جريمة شـــرف


كل يوم اقرا خبر عن واحد قتل بنته لشكه فى سلوكها وان عدى اليوم من غير حادثة قتل نلاقى اللى بنته حامل منه
والثانية مش حامل لاء دى خلاص انجبت وجابت طفل والطفل ده اخوها وابنها فى نفس الوقت
واللى بيعاشر بنت اخته معاشرة الازواج من 7سنوات وهى دلوقتى عمرها 14 سنة يعنى البنت خالها يعاشرها معاشرة الازواج من وهى سنها 7 سنوات وبانتظام لحد برضه ما انجبت منه .. فين اهلها وهى خالها يعاشرها بانتظام يوميا على مدار الاسبوع ؟
فين اهلها لما مش حسوا بيها وهى حامل لاء دى لما تعبت نقلوها المستشفى واكتشفوا انها آلام وضع ؟؟
هى كانت بالعه الجنين ولا ايه ؟؟
واللى قتل طليقته برضه بحجة انه شك فى سلوكها .. يا حلولى طب وانت مالك ؟ هو انت مش طلقتها وخلاص ؟ تقتلها ليه ؟
واللى راحت اجرت فتوات وخلتهم يغتصبوا بنت اختها فى الشارع لانها رفضت تتجوز من ابنها ؟
واللى رمى زوجته من البلكونة واللى قتلها غلط اصلها كان بيهزر معاها بالمسدس
واللى بيتاجر فى بناته وهما فى سن 12 سنة تتجوز البنت 3 ايام جواز سياحة ولا جواز مصياف او الاسم اللى يحدده مشايخ الفضائيات ماهو الدين بقوا بيلعبوا بيه ويسموا الدعارة مسميات مغلفة بشعارات دينية ولا جدال فى الدين يا اخى هتكفر بقى وتقول حرام ولا حلال انت ايش فهمك طب دول علماء .. مش مهم التربية مش مهم الأخلاق الأهم انه يلبسها الحجاب والنقاب ويعاشرها معاشرة الأزواج .. او يتاجر بجسمها للى يدفع أكتر
وبعد ما كل مريض نفسى يعاشر بنته ويكتشف انها حامل ويقتلها يجرى يسلم نفسه ويقول اصله كان شاكك فى سلوكها
هنيئاً لمجتمع جعل رجولة الذكر بين فخذى النساء وتغافل عن السرقة والغش والرشوة والفساد وشكراً الف شكر للقانون اللى بيحمى المجرمين تحت مسمى اصلها جريمة شرف .. وبعد اهتمامنا بالتدين الشكلى والبعد عن التربية الصحيحة وكمان تخفيف العقوبات واضح انها حوادث مكررة يومياً وعمرها ابداً ما هتكون مجرد حادثة وتعدى .. ولا عزاء لأنثى ارتضت لنفسها الذل خوفاً من الفضيحة والعار عليها انتظار النهاية اللى بالتأكيد معروفة القتل اصل ابوها او اخوها او جوزها او ايا كان اللى قتلها شك فى سلوكها

تعليقات

‏قال Tears
المجتمع كلة بقى مريض نفسيا و غير متوازن...تناقض كبير بين السلوكيات و الشكل او الاقوال

حالة شيزوفرنيا

المشكلة انى لا اثق فى القضاء بالرغم من كل ما يقال....يعنى مثلا قرأت عن مجند شرطة اول امبارح اغتصب طفل و اتمسك...تعرفى العقوبة كانت ايه؟

اربع سنين سجن و طبعا سنه السجن بتسع شهور و المدان بيطلع فى تلت اربع المدة او اقرب عيد...ده فى الوقت اللى مدون زى كريم عامر عشان كتب مقالة على البلوج بتاعه...مجرد مقالة...اخد اربع سنين برضة و طبعا رفضوا انه يخرج فى تلت اربع المدة لانه خطر على الأمن العام و الامن القومي و الدولى و بينتهك حقوق الحكومة

يعنى كتابه المقال عقوبته تساوى اغتصاب طفل...يا بلاش

قرفت من البلد خلاص
!
‏قال AHMED SAMIR
فعلا..........جرائم الجنس العائلي دي انتشرت بشكل كبير جدا
و بجد مش عارف ليه؟
ايه اللي بيؤدي الى مثل هذه الجرائم البشعة
معقول الدش؟؟؟
و لا الانترنت؟؟
مش عارف بجد
نفسي حد يحلل اسباب تفشي الظواهر دي
تحياتي
‏قال Sahran
تعرفي يا قطة هناك رأي سائد في المجتمع , وهو أن جريمة الشرف يكون هدفها التغطية على عار الابن بقتل البنت.
يكون الرجل قد انتهك عرض بنت عمه أو حتى أخته , ولما تظهر عليها آثار الحمل يقوم هو نفسه بقتلها , ويقول : شرفي يا عالم !!!!!

إخص على هيك مجتمعات , وألف إخص على هيك تفكير دوني حقير

للأسف يا قطة دايما البنت تدفع ثمن خطيئة شاب بحقها
‏قال karim
اولا الحاجات دية كلها موجودة من زمان بس هى ظهرت الايام دية علشان كلة بقى يعرف يقول ووجد اللى يكتبلة و يسمعة, اما اجابة على الاستاذ احمد, الحل معروف ان الناس تعرف ربنا صح وتتربى صح بس بعا لازم الظروف كمان الى حوالية تبقى صح و بما ان كل دة مش موجود يبقى اللى يعيش ياما هايسمع و يشوف, تحياتى
‏قال Mai Zamalkweya
موضوع زنا المحارم ده شاغلني من فتره طويلة خصوصا انه زاد جدا في المجتمع وبقت جرائم زنا المحارم منتشره في الجرائد بشكل فظيع وفي كتير بيحصل ومش معلن ومش بيبقي كله اغتصاب في بيبقي بالرضا
وموجود في بلاد عربيه تانيه بشكل كبير بردو منتشر فيها الشذوذ بشكل كبير
متهيألي انه نتاج طبيعي لمرض الحجاب و النقاب اللي بقي مسيطر علي مجتمعنا
يعني بمعني ان بقي الشكل المحفور في خيال الرجال و الشباب عن البنات هو اللي بيشوفوه في الشارع كلها متغطيه مفيش حتي شعره باينه فبيبقي في البيت بناتهم او اقرابهم بيبقوا علي راحتهم - حتي لو اطفال لان في نسبه كبيره جدا من الناس بتحجب اطفالهم في سن صغير جدا - فالشاب او الراجل المحروم من انه يشوف الشعر علي الاقل يلاقي بنت في البيت معاه عايشه علي حريتها
وده في رأيي سبب انتشار الجرائم دي حاليا و اللي اكد فكرتي دي اني كنت بتناقش مع واحد قالي ان حتي في البيت حرام و خلي بالك من كلمه حرام دي ان البنت تبين جزء من جسمها وهي في البيت ولازم تبقي ساتره كل جسمها فمتهيالي ان جه سبب قوي من اسباب انتشار الجرائم دي لان الضغط يولد الانفجار تخيلي نفسك شاب في الشارع كل اللي ماشي جمبك حاجات سوده- او حتي ملونه سواء مبينه وشها او مش مبيناه حتي الشعر مينفعش يظهر السلام حرام النظره حرام الكلام من غير سبب قوي حرام وكل التفكير في الجنس الاخر في نطاق الجنس و بس وروحتي البيت لاقيتي اختك او قريبتك شعرها باين ولابسه ملابس البيت العاديه وفي اجزاء من جسمها باينه ايه هيكون شعورك ؟؟
القادم اسوأ بكتير
‏قال ELVIRA
الناس بقى عندها سعار جنسى من كتر الكبت
و اللى بيسمعوه من المشايخ عن الجنس بقى يخلى الواحد منهم يعتبر البنت من العائلة مجرد ملكية هو أولى بيها
و فى النهاية الشرف دائما بين فخذى المرأة
وسكين الرجل
‏قال غير معرف…
للاسف كل اللاسف انتشرت هذه الحوادث
وللاسف كل اللاسف ان القانون لا يقوم باعدام مرتكبى هذه الفظائع فى المياديين بل ربمل يتم سجنه لمده سنه او شىء من هذا القبيل
وللاسف الشديد فان الاسر انشغلت عن حمايه ورقابه اطفالها فلقد اذهلتنى قصه الخال الذى اعتدى على ابنه اخته
بقى لنا ان نؤمن ثم نفهم ديننا بعدها سيتغير الحال باذن الله
‏قال أحمد.خ…
أستاذتى الفاضله نسبه تزيدلى 84%من البنات المصريات تعرضن للتحرش أو الإغتصاب الكامل والنتيجه معلنه من المركز القومى للبحوث وللأسف لانملك الوسائل اللازمه لإيقاف هذه الظاهره وإن كنا قد توصلنا لأهم أسبابه وهى التدين الشكلى والحرمان الجنسى وتشييئ المرأه(جعلها مجرد شئ)والأخطر أن هذه المصائب جميعها وردت إلينا من الدول العربيه الشقيقه التى يمارسون فيها كل المويقات دون الإعلان عنهاوأهمها مفاخذة الأطفال بحجة أنها من المسموحات فى الدين الإسلامى أما لماذا لانملك وسائل إيقاف الظاهره فذلك لأنها تحتاج للمليارات من الأموال كى يحصل الفقراء على حقهم فى المسكن المريح والحد الأدنى من المساحه الإنسانيه للحياه أما الأغنياء فالظاهره موجوده عندهم ولكن بنسبه أقل وعلينا أن نحاول بكل مانملك من قوه ومن أدوات والله هو المعين وقد يكافئنا على مجهودنا من حيث لاندرى مع خالص تحياتى لك على إهتمامك بهذه المشاكل الإجتماعيه والمجتمعيه
‏قال لاديني
الكبت والتحريض ضدالجسد تؤدي إلى زنا المحارم
ونفس المسببات تؤدي إلى تشكيل هيئة ثقافية نسميها الشرف ثم نقتل من أجلها

ذكورية الإله والدين التي أدت إلى ذكورية المجتمع أصل المأساة والأبرياء يدفعون الضريبة

لا أدري هل هذا الذي نعيشه كوميديا إلهية أم ماذا بالضبط؟
‏قال Mano
بعد المجتمع عن تعاليم الدين
يعمل اكتر من كد
ربنا يسترها علي بنات المسلمين
وعلينا جميعا
واتشرف بزيارتك لمدونتي الجديدة يارب تعجبك
http://samtelghrob.blogspot.com
تحياتي
‏قال Desert cat
Tears
بجد انا بستغرب جدا من اللى بيتفنن فى وأد المرأة حفاظاً على الشف والقيم والأخلاق وهو اول واحد ينتهكها اصله خلاص مبقاش يعرف عنها غير انها مجرد شيئ يتعامل معاه زى ما يحب ووقت ما يحب

تحياتى
‏قال Desert cat
AHMED SAMIR
منقدرش نلوم التكنولوجيا يا دكتور لان احنا اللى بنستخدمها مش هى اللى بتستخدمنا

تحياتى
‏قال Desert cat
Sahran
ياريته بقى ابن العم
ده دلوقتى بقى الاب

تحياتى
‏قال Desert cat
karim
كريم فى ناس عايشة ظروف زى القطران
وعندها اولادها وبناتها اغلى عندها من نفسها
‏قال Desert cat
Mai Zamalkweya
تعرفى مرة قريت ان عم بيعاشر بنت اخوه وامها عارفه ومش قادرة تتكلم خايفه من الفضايح ؟؟
شوفتى وصلنا لحد فين
‏قال Desert cat
ELVIRA
بالظبط وهو ده اللى انا اقصدة
كل حاجه بقت عيب وحرام وميصحش لدرجة ان الاب من كتر المحرمات اللى بيفرضها على بنته بقى حاسس انها ملكه وجسمها ملك ليه يتعامل معاه براحته مجتمع مريض ومقرف وناس مسمية نفسها رجال دين وهما فى الحقيقة ذكور هياجنين لازم لهم ابادة فى اسرع وقت
‏قال Desert cat
رحله البحث
الاهل مش مهم عندهم التربية والاخلاق المهم بغطوها ازاى وابوها يغتصبها اخر الليل برضه ازاى

تحياتى
‏قال Desert cat
أحمد.خ
دلوقتى بس فهمت ليه وزير الداخلية وسيدة مصر الاولى كل شوية يقولوا التحرش فى مصر ليس ظاهره ده مجرد حالات عارضه على الرغم من صراخ الستات والبنات اليومى فى كل وسائل الاعلام المرئية والمسموعه والمقروءة

تحياتى
‏قال Desert cat
لا دينى
للاسف ما يعطيه المجتمع للذكر من حقوق جعله ينصب من نفسه نصف اله يتحرش ويزنى ويقتل
صنعنا الجريمة بايدينا
‏قال Desert cat
Mano
المجتمع مش فاضى يتعلم اى حاجه لا دين ولا اخلاق
والبركة فى ارهابيين الفضائيات
‏قال Unknown
طول ما الجهل و الفقر متحكم في عقل و حياة الناس
طالما لا يوجد وعي حقيقي و تربية جنسية صحيحة و يوجد علاقة غير سوية بين الرجل و المرأة و رجل تمت تربيتة على انه يملك كل شئ و امرأة تربة على انها من ممتلكات طول ما احنا هانسمع و نشوف الحوادث دي و ربما افظع في المستقبل
تحياتي لك , مودتي
‏قال غير معرف…
ربي عفوك

خليهم يعلمو الأطفال مثل ما بيعملو في أمريكا ... الأولاد لي أعمرهم سنتين و ثلاث سنين لي في الحضانة بيفهموهم أنو إذا كان بابا أو ماما أو اي حد ثاني سكران أو بيضربهم أو يلمسهم في مناطق معينة أو يطلب منهم يعملو
حجات معينة فلازم يتصل بالرقم 999 و يطلب مساعدة الشرطة
الشرطة هتيجي و تحميه

المشاكل المقرفة دي موجودة للاسف في كل المجتمعات إزاي نخلي المنحرفين يبطلو الحجات دي طبعا مش هنقدر
الحل إنو نبه الطفل و نتكلم معاه و نخليه ما يخفش
و يتكلم و يطلب المساعدة
حتى و لو كان لي بيعتدي عليه أبوه أو أخوه

و مرة ثانية ربي عفوك


ابوريشة
‏قال Desert cat
malika
تعرفى يا مليكة لما بتناقش مع حد كتير بحس ان هو اللى رافض يفهم ومبسوط اوى بتحجير عقله لدرجة انه مستخسر فى نفسه يستغل الميزة اللى ربنا ميزه بيها وهى العقل

ربنا يستر من اللى جاى
محبتى يا جميله
‏قال Desert cat
Anonymous
ازاى تتجرأ وتجيب سيرة امريكا فى الموضوع انت مش تعرف انهم كفرة وبالرغم من احترامهم لآدمية بعض هيدخلوا النار
واحنا بنتحرش ونغتصب ونفخاذ الاطفال وهندخل الجنة طبعا

المشاركات الشائعة