الناس اللى نازلة الوقفة الصامتة
انا تقريبا هكتب البوست ده وأجرى بس كان لازم اقولكوا الكلمتين اللى اتقالوا لى دلوقتى حالا بس معلشى أنا أسفه مش هقدر أكتب المصدر اللى قالهم لى
اولاً لو أى حد حاول يستفذك أو عى تخرج عن هدوئك خليك فاكر إن الوقفة صامتة يعنى لا شعارات ولا هتافات خلينا كلنا نحترم الكتاب المقدس اللى هيكون فى إيدينا سواء إنجيل أو قرآن
خلينا كلنا نحترم أرواح الشهداء اللى ماتوا وهما بيصلوا وبيتعبدوا لربنا لو حد حاول يستفذك وخلاص هتخرج عن شعورك لأن الطبيعى هيكون فى عناصر زبالة مدسوسة فى وسطنا ومحدش عقله الوسخ يصور له إن العناصر دى شرطة لاء الشرطة دى موجودة علشان تحميك بليز بلاش أى إحتكاك بيهم
العناصر دى هتكون نفسها الناس اللى بتاخد اخبار وتروح تفجر نفسها علشان الـ72 فيرجن اللى فى الجنة يقابلوهم بالأحضان
يبقى يا حبيبى منك له كدا فى حالة خلاص الحمار اللى جنبك هيخرجك عن شعورك تروح واخد بعضك ورايح على أقرب ضابط شرطة قدامك وتقوله فى حمار مواصفاته كذا و شتم او قل ادبه او اى كان بقى اللى عمله فيك وده مش معناه اننا لو فى واحد متغاظ من التانى يروح يبلغ عنه ويقول الواد اللى هناك ده شتمنى لالالالالا إحنا بنقول الناس اللى هتتسلل وسطنا وتحاول تبوظ الوقفة او تعمل اى حالات شغب دلوقتى اشوفكو على خير علشان لازم امشى حالاً
معلشى حاجة أخيرة الناس اللى مش من الزقازيق ومش هتيجى الزقازيق ومعاها ارقامى ياريت يبقى يكلمونى يعرفونى الاخبار عندهم أيه نلتقى على خير بقى
معلشى بقى انا هقفل التعليقات على البوست ده
سى يو جميعاً
