إنقســــامــات
تحديث مهم جداااااا
شكر خاص للصحفية المتألقة دائما / آسر ياسر
لبحثها الدئوب بين المدونات واختيار المناسب ونشرها فى جريدة الاسرة العربية والتى تصدر يوم الاثنين من كل اسبوع
يارب دائما فى تألق يا آسوووور
وللاسبو ع الثانى على التوالى يتم نشر بوستات للاستاذ / طارق الغنام
انسان فكره واعى وعقلية فوق الممتازة
تم اليوم نشر بوست بعنوان
يارب دايما فى تقدم ومن نجاح لنجاح يا استاذ طارق
***********************************************
حياتها مقسومة اتنين .. نص حقيقة ونص اوهام .. بتعيش الحقيقة بكل ما فيها ... مجازفة لأبعد الحدود ... بتسمتع جدا بحكياتها التى لا تخلو منها روح المغامرة والعناد ... احيانا محتارة تايهه فى عالم بلا عنوان .. تتداخل خطوط حياتها مع قلوب لا تتبارى عن اعلان استعدادها لمنحها مشاعرها ودفئها في مقابل بعض المشاعر لبعض الوقت .. انظر لها متعجبة تماما ... بتفضلى عالم الوحدة كتير وبتخرجى من كل مشاكلك وهمومك بطريقة او باخرى ... انتى اكتر واحده عارفه المفروض تعمل ايه وازاى ... تصدمنى بردها البارد .. بصى مش تتعبى نفسك كتير من حقى ارفض الإستجابة ... فليس هناك قانون للاحاسيس بان يجب على ان احب من احبنى او اصادق كل من رغب فى صداقتى ...هيضايقوكى ... هما الخسرانين انا مش خسرانة حاجه ... طيب ادى نفسك فرصة وحاولى ... اصل ليه رغباتهم الملحة والمتتابعه ... طيب حاولى تقيميها وتحتفظى بنتيجتها لنفسك ... وقررى بشكل فردى اللى انتى عايزاه ... طيب ليه كل ده وانا مش مسئولة عن عاطفة أى حد تجاهى ... اتعجب حقا على من يتحايل على مشاعر الآخرين ويعد عقله الواعى بالقاء جمرة المشاعر فى قلبه ... وعلى الاخرين واجب تحمل مسؤليتهم تجاههم ... لاء معلشى استنى مش تسرحى اوى كدا فى الكلام ... انا اتفق معاكى تماما لو انتى بعيدة كل البعد ... انما لو انتى طرف فيها فانتى كمان مسئولة لانك ساهمتى ولو بقدر ضئيل فى ميلاد المشاعر دى ... انا فعلا بتكلم على اللى ماليش اى علاقة بيهم ولا اعرفهم ... ممكن يكون ليكى دور بدون وعى ... لان الاصل فى المشاعر هو الافتقاد للشعور لا للاشخاص ... مش وقت الفلسفة ... انا قولت لك ماليش علاقة بيهم ولا اعرفهم ... لحظة سكوت .. ثم تتسائل .. ممكن تفهميينى الجملة اللى فاتت ؟؟ ولو ان الامر بعيد عن الفلسفة لكن هوضح لك يعنى اذا انتقلتى من مجتمع لمجتمع تانى بيكون عندك احساس بافتقاد مشاعر الصداقة ... وعلشان كدا ممكن تمنحى صداقتك لاول حد تقابليه ... لحد ما تتعرفى على غيره تحت ضغط الاحتياج مش اكتر .... حاسه انك مش فاهمه ... اممممم لاء انا عايزة انام دلوقتى .. طيب تصبحى على خير ... الصبح صحيت على صوتها وهمست لى ... بتحبينى ؟؟ جدا ... علشان محتاجه لى ... علشانك انتى مش احتياج قد ماهو شعور حب ... بس قبل ما تنامى قولت لى احتياج ... كان قصدى الاحتياج بمعنى الفقد مش الحرمان .. مفيش فرق بينهم .. لا ازاى الفرق كبير جدا ... احتياج من الحرمان زى العطشان اللى ماشى فى صحراء وعايز يشرب اى مية وخلاص مش فارقه معاه ... لكن من الفقد ... اللى عايز يشرب مية ساقعه بس قدامه مية تانية كتير ... لكن هو عايز مية ساقعه وبس لانه مفتقدها علشان كدا حيستناها لانه مش عايز يشرب غيرها ... طيب انتى ايه مشاعرك بالنسبة لى .. مشاعر صادقة ممزوجة بالاحتياج ... بس المشاعر الصادقة ايثار والاحتياج انانية ... يبقى مفيش مشاكل يا عزيزتى فانا احبك باصدق مشاعرى مع اعترافى انى بحبك بانانية .
تعليقات
وحلو انك تخرجى من المناقشة معاها
وانتى لسة بتحبيها
انا اعرف واحد
حاول انه ياخد ويدى مع نفسه
انتهت المناقشة مابنهم
فى الانعاش
وعلى فتح مطواى بقى وسيوف وسكاكين
كانت مجزرة بس الحمد الله عدت على خير
و30 واحد بس اتصابوا
عارفة
اهم حاجة فى الدنيا دى
اننا نعرف عايزين ايه منها
ونعرف الطريق الى يريحنا ونمشى فيه
ونعرف الشخص الى بيحبنا وبيخاف علينا
وبيحبنا عشان نفسنا مش عشان محتجلنا ولا عشان مصلحته
من الشخص الى ميهمهوش
اذيتنا
بس انا مش معاكى على فكرة ياقطة
لاننا لو قابلنا صديق عشا معانا مخلص
وحبناوحبناه
وكنا واقفين مع بعض وقفت جدعنة
مستحيل انه يتنسى
حتى لو الزمان والمكان اتغيروا
لاننا اكيد اتعلمنا منه
حاجات عايشين بيها
البوست رائع ياقطة
كالعادة طبعا
والكلام والحوار
مافيش احلى من كدة
ومبروك على الاذاعة وعلى الفيس بوك
مع انها جت متأخرة شوية
معلش بقى
ربنا يزيدك يابنتى
وتفضلى ناجحة كدةعلى طول
قولى امييييييين
بس من قلبك والنبى
عشان الدعوة تتقبل بس
تحياتى
دالوقت انا فهمت الخطوط الفاصلة بين المعاني الدقيقة اللي كنت فاكراها زي باقي الناس بمعنى واحد وخلاص
يعني في فرق بين ما احب ربنا علشان طمعانة في الجنة او طمعانة في انو يرزقني فلوس زيادة - وبين ما تكون محبتي ليه بدون شروط
اما بالنسبة للي عايزين يحبوني وفجاة في يوم يسيبوني بدون سابق انذار علشان بطلو محتجين الاشياء الموجودة عندي - بابص لباقي اللي حوالية وباتسائل ايمتى حيسيبوني؟
وافضل ويحيدة في وسط الزحمة
او انا مش فاهمة
؟؟؟
-----------
من احسن المواضيع اللي قراتها بحياتي ميرسي
وكم اختلافاتى معاكى
لكن اقدر اقولك المرة دى تفوكتى على نفسك
مش اى حد يقدر يعبر عما يجول بداخله من احداث
وانتى صورتى الحوار الداخلى بكل معانيه واحساس ملتهب
God, grant me the serenity to accept the things I cannot change; the courage to change the things I can; and the wisdom to know the difference.
لانة اقرب لمصباح كهربائى
شافنى بتعاطف مع موقفها
لانها مصرة تعرف طبيعى الحب او الصداقة دى
لازم تلاقيلها بند مناسب تحطها تحتة
عشان تقدر تتعامل معاها فى المستقبل
وبرضوا مش قادر احمل اللى اتحب ذنب مشاعر ناس تانية تجاهة
سواء عن طريق معرفة او من غير معرفة
------------------------
الست غلطانة
لان زى ما قولتلك
حتى لو الموضوع مش اعلان ومحل عطور
هو مش مسئول عن مشاعر الاخرين
لما تلاقى اثبات للخيانة تبقى تطلب الطلاق
تحياتى عالبوست الرائع دة
بس بجد انا محظوظ ان الزياره كانت على البوست الرائع ده
بجد الله بوست صادق وناعم جدا
تحياتي
تحياتى,,,
أعتقد بكونه حوار ذاتى يحمل فى طياته الكثير من الصراع, وليس مجرد الحوار!!
الصراع بين رؤى الانسان لذاته ومتطلباته من الحياة ومن الآخرين, وحدود تعاملهم معــه وقبوله لهم,وإندماجـه معهم وإندماجهم معه, ومدى قربهم أو بعدهم عـنه, وحول أى محور تدور علاقة الإنسان مع غيره من البشر, المصلحة والمنفعة المتبادلة,أم الفرديةأم العلاقات الإنسانية الخالصة..
كما يحمل صراعا داخليا مضمونـه على أى شاطىء نريد أن نستقر؟!!
وأى نمط للحياة نتمنى أن نعيش فيه؟!!
أعتقد بكونك تساءلتى ثم تصنعتى الإجابة فقط, لكنك لم تعثرى عليها بعد , فالتساؤلات أعمق بكثير مما إختتمت به مقالتك!!
أقول أعتقد..!!!
خالص مودتى وتقديرى
ههههههههههههههههههه
حوار مع النفس كاظم ده عسل
انا ساعات بعمل كده
انى اقعد احلل نفسيتى
دا لما بكون فى حالة ضيق
و بيكون الاسلوب ده
سبب انى اخرج من الحاله دى
بس البوست رائع
الله ينور
متألقة يا قطه
تحياتى
اسلام
لكن البوست ده مقدرش اقول غير الله ينور عليكى
حلوة ورقيقة وناعمة مع نفسك انتى بس علشان انانية
لكن مع الناس التانية بتخربشى وبتعورى كمان
سلام يا مستبدة
عجبني فكرته وانتي قدمتيه بطريقه مميزة
تحياتي
مع نفسك
حلو الحوار
بس الاحلى موضوع الحوار
حسيتك جامده اوى فى ردودك ياقطه
بجد انتى من الشخصيات الى حبيت شخصيتهم الى طلعوها من خلال كتابتهم
واتمنى لو كنت اعرفك شخصيا
تحياتى يا قطه
ازيك ياجميله؟يارب تكوني بخير
دايما متنوعه في موضوعاتك
:)
شوفي ياقمر في زمن المصالح اللي بنعيش فيه بقه فيه خلط كبير بين الحب للحب او لحب عشان اللي بيحبنا طمعان فينا
طبعا النوعين مع مرور الوقت بيبانوا لأن مفيش حاجه بتستخبي و كل شئ مسيره ينكشفن و يبان
الحب الحقيقي أكيد بيتحس و الحب الصادق برضه بنحسه من اللي قدامنا في المواقف الكتيره اللي بتحصل بينا و بينهم
المتسلقين برضه بيبانوا مهما حاولوا انهم يخبوا ده
ربنا يرزقك دايما بالناس الكويسه الصادقه
تحياتي ليكي ياقمرايه علي الموضوع المميز و دايما متألقه
محبتي
:)
هي كانت متسرعه و نسيت فعلا عشره السنين
اساسا و انا بقري الخبر من اوله قولت اكيد دي حمله دعائيه
بس يمكن هي معبيه شويه من جوزها فماصدقت الموضوع ده جه كحجه عان تطلب الطلاق
كان ممكن تروح ويا جوزها و تتأكد انها فعلا حمله دعائيه
سلام ياقمر
وانا عمال اقول انت مختفى ليه بقالك فترة كبيرة
اتاريك كنت عامل حوار مع النفس ونفسك تغلبت عليك ودخلتك العناية المركزة معلشى بقى يا زعيم تعيش وتاخد بالها
ولا كفاية عليك لحد كدا مش تعمل الحوار ده تانى
خلينا فى الجد بقى شوية
انا مش بتكلم عن الناس اللى عرفتها وعرفتنى
انا بتكلم ناس معرفهمش اساسا ولا يعرفونى
اه فى ناس فعلا مهما بتتعامل معاها بتحس انك مش عارفها ولا عايز تعرفها
فى الحالة دى لو هما مرتبطين بيك لحل بيكون ايه
ده اللى مقدرناش نوصله فى النهاية انا وانا
ميرسى جدا على الدعوة الاخيرة وبقول اهو يااااااااارب من جوه جوه قلبى
تحياتى
تعرفى انتى ترجمتى حاجات كتير اوى انا نفسى مش قدرت اكتبها فى ردك
بالرغم من ان عدد سطورة قليلة لكن معانيه كبيرة جدا
شرفتى البلوج ونورتيه
تحياتى
ميرسى جدا يا شفقة هانم واحسان بك
طيب هو مين حضرة المختلف معايا بس علشان اعرف اتكلم اصلى بيجى لى حساسية من الغير معروف بصراحة
عموما شكرا
God gave us brains and heart to love and distinguish between bad and good
Change is needed
The brave recipe Pet
Regards
احنا مينفعش ننكر دورنا لو فعلا لينا دور
انما ولادة مشاعر انتى مش طرف فيها
اعتقد انه لا ذنب
مثل الجنين الذى يولد ولادة طبيعية او ولادة قيصرية لا يعنيه فهو حتما سيرى النور ولكن الطريقة لا تعنيه
تحياتى
اعترض براحتك يا فندم
فالدستور اعطى حق لكل مواطن انه يعترض
لذلك سميه كما تحب
هى مش محتارة من موقفها
ومش محتاجه لانها خلاص ألفت الوحدة بل أصبحت تعشقها
لكن كل ما فى الأمر انه يأتيها هاجس من آن لآخر .... يجعلها تفكر لبرهه من الوقت ولكن سرعان ما تعود الى سابق عدها كما كانت من قبل
********
بالنسبة لاجابة السؤال فهو المفرد فى مدونة البرنامج
واللنك موضح فى البوست
عموما انا نقلته هناك
اشكرك جدا
احترامى وتقديرى
يا الف اهلا وسهلا بحضرتك
اشكرك جدا على الإطراء
تحياتى
يا الف اهلا وسهلا بحضرتك يا فندم
طيب بلاش نعتبره صراع ولا نعتبره حوار تيجى نسميه فضفضة ؟؟؟؟؟
أعتقد أن الصراع بين رؤى الانسان لذاته ومتطلباته من الحياة ومن الآخرين
يعتمد على سيكولوجية التطبيع
وده فى حد ذاته يعتمد على تعامله مع افراد مختلفين وهويات مختلفة يمكنه من خلالها تحديد ما يريد
بالنسبة لمدى معرفته هل هم يريدون معرفته لذاته ام لمصالح شخصية فهذه قضية بديهية لا تحتاج إلى بيان لأننا حددنا ان هذا الشخص نفسه تعامل مع افراد مختلفين فمن خلال تجاربه السابقة يمكنه الحكم جيدا
فدعنا نتفق ان غريزة الصداقة و الحب هي غريزة بناءة تتضمن حب الذات أيضاً وهى الغريزة الاكثر سيادة وكمان تعتبر الطاغية على التكوين النفسي ومن هنا يمكننا الحكم والتفريق بين الاخرين ولكن احيانا تضطرنا الظروف الى التطبيع الاجتماعي للتكيف مع اختلاف الادوار فى الحياة ولكن لابد يجمعنا هنا القاسم المشترك هو روح المسالمة واللاعنف وقبول الآخر مهما كان قوميته أو دينه أو مذهبه أو اتجاهه السياسي أو انتماءه الفكري
اعتقد انه الان تولد صراع من نوع اخر
انا ايضا اقو ل واعتقد
:)
احترامى وتقديرى
سلامتك من الشيزوفرنيا يا فندم
كاظم ده حبيب الملايين
طيب الحمد لله يا اسلام انك بتعرف تخرج نفسك وتبوح لها عن اى قلق
اشكرك جدا
تحياتى
ماشى يا جهاد
ميرسى على كلامك
اشكرك جدا
تحياتى
ميرسى جدا واسعدنى ردك
تحياتى
احيانا الحياة بتشغلنا
بصر اعات وحوارات لكن لابد ان لاننسى انفسنا فى وسط دوامتها
اشكرك جدا على اطرائك نودى
مودتى
ارق اجندة
انا الحمد لله كويسة وبخير طول ما انتى وهارت كويسين
ربنا ميحرمنيش منك ولا من سؤالك يا حبيبتى
بالنسبة لردك فالناس فعلا بتبان من خلال مواقف والتانى
ووقتها نقدر نحكم مين اللى يستحق نقول عليه صديق ومين اللى يستحق نقول عليه كان مجرد معرفه
اعتز جدا بيكى وبهارت وبصداقتكو
ربنا يديم الود والمحبة بينا
دمتى بالف خير يا جميلة
التعليق على السؤال فى مدونة البرنامج
واللنك متوضح عندى
عموما ولا يهمك يا قلبى انا نقلت الاجابة هناك
تحياتى ليكى
الحب حب وخلاص ... مش عارف التعقيد الفلسفي ده كله ليه ... واللي مستني (المية الساقعة) مثلا لأنه مش عايز غيرها ده في رأيي أحسن من اللي بياخد أي حاجة وخلاص ...
دمتي بخير
والسـ ختام ــلام
موضوعك رائع
بس المشاعر الصادقة ايثار والاحتياج انانية
هذه جملة عبقرية
لكننا بشر لسنا ملائكة
لا ادرى
تحياتى لك
هانى يس
الأفكار رائعة وتعبر عن شخصية في غاية النضوج
تحياتي
ولادة المشاعر دي لا
يعني لو ساعدناهم علي ان المشاعر دي تكبر وتنموا هيكون اكيد الذنب عندنا
واكيد كلنا عارفين ازاي
نورتي مدونتي
واتمني التواصل بينا يدوم
تقبلي تحياتي
بوست قوى و يدوخ و يخليك تفكر كتير
بس اسلوبه قوى جدا
تحياتى
بحييكي اوي عالبوست ده
ان سمحتيلي اترجم السطرين اللي كتبتهم بالانجليزي
pry - pray of A.A
God, grant me the serenity to accept the things I cannot change; the courage to change the things I can; and the wisdom to know the difference
الترجمة
يا الله ، امنح لي السكينه لتقبل لاامور التي لا استطيع تغييرها, وامنحني الشجاعه لتغيير الاشياء التي يمكنني تغييرها, وامنحني الحكمة لمعرفة الفرق بين الاثنين
---
يعني ايه الكلام دة؟
اولا
A.A - Alcoholics Anonymous
الكحوليين الانونيمس
وهي مجموعة من مدمني الكحول في امريكا تكونت في عام 1935 بمبادرة شخص مدمن على الكحول وكان رجل اعمال وفي كل مرة كان يبذل مجهود للتوقف عن شرب الكحول لما كانت تسبب له من ترك اعماله والضياع , ولكن في كل مرة كان يعود الى الكحول, وفي النهاية قرر بانه لا يستطيع الصمود لوحده فجمع حوله مدمنين اخرين يريدون التوقف عن شرب الكحول ولكي يكونوا بعضهم لبعض سندا في وقت الشدة حتى لا يرجعوا مرة اخرى للكحول ونجح في تكوين فرق في انحاء امريكا والعالم كله واصبحت طريقته هي افضل علاج لمدمني الكحول وباقي انواع الادمان
كويس؟
بس احنا مالناش دعوة غير في الحكمة او الصلاة التي انبثقت من حكمة هؤلاء الناس ولما لها من معاني كبيرة وعميق روحانيا ونفسيا عميقا وهي مترجمة الى كل لغة موجودة في العالم ومعنى كلمة الله فيها غير محدد في قالب معين ختى تتلائم مع اي ديانة ومعناها الاعمق هو ان الله هو كل شيئ يعتقد الانسان بانه يمده بالقوة وبالامان, والحكمة
ايــه علاقة الكلام دة بالموضوع؟؟؟
حسب طاقات الفهم المحدودة عندي, فانا الائم هذه الصلاة لاحتياجاتي بتغيير الاشياء التي لا ارغبها في نفسي ومن ناحية اخرى ان اتقبل الاشياء التي لا استطيع تغييرها, سواء في المجتمع او داخل النفس
بس لازم بالاول نمر بالحوار اللي كتبتيه علشان نقدر نعرف ايه الاشياء اللي ممكن نغيرها وايها اللي لازم نتقبلها لو مقدرناش نغيرها
الناس اللي عايزين يهربو من صراع مع النفس او صراع مع المجتمع ممكن يهربو من الم الصراع وعدم تقبل الامر الواقع بالادمان على اي شيئ يبعده عن التفكير بالواقع ويبقى بعيدا في الادمان على انواعه
سوري على الاطالة بس كان قصدي نتعلم من حكمة ناس مرو في الطرق والسراديب التي نمر فيها
ردى على والننننننننننننننننبى
ازاى اسمع الحلقة بتاعة يوم الاتنين فى اذاعة انت تسال والكمبيوتر يجيب
ربنا يوفقك
اشرك جدا يا محمد
ويارب مودك يتظبط فى اقرب وقت
تحياتى
طبعا يا انى كلنا بشر وكلنا طباعنا مختلفه وده شيئ فى حد ذاته جميل مش وحش
احترامى وتقديرى
هو ممكن يتحول لاحتياج الحرمان فى حالة لو كل اللى حواليها انفضوا من حولها
لكنه فى الاساس اتعودت على الوحدة لدرجة انها عشقتها
وبالتالى اعتقد انها هوت حياتها كما هى
اشكرك جدا على ثنائك
احترامى وتقديرى
بالظبط يا روح وده اللى قصدته بطلة البوست
اتمنى انا ايضا دوام التواصل بينا
تحياتى
ميرسى جدا يا دينا على حضورك المتميز
نورتينى يا جميله
انا متشكرة جدا لذوقك ولكلامك الجميل
شرفتينى جدا
اشكرك جدا جدا على المتابعه
انتى مطولتيش ولا حاجه
انتى وضحتى نقط مهمة جدا
وهى حالة الهروب من الذات فى يحن العجز عن فهمها والبحث عن شيئ اخر للتناسى ولكن نبقى دائما داخل دائرة التساؤلات
للمرة الثانية اشكرك جدا
دمتى بالف خير
الحلقة دلوقتى موجودة يا جميلة فى السايد بار شمال مدونة البرنامج
http://netradio.blogspot.com
تحت صورة الملك فاروق مباشرة
واى استفسار تحت امرك يا جميل
اولا نورت جدا يا احمد
بالنسبة لاستطلاع الراى ده سؤال خاص بمدونة البرنامج الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وده لنك المدونة
http://netradio.blogspot.com
وبما انك عشت وسطهم وعارف بقى الخبايا
مستنية اجابتك هناك
:)
ميرسى جدا يا جميل
شرفتينى
بيسمع كلام اللى يوافق مزاجه
:)
تحياتى
اولا مش عارف اشكرك ازاى ربنا يكرمك يارب
ولاول مرة ادخل مدونتك
ولاول مرة ازعل من نفسى لانى فاتنى الكثير من بوستاتك الرائعه
تقبلى تحياتى
ودمتى موفقه
الشرف ليا انا يا استاذ طارق
وحضرتك ماتزعلش من نفسك ولا حاجه المدونة كلها تحت امر حضرتك
شرفتينى جدا