أتكلم واسمع فى على صوتك

حوارى مع بسمة عبدالباسط
فى مجلة على صوتك

http://3allisotak.net/apages.php?pids=683&ids=do


كتبت: بسمة عبد الباسط

(إحنا في وقتنا الحاضر نفتقد في البعض فن الحوار... والبعض الآخر يجيد الصوت العالي دون السمع لآراء الآخرين بل والتسفيه فيها... وإن تحاورت معه تجده يكيل لك كماً من الاتهامات التي لا حصر لها والتي لا يوجد لها أساس من الفكر أو المنطق... وعشان كده أنا فكرت في عمل الجروب ده عشان كلنا نقدر نعبر عن رأينا ونسمع للرأي الآخر دون قيود بشرط عدم التعدي على حرية الآخرين في التعبير عن رأيهم)

هذا هو كلام مؤسسة جروب أتكلم واسمع على الفيس بوك
http://www.facebook.com/group.php?gid=17689335307

تعالوا معي نقترب أكثر منها
معنا حنان الشريف

بداية من أين جاءت فكرة جروب أتكلم وأسمع ؟
من خلال بعض الردود اللي كانت بتجيلى في المدونة واللي هي عبارة عن ناس داخله تفرض رأيها بدون تقبل أى حوار أو نقاش
والناس دي أكيد موجودة وسطنا في الحياة العامة عايزه تتكلم ورأيها يتاخد بيه من غير ما تكلف نفسها تسمع الطرف التانى عشان كده حبيت أقولهم اتكلموا برضه اسمعوا زى ما إحنا سمعناكو



ما هدفك من الجروب ؟
الاستماع للآخرين دون التسفيه من آرائهم وعم لصق الاتهامات بهم الاستماع للرأي والرأي الآخر مع عدم التعدي على حرية الاخرين فى التعبير عن رأيهم
ضرورة احترام أدب الاختلاف وهو ما يعني عدم شخصنة النقاشات وعدم اللجوء لأشكال النقاش العاطفي مثل السخرية والسباب

ما المشاكل التي واجهتك في الجروب ؟
بالرغم من أن أهداف الجروب واضحة لكنى أجد أحيانا بعض المتشددين لا يريدون الاستماع ولكنهم يجيدون الصوت العالي فقط ولا يريدوا أن يسمعوا سوى أصواتهم
إن طلبتي النقاش تجديهم يقوموا بعمل الكوبي والبيست من مواقع مختلفة ومطلوب منى أتناقش معاهم
وان سألتهم فين أفكاركوا انتووا أنا محتاجه أتناقش معاها يكون الرد الفوري إنك مش موضوعيه أو الانسحاب!

توجد مواضيع كثيرة في الجروب تفتح للنقاش ولكن أحياناً كثيرة يكون فيها جدل واسع ما هو تصرفك تجاه هذه النقاشات وعندما يتعدى أحد حدود الأدب في ردود ما هو رد فعلك تجاهه ؟
لو الحوار بين طرفين بعيد عنى بتدخل في الحوار الأول بطريقة لذيذه وسلسة دون التحيز لأحدهم ولكن إذا وجدت الكبر تمالك احدهم وبدأ بإهانة الآخر بيكون الحل الفوري حذف الردود المهينة لأحد الأطراف


تم اختيار جروب أتكلم وأسمع ليكون من ضمن جروبات دولة الفيس بوك ما هو شعورك بهذا الاختيار ؟
طبعا كنت سعيدة جدا وحسيت أن النجاح مش بتاعى أنا ده نجاح الأعضاء كلهم عشان كده بمنتهى السرعة نقلت لهم الخبر وباركت لهم كلهم كمان

ما خططك المستقبلية بالنسبة للجروب ؟
الحمد لله شايفه إن عدد أعضائه في ازدياد والنقاشات مستمرة بحاول أتلافى وجود أى مشاحنات وطول ما ايدينا في ايد بعض كلنا نخليه اكبر واشهر جروب إن شاء الله

هل من الممكن أنك تقفلي الجروب أو تبعدي عنه ؟
لأ مستحيل طبعا أنا عالمي هو النت وقدرت أشعر بوجودي الحقيقي لمٌا الجروب تم اختياره في كتاب دولة الفيسبوك

تعليقات

مبروك يا قطة
و الحوار جميل
يا رب ربنا يوفقك و ديما من نجاح لنجاح
و ان شاء الله يبقى اول جروب على جروبات الفيس بوك كلها
تحياتى
اسلام
‏قال مثليه
فكره الجروب جميله تمنياتي بالنجاح
‏قال WhItE HeArT
فكرة جميله وتستحق الاحترام

وحوار رائع

تحياتي
‏قال Desert cat
مواطن مصرى نايم
ميرسى اوى يا اسلام
ربنا يوفقنا جميعا
‏قال Desert cat
مثلية تبحث عن ذاتها
الاجمل هو زيارتك
شرفتينى جدا
‏قال Desert cat
WhItE HeArT
ميرسى اوى لذوقك
‏قال Zika
والله الجروب ممتع جدا
اينعم انا موجود بقالي فتره بس مشاركاتي كانت من فترة قصيره
ومكنتش اعرف ان انتي اصلا اللي عامله الجروب
واكتشفت ده مؤخرا
بس بجد هو جروب ناجح والناس اللي فيه كمان الاتفاق معاهم او حتي الاختلاف بيبقي مجدي
الا قليل
تحياتي يا قطه

المشاركات الشائعة