تتقطع ايده

اجمل خطوة عملتها الدولة من سنين بامانة هى قفل القنوات المأجورة اللى بيجيبوا فيها شوية زبالين وقطاعين طرق يلبسوهم الطرحة البيضة والجلابية ويقعدوهم يتقيؤا على مسامع العباد .. الجربوع اللى فى الفديو ده قاعد يقول المرأة تنضرب امتا بقى يا حلوين ؟
مش لو مش عملت لك اكل ولا لو مش مسحت البيت ولا مش دخلت اطفالها مدارس وعلمتهم يمكن يطلعوا نماذج مفيدة لنفسهم ولمجتمعهم ؟ لا يضربها لو امتنعت عن الفراش يا خى احة يا راجل
يتقطع إيده قبل ما يمدها عليها .. افرض هو واحد جربوع زيك ومعفن ومش بيستحمى غير فى الاعياد والمناسبات الرسمية ؟ تستحمله ازاى ده ؟
وتلزق عهرك الأخلاقى فى ربنا يبقى ده اسمه ايه غير انك بتتبلى على اللى خلقك ؟
هو انت بتخاطب شوية حيوانات ؟ علشان كدا لو امتنعت مفيش حل غير الضرب ؟


تعليقات

‏قال صفا سارة
المشكله يا قطة انهم مصدقين نفسهم بجد حاجة منتهى التخلف والمذيع المتخلف ده كمان بيكلمه كأنة بيقول اعجاز علمى ولا اكتشفاف هيفيد البشريه ومصر انه كده تكريم للمرأة
عالم اغبيه بجد ويحرقوا الدم
بجد مبسوطة جدا ان القنوات دى اتقفلت المصيبه انها تتفتح تانى
‏قال Unknown
ارجو قراءة هذا البوست وتقوليلي رايك إيه
http://illupo77.blogspot.com/2008/07/blog-post_05.html
تحياتي والى الامام
‏قال غمض عينيك
:)
ههههه
هم يضحك وهم يبكي

بضايق اوي من المنطق ده....وتحديد العلاقة بين الرجل والمراءة في الاطار ده
حاجة تفرس
‏قال هراء وهذا هو الدليل…
قطه الراجل ده عبيط والا بيستعبط
الضرب فقط لأمتناعها عن ممارسة الجنس مع ان الآيه تقرر هجرهن فى المضاجع كعقوبه سابقه على الضرب
اى انه سيضربها وهو قد استغنى عن الجنس فعلا وليس كما يقول هذا الشيخ العبيد انه يضرب لأنه لا يستغنى عن الجنس
ثانيا
طبعا كل الكلام يدور حتى فى هذا التبرير الخايب على رغبة الرجل الجنسيه وكون المراه جاريه لا تستطيع الرفض والا ضربت فماذا عن رغباتها هى الجسديه.
تجاهل تام واستهبال
‏قال طب ازاى يامولانا…
نفسى اعرف ازاى اللى بيضرب يتاكد وهو بيضرب انه لا يعور ولا يسيل دم ولا ...ولا ...ولا
‏قال غير معرف…
قطه هذا الغبى لم يسال نفسه وهل بعد الأعتداء البدنى كيف ستكون العلاقه بينهما بعد ذلك؟
كيف تكون لو افترضنا انها علاقه بين اثنين من الأحرار وليست بين حر وجاريه
‏قال emy
فَإِنْ خِفْتُمْ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ..... ولاتعليييييق
‏قال Kontiki
اهى احا اللى انت قلتيها دى قلتها قبلك انا عند الهلالى :) واخدة بالك من التكريم هههههه الانقح المذيع اللى بيقول فى اول الفيديو احصائية بريطانية ان الستات بيحبوا الراجل القوى و بعدين بغباء لئيم خلى القوة تقترن عندة بالضرب اللى لازم ستات المسلمين يرضوا بيه على اساس ان نساء بريطانيا بتحب دة و الانقح اكتر واكتر انها تصرب عشان حاجة مينفعش فيها الضرب
mother fuckers !
‏قال حكم تاريخى ضد الحرس الجامعى…
حكم تاريخى
الحرس الجامعى مخالف للدستور والقانون
قضت المحكمة الإدارية العليا، برئاسة المستشار محمد عبد الغني، رئيس مجلس الدولة، بتأييد حكم محكمة القضاء الإداري بطرد الحرس الجامعي من الجامعات المصرية ورفض الطعن المقدم من كل من رئيس الوزراء ووزيري التعليم العالي والداخلية على حكم محكمة القضاء الإداري، القاضي بإلزام الحكومة بإنشاء وحدات للأمن الجامعي تتبع وزارة التعليم العالي، بدلا من الحرس الجامعي التابع لوزارة الداخلية.

واستندت المحكمة في قرارها إلى أن وجود قوات شرطة بصفة دائمة داخل الجامعات المصرية يمثل انتقاصًا من استقلال الجامعات الذي كفله الدستور وقانون الجامعات، ويعد هذا القرار انتقاصًا لحرية الأساتذة والباحثين والطلاب داخل الجامعات.
‏قال من مقال سلامه احمد سلامه فى الشروق…
موجة من التسيب المفاجئ تهدد العقائد، وتروج للخرافات أو تدعو للإباحية وهدم قيم المجتمع.. علما بأن الشكوى من هذه القنوات قديمة، لم تتوقف منذ وقت طويل. ليس نتيجة لما تثيره من فتن طائفية وتطاول على المعتقدات وترويج للبدع وادعاء كاذب بعلوم الدين.. ولكن أيضا لما تروجه من الشعوذة والسحر. وقد باتت نقطة جذب للأدعياء والمتاجرين بالدين. يكفى أن يطلق الواحد منهم لحيته ويسبل عينيه ويرتدى جلبابا وعمامة، لتكتمل مؤهلاته ويتقمص الدور الذى يستلب به عقول العامة والدهماء.
‏قال Elmasryeffendi
على رايك هو ايه مؤهلاته عشان يفتى ؟ ده راجل اتعلم فى الكتاب ع المصطبة و للاسف فى منه كثير ، الاخطر من الفضائيات هى الزوايا و المساجد الصغيرة التى تحولت الى مفرخة لتخريج هؤلاء الجرابيع
‏قال AHMED SAMIR
لم اكن اشاهد هذه القنوات و لم اكن من متابعيها او مؤيديها
و لكن الا ترين معي ان مبدأ المنع بشكل عام مرفوض
بمعنى انه اليوم قد منع قنوات انتي لا تتفقي مع توجهاتها
غدا قد يمنع قنواتك المفضلة و التي من وجهة نظرك هي الأصلح و الأكثر فائدة للمشاهد
انا ضد المنع بشكل عام
‏قال سر جاذبية الشيوخ المتشددين…
قطه كثيرا ما افكر فى سر اقبال الجماعير على هؤلاء المشايخ وكلما كان متشددا او متطرفا كان الأقبال عليه اكبر
وتوصلت الى سبب هو مجرد اجتهاد
السبب هو ما استقر فى نفوس العامه ونتيجه ايضا لما روجه هؤلاء المشايخ انفسهم من ان مانعانى منه من مشاكل انما هو بسبب ضعف الأيمان -طبعا كما يفهمونه- وبالتالى الحل زيادة الأيمان -كما يفهمونه- ويترجم هذا تلقائياالى كلما ازددنا تشددا كلما اقتربنا من الحل
‏قال ELVIRA
احدى قريباتى من السلفيين كانت معترضة على اغلاق القنوات الدينية الفاجرة دى
لكن لما خليتها تشوف الفيديو دة
بقت تقول أحسن أحسن
و بقت تتابع أى خبر فى التلفزيون و الديش و النت عن الموضوع دة
و بصراحة تفكيرها أتغير ... لنقل 10 درجات للأمام
‏قال Desert cat
صفا سارة

ماهى الطيور على اشكالها تقع يا سارة مش تستغربى
‏قال Desert cat
Medus
اسفه يا ميدوس على التاخير

حشوفه حالا
‏قال Desert cat
غمض عينيك

يااااه اخيرا يا محمد اتفقنا على حاجه
‏قال Desert cat
هراء وهذا هو الدليل

طيب انا عايزة افهم هى ازاى هتفكر تعبره اصلا بعد ما انضربت
‏قال Desert cat
طب ازاى يامولانا

هيعرف بالايحاء
‏قال Desert cat
Anonymous

لاء هو مش يهمه اللى هيحصل بعد كدا المهم انه يمارس الجنس وخلاص
‏قال Desert cat
emy

انا برضه يا ايمى لا تعليق
لانى رافضة الارهاب ده ولو علقت ممكن اتحدف بالطوب
‏قال Desert cat
Kontiki

المفروض نلتمس للمذيع ده العذر يا كونتا اصله تقريبا اتربى فى بيئة كدا
‏قال Desert cat
حكم تاريخى ضد الحرس الجامعى

حكم زى الزفت
ومعترضة عليه جدا
‏قال Desert cat
elmasryeffendi

اه هى المفارخ اللى بتطلع من النجوع والكفور والقرى دى بجد لو عايزين البلد حالها يتصلح لازم وقفة
‏قال Desert cat
AHMED SAMIR
كلمة بكرة يقفلوا اللى بيعجبك دى باعتبرها باطل يراد به حق ؟؟ اصل علشان ايه تحجب ضوء النهار ؟
‏قال Desert cat
Ms Venus

ولو مش شفاهم ياخدهم
‏قال Desert cat
سر جاذبية الشيوخ المتشددين

اعتقد ان التشدد مش دخل فى حاجة الا وافسدها
‏قال Desert cat
ELVIRA

مجهود هايل اهنيكى عليه
بجد ياريت كلنا نفكر بالطريقة دى اننا نوضح العيوب ونطلعها من كلامهم هما وقتها الناس عقولها حتنضف
‏قال غير معرف…


Ηere is my web-ѕіte sensual massage
Also see my webpage - tantra london

المشاركات الشائعة