اللـحـــم المكـشـــوف

أوقف مفتي أستراليا عن الوعظ لثلاثة اشهر بعد أن أثارت خطبته غضبا كبيرا لتشبيهه النساء اللواتي لا يرتدين الحجاب بـ"اللحم المكشوف "
طبعا مولد سيدى تصريحات كل واحد مش لاقى له حاجه يتكلم فيها يتجه للمرأة ولباس المرأة كوكتيل من الجهل والتخلف المتفشى فى المجتمعات الموجود فيها اشباه هذا الشيخ الذى شكله اخطأ المكان فليس كل العالم لاغيين عقولهم ومنساقين كالقطيع
كما كان الشيخ تاج الدين الهلالي وهو أكبر رجل دين
مسلم في استراليا قد قال إن بعض النساء يجذبن المغتصبين بطريقة لباسهن.
واضح خالص انه اكبر رجل فى الهلس شكله بيتكلم على قطيع من الحيوانات اللى بتجرى ورا اى صوباع باين
وقد أعلنت جمعية جامع سيدني أن هذا التوقيف سيسمح للشيخ الهلالي بإعادة التفكير بتأثير كلماته. إلا أن رئيس الوزراء الأسترالي جون هاورد اعتبر أن هذا الإجراء ليس كافيا. وقال في حديث للإذاعة الأسترالية: "أعتقد ان ما قام به غير مقبول وخارج جدا ليس فقط عن الرأي السائد عند الأستراليين وإنما أيضا عن الرأي السائد لدى المسلمين".
وقد دعت الكثير من الشخصيات ومن بينها زعماء مسلمون إلى طرد المفتي.
والله عندهم حق وياريت تكون دعوة صريحة لأى مسئول بيفهم وواعى بطرد الدجالين والكهنة اللى بينادوا بعودة العالم للعصور الوسطى حتى يتم وأد جهلهم
من جانبه ، زاد الشيخ الهلالي من استعار الجدل بعد أن رد على جواب صحاف يسأله إذا ما كان ينوي الاستقالة، قائلا: "ليس قبل أن ننظف العالم من البيت الأبيض".
وياترى هتنضف العالم من البيت الأبيض بايه يا جهبذ بالخزعبلات وافلام الرعب اللى بتلقيها على مسامع العباد
غير ان الشيخ الهلالي اعتذر عن هذه التصريحات التي قال إنها حُرّفت ولم تُقرأ في سياقها الصحيح. وقال في بيان أصدره الخميس: "إنني أعتذر بدون تحفظ لأي امرأة أساءت إليها كلماتي.لقد كنت أرمي فقط إلى حماية شرف المرأة وهو ما غاب عما عرضته الصحف الاسترالية لكلامي". وأضاف: "للمرأة في المجتمع الاسترالي الحرية في ارتداء ما تختاره".
هو كان لازم الضغط عليك وتتوقف عن العمل علشان تعتذر .. طيب ليه من البداية تجارى الغوغائيين المفضوحين على مستوى العالم وتتكلم باسلوبهم .. لكن اعتذارك برضه يحمل رساله كويسة يعنى كل غوغائى يتربع على الفضائيات لينطلق الكلام من فمه مثلما ينطلق نثار الريق عند العطس لابد ان يعاقب ويحاسب حتى يعتذر عن كلامه ويعود لثوابه ويترك الملك للمالك
وأعلن رئيس جمعية الجامع توم زريكا: "نعتقد أن الابتعاد ثلاثة أشهر عن الخطبة سيُعطيه الوقت الكافي ليُفكّر مليا بما قاله". إلا أن أستراليين كثيرين آخرين اعتبروا أنه لا بد من اتخاذ تدابير إضافية ضد الشيخ الهلالي . وقال المنسّق الفيديرالي للتمييز الجنسي برو غوارد: "أعرف تماما كم ان العديد من المسلمين قد تضايقوا جدا من هذه التصريحات وكم اعتبروها مسيئة للعلاقات الاسترالية - الإسلامية". وأضاف: "أعتقد انه لا يجوز تخفيف الضغط عن الشيخ الهلالي لمجرد موافقته على التزام الصمت لثلاثة أشهر".
اتفق معك فى الرأى بل ارى أن ثلاثة أشهر ليست عقابا رادعاً لأنه لم يجلس فى بلاد شبه الجزيرة ليستمنى وبعد ان يكمل استمنائه يجد تهليل من العجزة واصحاب الاعاقات المستديمة
يُذكر أن الشيخ الهلالي الذي وُلد في مصر ويبلغ 46 عاما قد أثار جدلا كبيرا فيالسابق عندما ادّعى في خطبة ألقاها في العام 2004 أن هجمات 9/11 في الولاياتالمتحدة كانت "عقاب الله ضد المضطهدين".

أيعقل ان يكون هذا الكلام صادر من عقل يحتوى على خلايا ويمكنه التمييز أم عن نخاعات مسلوقة ؟؟؟

تعليقات

‏قال Esmeralda
يا قطه الكلام ده من سنه و اكنر
الراجل خلاص مبقاش مفتي
نعرفي ان وقتها الستات كانوا ناويين يعملوا مظاهره حوالين الجامع هناك و هما عرايا !! :)))
‏قال Desert cat
الكلام ده كان فى رمضان يا أزأز
وأعتقد بالفعل انه تمت المظاهره علشان الشيخ يتفرج كويس على اللحم المكشوف
:)
‏قال funckydoctor
هو اكيد الكلام ده عك طبعا
لكن مس معنى كده ان البنات تلبس مش كويس ونقول بعد كده ده حرية ولا ده تقدم
الغرض من موضوع الملابس دهالحفاظ على المرأة لا اهانتها أبدا
أنا قصدى إن أى واحدة لازم تكون زى الجوهرة ملكة لا سمكن الوصول اليها بسهولة ولا حتى يمكن أن يرى منها أى حاجة بسهولة يعنى تكون أعز من الماس الذى ما كان غاليا إلا لندرته وقلته وجودته
‏قال بنت مصرية
والله ياقطه بستفيد معلومات كتير تشل الحمد لله
‏قال Unknown
ازيك يا قطى وحشتينى جدا

والله انا مش عارفة احنا هنوصل لحد فين نفسى اشوف رجل دين عاقل بيتكلم بمنطق بدون تمثيل او تشدد
بصرف النظر عن توقيت الحادثة أو الفتوى فالحكاية اصبحت سلسلة من المنغصات للمسلمين من علماء الفضائيات الذين يبحثون عن الشهرة وضمان استمرار العائد المادى والتلميع الورنيشى ..طبعا انا لا اقصد الكل ولكن البعض منهم اساء للاسلام اكثر مما يتصور ..واعطى الفرصة لمزيد من العداء ضد المسلمين فى دول المهجر بصفة خاصة والمسلمين بصفة عامة
ياريت يكون هناك وقفة قوية امام مثل هؤلاء اصحاب الفتاوى المحيرة والتى تثير القلاقل بين المسلمين والعالم
‏قال blackcairorose
انتى عارفة يا قطة ايه اللى عاجبنى فى الموقف ده؟

انه درس للى بيطالبوا من الآخرين احترام دياناتنا وعاداتنا، ان عليهم ايضا احترام ثقافات الآخرين
فالاحترام طريق فيه اتجاهين
‏قال مثليه
قطتي الجميله
احنا لسه ياما هنشوف الجهل سيد القضيه الان
‏قال غير معرف…
امال ده لو طالع من خمارة كان قال ايه؟ المفروض انه شيخ و مفتى و دارس و قارى و عارف كويس فى الاسلام
‏قال غير معرف…
ليست جوهره ولكن انسان
من اكثر التعليقات دلاله تعليق فنكى دكتور فهو يردد قول غارق فى الفهلوه من اختراع شيوخ فضائيات النفط ...فلتبرير وتغطية وتجميل القبح اخترعوا حكاية المراه الجوهره ولو تاملنا الثلاثة اسطر بعد ذلك فى التعليق نفسه لأنكشفت اللعبه الساذجه
فهو يقول يجب ان يكون الوصول اليها صعبا
فماذا يقصد
هل بمعنى ان يكون لها سكارتاريه وحجاب وما الى ذلك مثل الملكه كما يقول؟
بالطبع لا
ففى الكلمات التاليه على طول يقول مايشرح المعنى الحقيقى...يجب الا يظهر منها اى من لحمها اى شىء
وهذا هو بيت القصيد فى هذا كله...المراه جسد لا وظيفة له الا اشباع غرائز الرجل الجنسيه وهى بقدر ما تؤدى هذه الوظيفه ترتفع قيمتها لتصل الى قدر الجوهره
ونرد عليه فنقول ونحن نعتبرك ايها الرجل جوهره فهل تسمح لنا بان نخفيك عن اعين الناظرات ؟
ياخى العزيز المراه ليست شيئا حتى لو كان هذا الشىء ماسا او جوهره
...المراه ليست جوهره ولكن انسان
فمتى سيدرك الفهلويه من شيوخ الفضائيات النفطيه ذلك؟
‏قال محمد سامى
المشكله ليست في حجاب او نقاب المشكله اخطر من ذلك بكثير عندما تمشي في الشارع تجد تاثير الوهابيين قد انتشر في كل مكان وصوتهم اصبح اعلي وخصوصا في مجتمع نصف متعلم وفقير كالمجتمع المصري
وتستغل السلطه الحاكمه ذلك افضل استغلال فوجود هؤلاء يضمن وجودها لانها لاتبيح الخروج علي الحاكم
وتعمي عقل الجميع عن مشاكلهم الحقيقيه وتختزل مشكلات المجتمع في الفيديوكليب
فانكى دكتور
لا يصح تشبيةالمرأة بالجوهرة لأن الجوهرة او الماس مهما غلى ثمنة لا يقارن بقيمة الإنسان
ثم إن الجوهرة شئ مهمل قد تحتفظ بة فى دولابك الا ان يحين موعد التخلص منها و بيعها لاّخر بدون رغبتهاو ذلك على عكس المرأة التى تملك إرادة حرة و ضمير ربانى و عقل يقودها إلى حيث تريد
و بعدين هو اية اللبس اللى مش كويس فى نظرك؟؟
حد بيقول للراجل البس اية واخلع اية ؟؟ ابدا و رغم كدة عمرك شفت راجل نازل الشارع بالأندر مثلا ؟؟ طبعا لا لية بقى ؟؟ لأنة ببساطة عندة عقل يفكر بية ويشوف اية اللى يناسب انة ينزل بة الشارع و اية اللى يتاسب انة يحضر بة حفل و اية اللى يناسب انة ينزل بة البحر فهل المرأة بدون عقل حتى نصر دائما على توجيهها إلى ما نراه صحيحاً؟؟
مفروض اللبس يختلف على حسب المجتمع و تطوره مش الدين
الدين و العقائد تحث على مبادئ أخلاقية زى الإحتشام ودة على فكرة للست وللرجل برضة
لكن مفيش حاجة اسمها لبس محتشم ولبس غير محتشم لان الموضوع نسبى ما تراة انت غير محتشم اراة انا محتشم والعكس
علشان كدة مش لازم نحدد نوع البشر من لبس معين فنقول على المحجبة محترمة وغير المحجبة غير محترمة لأن السلوك البشرى ملوش دعوة خالص باللبس لأن الحجاب دة مش هيكتف دماغ البنت ويخليها متفكرش تغلط ولكن اللى هيمنعها انها تغلط هى تربيتها و مبادئها و معرفتها وكيانها المسقل
و مينفعش نجبر الناس على الإحتشام، الإحتشام دة شئ من داخل الواحد يعنى ممكن انت مثلا تشوف انك تنزل بنصف صدرك مفتوح دة عادى بينما انا لأ

أما موضوع اللحم المكشوف فدة ينفع فقط مع الحيوانات اللى معندهاش تحكم فى غرائزها أما البشر فلا . غريزة زى الاكل مثلا احنا بنتحكم فيها ممكن نكون فقرا قوى و جعانين جدا و الجزار معندهوش دم و معلق فخدة ضانى قدام عينك فهل تبص على اللحم و تشتهيها ولا تغض بصرك عنها و تعمل مش شايفها ولا من جواك يكون عندك قناعه وراضى بحالك و هنا يمكن متشوفش المحل كلة مش اللحمة بس
صدقنى و عن تجربة العيب فينا احنا الرجالة و فى عيونا الطفسة اللى مش
عارفين نتحكم فيها
قبل ما نتكلم عن اللبس مفروض نقعد مع نفسنا و نحاول نضبط مشاعرنا و افكارنا
لو اننا اساسا منبصش للبنت تلك النظرة المتفحصة المدققة و نظرنا فقط لعيونهاو عاملناها كإنسانه عمرنا ما هناخد بالنا هى لابسة ايه أصلاً
تحياتى
‏قال غير معرف…
قطة الجميلة
==========

ثلاث أشهر قليلة .. وأنا معك فى هذا

قطة .. ساعات .. الكلام ممكن يكون .. محرج شوية؟

لازلت احييى جرأتك
‏قال مؤمنه
السلام عليكم ورحمة الله وبركاته
قطتنا
حبيبتى فى الله
جزاكى الله كل خير وجعل ذلك فى ميزان حسناتك
غيرتك على دينك وصورة الاسلام التى يشوهها الجهل باداب لحوار واقناع الطرف الاخر
لا يكفى العلم فقط وانما القدره على التعبير عن هذا العلم واقناع الطرف الاخر بوجهة النظر دون تعنف
وبدل من ان اجذبه الى فكرتى انفره منها بتعنيفى له فى الحوار
جزاكى الله كل خير
والسلام عليكم ورحمة الله وبركاته
‏قال غير معرف…
هيه المدونه دى وبتاعت واحة الصحراء بتوع شخص واحد
انا شايف الاتنين نفس الاسلوب ونفس الشراسه معا الناس اللى بتختلف معاهم
بس انتو الاتنين حمرا اوى يعنى
‏قال SemSem
هو لايستطيع اى احد ان ينكر فرضية الحجاب
بنص القران والسنة واجماع الامة
لكن طريقة التوضيح والتعبير هى المطلوبة
وربنا يهدى فتيات الاسلام

تحياتى
‏قال lastknight
تصدقى بالله يا قطه .. نفسى أرفع قضيه على المشايخ المسعورين اللى بيسيؤا للأسلام و المسلمين فى كل العالم و هم فاهمين أنهم بيخدموه .. ممكن الشيخ أبو رياله ده يوعظ بالحشمه بمليون طريقه .. و يحبب الناس فى الأعتدال بمليون طريقه .. و يقرب قلوب الناس للأسلام بمليون طريقه .. لكن لأ .. أزاى ؟ و دى تيجى برضه ؟ أمال مشايخ الزيت يدفعوله ازاى ؟ و يولعها ازاى ؟ و يخربها و يقعد على تلها ازاى ؟ لازم يفتعل خناقه خايبه يتهزأ بسببها و نتهزأ معاه .. حسبنا الله و نعم الوكيل
قطتى
حبيب هارتى اللى مش عاوزه
ازيك
عاملة ايه
اقعده انتى تنخورى كده فى اللى قلع ولبس
وعالم جليل زاى دكتور محمد المسير توفى ماتقوليش الله يرحمك
بشرى كويسه اللى انتى قولتيها فى استراليا
ده معنها اننا هانشوفها زلط ملط فى ميدان رمسيس وانتى ايه فل الفل
طيب بصى لو اتكلمنا جد
لو لبس المراءه ملوش علاقة بالعلاقه الحميمة بين حواء وادم
يبقى لزمتها ايه قمصان النوم
كان يبقى كله قوام قوام وخلص
وماكنش فى القراءن كان فيه التزام بهيئة اللبس
المهم انتى عاوزه تشوفى مصيبة وتشبعى فيها لطم
ربنا بقى يتولاكى ويعطيكى على قد نيبتك اللى انا شيفها يعنى يعنى
المهم خليكى كده محضر خير
وامشى فى الصحرا وانتى بقى موزه لوزه

سلام بقى
‏قال غير معرف…
...وكلمه موجزه بمناسبة فوز باراك بالرئاسه الأميركيه:
التغيير الحقيقى هو طريق الأمل...الجمود تحت اى مبرر هو طريق الموات والعقم والتراجع الى الوراء
والتدهور
...التغيير الحقيقى هو باختصار الأمل..وتلقفت اسواق العالم الرساله فارتفعت الأسهم
اى انه ليس كلاما انشائيا بل حقيقه
والله يخفظ الفائز من شر المتعصبين ومن يعيشون على نعرات التفوق العرقى فى الولايات المتحده
‏قال غير معرف…
...لا امل مع الجمود ولا اصلاح لأنه فى هذه الحاله مثل من يحاول اصلاح اعطال السياره الجسيمه بينماهى تتدحرج على
منزل
‏قال Desert cat
خمسة فضفضه
استغربت اسلوبك جدا على فكرة
وياترى انتى انهى انونيمس سافل من اللى انتى عايزانى انشر الكومنت بتاعه
تعالى اكتبى اللى انتى عايزاه باسمك وانا عنيا الاتنين هنشر لك الكومنت حتى لو كان كله قلة ادب زى اللى انتى عايزانى انشره
بس اكتبيه باسمك مش انونيمس
‏قال Desert cat
طيب يا ست فضفه قولى لجوزك الجاهل فى النت قطة الصحراء تاج راسك بتقولك حسبى الله ونعم الوكيل فيك وفيكى انتى كمان
وشيلنى من الريدر لانى ميشرفنيش اكون عند ناس جاهله ومتخلفه
بس وصلى له الكلام ده قولى له تاج راسك بتقولك يا جاهل يا متخلف مش تدخل مدونتها تانى
وآيات الفساد خلى ابو جهل جوزك يهديها لنفسه
‏قال Desert cat
funckydoctor
وبعد ما توصل للست الجوهره بقى ايه اللى هيحصل ؟؟
يعنى هى ربنا خلقها علشان تتشال فى الدولاب زيها زى الكرافت لما حد يوصلها وخلاص هى دى وظيفتها فى الحياة ؟؟
مش غريبة يا دكتور ؟؟
‏قال Desert cat
soska
يا حبيبتى هما وانصارهم اللى يتشلوا وانتى الف بعد الشر عنك
‏قال Desert cat
ايوية
ازيك يا يويو انتى كمان وحشتينى
كلهم ارزقية يا حبيبتى مفيش حاجه اسمها راجل دين فى حاجه اسمها اخترع وابتكر اى كلام واى هلس علشان كل لما الجهل يزيد كل لما فلوس بلاد البترودولارات بتزيد
مودتى
‏قال Desert cat
وميض ابتسامة
والله يا استاذى ده اللى المفروض يحصل يكون فى وقفه قوية فى وجه كل كاهن و تاجر دين

مودتى
‏قال Desert cat
blackcairorose
حبيبتى فكرتينى بمقال كنت قريته من فترة لكاتب فلسطينى كان بيقول فيه ان شوية من العرب وقت الانتفاضه راحوا يعملوا مظاهره قدام مبنى السفارة الامريكية .. والكاتب طبعا حضر المظاهره علشان بلده على الاقل لاقى شيخ واقف فى وسط المتظاهرين بيخطب فيهم وبيعرفهم فوايد الثوم ومن فوايد الثوم قالهم شعر الحريم هو السبب الكاتب بيقول انا كنت واقف مذهول بدل ما اكلم اهلى اقولهم المظاهره جابت نتيجة او افرحهم باى خبر هكلمهم اقولهم شعر الحريم هو السبب
هاهاهاهاهاااااااى
الناس فاقدة التمييز يا قلبى
‏قال Desert cat
تقريبا علشان شعر النساء لما حماس مسكت الحكم كانت بترهب الستات وبتقتل البنات اللى مش محجبات فى الممرات يمكن لما ينتهوا من فلسطين اسرائيل تخرج لانهم قاعدين حبا فى الشعر
‏قال Desert cat
مثلية تبحث عن ذاتها
الجهل + تمويل البدو
:)
‏قال Unknown
ما اعرفه عن استراليا هي دولة ديموقراطية ذات قانون وسيادة وهي تحتوي على الكثير من الشعوب والاديان وحسب القانون الاسترالي تتمتع كل ديانة بحرية العبادة وكل منها تدير شؤونها الدينية بنفسها وبحماية الفانون الاسترالي وكل رؤساء الاديان يتفاضون مرتباتهم من ميزانية استراليا

كل ديانة تدير شؤونها ودون التدخل بشؤون الديانات الاخرى

اخر امبراطورية اسلامية كانت تركيا ولكن ثار المسلمون ضدها بسبب بطش الحكام وظلمهم للناس وظلمهم للديانات الاخرى ومن بعد ذلك تم الانفصال عن اخر امبراطوية اسلامية
‏قال Desert cat
An Egyptian
اللى طالع من خمارة مش بيرضى يقول اى كلام علشان الدماغ اللى عاملها متروحش لكن ده شكله كان واخد حبوب هلوسه
‏قال Desert cat
Anonymous
مجرد كلام يا عزيزى للاستهلاك المحلى
فاصحاب اللحى التى تطول وتقصر معها عقولهم بحثوا عن شيئ تقتنيه النساء فحولها الى مثله لأن عقولهم تقصر كلما مسكو حفنة من الدولارات لنشر الفكر الوهابى كلما نزعوا من المجتمع عضو فعال انسان خلقه الله وميزة بالعقل
فكيف يريدون اذن لسيدة توفى زوجها وتعول على سبيل المثال ان تتخفى كالشئ المسمى جوهره فى بيتها هل تزنى ام تنتظر الصدقة ؟؟؟
‏قال Desert cat
يا دكتور الجميع يلعب على وتيرة واحدة للوصول للهدف المنشود
الجماعات السلفية تنشر شباب تابعين لها فى الشوارع للتحرش بالنساء
والحزب الحاكم مشغول بالتوريث
والفضائيات تسعى لاهثه لنشر الفكر الوهابى بشتى الطرق
وهذا وذاك يلعب بعقل المغيبين والطبقات الفقيرة
مودتى واحترامى
‏قال Desert cat
ابن المليونير
سيدى الفاضل من يتعامل مع المرأة على انها قطعة من القماش ومن يحدد معايير الإحترام من خلال قطعة من القماش فهذا يعنى انه لديه خلل فى جهاز الإستقبال ونقص فى حاد فى الفهم
ولا أدرى كيف انسان يحتاج الى علاج يعين من نفسه رقيب على تصرفات الناس اذا كان هو نفسه لم يستطيع التحكم فى تصرفاته وتتم اثارته من خلال خصلة شعر او يد انثى
طبعا كلامى ليس موجه لدكتور فانكى وانما موجه لاصحاب العاهات والمرضى بقصور الفهم
مودتى واحترامى
‏قال Desert cat
Dear Sherif
ده يستحق 30 سنة مش 3 شهور
الكلام محرج ممكن
لكنى عايزة اوضح لحضرتك حاجة انى لما بتكلم فى موضوع تحديدا زى ده بكون متخيلة اللى افتى بالكلام ده معاق جنسيا علشان كدا بيصب كل همه على جسد المرأة
:)
احاول اراعى بعد كد
مودتى واحترامى
‏قال Desert cat
مؤمنه
عليكم السلام ورحمة الله وبركاته
نيرسى جدا ليكى مؤمنة
شرفتينى يا جميله
‏قال Desert cat
Anonymous
اعتبرنا واحد
يخصك فى حاجه ؟؟
‏قال Desert cat
SemSem
طيب وهو يعنى ايه اصلا الحجاب اللى بتتكلم عنه ده ؟؟؟
انت عارف حجاب باللفظ اللغوى يعنى ايه ؟؟
الحجاب زى الجدار والحجاب الحاجز بين البطن والصدر
او الستارة اللى عندك فى البيت كدا
لو انت عايز تطبق ده بالظبط
يعنى مالهاش علاقة من قريب او بعيد بالزى
لو انت عايز تطبق الكلام ده بقى يبقى كل واحده تمشى وقدامها ستارة الحمام الى فى بيتها او تبنى قدامها جدار تتحرك من خلفه
لو عندك امر صريح فى القرآن أو الحديث اتفضل اطرحه

تحياتى حضرتك
‏قال غير معرف…
اذا كان قلبك ضعيفا
انصحك بعدم قراءة هذه القصه
ومع ذلك
ساحاول فى الترجمه التخفيف قدر المكان من بشاعة الوصف
بتجنبى للتفاصيل المروعه
وصاحت الفتاه :لا تقتلونى ...لا تقتلونى
وصاحت الفتاه:لا تقتلونى ...لا تقتلونى ...وبعد دقائق تجمع حولها حوالى خمسين رجلا وبداوا فى رميها بالحجاره وهى مدفونه ولا يظهر منها سوى راسها ....وبين وقت وآخر ترفع من الحفره وتفحصها ممرضه لترى ما اذا كانت قد ماتت ام لا واكثر من مره تعاد الى الحفره ليستمر قدفها بالحجاره ...وحول هذا المشهد المروع تجمع حوالى الف من المشاهدين المستمتعين بما يجرى ...الفتاه اتهمت بالزنا...بينما يؤكد ابوها انها ضحية اغتصاب ....هذه القصه المروعه جرت احداثها فى الصومال فى منطقة يتحكم فيها من يسمون انفسهم الأسلاميون او المحاكم الأسلاميه ويصفون المراه بانها جوهره يجب الحفاظ عليها ....تقلا عن وكالات الأنباء
‏قال Desert cat
lastknight
اعتقد انهم بالفعل يتم تقييم اللى بيقبضوه بقدر الجهل اللى بيطلع من افواهمم اللعينة
كل ما الفتوى كانت تخريف وعن جهل وجهاله يبقى يزيد اللى هيقبضه من الدولارات
دول ميستحقوش قضية دول يستحقوا الاعدام فى ميدان عام رميا بالنعال
تحياتى
‏قال Desert cat
ABOALI
واضح من خلال كلامك وقمصان النوم اللى ذكرتها انك بتثار على نفسك
لذلك كلامك قذفت به فى اقرب مرحاض صادفنى
Poor you woefully
‏قال Desert cat
Anonymous
دائما التجديد مطلوب من لا يتجدد يتجمد
‏قال Desert cat
Anonymous
هناك بعض العجزة والاعاقات دائما ينادون بكلمة واحدة
اللى نعرفه احسن من اللى منعرفوش
وكاننا طالعين رحلة لمدة يوم
تحياتى
‏قال Desert cat
Anonymous
ارى ان من يشتدقون باسم الاسلام الان لا يقلوا ارهابا عن ما حدث لهذه الفتاة
ويكفى الارهاب الفكرى الحادث اليوم من هم ومن انصارهم وان ولوا بالفعل فلن يقلوا فداحه عن ماحدث لتلك الفتاة ولا ننسى حماس وطالبان
للاسف قرأت القصة كاملة بالامس
وهالتنى التفاصيل فاى عقل واى فكر حيوانى متخلف يقضى بعقوبة فتاة يتقدم والدها ببلاغ اغتصبها 3 من الحيوانات فتعاقب هى اى ذكورية متخلفة تحكم بهذا الفعل المهين
‏قال micheal
مش ده الراجل اللي خلي الستات تتظاهر عرايا عشان كلامه ولا ده تشابه أسماء
:)
ع العموم الفكر ده للأسف بقي منتشر جدا وشائع
قرأت تعليقات الأنونيموس وأحب أحييه جدا
دائما ما تثيري المواضيع الهامة يا قطة
تحياتي
‏قال Desert cat
micheal
هو بعبله
:)
الفكر ده شاع بعد انتشار فضائيات البترودولارات
الانونيمس ده يستحق كل احترام وتقدير من الجميع
شرفتنى مايكل
‏قال a
اليس من المفروض اولا ان يبعثو حيوانات التحرش الجنسي مع الشيخ؟ زي ما بيعملو هنا
‏قال Me, myself, and her
انا لا اعرفه ولا اعرف عنه شئ

لكن هناك بعض الاشياء التي يقولها لا ضير بها وقد يكون التعليق هنا على الطريقة التي يقول بها رأيه ربما، وفي النهاية لم تكن نواياه سوى إصلاح الأمور وليس إفسادها

ما اعرفه هو أن أكبر أسباب مشاكل التحرش الجنسي والاغتصاب التي تزداد في مصر سببها "اللحم المكشوف" واللبس غير المحتشم وما دينا ومروة إلا مثالين ، وهنا نستطيع أن نوافقه على هذا الرأي ، الشباب لم يعد قادراً على تحمل المظهر الغير محتشم الذي يراه كل يوم وفي كل مكان

وعندما قال ان الشرور كلها تأتي من البيت الأبيض ، لم يبتعد كثيراً عن الواقع ، في داخل البيت الأبيض يكمن المطبخ الصهيوني الذي يخطط لكل ما يجري اليوم في كل العالم ، ولا يختلف اثنين على ذلك ، ومن لا يعرف فليقرأ الكتب التي تدلي بوقائعها وأرقامها وتواريخها حول ذلك والكتاب "منهم وفيهم" مش عرب يعني

الحجاب لم يكن الغرض منه عزل النساء او دحرهم خلف الظلام .. بل حماية للمرأة من كل الرجال الذين تختلف اخلاقهم ونواياهم وهي لن تستطيع ان تعرف اخلاقيات كل رجل كي تعرف نيته تجاهها مثلا وهنا الحجاب يضع الخط الأحمر الذي لا يستطيع كل الرجال تجاوزه وهذا في الحقيقة أريح للمرأة .. أما عن النقاب والخمار وما إلى ذلك فهذا يعتمد على المراجع الدينية التي تستقي منها كل مجموعة من الناس

التاريخ ملئ بنساء قائدات منتجات مبدعات أثرن في مجتمعاتهن وكن محجبات

انما ..

ليس من المنطق والعقلاني اتهام غير المحجبة بأي مواصفات تسئ لها ، فأيضا الكثير من النساء غير المحجبات يمكن ان يكن قدوة لبنات ونساء مجتمعاتهن

المشكلة ان الحابل اختلط في النابل والأمور دخلت في بعضها و تغلب الرأي الشخصي على الرأي السديد الذي يفيد البشر على اختلاف اماكنهم ومشاربهم


انما

موضوع قيم يقدم زوايا قد لا نراها كل يوم

شكرا لك
‏قال Desert cat
تامر صلاح
شوف يا تامور الكومنت بتاعك انا محتفظة بيه علشان فيه لنك المجنون اللى مفضى نفسه وقاعد لى مخصوص
وبعدين يا تامور ده مش زواحف ده طفيليات ضارة بنفسها
هو ياكل فى نفسه واحنا نتفرج ونضحك
ووقت لما نخلص ضحك عليه نفعصه تحت رجلينا ويادار ما دخلك شر
هو ده منهجى على اى مجنون زى المش موافق كدا او اللى مسمى نفسه عديم الاحساس مش مهم الاسم المهم انه المجنون واحد

ميرسى جدا ليك تامر
تحياتى
‏قال Desert cat
واحة في الصحراء
هو من المفترض ان يبعثوا حيوانات التحرش الجنسى ومعاهم الشيخ إلى حظيرة حيوانات
‏قال Desert cat
deja vu
أى أمور التى كان يقصد إصلاحها ؟؟
هل التخبط والكلام الغير محسوب يمكننا تسميته بالإصلاح ؟؟
هل مبرر الحيوانية وغياب القانون هو اللحم المكشوف ؟؟
وما رأيك فى الدراسة التى اثبتت ان 80 %من المحجبات يتم الاعتداء عليهم والتحرش بهم فى مصر بينما النسبة الكلية فى مصر من المحجبات 82% وما رايك فى المنقبات التى تم التحرش بهن فى التحرش الجماعى بوسط البلد وبشارع الدول العربية ومن ترتدى الإسدال التى قام شباب باغتصابها اثناء ذهابها لمحطة المترو وصديقتها المحجبة ؟؟؟ هل التبرير للحيوان المنساق خلف غريزته اصبح هو الحل وإصدار الفتاوى الهوجاء من المثارين جنسيا طوال الوقت ام الحل الجذرى واقتلاع المشكلة من جذورها بدلا من المبررات العقيمة هو الحل ؟؟

حضرتك قرأت الكتب وتحدثت عن المؤامرات الصهيونية التى تحاك بداخل البيت الابيض دون ذكر اسم او مصدر لكتاب واحد .. فإذا كان المسلمون يصادرون اى كتاب بل ويرهبون اى كاتب لا يكتب شعر وقصائد حب فى الاسلام والرسول .. وقبل ان تسال عن كتب اتحدث فدعنى اذكرك بكتاب اعشاب البحر للكاتب حيدر حيدر
والرسومات الدينماركية وفيلم فتنة فلو البيت الابيض ترك مثل الكتب التى تحاك فيها المؤامرات الصهيونية التى تتحدث عنها دون ذكر مصدر واحد لها اليس يعنى هذا ديموقراطية وسماحة منهم ؟؟؟
ارى ان ارهاب الشيخ الفكرى لا يختلف كثيرا عن ارهاب بن لادن

اى حجاب هذا الذى يضع الخط الأحمر ؟؟
اليوم المحجبة والمنقبة تضع قطعه القماش وتمارس من الرذائل ما تشاء لانها تعرف انها بهذه القطعه اصبح الجاهلون ينظرون لها على انها ملاك ألم تقرأ عن أخر الأخبار وحالات تبادل الزوجات التى كانت بطلتها ترتدى الاسدال الايرانى بل وتعمل مدرسة اى مربية اجيال ونعم واكرم ..
التاريخ مليئ بأمثال هدى شعرواى وسميرة موسى الرائدات المتحررات المتعلمات الفاهمات لكل الأمور ولم يذكر يوما ملثمة او جاهلة تنساق خلف فكر ذكر يريد تغطيتها حتى لا تزاحمه فى العمل وعندما يريدها جارية يجدها وعندما يريدها ارنب كل وظيفتها فى الحياة المضاجعة والإنجاب أيضاً يجدها لذلك يخاف تمام الخوف من تعلمها وتقدمها ومعرفتها حقوقها دائما يستشهد بكلام دجال او كاهن مرتزق لا يستطيع التحكم فى غرائزه ويثار عندما يرى خصلة شعر من انثى
فاليوم يدعو للحجاب وغدا يدعو بعدم خروجها من البيت
الأخلاق والتربية وحسن المعاملة ليست ابدا بقطعة قماش
وان كانت تستخدم اليوم قطعة القماش للتخفى والتستر
لمقابلة عشيقه فى وجود زوجها لذلك نجد الذكور يدعون لها بكل قوة حتى يتخفى خلفها ولا يريد لها ان تمحى من المجتمع والا كيف سيذهب لمن يشاء أو تأتى له من تشاء ؟؟

شكر لك
‏قال غير معرف…
قطتنا الجميله

ماهو المتخلف اللي بيقولوا عليه مفتي ده اللي بيقوله زيه زي اللي طلع الصوره الخايبه بتاعت المصاصه اللي عليها دبان وواحده تانيه متغطيه
كتشبيه للي محجبه و اللي مش محجبه
حاجه و الله تنرفز
تخلف و اهانه للمرأه
كان نفسي يوقفوه خالص عن الفتاوي

اصلهم مفكرين نفسهم في قناه الناس حيفتوا زي ماهما عايزين و ماحدش حيحاسبهم

دمتي لينا ياقمرايه انتي و موضوعاتك الناريه
‏قال Me, myself, and her
لهجتك غاضبة ولا ضير في فنجان قهوة نشربه سوياً ههههههههه

اول ما قلته اني لا اعرف الرجل ولا الحادثة انما حاولت تحليل ما بين السطور والتي تحمل واقعا نراه يوميا ، وليذهب هو وطريقته الفظة الى الجحيم
لن ارد سطرا بسطر لكني مضطرة الى توضيح بعض الأمور طالما انك وضعتي أمامي علامات استفهام
انت تملكين قناعات تجاه بعض الأمور ، وأنا كذلك .. هذا يعني اني اخاطبك بدون هجوم حتى وانا غير موافقة على بعض كلامك ، وانت كذلك خاطبيني بهدوء ، ولا حظي لا احمل في يدي بندقية بل "كي بورد" هههههههه
واضح ان اسلوب هذا الرجل غير متزن وهذا لا يعنيني لانها ليست زاويتي التي اتحدث من خلالها

تقولين ان معظم محجبات مصر هن من يغتصبن .. اوكي .. هل تقصدين ان حجابهن هو السبب؟ وأن البنات اللاتي اصبحن يلبسن "من غير هدوم" و الأشطر اللي تتعرى أكثر ، لسن سبباً في أي إثارة لغرائز الشباب؟؟؟ طيب مش يمكن الشباب مش قادرين يستقووا الا على المحجبات مثلا؟؟
هل تقولين ان الحجاب سبباً في انحراف الشباب والبنات؟؟؟؟ أو ماذا ، لم أفهمك.
شئ آخر .. انت صائبة في ان الكثير من المحجبات يتقنعن به ويفعلن كل شئ لا أخلاقي تحته ، ومن قال ان هذا غير موجود؟؟؟ لكن هل فعلاً تضمنين ان كل واحدة لابسة فوق الركبة مثلاً وتضع كل مفاتنها لكل هذا الشباب المحروم ، هل تضمنينها عايشة بعفتها الكاملة؟؟؟
ثم انا قلت ان الحجاب كنظام لمن تتبعه بصدق هو نظام كفيل برسم طريقة حياة مريحة للبنت في الظروف العادية ، يعني فيما يتعلق بظروف بعض البنات التي تختلف من بنت لآخر هذا موضوع منشق لا يمكن بحال دمجه هكذا والسلام
انت تطلقين احكاماً مطلقة على الامور .. تقولين ان المحجبات سبباً في المشاكل مثلا ، بينما لا تشير احصائياتك شيئا حول غير المحجبات

نحن هنا امام امرين فصل
الاول : الحجاب في حد ذاته .. ضرورته ومواصفاته وطريقته ...ألخ
ثانيا : الأحوال التي تختلف من نفس بشرية إلى أخرى ومن اعتقاد الى آخر ، والتي تختلف مع المكان والمجتمع
لا استطيع ان اخلط بين الامرين فهو شئ ناقص وغير منطقي .. اي لا استطيع ان اسمي كل محجبة مثلا غوغائية ومتخلفة ...الخ وان الحجاب هو السبب
وعندما ذكرتي عن الرائدات اللاتي ليس بينهن محجبة واحدة ، هذا اعطاني انطباعاً عن تحيزك لرأيك ضد المحجبة حتى لو لم تقصدي ذلك ، ثم اعطاني فكرة عن قصور بعض معلوماتك حول الرائدات من المحجبات .. التاريخ الاسلامي يعج بالاسماء .. اول وزيرة امرأة عرفتها البشرية مسلمة ، المسلمات الأوائل كنا ممرضات ومحاربات ومعلمات وتاجرات وقائدات ...الخ ، اعتقد انك لم تقرأي التاريخ الاسلامي .. افعلي ، فلن تخسري شيئاً
والاسلام يا عزيزتي لم يأمرنا بلزوم البيت وأن نكون جاهلات يأتمرن بأمر سي السيد ، عندما أمر القرآن الكريم بالعلم قال "اقرأ" في أول آية نزلت على سيدنا محمد عليه الصلاة والسلام ، وهذه دعوة للعلم ، ولم أرَ آية واحدة صريحة او ترميزية تأمر المرأة بـ "الجهل والتخلف" بل هي مأمورة بالعمل والانتاج مثلها مثل باقي البشر
في بدايات القرن الماضي اقامت فرنسا مؤتمراً يدرس هذا الموضوع الغريب من نوعه "هل المرأة مخلوق بشري؟؟" .. بينما الاسلام كرم المرأة بحفظ حقوقها المادية والاجتماعية بل والجسدية من أي إهانة .. وحررها من تسلط الرجل عليها ، ايضا تستطيعي قراءة ذلك في اي كتاب تاريخي اسلامي تختارينه لو احببتِ
وقضية الجنس الجماعي التي يتحدث النت عنها كثيرا مؤخرا لم تحدث بسبب "الحجاب" أو كونهم "مسلمين" .. هي مسألة اخلاق .. فالمسلم لم يأتي ليدعي الكمال ، بل هو يعترف بنقص البشر وضعفهم وبأن الاسلام نظاما كاملا يحمي من يتبعه .. هم ناس حابين تكون حياتهم كدة ، ثم بينهم أشخاص غير محجبات لماذا لم تأتِ على ذكرهم؟

والان .. تتحدثين عن "سماحة" البيت الأبيض .. أتعجب .. فلا يوجد إنسان بل وأمريكي واحد إلا ويعلم كيف تدار الأمور داخل البيت الأبيض في اللوبي الصهيوني تحديداً ..
اقرئي "أحجار على رقعة الشطرنج" .. "بروتوكولات حكماء صهيون" .. كتب يعرفها كل الناس لم نؤلفها "نحن" العرب بل "منهم وفيهم"
البيت الأبيض بارعاً في "إدارة" الأمور .. والسماحة شيئاً يجيده ببراعة خارقة ، عزيزتي كل الساسة يعلمون ذلك ، وما يروج له إعلامياً إنما لدعم الأهداف الأمريصهيونية .. وهذا من المسلمات التي يعرفها كل الناس
أمريكا دولة تتهالك وعلى وشك انهيار .. والخطة تقول بتجهيز كل الدول التي ستكون دولة بديلة للأمريكيين والأوروبيين .. ولتتفرجي على دول الخليج والعمران الهائل فيها اليوم ، ولتشاهدي أراضي العراق التي تنتهك وخيراتها التي تنهب عيني عينك ، في العراق اليوم عشرات الشركات الأمريكية واليهودية ، والغاز العراقي يعطى "هدايا" لأمريكا والشعب مش لاقي ياكل ، وعلى الشاشات يرش على المشاهدين بعضاً من الجمل المنمقة بابتسامات عريضة وبدل شيك كي تخدرنا سماحتهم يوماً بعد يوم

اللعب اللي ع التقيل ده لا انت قده ولا انا كمان ، الله وحده القادر عليهم
قد ابدو ضيفة ثقيلة وعزائي ان الاختلاف لا يفسد للود قضية
تحياتي لك وللجميع
‏قال Desert cat
deja vu
وعرفتى من فين ان لهجتى غاضبة ؟؟؟
شيفانى ولا ضربتى الودع ؟؟؟

قولت بالفعل ان معظم الرائدات غير محجبات وذكرت لك امثلة
فى المقابل كان كلامك عايم دون ذكر اسم واحدة فقط ألا يعنى هذا انه مجرد كلام من اجل الكلام وليس من اجل الحوار الهادف ؟؟
تقولين انى اقصد ان الحجاب هو سبب التحرش والجهل فغذا كانت هذه هى حدود فهمك فلا ضير عليكى

ذكرتى فى كلامك كتاب " "احجار على رقعة الشطرنج "
ولو تمعتنى النظر لو دقيقه فى الفهرس فستجديه يحتوى على كلمة بروتوكلات بنى صهيون وعندما تقرأى الكتاب لن تجدى لمعنى ولا وجود من الاصل لهذه البروتوكلات
اى انه مجرد كتاب يستند على خلق خراقة غير مرئية لينجرف القارئ المغفل وراء تصديق شيئ غير موجود
فالارجح اما انكى سمعتى عن الكتاب او قراتيه ولم تفهمى محتواه وما يقصده فان كان يوجد به ضير فأتى ببرهانك عما تقولين فلابد لكل شيئ من برهان

تحياتى
‏قال Desert cat
اجندا حمرا + هارت بيت
اجندتنا الجميلة
هما اتعودوا على العك
والناس تسقف دون فهم ووعى فالكابتشن كان متخيل نفسه قاعد فى ارض الرمال
لكن الناس اللى بتفهم سكته على بؤه
:)
محبتى ليكى يا قمراية

المشاركات الشائعة