعب كوباية دخل مثل التور الهايج واخذ يزعق ويشوح وانطلق فى الثرثرة كما ينطلق نثار الريق عند العطس .. كان باين من سفالته مدى انحطاطه الادبى والاخلاقى فكما تعلمنا ان الشتائم هى الثروة اللغوية التى يخفى بها المتخلفون ضحالتهم لذلك تحفظت ولم انزل لمستواة الذى ينم عن مدى حقارته وانحطاطه الاخلاقى ، تخيل واحد لاول مرة فى حياته يشوفك وكأنه داخل يخلص منك تار بايت يبقى ده ايه غير بلطجى معتاد الاجرام .. كبر الموضوع واخذ اكبر من حجمة الطبيعى فما كان من البلطجى عبدالمنعم أحمد سرحان الا انه كان فى اول الصفوف لممارسة بلطجته ولما سالت عرفت من هو هذا البلطجى وعن من خلفه ومن يشجعه كان اخوه السيد المحترم ضابط الجيش الذى يحميه محمد أحمد سرحان.. فان نزلت الى المقاهى والغرز التى يرتادها هذا البلطجى وسالت عليه يكون الرد من جميع الحضور مش ده اللى اخوه ظابط فى الجيش ابعد عنه اصل اخوه يحبسك ... انا بقى عايزة اعرف النهاردة شغلانة الجيش المصرى ايه ؟ عايزة اعرف الحماية المفروض لمين ؟ عايزة اعرف السيد البلطجى واخيه حامى الحما بيعملوا فى البلد دى ايه ؟ وياترى كل بلطجى النهارده اخوه ظابط فى الجيش ؟