أن تكذب أكثر

أن تكذب أكثر تقدر تلم حواليك اكبر قدر من الغوغاء والمغيبين والمتخلفين والجرابيع واللى عايزينها فوضى
ان تكذب اكثر وتتفنن فى استخراج الاشاعات وبعد ما تحقق اللى انت عايزة تقول هيييييه ضحكت عليكو انا كان لازم اطلع اشاعات علشان الشباب يبيتوا فى الميدان ونجوزهم اخر اليوم امال ايه ده فى ازمة عنوسة فى مصر ولازماً وحتماً ولا بد تتحل وكانت الفكرة فى خيام ميدان التحرير واهو كله بثوابه عقبال البيبى كدا لما يجى هو كمان من ميدان التحرير .. ان تكذب اكثر يعنى تقدر تجذب بتوع العشوائيات واهم كدا كدا مبيتين فى الشوارع بس الفرق ان فى حد كان بيونسهم فى التحرير ومنه بيضيعوا وقت ومنه جهاد فى سبيل الله كما فعل الاخوانجية والسلفيين وساعدهم فى ذلك الجرابيع والمغيبين
ان تكذب أكثر على نهج قناة الحقيرة المسماة قديماً بالجزيرة وتختار الاوباش والجرابيع فى ظهورهم على شاشتها علشان الناس يقولوا يا حرااام شوفتوا المصريين معفنين إزاى ؟ والهدف الحقيقى تسأل عنه قطر
والسؤال التانى برضه لقطر دلوقتى الدول العربية معظمها عامل مظاهرات امال فين تغطية قناة الحقيرة ؟ ولا هى مصر كانت ولا زالت الهدف المنشود ؟
ان تكذب اكثر لما يطلع لنا واحد زى وائل غنيم اللى عليه الف علامة استفهام ويقول انه قائد وزعيم ويقعد يعيط لنا شوية فى التمثيلية الهزلية اللى قام ببطولتها بمساعدة منى الشاذلى .. ان تكذب اكتر ان يبقى جروب خالد سعيد اللى وائل غنيم يدعى انه عمله يبقى شغال رغم ان النت فاصل فى مصر كلها ووائل على حد قوله كان معتقل وقالوا الادمن التانى بره مصر وهو اللى كان مشغل الجروب فى نفس الوقت الادمن التانى كان كل شوية يكتب على صفحة الجروب انه نازل ميدان التحرير دلوقتى .. منين بره مصر ومنين نازل ميدان التحرير ومنين اساساً نت ومصر كلها مفصول عنها النت ؟
ان تكذب اكتر يطلع احمد ماهر بتاع6ابريل اللى كان بيعيط فى امن الدولة من سنة ويقولهم انا ماليش دعوة ب6ابريل انا ماشى جنب الحيط وعايز اربى بنتى ميار يعمل فيها زعيم وثورجى وبطل لكن للاسف بطل من ورق وياريت نشوف الفديو ده علشان نعرف قناة الحقيرة كانت بتعمل ايه فى مصر قبل25يناير وكيفيه البروفات والتدريبات مع احمد ماهر وشوية جرابيع حواليه وغير مناظر البنات اللى معاهم استغفررررر الله العظيم شكلهم زى الصورصار اللى لسه نازل من على الحيط بشبشب


تعليقات

‏قال amr
تصدقى انا نفس السؤال ده هيجننى ليه فين تغطية قناة الجزيرة للبلاد العربية التانية اللىف يها مظاهرات
وبعدين الفديو اللى انتى منزلاه ده يا حنان مصيبة لوحدة العيال دول بيقعوا واحد ورا التانى وفى اغبياء كتير ساعدوهم فى خراب البلد لكن ساعدوهم لمجرد انهم اغبياء لا ليهم فى القبض ولا فى الاجندات
‏قال اسامه
انا عارف الواد احمد ماهر ده يا حنان الواد ده انتهازى جدا مستنينه يقولنا قناة الجزيرة كانت بتعمل ايه معاه قبل 25 يناير
وكانوا بيستعدوا لحرق البلد ازاى
‏قال غير معرف…
ههههههههههههههههه
هههههههههههههههه يخرب عقلك يا قطة
انا هموت من الضحك على البنات اللى شكلهم عامل زى الصوصار اللى نازل من على الحيط بشبشب
‏قال بكره تندموا يا مصريين…
قلبت من ثورة لسبوبة وكله بيقلب رزقه واهو الرزق يحب الخفية
‏قال مصرية
هى الناس دى جنسها ايه
واحد مسمى نفسه راجل دين وجاى يعمل فتنة ويزود فى خراب البلد
وشوية شباب عاملين نفسهم ثورجية ومناضلين واللى يدور على حقيقتهم يلاقيهم لا يستحقوا حمل الهوية المصرية
لك الله يا مصر
‏قال غير معرف…
انتى بتجيبى الفديوهات دى منين
‏قال Boneta
انا بقي عندي سؤال هايجنني وهو
فين شباب 25 يناير اللي نزلوا من يوم 25 الي يوم 28 ؟ ذهبوا مع الريح ولا راحوا فين؟ يعني هما بدأو شيء كويس واختفوا فين ؟هل عاجبهم القرضاوي وهو عامل فيها امير المؤمنين ؟ هل كانت مطالبهم تحويل مصر لافغانستان وايران ؟ ولا ايه بالظبط لاني انا مستفزه من سلبيتهم وسكوتهم وهما شايفين مصر رايحه تنتحر.
ممكن يكونوا خايفين يتكلموا لان طلع وحووش علي الساحه ؟ بس اللي خلاهم طلعوا واتحدوا الرصاص يبقي خايفين من ايه؟
اما قناه الحصيره فا دي بوق للاخوان وحبيبه قلب العوا وامثاله واللي من خلالها ولع علينا الدنيا لما قال ان فيه اسلحه في الكنايس واسود في الاديره وان الدمار هايكون علي جثث الاقباط
وقتها المغيبين صدقوه لانهم عاوزين يصدقوه ولكن لما الموضوع اتعلق بأمن البلد كلها افتكروا يهاجموا الخنزيره ويحجبوا البث
بعد ايه يا ناس يا معدومه الضمير بعد ما سبتوهم يخربوا بين المصريين وينشروا الكراهيه بين المسلم والمسيحي
العيب مش ع الجزيره يا حنان لكن العيب علي المصريين اللي قاعدين فيها وبيحرضوا الناس علي بعض
دول نقول عليهم خانوا بلدهم بجد
‏قال Desert cat
amr

ماهى لما تخرب يا عمرو هتخرب على الجميع ده اذا كانت لسه مش خربت
اصل المخربين والمستفيدين خايفين يقفوا عن نشاطهم اصل القبض يقف عليهم
‏قال Desert cat
اسامه

عايزة يقولك ايه يا اسامة
هيجى يقولك امشى يا خاين يا عميل انا وطنى وانت عارف وطنية الايام دى ولع فى البلد تبقى وطنى وحامى الديار
‏قال Desert cat
Anonymous

ماهى حاجة تقرف بصراحة
كل واحدة قاعدة شبه ابو قردان وفاكرين نفسهم ثورجية
‏قال Desert cat
بكره تندموا يا مصريين

فعلا هى قلبت من ثورة لتكوين ثروة والباقى مفهوم
‏قال Desert cat
مصرية

القرداوى اخد الجنسية القطرية وبالتالى المفروض ينضرب بالجزم لما يتكلم عن مصر
اما العيال السافلة التانية دى فعلا المفروض يكون مكانهم السجون
‏قال Desert cat
Anonymous

بجيبها من التلاجة
ههههههههه
‏قال Desert cat
Boneta

انتى متأكدة ان اللى حصل ده يستحق يسمى ثورة يا بونيتا ؟
اولا طالما الجيش اللى بيحكم يبقى اسمه انقلاب عسكرى
ثانيا وده المهم فعلا مصر تتأسلم والجيش بيساعد فى ده
والا تفسرى بايه لجنة تعديل دستور 3 اخوان ده غير طارق البشرى العنصرى المتعصب ؟
شباب 25 بدأو اللعبة لكن مش قادرين ينهوها واكبر دليل وائل غنيم لما راح يطلع على المنصة يوم الجمعة كلاب القرضاوى طردوه وكانوا هيضربوه لكن الجيش عو اللى انقذه
فعلا مصر بقت افغانستان مش لسه هتبقى

المشاركات الشائعة