الحمد لله الذى خلصنا من هذا العمرو خالد عقبال الباقييين
خبر سعيد تتداولة الصحف اليوم واتمنى انه يكون حقيقة وليس مجرد فرقعه اعلامية مقصودة لتلميع عمرو خالد بين معجباته اصل النجوم والبهلونات لما بيحسوا ان المعجبين بدأوا ينسحبوا من حواليهم بخلاف ان الناس اللى عندها عقل فاقساهم وفاقسه التمثيل وفن التباكى الذى يجيدوه بيخترعوا اى حاجه لعودة الأضواء من تانى ..
الخبر بيقول ايه بقى يا حضرات
الأمن أجبر الداعية البارز عمرو خالد على الرحيل من مصر، ومنعه من تصوير برامجه داخل البلاد، إثر خلافات ومناوشات بدأت قبل ٦ أشهر على خلفية مشروعه «إنسان» لمحاربة الفقر، ورفض الأمن لتصويره برنامج «المجددون»، وبلغت الأزمة ذروتها مؤخراً بمنع عرض الجزء الثانى من برنامجه «قصص القرآن» فى بعض الفضائيات المصرية.
وقالت مصادر مطلعة إن خالد رحل إلى لندن صباح أمس فى رحلة طويلة قد تمتد بين عامين وثلاثة أعوام، حيث سيعود بعد عدة أيام بعد ترتيب أوضاعه فى لندن لاصطحاب زوجته وأبنائه، على أن يزور مصر على فترات متباعدة ولأيام قليلة، للاطمئنان على والديه، دون أى ظهور إعلامى أو المشاركة فى أى أنشطة عامة
يعنى هو انا نفسى افهم اللى بيتم ابعاده من البلاد بيرجع لها تانى إزاى ؟؟؟ وليه عموووره راح لندن بلاد الفرنجة والعياذ بالله هل صبأ وبعد ابعاده ناوى يخرج عن دين أبائنا وأجدادانا ويتبع الدين الجديد ؟؟ مش راح ليه عند حبايبه آل سعود
يلا عموما السكة اللى تودى وعقبال باقى الدجالين
الخبر بيقول ايه بقى يا حضرات
الأمن أجبر الداعية البارز عمرو خالد على الرحيل من مصر، ومنعه من تصوير برامجه داخل البلاد، إثر خلافات ومناوشات بدأت قبل ٦ أشهر على خلفية مشروعه «إنسان» لمحاربة الفقر، ورفض الأمن لتصويره برنامج «المجددون»، وبلغت الأزمة ذروتها مؤخراً بمنع عرض الجزء الثانى من برنامجه «قصص القرآن» فى بعض الفضائيات المصرية.
وقالت مصادر مطلعة إن خالد رحل إلى لندن صباح أمس فى رحلة طويلة قد تمتد بين عامين وثلاثة أعوام، حيث سيعود بعد عدة أيام بعد ترتيب أوضاعه فى لندن لاصطحاب زوجته وأبنائه، على أن يزور مصر على فترات متباعدة ولأيام قليلة، للاطمئنان على والديه، دون أى ظهور إعلامى أو المشاركة فى أى أنشطة عامة
يعنى هو انا نفسى افهم اللى بيتم ابعاده من البلاد بيرجع لها تانى إزاى ؟؟؟ وليه عموووره راح لندن بلاد الفرنجة والعياذ بالله هل صبأ وبعد ابعاده ناوى يخرج عن دين أبائنا وأجدادانا ويتبع الدين الجديد ؟؟ مش راح ليه عند حبايبه آل سعود
يلا عموما السكة اللى تودى وعقبال باقى الدجالين
تعليقات
أنا تماماً ضد فكرة إن الأمن "يرحّل" مواطن مصري خارج بلاده لمجرد أن لهذا الرجل مواقف خاصة به قد تراها الحكومة خطراً علي الأمن القومي!!
محدش له السلطة إطلاقاً إنه يرحل مواطن من بلده .. ومن حق عمرو خالد ومن حق ماكس ميشيل ومن حقك ومن حقي ومن حق كل مواطن يحمل هذة الجنسية المصرية إنه يعيش في بلده بحرية .. ودا حق من حقوق المواطنة اللي بينص عليها الدستور (دا لو كان للبلد دي فعلا دستور)ه
مش فاهم ليه الضجة دي كلها علي المدعو عمرو خالد؟؟ وإيه الخطر في إنه يقدم برنامج ولا اتنين؟؟ يعني هيكون اخطر من ال88 إخوانجي اللي دخلوا البرلمان ولا اخطر من مشايخ التكفير والسلفيين اللي مسيطرين علي اغلبية الجوامع والمساجد في مصر؟؟
القرار زي دا بيظهر اد إيه الحكومة عندنا حكومة غبية ... !!
أولا
أظن هذا اسمه اقصاء
من الخطأ انه واحد يقصي التاني
اذا كان هؤلاء أو أولئك
راح اقول وجهة نظر محايدة:
عمرو خالد بيحاول ان يصلح من وجهة نظره و طبقا لمرجعيته
اللي عنده فكر اخر و وجهات نظر أخرى و مرجعية أخرى يتفضل
هذا موجود و هذا موجود
أما الاقصاء و القمع هاذي ليست أكثر من صورة أخرى للتطرف بس تطرف بدون ذقون
اذا كنا بنرفض المتطرف الديني لأنه يقصي أي اخر فاللي قاعد يصير هنا هو نفس اللي بيفعله المتطرف الديني بالظبط
لماذا يطرد من بلده ؟
أين العدل و الحق في الوطن و الأرض؟
فين القوانين و الحقوق؟
فين الناس اللي ينادون بالحريات و الحقوق و الحق في الاختلاف و ..و...و...؟
ولا اللي معاهم هم معاه و اللي مو معاهم يقلبوا الجاكيت ؟
اذا كنا نريد الاصلاح فلازم نرقد 3 قرون في مفهوم العدالة و الحق وبعدين يصير خير
ثانيا
ليش يروح السعودية و يحسب عليه انه ذيل للوهابية؟
هو مصري ابن مصر البلد اللي عنده رصيده التاريخي و الثقافي و معاهم الديني و على قدر معرفتي به هو رجل معتدل يرى من وجهة نظره انه الاصلاح يأتي باتباع منهج اسلامي و يشتغل على
هذا المنهج و عمل مجهود كبير على ذلك
قأكيد لما يفكر يروح أي مكان راح يروح بلد محايد يبعده عن أي شبهات من أي نوع و فنفس الوقت يكون فيه قدر من الديموقراطية و العدالة اللي ممكن تسمح له ربما يمارس نشاطه منها
و أختصر و أقول برغم تحفظاتي لا أجد ضررا في هذا الرجل بل بالعكس يحسب له اجتهاده فيما اختاره و أراده و نجاحه في التأثير
و شايفة انه ما يحدث ظلم و لا يجب أن نصفق له سواء كنا نتفق أو نختلف مع الرجل
؟؟؟
مش عارف
الحكومه بهذه الصورة بتروج له مش بتمنعه
دون النظر طبعا لموقفي من فكره و موقفي من ترحيله خارج وطنه كمصري
لكن الغباء ان الحكومه تعلم تماما ان القنوات الفضائيه لم تعد حكر حتي تظن انها ستمنعه
بل العكس هو ما سيحدث لان برامجه هتعرضها فضائيات اخري و رواجها هيزيد
لكن مش قادر افهم
ايه البرنامج الخاص بالفقر في مصر اللي تعارض مع برنامج الحزب الوطني
و هل المفروض الفقر يكون مهمة الحزب الوطني فقط ام من حق اي مؤسسه المشاركه في علاجه؟؟؟
أتفق مع كل كلامك مليون بالمائة
وكما قلتي فهذا تطرف آخر .. ولكنه تطرف بدون ذقون !!
الأخ ذو النون
كلامك مضبوط جدا .. الدولة بالتصرف دا بتعطي شعبية أكبر لعمرو خالد .. وألف قناة فضائية هتشتري برامجه وتعرضها علي العالم كله!!
للأسف ... كل يوم بكتشف إن مصر بقت دولة إستبدادية متطرفة أكتر من اي وقت فات!!
هو المفروض ان كل واحد يلتزم بقوانين البلد اللى هو عايش فيها
عمرو خالد على عينى وراسى من فوق كمواطن يعمل وينتج ويفيد البلد مش بالكلام لاء بالفعل
انما غير كدا اى حد ايا كان مين هو مش من حقه يبيع الهوا للناس
طبعا الكلام عام لانى الحقيقة مش فى تار بايت بينى وبين عمرو خالد كشخص
تحياتى
هو المفروض ان كل واحد يلتزم بقوانين البلد اللى هو عايش فيها
عمرو خالد على عينى وراسى من فوق كمواطن يعمل وينتج ويفيد البلد مش بالكلام لاء بالفعل
انما غير كدا اى حد ايا كان مين هو مش من حقه يبيع الهوا للناس
طبعا الكلام عام لانى الحقيقة مش فى تار بايت بينى وبين عمرو خالد كشخص
تحياتى
اااااااااه بشمئز انا من صوته جدا
بتحسبن على مين يا سكر ؟
حبيبتى الدين واضح والقرآن والسنة بلسان عربى لا أعجمى مفيش مهنة فى الدنيا اسمها داعية اسلامى المهنة دى ظهرت مع ظهور الفضائيات ولأن كلما زادت الحالة الاقتصادية سوء كلما اتجهت العامة من الناس الى الله لذلك تلعب القنوات على هذا الوتر حتى اصبح اسرع وسيلة للتربح هى القنوات الدينية بصرف النظر عن المادة العلمية او الفقهيه .. عمرو خالد لا درس ولا فقيه واحد خريج تجارة وكان عنده مكتب محاسبه فى القاهرة والمكتب فشل راح بريطانيا احترف اللعب بالكلام بالمنسابة هو خارج من بريطانيا مطرود برضه ... انا ضد الاقصاء لكن برضه ضد اللعب بعقول الناس
تحياتى ليكى وشرفتينى جدا
يا استاذى الحكومة بتاعتنا ابعد ما يكون عن التفكير السليم ولو تابعت جميع القرارات هتلاقيها عشوائية لكن انا الحقيقة موافقه على اقصاء عمرو خالد وبتمنى ان مفيش قناة تبث له برامج لكن للاسف القنوات الدينية ربحية بالدرجة الاولى وخير مثال على ذلك قناة الناس
ايه برنامج الحزب الوطنى الىل طالع جديد ده وبيتعارض مع برنامج عمرو خالد
دى المفاجأة اللى كانت فى الخبر ولا حد سمع لهم صوت من قبل كدا واعتقد من بعد نشر الخبر برضه محدش هيسمع لهم صوت
:)))
تحياتى
انا سعيدة اوى برقى جنة واسلوبها الجميل فى التعبير عن رايها
ذو النون المصرى اصاب فى انتقاضه لردود افعال وقرارات الحكومة
تحياتى ومودتى لكم جميعا
ميرسى جدا لزوقك وانا مش هرد عليك تانى اصل شكلك كدا بتتكلم من سوق الفاكهه
انا هقولك رايي كواحدة مصرية قلبها واجعها على بلدها من حكومة فاشلة خنقت الناس و وجهتهم بايديها للبديل الوحيد اللى موجود قدامهم..يعنى من الاخر بين غباوة الحكومة و تطرف و قذارة الاخوان تفتكرى ايه الحل غير فى ناس عندها رسالة و فكر مؤمنة بيهم و عايزة توصلهم بالطريقة اللى هى شايفاها صح من خلال المجتمع المدنى زى اى دولة متحضرة بعيدا عن السياسة و قذارتها
عمرو خالد قدر انه يجمع الاف الشباب حوالين هدف واحد و دى سابقة ما حصلتش قبل كدا فى مصر..تخيلى كدا لما كل واحد عنده شوية ايجابية و مش عارف يوجههم فين يلاقى برنامج محترم باهداف واضحة و نتايج ملموسة قدامه عشان يشارك فيها..تخيلى ايه اللى ممكن يحصل لما كل الشباب دول يتجمعوا تحت اسم مشروع واحد و يلاقوا اللى يحطهم على اول الطريق
انا متفقة تماما مع كلام جنة..هو حاول يعمل حاجة بالطريقة اللى قدر عليها..غيره لا حاول يعمل ولا حتى سكت و سابه يكمل اللى بدا فيه
و بعدين لو الاختيار بين عمرو خالد و بين اللى دقونهم بيتمسح بيها البلاط و واخدين دكتوراه فى ارهاب الناس و تروعيهم و تهديدهم بالويل و الثبور و عذاب القبور يبقى مين اولى؟
انا مقتنعة تماما بان الدين كان و هيفضل طول عمره علاقة شخصية بحتة بين كل انسان و ربه..و طالما هو لا لجا لعنف ولا تعدى على حرية حد ولا استغل لمة الناس حواليه زى غيره يبقى ليه ما نسبهوش يكمل..مش يمكن نوصل لحاجة
بصى انا روحت فرع صناع الحياة اللى فى مدينة نصر وقت بداية الحملة دى و قابلت ناس كتير من هناك و شوفت فيهم شباب مصرى متحمس لفكرة و عايز يعمل حاجة بجد لبلده..و على فكرة كانوا مسلمين مع مسيحيين و كلهم متجمعين على هدف محاولة المساهمة فى الحد من الفقر فى مصر..بالذمة مين قدر يعمل كدا قبل عمرو خالد؟
الراجل مصرى و ابسط حقوق المواطنة بتقول انه طالما ما تعداش على قوانين البلد ولا استباح حقوق غيره يبقى مش من حق مخلوق انه يجبره يسيب بلده..و بعدين هو برنامج الحزب الوطنى لمكافحة الفقر دا من كام حلقة..اصلهم بقالهم 30 سنة و ما شوفناش حاجة و ليه الناس ما وصلتلهاش مية نضيفة و لسه بينقوا الحشرات من القمح
هو احنا ليه بنصر نهد اى حاجة حلوة بتحصل فى بلدنا؟
انا اسفة على التطويل بجد بس انا استغربت اوى الخبر لما قريته و مش مقتنعة ابدا ان المنع هو الحل..المنع طول عمره منطق الضعيف
وكمان تشديد العقوبات على اللي بيتعاونو مع الارهاب ضد امن مصر
=========
هو المفروض ان كل واحد يلتزم بقوانين البلد اللى هو عايش فيها
===========================
طيب وهو كان عمل إيه غلط؟؟ علي الأقل راجل مش متطرف زي إخوانا التانيين ..
وإيه الغلط في إنه يقدم برامج لمحاربة الفقر؟ هو دا بقي في نظرك يا قطة ضد قوانين البلد؟؟
بصراحة أنا مش فاهم قصدك إيه يعني!!! بالعكس أنا شايف إن عمرو خالد كان له دور إجتماعي كويس قبل ما يكون مجرد داعية ويطرش علينا الفتاوي إياها
كفاية الحملة ضد المخدرات ومشروع صناع الحياة .. هي صحيح كانت نجاحها محدود .. لكنها محاولات تستحق الإحترام منا
طيب بزمتك عمرك شوفتي داعية إسلامي قبل كدة راح الكاتدرئية وحضر صلاة عيد الميلاد؟؟
أنا شايف إن عمرو خالد يعتبر من أكثر الدعاة بعداً عن التشدد والتعصب .. وكفاية علينا حسين يعقوب ومحمد حسان ووجدي غنيم اللي بيحرموا حتي قيام المسلمين بتهنة النصاري بأعيادهم .. إنما عمرو خالد كسر التقليد اللي كانوا فرضينه علي المسلمين ودخل الكنيسة زي زي اي مواطن مسيحي .. ودي في حد ذاتها خطوة كويسة جدا
إنما نقول إيه في البلد اللي مش عاجبها المعتدلين وفتحاها علي البحري للمتخوجنين !!
عمرو خالد اولا معتدل
ثانيا جمع حولية الالف من الشباب الي ضاع و فشل
و كان لية فضل عليا و على كثير جدا انهم يتوبو
ثالثا عمرو خالد عمل مشاريع مدنية كثيرة يشكر عليها
زي اوقف المخدرات و غير حياتك
و اكثر من 2000 شاب اتعالجو من الادمان
رابعا عمرو خالد
كان لية مشروع لمواجهة الفقر في العشوائيات و قدر يجمع ما يقرب من 20 الف شاب متطوع في الحملة دي
و المشروع تم ايقافة ل الاسباب امنية
رابعا هو صوت معتدل مسسموع في الخارج
و هو الوحيد الي راح الدينمارك ايام الرسوم المسئية عشان يتكلم معاهم
اي ان عمرو خالد يختلف عن شيوخ الوهابية اياهم
انا شايف ان عمرو خالد اتظلم كثير في مصر
معلش اختلف معاكي في موضوع عمرو خالد
المهم شوفتي الي حصل ل 6 ابريل من عمليات هاك و الهجوم من حزب العمل على العميد ميت
ادخلي مدونة العمي ميت و شوفي الموضوع كامل
http://www.masrawy.com/News/Egypt/Politics/2009/june/3/us_poll.aspx
ربنا يسترر على مصر
انا في الاول من 8 سنين كنت من كارهي عمرو خالد ورافضين اسلوبه لكن من ساعه مابدا مشاريعه اللي هدفها النهضه والاصلاح ونظرتي اتغيرت
عمرو خالد كداعيه مابحبهوش لكن شخص له مشروع عاوز يحققه انا اقف معاه وارفع له القبعه
واللي حصل ده دايقني جدا للاسف
عمرو خالد افضل 100 مره من واحد بدقن طويله طالع يجعر في الناس ويقولهم انتم رايحين النار ومافيش فايده فيكم
خطره او تلوثيه للعقول مش حينتهي بخروجه من البلد
وزي ما قلت عند حسن امبارح
حقولك دلوقتي
انه ممكن بكل سهولة ينشر اراءه من هناك او من اي مكان تاني
من خلال قنوات
اشرطة
انترنت
يفتح له قناة يوتيوب
مش حنعدم السبل
و في النهاية
مهما اختلفت مع حد لكن محبش حد يقصى من بلاده لان البلد دي مش ملك الحكومة
البلد او الوطن ملك للمواطن
هو يفضل و الحكومات تروح و تيجي
بس الظاهر ان كل حاجة عندنا بالعكس
مع ان عمرو خالد في نظر هؤلاء ما هو الا انسان مقصر و متخاذل و يوالي الغرب
سيدتي الفاضلة .. في هذه المرة أنا اختلف معك .. انت متحاملة على عمرو خالد
و بغض النظر .. ليس من حق أي شخص أن يرغم أي شخص على مغادرة مصر .. مش بتاعت ابوهم
لا عمرو خالد و لا مليون واحد مثله ممكن يغيرو شي في السلوك و الفكر و الثقافة العربية ... مجرد مواعظ و موجة أو موضة لم يعد لها تأثير و لا معنى
سواء كان عم بيصور جوا او برا مصر
السلطات المصرية هي أشطر بلد بتطرد و تمنع و تحجز و تعذب و تقفل الحدود على فلسطين و تعترض ... إلى آخر سلسلة الزمن المخدوع
بيني و بينك أكرمه يظل بلندن
خالص تحياتي
ان يكون هناك بغض لهذا العمرو اتفق معي تماما
ان يكون هناك انتقاد لاختياره لبلاد الكفر والضلال ايضا اتفق معكي
ان اري فيه انه ليس داعية وانه مجرد راوي لقصص بدون التدقيق في مفرداتها وهذا ليس من الامانة هذا حقي
ولكن لا اتفق معي في كتابة هذا البوست
فلا احد يعلم خاتمته كيف تكون
فقط اطلبي من الله هداية كل المسلمين
شكرا لقلمك
عذرا يا حنان لكن رأيى الشخصى انك فقدت الوجهه نوعا ما
فولتيير قال ربما لا اوافق على رأيك لكنى مستعد ان ادفع حياتى فى سبيل حقك فى التعبير عنه
الراجل ده مش بيدعو للارهاب او لاى شئ مضر اختلفنا او اتفقنا معاه وانا مختلفه معاه فى حجات بس فى النهايه هو مواطن مصرى له كامل الحق فى وجوده على ارض البلد دى
يا حبيبتى اختلفى براحتك وزى ما تحبى
بس عايزة اوضح لك انى ضد كل من يتخذ من الدين وسيلة للكسب والتربح مش فى حاجه فى الاسلام اسمها مهنة داعيه
النبى محمد كان اخر الرسل ونزل فى الكفار لهدايتهم
عمرو خالد مش رسول ولا نبى ولا هو عايش فى وسط ابولهب وابو جهل
النبى محمد كان راعى غنم ومش بياخد فلوس من الدعوة
عمرو خالد عامل ملايين من الهوا
تحياتى ومحبتى ليكى مونى
هناك فرق شاسع بين المثالين يا استاذ سيف
لا وجه للمقارنة بين تغييب العقول وبين الطرب
اتمنى ذلك ايوية
اعتقد ان اللى بيعمله عمرو خالد ينصب فى خانة الدجل
والدجالين مكانهم معروف فين
التلاعب بالدين يا عمرو حاجه مش تضايق ؟؟
التجارة بالدين يا عمرو حاجه مش تضايق ؟؟
وماله ارحب بالاختلاف جدا
بس معلشى ايه موضوع له فضل عليك ده
ماهو برضه الدجالين واللى بيعملوا زار ليهم فضل على المغيبين اللى بيفكروا ان راكبهم عفريت وبكدا خرج منهم بالزار ده
الا هو زراعة السطوح بطاطس ودهان الهوا دوكو دى مشاتريع ؟؟؟
اه ديموقراطكية سكسونيا
هى مشاريعه دى ؟؟؟
الكلام المعسول وتغييب العقول اصبح مشاريع ؟؟
كان بيقولك عامل نهضة فى التنمية البشرية
واضحة خالص النهضة فعلا وآلاف الشباب المتجمعين حواليه نصهم بيضرب كله والناس التنى ماشى يشم شراب معتقه فى الشوز 3 ايام وتحيا النهضة العمروية
تحياتى
حفوصتى الجميلة انا شوفت ردك عند حسن المشكلة فعلا فى انهم مش هيقدروا يمنعوه من بث حواراته الهابطة خصوصا فى ظل القنوات الفضائية الخاصة وكل واحد يسعى للربح السريع يجرى يعمله قناة دينية ويروح يجيب واحد يقعد يرجع اللى فى معدته على مسامع الناس .. فكرة الاقصاء نفسها انا مش مستريحه لها بس من امتا حكومتنا المبجلة بتاخد قرار رشيد ماهى اغلب قرارتها عشوائية
نورتينى حفوصة
يا عزيزى انا ضد كل متاجر بالدين سواء وهابى او سلفى او عمرو خالد
طبعا الاختلاف فى الراى لا يفسد للود قضية
لذلك ارحب باختلافك
تحياتى
اهو انا بقى يا حبيبة قلبى نفسى افهم اشمعنا لندن ليه بلاد الكفر والفسق
:))
يلا يمكن يحصل اشرف مروان ولا حاجه
تحياتى
اشكرك جدا على طريقتك المهذبة فى النقاش وعلى النصيحة
تشرفت جدا بزيارتك
مودتى واحترامى
أعجمى مفيش مهنة فى الدنيا اسمها داعية اسلامى
--------------
أولا
مبدئيا هذا الكلام صحيح
لكن أسقطيه على الواقع
عندنا في مجتمعاتنا العربية ناس متعلمين جامعيين أصحاب شهادات عليا و كتاب و مثقفين لا يفقهون في اللغة العربية شيئا بل أكثر من ذلك يرتكبون أخطاء املائية و يختلط عندهم حرف الذال و حرف الزاي و الألف و القاف و غيرها
بل تجدين القرآن امامهم مكتوب و كله شكل ضمة و فتحة و الخ و يقروه خطأ
هذا ناهيك طبعاعن الناس اللي تعليمهم على قدهم و الأميين اللي يمثلون أكثر من نصف العرب
!!!!!
ونحن هنا نتكلم عن القراءة فقط ماوصلناش لمرحلة الفهم و كيف ممكن كل واحد يفهم و الخ الخ
فأظن على هذا الوضع محتاجين بالفعل شخص يشرح و يفهم و يوضح للناس
ثانيا
الجانب الايماني و الروحاني مهم جدا للانسان و لا يمكن أن نلغيه أبدا أبدا أو ننكر هذا أبدا فاحنا محتاجين دائما للتغذية
ثالثا
انت بتتصوري انه انه ممكن نكون أمضينا كل هذه القرون بدون أن يكون بين الناس أشخاص يذكرون بالدين و بالله
؟؟؟؟؟
فما يقوم به الداعية ماهواش اختراع الفضائيات لكن زاد فعلا مع الفضائيات و أصبح وسيلة للكسب ووسيلة و مطية لنشر أفكار بعينها و تجاهل أفكار أخرى و تحقيق قاعدة جماهيرية لحسابات سياسية
فالخلاصة
لازم يكون فيه شخص يمارس دور التذكير بالدين نعم لا اعتراض عندي
لكن
أسجل اعتراض على حاجتين
أولا على كلمة داعية لأنها من الدعوة و هذا شيء مستفز شوية يعطي الانطباع انه الناس على أيام أبو لهب
فمن وجهة نظري الأفضل يسمى مرشد أو أي اسم شئنا بنفس المعنى مثلا و يشتغل على أساس انه مرشد لا على انه جاب دعوة للدين و كأنه الناس عايشين كفرة
و ثانيا
انه الشخص هذا يكون من أصحاب الدين السياسي أو أصحاب الأغراض عامة أي كان نوعها
اللي بيتحركو وفقا لأهداف لا علاقة لها بالهدف السامي المفترض فيهم
فمتى كان الشخص تنسحب عليه صفات المرشد الجيد اللي يمثل قيم الدين و المعتدل البعيد عن أي اهداف فأنا من وجهة نظري لا بأس
بل أشجعه
---------
اقتباس
عمرو خالد لا درس ولا فقيه واحد خريج تجارة وكان عنده مكتب محاسبه فى القاهرة -------
هو شخص يمتلك أسلوب التواصل اللي مفقود فناس تانية و معرفة بالدين ليست سيئة حتى لو ماكان عنده شهادة خريج من كلية دينية أو شرعية
ما ينفعش نطالب الناس بشهادات هكذا
اذا طالبت عمرو خالد بشهادة فانت بتتصرفي بنفس طريقة واحد بذقن طويلة لما تقولين الحجاب ليس فرض و النقاب ليس فرض يقولك فين شهادتك و بعدين نحكي
فين شهادة جمال البنا و نوال السعداوي
؟
ما يصير تكميم الأفواه هذا
تطرح الأفكار و تناقش و كل واحد من حقه يجتهد وفقا لرؤيته ومرجعيته بدون قمع بصرف النظر ايدناه أو رفضناه
وفي الأخير الزبد يذهب جفاء و ما ينفع الناس يمكث في الأرض
عفوا على الاطالة
فى فرق بين انه يعبر عن رايه يا ماجى وبين انه يتاجر بالدين
حبيبتى لا وجه للمقارنة بين الاخطاء الاملائية وبين اللعب بعقول الناس ممكن تلاقى واحد لم ينال القدر الكافى من التعليم لكنه مثقف جدا ومطلع على شئون الحياة من جميع النواحى وممكن تلاقى دكتور فى الجامعه ولا يعلم اكثر من مراجعه وابحاثه .. يبقى عمرو خالد جاى يستغل مين هنا ؟؟
بالنسبة للشهادة اللى ذكرتيها فى محور حديثك انا مش ينفع افتى مثلا فى الذرة ؟؟ ومش ينفع اروح اشتغل دكتورة وانا دارسه هندسة يبقى ازاى يسمح لنفسه يتكلم فى الدين وهو مش فقيه اساسا فى الدين يعتمد على جذب المستمع على الحكايات اللى بيحكيها واغلبها مغلوطة .. الدين مش سلعه علشان نتاجر بيه ... ولا كل واحد لم يوفق فى شغله يتخذ من الدين مهنة يمتهنها
تحياتى ليكى