كام سؤ ال محتاجه اجابة عليهم
تحديـــــــــث
سؤال جديد على مدونة برنامج انت تسال والكمبيوتر يجيب
http://netonradio.blogspot.com/
الذى يذاع يوميا الساعه 9.10 صباحاً على اذاعه البرنامج العام ما عدا يوم الجمعه والسؤال هو
كلنا نعرف ان الشغل الشاغل لصناع الكمبيوتر هو مايحدث للميكروبروسيسور من سخونه وتستحدم المراوح لتبريده ولكن شركة.... آى بى إم .... توصلت الى حل آخر جديد للتبريد ...اختار واحد من ثلاثه اشعة الليزر غاز الفريون المستخدم فى الثلاجات الماء
مستنياكو هناك فى انتظار اراء الجميع
*************************************************************
ونقول باااااااااااك لموضوعنا مازل النقاش مطروح وما زلت فى انتظار آراء الجميع لان حقيقى الموضوع يهمنى جدا
المعاكسة كظاهرة أنتشرت بانواع مختلفه وبشكل اعتقد انه يصعب السيطرة عليه ... طول ما انا ماشيه فى الشارع مش شايفه حد بؤه مقفول سواء طفل او شاب او راجل كبير .. واللى مش بيتكلم بيبص وعينه داخله تحت الهدوم ... ومفيش فرق بين اى واحده ماشية مش مهم هى حلوة او وحشه رفيعه او تخينة طويلة او قصيرة المهم انها انثى تتحرك على الارض ... الغريب انى لما سألت كذا حد من معارفى ليه كدا وايه الفايده الاقيهم كلهم بياكدوا لى انهم مش بيعرفوا يعاكسوا ولا عمرهم عاكسوا .... امال الناس اللى ماليه الشوارع ده ايه وميييين ؟؟
هل الناس اللى فى الشارع قاعده مدخلة عنيها تحت ملابس اى انثى تتحرك على الارض دى ناس مدربة على المعاكسة مخصوص
؟؟
هل هى مشاكل اجتماعية وعوامل نفسيه بيخرجها فى انه ينتهك حرمات الناس ويتعدى على بناتهم بالنظر وبالكلام البذيئ واحيانا كمان مد الايد ؟؟؟
هل المعاكس لما يستخدم الاسلوب الرخيص من البجاحة وما شابهها هيقدر يوصل للى بيعاكسها ؟ ؟؟
وللاسف المعاكسة ليست مقصورة على مكان معين كنا قولنا مش نمشى منه انما دول منتشرين فى الشوارع والمولات وفى الشغل كمان ووصلوا لحد البيت يعنى ممكن وانت قاعد حد يتصل بيك يقرفك ومهما تقوله النمرة غلط وتقفل السكة فى وشه برضه تلاقيه لازق ويحاول مرة واتنين وعشرة وعنده طول بال محصلتش ... ويبقى مش قدامك غير انك تقفل التليفون خالص سواء موبايل او تشيل الفيشة اذا كان ارضى .. وهى ليست مقصورة على طبقة معينة ولا مستوى معين ... بل موجودة فى العشوائيات وفى الاماكن الراقيه ....
الغريب والمثير للاشمئزاز الحجج المنتشرة اصل الشباب عندهم كبت مش بيشتغل يعنى كمان مش يعاكس ده حتى ميصحش ...
اصل الشباب مش لاقيين يتجوزوا ..... والبنات مالها هو مش لاقى يتجوز ذنبها ايه اللى ماشية تستحمل سفالته وقلة ادبه ....
نفسى فى واحد من اللى بيقول للبنت لفظ وقح فى الشارع او بيمد ايده عليها يشوف واحد تانى بيعمل كدا فى اخته او حتى واحدة قريبته .... واشوف رد فعله هيكون ايه ...
طيب انت لما عاكست وقليت ادبك على بنات الناس اثبت انك راجل ؟؟؟؟
اثبت لصحابك انك الروش والفتك اللى فيهم ؟؟؟
ولما قالوا عليك دووون جوان عصرك واونك اخدت جايزة نوبل فى المعاكسة ؟؟؟
هل بعد ما بترجع البيت وتدخل تنام بعد كم السفالة اللى عملتها فى الشارع من طول لسان وتحرش وكدب والكلام على الناس واغتيابهم وتنابذهم بالالقاب وغيره وغيره وانت داخل تنام بتحس انك انسان ؟؟؟
انا ممكن اشوف بنت بتتهان فى الشارع واللى رايح واللى جاى واقف يتفرج بكل برود ... وكانه بيتفرج على عرض مسرحى ساخر
هو الامان راح فين ؟؟؟؟ هل فعلاً النخوة والشهامة انتهت بانتهاء افلام الابيض واسود
سؤال جديد على مدونة برنامج انت تسال والكمبيوتر يجيب
http://netonradio.blogspot.com/
الذى يذاع يوميا الساعه 9.10 صباحاً على اذاعه البرنامج العام ما عدا يوم الجمعه والسؤال هو
كلنا نعرف ان الشغل الشاغل لصناع الكمبيوتر هو مايحدث للميكروبروسيسور من سخونه وتستحدم المراوح لتبريده ولكن شركة.... آى بى إم .... توصلت الى حل آخر جديد للتبريد ...اختار واحد من ثلاثه اشعة الليزر غاز الفريون المستخدم فى الثلاجات الماء
مستنياكو هناك فى انتظار اراء الجميع
*************************************************************
ونقول باااااااااااك لموضوعنا مازل النقاش مطروح وما زلت فى انتظار آراء الجميع لان حقيقى الموضوع يهمنى جدا
المعاكسة كظاهرة أنتشرت بانواع مختلفه وبشكل اعتقد انه يصعب السيطرة عليه ... طول ما انا ماشيه فى الشارع مش شايفه حد بؤه مقفول سواء طفل او شاب او راجل كبير .. واللى مش بيتكلم بيبص وعينه داخله تحت الهدوم ... ومفيش فرق بين اى واحده ماشية مش مهم هى حلوة او وحشه رفيعه او تخينة طويلة او قصيرة المهم انها انثى تتحرك على الارض ... الغريب انى لما سألت كذا حد من معارفى ليه كدا وايه الفايده الاقيهم كلهم بياكدوا لى انهم مش بيعرفوا يعاكسوا ولا عمرهم عاكسوا .... امال الناس اللى ماليه الشوارع ده ايه وميييين ؟؟
هل الناس اللى فى الشارع قاعده مدخلة عنيها تحت ملابس اى انثى تتحرك على الارض دى ناس مدربة على المعاكسة مخصوص
؟؟هل هى مشاكل اجتماعية وعوامل نفسيه بيخرجها فى انه ينتهك حرمات الناس ويتعدى على بناتهم بالنظر وبالكلام البذيئ واحيانا كمان مد الايد ؟؟؟
هل المعاكس لما يستخدم الاسلوب الرخيص من البجاحة وما شابهها هيقدر يوصل للى بيعاكسها ؟ ؟؟
وللاسف المعاكسة ليست مقصورة على مكان معين كنا قولنا مش نمشى منه انما دول منتشرين فى الشوارع والمولات وفى الشغل كمان ووصلوا لحد البيت يعنى ممكن وانت قاعد حد يتصل بيك يقرفك ومهما تقوله النمرة غلط وتقفل السكة فى وشه برضه تلاقيه لازق ويحاول مرة واتنين وعشرة وعنده طول بال محصلتش ... ويبقى مش قدامك غير انك تقفل التليفون خالص سواء موبايل او تشيل الفيشة اذا كان ارضى .. وهى ليست مقصورة على طبقة معينة ولا مستوى معين ... بل موجودة فى العشوائيات وفى الاماكن الراقيه ....
الغريب والمثير للاشمئزاز الحجج المنتشرة اصل الشباب عندهم كبت مش بيشتغل يعنى كمان مش يعاكس ده حتى ميصحش ...
اصل الشباب مش لاقيين يتجوزوا ..... والبنات مالها هو مش لاقى يتجوز ذنبها ايه اللى ماشية تستحمل سفالته وقلة ادبه ....
نفسى فى واحد من اللى بيقول للبنت لفظ وقح فى الشارع او بيمد ايده عليها يشوف واحد تانى بيعمل كدا فى اخته او حتى واحدة قريبته .... واشوف رد فعله هيكون ايه ...
طيب انت لما عاكست وقليت ادبك على بنات الناس اثبت انك راجل ؟؟؟؟
اثبت لصحابك انك الروش والفتك اللى فيهم ؟؟؟
ولما قالوا عليك دووون جوان عصرك واونك اخدت جايزة نوبل فى المعاكسة ؟؟؟
هل بعد ما بترجع البيت وتدخل تنام بعد كم السفالة اللى عملتها فى الشارع من طول لسان وتحرش وكدب والكلام على الناس واغتيابهم وتنابذهم بالالقاب وغيره وغيره وانت داخل تنام بتحس انك انسان ؟؟؟
انا ممكن اشوف بنت بتتهان فى الشارع واللى رايح واللى جاى واقف يتفرج بكل برود ... وكانه بيتفرج على عرض مسرحى ساخر
هو الامان راح فين ؟؟؟؟ هل فعلاً النخوة والشهامة انتهت بانتهاء افلام الابيض واسود
تعليقات
هقولك حدوته صغيرة
كان ليا واحد صاحبى و خطيبته .. هو كان فى الشغل و هى كانت بتزورة و مروحا بيتها ... الصبح و عادى... عاكسها تلاته فى الشارع و هى صرخت العيال جريوا ... المهم أتصلت بيه و هو جه .. فشل يسأل الناس على العيال دى و هو معاهم مواصفتهم لغايه ما مسك واحد فيهم و عجنه ضرب و جرجره على القسم ... .. الواد دخل فى قضيه و لبس تلات سنين .. بعد ما أهله فضلوا يتحايلوت عليها .. و التلات شباب صحابوا أدى دقنه لو عاكسوا تانى
القصد كتير مننا بيتخللى عن حقه و بالتالى الفاسد مش بيلاقى حد يشده من ودانه
لو حد عاكسك تانى ... و لو معاكسه بسيطه ..ز صرخى و لمه عليه الشارع و أمسكى فيه لغايه ما يجى البوليس أو هتلاقى ساعتها حد من ولاد الحلال بيقف معاكى ... بس متسيبيش حقك
وله اكثر من جانب وانا هقولك على الجوانب اللى شايفاها من وجة نظرى اللى على قدى
انعدام الضمير
انعدام الاخلاق
انعدام الاحساس بالمسئوليه
وكل شئ فى انعدام هاتية
وياريت يحسوا قد ايه المعاكسات لها اثر سئ على نفسيه البنات وبالذات بمد الايد او الكلمات القذرة والسيئه
ياريت يكون فى شوارعنا حمايه اكتر من كدة للبنات يعنى اين دور الشرطة بل من الممكن ان تجدى ان الشرطة نفسها تبارك هذة الافعال
تحياتى لكى ولمواضيعك الجميلة
االموضوع ده ياقطة بجد سببه بسيط جدا ان اللي بيعاكس معندوش كرامة
اه معندوش كرامة انا بشوفها من وجهة النظر دي وبقول لأي حد اعرفه بيعمل كده ان مفيش بنت في الدنيا تستاهل انك تعاكسها علشان لما هتعاكسها هتبصلك بصة احتقار او هتهملك وهتبأه عامل زي سوري في اللفظ الكلب اللي بيجري ورا العضمه وليه اصلا نهين كرامتنا بالشكل ده
ليه منحاولش نحس ان دول اخواتنا وان المفروض نحافظ عليهم مش نضرهم
وبصراحه برضه علشان اكون جبتلك الموضوع من كل زواياه
في فعلا بنات بتخرج الشارع عايزين يتعكسوا بيبان من لبسهم ومن شكلهم ومن مشيتهم ومن الاماكن اللي بيروحوها كده فزي مافي خطأ في الولاد اللي بيعاكسوا في خطأ في البنت اللي بتخرج مش محترمه اهلها ولا دينها ولا اي حاجة
موضوع مهم
احييكي عليه
زمااان كانوا بيقولوا الشباب محروم مش منفتح على العالم
وجت الفضائيات و الانترنت...غطت و دلدقت كمان
وبرضه ديل الكلب مش انعدل
و جت المخدرات و البلاوي الزرقاء
و الدنيا اتشقلب حالها مابين اسدال و حجاب بلو ويست و مابين جلباب و شبشب و بنطلون يبين البوكسر
و كله اتلخبط
وكله سمك لبن تمرهندي
انتى عارفه انا نفسى فى القانون اللى كان بيخاد الواد من الدول اللى كان بيعلكس و يتحلقلوه زلطه
بس الايام ديه الناس كلها حالقه...يعنى حتى لة اتنفذ القانون الواد المبصبصاتى مش حيتعرف
انا شخصيا حسيل شوية زلط فى الشنطه
موضوع جيد جدا أثرته بمقالك، و لكننا نطلق لفظ المعاكسة على عدة أفعال لا علاقة لها ببعضها البعض
لدينا الغزل، و هو كلمة تمتدح جمال البنت بلفظ رقيق، في محاولة لابداء الاعجاب و جذب الانتباه، و هذه كانت تحدث بعصر الابيض و اسود و مازالت و ستظل، و هي موجودة بكل بلاد الله، وجد فيها الكبت أم لم يوجد، و لا نراها مشكلة كبيرة، و هناك بنات تفعل ذلك ايضا فيلقين بكلمة غزل لفتى أو رجل عابر
ثم هناك التحرش الجنسي لفظا و فعلا، بترديد الغزل البذيء و الكلام الخارج على مسامع البنت، و اللمس و التحكك، و غيرها من ضروب الايذاء البدني، و هذه كلها لا علاقة لها بالكبت و عدم الزواج الا في عقول الجهلة من شيوخ الفضائيات، بل انها توجد احيانا عند بعض العاجزين جنسيا و الرجال في سن اليأس الستيني و السبعيني ، فهو شذوذ العاجزين و المهزومين و المهمشين و التافهين، ممن لا يعتقدون بقدرتهم على الحصول على امرأة أو ارضاء امرأة في علاقة حقيقية، فيلجأ لهذه الاغتصابات الصغيرة الحقيرة، و هذه لها ما يحسمها و يحزمها في بلاد الله التي للقانون بها سطوة، و هذا ما اراه قد زاد ببلادنا مع زيادة هذه الطبقة المهمشة و المهزومة و انضمام فرق كبيرة من شبابنا لها بكل اسف، و في ظل ضعف الدولة علىمستوى امن الشارع و الامن الجنائي ، هؤلاء هم حصاد الحزب الوطني و رجاله يا عزيزتي
و لدينا المصابون بعقدة الاستعراض، مفهوم طبعا، و هذا مرض نفسي، له ضوابطه كذلك في بلاد الله التي بها قوانين
تحياتي لاثارة الموضوع الشيق و الهام و تغطيته الشيقة وباسلوب سلس مهذب
الانسان الغير محترم اللي بيعاكس واحده
هيجي يوم ويتعمل في اخته اكتر من كد
وساعتها يقول ياريت اللي كان ما جري
ولو مكنش عنده اخوات هيحصل لحد من اهله
وربنا يستر علي ولايانا
الرجاله ماتوا في الحرب
فمش عارفا الكائنات الي بتمشي في الشارع معانا دول ايه تصنيفهم
المعاكسه زي ماقلتي مابقاش ليها سن يعي تلاقي طفل و بيعاكس و ست كبيره و بتتعاكس
اهو بيتسلوا و يقضوا وقت و في الاخر بحكوا لبعض علي سفالتهم و ده يتفشخر انه قدر يمد ايده و ده انه قالها لفظ خارج
سطحيه و جهل و تخلف عقلي كمان
و المفروض اي بنت واحد يعاكسها تديله بالجزمه علشان يبقي يحترم نفسه
تحياتي يا قمر
اولا تعقيبا على الاخت ايمى
الرجاله عمرهم ما ماتوم فى الحرب
لان الكائنات اللى انتى بتقولى عليهم دول مجرد ناس معندهاش كرامه زى ما بعض الاخوه قالوم وناس بتحب تسمع كلام بذئ ولكن برده مش كله على الراجل فى بنات بتحب تتعاكس او بمعنى اخر بتدى فرصه للى بيعاكسها انه بعمل كدا
انا بمتحن اليومين دول فى مدرسة بنات ومقولكيس على اللى البنات بتعمله معانا المدرسه فيها الكويس وفيها الوحش والرجاله عمرهم ما ماتوم فى الحرب
نرجع للجميله قطة الصحراء
انتى حاطتى ايديك على مشكله كبيره اوى عند المصريين واللى بتسبب حالة احتقان كبيره وممكن تؤدى الى فتنه طائفيه فى يوم من الايام احب اقول ان اللى بيعاكس ده عنده مشكله اجتماعيه كبيره جدا وهى عدم اهتمام الاهل ومن طبيعه البنى ادم يحب ان يكون فى حياته شخص يهتم بيه فبيبحث عنه فى طريقه بيعمل اى حاجه علشان يعجب البت ممكن يعاكسها يبعت لها جواب او اللى انا شايفه حصل قدامى من يومين الواد قال للبت ايه العسل دا رديت عليهايوه نعم وفتح الواد الحوار وبيمشوم مع بعض
يعنى مش كل حاجه بتقع على عاتق الراجل ومشش كل حاجه بتقع على عاتق البنت الموضوع دا بيرجع لشخصية الانسان المتكلم او بمعنى اصح اللى بيعاكس او اللى بتتعاكس وممكن جدا تلاقى بنت بتعاكس ولد ودا موضوع حصل معايا
والله على ما اقول شهيد
انتهت بحمد الله
الترقيم الدولى000000000
رقم الايداع000000000
هههههههههههههههه
تحياتى قطتى العزيزه
اكيد البعمل كدا معندهوش كرامه
مش علشان بيعاكس
لا علشان مش هموا ان اختوا يتعمل فيها كدا
وللاسف المجتمع انتشر فيه الانحلال بطريقه مستفزه
وبردوا فى بنات بتبقى هى الغلطانه
الغلط مش من الولد لوحده
انا مش بدافع عن دا او دا
طبعا يا ايمى الرجاله ماتوا فى الحرب لان كل اللى ماتوا فى الحرب رجاله وولاد رجاله
وياريتنا نموت زيهم فى الحرب
بس
يااختى العزيزه لسه فى رجاله فى البلد
باى مقاييس للرجوله فالرجاله لسه برضه عايشه
عندنا فى السويس فى منطقه شعبيه محدش يقدر يعاكس بنت وهى ماشيه
تبقى ليله ابوه كحلى
حتى ان بعض البنات تعتمد على شهامه الشباب فى اعطاء من تريد تاديبه علقه ساخنه حتى لو كان الخلاف على باقى اجره الميكروباص فيكفى ان تصرخ الفتاه وترفع صوتها
فيكون نصيب غريمها طريحه من بتوع حندق باشا
موضوع المعاكسة دة مرفوض طبعا بس مفيش مانع لو بنت حلوة نبص بصة عفيفة بس
ههههههههة
بهرج طبعا
انا حصلى مواقف كتير مع عيال بتعاكس فبلاقى البنت بتروح تزعق وطبعا انتى عارفة السلبية اللى احنا فيها ولا اكن حد سامع لغاية ما مرة وانا بكلم عيال كانوا بيعاكسوا بنات واحد جة وقالى متهزأش نفسك مع عيال مفيش فايجة فيهم فهو الموضوع موضوع سلبية
بصى يا ستى ..
طبعا المعاكسه والتحرش والكلام ده سلوك اجتماعى مريض ومشين و غير محترم بالمره ..
بس هو اكيد مش من غير سبب على فكره ..
بلاش اللى انتى قلتيه _ اللى هى للعلم اسباب مهمه جدا _ زى البطاله والفقر والكبت ..
لكن افتحى التلفزيون كده ..
اه والنبى افتحيه على ميلودى ولا مزيكا ولا ميلودى افلام ولا اى بتنجان ..
واتفرجى بقى ..
هو لما الشباب كل ما تتلفت فى اى زاويه تلاقى مناظر جنسيه وبنات عريانه ..
يبقى العيب فيهم هما بس ؟؟؟
الموضوع ابعاده كتير وانتى حاولتى بس تلخصيه فى قلة ادب الشباب الوحشين اللى اهاليهم مربوهمش كويس ..
لالا مش كده بس ..
وعلى فكره يعنى ..
بنات كتير اوى بتبقى مبسوطه وهى بتتعاكس وبتتمسك و نظراتهم بتشجع الشباب انهم يعملو كده ويتجرأو عليهم ..
مبعممش .. انما فى كتير كده ..
و زى ما فى الحو والوحش هنا .. فى هنا برده ..
و تحياتى ليكي ..
أسامة أمين
المهم كنا ماشيين مع بعض فى مرة جوه الكلية ولقيته بيعاكس واحدة ...بصيتله باستغراب ... قاللى هابقى افهمك
بعد مامشينا شوية بقوله فى ايه ياعم الحاج ... قاللى انا كنت فى امن الدولة الاسبوع اللى فات ده وقضيت عندهم 3 ايام علشان امن الكلية بلغ عنى انى ماشى مع جماعات دينية وعلى طول فى الجامع ... فماصدقت كابتن عبد اللطيف-حرس- معدى قلت اعمل حركتين
شفتى بقى يا قطة لما الامن يوصلك احساس ان معاكستك للبنات بيشيلك من دماغهم ...
طبعا عدم وجود رادع قانونى ده سبب من الاسباب اللى خلت الموضوع ده منتشر جدااا ... وبيتهيالى كل سبب لوحده محتاج بوست كامل
تحياتى
بس دلوقتي البنات برضه بتعاكس .
وكمان ماتنسيش ان فيه بنات بتحب تتعاكس .
مره سألت بنت بيكون ايه شعورها لما تتعاكس ... قالتلي بتبقي فرحانه إلا لو وصل لكلام يخدش الحياء .
أنا مش بدافع عن المعاكسه ولا اللي بيعاكسوا
إنما ببين جوانب أخري للموضوع .
انا عن نفسي ... ماكنتش بحب أعاكس ولا اساسا كنت بعرف اعاكس .
وبعد الجواز طبعا ماينفعش ... المودام تقطع رقبتي علي طول .
تحياتي
وحشنى البلوج بتاعك جدا يا قطه ويجعله عامر
صباح الفل ياجميله
يارب تكوني بخير
موضوعك مهم اوي لأنه واقع للأسف بنعيش فيه و بجد موضوع المعاكسات ده بقه حاجه تنرفز و اللي بيدافع مش عارفه بيدافع عن ايه؟انا بعتبر ان ده قله ادب لما واحد يعاكس واحده بكلام بذئ و صدقيني ياقطه هو اساسا مش بيفكر ان لو اخته او والدته اتحطت في نفس الموقف اللي هو بيعمله في بنات الناس
عشان الانسان اللي بيعاكس ده متناقض عارفه حيتشال و يتحط لو والدته او اخته سمع منهم انهم اتعاكسوا طب و اللي انت بتعمله ايه يعني؟البنات التانيين دول مالهمش اهل يعني؟
بستغرب جدا من اللي بيقعدوا يبرروا الفعل ده و يقولك اصل الشباب مش لاقي يتجوز يعني يقرف في بنات الناس عشان مش لاقي يتجوز؟
صدقيني التربيه عليها عامل مهم اوي
و كمان اتكلمتي علي موضوع المعاكسات في التليفون تبقي قاعده في امان الله و تلاقي خحد رزيل ماسك التليفون بيلعب فيه و يدبأ واحده ويفضل يقرفها في عيشتها في التليفون
لا بيفرقوا بين كبير و صغير و حتي في الشارع حتي المنقبات و المحجبات و قدام عيني بشوفهم برضه بيتعاكسوا و صدقيني بيكونوا محتشمات عشان ماحدش يقولي يمكن لابسه محزق
ياتري المعاكسات دي صناعه عربيه اصلي مافتكرش انها موجوده في البلاد الغربيه
ادينا بنروح شرم الشيخ و بنشوف الأجانب و لابسين بيكيني و ماشيين قدام بعض و لا فيه معاكسات و لا حاجه
عارفه واحد فضل مدبأ الوالده علي الموبيل الأول طلب نمرتها بالغلط فقالته مفيش حد هنا بالأسم ده و قفلت السكه قام متصل تاني و قالها طب بتقفلي السكه ليه ممكن نتعرف؟شوفتي السماجه
الا بالحق عايزه اقولك حاجه مالهاش علاقه بالموضوع بس حابه اقولك عليها اصل صاحب مدونه (انا مش موافق)متابعني بأستمرار و بيقولي اني مابدأتش اتكلم عن الأخوان الا بعض ما اتصاحبنا ياقطه و هو لفت نظري فعلا للموضوع ده و عشان كده انا بحييكي ان عن طريقي قدرت اتعرف علي مخططات الأخوان و افكارهم و بشكرك انك خاليتيني استفيد من المعلومات اللي عندك و طبعا هم دول الأصحاب اللي بجد اللي بيفيدوا بعض
حاجه تانيه ياجميله للأسف التعليق اللي كتبتيه عندي لما جيت انزله لاقيته عباره عن بوكسات شكل كان فيه مشكله في البلوج سبوت وقت اما كتبتيه
الصراحه اتنكدت لأنك عارفه اد ايه بحب اقري تعليقاتك علي موضوعاتي
بصي انا حنزل التعليق عشان تفهمي كلامي اكتر و لو مافيهاش رزاله لو تقدري يعني تكتبيه تاني
بعتذر لو كنت طولت عليكي بس اعمل ايه بحب اتكلم وياكي ياقمرايه
يومك جميل انشاء الله
انتى طيبة اوى
ده دلوقتى والله بقى بيحصل العكس
والاختلاف على ان الرجله ماتو فى 73 او لا بس الاكيد ان علقة حندق باشا بتاعتك يا عبده بيه هتكون رادع لكل معاكس تسول له نفسه
شكرا ياقطه على اثارة الموضوع
تحياتي
و جامد اول رد
بس الصراحة صعب لانه مش تيقى معاكسه و فضيحة
المكبوت وعشان كده بيعاكس ده ممكن يكون سبب لكن مش مبرر
كتير من اللى بيعاكسوا ويبحلقوا فى رأيى مش قاصدين يعملوا نفسهم دون جوانات ولا غيره ولا منتظرين ان الواحدة تبتسم وتقوله
ياه انت باين عليك ظريف قوى!!
لكن همه بيعملوا كده من غير تفكير كتير لانه اساس مش متعود على معانى زى احترام الستات او غض البصر او كبح جماح مثلا الرغبة، بل على العكس اتربى من صغره على معانى سلبية منها ان المرأة ضعيف وهو اقوى وان المرأة خلقت لمتعة الرجل ودولقتى اضيف ليها كمان ان البنت اللى مش متغطسة من فوق لتحت تساهل انها تتعاكس الخ الخ
ولما بسال اخواتى اللى اكبر سنا منى بشكل ملحوظ عن معاكسات زمان بيأكدولى ان البجاحة وقلة الادب فى المعاكسات الان لا تقارن بزمان، وانه كان ممكن تطلعى الاوتوبيس مثلا لابسة قصير او مفتوح ومحدش يبص الا قليليين جدا، وطبعا مش هاقولك دولقتى لو واحدة طالعة اوتوبيس لابسه مختلف عن السائد هيكون مصيرها ايه
كل ده فى وقت الجوامع مليانة والحجاب هو تقريبا الزى الرسمى والجمعيات الدينية الخيرية فى كل مكان والعمرة اصبحت بتتعمل مرتين وتلاته فى السنة وموائد الرحمان اصبحت فى كل شارع وووو
يعنى مش جديد ان كلنا ملاحظين ظهور قوى جدا لمظاهر التدين ولكن الاجماع كبير جدا أيضا على ان الاخلاق والمعاملة فى انهيار ايضا غير مسبوق
وانهيار الاخلاق امثلته كبيرة مش بس المعاكسات وبجاحتها ده حتى ابسط مبادىء المعاملة الحسنة غير موجودة من بينها كلمة شكرا او من فضلك ولا اتحدث طبعا عن الامانة والشهامة والصدق
بمعنى أن من يعاكس بنت ويوجه إليها كلام خارج هو في الحقيقه رجل قليل الأدب ومعندوش دم
ولكن على الجانب الآخر يوجد من البنات ممن يعطين الفرصه للرجال أو لأشباه الرجال لكي يتحدثوا إليهم عن طريق ملابسهم الفاضحة التي تبين ملابسها الداخليه للناس في الشارع
فهذه لا يحق لها من أن تشكي من المعاكسه لأنها في الاساس تسير في الشارع وهي غير محترمه على الاطلاق
وغالبا هذه العينه من البنات ممن يتم توجيه الكلام الخارج إليهن
أما الآخرين المحترمين فيتعرضون بالفعل للمعاكسه - ولكن بدرجه أقل من البنات اياهم
على كل حال يا قطه موضوع المعاكسه أصبح الآن منتشر أحيانا وخاصة في وجود تجمعات للشباب على الناصيه
فتجدي أحد يستظرف دمه حتى يضحك اصدقاءه - وغالبا ما بيكونوا أولاد صغيرين في الجامعه
أما أن يكون شاف في الثلاثين مثلا ويعاكس فتاه فهذا غير منتشر بدرجه كبيره إلا في الاوساط التعبانه جدا جدا
لأن اللي تخرج من الجامعه حاليا بياخد على دماغه
....
عارفه
لو فيه عسكري واقف في الشارع زي زماااان كان ممكن الناس دي ترتجع
لكن مع الأسف امناء الشرطه مش فاضيين
الموضوع ده جميل قوي وانتي عرضتيه عرض ممتاز. انا فكرت كتير اتكلم فيه بس زهقت من نمطيه الناس في الرد. حفظين كلمتين مابيقولوش غيرهم واللي حطوهم في دماغهم هدفهم من ورا كدة قعدة الستات في البيت او تغليفهم باقمشة سوداء
يعني ايه شباب عنده كتب ما هو من البلاوي اللي بيتفرجوا عليها وبعدين هما مش مجبرين يتفرجوا عالزباله بتاعه الفضائيات محدش بيبقى قاعد والريموت مربوط في ايده ومفتحينله عينيه بالعافيه
وبعدين لو هو ده المبدا اللي الناس ماشية بيه يبقى السرقه مش غلط والعيب على الاغنياء علشان في ناس مش بس مش عارفه تتجوز ده بتفوت عليها أيام من غير اكل. اصل الجعان شاف واحد معاه سندوتش مقدرش يمسك نفسه
حتى لو انت شايف ان في بنت لبسها مش مناسب ماليكش دعوة بيها. ماحنا بنشوف نص البوكسر طالع من البنلطونات الجينز مابنقولش ليه ان الواد ده لابس كدة علشان يتعاكس. خطا الاخرين لا يبرر خطأك
وبعدين حتى الشباب لما يقولوا ان ده عذرهم يبقى ده بيقل من شأنهم لان ده معناه انهم زيهم زي الحيوانات ملهومش سيطرة على رغباتهم وشهواتهم
حاجة اخيرة بقه الناس اللي بتعاكس بقله ادب وسفاله لا وخصوصاً لما تبقى البنت شكلها نضيف كدة وبنت ناس انا بشوفهم كدة معظمهم كدة زباليين وعمرهم ما يحلموا ان واحدة زي ديه ممكن تاخد بالها من انهم موجودين على سطح الكرة الارضيه اساساً. فبيستفزوا البنت علشان بس تبصلهم وهما كدة بيكونوا حققوا اللي هما عايزنه. دول ماحدش يبصلهم ولا يعبرهم كفايه عليهم شكلهم اللي يكسف
Love,
MishMish
في رأيي ان المعاكسة موجودة من زمان
لكن الطريقة بالتأكيد بتختلف و يمكن
تكون بتتطور الي الاسوء...يعني مثلا كنا بنشوف الافلام فيها معاكسة مثل صباح الفل يا جميل...او عبد الفتاح القصري يقول يا ارض احرسي ما عليك...
ايضا الزيادة السكانية و الانترنت و الموبايل و الدش...كل هؤلاء اضافوا اشياء سيئة الي حياتنا...
و للحقيقة فأن سلوك بعض الفتيات ، اقول بعض و هن قلة بالطبع ، يوحي بأنهن من النوع السهل....
علي فكرة هناك قانون جديد للاتصالات صدر بعقوبات مشدده...و يمكن عن طريق الشرطة محاكمة من يخرج علي حدود الادب
سواء في المكالمات او الرسائل النصية..
يعني لازم ننتبه....
تحياتي و تقديري
الحقيقه السؤال ده بالذات يا قطه حاولت الاقى له اجابه وعمرى ما لاقيت غير اننا فعلا فقدنا الامان فى كل شىء وماتت فى نفوس معظم الناس النخوه زمان كانت البنت ما دامت وسط الناس حسه بأمان لانها لو بس ابد غضبها من واحد 100 واحد يدافعوا عنها بكل رجوله ونخوه وكل واحد شايف انها بنته او اخته او زوجته وان دفاعوا عنها واجب .. دلوقت كل واحد يبقى ماشى بمنتهى البرود مالهوش دعوه حتى لو واحد ماسكواحده بيضربها وهى بتستغيث تصورى برود الناس اللى واقفه بتتفرج بمنتهى البرود ..
انا زيك باسأل هوايه اللى حصلنا فين النخوه ولا هى ماتت جوه وبره .. ربنا يلطف بينا .. ويرحمنا برحمته .
دمت بخير و فى رعاية الله
تحياتى
rovy
اذا انعدمت التربية الصحيحة فتوقعى اى شىء يحصل
موضوع جميل قوى يا قطة الصحراء
ويا ريت تفهمينى اكتر الموضوع المطروح فى مدونة أستاذ صلاح حجازى
تحياتى
بس الحقيقة يعني انتي بتقولي كدة على فاقوس
اومال تقولي ايه على كايرو ولا الكس
يا نهار عاللي بيحصل
عموما هي مش ظاهرة ولا حاجة هي عادة موجودة من زمان اوي بتزيد و تقل بس دلوقتي زادت اوي
لان مافيش حد متخيل ان في رادع ليه عن اي حاجة غلط يعملها
ده حتى كمان وصلوا للبلوجات و اخرهم الواد طينة احساس
عادي يعني
ماهو قالو لفرعون اش فرعنك قال مالقيتش حد يلمني
بوست تمام
تحياتي
وكمان عايز اقولك ان مفيش واحد حيعاكس بنت ويلاقيها متضايقة من الكلام وحيكمل معاكسة ليها مستحيييييييييل
غير ان في بنات كمان دلوقتي بتعاكس الشباب واكيد شوفتيهم
هى ظاهرة مقززة بالفعل
وكائنات اقل من التحدث عنها لكن للاسف هم يعيشون وهناك من يشجعهم
كعلامة من علامات الجراءة والثقة والشباب
شئ ساقط
خالص تحياتى واحترامى
هانى يس
اساسا اللى بيعمل كده مش راجل
بس المفترض اننا نستحمل الكائنات دى ونعدى ولا كأن حاجه حصلت
و بعدين اللى بيعمل كده هيتعمل فيه كده بس مش اخته بقى لا هتبقى خطيبته او مراته وهوا ماشى جنبها و نشوف بقى هيبقى يعمل ايه؟
و بعدين حجة ان الولاد عندهم كبت ومش عارفين يتجوزوا طب مالبنات كمان مش لاقيه حد تتجوزه
هل معنى كده انها تمشى تعاكس يعنى ولا ايه
موضوع مهم يا قطه بحييكى انك فتحتيه
سلام مؤقت
انا مش هنشر الكومنت بتاع حضرتك
واللى عايز يشتم حد يروح يشتمه فى المدونة بتاعته
اللى عايز يقول لحد يا منافق ويا اللى فيك عيوب الدنيا والاخرة برضه يروح يقولها له فى المدونة بتاعته
لكن عندى اسفه جداااا
لكل اللى يجى يشتم حد عندى مش هيشوف الكومنت بتاعه منشور
تحياتى للجميع
انا بعينى شفت واحدة ماشية فى الشارع لابسة عادى جدا وواسع وغير ملفت وماشية فى الشارع مشية عسكرى يعنى ولا بتدلع ولا حاجة وبرضة واحد بيعاكسها بكلام سخيف والناس ماشية فى الشارع حواليهم فى عز الضهر ومنهم رجالة كبار محدش فكر يقولة عيب ولا حرام ولا دة زى اختك
ولو هية فكرت تشتمهم او تزعق تلاقى ميت واحد يقولك مهية الى غلطانة اكيد عملت حاجة تخليهم يعاكسوها الناس خلاص بقت بدور على شماعة تخاذلهم وهية البنت دة مش كويسة علشان كدة اتعاكست
جميل جدا يا فندم
بس ده حصل فعلا فى مصر ؟؟؟
اصل المصيبة فى حاجه كمان
انى ممكن اكون ماشيه والاقى رجل الامن نفسه هو اللى بيعاكس
للاسف مش شايفه اى رادع
تحياتى
هو فعلا انعدام لكل حاجه يا سلوى زى ما قولتى
تعرفى اللى يدعو للاستغراب ايه
انك ممكن تشتمى حد تلاقيه بيبجح فيكى
يعنى انت انسان قليل الادب وكمان لسانك عايز قطعه
ربنا يرحمنا منهم
تحياتى
فى البداية احب اشكر حضرتك جدا جدا على اعجابك بالاغنية
هههههههههه
والله العظيم ضحكت اوى على الجملة الاوللا ربنا يسعد قلبك دنيا واخره
انا متفقه مع حضرتك ان معندهوش فعلا كرامة
بس معلشى مينفعش احط كل البنات فى سلة واحده
لان زى ما فى فتيات ليل فى كمان بنات ناس ومحترمين وعمر اللبس ما كان دليل على ان البنت نازلة تتعاكس
تحياتى
تصدقى كنت لسه بتكلم مع صديق على موضوع الولاد اللى يتحلق ليها زلبطة دى فرد عليا بنفس كلامك
قالى ماهو عادى كل الولاد دلوقتى بتحلق زلبطة
تحياتى
بصى اولا اللى بيقول البنات لبسها مش محترم ومش عارفة ايه فده مهما كان مش مبرر ابدا لان المعاكسات تحصل وكمان زى مكتير قال ان فى بنات كتير محترمين وبيتعاكسوا
وبردو اللى عمال يقول بكرة ده يحصل لاختة او خطيبته واحده اتعاكست يبقى هتستفيد ايه اما اخته تتعاكس
الحل ان كل بنت توقف اى حد عند حده باى اسلوب
ad5ol fe almodo3
1- al7rman algnse 3and alshababa we de mosh kela mosh e7s beha albanat 2awe
2- al2nfeta7 e3ne 7ata lo 7ad mtgoz momken tela2eeh mashe be3aks da 3ashan ale beshofo fe tv we keda
3- albanat ale mashya fe alshar3 3ala sngt 3ashara we kol w7ta mosh 3rfa t3ml eh 3ashan tb2a a7la men altanya
4- 2lt aldeen we al25la2 la2n mafesh trbea sa7
5- we ana bashdd 3aleha
an a7na fe al23lam bet3na benshhr alshab ale be3aks da 3ala ano shab me2t3 alsamaka we dlha we benzhero beshkl nice llnas
6- lo tftkro flo alshab almota5lf tamer hosne fe alflm beta3 3omar we slama we hoa kan be3aks aknha 7aga gamela
we lo t5do balko kaman kan be3ks be2eed
ze alsoora ale ante 7ataha keda
@@
almodoo3 gameel bas alsora mosh 3gbtne maknsh zaref menk ank t7teha
ths for u
واحدة اتعكست من ولد فى الشارع
البت وقفت وشتمته
عارفة عمل ايه
تخيلى كدة عمل ايه
ضربها بالشلوت فى وسط الشارع
اصله زعل اوى لما هى شتمته
رجالة عايزة الحرق بجاز وسخ
ونفسى جدا يحطوهم فى ميدان عام
ويجوا الكلاب يعملوا بى بى عليهم
سلام
اختك خيخة
دلوقتى مفيش حد بقى بيحس
ولا فى حد بيفكر فى اخطاؤه ولا حد بيحاسب نفسه
مين دلوقتى عنده دم وبيقول كده عيب
والجميل دلوقتى ان البنات كمان بقت بتعاكس الاولاد
الجيل كله بيساعد بعضه هو ده التعاون الحقيقى
ربنا يستر من اللى جاى
تكملت راى نفس راى تامر صلاح اتفق معاة فيما اشار علية
تحياتى
يعني مثلا انا بشوف بنات انا نفسي بنت ببص علي لبسهم واستغرب
مابالك الشاب وكمان انا بحس اني الانسان المحترم مش ممكن يعمل كدا
اللي بيعاكسو دول عوطليه وقفين علي النواصي مش لاقين حاجه يعملوها
ومش بيفكرو في الكلام اللي انتي بتقوليه ده كله
الدنيا مش فارقة معاهم يعني
بس ربنا يسترها ويستر كل بنات المسلمين ويهدي شبابنا
***************
اول حاجه انا كلامى بعيد تماما عن مد الايد على المرأه
ولكن من نحيه المعكسات
*************
عشان بردو كل الوم ميكونش على الشباب انا هكلم على الى شفتو كتيررررررر
***********
والله العظيم هقول الحق
************
فى بعض البنات او تلت البنات بيحبو انهم ينعكسو ولو الوحده متعكستش يوم واحد بيجلها برد او اى حركات
البنت بتنزل من بتها عملا ارجوز فى وشها وحطا كيلو ميكب على شوها ولبسا اديق لبس من عند البقال
÷÷÷÷÷÷÷÷÷
وحاجه تقرف بجد بجد حاجه تقرف
*************
وفى بنات حفظها الله من اخلاق واحترام وادب
************** وفى نوعيه لو اتعكست ممكن تروح تععيط فى البيت
************
وفى نوعيه لو اتعكست ممكن تلف بوشها تئوم تفه فوشو او تشتمو
************ وفى نوعيه
تنفض خالص وتمشى من سكات بدل متعمل حوار على الفاضى وتجبر الشاب انو مثلا يشتمها او يتطاول عليها
وانا بشجع دى
لما تروح بتها بقه تبعت اخوها اى بتنجان ولكن متحورش كتير وتعمل فيها رمبو
****************
انا هقول حاجه فى بنت تنزل من بتها لبسا هدوم ديقه جدا وحطا كيلو ميكب وهيا اصلا جميله وحطى برفن وعملا كل ده ومتتعكسش اذاااااااى بى العقل لزم تتعاكس
************
ولكن معكسا عن معكسا تفرق
يعنى فى مكسه خفيفه جميله ظريفه عديا يعنى واحد شاف بنت جميله هيقولها كلمتين حلوين وخلاص
***********
لكن النوع التانى انا مش هعلق على بيعملوه لئنى الكل عارف هما اوسخ ناس اصلا
*********** واتمنا اكون ضيف خفيف
واتمنا زياره مدونتى
اثر فيكى رسالة من انثى!!
عارفة الموضوع ببساطة زى ما قولتى من الاخر..مش بيحسو ان دى ممكن تبقى اختة او امة..
وصحيح سمعت انا التعليق بتاعى وبتاع عبدة الرايق...
هههههههههههه
بجد جميلة
ناس مش طبيعيه
بجد تعبانه نفسيا
مش هنلقي اللوم علي البطالة وقلة الزواج صحيح هي احد الاسباب بس مش السبب الرئيسي في بنات بتلبس لبس ملفت للنظر تخلي الحجر يبصلها بس للاسف ان الشباب اللي بيعاكس دلوقتي مبقاش بيبص علشان البنت دي لابسة لابس ملفت والله لو البت مش باين منها حاجة هيعاكسها برضوا المثير للدهشة انك ممكن تلاقي ولد يعاكس بنت لمجرد انه يثبت لنفسه انه بقي راجل وبيعرف يعاكس بس الحل بجد هو ان كل واحد يتقي الله في بنات الناس علشان ربنا يكرمه ويغض من بصره
احيكي ياقمر علي موضوعك الشيق
تحياتنا
بس هى ظاهرة موجوده من القدم يعنى
ان واحد يشوف واحده حلوه مثلا فيعاكسه او يغازلها بلغة العرب
اما دلوقت فعلا كله بقا ماشى وباصص على كله
طيب اقولك حاجة البنات دلوقت بقت هى كمان بتعاكس اه والله
بجد ده ليه عوامل كتير
محتاجه مقالات مش كومنت
اه ياريت الصورة تغيريها احسن مش لذيذة يعنى
كنت هعمل البوست الجاى عن نفس الظاهرة دى
بس انتى سبقتينى
واحنا وااحد طبعا
تعالى نورى
ضربة شمس
المدونة الحدث
المدونة الجامدة
المدونة الفظيعة
المدونة التى ستقلب موازين القوى التدوينية فى مصر والعالم العربى بل والغربى كمااااااااااان
تعاالى انتى وكل النااس العسولين اللى هنا دوول
والى لسة هييجووا
مستنيااكوا
دى مدونتنا كلنا
موضوع المعاكسة مش ممكن يتغير الا لما الناس نفسهم يغيروا ما بانفسهم انا فاكرة زمان واحدة كانت صاحبت اختى كانت دايما بتقول ان البنت اللى مش بتتعاكس تبقى مش بنت وصدقينى فى بنات بتزل من البيت عاملة زى لوحة الرسم فيها كل الالوان واوعى تقوليلى ان دى حرية شخصية لا دى محاولات للفت النظر انا مش بدافع عن اللى بيعاكسوا لا بس اوعى ترمى اللوم كلة على طرف واحد لان لما بيكون هناك مشكلة اكيد كل طرف فى المشكلة لة يد فيها مع ان فى بنات بتبقى محترمة جدا فى اللبس بس فى الكلام والحركات فى الشارع بتلفت بيها النظر كانها بتقول لاى حد انا هنا سهلة للمعاكسة وفى بنات بتبقى محترمة جدا فى اللبس والحركات وطريقة المشى وبرضة بيتعاكسوا وهنا بقى غلطة الطرف التانى المهم انا قصدى ان الولد والبنت عليهم غلط يعنى مش هرمى اللوم على طرف واحد
موضوع ان الناس كلها محدش فيهم بيقفل بقه قد يدل ايضا علي انك حلوة !!ه
والله دي مش معاكسة!!!ه
بصى بقى الموضوع جامد جدا
بس و الله العظيم مش الولاد بس هما اللى بيعاكسوا
و الله بنات و ستات كمان ساعات اخلاقهم مش بتكون كويسه
انا اتعرضت لموقف و انا فى السينما
و قاعد فى حالى
واحده موزة جدا
معاها ابتها عنده حوالى 3 سنين
و هى على ما اعتقد حوالى 27
و كمان معاها اتنين موزز بعيالهم
المكان اللى انا قاعد فيه مكانى يعنى مش قاعد رزاله
و لقيت لك الابله قعدت جنبى دوناً عن الكراسى الفاضية
رحت انا قايم قعدت فى الكرسى اللى بعد الكرسى بتاعى
راحت مقعده عيل مكانها
و جت جنبى برضوا
و بدأ الفيلم
و عينك ما تشوف الا النور
طلعت عاوزة تتغرغر بيا
(انا اختصرت ما خفى كان اعظم)
لعلمك المواقف دى بتحصل كتير
و حصل معايا فى اكتر من مرة
مش الشباب هما الشياطين
لا الشيطان هو اللى بيخلى الشاب او الفتاه
انهم يوصلوا للمرحلة دى
بوست رائع
سلامى ليكى
وأنا معك فى أنها فعلا ظاهرة .. لا تحل كما هى العادة بتجاهلها أو التقليل من شأنها
ولن أقول أن حلها يأتى بتحليلها وعقد الندوات والمؤتمرات حولها
فهذه الابحاث موجودة واكثر .. الخطورة هو اننا نفهم كل شئ .. فمصر لاينقصها العقول
لكننا فى النهاية لانفعل شيئا
العزيز دكتور اياد
طبعا كومنت حضرتك اضافه هايلة للبوست وحضرتك عبرت عن كل ما يدور جوايا بطريقة سللسة وسهلة جدا انا نفسى عجزت عن التعبير عنها
مودتى
احترامى وتقديرى
طيب تصدق يا جهاد وانا بعمل استطلاع راى على الموضوع ده مع الناس اللى فى الواقع حواليا ايون ما هو انا لازم اعمل استطلاع راى لان الظاهره خلاص فاقت الوصف
المهم برضه كلهم قالوا لى لا عاكسنا ولا بنعرف نعاكس طيب بلاش انت اللى بيعاكسوا لو شاف اخته حد تانى بيتحرش بيها او بيعاكسها هيكون رد فعله ايه .. قالى عادى قولت له يعنى ايه عادى قالى فى ناس معندهاش دم وممكن يشوف اخته بتتعاكس ولا كانه شايف حاجه
معول ده ممكن يحصل ؟؟؟؟؟؟؟؟؟
معقووول
مش عارفه بصراحة انا قولت اتاكد من رجالتنا برضه
تعرفى يا ايمى الاخلاق بتنعدم والسفالة بقت شعار
والغريب فعلا ان اللى بيقل ادبه وبيتحرش وبيشرب مخدرات وغيره بقى هو الواد الروش الكووول زينة شباب الحى
ويقعد ويربع على الناصية ويفتخر باللى عمله طول اليوم وكانه عدى البحر ولا اتبلش
احنا محتاجين امن محتاجين نخوة من الاخر
نورتينى يا جميله
عارفه ان اللى بيعكسوا دول بيبقوا جبناء جدا انا مره حسيت ان واحد ماشى ورايا
وبيبسبس
وبيقول كلام كده بصوت واطى عشان انا بس اللى اسمعه
وجيتلك بقى عند حته مليانه محلات وناس
وقمت مدووره فجأه
وشريط شتيمه منى اتفتح عليه
بقى عامل زى الكتكوت الغرقان هههههههههه
طبعا لقى نفسه هيتفضح
بوست جميل احييكى
الموضوع مالوش علاقه براجل او بست
موضوع المعاكسه بداء اصلا والله اعلم بمجامله بسيطه بين اتنين
او واحد بيعرف واحده او بيصحبها فبتقوله انها كانت بتفرح لما حد يقولها كلام جميل او يعجسكها بشكل ظريف
وده بيحصل كتير
ان وحده تعترف انها فى قراره نفسها بتفرح وتتبسط لما بتتعاكس ويتقلها كلام غزل شقى شويه لكن مؤدب مش سافل ولا وقح
بعد كده بزمن كتير لما صحبنا بيسيب حبيبته يبداء يعاكس وفى دماغه كلام حبيبته اكنه قانون
طبعا ناس بتقبله وناس لاء
وفى ناس بتقبل انواع معينه من المعاكسه
وبترفض نوع
وناس تانيه بتقد الافلام فى الايفيهات والاقفاشات علشان البنت تضحك ويفتح معاها كلام
مش لازم الى بيعاكس يكون عاوز ياخد البنت علشان ينام معاها لاء
بس هو بيكون عاوز يلفت نظرها
وبينى وبينك احيانا بينجح مع بعض البنات
انتى بقى اتكلمتى عن الرجاله
هو انتى متعرفيش ان فى ستات بتعاكس رجاله
اه مش بتعاكس اى حد فى الشارع
لكنه بتعاكس حد تعرفه
او متعرفوش اوى
ومعاكسه جامده كمان
رسايل موبيل مش معروف
ومعاكسات فى التلوف من تيلفونات مجهول
انا رغيت كتير
بس تالموضوع مفتوح
تحياتى
اولاً ربنا يوفقك فى امتحناتك وابقى طمنا على اخبار الامتحانات
طيب يا محمد لما فى رجاله موجودة بالفعل فى الشارع ليه اى حاجه تحصل بيلقوا اللوم على البنت
ولو البنت اتكلمت وهزأت اللى قل ادبه عليها يبقى سافلة ومش اتربت وواقفه تعلى صوتها فى الشارع ولو مشيت ساكته يبقى عاجبها المعاكسة ... طيب البنات يعملوا ايه علشان تعرفوا ان مش عاجبها ؟؟؟؟
وهو معنى ان البنت تلبس كويس وتهتم بنفسها يبقى نازلة من البيت علشان تتعاكس يعنى لو لبست هدوم مقطعه ونكشت شعرها ومشيت حافيه كدا هى بنت جد ومحترمة ومحدش هيبص عليها ؟؟؟؟؟
مستنية اجابة حضرتك
بص يا محمود
صوابع ايديك مش زى بعضها
وزى ما فى اطفال شوارع فى ولاد ناس محترمين
وزى ما فى بنت محترمة فى فتيات ليل
انما للاسف الحيوان اللى بيعاكس مش بيميز اهى اسمها بنت ماشية وخلاص
تحياتى
اهو اللى حضرتك بتوصفه ده اللى كان موجود فعلا يا استاذ عبدو
كان زمان اقصى كلمة ممكن واحد يقولها لواحده ماشيه فى الشارع يا جميل ولا يا قمر ولا اى حاجه من هذا القبيل ويبقى وقعة ابوه سودة لو حد سمعه كمان
انما دلوقتى بقى بيتقال كلام ريحته اوحش من اللى فى مواسير الصرف الصحى
نورتنى
حضرتك كدا حطيت ايدك على موطن الجرح الاصلى
السلبية
لاء والغريب ان علشان كل واحد بشنب بيقنع نفسه انه راجل لما بيشوف بنت بتتعرض لاذى وهو بيتفرج وفاتح عنيه وقافل بؤه وساكت
يقولك اكيد هى اللى غلطانه
طيب انت عرفت الموضوع ايه ولا فى ايه حصل علشان هى اللى غلطانه
تحياتى
بشمهندس اسامه اولا اهلا وسهلا بيك
ثانيا التلفزيون معروض فيه المناظر اللى بتتكلم عليها دى
البنت اللى ماشيه فى الشارع مالها ينزل يطلع الكبت بتاعه عليها
هو شاف مناظر عرى فى التلفزيون مقلبش القناة ليه ؟؟؟؟
ولا المتعرية السافله اللى فى التلفزيون مسكت فيه وقالت له والنبى تتفرج علشان تنزل تطلع كبتك وعقدك على بنات الناس اللى مالهومش ذنب فى حاجه غير انك انسان بجح وعايز قطم رقابتك
وطبعا قصدى على الحيوان اللى بيجرى ورا غريزته وبينزل يتحرش ويعاكس
تحياتى
طبعا انا مع حضرتك استاذ احسان فى كلامك
وربنا يمهل ولا يهمل
شرفت البلوج جدا
تحياتى لمدام شفقه ولحضر تك
تعرف يا فيلسوفنا موضوع سن قانون للمتحرش او اللى بيعاكس ده مهم جدا
بس ده المخبرين وامناء الشرطة بيعاكسوا انا مرة داخله المحكمة مش فى جناية ولا حاجه حاش لله ... بس انا عمى رئيس القلم الجنائى هناك وكنت رايحه له زيارة عادى يعنى
المهم وانا طالعه السلم امين شرطة لاقيته بيعاكسنى والله وقفت وتنحت فى وشه وقولت له لما الناس الى المفروض نشتكى لها من اى حد يضايقنا او يعاكسنا هما نفسهم اللى بعاكسونا طيب نعمل ايه فى السفلة اللى ماليين الشوارع ؟؟؟ بس معلشى بقى الشكوى لغير الله مذله ... والله وقتها اتحرج جدا وقالى انا اسف وبدء يتصاحب محتاجه اى حاجه وانا اخلصها لك ؟؟؟ قولت له اه محتاجاك تتقى الله فى بنات الناس علشان تلاقى اللى يتقى الله فى اهل بيتك وقتها اعتذر لى تانى وده معناه ان الناس عندها فعلا استعداد تتغير للاحسن بس محتاجين حد يضغط على النخوة اللى جواهم ويصحيها لانها راحت فى نوم عميق ولو فضلنا نايمين ومش صحنياها هتقلب على غيبوبة وبعدها تموت
خلاصة الرغى ده كله ايه
ان راجل الامن زيه زى اى حد تانى
تحياتى
مهاجر والهل انا مش بدافع عن البنات بس انا واحدة من الناس اللى دمها بيتحرق من اقل كلمة مهما كانت
وزى ما فى بنات محترمين مش بيحبوا المعاكسة فى فتيات ليل ودول معر وف كانهم فين
يبقى اللى عايز يتحرش ولا يعاكس يروح يدور عليهم واظن انسان بالاخلاق الواطية دى مش هيغلب وهيعرف يوصل لهم كويس
ويارب يخلى لك المودام ويرزق كل واحد بمودام علشان نعرف ناخد راحتنا
تحياتى يا فندم
ووحشتنا زيارتك جدا يا محمد
ويجعله عامر
حبيبة قلبى ارق بنوتة فى الدنيا
انا كمان مش عارفه اللى بيدافعوا عن اللى بيتحرش او بيعاكس ده بانهى مبدأ لاء وكمان الموضه بقوا بيقولوا البنت كمان بتعاكس الا عمرى ما شوفت بنت بتتحرش بولد فى الشارع ولا مدت ايدها عليه ومسكته ولا مشيت تلفلف وراه فى الشوارع وتقوله عبرنا يا قمر ولو مش عبرها يشتم بطريقة سمجه كلها قلة ادب زى تربيته
حقيقى منطق غريب
اما صاحب مدونة المش ده فا انا هقوله كلمة واحده هو واللى زيه
انا فخورة جدا جدا بيكى وبمعرفتك واحلف لك بالله انى بندم على اى يوم فات من اول ما دخلت عالم التدوين من غير ما نكون اصدقاء انا وانتى وهارت
وموضع الاخوان ده مش محتاج حد يفهمه لحد ... لان اهدافهم ومخططاتهم واضحه اوى زى اشعه الشمس ده لو بيشوف يعنى ... ولو عنده استجماتزيوم انصحه يعمل نضارة كعب زير مش كوبايه ... الكومنت انا دخلت ضفته تانى
وطبعا يشرفنى ادخل مدونتك الجميلة فى اى وقت ويشرفنى اوى صداقتك اللى انا بفتخر دايما بيها
محبتى ليكى يا جميلة وللغاليه هارت
برضه احب اشوف العكس ده فين
يعنى نفسى اشوف بنت بتتحرش بولد ولا بتقوله لفظ ابيح وهو ماشى فى الشارع
تحياتى
طيب طالما عجباك لما تيجى بالسلامة ان شاء الله نعمل اجتماع ونقترحها وننفذها هنا ونشوف حد هسمع الكلام ولا هيقولوا علينا مجانين
هههههههههههههههه
تحياتى
طيب مش المفروض يحترم نفسه علشان مش يتفضح
بس والله احيانا اللى بيعاكس مبيكون هامه فضيحة ولا غيره
تحياتى
بالفعل ياروز التدين فى المظاهر انتشر ومينفعش اقولك تدين باطن لان الاخلاق كل يوم تتلاشى عن اليوم اللى قبله لما اصبحت كلمة مش موجودة فى القاموس اساسا والحجج جاهزة فى اى وقت لالقاء اللوم على الطرف الاضعف وبالطبع هو البنت المجتمع الان فى مرحلة الموت الاكلينكى
ردك لخص البوست ووضح معانى كتير جدا غايبة عن الجميع
دمتى بكل حب
يعنى ايه من حقه يعاكس ويقل ادبه على بنت لابسه ملابس فاضحة او ملابسها الداخليه باينه
وهو ايه عرفه انها نازلة الشارع علشان تتعا كس ايه بتكون حاطة يافطة على ضهرها انا نازلة للمعاكسة تعالوا اتحرشوا بيا يعنى ايه اللى بعاكسها معذور حيوان بيجرى ورا غريزته مش عنده تمييز ولا عقل ؟؟؟
والله يا فندم المعاكسات دلوقتى الرجاله الكبار اللى معديين الستين كمان بيعاكسو ا
طيب واحد عنده احفاد يعاكس ليه ده عايز يثبت لنفسه ايه ولا اللى حواليه
ثم يعنى ايه شاب قاعد على الناصية يستظرف على يضحك صحابه على اساس انه مهرج فى سيرك ؟؟؟
بالفعل احنا محتاجين رادع وامن للشارع لان طول ما الشارع خالى من راجل الامن اللى فى الاساس بيعاكس هيفضل خالى من الامان والاخلاق
انا اكتر حاجه بتلفت انتباهى لو فكرت ابص اصلا على الحيوان اللى بيعاكس انى بلاقيه واحد معفن
طيب المعفن ده مش عنده مراية يبص فيها بدل ما ينزل يقل ادبه على الناس ردك وافى جداوكمل البوست
اشكرك جدا يا مشموشة
محبتى يا جميله
استاذى العزيز الربان
المفروض البنى ام من دول يكون عنده تمييز
ما هو مش كل البنات فتيات ليل وهتقبل اى حد يتحرش بيها او يسمعها كلام سافل من اللى قاعدين يتلفظوا بيه على النواصى
لكن هؤلاء لا يفرقوا ابدا عن الحيوانات عندهم كل انثى تتحرك هى مخلوقة للمعاكسة والتحرش وبس
فى قانون للمعاكسات وللرسائل لكن فين اللى بينفذه
تحياتى
عليكم السلام ورحمة الله وبركاته
تعرفى اشباه الرجال اللى بيقفوا يتفرجوا على البنت اللى فى موقف مش كويس بيحللوا لنفسهم الفعل ده بايه
بيقولوا البنت هى السبب هى الىل نازلة من بيتها علشان تتعاكس حد قالها تنزل تشتغل ولا تخرج اصلا دى المفروض تتكفن وتقعد فى تابوت انما مش من حقها تشوف الشارع
وكانه لما يلقى عليها كل المسؤلية وان الحيوان اللى غريزته دفعته لفعل شئ تخجل الحيونات تعمله هو اللى صح
تحياتى يا روفى
بالظبط يا ايمن التربية عليها عامل كبير جدا
الاب والام مشغولين اذا يجيبوا فلوس علشان ابنهم الهمام ياخدها ويروح يقعد على القهوة يشرب شاى وشيشة ويطلع يعاكس البنات
تحياتى
اختار منهم الاجابة اللى تلاقيها مناسبة
واى استفسار نحن فى الخدمة 24 ساعه ديلفرى يعنى
ههههههههههههه
الولد الصغير بيقلد الاكبر منه
ولاننا بسكت مش بنتكلم حبه يقولوا هو عاجبهم المعاكسه والبنات عايزه تتعاكس
وبيتمادوا كمان اكتر علشان علي راي المثل
يا فرعون ايش فرعنك قال ملقتش حد يلمني
المشكله الاكبر ان المعاكسه مبقتش بوئيئ كده لا
دي بمد ايه وعين وحواجب وكل الاعضاء تتدخل في الموضوع
وجع قلب
تحياتي
ده غير الشحن الاعلامي فى الافلام والكليبات التى اقل ما يقال عنها انها افلام دعارة مقنعه ..
ولنا فى سعار وسط البلد المثل الاعلى
حسيب الله ونعم الوكيل
انا ما بقتش عارفة الذنب ذنب مين .. وبحد ربنا يرحمنا من عنده
تحياتى
كل سنة وانتى طيبة
اه انا بقول كدا عن فاقوس ... اصل فاقوس مش فى دولة تانية دى برضه جوا حدود مصر يعنى لا تقل عن كايرو ولا اليكس ولا الناس اللى فى فاقوس بلاستيك والتانيين من لحم ودم ... ولا انت قصدك ان فاقوس الناس فيها محترمين على اساس ان كلها عائلات وممكن يكون فى ناس مرتبطة ببعضها انما كايرو واليكس من المدن الكبيرة يتخللها مناطق عشوائيات بخلاف النازحين ليهم من بلاد تانية يعنى مش معروفين مين ولا اصلهم ايه علشان كدا بيتحرشوا وبيعاكسو ؟؟؟
احنا فعلا محتاجين قانون رادع
تحياتى
يعنى حضرتك داخل بتتكلم وبتاكد انى شوفت كل النماذج اللى اتكلمت عليها بصراحة مش شوفتهم
ونفسى بجد اشوف بنت ناشية ورا ولد وبتقوله كلام ابيح او بتمد ايدها عليه او حتى بتقوله ايه القمر ده ؟؟؟
مشوفتش حاجه زى كدا لا فى بلدنا ولا فى اى محافظة من محاتفظات مصر بصراحة
كمان انت ايه عرفك ان البنت بتستمتع بالمعاكسة
هو معنى انها ساكته مش لفت باللى فى رجلها للحيوان اللى بقل ادبه عليها يبقى كدا مستمتعه بالمعاكسة .. يعنى سكوتها اصبح دليل انها عاجبها ولو اتكلمت وشتمته برضه هى اللى غلطانة علشان شتمت ؟؟؟ لما هى فى كل الحالات غلطانة تعمل ايه ؟؟؟ متخرجش من بيتها علشان الشارع يفضى للذكور واشباه الرجال اللى متضايقين من وجودها فيه علشان كدا بيقلوا ادبهم عليها
تحياتى
طيب يا هانى ما يروحوا يقلو ادبهم على اللى بتشجعهم على عمايلهم السودة دى انما دول مش عندهم تمييز اساسا
مش سايبين حد فى حاله وكان اى انثى على الارض حق مكتسب لقلة ادبه
اشكرك جدا
تحياتى
دلوقتى بيقولوا البنات كمان بتعاكس
الا فين البنات اللى بيعاكسو دول يا حبيبتى
علشان يبقوا مبرر ان اى واحده ماشية فى الشارع من حق اى ذكر شهوانى يتجرأ ويقولها الفاظ بذيئة او يتحرش بيها
شوية كبت وشوية البنات بتعاكس واهى حجج
مش عارفين اخرتها ايه
تحياتى
ماهو للاسف يا ايوية المجتمع كمان بيشجعهم على كدا
يا حبيبتى هما اصلا مش فارق معاهم لابسه ايه ومش فارق معاهم هى ايه ... المهم ان ذكروته مهيأة له انها طالما انثى يبقى من حقه يعمل اللى هو عايزه ما هى ضعيفه مش هتتكلم وهتخاف من الفضايح ولو فكرت تشتمه الف واحد هيقف يقول دى بنت ليلة الادب هى الى شجعنته على كدا اصل اشمعنا هى اللى اتكلمت ورفعت صوتها
ربنا يرحمنا
تحياتى
اللبس اللى بيتحججوا بيه ده مش سبب
ما اللى بتلبس طويل وواسع ومتحجبه بتتعاكس
دى حجج واعذار واهيه علشان يبرروا لنفسهم افعالهم
هو طالما مفيش قانون يبقى كل واحدة تستخدم اللى فى رجلها بقى ويبقى ده القانون بتاعنا من هنا ورايح
تحياتى
اكتب فرانكو اراب اوى لغة مش مشكلة يا فندم
حضرتك بتقول مشاعر الشباب والكبت الجنسى ... طيب البنت مالها ما يروح يتجوز مش لاقى يتجوز يبقى الاخلاق والاحترام فين ؟؟؟ والى بيعمل كدا بيكون
ده تصريح بانه انسان مش متربى اساسا
ثم المتجوز كمان بيعاكس والراجل الكبير كمان بيعاكس مش مقصورة على الشباب وده معناه ان المجتمع بقى سايب والناس فقدت لكل معانى الاخلاق والذوق العام
البنت اللى ماشية فى الشارع على سنجة عشرة ولا سنجة عشرين هو مالها بيها واحدة بنت ناس ولبسها شيك ايه حارق دمه هو تلبس ولا متلبسش ؟؟؟
ثم يافندم مش الانسانة الشيك او اللى على سنجة عشرة هى بس اللى بتتعاكس ده كمان اللى لابسه اسدال واللى لابسه نقاب ومتغطية من فوق لتحت برضه بتتعاكس .... طيب المنظر اللى على شكل كيس زبالة اسود ده شايفه من هايه علشان يعاكسه ؟؟؟؟؟
بالنسبة للصورة هى مضايقه حضرتك
معقول ؟؟؟
يعنى مشوفتش فى الواقع واحد بيتحرش بواحده او بيمد ايده عليها ومش قولت وانا مالى اكلمه او اتدخل
تحياتى لحضر تك
يعنى هو زعل لما شتمته ومش واخد باله من سفالته
ويمكن اللى كانوا واقفين فى اشلارع وشافوا المنظر محدش اتدخل على اساس ان هى اللى كانت ماشيه بتعاكسه
ده انا مش نفسى بس الكلاب تعمل عليهم بيبى ده انا نفسى الكلام تقطع لسانهم
نورتينى يا خيخه
محدش بيقول عيب لان الناس فقدت الاخلاق ومبقتش عارفه فين العيب
البنات اللى بتعاكس الولاد لو فى فعلا بنت بتعاكس ولد يبقى تستاهل اللى يجرى لها لكن مش معنى ان فى واحده منحله يبقى الجميع زيها
نورتينى
المعاكسة عمرها ما كانت فن
المعاكسة قلة ادب وعدم تربيه
وبما ان رايك تكملة راى تامر صلاح يبقى شوف ردى على تامر صلاح
تحياتى
ماهو لبس البنت مش اعلان على انها منحلة يا رودى
وكمان هما بيعاكسو اللى لبسها غريب بس دول مش مخليين
اهى المشكلة الكبيرة بقى فى النواصى دى ربنا يحرقهم ويريحنا منهم
نورتينى يا جميله
برضه يا ادم هقولك تااااااانى
هما بيعاكسوا اللى لابسه ضيق واللى لابسه واسع
واللى مش لابسه خالص
واللى متغطية من عر راسها حتى تحت الشوز بشوية
المشكلة ان مفيش تمييز
المشكلة انهم شايفين ان كل البنات حق مكتسب
انا بصراحة بشجع اوى اللى بتلف تتف فى وشه دى
نورتنى يا ادم
ويشرفنى زيارة مدونتك
والله الموضوع من قبل رساله امراة بكتير
ويمكن انا كمان عندى جروب على الفيسبوك بيتكلم فى نفس الموضوع اتمنى تشرفه
تحياتى
وعلشان هما مرضى نفسيين بيطلعوا مرضهم النفسى علينا
ربنا يرحمنا
تحياتى
المشكلة فى اللبس خالص
فى الستينات كان الحجاب مش منتشر بالشكل ده وكان اللبس مينى جيب وكت ومكانش فى الاخلاق الزبالة دى
دلقوتى لكل مواطن شيخ
والنقبات رايحه جاية فى الشارع والاخلاق تحت الصفر
تحياتى
وشرفتونى جدا بالزيارة
البنت اللى تعاكسك ابقى اديلها بالجزمة
ده اذا كان فى فعلا بنت بتعاكس
بالنسبة للصورة مش لذيذه
والولاد والرجالة اللى ماليين الشوارع وبيتحرشوا بالبنات فى الشارع هما اللى شكلهم لذيذ ؟؟؟؟
عمرك ما شوفت واحد اتحرش بواحده
طيب لما بتشوفه بتروح تقوله عيب انت كدا منظرك مش لذيذ
ولا بتقول وانا مالى وبتمشى ؟؟؟
تحياتى لحضرتك
انا مقصدش بكلامى اضايقك والله..
ومش عراف هاشوف الجروب ازاى...بس انا اسمى هنا هو اسمى على الفيس بوك ممكن تبعتيلى دعوة..وبجد مقصدش اضايقك..
لو كنت اعرف كنت استنيت شوية ومش عملته خالص
عموما يسعدنى زيارة المدونة
تحياتى
اولا اهلا ومرحبا بزيارتك الاولى للمدونة
ثانيا انا مقولتش ان البنات دول ملايكه ماشية على الارض
بس بقول زى ما فى فتاة ليل
فى كمان بنت محترمة
انما الغبى اللى بيعاكس او بيتحرش مش بيميز عنده كل واحد ومن حقه يتحرش ومن حقه ييقول اى الفاظ لاى واحده ماشيه او قاعده جنبه فى المواصلات وخلافه
عمر الاهتمام بالنفس ما كان للفت الانتباه او للمعاكسة
بدليل ان اللى بلتبس كويس بتتعاكس
واللى متغطية من ساسها لراسها بره بتتعاكس
شرفتينى يا جميل
نو نووووو
يا تايه الموضوع ده مش انا لوحدى اللى بتعرض له
ده الحلوة والوحشة وكلللللله مش عاتقين ولا سايبين حد فى حاله
تحياتى يا فندم
دى بقى كنت تضرها بالقلم او تعمل زى احمد حلمى فى ميدو مشاكل وتفرج عليها الناس وتقول بتمسك ايدى
يا فندم انا قولت قبل كدا زى ما فى بنات محترمات فى فتيات ليييييل
وفى اللى بتنزل تتسكع فى الشوارع وفى اللى بتنزل تلاغى فى الكافيهات وفى بلاوى كتير
بس ده مش معناه ان اى واحده ماشية فى الشارع بقى دى منهم ولا حق مكتسب
واظن الشاب اللى بيجرى ورا شهوته الحيوانية لو من غير ما يتحرش او يتهزأ هيعرف يوصل للاشكل اللى تشبه له ازاى
تحياتى
شرفت المدونة جدا
ويسعدنى زيارتك
الموضوع محتاج قانون
رادع لكل واحد ينزل علشان يقل ادبه
انما بالابحاث والندوات والمؤتمرات المشكلة مش هتتحل بدليل انهم فى ازدياد
تحياتى
ماهو بيبكون عنده نقص فى الشخصية وفى الاخلاق وفى الذوق العام
لكن للاسف الناس بسلبيتها بتشجعهم
هو الحل فعلا يا انجى كل واحده تاخد حقها بطريقتها
نورتينى يا جميله
طيب يا ممكن واحد بيتغزل فى حبيبته بكلمتين احنا مالنا يطلعوا يقرفونا فى الشارع
انت بنفسك قولت الستات اللى بتعاكس يكون حد تعرفه يعنى مش كل من هب ودب ولا واقفين على نواصى يتكلموا كلام سافل ولا بيركبوا مواصلات يتحرشوا بيهم
علشان كدا اتكلمت عن الظاهره من جانب الشباب والرجاله عموما لانهم مش سايبين حد الراجل بيكون متجوز ومراته جنبه وماشى خارم عينه فى الست اللى قدامه ده اسمه ايه ؟؟؟؟
نورتنى يا ممكن
تحياتى
ماهو علشان يعرفوا ان مش عاجبنا بقى المفروض اننا ندي اللى بيعاكس او بيمد ايده بالجزمة ما هو واحنا ساكتين عاجبنا
طيب خلاص بقى نستعمل القوة علشان تعرفوا انه مش عاجبنا
تحياتى يا كوكا
تعرفى يا انجى فعلا انا لما سالت واحد بقوله لو اللى بيعاك شاف اخته بتتعاكس هيبقى رد فعله ايه قالى ولا حاجه
قولت له ليه قالى ماهو انسان بارد وممكن اللى بيعاكسها تديله بالجزمة ويعاكس تانى
يبقى لما اخته تتعاكس هيكون عادى
والله يرحمك يا رجولة
تحياتى يا جميله
ومفيش اى رادع ليهم ولتصرفاتهم الخالية من الذوق والاخلاق
نورتينى يا جميله
متضايقه من ايه بس يا محمد
والله ما فى مضايقه ولا حاجه
انا بتكلم عن ظاهره اجتماعيه الجميع بيعانى منها
اذا كان اللى عايشين فى البلد على طول قرفوا من الظاهره دى ونفسهم فى حل ليها امال اللى جاى من بر ه هيعيش فيها ازاى
صدقنى والله انا كلامى كان عادى جدا
يمكن الاحساس ده وصلك لان حقيقى الظاهره دى مضيقانى جدا ونفسى فى حل حقيقى ليها
عموما ده عنوان الجروب
وطبعا هتشرفنى وتنوره
http://www.facebook.com/group.php?gid=16124942799
ها انا اعود واعقب على اسئلتك قطتى
من ناحية نظر الشعب المصرى فان اللوم يقع على عاتب الفتاه ليه؟
لان الكل بيفكر ان البت زى عود الكبريت والولد م هيعكسها الا اذا
كانت هيا اديته فرصه
بالنسبه للسؤال التانى
فى تعريف متفشى بين الشباب عن البنت اللى بتقف وبتشتم وبينقسم لنوعين
ان البنت فى حالة الرد المتساهل بتكون بتترسم او بمعنى اصح بتقدم للناس مظهر البنت المحترمه
والتانى ان البنت اللى بتد بقوة بتبقى متحرمه بجد وفيه ولاد بيتاسفوم للبنات
بالنسبه للسؤال التالت
لازم البنت تهتم بنفسهال ولكن فى حدود المسموح يعنى ملقيهاش ميقطه البنطلون زى الولد واكتر منه ولابسه بادى مبين ملامح جسمها كدا هيا بتدى فرصه اكبر ان الاولاد يتحرشوم بيها اكتر
اولا اشكرك جدا على الاهتمام والمتابعه يا محمد
بالنسبة لاجاباتك فالمشكل ان الناس بترمى على البنت المسؤلية كلها على اساس انها عورة
حتى وهى مش غلطانة
ده اللى اسمه جهل بعيد عنك
وكمان بيحللوا لنفسهم عدم التدخل ماهى اللى غلطانة حد قالها تخرج من بيتها
تحياتى
يافندم الف اهلا وسهلا بحضرتك
وبعدين عبر عن رايك براحتك وزى ما تحب
شرفت البلوج
بجد حسبى الله ونعم الوكيل فيكى
ربنا ينتقم منك ومن امثالك والنقاب اللى انتى بتشتمية داه اشرف منك واللى لابسينة كلهم التراب اللى بيمشوا عليه بعشرة من امثالك يا حقيرة