حاسة إنى عايزة أطير
أصل المطر ده كان بداية للحب ومن خلال المطر ده رويت أجمل شجرة علشان كدا بفرح أوى بيه لأنه كل لما بينزل أكيد بيرويها .. منه رسمت أجمل حلم وعشت أرق وأقسى وأجمل واصعب مشهد حتى لبعد ما أموت مستحيل أنساه .. كان بينا طاولة شهدت على كلمتين وفنجان قهوة ومج نسكافيه بلاك سمعوا أحلى قرار .. من النهاردة قررت أكون معك
بعشق الشتاء بغموضه بحسه رومانسى أوى ورغم هدوء لياليه إلا إن ضجيج قلبى دايماً عامل قلق ومش بيهدى إلا إذا سمع صوت المطر أحب أوى أستمتع بيه وقت الفجر واتفرج عليه وهو ينساب على نافذتى بكل رقة وهدوء مش عارفه ليه بيكون نفسى أحضنه لأنى دايماً بحس بهمسه ليا " تفائلى " لسه الحياة مستمرة ولسه الأمل موجود
الجو النهاردة هيجننى
مش لاقيه كلمة توصف سعادتى لسه بتأمل قطرات المطر
ولسه براقب جماله بس خدنى لشعور غريب أوى بالحنين لطفولتى ولسنين عدت من عمرى شريط من الذكريات لونه وردى وكأنى بتفرج على فيلم الأحلام
خلاص زهقت من ظلم البشر
نفسى أجرى نفسى أصرخ بأعلى صوتى من غير ما حد يسألنى أنتى بتعملى كدا ليه حاسة أنه يحتوينى بستمتع أوى بريحته
تعليقات
يا سنيني اللي راح ترجعيلي. ارجعيلي شي مرة ارجعيلي. ردي لي ضحكاتي اللي راحوا.
يارب ماكُونش لخبطت في اللبناني لاني ضعيفة فيه شوية. يالله أهي فرصة نتكلم شوية في الحب والمطر والسنين اللي مش حترجع.
هو أنا متشائمة شوية ولا دي من المرات النادرة اللي باقية اللي حنتكلم فيها عن شيء ادمي. الايام الجاية مش حتبقى عاطفية خالص. صح؟
مصرية من كندا.
خلاص النهاردة يوم الفرحة والسعادة كل واحد من حقه يعمل اللى نفسه فيه
لا يا حبيبتى انتى مش متشائمة ولا حاجه
بس احنا اللى من الظلم والقهر اللى عايشينه طول الوقت
تحسى اننا بقينا مش قادرين نح باى لحظة حب او سعادة
ربنا يسعدك دايما يا كريم
انت من الناس اللى بحترمها اوى بجد
تحياتى ليك
ya mzagooooo
bahebk ya bnota we enty mabsota keda
yarb el donia tmatr kteeeer
moaaaaaaaaaaah ya habibi
من قلبى ربنا يديم عليكى السعادة
ويحميكى
ويبعد عنك اعداء الحياه والانسانية
يارب يا ميرو تمطر كتيييير
أحلى موااااه يا قمراية
ربنا يبعدهم عنى وعنك وعن كل الناس الجميلة يا فينوسة
انا الشتاء بتجيب لي اكتئاب بسبب قله سطوع الشمس
لكن ببقي مبسوطه بالمطر وبحب اشوف السماء بعد المطر وهي صافيه امبارح كنت بره البيت اليوم كله وشوفت الاربع فصول في يوم واحد الشمس والغيوم والمطر والبرق
الواحد مش يقدر يقول غير سبحان الله
انا صورت المنظر امبارح وهابقي انزل الصور علشان تشوفيها
ربنا يفرح قلبك كمان وكمان ياقطه
ربنا معاكي يا حبيبتي
من النهاردة قررت أكون معك "
اللللله على التعبير..
من النهاردة..قررت انت وبس من كل الدنيا دي اكون معاه..
اجمل واحلى تعبير ممكن يتقال بجد :)
ربنا يبعد عنك كل كآبة يا جميلة
هستناكى تنزلى الصور على المدونة
كانت ايام وعدت يا تيمو
وتعبيرات مش تخرج إلا من القلب وتنطق بيها المشاعر والأحاسيس مش اللسان
تحياتى