محاكمة طلعت مصطفى
تحدد موعد لمحاكمة طلعت مصطفى ومحسن السكرى المتهمان بقتل المطربة سوزان تميم الاسبوع المقبل ... واوضح رجال القانون ان الحكم اعدام للقاتل .. وللمحرض على القتل ... طيب اللى قتل 1300 واحد اخد براءه ليه ؟؟؟
والمتسبب فى حرق قطر هو فين ؟؟؟
والمسؤلين عن حريق الشورى الصقوها فى ماس كهربائى ليه ؟؟؟
ومستورد اكياس الدم الفاسدة أخد براءه ليه ؟؟؟
ومستورد المواد المسرطنة بينعم بفلوسنا ليه والسرطان بيهرى فى اعضاء الشعب ازاى ؟؟؟
واللى سرقوا اموالنا من البنوك ههما فين ؟؟؟؟
مش معترضة على محاكمة طلعت مصطفى بس معترضة على الضغوط اللى مصر تحتها واللى من اجلها قدمت طلعت مصطفى للقضاء ... هو علشان اللى اتقتلت مش مصرية يبقى لازم التحقيق ومحاكمة الجناه لكن الـ 1300اللى فى العبارة شوية صعايدة مصريين مش مهم غرقوا فى غيرهم 80 مليون
اللى ماتوا مسرطنين وبسبب اكياس الدم الفاسدة شوية فلاحين مش مشكلة برضه مصريين فى غيرهم موجودين ؟؟؟
اللى هربوا بفلوسنا و3/4 الشعب تحت خط الفقر لدرجة اننا عاشين دلوقتى فى نظام الاقطاع ... هيفضلوا كدا احنا جوا متهانين وهما بره بفلوسنا عايشين فى نعيم ؟؟؟؟؟
ملفات محتاجه يتم ازالة التراب من فوقها وملفات اخرى تخرج من تحت الانقاض واخرى يلفظها الرماد
ويتم التحقيق فيها من اجل حقوق المصريين
تحياتى للجميع
تعليقات
علشان دى مش مصريه الدنيا قامت و اتسجن واحد من قيادات الحزب
طب احنا فين
اللى مات مننا راحوا فين
ملهوش اى تمن
حسبنا الله و نعم الوكيل
تحياتى
مره من نفسنا ياستى نحس بالدستور
هو طبعا دستور يا اسيادنا
المشكله انه طالع طالع
بس هو زى ماتقولى ترضيه للامارات
داغير ان القتيله شخصيه معروفه
داغير اننا شعب طيب
ما نرضاش واحد من الكبارات بيتهان علشان الف واحد مات ولا مليون جه لهم سرطان
ياشيخه دا العفو من صفات الكرام
واحنا فى رمضان
سلامى
أما احنا...
المهم ياريت تبقي تتابعي الرواية الجديدة الحلقة الاولى كانت النهارده مفاجأة يارب تعجبك
كل ودي
مش بعيد تطلع القتيله منتحره
السرعه فى الموضوع تدعو للريبه
بعد ان طال الفساد آخر حصون الحق فى مصر
ثانيا
اين ملف ميشيل جار وفاروق حسنى؟
طبعا لا تذكرونه
ليلة اول يناير 2000
عزم وزير الثقافه طبال فرنسى شاذ اسمه ميشيل جار لأحياء ليله عند الهرم بمقابل كام تفتكروا ؟....ليله واحده فى بلد لا تجد الخبز؟
عشره مليون دولار
اكرر
عشره مليون دولار
اى اكثر من 50 مليون جنيه مصرى
رغم معارضة بعض الشرفاء ومنهم الصحفيه سكينه فؤاد
ولكن الوزير اصر
طبعا معروف ليه
حبا فى مصر هههههههه
ونسيت ملفات الفساد فى ماسبيرو الرياده
وغيرها وغيرها
النبض لا يزال مستمرا وحالة المخ مطمئنه
والتنفس منتظم
وكافة الوظائف الخيويه
مستقره
ولذلك انا متفائل
ولكن يبدو ان فى الأمور امور لم تكشف بعد فطريقة القتل كانت غبية جدا ومتهيألي طلعت مصطفي ازكي من كدة
الحكاية لسة مخلصتش وفي تفاصيل تانية كتير هتوضح مع الأيام
كل سنة وانتي طيبة وربنا يتقبل منك صالح الأعمال
هل تعتقدي ان هشام طلعت مصطفى ممكن ياخد اعدااام؟؟؟؟؟؟؟؟
انتي واضح انك مش واخدة بالك من الاعيب المحامين وثغرات القوانين
واللذي منه
وما ادراكي ما هو الذي منه دة
تحيااااتي
ضجة غير عادية على واحدة بين ايدين اللى خلقها و واحد لسه ما صدرش حكم ضده...هو فى ايه؟!!!
و بالمناسبة اللى طلع ممدوح اسماعيل براءة مش هيطلع طلعت مصطفى؟ حتى لو مدان الناس دى مش بتتسجن
وكل سنه وانتى الى الله اقرب
تساؤلاتك معك الحق فيها
وهى دى مصر من الاخر
حسبنا الله ونعم الوكيل
وعلى فكرة شويه كدة والقضيه دى حتنام وحيطلع براءة
والزمن بينا
تقبلى تحياتى
ودمتى بود
عندك احتمال الاول انه فعلا كان علي علاقه بالمطربه دي وكانت ماسكه عليه حاجه او هو مفقوع منها
زي زكري كده
الاحتمال التاني يافندم ان زي ماحصل كده لابو الفتوح بتاع البي ام
ان النظام وعلي راسه الناس الكبيره كانوا عاوزين حصه من مشاريع طلعت مصطفي وعاوزين يقبقوا شركاء مثلا
وياخدوا هبشه محترمه بس هشام رفض راحوا موديينه ورا الشمس او اتخلوا عنه لما احتاج لهم بصفته عضو مهم في الحزب الوطني
الاحتمال التالت ان ده تصفيه حسابات مابين جبهه جمال مبارك وجبهه صفوت الشريف والشاذلي والناس القديمه
وكلهم عمالاين يطوحوا في بعض
دبلوماسي كبير اوي في الليله
الامارات ضاغطه علينا
عشان الموضوع ميعديش
وعلي فكرة انا متوقع
انتحار السكري من يوميها
بس زي متقال
هشام طلعت اتباع فعلا
لكن انا احييه علي حاجتين
اولا
عمل
مدينة عالمية علي ارض مصرية
وجريمة مصرية علي ارض عربيه
بالله عليكي انتي سايبه الموديراشن اكسيبت ليه
ميرسي انك كبرتي الخط
طبعا عنك حق في كل كلمة...و لكنني متفائل خير بالنائب العام...فهو ، ولا نزكي علي الله احدا ، رجل قانون قدير و يخاف الله....و قد سارع عقب النطق بالحكم في قضية العبارة بالاستئناف...
ايضا لان الجريمة حدثت خارج مصر...و دبي
قدمت كل الحجج و الادلة...فاصبح من الصعب اغلاق الموضوع.....
كل ما نأمله ان يأخذ كل من أخطأ عقابه الذي يناسب خطأه....و الا يفلت
احد مهما كان من يد العدالة....
نسأل الله السلامة من كل أثم و أن يسترنا
فوق الارض و تحت الارض و يوم العرض.
تحياتي و تقديري
المصريين رخاص ف بلدهم اومال في البلاد التانية هيعاملوهم ازاي؟
ما لهم حق برضو
خدي كمان عندك السياح اللي بينقلوهم بالهليكوبتر ف الحوادث و دي حاجة ماشفتهاش حصلت ف العادي قبل كدة ولا كمان الحمد لله اطمن يا افندم المصابين كلهم مصريين
ايه ده يا حنان ماعرفش انك بتدققي اوي كدة
ما هي مصر ولادة دي فيها 80 مليون تيجي انتي تقولي 1300 واحد و مليون واحد
احب اطمنك مصر بخير بخير بخير
بس هيفضل السؤال ف الاخر لحد امتي؟؟؟
-----------
روووووووومانسي
تناول القضايا داخل فيه اشكاليات كثيرة مثل الاجراءات وجهةالاختصاص وغير ذلك ما يجعلها دائما وكأن القضاة ينظرون فى الاتجاه غير الصحيح بعيدا عن الموضوع نفسه ..
هل قلت شيئا جديدا؟ لااعتقد
Love,
MishMsih
احنا كنا فين وبقينا فين
ومتخافيش بكره هيطلع منها زي الشعره من العجين
اقعدوا بالعافيه
ورمضان كريم
بس اسعدنى مواكبتك للاحداث وخاصة موضوع هشام طلعت مصطفى وطلعت السكرى وتحريضهم على قتل المطربة اللبنانية سوزان تميم
ودفعهم 2مليون دولار لظابط مصرى
ونلاقى فجاة الناس الكبار انقلبو على الناس دى واولهم راس الافعى احمد عز ثم مطالبة الشريف برفع الحصانة عن هشام فى ظل بيحصل اكتر من كده مع ناس تانية وبيعدوها بمزاجهم
يلا منقرش نقول الا :
حسبنا الله ونعم الوكيل
بهاء
ما ضاع حق وراءه مطالب
لسة الموضوع ما خلصش مع ان نهايته مش هتختل كتير
هو بقي حسبها صح وقال انزل مصر وبكدة اتحاكم في مصر علي اساس ان في مادة في القانون بتقول ان الدولة لا تسلم رعاياها لأحد وبكدة يبقي هو ضرب عصفورين بحجر واحد هرب من الانتربول وفي نفس الوقت حيتظبط لغاية ما يطلع براءة زي الباقين
انما لو كان اتحاكم في الامارات كان زمانه اتفذ فيه الحكم امبارح بالليل
واتكلمى متتكلميش زعقى متزعقيش والله لو حتى وقفنا كلنا على دماغنا بردو بلدنا بقت ماشيه كده ومن كتر الفساد مبقيناش قادرين نلاحق عليه
حسبنا الله ونعم الوكيل
ربي ياخد الحق من الظالم المفتري
وان كان هناك عدل فهو في السماء لا علي الارض
رمضانكم سعيد
علشان الضغط اللى واقع على مصر من دبى اصل اى بلد تانية بتقدر مواطنيها كويس جدا مع انها لبنانية بس اتقتلت فى دبى
تحياتى
دستور يا اسيادنا انتى حاسه يا نودى ان فى حاجه بتحصل فى البلد دى من الدستور ده المادة التنية عندك فى الدستور وهى مبدأ المواطنة .. منتهك قلبا وقالبا ... وتقولى دستور
بخصوص برائه هشام مش متفائله
تحياتى
كى يمنك التغلب على عدوك لابد من هزيمته معنونيا
ولابد من التغلب على شعبك فافعل فيه كل ما جاء بدراستك حضرتك
لذلك نحن الشعب المقهور المهزوم المذلول راضخين وراضيين ولسه بنقوله اخترناك .. مع انى اقر واعترف واحلف على جميع الكتب السماوية انى ما اخترته خالص
تحياتى
وده الفرق بينا وبينهم ان اى دولة تانية بتعرف تحترم مواطنيها كويس لكن احنا بنتفنن فى اهانة الشعب كويس
تحياتى
عزيزى كل يوم يظهر لنا قيادى من الحزب الفاشل قصدى الحاكم بفضيحة مختلفة عن اللى قبله
فلو فتشنا فى ملفات الفساد من الارجح نعود بالذاكرة للخلف لملف صفوت الشريف وسعاد حسنى وبرلنتى وصلاح منصور وعمليات الكنترول الله يرحمها بقى الست سعاد ماتت وسرها معاها
اتنبأ ان الفضيحة القادمة لاحمد عز
اتمنى يا استاذ متفائل ان تزول الغمة قريبا لنحيا فى وطن يحترم ادمية مواطنيه
تحياتى
وانت طيب يا مصطفى
محسن السكرى كان مسجل مكالمات هشام واعتقد ان المكالمات اللى اتسجلت فيها من السذاجة ما يثير الغثيان
تحياتى
لاء يا احمد مش متوقعه انه ياخد اعدام
بس اللى متوقعاه انه برضه مش هياخد برائه اصل القتيلة مش مصرية يعنى تروح فى غيرها
حتى لو اتسجنت بيكون مسجونين فى فندق يا جميل مش فى سجن كل سبل الراحه والترفيه متوفرة بس برضه حاسه ان طلعت هياخد حكم مش عارفه ليه
تحياتى
كل سنة وحضرتك طيب وبالف خير
اعتقد ان القضية المرة دى مختلفة شوية
محسن السكرى سلم الاتنين مليون دولار اللى قبضهم له هشام مقابل القتل
وكان مسجله مكالمات الموضوع واخد محور مختلف شوية
بس عموما فى انتظار ما ستسفر عنه الايام المقبله
تحياتى
المصريين كتار يا حنان عاوزين نعمل حد للعدد الكبير ده فشوية فى العبارة وشوية فى الدم الملوث عشان العدد يخف
والبقية تأتى والمصريين اللى عملوا فى نفسهم كده لما سكتوا على الظلم
Desert Cat
هي لو كانت مصرية سواء كانت من الشعب و لا حتى مطربة برضه كان زمان الموضوع اتقفل من زمان و لا حد اتقبض عليه و كاميرات صورته و لا اي حاجه من اللي حصل ده
في حلقة برنامج القاهرة اليوم اما استضاف محامي محسن السكري ... في واحد منهم اسمه انيس بصراحة قال جملة ضحكتني اوي ... قال انه بتجمعه صداقة عمل مع السكري و انه كان بيحسده على كم الاصدقاء اللي عنده و ان ده دليل على ان السكري انسان طيب و عشري ... انا سمعت الجملة دي و فعلا قلت ان في محامين يبيعوا اي حاجه في مقابل المال ... السكري جاب ورقة و زورها و حط عليها لوجو شركة المبنى اللي كانت ساكنة فيه سوزان و كان بيلفق لها قضية مخدرات و بياخد فلوس من هشام و بيصرفها على نفسه و قال انه بيشتغله و الكلام الكتير ده و مع ذلك تلاقي المحامي الهمام بيقول عليه طيب و عشري ... يعني حتى مش مزور و هي ابسط حاجه عملها و اعترف بيها
بس تقولي ايه بقى كلهم حراميه في بعض
لو هي مصرية ماكنش ده حصل كانت الحكاية بقت انها على علاقة بشخص ما و الله اعلم مين هو و ان مشيها بطال فقتلها و لا حد كان هايسمع عن هشام و لا غيره
انما طبعا عشان في طرف تاني في الموضوع لازم الحقيقة تبان و لو ان السيناريو اللي الحكومة الموقرة بتعمله دلوقتي ان عشان السكري و هشام اتقبض عليهم في مصر يبقى لازم يتحقق معاهم في مصر و يتحاكموا ان ثبتت الجريمة عليهم في مصر و مالنشا دعوة بقى بدبي و لا لبنان
يعني سادة القانون عندنا بيحاولوا انهم يلموا الموضوع عندنا هنا طبعا عشان قادة الحزن الوطني ينبسطوا
ماعرفش طبعا اذا ممكن دبي تبعت حد يباشر التحقيقات و لا لبنان تقوم بنفس الشيء الله اعلم و لو اني افضل ان ده يحصل
لكن النتيجة النهائية ان المواطن المصري رخيص و دمه عادي مش فارق مع الحكومة الموقرة لو مات غرقان او بدم فاسد او بسرطان ... الحكومة عندنا ما تتحركش الا اذا كان في حد ماسك لها كرباج و بيضربها به ... يعني لو مثلا حد من الغلابة اللي ماتوا دول في العبارة و لا غيرها كان معاه جنسية اجنبية و لا حتى عربية كانت الحكاية اخدت شكل تاني خالص
لكن لانهم غلابة فخلاص مش مهم زي ما قولتي كده راح الف في غيره كام مليون
تحياتي يا قطقوطة
عامله ايه ياجميل؟
يارب تكوني بخير
شوفي ياجميله الحكايه مش حكايه ان اللي اتقتلت مش مصريه
الموضوع و مافيه ان هشام اتقلب عليه جامد و من جهات عليا عشان كده بعد ماكانوا مانعين النشر في القضيه فتحوها علي البحري يبقي السؤال ليه؟بكل بساطه مش عشان تطبيق القانون لأ هما عايزين يفضحوه و انتي اهو و انا اهو و هشام طلعت في سجن المزرعه ان ماطلعش منها زي الشعره من العجين يبقي فيه كلام تاني
كل سنه و انتي طيبه ياقمر
الشعب المصرى فى حالة جمود سياسى لو الشعب المصرى فكر فى السياسه صح وجرب ان يشارك فى الوضع الموجود هيختلف الوضع كتير
تحياتى
والله هو طبقا لنظرية المؤامرة اللى دكتورنا الهمام شغال فيها
فدعنى اتأمر معك يا دوك واقولك
ان تقريبا كدا والله اعلم ان هشام كان مقاطع عز وحديد عز
فعز وغير نوع الحديد المستخدم فى مقاولاته فعز قاله ودقنى الشريفة دى لاربيك يا هشام
ودلوقتى هشام تقريبا تعاد تربيته من اول وجديد
ايه رايك بقى فى المؤامرة دى
تحياتى
تصوري أن خبر مقتل سوزان تميم له صدى وضغط ديبلوماسي أكثر من غرق سفينة عربية بحجم التيتانيك..
لو يعني قتلن هيفاء أو نانسي ربما تحدث أزمات بين الدول وحروب أهلية ..
أرأيت المستوى الدي أصبحنا نشرف عليه
تحياتي على التدوينة الرائعة
يا امجد سوزى لو مصرية مش كان حد جاب سيرتها اصلا
وتلاقى كل المصريين قالوا يااااى مطربة يعنى فاسقه اهى خدت الشر وراحت على اساس ان الحس الدينى عندهم مسيطر مش بيرتشوا ولا بينهبوا فى بعض
انا كمان بحيى هشام على الملايين اللى صرفها على سوزان وبلده مليانه اطفال شوارع
انا سيابه الاكسبت مودريشين
علشان فى اسماء مش اتشرف انشر لها حرف عندى وبالتالى من اول مااشوف الاسم بدون ما اقرى سطورهم البهيه برمى فى اقرب مقلب زباله على طول
تحياتى
ليت مصر كلها النائب العام
فهو ايضا من سارع باستئناف الحكم فى قضية اكياس الدم الفاسده
محسن السكرى كل يوم يظهر دليل جديد على ادانته
كمان مسجل مكالمات تمت بينه وبين هشام
اعتقد ان القضية لا مفر منها
والله اعلى واعلم
احترامى وتقديرى
ههههههههههه
حلوة اطمن يا فندم المصابين كلهم مصريين حقيقى احنا شعب نكته اوى
المهم بقى يا احمد اان بدقق علشان الحقد اللى عندى ده مش عارفه اعمل ايه يعنى سوزان هانم يحصل الضجة دى كلها و 1300 ولا من شاف ومن درى والقاضى ينطق الكم ويقوم يجرى من على المنصة كان اللى ماتا كلاب ولا عزاء للمصريين
تحياتى
القضاه فى القضايا السابقة كانوا ينظرون عكس الاتجاه لان ليس على مصر اى ضغوط خارجية
لكن قضية اليوم تختلف فالقتيلة لبنانية واتقلت على ارض دبى ودى جريمة فى حق اى بلد محترمة ان حد يتقتل عندها لان حياة البنى ادم عندهم غاليه اوى مش زينا الامير كلاب تموت اللى هى عايزاه مش مهم هيطلع غيرهم على راى احمد مصر ولاده
تحياتى
انا مش جبت التاكيد يا مشمشوشة بس على الاقل رجع من بره وعلى الاقل هيتقدم لمحاكمة غيره قتل 1300 وراااااخ يا خواتى رااح
الاعلان انا شوفته على الحياة وقت الفطار وقعدوا يعيدوا ويذيدوا حسيت انهم بيوصلوا رساله معينه لحد معين
النتيجة النهائية فى المبارة العربية دى بقى ان شكلها اللى هيشيل اليله محسن السكرى لانه كل يوم يطلع ادلة تدينه واخر دليل بيقولك تحليل الدى ان ايه كشف وجود فعلا دم على ملابس محسن السكرى
اول مرة اشوف ظابط امن دولة غبى كدا
يعنى صور ودم ومشترى جزمة وخنجر بالفيزا الخاصه بيه
ده اطفال 5 ابتداى مش يعملوا كدا
ربنا يظهر الحقيقة بقى
تحياتى يا مشموشه
هو خطوة كويسة انه يتحاكم
لكن الحكم بقى شكلها كدا السكرى شال الليله
تحياتى
مع موجة الادلة اللى كل يوم تظهر
مش بعيد تلاقى راس الافعى بعد يومين اسمه بيتردد معاهم
بالمناسبة هشام طلعت هو اللى دفع لمسحن السكرى يعنى مش الاتنين دفعوا لظابط مصرى
كمان يتردد انه متورط معاهم احد الخليجيين لكن لم يكشف عنه الستار بعد
شرفنى جدا مرور حضرتك
تحياتى
انا مش بشكك فى حاجه صدقينى
لكن انا شاكه فى القضاء وفى مجلس الامن وفى هيئة الامم المتحدة
فى انتظار كلمة النهاية
تحياتى يا جميل
كلامك صح يا تامر
بالفعل لو كان مازال فى سويسرا كان اتسلم لانتربول دبى
والناس دى عندها دم الفار ليه تمن فما بالك ببنى ادم
هو قالك اجى مصر بلدى حبيبتى اللى زى ما نصفت ممدوح وهانى هتنصفنى والبقاء لزوى رؤس الاموال
لكن كل الادلة دلوقتى تشير لمحسن ومحسن مسجل مكالمات لهشام وبيقولوا متورط معاهم رجل اعمال خليجى وكل يوم يظهر كلام جديد .. عموما مش عايزين نسبق الاحداث
تحياتى
اه والله يا علاء الغريب جه فى الوقت المناسب
يعنى بعد الحكم فى قضية العبارة وكمان فى اول جلسات الاستئناف يظلع لنا هشام بجريمة القتل ومن قبلهم ايمن السويدى ولسه
متشكرين اوى يا رجالتنا يا مشرفينا
كل سنة بمصيبة جديدة
تحياتى
ونعم بالله
كله على الله
رمضان كريم
المصريين منتظرين صلاح الدين من جديد
ميعرفوش ان الجبن مستحيل يطلع منه لا صلاح الدين ولا عز الدين
تحياتى
صديقتى الجميلة احلى دقة قلب
كلام المحامى فى القاهره اليوم من خلاله حسيت انه بيتكلم على طفل
والله كان محبوب بس هشام الوحش اللى ضحك عليه وقاله روح اقتل سوزان وهجيب لك شكولاته
سوزان لو كانت مصرية بالفعل مش كان حد اتحرك وعندك العبارة اللى فيها 1300 وممدوح فى لندن ينعم هناك قال ايه بيتعالج
يمكن بتيجى له كوابيس تطارده فيها اشباح الغرقى علشان كدا رايح يتعالج منها
للاسف المصريين احلامهم غرقت وطموحهم ماتت
بسكوتنا وخنوعنا علشان كدا يموت 100 يموت حتى عشرة مش مهم المهم الحكومة تعيش
شرفتينى يا جميلة
صديقتى الجميلة
كل سنة وانتى بالف خير
بصى يا دكتورة هشام كان ممكن يفضل بره مصر لكنه لو استمر فى سويسرا كان زمانه اتسلم لانتربول دبى والناس دى مش عندها رحمة وده السبب اللى رجعه تانى لمصر ... موضوع البرائه مش واثقه منه اوى خصوصا بعد ثبوت الادله على محسن السكرى ومحسن فى كل التحقيقات مورط هشام معاه
هنشوف الايام اللى جايه فيها
محبتى يا قمراية
متفقه معاك
لكن فى نقطة
الشعب المصرى مش يقدر يشارك فى السياسة لان كل واحد ماشى بقانون اشمعنا انا اللى هتكلم انا ورايا عيال عايز اربيها
انا امشى جنب الحيط احسن لى لحد ما بقي زى الحشرات ماشى جوا الحيط
تحياتى
يا عزيزى لأسف الشعوب العربية مدعية البطولة فى انحدار
اخبار قتل سوزان مبارك متصدرة كل الجرايد الرسمية والمعارضه ومبقاش فى اى اخبار عن فلسطين او لبنان او العراق المهم دلوقتى سوزان تميم اللى وحدت الدول العربية
وتحيا الوحدة العربية
مودتى واحترامى
انت موش فاهمه الدنيا
طبعا لازم يتحاكم لأنه ماموتشى غير واحده بس ...المفروض يكون عنده وعى قومى ويموت له كام ألف لأن بالمعدل ده ولا مليون سنه على ماتخلص مصر من الزياده السكانيه اللى موقفه التنميه وبعدين طلعت كمان لبنانيه يعنى العداد موش حايعد واحد حتى "