يعنى إيه ثورة 25 يناير



يعنى إيه ثورة 25 يناير،،،
يعنى تطالب بالديمقراطية وأنت أول واحد يرفض نتائجها
يعنى تطالب بالكرامة وتهين الشعب اللى أختار (نعم)
يعنى تطالب بتحسين المرتبات وتحرق ممتلكات الدولة والمنشأت العامة
يعنى تختار رئيس وزراء ولا يحقق شئ
... يعنى ترفض رئيس وزراء وهو اللى هيحقق كل شئ
يعنى تنزل مظاهرة مندد بقتل 6 جنود على الحدود وتنزل أنت تقتلهم فى وسط البلد
يعنى تعمل دعوة للحفاظ على الجيش وتنزل تقاتل فيه فى وسط البلد
يعنى ترفض تشوية الثوار وتنزل تشوه فى الجيش
يعنى ترفض وجود حد فوق القانون وتقول الثورة خط أحمر
يعنى تطالب بنهضة مصر وبإيدك أنت تهدمها
يعنى تطالب بحق الشهداء وتأخد فلوس أكتر من شهداء أكتوبر
يعنى تقول أن فى بلطجية مندسيين وأما يموتوا تقول عليهم شهداء
يعنى تطالب بحرية التعبير وأى حد ينتقدك يبقى فلول
يعنى تجرى وراء رأى النخبة السياسية وهم فى الحقيقة النكبة السياسية
يعنى تقول الثوار أطهر ناس فى مصر ونوارة نجم واحدة منهم
يعنى تنتقد الجيش عشان أعلن عن التمويل بدون عمل أى فعل
وأما يقتحم مؤسسات المجتمع المدنى تنتقده
يعنى تأخد تمويل أجنبى وتقول إشمعنى الحكومة كمان بتأخد معونة
يعنى تعادى أمريكا وإسرائيل وبإيدك تنفذ مخططاتهم فى إسقاط الجيش
يعنى محطة الضبعة تفجر بديناميت وتنقد تصريح الجيش بوجود طرف تالت
يعنى تحرق المجمع العلمى بأسلوب منظم وتنقد تصريح الجيش بوجود طرف تالت
يعنى تمسك بعد أحداث ماسبيرو شخص فى شرم الشيخ ببندقية قنص
وتنقد تصريح الجيش بوجود طرف تالت
يعنى يتمسك 3 اشخاص بيرموا مولتوف على الداخلية فى أحداث محمد محمود
وتنقد تصريح الجيش بوجود طرف تالت
يعنى أتنين يتمسكوا ببنادق قنص بعد أحداث محمد محمود
وتنقد تصريح الجيش بوجود طرف تالت
يعنى إسرائيلى وأوكرانى يدخلوا بنادق ألى زى المستخدمة فى الجيش والشرطة
وتنقد تصريح الجيش بوجود طرف تالت
يعنى عدوك يعترف فى 2003 و 2005 بمخططاته ضدك وأنت تنتقد نظرية المؤامرة
يعنى عدوك يرسم خرائط تقسيم الوطن العربى وانت ترد وتقول تقسيم إيه ياراجل
يعنى العراق تنضرب وتتقسم بحجة الديمقراطية وأنت تصدق وترفض نظرية المؤامرة
يعنى السودان تتقسم وترفض نظرية المؤامرة
يعنى ليبيا تنضرب وتحتل وترفض نظرية المؤامرة

تعليقات

‏قال ISLAMAZ
هو الحقيقة الاجازة مش علشان عيدالشرطة ولا عيد ثورة 25 يناير............

دى بمناسبة عيد ميلادى
بس الواحد مش عايز يتكلم!!!!!!!!!!
ههههههههههههههههههه
‏قال محمد أحمد
يوم 25 ينار 2012 هو عيد الشرطة والسبب أن الثورة لم تنتهي وتولد بعد ومازالت في الرحم كيف نحتفل بعيد الثورة واحنا حاننزل يوم 25 يناير القادم ونطلب نفس الطلبات اللي طلبناها من سنة فاتت ولم ينفذ منها أي شئ .
‏قال مجدى رمضان
لايعقل الغاء يوم الشرف والكرامة ومحو بطولات رجال الشرطة الشرفاء فى هذا اليوم فى الاسماعيلية ضد قوات الاحتلال الانجليزى والثورة الحقيقية كانت يوم 28 يناير يوم النصر الحقيقى وانهيار النظام ولنكن منصفين ولا ندمر تاريخنا العظيم بجهل اعظم
‏قال REBEL
دنيا ملهاش عازة والصحاب فى اجازة

هو تكريم الثورة بأجازة ؟

هو فية ثورة اساسا ؟

هو فية اية ؟
‏قال منار
يارب تكتمل الثورة على خير
‏قال حسن الوكيل
تعساً للثورة – تعساً للحرية
‏قال Assem Aly
اسمحى لى يا قطة باضافة صغيرة
*يعني تكون ثورة جميلة بتطالب بالديموقراطية واحترام الراي الاخر بس اي حد يعارض اي حاجة فيها يبقي في قائمة العار و كلب و عميل النظام وليه مصلحة مع نظام العهد البائد
* يعني اما نشوف ضابط شرطة في الشارع نتريق عليه ونتلم عليه ونضربه و نبقي احنا الضحايا
‏قال مصطفى
يعني كل الشباب في الشوارع بتنظف عشان حسني مبارك هو اللي كان بيقول لهم ارموا الزبالة في الشوارع
‏قال zeina
الصبر من عندك يارب
‏قال Unknown
زي شهيد صاحي ولا يموت
بيصحيكي بعلو الصوت
عمر أمانك واستقرارك
ما يكون سجن ف قلب تابوت

قومي يامصر السكة طويلة
عدت سنة مجنونة بخيلة
اوعي تهاودي الظالم ياما
اوعي تعدي عليكي الحيلة

يوم 25 الماضي
مش مرتاح لسه ومش راضي
مش عارف يتزوق عيدك
قبل مايسمع حكم القاضي

جاي لك بعد السنة ماتعدي
لساه غضبان كلو تحدي
ويقولك لساه جوايا
نفس الحلم الصافي الوردي

ازاي يصبح لجلك عيد
ازاي والحرية بعيد
لسه الحكم ف ايد العسكر
لسه ف أرضك عبد وسيد

يوم 25 الماضي
مش مرتاح لسه ومش راضي
مش عارف يتزوق عيدك
قبل مايسمع حكم القاضي


هنكون أوفياء لدماء الشهداء
الثورة مستمرة....حتى تستكمل اهدافها كاملة
عيش...حرية...عدالة اجتماعية

المشاركات الشائعة