الكوتة والاخوانجية واللى تغلب بيه العب بيه
عقب موافقة مجلس الشورى على مشروع قانون بتعديل أحكام قانون مجلس الشعب رقم ٣٨ لسنة ٧٢، ويقضى التعديل بتخصيص ٦٤ مقعداً للنساء فى مجلس الشعب .. إنتفض الإخوانجية إنتفاضة رجل واحد وقالوا يا للهول لن يفلح قوماً ولو أمرهم إمرأة .. وايشى كلام من عينة ده تمييز ضد الرجال .. ولكن خلاص القانون تم تعديله فقد سبق السيف العزل .. وكالعادة المصلحة ثم المصلحة ثم المصلحة يليها المنفعة وكله من اجل نصرة إخواننا فى غزة وطز فى المصريين .. إنتفضوا مرة أخرى إنتفاضة رجل واحد وعينوا متحدث رسمى عنهم وراح قايل ايه بقى الكابتشن رشاد البيومى عضو مكتب الإرشاد،
«نية» الجماعة الدفع بـ«إخوانيات» للترشح فى الانتخابات المزمع إجراؤها لزيادة تمثيل المرأة فى البرلمان. وقال: «الاشتراك فى جميع الانتخابات التشريعية والطلابية والنقابية مبدأ أصيل للإخوان يرجع إلى قناعة الجماعة بضرورة المشاركة الإيجابية فى الانتخابات».
طيب هو مش حرام عندكو صوت المرأة ؟؟ إزاى هتسيبوها تقف فى وسط المجلس وتمسك المايك وتتكلم بصوتها العورة و
تستجوب وزير ولا اى مسئول فى الدولة بصوتها العورة وناهيك عن الصور اللى هتعلقها فى الحيطان اثناء الدعاية الانتخابية ولا هتعلقوا لها صورة وهى لابسه النقاب ابو عين واحدة ولا مغطية عنيها الاتنين وساحبها محرم زى كيس الزبالة الاسود المربوط ؟؟
تستجوب وزير ولا اى مسئول فى الدولة بصوتها العورة وناهيك عن الصور اللى هتعلقها فى الحيطان اثناء الدعاية الانتخابية ولا هتعلقوا لها صورة وهى لابسه النقاب ابو عين واحدة ولا مغطية عنيها الاتنين وساحبها محرم زى كيس الزبالة الاسود المربوط ؟؟ وماذا عن المؤتمرات الانتخابية مش واجب برضه تقابل أولاد الدايرة علشان تشرح لهم برنامجها الانتخابى ولا اولاد الدايرة هما اللى هيقابلوها ؟؟
تعليقات
للمجلس اهو يبقى عندنا حد في مجلس الشعب
انتى عايزة ايه
عايزة نسوان المجلس يكونو حزب وطنى
موش كفاية الرجالة اللى بياخد الفنانة من دول على حية يسيبها فى ترتبتها شكلها خربت
وبيدو ان الخطه تجحت
فما العجب
سمراء
الموضوع غريب نوعا ما بالنشسبة لى
اتمنى لو احد المدونات السيدات تقدمت لمجلش الشعب ستساعد بالكثير
تحياتى
سلام
انا كنت لسا بتكلم عن الموضوع ده عندي بس مش عارف حاسس ان الاخوان عندهم داء الانتخابات يعني لو في انتخابات حصلت في حديقة حيوان الجيزة ممكن يشتروا حيوانات ويدخلوها الانتخابات علشان تبقى المشاركة ايجابية
تحياتي
وما جلبه من مأسى
سيرى يا قطة وجميعنا وراكى
قال احد المفكرين اللي مش فاكر اسمهم الحكم العسكري والحكم الديني ديكتاتورية
الحكم العسكري لا يسمح بحرية رأي لان من يخلف يقتل والحكم الديني ينذر من يخالف بمعاقبة الدنيا والاخرة لانه خالف كلام الله ويستحق ان قام علية الحد ويطلق علية
(كافر)
تحياتي وللامام دمتي بخير
منتظرك على لادونا هعمل عليها مجموعة مواضيع هتعجبك
وموضوع تخصيص مقاعد للنساء لسه مكونتش راى نهائى عنه بس افتكر لو الستات مسكوا البلد هيخلوها احسن كتير
ولنا ان نحلل الموقف فلنجد انه ليس امامهم الا احد حلين
اما مقاطعة دوائر النساء
على اساس انهم فتنه
او الدفع بعشرات المنتقبات فى الدوائر النسائيه فاذا نجحوا فى ايجاد مثل هؤلاء
فسيواجهون مشكلة انه لا يوجد انسان عاقل طبيعى ينتخب شخصا لم يره ليمثله ويتخدث باسمه
والسؤال
هل سنرى قريبا ملصقات لوجوه مختفيه متشابهه على الجدران ايام الأنتخابات
دون ان نعرف كيف نميز بينهم؟
ههههههههه
انا بطالبك بدليل على كلامك بان الاخوان عارضوا القانون بتخصيص حد ادنى من المقاعد للنساء
لانى واثق ان ده مش صحيح
ولو انتى فعلا تعرفى الاخوان كان عمرك ما قلتى كده لكن نتيجه للجهل بسياسة الاخوان انتى اتكلمتى كده
لانك لو كنتى سمعتى عن حد اسمه زينب الغزالى كان عمرك ما هاتكتبى موضوعك ده
السلام عليكم
انا بس حابه اصلحلك بعض النقط اللي يمكن انتى متعرفهاش عن الاخوان وطبعا وجهة نظرك الشخصية انتى حرة فيها
اولا بنات الاخوان او ان شاتى قولى المراة فى الاخوان مش شرط تلبس النقاب والنسبة الاكبر مش بتلبس النقاب اصلا اللي بيلبسوا النقاب والاسود دول السلف مش الاخوان المسلمين
تانى حاجة ان صوت المراة مش عورة ولا حاجة ولا فى اى دليل بيقول كده وده كلام الاخوان يعنى الاخوان مش بيعتبروا صوت المراة عورة ولا مشاركتها فى كل انشطة المجتمع عيب بالعكس
انا بنت من الاخوان وبحترم اى راي يخلاف الاخوان وارى ان نظرة الاخوان للمراة تحتاج الي تعديل بكل تاكيد ومفيش حد يقدر ينكر ده ولا جوا الاخوان ولا بره بس مش للدرجة ديه لاننا لا نرتدى النقاب وان كنت لا اره خطأ ونشارك علي كل المستويات سواء كانت سياسة او غيرها ولنا ارانا ووجهات نظرنا التى تحترمها الجماعه
وواكد ان اوضح فقط واكيد بحترم وجهة نظرك جدا وطرحك اللي بجد ليها وجهة نظر ليها ابعاد عميقة
شيماء ربيع
اقراوا عن العقليه المطبخيه فى المقال التالى
فالمرأة المصرية ضحية كل هؤلاء الذين عزلوها عن هويتها الأصلية كذات مستقلة وفاعلة، وحددوا لها هوية مزيفة لا وجود لها إلا في علاقاتها بالرجل، بينما وجود الرجل يتحدد بذاته وحدها. ولذلك كان من السهل التأثير علي المرأة وجعلها تتمثل رؤية الرجل لها وايهامها بأن هذه الرؤية نابعة منها وليست مفروضة عليها، وذلك من خلال ربط هذه الرؤية الزائفة لهوية المرأة بالعقيدة الدينية بعد تأويلها تأويلا يتسق مع رؤيتهم عن المرأة إلي الحد الذي أصبحت فيه المرأة هي الداعية إلي الحفاظ علي هذه الهوية المزيفة والمروجة لها بين النساء، مما دعا المرشد العام لجماعة الإخوان ان يعلن في زهو قائلا : عندما ترتدي كل نساء مصر الحجاب، وعندما يصبح كل رجل في مصر ملتحيا، عندئذ سنكون قد وصلنا الي الحكم.
والآن، وبعد انقضاء ما يقرب من ربع قرن علي انتشار ظاهرة الحجاب وبداية انتشار ظاهرة نقاب المرأة، نتساءل : أين تكمن الجرثومة التي تجعل المرأة قابلة لاحتضان دعاوي الرجال الذين يستغلونها كوسيلة للانقضاض علي السلطة السياسية، أيا كان نوع تلك السلطة، تتساوي في ذلك الليبرالية والأصولية الدينية؟
في تقديري أن الجرثومة تكمن في عقل المرأة. أنا هنا أستعين بما ورد في الفصل المعنون «المرأة والحضارة» من كتابي «نقد عقل المرأة» (1999) حيث صككت مصطلح «العقلية المطبخية» الذي يعبر عن بنية ذهنية تعزز نمطا عاما عند المرأة في الفكر وفي الوعي معا. وقد أدي المجتمع الذكوري دورا تاريخيا في تأسيس هذه البنية الذهنية التي تتضمن تحكم الرجل في المرأة الي الحد الذي تصعب معه العودة الي المجتمع الأمومي الذي سبق أن سادت فيه المساواة بين الرجال والنساء ونسب الأطفال الي أمهاتهم ومن هنا يمكن القول بأن بزوغ المجتمع الذكوري قد أحدث انقلابا حضاريا.
والسؤال الآن : ماهو هذا الدور الذي أداه المجتمع الذكوري في احداث هذا الانقلاب الحضاري؟
قراءة الفنجان
إن دوره يكمن في الانقلاب الذي أحدثه في نسق القيم وهو علي النحو التالي : القوة الجنسية هي المعادل لفضيلة الرجل والكبت الجنسي هو المعادل لفضيلة المرأة، اعمال العقل من شأن الرجل واعمال العاطفة والانفعال من شأن المرأة، العمل خارج نطاق الأسرة من وظيفة الرجل والعمل المنزلي، خاصة العمل المطبخي، من وظيفة المرأة. وفي تقديري أن العمل المطبخي قد أحدث تغييرا جذريا في بنية عقل المرأة، الأمر الذي دفعني الي صك مصطلح «العقلية المطبخية» ومن سماتها الأساسية عدم الخضوع لأي قانون من القوانين العامة التي تنظم أمور الحياة، وانما الخضوع للمزاج. وإذ يتحكم المزاج فالأسطورة جاهزة للأخذ بها كبديل عن عجز المزاج عن تفسير الأحوال والأحداث. مثال للتفكير الأسطوري الخرافي عادة قراءة الفنجان المتفشية بين النساء واللجوء الي السحر والشعوذة وعمل الأحجبة إلخ
من مقال د. منى ابوسنه..
والآن ثمة سؤال : كيف تتحرر المرأة من هذه الهوية الزائفة وتتجاوزها الي تكوين هوية انسانية لاتختزل كيانها في انوثتها ولاتختزل انوثتها في المسألة الجنسية؟
يرتبط بهذا السؤال سؤال آخر هو : كيف نعيد صياغة العلاقة بين المرأة والرجل في اطار هذه الهوية الإنسانية لكل من المرأة والرجل؟ الاجابة عن هذين السؤالين تبدأ بأن تعي المرأة اسباب تمسكها بالهوية الزائفة، أي الهوية الجنسية، التي تحكم علاقاتها بالآخر سواء كان هذا الآخر رجلا أو امرأة كما يستلزم ايضا وعي المرأة بمدي انعكاس تمسكها بالهوية الزائفة علي حياتها ويبدأ الوعي بأن تبحث المرأة، بارادتها المستقلة عند جذور الأوهام الكامنة في الهوية الزائفة ونوجزها في أربعة أوهام : الوهم الأول : اعتقاد المرأة أن أمنها منحة من الرجل، ويعبر عنه بالمثل الشعبي الذائع «ظل راجل ولا ظل حيطة» بينما الواقع الذي تعيشه المرأة يقدم لها الدليل تلو الآخر علي أن هذا الاعتقاد مجرد وهم وأن الرجل لايمنحها الأمان بل علي العكس، في اغلب الاحيان، هو المسئول عن تعرضها هي وأسرتها للضياع من خلال سوء استخدامه لحقوق الرجل الشرعية من طلاق وتعدد زوجات، مما يضطر المرأة لتوفير الأمان لأسرتها بأن تكون البديل للرجل.
الهوية الزائفة
الوهم الثاني : اعتقاد المرأة أن حريتها مرهونة بالرجل حيث تتصور الفتيات ان الزواج سيحررهن من قيود الأسرة التي يفرضها الأب والأم وأحيانا الأخوة الذكور، وتصطدم الفتيات بالواقع الذي يقدم لهن الدليل علي فساد اعتقادهن، حيث تزداد الأغلال والقيود علي حياتهن من قبل الزوج الذي تصورن أنه سيحررهن.
الوهم الثالث : اعتقاد المرأة أنها موضوع رغبة من الرجل، ويعبر عن هذا الوهم بالمقولة الشائعة بين النساء والتي يفترض أن لها أصولا شرعية، وهي «طاعة الزوج من طاعة الرب» وتردد النساء تلك المقولة بزهو وكبرياء زائف تصورا منهن أن هذا يرضي غرورهن الأنثوي، غافلات عن المغزي اللاانساني الكامن في هذا الاعتقاد وهو تأليه الرجل الزوج أولا، ثم تحويل المرأة الي مجرد أداة جنسية لامتاع الرجل الباحث دائما، كما تتصور النساء، عما يثير شهيته الجنسية ويرضيها، طبقا لهذا الوهم.
الوهم الرابع : اعتقاد المرأة أن طموحها يكمن في تحقيق طموح الرجل، سواء كان هذا الرجل هو الأب أو الأخ أو الزوج أو الابن. ويتجسد هذا الوهم في مقولة «وراء كل عظيم امرأة».
من مقال ..منى ابوسنه
http://2.bp.blogspot.com/_JqhVoGfHNic/SgHZ1XuB0MI/AAAAAAAAAHE/Th3IMtnOVyg/s1600-h/S.S-2
أعتقد أن جماعة المحظورة إخوان ستقوم بترشيح نفس الوجوه المعتادة من الرجال في المقاعد المخصصة للمرأة ... بعد حلاقة اللحية و إرتداء النقاب ، على إعتبار أن محدش عارف حاجة .. زي الصورة اللي فوق
---
الصورة من مدونة
Alexandrian far away
ياجماعه الموضوع ببساطه هو كما يلى
اما ان المحظوره تؤمن فعلا بما وصل اليه التقدم الأنسانى من اخترام حرية وكرامة الأنسان
وفى هذه الحاله لا شىء جديد يميزهم عن غيرهم وبالتالى فلا لزوم لهم
ويكونون مجرد لاعبين فى سيرك السلطه بوسائل غيرهم
واما هم ينكرون ماوصلت اليه البشريه بعد طول نضال من اخترام لحرية الأنسان وكرامته
وفى هذه الحاله هم خطر ومرض ودمار
ولننظر الى اى دوله ادعت الحكم باسم الدين ماذا كان مآلها وهاهى ايران تثور فى وجوههم
وتتعرض غاليا الثوره للقمع باسم الدين
طبعا المحظوره تناور وتدعى انها تغيرت واصبخت تؤمن بقيم الحريه والكرامه الأنسانيه ولكن هذا مجرد ورقه يلعبون بها
لأنه لو كان صحيحا فلا داعى كما قلنا لوجودهم لأنهم فى هذه الحاله لا يختلفون عن اى تيار سياسى عصرى أخر
ولا يستطيعون التعلل بحماية الدين لأن اى تيار او سلطه لم تتبرا من هذا الواجب
وهو ليسوا وحدهم المسلمون
من يحتاج الأخوان اذا كان كل مايملكونه من بضاعه لحل المشاكل الصعبه فى الأقتصاد من بطاله وفقر وتخلف صناعى
هو اعدام هيفاء وهبى ونانسى عجرم
وتحريم ظهور الممثلات فى المسلسلات بقمصان النوم وتغطية شعور النساء واطلاق اللحى والدعاء بصوت جهورى على اسرائيل؟
او شركات توظيف اموال بمباركة كبار الشيوخ فى اكبر عملية نصب فى تاريخ مصر
واين هم هؤلاء النصابون الآن الذين يعيشون فى بلاد الكفار باموال الغلابه كالملوك بعد ان حلقوا لحاهم وخلعوا بقية عدة الشغل
لوحظ، عقب إغلاق مراكز الاقتراع.. نزول قوات كبيرة من الحرس الثوري الإيراني المسلح إلي الشوارع، ولم يتم السماح للمرشحين أو ممثليهم بمراقبة فرز الأصوات، وقال وزير الداخلية إنه المشرف علي الفرز النهائي في مكتبه بالوزارة بحضور اثنين فقط من معاونيه!.
وفي ليلة التصويت احتلت قوات الأمن مكاتب عدة صحف لضمان أن تكون تغطية الانتخابات علي النحو المطلوب!.
وتم تغيير العديد من «المانشتات»، وسيطر الحرس علي كل شيء، بما في ذلك الكثير من المؤسسات الاقتصادية.
كان الشباب الإيراني يشعر بالتفاؤل، لأن رئيسا آخر، غير الرئيس الحالي سيكون أكثر قدرة علي إصلاح الوضع الاقتصادي.. فلا يوجد خلاف بين المرشحين الرئيسيين حول حق إيران في متابعة برنامجها النووي، أما الأحوال الاقتصادية، فإنها متدهورة بسبب التضخم وحدوث أعلي نسبة عجز في الميزانية منذ قيام الثورة، رغم حصول إيران علي أعلي عوائد للبترول في تاريخ البلاد.
ومع ذلك، فإن إيران ستظل كما هي، لأن الرئيس «المنتخب» ليس سوي الرئيس المنفذ لسياسات وقرارات المرشد الأعلي «صانع السياسة الحقيقي» الذي يملك كل السلطات الحقيقية، ويسيطر بشكل مباشر علي القوات المسلحة وأجهزة المخابرات، ويعين رئيس السلطة القضائية ومسئولي الإعلام، ويوجد ممثلون شخصيون للمرشد في مختلف مؤسسات الدولة والأقاليم، وهو صاحب القرار الأول والأخير في السياسة النووية والعلاقات الخارجية.
وبالنسبة لإسرائيل، فإن فوز «نجاد» أتاح لها تجديد الأمل في تخفيف الضغط عليها لكي توقف الاستيطان وتذعن لحل الدولتين، ويستعد رئيس الوزراء الإسرائيلي نتنياهو الآن لكي يؤكد أن «التهديد الإيراني لإسرائيل» قد تعاظم، وأن الطموحات النووية الإيرانية «ليست القضية الفلسطينية» هي التي يجب أن تكون لها الأولوية القصوي (!)، كما يستعد لمطالبة الرئيس الأمريكي أوباما بالتخلي عن فكرة الحوار مع إيران ووضع الخطط لشن الحرب ضدها!!.
مش بحب اتكلم بقوانين محددة يا مواطن
:))
وده ايه علاقته بالوطنى ولا الخاين حتى دى مسألة أخلاق
رؤية سليمة جدا
كانت عندى صديقة والدها اخوانجى كان عنده كل حاجه عيب وحرام وميصحش ولو فكرت تتناقش معاه يكون الرد المبدء مرفوض وعند اول مصلحة شخصية يزج ببنته فيها اصل فى الحالة دى المبدء بيكون مقبول
لحد ما البنت قررت انها مش تعمل غير اللى مقتنعه بيه مهما عمل هو او عاقبها
هاى حسام
اللى شايفه فى نفسها تصلح ايه المانع انها تتقدم للمجلس
اشكرك جدا
تحياتى
ههههههههههههههه
والله مثال مقبول جدا وانا موافقه عليه خصوصا بعد الخرف اللى بيعملوه ده
والمصريات رايحين يقلدوا سكان شبه الجزيرة باسم الدين علشان يجلبوا علينا الغباء الازلى
اصل مصر ناقصه ارفهم
محبش اتقيد بقوانين يا سامر وارتبط باجندة محددة
احب اعبر عن رائي وفكرى بصرف النظر عن اى حد تانى
ميرسى ليك جدا
حلو اوى كلام المفكر ده وان شاء الله تحصل صحوة فى مصر ويفقوا من اتباع اصحاب الشعارات ويكفى ان ورقهم يتم كشفه الورقة تلو الآخرى
تحياتى
المفروض بقى يكون الناس فهمت الدرس كويس وتبطل تاكل من شغل الثلاث ورقات اللىب يعملوه ده
اما موضوع تخصيص مقاعد للنساء فى انتظار رايك
وطرحه فى مدونتك لمشاركتنا معاكى افكارك كما عودتينا
تحياتى ماجى
ولك فى الصورة التى أتى بها العزيز على باب الله اسوة
اهدى بس اعصابك بدأت تفلت منك لا حول الله يعنى لو جت لك جلطة دلوقتى ووقعت من طولك الاخوانجية هينفعوك ابدا هيقولوا فى ستين داهيه يروح كلب يجى الف كلب وخير دليل المرمين فى المعتقلات ولا حد سائل فيهم بفلوسهم يقدروا يستقطبوا الف واحد غلبان كل يوم مش مهم فكره ازاى الاهم انه يكون بيدور على الجنيه
وده واضح خالص من خلال كلامك وردك اللى يبدو انك مش قرأت البوست اصلا وداخل يا حرام عندك ارتفاع فى الضغط ودرجة الحرارة لاء وجاي تضرب لى مثل بزينب الغزالى اللى تاريخها المهبب معروف من ايام الثورة وبتتحدانى ازاى كنت سمعت عنها .. إذا كان انت سمعك تقيل مش بالضرورة يكون كل الناس زيك وبعدين كنت شوف مثال عدل شوية
الا هى زينب الغزالى دى دلوقتى بقت قدوة هههههههههههه
مش دى بتاعة كتاب أيام من حياتى اللى ايام الثورة ابدت تعاطف رهيب موهيب وكتبت الشعر والغزل فى اللواء محمد نجيب ولما البنا شاور لها بصوباع رجليه الصغير لقربها من رجال الثورة للتوسط بينه وبين النحاس لازالة سوء التفاهم اللى كان بين الجماعه ورجال الثورة اصلهم حسوا يا حرام ان الثورة مش هى الهدف اللى كانوا يرجوه جريت وهرعت بكل ما تملك من قوة مش مهم تتوسط الاهم المصلحة تمشى اصل البنا وعدها برئاسة المركز العام للاخوات المسلمات وطبعا المناصب بريقها عالى وكان لازم تتوسط امال ايه ده كلام برضه
خد عندك كمية الاعتراضات من الاخوانجية وبحجج واهيه جدا
وقال النائب أحمد أبو بركة عضو الكتلة إن كل المناقشات التي تدور حول هذا القانون باطلة؛ بسبب قيام اللجنة التشريعية باغتصاب سلطة مجلس الشعب في استبعاد مشروعي قانون مقدَّمين من بعض النواب، واستبعدتهما اللجنة ولم يتضمن تقريرها أي شيء حول المشروعين وأسباب رفضهما.
وأشار إلى أن ضعف الحياة السياسية هو السبب في استبعاد المرأة، مستشهدًا بأكثر من 20 ألف حكم قضائي بعضهم لنساء لم ينفَّذ، وكان يخص مصادرة حق المواطنين في الترشيح لمجلس الشورى والمجالس المحلية.
وأكد النائب رجب أبو زيد عضو الكتلة أن الحياة السياسية الراهنة هي التي أضعفت مشاركة الرجال والنساء معًا، وتساءل: كيف تستطيع امرأة أن تُجري دعايةً على مستوى المحافظة، وحذَّر من خطورة المشاركة السياسية وضعفها في المجتمع، مؤكدًا أن هذا لن يتم إصلاحه إلا من خلال الإصلاح السياسي الحقيقي.
وكان مجلس الشعب قد وافق اليوم من حيث المبدأ على قانون تخصيص 64 مقعدًا للمرأة بمجلس الشعب، وسط رفض نواب الإخوان والمعارضة والمستقلين، وطعنهم بعدم دستورية التعديل، وقالوا إنهم مع تمكين المرأة، ولكن هذا لن يأتي إلا من خلال وجود إصلاحات سياسية وحزبية حقيقية تعيد للحياة السياسية المصرية قوتها وحيويتها، واتهموا الحزب الوطني بتفصيل هذا التعديل على مقاسه ليضيف إلى رصيده 64 مقعدًا جديدًا.
لو مش فاهم ممكن تستعين بحد كيير يفهمك
بس بعد ما تفهم مش تيجى تجرى تحذف الرد بتاعك زى ما طلبت ادلة قبل كدا ولما جبتها لك جيت تجرى حذفت ردودك
دافع عن رايك ولو اكتشفت انك غلط ممكن تعتذر مش عيب العيب هو انك تنهزم وتجرى
طيب انا شوفت كلامك للآخر بس تصدقى متفقة معاكى فى جزئية ان مش كل الاخوانيات منقبات اصل فى الحقيقة الاخوانجى عنده استعداد يلبس زوجته او بنته بدلة رقص فى سبيل مصلحته جميل انك جيتى توضحى لنا الفرق بين الاخوانجية والسلفية .. بس معلشى من واقع انتخابى انا كنت موجودة فيه
عندنا زوجة عضو مجلس الشعب عن الاخوانجية كانت بتروح المساجد ايام الانتخابات وتوزع النقاب على الستات الغلابة .. وزوجات البوابين علشان يروحوا ينتخبوا زوجها وتقربت منهم بالنقاب وقال الله وقال الرسول .. لاء ومش كدا ده انا كمان كنت فى لجنة انتخابيه كانت الست المنقبة من دول وممكن تكون راجل والله اعلم تدخل تنتخب ويطلعوا بره يمسحوا صوابعهم بتنر او مادة لازالة الصبغة ويرجعوا ينتخبوا نفس الاخوانجى تانى ولما شكيت ان المنقبات داخلين خارجين من اللجنة طلعت كلمت الامن ان الناس دى نفسها انتخبت قبل كدا بعدها قرروا عدم دخول المنقبات وهما نفسهم راحوا قلعوا النقاب وفردوا الشعر وعملوا الميكب ودخلوا ينتخبوا والمهم الاخوانجى ينجح وطز فى النقاب واللى بيلبسوه
تعالى بقى ياللى بتقولى انك اخوانجية ومش فى اخوانيات بيلبسوا النقاب كنتى متابعه المظاهرات اللى كانت ايام مجزرة غزة واللى كانوا بيعملوها الاخوانيات فى الشوارع .. كانوا متخفيين ورا قطعة قماش ولا لاء ؟؟؟ شوفتيهم فى مؤتمر الدقهلية كانوا متخفيين ولا لاء ؟؟؟
ولا دول كمان كانوا سلفيين ؟؟
اصل لو سلفيين يبقى بارك الله فيما رزق ومش من حق اى اخوانجى يجى يقول بعد كدا انهم اكبر حزب معارض اصل ده معناه ان المعارضه سلفية وليست اخوانجيه وكلامك ده اللى بيكدبهم
بجد ميرسى ليكى المعلومات الجميلة دى
اين النخوة والكرامة يا اخوان
هم يرون فى اكوام القماش تدين المرأة وفى المينى جلابيه للرجل هذا هو التدين لذلك عندما تنتشر هذه المناظر المقززة فى انحاء مصر ضمنوا بالفعل السلطة
ولكن هيهات لحزب طز ان ينالها
تحياتى
اتفق مع كل حرف من مقال الاستاذة منى
لكن الغريب ان البعض من النساء تعودن على القهر وان لم يجدن من يهرهن يقهرن هن انفسهن والدليل فى بعض المدونات العاشقات لقطعة القماش
محتاجين للاسف علاج لهذه النوعيات
حتى تتم نظافة المجتمع من اكياس الزبالة
الحاجه سوريا مرشحة عن دائرة لاحد الاصدقاء بالمناسبة هى قلعت النقاب بعد ما سقطت فى الانتخابات
طالما المصلحة مش مشيت بقى هتكفن نفسها ليه
يا عزيزى انهم كلاحرباء على جميع الالوان لا يهم ما سيقال عنهم الاهم هو السلطة وباى طريقة
لطالما الارصدة فى البنوك تورمت بفضل الله وغسل عقول الفقراء والغلابة من العامة
فلا حاجة لعدة الشغل بعد اليوم
انا كل ما اثار اندهائى هو بعض الابواق التى ظلت تردد عقب الانتخابات بصوا وشوفوا الانتخابات الحرة النزيهه
امال قوات الحرس الثورى الايرانى كانت بتعمل ايه داخل اللجان يا جهابذة
اظن كانوا موجودين من اجل الشفافيه
ربنا يقويكوا على بعض
علشان كل شيء ينكشفن ويبان
:)))
انا منكنش اصدى اوضحلك الفرق بين الاخوان والسلف لان ده مش مجاله ولا مواطن ذكره انا كان اصدى اوضح ان صورة معينة ان الاخوان مش هم اللي بيقولوا ينقاب يابلاش وان صوت المراة عورة مع احترامى الكامل للي بيقوله كده لان كل واحد حر فى رايه
انا بشوف ان التقييم او النقد لازم يكون تقييم للاصل الفكر مش بس للاداء الافراد اللي ممكن يكون ناتج عن قناعتهم الشخصية مش عن فكر الجماعه ولا عن ممارسة جماعيه الجماعه متبنيها زى المثل اللي انتى ذكرتيه فى الانتخابات
انا مش عايزة اضيقك بتعلقياتى والله انا بس عندى اعتقاد بحبه اوى ان ايه المشكلة يكون فى مساحات مشتركة بين كل الناس سواء كان ليهم انتماءات ولا لا
وان ايه المشكلة لما تتنقاش مادام كلنا بيقبل الاخر
ولو تحبى انى اشارك كمناقشة فى نقط كتير ذكرتيها يبقى شيء جميل
وبرده تانى والله مش عايزة ازعجك بتعليقاتى وبجد رؤيتك فعلا ليها وجهة نظر عميقه
وشكرا ليكى
شيماء ربيع
الإخوان و
الإزدواجية التي يعيشون بها
أوقات حرام و أوقات حلال
و مرة في الديسكو و ملاهي القمار
في أوروبا
و مرة في المجلس و المساجد في بلدهم
مو شغلة جديدة عليهم
خصوصا انو الموضوع إلو علاقة بالمراة
القصة الدسمة التي يستمتع الجميع
بحشر أنفه فيها
ما في فايدة
خالص تحياتي
تقصدى ايه بعندكم دى
على اساس ان الاخوان دول فصيله مسلمه وانتى من فصيله مسلمين تانيين
مع انى اشك انك مسلمه لانك للاسف المسلم بيغير على دينه وعلى اخواته بدل ما يوصفهم بالصف القبيح بتاعك دى
زى كيس الزبالة الاسود المربوط
ارجو يكون الاسلوب مهذب ومش هقولك
اكتر من
يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "
ربنا يهديكى يا بنتى
الا هى جماعة الاخوان دلوقتى اصبحت الدين الإسلامى
ههههههههههههههههههه
الدين تمثل فى اشخاص
يعنى انتى لاغيتى القرآن المنزل من عند الله وسنة الرسول واتبعتى الرسل الجدد وهما الاخوان المنتفعين
هنيئاً لكى بالدين الجديد
بصى هو واضح من طريقة كلامك إنك أنسانة عاقلة
وبالعكس تعليقاتك مش مضيقانى ولا حاجه انا اتشرف بالمناقشة معاكى
اى نقاط ممكن تطرحيها
وان اتفقنا خير وان اختلفنا كلانا يحتفظ باحترمه للأخر
احييكى فعلا على اسلوبك الراقى فى النقاش
تحياتى
طبعا افعالهم واضحة وبارزة لكن كل من يتم عمل غسيل مخ ليه يتبعهم دون اى تفكير فلوس البترودولارات تصنع المستحيل يا عزيزتى
تحياتى
الاخوان عمرى ما اطلقت عليهم الحقيقة كلمة اخوان مسلمين اصل قالها منشأ مدرسة الاخوانجية قديماً ليسو اخواناً وليسوا مسلمين
فاذا كان الاساس بتاعهم اتبرى منهم عايزانى انا اقول عليهم اخوان مسلمين حاشا لله كد انا بكدب الراجل فى تربته
بل اللفظ الصحيح هو الاخوان المنتفعين
وعلشان انا بغير على دينى بقى بكره المنتفعين وبكره العاهرات والمجرمين اللى بيتخفوا خلف قطعة من القماش ويرتبكوا ما يحلو لهم من افعال ويلزقوها فى الاسلام
فهمتى
؟؟؟
ميرسى على دعوتك وربنا يهدى الجميع