للأسف نجح الغرب الكافر
للأسف نجح الغرب الكافر ده كان تعليق لشخص وزيه تعلقيات متشابهة كتير على قرار رئيس جامعة القاهرة الدكتور حسام كامل
وبالرغم من إن القرار جاى متأخر ومتأخر جدا كمان إلا إنه قرار صائب وبرضه صائب جدا وعقبال باقى مؤسسات الدولة حتى يعود لمصر الأمن والأمان
ايه بقى سر نجاح الغرب الكافر فى قرار زى ده على اساس ان الغرب الكافر ابن الكلب ده سايبين كل اللى وراهم واللى قدامهم وشاغلين نفسهم بس بوجه المرأة ازاى يتغطى .. ده على أساس انهم مفضيين نفسهم للتقئ من خلال قنوات متطرفة وفازوا بكل جدارة بجميع جوائز العالم على جواز كشف وجه المرأة من عدمه ومحرمين على نفسهم يتكلموا عن الفساد وعن الإنحلال الأخلاقى .. وإحنا اللى قاعدين نبتكر وشاغلين نفسنا بالأوزون و معالجة الانحباس الحرارى والإنتاج النووى هالكين نفسنا فى المعامل لاختراع ادوية تفيد البشرية دول حتى مش فى حد خالص من عندهم فاز بجايزة نوبل واحنا فاز من عندنا خمسة وخميسه فى عينهم نفر نفر .. ياااى الناس دول بجد حقوديين ووحشين وعايزنا نسيب اختراعتنا وابتكارتنا وابحاثنا ونعمل زيهم ندور على قطعة القماش اللى بيستخبى وراها كل منحرف علشان يطلع يقابل صحبته فى وجود اهلها او زوجها .. او كل عواطلى عايز يسرق ولا حدش يحس بيه .. او كل قاتل يدخل يرتكب جريمته ويدبح ويشفى ويخرج ولاحس ولا خبر هيجيبوه منين وياسلام بقى على اللى عايز يفجر نفسه ممكن يعمل زى الاخ بتاع الصومال اللى لبس النقاب وارتدى الحزام الناسف وراح فجر نفسه فى الفندق اللى كان فيه الوزراء اعداء الله والوطن .. الأخوات المنقبات الفاتنات المقتنعات انهن عار وعورة والنبى اعدوا جنب الحيط بقى
تعليقات
دايما لما بنتكلم مع الثورجيين والقومجيين والإسلاميين يأتي فورا الحديث عن نظرية المؤامرة
المشكلة ليست في المؤامرة بحد ذاتها , المشكلة أنه لا توجد مؤامرة أصلا إلا في عقول المتخلفين اللي بيناتنا,
دائما الضعيف العاجز يلجأ لإلقاء اللوم في ضعفه على حقد الآخرين عليه , وكأن الغرب لم يعد له شغلة ولا عملة , إلا التآمر على خير أمة أنزلت للناس
طالما نلقي بأسباب انحطاطنا على الغير فلن نتقدم يوما خطوة واحدة إلى الأمام
تحياااااااااااااتي لك
ودمت سالمة
......
ومنها
معظم المساجد فى الغرب يتم الإنفاق عليها من أموال مشايخ النفط الوهابيين، وهؤلاء يقدمون قراءة سلفية متشددة للدين ساعدت كثيرا على تشويهه فى الذهن الغربى. يكفى أن نعلم أن أداء البنات المسلمات لدروس التربية الرياضية فى المدارس، مشكلة كبيرة فى سويسرا، حيث يصر كثير من أولياء الأمور المسلمين هناك على منع بناتهم الصغيرات من دروس التربية الرياضية والسباحة لأنها حرام (بناء على فتاوى وهابية خاطئة بالطبع)..
الأمر الذى يدفع إدارات المدارس إلى الدفاع عن حق البنات فى ممارسة الرياضة ويرسخ فى نفس الوقت صورة الإسلام كدين رجعى لا يرى فى المرأة إلا جسدا يثير الغواية ويستعمل للمتعة.. ولنا أن نتخيل رد فعل الغربيين عندما يسمعون أن الإسلام يفرض ختان المرأة (الذى هو جريمة بشعة لا علاقة للإسلام بها) أو يشاهدون امرأة ترتدى النقاب، سواء كان هذا النقاب بعينين أو عين واحدة (كما يدعو إلى ذلك بعض المشايخ السعوديين).
إن الأفكار الوهابية، المدعومة بأموال النفط، تقدم أسوأ صورة للاسلام فى الذهن الغربى.. إن الذين صوتوا ضد إقامة المآذن فى سويسرا ليسوا جميعا عنصريين لكنهم ببساطة خائفون من دين ارتبط لديهم بالعنف والقتل والتخلف واضطهاد المرأة.. واجبنا أن نقدم للغرب الصورة الحقيقية الصحيحة للإسلام، الذى أقام حضارة عظيمة على مدى سبعة قرون علمت العالم كله مبادئ العدل والحرية والتسامح.. وإذا تخاذلنا عن أداء هذا الواجب فلا يحق لنا بعد ذلك أن نلوم الآخرين.
بارك الله فيك ونفع الله بك الأمة الإسلامية العربية
تحياتى
أتشرف بمرورك على مدونة العبد لله..يمكن تعجبك ولو عجبتك ماتحرمنيش من الزيارة كل يوم ..ولو مش كل يوم يكون كل شهر..ولو مش كل شهر يكون كل سنة ..يعنى تزورينى كل سنة مرة
تحيات صاخب المخل
يستحق التفكير
مشايخ قنوات الجاز يلعنون الغرب صبح مساء ويودعون ملايينهم فى بنوكهم ويرسلون ابناءهم للتعلم هناك
واذا مرضوا ذهبوا للعلاج هناك بينما من يستمعون اليهم ويصدقونهم لا يجدون العلاج فى بلدهم
......
وهذا هو تعليق شخص فاهم فى المصرى اليوم
العرب يقومون بإداع أموال طائلة لدى امريكا والغرب بدلاً من استخدامها في تنمي شعوبهم على الأقل وإذا أردنا أن نملك زمامنا فعليا أن نتكاتف ونهتم بالتنمية والتصنيع وأن نقلل من اعتمادنا على هذه الدول
بعض العرب قالوا له إن مصر حين تراجعت تراجعنا معها
تقرير التنمية الثقافية العربية: مصر الـ١٢٦ عالمياً .
ويقول التقرير ان السعوديه الأولى فى الأبداع والأبتكار
ابداع ايه وابتكار ايه غير الفكر الوهابى المتخلف وابتكار مطاردة الناس باسم الأمر بالمعروف
ربما بقصد الفرقه السمفونيه او الأوبرا السعوديه
او استديوهات السينما والمسارخ فى كل شارع
والمكتبات الضخمه التى تبيع كل انتاج العقل الأنسانى بمختلف اللغات
والندوات التى تناقش بكل حريه النظام العجيب لحكم اسره محتكره لكل شىء
وجدبقة هايد بارك السعوديه المجاوره لمتحف علوم الأرض المنبسطه كما قال الشيخ بن باز
الله يخرب بيت فلوس الجاز مع المعيز
مصيرهم و مستقبلهم تركوه و يبدو ان العجز عن التاثير في الامور العظيمة دفع الناس للتفكير في غيرها
من يمولهم بكل هذه الأموال
كم نفهم من كلام عادل امام عن عرض للشيخ خالد الجندى
.....
الجندى يعرض على عادل امام ان يقدم فيلما دينيا مقابل اى مبلغ يطلبه ويقدم له شيك على بياض
والا انتي من بتوع البكيني يا عيني
جمعت المنقبات المدرسات مع المجرمين والزناة!!!!
عقلك جزمه
يا بتوع الحريه والديمقراطيه الفالصو
دا انتو ماكو مخ ولا عقل
كله تحلل وخلاعه
ما خليتوا للأخلاق مطرح
احنا خلاص ما عدش عندنا عقل نفكر بيه و اتركب في دماغنا ان الغرب الشرير مش وراه حاجة غير غوايتنا بعيدا عن الفضيلة
بأمارة العدرا الى منتظرينها تتجلى في كنيسة الوراق مسلمين قبل مسيحيين عجب و الله
انا معرفش بجد يا سهران ايه قصة نظرية المؤامرة دى وعلى ايه هيتأمروا يعنى ؟
على السرقة والفساد اللى مالية الوطن العربى
يا استاذى الفاضل كلام علاء الدكتور علاء الاسوانى معلوم على مراى ومسمع من الجميع .. لكن لما تيجى تتكلم تلاقى الرد الجاهز المغلف بالدين ولو فكرت تتناقش تبقى انت كافر
طيب وياترى انتشار النقاب فى مصر ايه هدفه ؟
ميرسى لحضرتك بس انا مصرية قبل ان اكون مسلمة
ولا يشرفنى ان انتمى للعرب
يبقى نفع الله بى وطنى وبلدى اللى اعتز جدا بيها وباهلها من كل جنس وكل نوع واى لون واى دين
تحياتى
انا يرشفنى طبعا زيارتك مدونتك
واعتذر على ردى متاخر لانى بالفعل كنت مشغولة بشكل صعب
ياتى كام واحد فى اللد عقله زى عقل صاحب التعليق ده ؟
انا مش قادرة استوعب الناس ربنا خلق لها عقل وميزها عن الحيوانات .. ازاى ترمى عقلها فى اقرب مرحاض ويروحوا لشيوخ الجاز يلعبوا لهم فيه
بجد حاجه غريبة للغاية
طيب ما تخلف مصر بتمويل من عند العرب
ياريت يقطعوا فلوسم اللى بيدفعهوها للمرضى النفسيين اللى بيقعدوا يصرخوا فى القنوات صبح مساء بان كل حاجه فى الحياة حرام حتى الحياة نفسها حرام ويطالبوا النسا ببيع الدنيا لشراء الاخرة
دلوقتى كل واحد عايز يعمل سبوبة يطلع يتكلم على وجه المرأة ولبس المرأة
وبس خلاص
خالد الجندى واخد تمويل القناة من عند ملك العرب وخليفة المسلمين
لذلك بقى بيتكلم بلغتهم والشيك على بياض عو عيدفع من جيبه
فلوز الجاز عتسدد كل حاجه
انا هغير من اكياس زبالة ؟؟؟
ههههههههههههههههههه
هى اللى بتلبس على شكل كيس الزبالة دى تبقى ايه غير زانية او منحرفه
هو اللى بيستخبى ايه غير قطاع الطرق
بجد حالتك صعبة
ربنا معاكى
بجد انا قاعدة اتابع خبر ظهور العدرا ده واضحك من كل قلبى ربنا يسعدهم كلهم زى ما اسعدونى فى الايام الحلوة دى
الغريب يقولولا لك انها مش بتظهر غير فى المحن
مصر ماهى طول عمرها ف محن
على كدا بقى احنا محتاجين العدرا جنبنا ومعانا ليل نهار
شرفتينى مليكة
تحياتى