للدرجــة دى؟؟

انا متعجبة بس مش مستغربة من الاخبار اللى بشوفها من اسبوع
اولهم اطلاق النار على الدكتور محمد هاني - إخصائي الأمراض الصدرية بمستشفي تثليث بالمنطقة الجنوبية بالسعودية - الذي أصيب بطلق ناري من مواطن سعودي في وضح النهار ووسط زملائه أثناء أداء عمله يوم - الاثنين - الماضي.. وهو ما ألحق به إصابة بالغة جعلته يصارع الموت بالعناية المركزة، وقد ألقت شرطة محافظة تثلث القبض علي الجاني الذي أكد في اعترافاته أنه قام بإطلاق النار علي الطبيب .. لتقصيره في عمله،
يا ماشاء الله هما دلوقتى المواطنين العراعير اللى بيروحوا يشرفوا على الاطباء المصريين فى المستفشيات ويفهموا كدا منهم لحالهم اذا كان الطبيب مقصر فى عمله أو يؤديه على أكمل وجه ؟؟ هما العراعير بيشتغلوا نظام الخمسه فى واحد يعنى دكتور ومهندس وظابط ومحامى وعرعور ؟؟ طيب احنا عايزين نفرج على الدكتور رؤوف العربى وزميله نروح بقى نضرب نار فيهم لحد ما يفرجوا عن الاطباء المصريين اللى جلدوهم وسجنوهم بمجرد تليفون من واحدة مجهولة قالت فى اتصالها جعلونى مدمنة والله اعلم بقى هما اللى جعلوها ولا هى اللى مدمنة من الاساس
للدرجة دى الاطباء بقوا ملطشة حتى فى الكويت ؟؟
الطبيب «محمد سمير» الذي تعرض للاعتداء من أربعة أشقاء أثناء قيامه بعلاج والدتهم بمستشفي مبارك بالكويت.. والطبيب يعالج الآن بالمستشفي،
سورى نسيت ان الصحفى الكويتى قليل الادب كان كاتب فى مقاله ان المصرى سعره لا يتعدى سعرغسالة كورية يعنى اخره 200دولار
فى صلاة العيد
علماء الدين يعارضون صلاة المرأة بجوار الرجل
للدرجة وصلت حالة التدين الشديد فى الشعب المصرى لدرجة ان الراجل المصرى يثار من وجود ست جنبه حتى لو هو بين ايدين ربنا يصلى ويبتهل له بالدعاء كى يتقبل صيامه وقيامه ليغفر له ذنوبه ؟؟
للدرجة الستات بقت خطر مرعب على الرجالة ده رجالة ايه الخيخة دى يا خوانا اللى اى انثى مهما كانت حلوة وحشة اى منظر والسلام تثير غرائزه حتى لو فى الصلاة ؟؟