مصر من الجانب المشرق
اول ما دخلنا انا وابى فضلنا نتصور تحت النخلة دى ههههههه
ششششش اوعوا حد يقول ان اللى ماشية ترغى فى الموبايل دى قطة الصحراء اصل فى ناس هتعملها قضية مش يبقى بيانات وصور كمان نياهاهاهاها والله انا منزلاها مخصوص علشانها هههههههههه
روعة المنظر بالليل
نيجى بقى للسبب اللى انا منزله البوست علشانه
واحنا ماشين فى الطريق منظر الجبال حوالينا مرسومة بشكل لا يستطيع رسمه اعظم فنان
فى كل مكان بشوف جمال طبيعة بشكل مختلف عن المكان التانى
كل مكان بروحه وفى اى وقت بكتشف حاجه جديدة وجميلة ان بلدنا فعلا مفيهاش مكان مش حلو
ليه بقى احنا بنشوهها ... ليه احنا بنقتل اى حاجه حلوة موجودة فيها ... الأرض وبنبيعها ... نهر النيل وبنلوثه ... شوراع ومتبهدلة ....اثار وتايهه ومشتتة فى البلاد مش لاقيه اللى يلمها اه وحياة راس خالتى نفرتيتى ...
انا بوستى ده نداء لكل واحدة بتاخد العيلة وتروح على البلاج فارشة الملاية الكاروهات وحلة المحشى واخر النهار ترمى كل حاجه تحت رجليها وتروح ... ابقى اعملى لهم سندوتشات يا طنط هما مش هيموتوا من الجوع لو ماكلوش محشى فى اليوم ده .... اعتبريه بيتك وحافظى على الاقل على منظرة الجمالى
لكل واحد بيمسك فى ايده ورقة او منديل يرميه فى الشارع
لكل واحد يقطع شجرة او وردة او حتى ورقة من شجرة
واخيرا للسادة المسؤلين ارحمونا من بيع البلد بالمتر
والله بلدنا جميلة بس محتاجه نحافظ عليها
انا مش هقول احنا كنا فين ... لاء هو مش سر ولا حاجه بس انا عايزاكو انتوا تفكروا اصل اللى هيعرف ليه جايزة قيمة ولو عرفت الاجابة اتصل على 0900
الا الناس اللى اتصلت بينا علشان تطمن علينا لما مش شافونا اون لاين
هما عارفين نفسهم كويس بقى اللى هيقول فيهم هيتخحبط بقلة فى دماغه من قلل آآبى
كل سنة والجميع بخير
تعليقات
فنانه و الله
المهم انك قضيتي انتي و ابي يوم جميل مايتنسيش صح؟
كلامك و الله صح ياقطه بلاش يعني حلل المحشي في الجونينه و نحافظ شويه علي نضافه المكان
و بلاش بيع ارضنا حته حته كده لحد ماحنلاقي نفسنا بره البلد و التانيين ماسكينها ماهما خلاص حيتشروها بفلوسهم و ماعتقدتش حيخدونا علي البيعه و لا ايه رأيك ياقمر؟
الصور جنان ياقطه
مصر فعلا كل حته فيها ليها طعم و حلاوه و جمال و للأسف بنضيع وقتنا من غير مانكتشف الجمال ده كلو
كل اجازه و انتي بخير و دايما موريانا اللي ساعات مابنقدرش نشوفه من حلاوه مصر
:)))))
وكل سنة وانتم طيبن
اي بلد ممكن تكون جميلة بأهلها
لو لستنانى لحد ماالناس تفهم انها كده بتبوض البلد يبقى هنموت قبل مانشوف مصر جميلة وبس
لو جت على حلة المحشي في شم النسيم كنت هقول عادي
لاكن للأسف احنى كل يوم بنبهدل مصر
احنا محتاجين قوانين تتنفذ بجد
انا قضيت شم النسيم في اسماعلية لان ليا بيت هناك حقيقي كلها جناين
بسس ذعلت في عدم العدل في توزيع الجناين وأماكن الخروج على بقية المحافظات
تحياتي
مصر حلوة اوى بجد بس اللى يفهم و يقدر
بس فى مشكلة فى النظافة عند فئة كبيرة من الشعب المصرى
تلاقى الواحد من دول ماشى و سلة المهملات و الله جنبو وبرضو يرمى الورقة او الشئ اللى بيرميه فى الشارع
والمهم تلاقيهم كلهم بيقولو النظافة من الإيمان
المهم يا جميل اتمنى تكونى قضيتى وقت حلو
خالص تحياتى
:D
hope u always enjoying ur time ya m3allem :)
لما نشوووووووف
المهم
من حيث المناظر الطبيعية فى مصر
ففعلا بلدنا فيها اجمل اماكن سياحية طبيعية فى العالم خاصة البحر الاحمر
حاجة فوق الخيال
تحياتى وتقديرى
1- كان فى بحر وجبال يعنى اكيد كنتوا ناحية الشرق فى الخريطة طبعا ...سينا والحتت دى يعنى ...او ناحية الغرب مش مشكلتنا دلوقتى دى
2-فى الصورة الاولى كان علم مصر متعلق ...يبقى اكيد كنتوا فى مصر ودى مش عاوزة فقاقة يعنى...الجديد بقى ان كان متعلق جنبها علم ...وطبعا بذكاء شديد ....جداااااا...عرفت انه يبقى علم المحافظة
وبقالى ساعة بدور على المحافظة دى مش لاقيها
3- بقى وده الاهم اسم الهوتيل اللى انتى مصورة الصورة الاولى ادامه وبرضه بدور عليه بقالى ساعة على النت مش لاقيه
انتظرونا فى الحلقة القادمة بقى على اما اكون عرفت انتوا كنتوا فين
سؤال محيرنى:
س.فنادق ايه اللى كومبليت ...الصور يابنتى مفيهاش حد خااااااااااالص ... ده انا حاسس انكوا كنتوا فى فيلم رعب
تحياتى ليكى
سلام
اتمنى انك تكونى قضيتى يوم سعيد انتى وابى
و بلدى بحبها كل حتة فى بلدى
و الله العظيم انا لسانى تعب من كتر ما قلت يا جدعان كل واحد يبدأ بنفسه يا جماعة فى حاجات صغيرة اوى لو عملناها بجد حتفرق
يا جماعة و النبى عشان صحتى انا و البنية الغلبانة صاحبة المدونة دى..كل واحد يخليه فى حاله و يعمل اللى يرضى ضميره و مالوش دعوة بجد دا حتى النظافة من الايمان يعنى
dome marina hotel
اللي في العين السخنه
دورت و لاقيت انه ممكن يكون هو
ها فوزنا و لا لأ؟؟
ولا اجدع زبال ههههههه لا بجد راحه نفسيه هايله على البيتش وكمان فيه مشاريع جديده تحفه شكلى هقول على المكان ههههههههه
هبعته لكي على بلوج سبوت والله لاقوله انتي اللي ماسكع فيه بقى وانتى حره يجي يقف لكي على باب المدونه ولا يقول الفرق بينى وبينك ههههه للناس اللى عندهم عمي الوان فى تفرقتنا من بعض مش شايفين انتى قصيره اوزعه وانا نخله ازاي اقول لك ننزل صورنا ونقول طلع 1000 فرق والله هيبقوا اكتر هههههههههههههههه
حبيبتى اجندة اليوم فعلا كان جميل جدا
الجو هايل والمناظر روعة
انا كنت بفتكر لما كل واحد بيكون جاية له ضيوف بيروق بيته وينضفه فى انتظارهم واحنا بنروح نشوه الشواطئ والجناين والاماكن الجميلة اللى فى بلدنا طيب ما كل واحد يعتبر انه جاى ضيف بعد شوية ويحافظ على نظافة المكان اللى هو قاعد فيه وساعتها هنقدر نستمتع جدا بجمال بلدنا حتى لو كان شط ترعة مش بلاج
نورتينى يا قلبى ودمتى بكل حب
لو اعرف كنت جيت اخدتك من البيت كمان
تتعوض فى المرة الجاية يا جميل
كل سنة وانتى بكل بخير
وكل سنه وانتي طيبه يا قمر
والله لو كنت اعرف كنت جيت ليكي انا ونور بنتي نقولك هابي بيرزدي
ملحوقه ان شاء الله
المكان يا العين السخنه يا راس سد
مشوف اجابتي صح ولا لاء
كل سنه وانتم طيبين
تحياتي
رودي
والله اى مكان فى بلدنا مهما كان بسيط بحس انه جميل بس المهم يبقى نضيف
تعرف يا دكتور انا لما بدخل اماكن شعبية بحس ليها بريحة مميزة كلها اصالة وبحس فيها بالزمن الجميل
ربنا يبارك فى بلدنا وياخد حكومتها
قول يارب يا دكتور علشان نروح مارينا سوا ما اروحش لوحدى
هههههههههههه
تحياتى
لاء مش الغردقة يا رانيا
محمود عارف
ههههههههههه
انا لما بشوف المنظر ده بتخنق وتلاقينى ماسكة فى خناق اللى بيعمل كدا حتى لو مش عارفاه
افضل اقوله ده منظر غير حضارى من فضلك شيل الورقه وارميها الباسكت
ودائما تبوء محاولاتى بالفشل
بس اهو ادينا بنحاول لعل وعسى ربنا يهديهم
تحياتى ليكى يا جميلة
وتصوير رائع
اهم حاجة ان اليوم كان جميل
وانكم قضيتة يوم حلو
المكان مش خقول بقى
الا لما اعرف مين هيقول
واعرف منة ههههههه
تحياتى
مش راس سدر يا مونى
ان شاء الله نقضى اوقات احلى لما تيجى بالسلامة يا قمرى
تحياتى
ااااااه
منظر الغروب ده ساحر بجد
والله زوقك عالى فعلا يا هوندا
تحياتى ليكى يا جميلة
برافو عليك
كسبت معانا جايزة وهى لما تروح اى مكان فيه مناظر طبيعية تصورها وتنشرها لنا فى البلوج بتاعك ويبقى كدا بنتفرج كلنا على معالم مصر من خلال عيونا احنا وفى نفس الوقت بنعرف عليها غيرنا
ايدك بقى على 2 جنيه فكه
ههههههههه
تحياتى
تحياتي
تتخيلي كمان الصحراء إلي هيا رمل وحجاره بس ليها جمال خلاب، وش ممكن تلاقي الجمال دا في أي حتة تانيه
كل واحد مش بس لازم يحافظ علي النظافه في الأماكن السياحية بس، النظافه بتبداء من جوه البيت وقدام البيت والشارع إلي ساكنين فيه والشوارع كلها، وفي السينما والمول والنادي وكل حاجه. لازم الواحد يعرف غن الورقه إلي بتترمي في أي حته ولو صحره ليها تأثير ضار علي البيئه والبلد كلها، لو مكانش النهارده حيبقي بعد 10 والا 20 سنه
تحياتي ليكي، وأرجو إنك تكوني إستمتعتي بالطبيعه
خلاص بقى متتعبش نفسك
الاجابة وصلت
الفنادق كانت كومبليت اللى سالنا فيها
وبعدين انا كنت بختار الاماكان اللى مفيهاش ناس
هصور الناس ليه انا عايزه اماكن مش بشر
دور براحتك يا سيادة المحقق
ونحن فى الانتظار بس مش تغش من الاجابات الصحيحة
تحياتى
المنظر على الطبيعة اجمل من الصور طبعا بكتير
وسعيدة جدا انكم استمتعتى بالصور
محبتى يا جميلة
انت لو اتكلمت اغتالك
انت بالذات غير مسموح لك بالحديث فى هذا الموضوع
الهى ربنا يكرمك ويخليكى يا دينا انتى اللى حاسه بيا
الواحد يا اختى لسانه ورم من المهاتية فى الكلام ده
ومحدش بيسمع الكلام
مش بيحبوا يرموا الورق غير فى الشارع
عايزين نحافظ على بلدنا شوية بقى
محبتى ليكى يا قمراية
طبعا فوزتى باكتساح
هى فعلا العين السخنة
يلسم لى عقلك وتفكيرك
محبتى يا قمراية
مش ينفع يا هانم الناس الىل كانت موجودة تقول ولا تتصلى بصديق لان برضه الاصدقاء اللى اتصلوا عارفين
احنا محتاجين الجمهور
هههههههههههه
انتى منظرك وانتى بتلمى المناديل من على البيتش كان محتاجه صورة كبيييييييرة وتتحط فى ميدان التحرير علشان كل واحد يفكر يرمى حاجه فى الارض نقوله روح شوف ابى فى ميدان المعركة قصدى التحرير يعنى وتبقى قدوة بقى لكل واحد تسول له نفسه يشوه منظر البلد باى وسيلة من الوسائل
ابعتيه يا حبيبتى ده يشرف ويانس وينورالناس اللى عندها عمى الوان دى خيالها مريض بيهيأ لها حاجات غريبة اوى بصراحة
ده ناقص يتقال كل الناس اللى عاملة مدونات تبقى انا وطول النهار اكتب مواضيع وارد على نفسى بقى وحاجات كدا
ربنا يشفى
الحمد لله ان فى ناس عارفانا شخصيا احنا الاتنين
نفضى يا حبى ده اللى بيتقال ده كله هراء
يا حبيبتى احنا لسه فى شهر 4 يعنى ممكن تشرفينى فى اى وقت وكمان نفسى اتعرف على الانسة نور خطيبة اخويا وحبيبى سووو
والمكان يا حبيبتى يبقى العين السخنة
كل سنة وانتى ونور وكل اسرتك باسعد حال
تخيل أنك أصبحت رئيسا للجمهوريه :
1_أول خمسة قرارات ستأخذها .
2-من هم أول خمسة وزراء ستعزلهم فور توليك مقاليد الحكم.
3_ما هى أول خمسة أماكن ستزورها عندما تصبح رئيسا للجمهوريه.
4_كون جمهوريه لنفسك ومن وزير الداخليه ومن وزير الخارجيه ومن وزير العدل ومن وزير التربيه والتعليم ومن وزير التعليم العالى (سواء من أصدقائك أو أقاربك).
5_من هم أول خمسة رؤساء ستقطع معهم العلاقات الدبلماسيه.
6_من هم أول خمسة دول ستنول عطفك واهتمامك ومساعدتك "باعتبارك دوله غنيه"
ان شاء اله يا مايكل
اليوم كان جميل فعلا يا تامر والجو كان رائع
المكان خلاص اجندة ومدحت عرفوه
هههههههه
تحياتى
الجايزة رقم 3 معانا وحضرتك تصور لنا الاماكن اللى عندك الطبيعية وتوريهالنا وادينا بنتعرف على طبيعة البلاد التانية والطبيعى يكسب على راى الفيلسوفة الكبيرة يسرا
بالظبط كدا استاذنا النظافة بتبتدأ من داخل البيت
بلدنا بصحاريها بشوارعها بالامكان الساحلية كل حاجه فيها جميلة جدا لبس محتاجة مننا اهتمام شوية
احترامى وتقديرى
تاااااااايج وايه الاسئلة اللى تودى على لاظوغلى طوالى دى
تحاليلى يامامى
انا مش اقدر ارفض لك طلب ياباشا علشان كدا هجاوبه بس اوعدنى تجهز لى محامى من النهارده لاء دستة محامين
تحياتى
تصدقى اسم المدونة بتاعتك فيه كريزما خاصه كدا
ههههههههههه
نورتى
شواطىء السويس وجمالها
العين السخنه ومناظرها الجميله
وانا اقول بلدنا نورت ليه ؟
لا احلى و اخر روقان
خروجه مووووووز
مووووووز
مووووووز
الحمد لله ان اليوم كان جميل
اما بالنسبة للملاية الكاروهات
دا بسبب الشواطئ المجانية
احنا شعب مش بيجى الا بالعين الحمرا
و الله لو بقى الفرد مثلا ب 5 جنية
اراهن ان المحشى حينقرض
و الحلل حتختفى
لان اللى حيدفع 5 جنية للفرد مش حيستخسر يعمل سندوتشات
انا لما بروح البحر انا من اسكندرية
بشترى سندوتشات من عند جاد
مع ان البحر قريب من بيتى
حتى السندوتشات ولدتى مش بتعملها
بنشتريها
يا ريت الناس تقدر ان المنظر فى الاول و الاخر راجع لهم
موضوعك جميل
و بطلى رغى فى الموبايل
سلامى ليكى
و كلامك فيه كل الحقيقة ...إحنا بنبهدل الأماكن الساحرة دى طبقا لنظرية الفوضى و بقايا الهجمية المترسبة فى اعماق المصريين عموما عشان كدا فى أغلب الدول العربية طالع عليهم سمعة موش لطيفة خالص و دا ناتج عن العبثية و الهرجلة اللى بتعامل بيها المواطن المصرى عموما خارج وطنه فما بالك بداخلها
و ربنا يحرس البلد دى بجد عشان أهلها نصهم موش قادر و النص التانى موش عايز
تحياتى يا قطتى الحلوة
وبالذات الصور اللي في الاخر .
كل ربيع و انت بألف خير
و تتفسحي كده كل سنة في انحاء مصر المختلفة و تصوري لنا الاماكن الجميلة دي
مرة برضه شوفت موقع بيتلكم عن الاماكن الجميلة في مصر برضه اتكلم عن المناطق بتاعت الملايات الكاروهات و حلل المحشي
بس الهدف منه انه يعرفنا على الاماكن الحلوة اللي في ناس مش عارفينها مع انها جنبهم ليل نهار
كان فيه للحديقة اليابانية و لا باينها الصينية مش فاكره اوي المهم ان فيها اماكن حلوة و الصور كانت رائعة فعلا
عارفه في ناس مهما قلتي لهم ان مصر فيها اماكن جميلة برضه مش هايغيروا رأيهم لان مخهم قفل على كده و ماعندهمش استعداد يشوفوا حاجه تانية غير السلبيات و بس
و مع المناشدات بتجنب النوعية دي من السلوكيات موجودة من زمان الا انها مستمرة لغاية دلوقتي و كأن الاجيال المختلفة بتتوراثها عن ابائهم و هكذا من غير نهاية
اثار مصر اللي بره دي انا بدأت احس اني مش هاشوفها على ارض مصر تاني خلاص
لان متابعتنا لمطالبنا بإسترجاع الاثار دي ضعيفة جدا و التمثيل سيء في المطالبة دي
مش معقول تبقى الدنيا كلها عارفه ان دي اثار مصرية يعني ملك لمصر و برضه مش قادرين اننا نرجعها مع انها حقنا
لدرجة اني بدأت افكر ان ممكن اللي بالي بالك بيأجروا الاثار دي للبلاد اياها و بياخدوا الفلوس في كروشهم
يعني اودام البيت الابيض موجود مسلة مصرية بيقول عليها هناك ابرة كليوباترا و مع ذلك مارجعنهاش تاني هنا
يعني المسلة دي علم من اعلام واشنطن و اما تشوفيها في الشارع من بعيد تعرفي ان الناصية الجاية البيت الابيض و برضه ماطلبناش بيها حتى
قلت يمكن مش بتاعتنا بقى و هم اللي بنوها هناك
لكن ارجع و اقول ان تمثيلنا في مطالبتنا بحقوقنا في استرجاع الاثار دي ضعيف جدا
المهم بقى انك تكوني استمتعتي برحلتك الجميلة سواء مع الصحبة الحلوة او الاماكن الجميلة دي
ممممطيب ممكن اقول ان المكان ده في العين السخنة
كل سنة و انتي طيبة
اولا كل سنة و انتم جميعا طيبين...
ثانيا: متهيألي ، و الله أعلم ، ان المنظر و الفندق في العين السخنة.
ثالثا... اضم صوتي الي صوت حضرتك بأننا يجب ان نحافظ علي نظافة بلدنا
و جمالها.
أخيرا...اشكرك انك أشركتينا معاك في
رؤية جمال الطبيعة...المصحوبة بتعليقاتك المرحة الجميلة
تحياتي و عقبال المرة القادمة ان شاء الله.
دمت بالف خير
(اسير الجراح)
كل سنة وانتو طيبين وشم نسيم سعيد
وطبعا بلدنا جميلة قوى
وفيها اماكن خلابة
المهم مش كان يوم جميل
وايه رايك فى المحشى كان جميل
ههههههه
0900 مش بيرد
هو انتو كنتم فين
بلاش يا ستى القلل بتاعت ابى جامدة
وخالتى فرنسا قامت بالواجب
هههه
تحياتى
الصور جميله وكلامك اجمل
ياريت يوصل لكل واحد مش واخد باله انه بحسن نيه او جهل بيشوه اجمل بلاد العالم .
اما عن سؤالك بيتهيألى انك كنتى فى العين السخنه ولو ان برضه فيه كام صوره فكرونى بالغردقه بس الارجح العين السخنه . دمتى بخير
خالص تقديرى وتحياتى
rovy
بلدكو منورة باهلها يا جميل
السويس فعلا بلد جميلة
والشواطئ عندو هايلة
ايه رايك بقى تيجى نبدل نعيش مكان بعض يومين بس
هههههههه
نورتينى
مع أنى مش باقدر أصيف غير أواخر الصيف علشان شغلى
إيه المناظر التحفة دى
دا انتى طلعتى فنانة كبيرة
إدعيلى بقى أصيف بدرى السنة دى
سلام يا جميل
هههههههههههههه
بص يا اسلام احنا اى مكان غريب بنحترمه وبنحافظ عليه لان فى قوانين هناك بتطبق على الوزير والغفير
انما بنيجى عند بلدنا ونتفنن فى الاذية
ان شاء الله صيف سعيد عليك ياباشا
كل سنة وانت بخير
اللهم امين يا ام يوسف بنا يحفظ بلدنا ويرحمها من اللى بيشوهها سواء من الناس الكبااااار
ولا مننا احنا
تحياتى يا جيملة
ميرسى يا زيكا
نورت
يا قلبى بلدنا انا بحس فى شوارعها بالفة وبحس ان ليها ريحة مميزة فى اى مكان فى الجمهورية عمرى ما حسيت انى بعيدة وممكن اروح اى مكان فيها لوحدى والف براحتى وبحب اوى استكشف الاماكن ولو حاجه لفتت انتباهى لازم اصورها مش عارفه ليه ... بالنسبة للمسلة احنا منقدرش نقول حتى دى بتاعتنا دى عند ماما امريكا وانتى عارفه ماما بقى راس خالتى نفرتيتى كنا بنقول عايزينها تادية واجب ... يعنى علشان يبقى اسمنا طالبنا بيها وخلاص حاجه كدا تحصيل حاصل
البلد فعلا العين السخنة
واليوم كان رائع ... وان شاء الله لما تيجى مصر بالسلامة نعمل يوم لاى مكان انا وانتى واجندة وابى وكل صحبنا
نورتينى يا صاحبة اجمل عقل فى الدنيا
محبتى
فعلا يا فندم المكان العين السخنة
انا اكتر ما لفت انتباهى الجبال
منظرها بديع حقيقى
دمت بكل خير
وكل عام وحضرتك بالف خير
احترامى وتقديرى
بس انتى عارفه احنا عاملين زى العيله اللى ساكنه فى بيت جميل و شيك و متكلف و اهل البيت مش بيحافظوا على نضافته ..فالزوار يالتالى همه كمان مش بيحافظوا...فالبيت بيبقى مزبله بعيد عنك....
اشكرك جدا اسير الحزن
نورت البلوج
تحياتى
محشى يا خاااااااااالد
يبقى انا بتكلم على حلل المحشى تقولى المحشى كان حلو
حد يشيله من قدامى
هى فعلا العين السخنة
اشكرك جدا
تحياتى
اى خدمة يا باشا انا قولت لازم اغيظك علشان تروح تصيف تنفض لكل حاجه وتترفد من الشغل
هههههههههههه
بهزر طبعا
انت حاول تاخد اجازة سريعه وتروح تصيف وابقى قولى مكانك فين بالظبط علشان ابعتلك القطط بتاعتى
تحياتى
بالظبط كدا ده اللى بيحصل
احنا محتاجين شوية وعى علشان نقدر
نحافظ على منظر بلدنا
تحياتى
معلش بقالى فتره مبدخلش بس دخلت اهو
تسلم ايدك
تحياتى ليكى سومه_87
جيتى نورتينى يا قمر
تحياتى
بلدنا حلوة أوي يا سيد عادل، صدقوني يا جماعة، بلدنا حلوة وتستحق !!!!!0
وهي فعلا حلوة وتستحق !!!! 0
عميق تحيتي وخالص مودتي