عن مسيحي العامرية اتحدث

نتشدق جميعا بان مصر ام الدنيا وابوها ولكن اذا تحدثت مع اى مصرى مهما كان مستواه الطبقى او العلمى فسوف تفاجا بالتصنيف من خلال كلامه فهذا صعيدى وذاك فلاح هذا مسلم وذاك مسيحى ويا سلام لو بهائى يبقى كافر وابن تلاتين فى تسعين رغم التصنيفات والعنصرية ما زلنا ايضا نتشدق باننا احفاد الفراعنه ، هأ هأ الفراعنة اللى لو طلعوا تانى وشافونا على حالتنا التى لا يرثى لها بالتاكيد هيتبروا مننا .. شاب وفتاة زى اى شاب وفتاة فى الحياة حدثت بينهم علاقة عاطفية .. لكن انه لجرم عظيم البنت مسلمة والولد مسيحى ازاى الفاسقة دى تحب مسيحى لكن رغم كدا مفيش حد قرب من البنت ولا كلمها ولا طرد اهلها من بيتهم .. كل الاتهامات كانت للولد الفاجر الفاسق وتم طرده هو و8عائلات مسيحيه ايه ذنبهم الله وحده اعلى واعلم .. القرآن بيقول ( لا تزر وازرة وزر اخرى ) لكن الإسلاميين كان لهم راى تانى حيث انهم اجبروهم على الهجرة من بيوتهم وسرقوا بيوتهم وحرقوها الاسلاميين تجار الدين وبيغلفوا كلامهم بقال الله وقال الرسول عند هذا الحدث تناسوا الله وتناسوا السرقة وسرقوا وحرقوا وطردوا الناس من بيوتها مش دول الاسلاميين اللى صدعونا بعايزين اختى كامليا ؟؟ كل ده لان الولد مسيحى حدث منذ فترة ليست بالبعيده ان قام سكان المنيا بقتل شاب مسيحى فى الشارع على مرأى ومسمع من الجميع .. ليه قتلوه ؟ اصل الولد ده اتقفش فى بيت دعارة مسلم .. وطبعا بيت الدعارة المسلم لا يصح ولا يجوز انه يدخله داعر مسيحى بل لازم يكون داعر مسلم .. ومن هنا اوجه نداء لكل فتاة اقفلى قلبك يا حبيبتى الناس مش ناقصة حرق بيوت ولا سرقه ولا هجرة ولكل داعرة ابقى شوفى البطاقة الاول واعرفى الديانة قبل ما تمارسى الرذيلة عمر الناس مش بعزئه