اخبار تثير القئ العمد
هما فى الحقيقة خبران وليس خبر واحد
الاول ان السيد المحترم عضو مجلس الشعب احمد فتحى سرور هيعمل اجتماع يحاكم فيه معاليه اعضاء البرلمان ويختص بالمحاكمة عبدالعظيم وزير محافظ القاهره والسيد المحترم وزير الاسكان والسيد المحترم وزير التمية المحلية .. يعنى الحكومة هتحاكم الحكومة واحلى سلام وتحية لكل الناس الموجودة فى قلب المنطقة ديا .. يعنى لما هشام طلعت ابن الحكومة البار .. سورى ابن الاسكندرية البار يتحبس فى سجن 7 نجوم ويطلب مكتب يجى له وجهاز كمبيوتر واتنين محمول وسكرتيره الخاص كل يوم يزوره من الساعه 10صباحا للفطار لمتابعه اعماله من داخل السجن .. وكأن سيادته محبوس فى الفورسيزون مش فى برج العرب ... يبقى لما السيد المبجل رئيس مجلس الشعب يحاكم السادة الوزراء .. مش بعيد سيادته يلومهم ازاى الصخور مش وقعت على كل سكان الدويقة ومنشية ناصر واهى كانت ابادة جماعية للمنطقة كلها وخلصنا ...
نيجى بقى لعجب العجاب والمثير للاشمئزاز والقئ العمد والغثيان
ان السيد الاستاذ المبجل رئيس هيئة قناة السويس تبرع بمليون جنية لضحايا الدويقة .. واخدين بالكو تبرررررررع
تبرع من جيب السيد الوالد يعنى ... هى مش قناة السويس دى برضه هيئة حكومية ؟؟؟
وهما موظفين الحكومة من اول السيد الرئيس لحد الساعى فى اى مصلحة حكومية بيشتغلوا فى خدمة الشعب اللى المفروض انهم قائمين لحمايته والحفاظ على مصلحته وحفظ حقوقه ؟؟؟
ده المفروض وخير دليل عندنا من الحفاظ على الحقوق والمصالح الدويقة اقرب كارثة مش هفكروا باللى قبلها لانهم مش اتنسوا
يقوم السيد المحترم بكل فخر يقول انه تبرع لمنكوبى الدويقة بمليون دولار .. لما حكومتنا تتبرع لنا امال الدول التانية تقول ايه بنشحتكو يا كلاب
طيب هيئة قناة السويس والاستاذ الفاضل فاضل تبرع ذكاة عن صحته وصحة اولاده والسيد الرئيس
فين بقى باقى التبرعات من البترول للسياحة للزراعة للاستثمار والتنمية
ياريت كل الهيئات والوزارات فى مصر تتبرع للاجئين اللى قاعدين فى عزبتهم ده احنا حتى فى رمضان
البانر من عند نوارة
تعليقات
ووقف عبد الناصر قال لما افتكر دليسبس انها شركه مساهمه مصريه؟
ولا دى كمان تمثليه زى تمثليه حادثه المنشيه؟
هههههههههههه
ماتخديش فى بالك احنا الى شغالين عندهم
قولى الحمد لله انه تبرع
وهو ان اللي يلاقي عبيط وميستعبطوش ربنا يحاسبه
غير ان هشام طلعت ده مسجون في طرة مش في البرج لأن البرج ده بتاع المعتقلين السياسين والجنائيين مش رجال الاعمال الكبار
ومعلومة ليكي سجن مزرعة طرة ده حاجة كدة زي القناطر الخيرية ولو احنا مش في رمضان كنت كولت كلمة وسخة علي الراجل الناقص بتاع قناة السويس ده
يعني القناة كسبت 504 مليون دولار وده بيتبرع بـ مليون جنيه
بجد بقت عزبة الحج ابو جمال
Desert Cat
ايه بس الاخبار الجميلة دي
عندك حق و الله انها اخبار تثير القيء و الاشمئزاز كمان
هو مين ده اللي هايحاكم المحافظ و الوزراء
هي الناس دي مش قادرة ماتكدبش دقيقة واحدة في حياتها
خلاص بقت عادة يومية يعني
سلامات يا حكومة ياللي بتحاكمي الحكومة
الخبر ده ينفع برضه نكتة استهزائية بالحال المايل اللي الحكومة المبجلة فيه
و على رأيك لو كان العم مصطفى مسجون عادي و في انتظار محاكمته يبقى نحاكم الوزراء
لكنه مسجون ترانزيت زيه زي كل زبانية الحكومة و ان شاء الله السادة الوزراء اللي هايتحاكوا دول
و مش في اخبار بتقول ان الحكومة الذكية تتجه لتحويل المنطقة الى مقبرة جماعية و اردم و خلاص ... اصل يا حرام ريحة جثث الضحايا اللي الحكومة موتتهم بقت تقرف الحكومة اوي و مش طايقين الريحة فقالوا نردم عليهم و تخلص و اهو كمان نوفر فلوس المدافن
عارفه التبرع بتاع رئيس هيئة القناة ده بيفكرني بمقولة ان مجلس الشورى هايتم اصلاحه على نفقة الدولة يعني من جيوب الشعب
و الله لو لقوا حاجه في جيوبنا يتفضلوا ياخدوها يعني هو احنا هانبخل على البلد يعني
لا بس رئيس الهيئة ده باين عليه غني اوي على كده ... لانه بيمن على الغلابة بمبلغ و قدره يعني
يبقى صح على السادة الوزراء و روؤساء الهيئات الاخرى التبرع برضه من مالهم الخاص مش خصومات من موظفين الحكومة الغلابة
و الله يا قطة هاقول ايه بس
حاميها حراميها
و بانيها هاديها
وبصراحه كده نحن شعب مظلوم على ارضه اه ومحكوم عليه بسجن حريته اه
لكن مش هنسكت على ام الهزار ده انا تعبت ؟
دي فضيحة
ده لازم يتعمل له حملة سودا على دماغ امه ونطالب بمسائلته
جاب منين الفلوس دي بروح امه؟
اتبرع بمليون جنيه؟ امال رصيده في البنك كام؟
وجابهم منين؟
المحاكمه المطلوبه حاتكون مليئة باللغط والفبركه ... وف عز الكلام حايطلب واحد "وطنى " التصويت على قرار بالعودة لجدول الأعمال ووقف المداوله ...موافقة ..خبطتين بالشاكوش الخشب ..السيد مقرر اللجنه يقرالنا القانون التالى عشان نلحق نفبركه اشطب "نفبركه" دى واكتب نناقشه ..شكوش خشب تانى ...والنبى حد يطس لنا الجماعه النايمين ورا دول بشوية مايه معدنيه ..بس ابعد عن بقهم عشان رمضان ...سناريو واحد
هوه فيه حد فى البر ميعرفشى ان الكنال ده دخله خاص ويتبع فتيس العمرانيه مباشرة وان العكومه العاكمه مالهاش أى يد فيها ؟؟ من شان هيك المسؤل لما يؤول اتبرع يبقى بيتبرع بأمر فتيس العمرانيه ومن فوائض العوائد ..اللى محدش له دعوه بيها ..سيناريو اتنين
مممممممممممممممم
لا تعليق يا قطة
حرقة دم
مش عارفة الناس هتفوق امتة
زي بالضبط قطاع البترول ما هو عزبة
زي كمان كليات الطب في اي جامعة
كل الحاجات دي عزب و دول داخل الدولة
وعادي جدا لما رئيس جمهورية قناة السويس يتبرع بمليون جنيه للشعب المصري الشقيق
ولسه هانشوف
تحياااتي
كل عام وانتي بخير
انت تتحدثين عن عصابة كلاً له دور اساسي وبعد ذلك يفعل ما يشاء يقتل واحد الف مليون عادي المهم يكون ادى دوره الساقط اللي شبهه
احمد عز فتحي سرور كل الاشكال دي
دول لازم يضربوا بالرصاص كلهم بس لما يشيلوا الحراسة وده مش هينفع لانهم اجبن كائنات الارض
تحياتي لك
هاني يس
محدش فكر يعمل جسة ارض ويشوف اسباب واحتماليات الاجزاء اللي ممكن تنهار تاني
ويحموا الناس من ده ؟
طبعا دة تفكير ميثالي
اما بالنسبة للمحاكمة دي عاملة زي المقولة الشهيرة
اللي يحب النبي يزق
مفيش مشكلة كلنا بنساعد بعض
سمراء
كان لسه مع لميس الحديدى فى برنامج (الاختيار الصعب)
بس ماتبعتش الافيهات اللى كان بيقولها
كل سنه وانتى طيبه
بس انا زعلانه منك
يابت بطلى تلسنى على الكبرات
يابت هيجيبوكى من شعرك
السيد الفاضل اتفضل وشحتنا من فلوسنا نبوس ايده شعر ودقن ولا نقل ادبنا عليه زيك كده
وبعدددددددددددين
مش حلو البوستات بتاعتك على المصريين
مساء الفل ياجميله
ايه الأخبار اللي تفتح النفس دي؟
و الله ياقطه الواحد مابقي عارف يعمل ايه و لا يقول ايه
كلم الجرايد و الساده المسؤلين بقه حاجه تقرف و تسد النفس و فعلا تجيب قئ مع سبق الاصرار و الترصد
ال بتوع الحكومه حيحاكموا بعض فاكرينا مختومين علي قفانا يعني و حنصدق الكلام ده؟
لأ و في بدايه سجن هشام طلعت قالولك انه لابس لبس السجن زي اي سجين عادي و هو اي سجين عادي بيعيش حياته داخل السجن زي اللي بيعمله هشام؟سكرتاريه و موبيل و لاب تكتوك
ده مبقاش سجن ده
دأنا مره سمعت في التليفزيون كان ساعتها العيد بايني و اتكلمت المذيعه مع بعض المساجين
عارفه ياقطه لو سمعتيهم بيتكلموا الواحد ممكن يتمني يكون مكانهم من كتر الحلاوه و العيشه اللذيذه جوه السجن و انهم موفرينلهم كل حاجه و مش مخالينهم محتاجين حاجه ده حتي صلاه الجمعه بيبعتلهم شيخ يؤمهم و علي لسان سجين قال دأحنا ممكن مايكونش عندنا الفرصه دي اننا نصلي جماعه بره السجن
وحياه أمك؟طب تقولي لناس زي دي ايه؟شوفي كلمه ابيحه مش عايزه اقولها
مساءك فل ياقمر
ببساطهليفهم كل انسان ويهتم
هو ببساطه عمل فلاش باك للحظة مولد الكون ...لحظة مولد الكون لم يكن يوجد الا حساء او شوربه سميكه من الجسيمات الذريه ومن تجمع هذه الجسيمات بنى كل شىء من النجوم للكواكب للبشر ...وهم يريدون عمل سيناريو عكسى ...تفتيت الماده لتعود الى حالة الحساء الأولى ...ولمعرفة ما بداخل هذا الحساء بالظبط والعوامل التى تتحكم فيه(او تحكمت فيه عند بداية الكون)ابسط الموضوع قدر الأمكان حتى يفهم كل شخص ويهتم بالموضوع
كما هو منشور فى مدونتنا
http://netonradio.blogspot.com
كل اللي بتقوليه ده طبيعي قوي على فكرة لاننا في مصر وده عادي في زمن الفساد والظلم
ربنا معانا
تحياتي
أشفقي على نفسك عزيزتي وارحمينا من أخبار تدمي القلب..
معدرة على صفاقتي..
ومودتي الغامرة
مين قال ان الدنيا دي وسيه؟
البيه بتاع قناه السويس جايبها من فلوس امه ولا ايه؟ دي فلوس الشعب ياولاد ال تييييييت ياللي بتاخدوا تييييييييت
اما عن طلعت مصطفي والهيصه
فعلي راي الاخ الشفيق الفاضل بعرور في قصيدته هيصه
هييصه هيصه هيصه هيصه هيصه
مش قادر اقول تعليق
احمد فؤاد نجم
سيبقي الشعب وسيذهب الطغاة الي مذبلة التاريخ
بعد السلامات والطيبون
الحكومة مش منتظر منها تصرف أحسن من كده
حكومة فاشلة بعيد عنك
كل سنة وأنت ِ طيبة
آدم
كل سنة وانتى طيبة يا حنان ورمضان حلو عليكى
اسود على اللى فى بالى
وترفع الضغط وتجيب السكر كمان
تحياتى وكل سنه وانتى طيبه
وحكاية هشام طلعت بتفكرنى بفيلم لعادل امام انه كان محامى وبيدافععن تاجر مخدرات وجوه زنزانته تلفزيون بالدش بتاعه وبانيو والمكتب الخاص بيه والعسكرى بينضفها له كل يوم مكدبش عادل امام لما وصف الوضع بالشكل دا
بلدنا بقت عايشه فى حاله فوضى ولازم قياده جديده تحل محل القياده الحاليه بداية من الرئيس الى المحليات
تحياتى
لما حكومتنا تتبرع لنا امال الدول التانية تعملنا ايه
فكرنى بجملة نصر القفاص .. الشعب المصرى الشقيق
وبعدين ايه الجديد ف الخبر الاولانى .. طول عمر الحكومة بتحاكم الحكومة و تبتقدم استجوابات للحكومة و بتمرر القوانين للحكومة فى مسرحية هزلية
ان احنا م.م.ع
يعني الحكومه دي بتشتغل عندنا
لان احنا موش فاضيين ندور البلد
وان التبرع بتاع قناة السويس ده لفظ خاطيء وانا بسجل اعتراضي عليه فى الامم المتحده لان دي حركة اسمها العلمي
قطع التحويلات بمعني انهم قطعوا التحويل
المباشر من خزنة قناة السويس اللى بنوك زيورخ فى سويسيرا الى خزينة محافظة القاهرة ومن ثم يتم توزيعاه التوزيع الامثل على الجهات المختصه
اقعدوا بالعافيه
التبرع ده من فلوس القناة تقربا لله فى الشهر الكريم عغلشان إيراد القناة يزيد السنة اللى جايه
أما حكاية المحاكمة دى فده معناه اننا مش عاجبنا العجب
يعنى لما يسكتوا يبقوا وحشين ولما يحاكموا يبقوا وحشين.
بلاش كده خلينا كويسين
ههههههههههههههههه
نفس الخاطر جه فى بالى يا نودى
هى القناة مش كانت اتممت ؟؟
معلشى يا تامر غلطة مطبعيه
المهم انه محبوس فى سجن 7 نجوم
يعنى كانه عايش فى الحياة عادى خالص
صديقتى الحبيبة ارق دقة قلب
يا حبيبتى الكدب بقى سمة مميزة
وعود وعهود ومفيش اى فعل
الدويقة اتحولت بالفعل مقبرة جماعيه والاهالى مهددين بالاعتقال لو حد خرج من بيته .. شوفتى عظمة مصر
محبتى يا قمراية
ما حانا بنقول مش هنسكت وهنتكلم وهنوق اللى فى نفسنا بقالنا سنين والحال زى ما انت شايف من سيئ لأسوء
المليون جنيه يا نوارة من دخل القناة
وبعدين رصيده فى البنك تلاقيه حاجه تافهه كام مليار بس
تفتكر يا ما تركيس مش هنشوف القاضى بيحكم لهشام طلعت ومحسن السكرى بالبراءة وبعدها يقوم يجرى . متخيلة نفس المنظر
اما فيتيس العمرانية فاعتقد البلد كلها تبعه
مش الكناة بس وعلشان كدا الواحد بيقول باقى الوزارات والهيئات تتبرع ذكاة عن الفيتيس
لاء مش منتظر يفوقوا لانهم دخلوا فى مرحلة الموت الاكلنكى
هى البلد كلها بقت عذبه واحنا الرعايا لا نملك سوى السمع والطاعة
عليكم السلام ورحمة الله وبركاته
وانت طيب يا هانى
طبعا مش يقدروا يمشوا من غير حراسه مش بتشوف وقف الحال اللى بيسببوه للناس اثناء مرورهم فى الشوارع ده اسمه رعب لان اعمالهم سودا
تحياتى
الانهيارات الصخرية بالفعل حدثت قبل كدا لكن مش بالشكل المكثف ده
وحذر خبراء من السكن فى المناطق دى لكن الناس الغلابة دى هتروح فين مش ليهم اى ماوى تانى غير الجبل اللى هو نفسه اتضايق منهم وسابهم لصخورة تجهض عليهم
المحكامة دى شيئ لحفظ ماء الوجه اللى هو مش موجود اصلا
تحياتى
انا لما بشوف حد من الناس بغير القناة ده بيكون بالصدفة البحته لانى مش متابعه للتلفزيون
لا عاش ولا كان اللى يزعلك يا مشمشه بس معلشى اصلى واخده على خاطرى شوية من السادة المسؤلين كان لازم يفهمونا التيتة علشان مش نتصدم بالكوارث المتتالية دى كان قالوا انهم مش عايزنا فى عزبتهم بالذوق ولو مش مشينا منها يقتلونا بقى بمعرفتهم
ضحكتينى جدا بالرد الجميل ده حقيقى شر البلية ما يضحك
هشام طلعت قاعد فى الفورسيزون
والحكومة بتنيم الشعب تنويم مغناطيسى وتقولهم هنحاكم بعضشينا بس مش حد يتدخل ..
اما بقى المساجين اللى عايشين فى حياة مرفهه دول اللى نكته الموسم
امال جوابات الاستغاثة اللى كل يوم من جوا السجن دى ليه بيهزروا مع الجرايد
نورتينى يا جميله
الشكر لله يا فندم
ويارب دائما مدونتكم واذاعتكم فى تقدم مستمر
طيب ما تتفضل البانر عندك يا احمد مش يغلى عليك
هى فعلا الاخبار قمة فى الارف لذلك ليس هناك ما يدعو للاسف
واان اللى اعتذر عنها لكن ادى الحال اللى احنا عايشينه عزيزى
شرفتنى جدا
مودتى واحترامى
والله يا دكتور حاجه تخلى الواحد يخرج عن شعوره
منهم لله كلهم
سلامتك يا علاء
بس الحال فعلا من سيئ لاسوء
اللهم تقبل دعاء
امتا يا محمد وهما بيخلصوا على الشعب بالالاف مرة واحده فى عبارات وقطارات ومقابر جماعيه
يا عزيزى الحكومة فاشله وفشلها بيدمر فى الشعب وفى البلد وفى كل حاجه لها قيمة فى بلدنا
كل سنة وانت بالف خير
عصر السرعة يا احمد
كل سنة وانت بالف خير
ورمضان حلو عليك وعلينا وكل الناس اللى مننا فينا البعدا التانيين لالالالالالالالالاء
دكتورنا الفاضل الف سلامة على حضرتك
هما لوحدهم اللهم امين
كل سنة وحضرتك واسرتك بالف خير
المليون جنيه من دخل القناة بس هو بيقول تبرع بيهم شوفت الفرسه
اما فيلم عادل امام كدا خلاص واقعى بيتمثل بحذافيره فى سجن طره وقايم بدور البطولة رجل الاعمال المشهور بقتل المطربة اللى كانت مش مشهورة سوزان تميم
واحلى سلام لحسن سبناخ المحامى اللى كان فى الفيلم اللى هو عادل امام يعنى
تحياتى
ماهو ده اللى المفروض يقولوه فيما بعد كباراتنا تبرعنا للشعب المصرى الشقيق ده ان اعتبرونا شعب يعنى
موضوع الحكومة ده شيئ هزلى ادينا بنححاكم بعض اهوه مش حد يفتح بؤه بعد كدا
تحياتى
ما انا بقول برضه المفروض نبعت له جواب شكر
كتر الف خيره
عاد واحد من المليون
لكن فى صورة هبه وكانهم صعبان عليهم يقولوا حق من حقوق الشعب
ما هما اللى بيشتغلوا عندنا بيشحتونا دلوقتى يا احمد
بقولوا انهم تبرعوا لنا
بالنسبة لموضوع قطع التحويلات فده هنبلغهم بيه علشان يعملوا لبعض محاكمة هزلية
اقعد بالعافيه
ايون السيد مدير الهيئة كان قصده يبعد العين عن القناة ودخلها ويخرج زكاة رمضان عن صحته وعافيته وولاده
اما محكمة الحكومة للحكومة فانا مش متعودين علشان كدا مستغربين
تحياتى
تحياتى ليكى يا متميزة
كل سنة وانتى طيبة يا جميله وبالف خير
مفيش تقصير ولا حاجه
المهم طمنينى عن اخبارك
أأقدر أقولك بكل بساطة وجمال جملة واحدة جات ف بالي
ياحلاووووووووووووووة