علشان راجل

كلمتين ينطبقوا على اشخاص نادرين جداً فى مجتمع زى المجتمع المصرى تحديداً لكن بسمعهم كتير على لسان كل من هب ودب .. يبرر اى عمل قبيح أو فعل قذر لأى ذكر وكأنها الكلمة السحرية فى الهروب من اللوم أو العتاب ومش هقول العقاب .. لأن كلمة عقاب فى مجتمع يجعل من الذكر نصف إله ليس لها وجود
الرجولة من وجهة نظرى يعنى الشهامة ، يعنى إنسان عنده القدرة على العطاء ، عنده القدرة على إحتواء أى موقف مهما كانت صعوبته ، يعنى إنسان عنده إحساس وذوق كلمته سلاحه والاعتماد على الذات هو منهجة

من يناقش الطغاه فى عدلهم أو ظلمهم ؟

أن يتفق مجتمع بأكمله يفعل جميع الموبقات فى الخفاء .. يدور داخل دائرة مغلقة تغلفها المشاكل من جميع الاتجاهات على أن الأنثى فى جميع الأحوال وكل الظروف مخطئة .. لأنها كائن درجة ثانية
ليه خرجت تشتغل ماتسيب مكانها فى الشغل للشباب اللى قاعد على القهوة
مع ان الشباب اللى قاعد على القهوة اصلا مش عايز يشتغل غير وزير هو مش عنده وقت يبدء السلم من أوله ويقبض مرتب مش يكفى مصروف الكيف بتاعه ايا كان بقى

اذا كان القلب نظيفاً لا يمكن ان تلوث الشفاة

يعنى كل اللى بيعاكسو بالفاظ زبالة دول قلوبهم وسخة ؟
يعنى كل اللى بيتحرش فى المواصلات انسان منحط وقذر
لاء يا ستى البنت هى اللى بتستفزه طبعاً
بتستفزه ازاى حضرتك
يعنى واحدة ماشية بميوعة او لابسه عريان
هو فى حد بيمشى عريان ؟
اه البنات اللى ماليه الشوارع
معقول انا بشوف الشوارع مليانة منقبات الايام دى
يييييييه دول اسخم من اللى عريانين
طيب معلشى سؤال
هو انت لو شوفت واحد بيتحرش بواحدة فى مواصلات مثلا هتعمل ايه ؟
واعمل ليه مش يمكن عاجبها ؟
طيب افرض شتمته ومسحت بكرامته الارض ؟
واتدخل ليه لواحدة قليلة الادب البنت المحترمة مش بتعلى صوتها
يعنى لو سكتت يبقى عاجبها ولو اتكلمت تبقى قليلة الادب
طيب واللى قل ادبه عليها ده نسيبه كدا ؟
ايوا تسيبيه علشان هو راجل
عفواً مش هقدر اكتب ردى لانه كلام يعاقب عليه القانون خصوصاً وانا أنثى فى مجتمع جعل من الذكر نصف إله

تعليقات

السلام عليكم اختى الفاضله
نعم يوجد تخلف كثير عند الناس لانهم يعطون الرجال حريتهم الكامله
ويقبلون من الرجال الخطاء ومن النساء لا
انا معك
واقول هذا عيب كبير على الناس المتعلمين المثقفين
وانا لا اجعل الرجل نصف اله والاسلام لا يجعله نصف اله
بل المراءه نصف المجتمع
. اذا انجبت ولد فقد علمت فرا واذا انجب انثى فقد علمت امه
نعم ان النساء هما نصف المجتمع
واشكر النساء
الذين حاربوا الزمن وخرج منهم مهندسين ودكاترة وخرج منهم علماء اكثر من الرجال والاسلام مع ذلك
ولكن لهم الوقت الكافى فى تربية الابناء
لانه يوجد وظائف للرجال ووظائف للنساء
يعنى مش ينفع للنساء ان تكون قاضى فى المحكمة
كيف تخرج الساعه اثنين بالليل لوحدها ان كان فى قضيه فى المجتمع هذا شئ
وطبعا لا يخفى عليكى
مسلسل قضية راى عاااااااام
ولا ينفع للرجل تربية الابناء
هذا شئ
الشئ الثانى والانا عايز اتكلم فيه
حكايه النقاب
انا لا اقول اليك ان انا ضده او لا فى هذا الوقت
ولكن سااقول ولن اخاف
فاانا ضده هذه الايام ولكن ليس افتخار او اعلن هذا الامر او امسك ميكرفون واقول انا ضده او اكتب موضوع على المدونة واقول انا ضده
ان ارتداء النقاب
سنه عن نساء رسول الله صلى الله عليه وسلم
ولو احد خالف هذا فقد اخفى سنه عن امهات الموننات
هذا الشئ
الشئ الاخير
لا يحق لكى ان تتكلمى على النقاب او على الاسلام او على الدين
او على الاخوان لان الاخوان اصحاب فكر وسطى وعلماء فى كل نواحى الحياه
اما السلفين او الوهابين اذا كنت مختلف معهم فى بعض المواقف التى لا تذكر ولكنى احترمهم احترام كثيرا لا يوجد احترام مثله
فاارجوكى ان تزيلى هذه الصور ارجوكى
حتى نكون مدونين يفتخر بنا الامه العربية والاسلامه
ومدونون ضد الشتائم
لا يلفظ من قول الا لديه رقيب
ياسيدى اشكرك واليك احترامى وتقدير
‏قال Tears
المرأه ضحية في المقام الأول لغياب القانون و تخلف المجتمع أما الرجل فهو ليس فقط ضحية للأحباط المسيطر على الشارع و تراجع التعليم و الثقافة و انهيار المنظومة الأخلاقية و إحساسه بالعجز و القهر نتيجة عدم وجود عدالة اجتماعية و غياب الديمقراطية, و تفشى الفساد و لكنه أيضا ضحية للأستبداد السياسي المتحالف مع القوى الظلامية

ذلك الاستبداد الذي عمل على الهاء الشعب و تغييب الوعي بترك الساحة لمدعي دين الذين دأبوا على زرع هاجس المرأه و حقروا من شانها و حصروها في وعاء جنسي مثير للغرائز فلم يعد يتعامل معها الرجل على أنها إنسان مثله لها الحق في الحرية و التمتع بالأمان

و لكنه تحول إلى حيوان عشوائي يتربص بالمرأة و لا يرى فيها غير الأنثى المثيرة حتى و إن كانت خيال متشح بالسواد بعد أن حرموا عليها عيشتها فشعرها و وجهها و عطرها و وصوتها و خروجها حرام...أنها ثقافة الكبت و الترويع التي نتج عنها هذا الهياج الذي لا يفرق معه سن المرأة أو ما ترتديه المرأه في عصر ازدهر فيه التدين المظهري فانحطت فيه الأخلاق!
‏قال strategicalone
اهلا يا قطة
اولا احب الفت نظرك لحاجة وهى ان ليس المجتمع هو الذى حول الرجل الى ما هو علية بل الدين هو من فعل ذلك على اعتبار ان الرسل والانبياء رجال بل ان الله نفسة يعتقد انة ذكر .
وكلما ارتفعت نسبة تدين المجتمع كلما ارتفعت معة فى علاقة طردية نسبة الظلم والفساد الاخلاقى واضطهاد الجنس الاخر
بدليل ان المجتمع قبل ان يدخل فى نفق التدين كان افضل اخلاقياً من هذة الايام السودة
تحياتى
‏قال ELVIRA
المرأة هى الضحية و لكن صوتها لن يسمع أبدا فأحدى صديقاتى وقريبتى تمت معاكستها و عندما تشتكى لوالدها ( المفترض أنه متفهم وعارف أخلاق بنته) قالها ليه و هو أنتى مش عاجبك ان الناس تبصلك و انك تبقى محط أنظارهم
!!!!!!
‏قال أحمد.خ…
أستاذتى الفاضله إذا كان المجتمع قد جعل من الرجل نصف إله فنفس هذا المجتمع قد جعل من المرأه إلها كاملا للجنس
‏قال Ms Venus
صدقينى يا قطة الموضوع ده كتير اوى فكرت فيه

كلمة علشان راجل دى كانت بتنرفزنى اوى


لكن تخيلى بقى ان فى بنات وسيدات هما نفسهم راضيين وقانعين للوضع ده ؟


ولما تيجى تكلميهم وتقوليلهم طب انتى فين ؟ ليه ساكتة

تقولى ما هو راجل


شىء محزن
‏قال عواصف رملية
معلهش انا هاشتم مكانك

دة نفسيته معقدة قوي ونفسه يلبس حجاب علشان يواري بشاعة تربيته

بالاخر يلاقو الدين شماعة سهلة يعلقو عليها تفكير حيواني ناتج عن تربية ام زي الجاموسة واب وي تور الساقية
‏قال متابع…
خلط الدين بالسياسهعقبه فى طريق تطور مصر
من الجارديان البريطانيه
انتشار النزعة الدينية في مصر ترافق مع العولمة مع ما تحمله هذه العملية من انتشار قيم كونية حقوق الانسان التي بات العديد من المصريين يؤمنون بها وهذا بحد ذاته يمثل تناقضا وخلافا كبيرا بين القوى السياسية الليبرالية من جهة والدينية من جهة اخرى على الساحة المصرية ويمنعها من ايجاد ارضية مشتركة.

ويلفت دياب الى ان اغلبية المصريين العاديين المتدينين لديهم نظرة سلبية نحو العلمانية والمصري العادي يعتقد ان العلمانية تتجسد بما قام به مصطفى كمال اتاتورك عند اقامة الجهورية التركية وموقفه المعادي للدين وبل هناك من يعتقد انها تعني الالحاد ولا يعلمون انها تعني فصل الدين عن الدولة وهو ما يطالب به العديد من المتدينين في مصر.

ويرى الكاتب ان هذا الفهم الخاطىء للعلمانية في مصر يمثل عائقا امام اقامة مجتمع ديمقراطي في مصر.
جمال مبارك

تسعى المعارضة الى منع جمال من وراثة ابيه

ويلفت الى ان هناك شرائح واسعة من المجتمع المصري رغم تدينها ترفض وصول الاخوان المسلمين الى الحكم حتى عبر وسائل ديمقراطية بسبب خوفها من امكانية سيطرة حكم ديني شمولي متطرف على مصر.

ويدعو الكاتب القوى العل
‏قال karim
قطنى العزيزة كل ماتقولينة صحيح, زلكن لا تستطيعى ان تنكرى ان هناك فعلا بنات و ستات بيستهبلوا فى لبسهم والا يام اللى جاية علشان الحر هاتثبيتلك اكتلر مع انى عارف انك عارفة, ومش لازم يكون عريان يعنى لو لازق عليها و ماسك فيها لدرجة انك تسالى نفسك ازاى بترتدية دة شىء عادى , فى مجتمع يعانى حرمان و كبت فى اشياء كثيرة و خصوصا الجنسية من اللى بيشوفة من النت و الفضائيات الخ.
يبقى لازم الناس نفسهم يكونوا فاهمين كدة و يحافظوا على نفسهم على الاقل و يلموا نفسهم, اديكى داخلى على شم النسيم انزلى الشوارع و عند النوادى و الحفلات اللى بتتعمل و الرحلانت وشوفى اللهدوم بتكون ازاى دة لو عرفتى تفرقى بين الهدوم و الجسم من بعض, انا مش بقول ان البنات و المراءة هى السبب فى كل شىء طبعا لا, لكن تتحمل جزء كبير نتيجة الثقافات المكتسبة من الخارج اللى مطلعة دينا, كل شىء فى بلدنا ما هو الا انحراف فى السلوك ايا كان نوعة,تحياتى
‏قال Elmasryeffendi
عزيزتى قطة الصحراء
معك كل الحق فنحن مجتمع ذكورى بحت و لكن ما يضاقنى هذه الايام هو ان معظم هذا الكلام ايضا يرد على لسان سيدات و ظهر ذلك حتى من خلال استطلاعات تليفزيونية بالشارع تجدى السيدات هن من يتهمن البنات للاسف المجتمع انكفئ على نفسه و السيدة الوهابية الجديدة اصبحت اخطر من الرجال لان بداخلها كم هائل من القذارة و النفسنة و الحقد على كل ما هى انثى مثلها

تحياتى واشكرك على تعليقك و زيارة مدونتى المتواضعة
‏قال متابع…
اعادة النظر فى النصوص الموروثه بدا
علن علماء فقه ملسمون أن فتوى أصدرها ابن تيمية قبل أكثر من سبعة قرون والتي اعتمدتها بعض الحركات المسلحة لتعليل العمليات الجهادية "لا يمكن استخدامها في زمن العولمة الذي تحترم فيه حرية العقيدة وحقوق الإنسان."
وجاء في البيان كذلك أن مع قيام دول بأنظمة مدنية تحافظ على الحقوق الدينية والعرقية والقومية، ينبغي أن يُعلن العالم برمته "دار سلام وتسامح وتعايش".
‏قال متابع…
اعتقد ان تعليق المصرى افندى يبستحق التامل
نعم الأنثى الوهابيه الجديده التى ظهرت بيننا فجاهتكره نفسها نتيجه لما استقر فى وجدانها من الشيوخ اياهم عن دونيتها واسقطت هذا على بقية بنات جنسها
ونتج عن ذلك هذا التركيز على جسد المراه مما تحول فى خيال المراهقين من اى سن الى لعبه جنسيه
والغريب ان تظهر المراه الوهابيه بيننا بينما تجاهد اختها فى الخليج من اجل كرامتها كانسان وتتلقى تهديدات بالقتل
فكما ترين الموضوع مركب وليس بسيطا
‏قال Desert cat
قلــ"بـــلال"ــــــب فارس
ما تخرج الساعه 2 لوحدها والساعه 3 كمان هو الخروج حلال عليك وحرام عليها ؟؟ لو ابنك بيموت او والدتك واقرب حد ممكن ينقذه هى دكتورة هتسيبهم يموتوا علشان الدكتورة مش تخرج لوحدها الساعه 2 بالليل ؟ ..
‏قال Desert cat
ثانياً بقى والاهم ان دى مدونتى وانا حرة فيها .. احط صور للسلفيين اتف على السفيين والمنقبات بيتى وانا حرة فيه اعمل فيه اللى يعجبنى مش اللى يعجبك انت
‏قال Desert cat
Tears
وما هو الحال لو كل الاناث اختفت من المجتمع ومش لقيوا حد يتحرشوا بيه ويقلوا ادبهم عليه ؟؟
اعتقد ان السفالة لا تتجزأ وبالتالى مش بعيد يتحرشوا ببعض
‏قال Desert cat
strategicalone
بالظبط لو رجعنا لمصر الليبرالية الجميلة مش كان موجود القذراة اللى موجودة دلوقتى بعد انتشار موجة التدين الظاهرى
‏قال Desert cat
ELVIRA
انا شايفة ان سكوت البنات هو السبب فى اللىب يحصل ده يعنى لو واحد حاول يقل ادبه المفروض انها تلتفت له باللى فى رجلها بدل ما تسمع رد زى اللى اتقالها مش عايزة الناس تبص لك وتبقى محط انظار يبقى ما يتكلمش لو لاقدر اله رجعت له فى يوم مغتصبة ماهو سلبى من البداية
‏قال Desert cat
أحمد.خ
بس فى فرق بين انك تبقى نصف اله مميز وبين انك تبقى الها كاملا وتتعامل على انك كائن درجة تانية
‏قال Desert cat
Ms Venus
ماهو انا غالبا يا فينوس لما بلاقى حد منحط برجع اللوم على امه اللى علمته انها عورة وحقيرة ومواطنة درجة تانية علشان كدا خارج من البيت يعامل اى انثى على الاساس ده صدقينى المجتمع ده مش هينضف غير لما الستات اللى مريضة فى عقلها دى تختفى
‏قال Desert cat
عواصف رملية
فعلا البيت هو الاساس لانه معرفش يربى ولان الام ربته على احتقارها
‏قال Desert cat
متابع
المصريين يعتقدوا ان العلمانية هى الكفر شعب بلا ثقافة مستنين منه يتقدم ويتطور ازاى ؟؟
‏قال Desert cat
karim
والرجالة بقى مين بيختار لهم لبسهم علشان تختاروا البنت تلبس ايه ومش تلبس ايه ؟؟
وعلى اى اساس تقدر تحدد ان اللبس ده محتشم من عدمه ؟؟ طب ايه رايك فى المنقبة اللى بتلبس عباية مقسمة وظاهره كل مفاتنها ؟؟
وازاى راجل طول بعرض مش قادر يحكم نفسه لمجرد انه شايف واحدة لابسه لبس من وجهة نظرة غير محتشم حتى لو عريانة ؟
يعنى اعتبر ده اعتراف ضمنى بانه حيوان ماشى ورا غريزته وان الست اقوى منه وبتقدر تتحكم فى نفسها ؟؟
ماهى برضه بشر وممكن تشوف واحد وتفتن بيه وبالرغم من كدا مش بتعاكس ولا بتتحرش ولا عمرنا سمعنا ان واحدة اغتصبت واحد .. اذن طالما ده باعترافكو يبقى من حق الست تحكم البلد دى طالما رجالتها عبيد لشهواتهم
‏قال Desert cat
elmasryeffendi
ماهى السيدات دى شايفة نفسها حقيرة
علشان كدا بتطلع للمجتمع شخصيات وسخة تقرف الناس فى عيشتها
‏قال Desert cat
متابع
للاسف احنا بنرجع لورا بسرعة الصاروخ وبنحاول بكل ما اوتى من قوة نثبت جهلنا بالاستشهاد بقوانين من ايام الجاهلية مش ابن تيمية بس
‏قال Desert cat
متابع
اعتقد ان اللى اتربت على انها حقيرة مش هتطلع للمجتمع شخص محترم مشكلتنا التقليد بغباء دون فهم لذلك موجود بينا النماذج المغيبة دى ولا اعلم من ترى فى نفسها عورة وانها اتخلقت علشان تبقى خدامة للراجل بتخرج من بيتها تعمل ايه

المشاركات الشائعة