اللثام وسنينه

لما كل يوم تطالعنا الصحف بجريمة بطلها اللثام يبقى المفروض الداخلية تتدخل وباقصى سرعة لوضع حد للمهازل دى
يعنى سرقة محل الذهب اللى كان بطلها اللثام فى الزيتون وسرقة محل الذهب اللى كان بطلها ايضا لثام فى دمياط والنهارده سرقة محل تجارى بالمحلة الكبرى ومبلغ 7آلاف جنيه وشيكات واقمشة وبطاطين شكل الحرامية بيمروا بضائقه مالية ومش معاهم فلوس يشتروا بطاطين يدفوا بيها فى البرد ده ولما جه يتدخل الاهالى ضربوا نار عليهم ايضا بطل الحادثة اللثام .. يبقى المفروض يكون فى حل جذرى وحازم وسريع .. كان زمان قبل التطور والتقدم التكنولوجى اللى الناس عايشه فيه ده كان العصابات دى متتجرأش تخرج من الجبل اللى كانت اقامتها فيه .. لكن بعد اختلاط الحابل بالنابل وانتشار الثقافه البدوية فى مصر اصبحت المدن مرتع للعصابات يتجولوا فيها فى وضح النهار ويعملوا كل ما يحلو لهم من افعال اجرامية هو حد شايف حاجه ؟؟ كل بلد بتتقدم وكل بلد مهتمة بالتطور واحنا اللى بنرجع لورا آلاف السنين ... وياريتنا بنرجع لورا لجذورنا إحنا وأصولنا إحنا .. مش كان ده بقى حالنا على الاقل كان الاجيال اللى جاية اتكلمت على حاجه تذكر .. زى ما احنا دلوقتى رايحين جايين نقول احنا احفاد الفراعنة .. اللى لو شافوا الوضع الحالى لكانوا اتبروا مننا ... لازال الملثمين اللى سرقوا المحل التجارى طلقاء .. ألم تأتى الفرصة بعد لتتدخل الداخلية فى تجريم هذا الشيئ