يا سلام على الزهد والتقشف
هو التجارة بالدين بتكسب اوى كدا ؟؟
بتخلى كل اللى قعد وربع رجليه يهبر طبق فتة كبير اوى كدا ؟؟
ده منزل الشيخ القرضاوى اللى المفروض انه هيتم هدمه وبينقل فى منزل تانى ما شاء الله خمسة وخميسة وخرزة زرقه فى عين اللى ميصليش على النبى افخم من ده الف مرة
طبعا بعد الدعوة بالزهد فى الدنيا ولا تحزن يا اخى فالله ما اخذ منك الا ليعيطك
واشترى الآخرة بالدنيا الفانية بنت الكلب دى .. دى حتى الدنيا من الدنو
بيعها واشترى الاخرة وعيش على العيش الحاف وادى دقنى لو لاقيت العيش اصلا
وهما يعيشوا فى قصور واولادهم يتعلموا فى اوربا وارصدتهم اتلال اتلال فى بنوك اوربا الكافره الا هى ارباح عمرو خالد برضه مش 2.50 مليون زولار سنوياً
وهو بيخسر ايه غير يقعد يتنحنح ويصرخ شوية ويعيط شويتين والحسابة بتحسب
ولسه فى ناس بتصدق شغل الجلا جلا ده ؟؟
واتارى من سنة عمرو خالد وحسان والحيوينى كانوا بيتخانقوا على قناة الناس وكل واحد يهدد لو عمرو خالد ظهر انه هينسحب طبعا طالما الموضوع ذلك وكذلك يبقى جانبكم الصواب فعلاً .. يا فقرا يا مساكين يادعاة الزهد والتقشف فى الحياة الدنيا
الرسول كان ممكن يكون اغنى منكم بمراحل لو اتربح من الدعوة للاسلام .. الا ده كان بيطلع كل ماله صدقات للفقراء والمساكين
اولا الدعوة للاسلام دى مش شغلانه اصلا ... لان مفيش مهنة اسمها داعية لا تم ذكرها فى القرآن ولا فى الدين ككل ولو فى انتوا هتدعوا مين بقى ؟؟؟ تكونوش فاكرين نفسكو عايشين وسط حنظلة وابولهب ؟؟
تربحوا براحتكو بس بلاش الضحك على الغلابة باسم الدين
....
الكومنت ده عجبنى اوى على الخبر
كيف تريدون أن يسكن الشيخ القرضاوي في بيت متواضع والقاعده الأمريكيه قريبه من داره ماذا سيقول الأمريكان عنا أننا لانحترم شيوخنا وماذاسيقول شمعون بيريز عندما يزور قطر فيسأل عن الخرابه أو بيت الطين لمن فبماذا نرد أنقول أنه لشيخنا القرضاوي . لا عيب ياجماعه بعدين يفضحنا شمعون
تعليقات
اكتر تجاره رائجه دلوقتى
رغم ان احيانا بعض اراء الشيخ القرضاوى معتدله نوعا
الا ان لازم القول يقترن بالفعل والمظهر والا ميكونش لى اى لازمه ولا ايه؟؟
اصل كل حاجة في الدنيا ممكن تلاقي لها منطق
وللاسف المنطق دة قد يكون خادع
وممكن البسطاء يصدقوة ويرددوه
اشكرك على المعايدة وان شاء الله تكون ايام سعيدة على مصر كلها
سمراء
عند مدونة الناس والعالم قوتيله ياريت تكون معانا يوم 18
فهل هو لقاء تندويني استطع حضور واين هو ومعياده
لو ينفع يعني
لا كدة نونوا بتاعتك هتحد حدودهاولا ايه
ربنا ياخد منا ويديهم من غير حساب علشان إن شاء الله يحسابهم كويس أواي في الأخرة
أنت مسمعتيش الحديث بتاع أول ثلاثة سوف تسعر بهم النار ومنهم عالم
شكرا لكي
ده احلى من قصر الاليزية امال زهد وتقشف ايه بس.
عجبنى اوى تعليقك على موضوع القنوات الفضائية.
عل العموم انا عمرى ممشيت ورا اى شيخ ولا قرضاوى ولا دياولو
القراءن والسنة واستفتى قلبك.
تحياتى عل البوست الجميل
تحياتى
سلام
عارفه مين أغني واحد علي وجه البسيطه؟
وبيكسب فلوس لا حصر لها ولا عدد؟
بدون ما يحرك شعره من راسه؟
وبدون ما يدفع مليم ضرايب؟
ويمتلك معظم أراضي أوروبا؟
ونص أراضي أمريكا اللاتينيه؟
وبنك خاص لفلوسه هو وحده؟
ومتاحف مليانه من ثروات العالم القديم المنهوبه؟
والناس بتديله وهيا بتبوس ايده يقبل؟
بابا الفاتيكان
تحياتى
تاجر المخدرات بيأثر على مليون مدمن فمكسبه بيكون على قد المليلون انما اللي بيتاجر بعقول امه كاملة مكسبه هيكون قد ايه؟؟؟
تحياتي
أنا وجهة نظري غير كدة :)
وأما بنعمة ربك فحدث :)
مش غلط :)
مش غلط يا حنان,لا:)
لاء هو مش لقاء مدونين
هى وقفة احتجاجيه ضد التحرش الجنسى
والعنوان
المقطم حديقة الخزان بجوار حديقة الأندلس اى ميكروباص من السيدة عائشة - تنزل عند حديقة الأندلس فى شارع 9التجمع عند حديقة الأندلس الساعة 5 مساء
طبعا انت تشرفنا جدا يا رامز
واكون سعيدة او بتواجدك
وياريت تبلغنى فى كومنت
رقم تليفونك اى حاجه تعرف توصلنى ليك
وبعدين حتى لو كان بيته, وانتى مالك, الراجل مبيعملش حاجة حرام, الدور والباقى على أمثالك اللى بيجيبوا فى سيرة الناس بالباطل
حسابنا كلنا عند الله, ويا بخت من خف حسابه
شوفى يا هبه هى هتتبلى عليه ليه كانت ملرات ابوه ولا مثلا بينها وبينه عداوه وبعدين المعلومات دى كلها متاحه على النت وفى الجرايد يعنى على عينك يا تاجر اعملى انت كده بحث على جوجل
لأ مبنقولش بيعمل حاجه حرام بس فيه تنافق بين قوله وفعله ازاى يدعو الى التقشف وهو عايش فى فيلا قولى قصر 3 ادوار من فلوس الغلابه الى بيشتروا كتبه ويصدقوه ومن اعلانات التليفزيون والبرامج على القنوات الدينيه
العالم الحقيقى بيكون متواضع مش نجم تلفزيونى شهير
القرضاوى تحول من عالم دين الى احد نجوم التليفزيون
وحقنا اننا نحاسبه من اين لك هذا زيه وى اى شخصيه عامه
بالظبط وده اللى انا بتكلم فيه ماجى لازم القول يقترن بالفعل
ميرسى جدا ماجى
للاسف سمراء
المغيبين مش قادرين يفكروا حتى بعقلهم ولا يشغلوه
ربنا يرحمنا منهم لانهم سبب البلاء
طبعا التهنئة واجبه عليا يا قمر
واعتذر انى اتاخرت فيها اصلا
محبتى ليكى
وكل سنة وانتى اسعد الناس
بعد مؤامرة المنشيه لاغتيل عبد الناصر
وخرج منه بعد وشايته على زملائه واعيد اعتقاله فو عام 1965
ولتعاونه مع امن الدوله خرج فى اوائل السبعينات وهاجر لقطر وحصل على جنسيتها ومنذ ست سنوات طلق ام اولاده
وتزوج الجزائريه ذات العشرينات وهو الذى عبر الثمانينات ثم طلقها اخيراااا.هذا هو الشيخ الذى افتتن به وبعلمه ملايين المسلمين المغيبين واسموه
فقيه العصر!!واسألواا عنه (فؤاد علام)وليس بغريب عليه ان يكن هذا القصر
وهو الذى ضحى بزملائه الاخوان.. انهم كلهم كذلك..و
و تحياتى..و
لكن ربما انت لهم أعمال خيرية لا نعرفها ياقطة .. بالتالى نحن لانعمل كل شئ
لكننى أقول ان بعد كل هذه الاطنان من الدعاوى والفتاوى أتأمل حالنا
فاجدنا لم نتحرك خطوة للأمام .. إن لم نتحرك للخلف
تفتكرى العيب فين .. فيمن يتولى الدعوة .. أم المتلقى؟
بيقول اللي عايزينه المموّلين وأصحاب أفكار
بعدين أكيد عنده نص مليون كاتب تحت أمره
كل واحد بيكتب كلمتين، بيقولوله
" قوله كده يا شيخ ربنا خليك واحنا من المتشكرين"
تمام زي اي رجل سياسي فاسد منافق
غير الدعاة دول عندهم دعاية غالية جدا
بيبيعوا والناس بيشتروا
حنلاقي نفس الموضوع في ايه بلد
المتدينين بيسوقوا الهبل عالشيطنة
يحيلون المبادئ والأخلاق الى سلع تباع وتشرى
ثم عندك مدونة حلوة جدا وأشكرك
لما الرسول الروماني وصل وسأل علي قصر الخليفة عمر ابن الخطاب الناس ردت عليه انه نائم تحت هذه الشجرة فتوجه الفارس الي عمر بن الخطاب بمقولته الخالدة
حكمت فعدلت فأمنت فنمت يا عمر
وطول عمرنا نعرف ان الاسلام مش بيغني بدليل ان ابو بكر الصديق كان سوبر ملياردير قبل الدعوة وبعد الاسلام وزعت كل ثرواته علي تحرير العبيد و الفتوحات الاسلامية والزكاة
بجد عصبتيني
وأكد الأسد في مقابلة مع صحيفة (دير ستاندارد) النمساوية نشرت السبت 18-4-2009 استعداده للتفاوض مع إسرائيل، وفقا لمبدأ "الأرض مقابل السلام"، رغم ما وصفه بعدم وجود آمال كبيرة في الحكومة الإسرائيلية الجديدة.
ومضى الرئيس الأسد يقول إن دمشق ستتعامل مع أية حكومة في حال استعدادها للمضي قدمًا في المفاوضات وبالتالي إعادة هضبة الجولان السورية المحتلة من قبل إسرائيل.
؟
http://www.alarabiya.net/articles/2009/04/18/70931.h
مش دة بشار الي عامل فيها دوررر المقاومة وو الجزيرة فرحانة بية
كل يوم بتتساقط الاقنعة
"إن أردت أن تكون كاملا فإذهب وبع كل أملاكك ووزعها علي الفقراء, فيكون لك كنزاً في السماء" ..
هذا ما قاله سيدنا يسوع المسيح له كل المجد عن الأغنياء الذين يتكلون علي أموالهم ويعيشون في رفاهية تاركين أطفال الفقراء يموتون من الجوع والبرد في شتي بلاد العالم ...
ولكن طالما ظل القرضاوي يؤمن أن المال هو زينة الحياة الدنيا, فلا مكانع إذن من أن يقوم فضيلة الشيخ بهدم فيلاته وتشييد قصور بدلاً مكانها وشراء سيارات الليموزين .. وتكوين ثروات بملايين الدولارات والتلذذ بالحياة والأموال والإنغماس فيها علي حساب التعساء من الفقراء
الرحمة يا شيوخنا الأفاضل !!!
اومال الراجل بيهجص ليل نهار عالفاضي يعني ..!
هواللي يحب يحتج يروح يحتج في الحديقة في المقطم ولا يحتج في وسط البلد حيث مكان تجممع الناس
انتو شكلكو هتروحو المقطم علشان ماحدش يحس بيكو خالص
واهي حاجة كويسة بردو تكلمو نفسكو في الهواء الطلق وتلعبو تحرش مع بعض في الحديقة و في كازينوهات المقطم وهوائها الطلق
ربنا يزيدهم يا احمد
علشان تكوى بالاموال دى
جباههم وجنوبهم
تحياتى يا فندم
ربنا يزيدهم يا احمد
علشان تكوى بالاموال دى
جباههم وجنوبهم
تحياتى يا فندم
انت صح جدا مفيش افضل من القرآن والسنة
الواحد مش يسلم عقله لحلانجى
يتباكى والفقر والزهد هتدخل الجنة وفى النهاية تلاقيه مليونير
تحياتى
اشطة وشوفلى نقاب معاك
يمكن تلعب ونقسم بالنص
:))
ياباشا دى ناس بتعرف تشغل دماغها وتعرف ازاى تهبر الهبرة الكبيرة من غير ما يتمسك عليها حاجه
واهو كله باسم الدين
شرفتنى جدا يا كبير
طبعا حياة
دى بتكسب اكتر من قنوات الاغانى اللى عليها البنات اللى زى القمر
علشان كدا كل مالك قناة تلاقيه بسرعه بقى شيخ فجأة وقلب على الدين مباشرة اسرع وسيلة للربح دون جهد
تحياتى يا جميله
اهو بعرور الفشار ده بقى مش عرف يلعبها زيهم اصله اتهرش بسرعه
بس برضه ميمنعش انه له مهلالاتيه
تحياتى فرعون
لاء فعلا له حق يا احمد يكسب اطنان من الفلوس
والله اللى مش يلاقى عبط ويستعبطهم يبقى انسان اهبل
ويكفى انه الناس بتسلم لهم عقلها على الجاهز
تحياتى
لاء فعلا له حق يا احمد يكسب اطنان من الفلوس
والله اللى مش يلاقى عبط ويستعبطهم يبقى انسان اهبل
ويكفى انه الناس بتسلم لهم عقلها على الجاهز
تحياتى
معلشى حقهم عليا
صح المفروض يحدثونا بالنعمة اللى عندهم ويدعونا انا للتقشف والزهد فى الحياة
علشان النعمة تبقى ليهم لوحدهم
:)))
شرفتينى
خليكى كلى فى نفسك كدا
ربنا يعفى عنك
ردى يا ماجى وخدى راحتك
المدونة مدونتك يا جميل
اغلب الناس عارفه حقيقته
وبرضه يتبعوه
تقريبا علشان المصريين عطوفين خالص
وبيقولوا عفى الله عما سلف
المهم انه بيقول قال الله وقال الرسول
تحياتى
انا مش طلبت منه يقول هو بيعمل ايه خير او مش بيعمل
بس المفروض انه ينفذ اللى بيقوله على الاقل
تحياتى لحضرتك
على طريقة مشايخ السعودية كدا
يقولوا اللى عايزينه الامراء
وفى النهاية يقولك دول الناس الوحيدين اللى بيطبقوا الدين الصحيح
اجعلنا تحت جناحهم يا رب
:))
شرفتنى جدا
تحياتى لحضرتك
هو انت بتعلق على مين يا تامر
اصلى دورت على الكلام اللى انت كاتبه ده هنا مش شيفاه
ولا يكون قصدك على تعليق على الخبر نفسه
؟؟؟
شرفت يا باشا
اشمعنا دلوقتى مولد سيدى مفاوضات
امال كانوا فين ايام الردح على مصر
جتهم الارف
هو انت عمرك شوفت البحر اكتفى بالمياه اللىف يه
اكيد البحر بيحب الزيادة
بس القرضاوى المفروض انه عالم جليع جليع خالص
يعنى وبيقعد يوعظ الناس يبقى يفعل ما يقول على الاقل
تحياتى
لاء طبعا يا دكتورة
لازم يعملهم اد كدا على الاقل يحس ان المياة بتجرى فى زوره بدال ما ينشف
:))
تحياتى يا جميل
انت شكلك متاخر اوى
هو حضرتك مش بتقرا جرايد ولا بتشوف تى فى
اصل التغطية الاعلامية مش كانت مسمعه اوى
شرفت