المجموعة السلفية
مجموعة أفراد لابسين الجلابية المينى وعاملين فى وشهم مقشات تقريبا تتلاقى فى الطول مع طول الجلابية ومنتشرين عندى فى ارجاء المنطقة فى ايديهم اليمين ورقه وفى الشمال كارنية .. يبتدوا يقدموا نفسهم بكلمة انت عارف الشيخ محمد حسان ؟ طبعا يكون الرد ايوا عارفه يروح مطلع لك الكارنيه اللى هو عبارة عن ظهر الكارنية صورة للشيخ محمد حسان ووش الكارنية صورة الاخ اللى واقف يكلمك وبياناته وفوق على الكارنية جملة المجموعة السلفية .. وليست الجماعة السلفية عبارة عن ايه المجموعة دى وهدفها ايه بقى يا حضرات ؟ اثناء 25يناير كان الشيخ محمد قطران منزل اعوانه منتشرين فى الميدان لانهم كانوا فاكرينها سايبة وبمجرد ان الرئيس مبارك تنحى يبقى محمد حسان يتزف على الحصان الابيض فى ميدان التحرير ويعينوه خليفة المسلمين فات شهر وفى خلاله اتغيرت حاجات كتير العيال بتوع التحرير مش بيتجمعوا غير يوم الجمعة وغالبا مش بيكون عددهم كتير وده اللى انا شوفته بنفسى يوم الجمعة الشباب اللى كانوا موجودين هناك ماشيين على طريقة خليك فريش احنا فى رحلة ودى جى ورقص وغنا وعالم رايقه اما اغلب اللافتات اللى كانت موجودة وهى شعارات وصور اخوانية فاصبح اللى شال الموجه كلها مش بس ركبها هما الاخوان كل لما حد يتكلم يقولك الاخوان اللى قاموا ب25يناير والاخوان اللى شالو مبارك والاخوان الراجل اللى ورا عمر سليمان .. فى الحالة دى السلفيين حسوا انهم خدوا الخازوق الاعظم فى التاريخ .. راح الشيخ محمد قطران مجمع جرابيعه ومعاهم كل المنشقين والمطرودين من الجماعات الدينية بما فيهم المنشقين عن الاخوان .. وراحوا عاملين خيمة كبيييييرة قافلين بيها الشارع كله ودى لتجمع الدقون ووراها خيمة صغيرة ودى لتجمع المنقبات هو قفل الشوارع ده مش تعطيل لمصالح الناس وهل وقف حال مصالح الناس عند السلفيين الجهابذة بقى من الإيمان ؟ هل تشويه الحيطان اللى كاتبين عليها شعارتهم فى الشارع ده من الايمان ؟ هل الاطفال الصغيرة اللى جايبينهم ملبسينهم الجلابية البيضا والبنات الصغيرين اللى عمرهم لا يتعدى ال5سنوات وملبسينهم نقاب وكاتبين على صدورهم عايزنيها اسلامية ومستعد اموت من اجل الاسلام ده من الايمان ؟ يعنى ايه طفل صغير بدل ما اعلمه كلمة محبة وتسامح وقبول الآخر اعلمه القتل وسفك الدماء ؟ هل من شهر كان كلاب الاخوانجية والسلفية يقدروا يعلنوا عن نفسهم ويعملوا مؤتمرات يقفلوا بيها الشوارع بكل تبجح بالشكل المريع ده ؟ لكن رغم كدا مبسوطة انهم فعلا بدأوا شغلهم وجهادهم العلنى والاخوان يركبوا الموجة والسلفيين يواجههوهم بالثورة المضادة وياريت تبقى بحور دم ويبقى شوية اوساخ خلصوا على بعض وخلصنا
تعليقات
قادر يا كريم خلي البلد تنضف
قادر يا كريم
خلي البلد تنضف
النهاردة بيرسموا شعارات على الحيط
انا عارفه شعورك وقتها كان ازاى
عايزاها سداح مداح والشباب يسكر فى الشوارع والبنات تمشى عريانة اصل الحكم الدينى عاملك حساسية
كل اللى سمعته من تعليقات الناس هو أنهم عالم عاملة دماغ و محدش من المصريين اللى فى الشارع يعنى العاديين بياخدهم على محمل الجد يعنى
الخطر الإخوان
صدقينى بتمنى من كل قلبى انهم يقعوا فى بعض ونخلص
شوفتى الفرق يا نور
خايفة الشهر اللى جاى يشيلوا البلد بالحيط
فى الشرقية
هو حد يقدر يتدخل
الجنازير جاهزة على طول
ايه الفضايح دى يا مروة
انا اللى مرعوب ولا انت يا محمد ولا كلنا مرعوبين ولا ايه النظام
ربنا يستر
هو مفيش اختراع لكلمة وسطية ابداً يا امة الوسطية ؟
هو يا اما اعين نفسى مكان الله على الارض يا اما تبقى سكر وعرى ؟
ماهو مش مضيع البلد غير بتوع محو الامية امثال حضرتك
ماهى بقت سايبة مش يشتغلوا زى الفل ليه
ماهى المشكلة الاكبر فعلا فى الاخوان بس انا اتمنى ان السلفيين يقلبوا عليهم وتبقى حرب ضروس