الجميع يحضر وفى ايده هدية


**********************************************************

بيــــــــــــــــــــان هاااااااام





فى الخامس والعشرين ابريل من كل عام تحتفل الجمهورية المصرية حكومة وشعباً

طبعاً طبعاً بعيد ميلادى

قولوا هيييييييييييييه


وبهذه المناسبة القومية والعالمية اللولبية اللوزعية

قررت اعطى الشعب المصرى كله اجازة رسمية

علشان يقعدوا قدام التلفزيون يسمعوا الخطاب اللى بيلقيه الريس برضه بمناسبة عيد ميلادى

ولو زهقوا من الخطاب اللى محدش اصلا بيسمعه ... وفكروا يغيروا القناة هيلاقوا الاغنية الخالدة بهذه المناسبة برضه عيد ميلادى يا اللى من البحيرة ويا للى من اهل الصعيد

يا اللى من العريش الحرة او من بور سعيد وهكذا ذكر محافظات مصر محافظة محافظة ليهنوا بعضهم جميعا بمولدى المهيب

طبعا انا مش حرمتكو من حاجه اجازة واخدتوا اغانى وسمعتوا خطابات والريس بنفسه طلع القاه يبقى محدش يجى غير وفى ايده هدية وعلى السادة المقيمن خارج جمهورية مصر العربية برضه اخد اجازة انا ماليش دعوة وبرضه الهدايا بتاعتهم توصلنى اللى معاه العنوان يبعت دى اتش ال .. و اللى مش معاه يبعت حوالة بنكية وانا اتصرف ... ده انا بدأت لكو بمسلسل الاجازات

اولا عيد ميلادى ومحدش يقول تحرير سينا لان الدولة هى اللى اتمحكت فيا وعملته تحرير سيناء وانا مالى

وكمان 28 /4 شم النسيم

و 1/5 عيد العمال

وبما ان انا افتتحاية الاجازات يبقى الهدايا تبقى مضاعفة


ودلوقتى يسعدنى ادعوكم لحضور الحفل الساهر حتى الصباح الباكر

تعليقات

‏قال همس الاحباب
هههههههههه
كل سنة وانتى طيبة وعقبال 100 سنة
وبرده نقضيها اجازات
علشان خاطرك يا قطة
وطبعا انا سعيد بصداقتك جدا
وكل سنة وانتى اختنا وصديقتنا المحبوبة
تحياتى
خالد
‏قال جيهان علي
السلام عليكم ورحمة الله وبركاته

كل سنة وانتِ طيبة وبخير
وعقبال مليووووووون سنة

:)
‏قال nody
كل سنه وانتى احلى واجمل
قطه فى العالم
عقبال ما انتى الى تطلعى تلقى علينا الخطاب
‏قال غير معرف…
كل سنة و إنت طيبة
‏قال عبده الرايق
كل سنه وانتى طيبه يا قطه
وانا من ناحيتى اتبرع
باغنيه من تأليفى وتلحينى وغنائى
تقول الاغنيه
ياقطه كل عام وانتى طيبه
واحنا طيبين
والشارع كله طيب
والحوارى والميادين كلها طيبه
شكرا
لاداعى للهتاف
لاداعى للتصفيق
انا جاى اعمل الواجب وبس
‏قال غير معرف…
كل سنه و قطتنا الشقيه بخير و عقبال بليون سنه ياقمر

ايه الجمال ده؟

دايما منورانا ياقطه و يارب دايما سعيده و ناجحه و محققه كل اللي نفسك فيه و زياده كمان

كل سنه و انتي طيبه ياقمرايه
كل سنه وانتى طيبه يا قمره مره كام ااقلها مش عارف بس اكيد طبعا تستاهلي التهائنى دى لانى الاحترام يقابل بالاحترام
‏قال Unknown
كل سنة وانتى طيبة
وميرسى على رصيد الاجازات الهايل بس مش خايفة تروحى تصيفى فى شرم مع اسراء
اصلهم مش لاقيين حد يروح معاها

تحياتى
‏قال Tamer Nabil Moussa
كل سنة وانتى طيبة

عيد ميلاد سعيد ياجميل


ربنا يحقق ليكى كل احلامك

سنة حلوة عليكى


تحياتى
‏قال wanna b a physician
كل سنة وانتى طيبة يا قطة
نيااااااااااااااااااااو
وحياتك عايزين اجازة يوم 31 ابريل كمان و 29 ابريل مش عارف ليه بس عايزين اجازة وخلاص
وعشان خاطرنا ترفعى المرتبات شوية
وهنتقل عليكى هاتيلنا عيش معاكى
اما الهدية هنحاول والله
تحياتى وكل تحرير سيناء وانتى بخير
عيد ميلاد سعيد .. يا سيناء
هههههه

عيد ميلاد سعيد يا اجمل قطة

كل سنة وانتى الى الله اقرب وانقى واطهر
يارب

تحياتى
‏قال فرنسا هانم
كل سنه وانتى طيبه يا اغلى قطه
انا مستعده اجيب هديه محترمه
ومطرب ومطربه محترمين
وبلاش المغنى اللى اسمه الرايق ده
دى تبقى فضيحه عالميه
‏قال Mafrousa
يالا حالا بالا هنو ابو الفصاد حيكون عيد ميلاده الليله اجمل الاعياد...فهنو ابو الفصاد...ترالملم ترالملم
كل سنه انتى و ولاد اختى طيبين..اصلهم برضه بكره..بس همه حيتمو 8 و انتى ياقطقوطه...كل سنه و انتى طيبه .....
يمكن الاخت مفقوعه تتاخر شويه .. اصل فى واحد ساب تعليق عندها نرفزها...فبترد عليه..و الله انا خايفه تلغى المدونه ديه مجنونه و تعملها ... سلام يا قطه و كل سنه و انتى بالف خير
‏قال Unknown
هاي

انا اول مرة هنا وشفت العزومة متعلقة في كل مكان فقلت لازم اجيب الهدية علشان اخد اجازة وباتمنالك عيد ميلاد سعيد ويارب تحتفلي بيه في كل سنة مع كل احبابك واصحابك وعقبال ال100 سنة
كل سنة وانت طيبة وبالصحة والسلامة وعيد ميادك فى توقيت حلو اوى وياريت تورتة بالكريمة ومعاها حتة بيتزا
‏قال son's egypt
السلام عليكم
كل سنه وانتي طيبه
وعقبال 100 سنه
‏قال DoctorAllam
مش حقول كل سنة وإنتي طيبة ولا حجيبلك هدية ولا أي حاجة
خلاص كل شئ إنكشفن وبان
بقى كتبتي أسماء نص شعب المدونين وأنا لأ ؟؟؟
يلا مش مشكلة بنتنا الصغنونة ولازم نستحملها
كل سنة وإنتي بخير وفي أتم صحة وأحسن حال ياقمر وعقبال مليون سنة زي الديناصورات كده
وعاوز بقى التورتة بتاعتي والجاتوهات بالشيكولاتة ، أو يفضل حقي ناشف
والمرة الجاية تكتبي إسمي أول واحد
‏قال Empress appy
هههههههههه هتهزري انت بتغني ليلدي العريش وعاوزه هديه
اه تصدقي المفروض ههههه
كل سنه وانتى حلوه الا انتى هتمي كام وتسعين سنه ههههههه
قولى واعترفى بقى
كل سنه وانتى طيبه يا قمر
‏قال موناليزا
كل سنة وانتى طيبة وهديتى حاجة بقى هتجيبلك باذن الله ثواب كبيير اوى
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
‏قال Migo Mishmish
كل سنه وانت طيب ياجميل وعقبال الف سنه معلش انا لسه عارف النهارده انا ومشمش ..هاجيبلك كام فار هديه معانا المره الجايه ..وهانعملك احتفال فى البلكونه مع الناس والجيران معلش هى البلكونه ضيقه بس تساع من الحبايب الف ..كل سنه وانتى طيبه ياقمر ونفرح بيكى يارب ونشرب شربات فرحك ..ونشوفك فى بيت العدل وتعملي مدونه زى بتاعتى انا ومشمش وتخلفولنا مدونين ومدونات صغيرين
‏قال shreen
كل سنة وانت طيبة
يا ارق واشجع قطة

ربنا يا رب يسعدك ويحقق لك كل اللى بتتمنيه

وما تحرميناش من تحقيقاتك الصحفية الجريئه

و
happy birthday to you

معايا جاتوة
بس مش عارفة اوديه فين

انت عندك كتير.. وشكلى جاتوهى زى قلتة بقى

:)
‏قال shreen
اة على فكرة احقاقا للحق
انا عرفت من الربان
عيد ميلادك

كل سنة وانت طيبة تانى
‏قال Dr. Diaa Elnaggar
عزيزتي قطة الصحراء

يا ستي عقبال عمر سيدنا نوح زي ما والدتي دائما كانت تتمنى لنا في أعياد ميلادنا !!!!0 وأنا سمعت الكلام وخدت النهارده أجازة بما أنني من المقيمين خارج حدود الوطن حاليا. كل سنة وانت طيبة والعقل ومصر بكل خير !!!!!!0

بالمناسبة أنا كمان من مواليد شهر أبريل بس سابقك بعشرة أيام، لكن بكام سنة، خليها سر بيني وبين نفسي !!!0
عميق تحيتي وخالص مودتي

ضياء
كل سنة وانتي طيبة يا قطة

وسنة سعيدة عليكي وبمشاكسات اقل

تحياتي
محمد
يارب السنة اللي جاية تكون احلى من اللي فاتت وتحققي كل اللي نفسك فيه واللي بتتمنيه يا نانا
كل سنة وانتي طيبة
:)
‏قال MAKSOFA
كل سنه وأنت طيبه ياقطه ----مواليد برج الثور أحلي مواليد في الدنيا لأن بنتي منهم وآه منهم لما يغضبوا ويزعلوا الحياه معاهم موش بمبي أبدا
‏قال Asmaa mahaba
يعنى انا وانتى برج واحد هى شكلها ضاربه كل سنه وانتى طيبه الاسبوع دا عيد ميلاى وعيد ميلادك وعيد ميلاد بابا وبنت خالتى واعز صديقاتى خخخخخ اسبوع احتفالات
قطه على فكره احنا امبارح اكلنا تورته بابا فين تورتتك
وحسالك سؤال رغم البنات ميحبوهوش تميتى كام يا قطه؟؟؟
كل سنه وانتى طيبه
وانا حطلع جرى قبل ما اتحدف بقله ولا حاجه
تحياتى ليكى سومه_87
‏قال قلوب بتغنى
يلا حالا بالا حيوا ابو الفصاد
كل سنه وانتى طيبه يا احلى قطه
وحشتينى
بعتذر عن التاخير
كل سنه وانتى بخير كمان مره
‏قال Heart Beat
Dear Desert Cat

كل سنة و انتي طيبة و عقبال عمر طويل مديد مليء بالسعادة يارب

بعد اذنك انا هاخد حتة من التورتة عشان شكلها حلو

و ماتنسيش تيجي تطفي الشمع في التورتة بتاعتك عند اجندا

كل سنة و انتي طيبة
ربنا يسعدك دايما و يبعد عنك المعلقين اللي دمهم تقيل
‏قال ملك الكبدة
كل سنة و انتي طيبة

و افتكر السنة الجاية هتكوني عديتي القرن بشوية و على فكرة ابي بتجاملك بتقولك حاجة و تسعين ماتصدقيش المجاملات دي و عادي يعني انتي مش اول واحدة تعدي ميت سنة و عقبال القرن التاني

هديتي ليكي ياقطة
هديتي ليكي ياقطة

هديتي ليكي ياقطة

هديتي ليكي ياقطة

هديتي ليكي ياقطة
هديتي ليكي ياقطة
هديتي ليكي ياقطة
هديتي ليكي ياقطة


اه

علبة لبن من اللي بيقولو عليها نص كيلو و هية 400 جرام و برضه بيقولوا عليها لبن و هية بودرة سيراميك

ايه رايك بقى في الهدية

اي خدمة
‏قال Zika
كل سنه وانتي طيبه
‏قال Unknown
كل يوم ولحظة وانتى بخير وبتنونوى احلى نونوة
‏قال هوندا
كل سنة وانتى بخير وإلى الله أقرب :)
‏قال محظوظة
ياخبر فاتنى التوتة وطفى الشمع

ما اليش دعوة هاتى ليا 50 شمعة عشان اطفيهم ليكى

ههههههههه

عام سعيد عليكى ياقمر


كل سنة وانتى بخير وصحة

تحياتى
‏قال dina
هههههههههه
كل سنة و انتى طيوبة يا رب و بألف صحة و خير..و على فكرة و الله عيد ميلادك اهم يا بنتى بلا خطابات بلا اجازات بلا كلام فارغ...دا انا لسا واخدة بالى النهاردة ان امبارح كان عيد تحرير سينا
عقبال 123456486341 سنة يا رب
‏قال صحفية روشة
كل سنة وانتى طيبه وعقبال ما اشوفك وانتى عندك طقم سنان
____________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية
____________________________
ميفوتكش البوست الجديد (اوزه سينى هدوم اروسه)
‏قال Unknown
كل سنه و انتي طيبه يا قمر عقبال 123 سنه تنونوي و تخربشي فيهم براحتك
المفروض يبقي عيد قومي لمحافظة الشرقيه
كل سنة وإنتى طيبة يا قطتنا..بس أنا ماعرفش عيد ميلادك...يعنى لا ملامة عليا..وعموما أنا معزوم طبعا وحاستنى أكبر حتة جاتووووووووه....أصلى باحبه أوى..بس من عند (لابوار)غير كده مش عايز ...واهو (لابوار)على قدى...ربنا يخليكى وسطنا وإنتى دايما طيبة..
كل سنة بتمر عليكى
ربنا للخير يهديكى
ووسطنا رب يخليكى
وإحنا دايما احلى اصحاب
وإنتى أحلى وأجمل قطة
لا تقوليلى خروف ولا بطة
وادينى جاى ومالى الشنطة
إفتحيلى اوام البا......إيه رأيك بقى فى هديتى؟؟؟؟
‏قال mostafa rayan
كل سنة وانتي طيبة يا قطة
وعقبال الأحتفال المئوى ....يعني هو النادي الأهلي احسن منك في حاجة
كل سنة وانت طيبة مرة تانينة
‏قال Eldebug
الظاهر ان كل الستات العظيمة اتولودوا فى اليوم ده ....معلش انا اتاخرت بس لان ماكانش ينفع اقولك كل سنة وانتى طيبة قبل مااقولها لاكتر واحدة بحبها وهيه عيد ميلادها النهاردة برضه ...معلش بقى دى تفرقة عنصرية بس برضه علشان متزعليش ....الست دى تبقى امى

شفتى كنت هنسى برصه اقول كل سنة وانتى طيبة
‏قال elsa7era
كل سنة واتى طيبة ياقمر
انا عارفة انى اخر وحدة اقولهالك
بس انا عندى اول وحدة زى اخر وحدة
السنة الى جاية ياري تكونى احلى من السنادى بكتييييييييييييييييييييييييييير
‏قال hui mu han
كل سنة وانت طيبة
بس هو الامتحانات برضه تبع الهدايا

ولا ده عيد ميلاد الريس
‏قال ftafeet
ايه ده اغيب عن النت يومين القاى عيد ميلادك اتعمل من غيرى

كل سنه وانتى طيبه وعقبال1000000000 سنه ياقمرايه

هديتك عندى اول ماانزل

نوناااا
‏قال صوت من مصر
كل سنه وانتى طيبه والسنه الجايه تبقى وزيره او اى حد من الحكومه يعنى عشان عايز واسطه
‏قال Empress appy
نيهاهاهاها سبت لكى تعليق فى البوست اللى فات
البنزهير اشتغل اتسحلت امبارح ههههههههههخخخخخخخخخخخ

بجد دايما فضحانى على الفضائيات كده ومسيحه ليه ارحمنى يا اوختى بقى والله ككنت مرعوبه وانتى شيفانى كنت منكوشه ازاى فى الشكل واللبس بس عدت وحسيت الصباغ اول ما شافنى بطوله ده هيجرى ورايا فى الشارع بس رحت بقلب جامده قولت لهم ايييييييييييييييه عيد ميلاد ابن اختى وعيد ميلاد صحبتى هى اهم مقولكيش المخرج كان مؤدب وتمالك كل اعصابه هو والجيران كمان ههههههههخخخخخخخخخ
كل سنه وانتى طيبه وجميله يا قمر وان شاء الله الموضوع لما يتذاع هنزل بوست علشان تشوفونى وتضحكوا عليه نيهاهياهاهاها
بجد كنت مبسوطه قوى وانتى وسووو وخالود اهم عندى من تصوير فيلم كيلوباترا نفسه
ربنا يخليكى ليا يا جمر يا شيكولا
كل سنة و انت طيبة يا قمر و السنة الجاية احسن من السنة دي ودايما في تقدم و يارب تكوني في السنة الجاية اقرب لربنا خطوة و من سنة لسنه دايما اقرب
قطتي الحلوة لي عندك اقتراح معرفش يعجبك و لا لأ هو خطر ببالي بعد ما قرأت بعض التعليقات اللي ما عجبتنيش في مدونة صديقنا الربان انا شايفاك واضعة صورة ضد الاخوان و حماس ليه ما تكتبيش تدوينة تطرحي فيها رايك بموضوعية و تفتحي باب النقاش و الرد بموضوعية و اللي مش عايز يتكلم بادب و حرية مع السلامة و اللي عايز يختلف بموضوعية النقاش لا يفسد للود نونوة صح يا قمر و لا ايه رأيك
‏قال blackcairorose
كل سنة وانت بالف خير

ومدونتك برضه بالف خير
‏قال Desert cat
همس الاحباب
ميرسى يا خالد على زوقك ربنا يخليك
والهل انا كمان سعيدة اوى بيك اخ محترم وبيخاف على اخواته وبيحترمهم
مودتى
‏قال Desert cat
جيهان علي
وانتى طيبة وبالف خير
شرفتينى يا جميله
‏قال Desert cat
nody_1987
ربنا يخليكى ليا يا احلى نودى فى الدنيا
وكل سنة وانتى بالف الف خير
‏قال Desert cat
يَحيى المِصري
وحضرتك طيب
‏قال Desert cat
عبده الرايق
ههههههههههههههههههههههه
استاذ عبده والله انت راجل زى العسل
ميرسى يا فندم ليك على الحضور وعلى الاغنية الجامدة اللى نالت اعجاب الجماهير والمنتجين بيتهافتوا عليها كل واحد عايز يعملها شريط كاسيت
ميرسى اوى
وربنا يخليك لينا
‏قال Desert cat
ارق اجندة فى الدنيا كلها
ميرسى اوى يا حبيبة قلبى على زوقك ورقتك والبوست الجميل اللى عملته لى
بجد انتى انسانة جميلة اوى
‏قال Desert cat
رئيس جمهوريه نفسى
طبعا انت الواجب كله ياريس
ربنا يخليك للشعب
‏قال Desert cat
هيثم الدهشان
هههههههههه
لاء مش خايفه يا هيثم
وبعدين اسراء فى بيتهم دلوقتى
كل سنة وانت بالف خير
‏قال Desert cat
Tamer Nabil
وانت طيب يا تمور
شرفتنى
‏قال Desert cat
wanna b a physician
ههههههههههههه
انت فهمت غلط خالص انا لو مسؤلة عن زيادة المرتبات كنت زودتها واخدتها لنفسى واحول على سويسرا وابقى غنية وكدا يعنى
عموما عندك من النهارده ليوم 1/6 اجازة
اى خدمة
‏قال Desert cat
كاميليا
كامى القمر بتاعنا
كل سنة وانتى اجمل واحلى بنوتة فى الدنيا
‏قال Desert cat
فرنسا هانم
وانتى طيبة يا فرنستى يا قمرنا
خلاص هنمشى الرايق بس هاتيلى كاظم
‏قال Miss. Sosa
كل سنه وانتى طيبة يا احلى قطة

عقبااال مليوون سنه

ميــاهووو ميــاهوووو

تحية قططى :)

سلاااام
‏قال Desert cat
واحدة مفروسة
احلى سلام وتحية لكل الناس اللى فى المنطقة ديا وعندك قطعة جاتووون لحبيبتى اللى مش مفروسة خالص
ميرسى يا جميلة
‏قال Desert cat
aya
ميرسى يا ىية ربنا يخليكى
وللمرة التانية بشكرك اوى اوى
انتى نورتينى يا قمر
‏قال Desert cat
رئـــــيسـة حزب الأحلام
ياه بس كدا التورتة كلها تحت امرك اتفضليها
نورتينى يا احلى رئيسه
‏قال Desert cat
son's egypt
وانت طيب وبالف خير
‏قال Desert cat
DoctorAllam
لا عندى اان الغلطة المطبعية
طب اكفر عن غلطتى ازاى
ايه رايك اغنى لك
دى حقك عليا متزعلشى مقدرشى والنبى مقدرشى
كدا خلاص اتصالحنا
الف شكر يا دكتور على المكالمات والتهانى
عقبال منردهالك فى الافراح
بس انا زعلانة علشان مش جيت
عموما الجايات كتير ان شاء الله
‏قال Desert cat
appy
ههههههههههههههههه
ما انتى جبتى الهدية وحصل اللى حصل بقى
معلشى
علشان تعرفى انتى بتحبينى والكلام ده من ورا قلبك
كل سنة وانتى احلى ابى فى الدنيا
ميرسى يا حبيبى على ذوقك
وبجد شرفتينى ونورتينى
وكنت طايره من الفرح واحنا مع بعض
ربنا يخليكى ليا ياانا
على اعتبار اننا واحد يعنى
احنا فعلا واحد بس الناس دى عرفت ازاىاكبر بوسه فى الدنيا لاحلى ابى
‏قال Desert cat
monaliza
وانتى طيبه
‏قال Desert cat
Migo Mishmish
ميرسى اوى يا مشموشه انتى وميجو
وربنا يخليكو لبعض ويخلى لنا بلكونتكو الجميلة اللطيفة اللى بتعرض المواضيع بكل خفة دم
نورتنى يا احلى زوجين وربنا يسعدكو
‏قال Desert cat
shreen
الرقة والجمال مشرفينى مرة واحدة
ميرسى اوى يا شرى يا صاحبة اروع واحلى احساس فى الدنيا
ويارب دايما منورانى يا جميله
‏قال Desert cat
shreen
استاذ الربان انسان عظيم ويستحق كل خير
ربنا ميحرمنى منكو انتوا الاتنين
‏قال Desert cat
Dr. Diaa Elnaggar
شرف عظيم ليا وجود حضرتك وتهنئة اعتز بيها لاخر يوم فى حياتى
شهر 4 اتشرف بميلاد حضرتك فيه
ويارب اجازة سعيدة عليك وعلى اسرتك
دمت بكل خير
يا اعظم دكتور فى الدنيا
‏قال Desert cat
الفارس الملثم
مقدرش مش اشاكس يا محمد
كل سنة وانت بالف خير
‏قال Desert cat
آلام وآمال
ميرسى اوى يا محمود ربنا يخليك
ويوفقك انت كمان وتحقق كل امانيك
‏قال Desert cat
MAKSOFA
وانتى طيبة وربنا يخلى لك بنتك يارب
انتى بقولى فيها يا مكسوفة وقت الغضب اوعى من وشى لاقطعك
ههههههههههههه
كل سنة وانتى بخير
‏قال Desert cat
somaa mahaba
القمر بتاعنا
كل سنة وانتى وباباكى وكل عيلتك بالف خير ومحبة
وربنا يجعل كل ايامكو اعياد
اان بقى يا ستى عندى
1524789
وامشى من هنا قبل ما اجى اكلك
ههههههههههههههه
28 سنة يا جميل
‏قال Desert cat
قلوب بتغنى
مش مهم التاخير المهم انك جيتى يا قلوبنا اللى بتغنى
نورتينى يا جميلة
‏قال Desert cat
Heart Beat
حبيبة قلبى
دايما بتحرجينى بذوقك ورقة مشاعرك
ربنا يخليكى ليا انتى واجندة اجمل اخوات واحلى اصدقاء
‏قال Desert cat
ملك الكبدة
ههههههههههههه
وانت طيب يا ملك
والسنة اللى جاية تكون ملك الكون مش الكبدة بس
نورتنى
‏قال Desert cat
ايوية
ميرسى لرقتك يا احلى ايوية
‏قال Desert cat
هوندا
وانتى كمان طيبة وبالف خير
‏قال Desert cat
محظوظة
لا يا حبيبتى اان هجيبلك 5 شمعات قال 500
كل سنة وانتى جميلة
‏قال Desert cat
dina
تعرفى اللى اهم من عيد ميلادى ايه انى حسيت بحبكو ليا وانتو واقع فعلا موجود مش مهم احنا على النت المهم اننا بنحب بعض ومن غير ما نعرف بعض فى اجمل من كدا
ميرسى اوى يا دينا
وربنا يجعل كل ايامك سعيدة
‏قال Desert cat
صحفية روشة
وانتى طيبة يا قمرى وبكل خير
ها اجى حالا اشوف لوحةالشرف
‏قال Desert cat
EmY
هههههههههههه
وانتى طيبة يا ميمى يا قمرنا
وبالف خير
احنا فعلا عملناه عيد قومى بس لجميع المحافظات
نورتينى يا قلبى
‏قال Desert cat
واحد من البلد دى
احلى هدية من اطيب قلب فى الدنيا
كل سنة وانت بالف خير
والتورته كلها قدامك خد منها اللى انت عايزه
نورتنى
‏قال Desert cat
mostafarayan
وانت طيب يا مصطفى وبكل خير
تحياتى
‏قال Desert cat
Eldebug
كل سنة ووالدتك بالف الف خير
ويارب يديلها طول العمر والصحة
قبلاتى لست الكل
والف شكر انك افتكرتنى فى ميلاد ست الحبايب
شرفتنى
‏قال Desert cat
elsa7era
بالظبط كدا اول واحدة زى اخر واحدة
المهم انك نورتينى يا جميلة
‏قال Desert cat
hui mu han
ههههههههه
وانت طيب بس امتحانات ايه اللى تبع الهدايا انا خصلت من زمان بعد معاناه مع العلم والحمد لله
لو هتجيب لى امتحان هدية يبقى اعتبرها وصلت واقولك شرفت قبل ما اتجيبلى الهدية واجرى
‏قال Desert cat
ftafeet
وانتى بالف خير يا نونا
ترجعى لنا بالف سلامة
‏قال Desert cat
صوت من مصر
وانت طيب يا محمد
بس اشمعنا عايز واسطة ولايه قول ولا يهمك ما انا من دلوقتى اقدر اتوسطلك انت ناسى انى عميلة تبع امن الدولة
‏قال Desert cat
appy
ان مش كنت اسيحلك اسيح لمين يعنى
هو انا عندى اغلى منك فى الدنيا
انتى كنتى منكوشة
امال الققمر يبقى ايه يا بنتى
يا مامى انتى نورتى محافظة كاملة
يبقى مش هتنورى البرنامج
المهم يا حبيبتى ربنا يوفقك ودايما ناجحة فى حياتك
انتى وخالود وسوووو شرفتونى ونورتنى
ومحمود كمان الغائب الحاضر ودكتور علام ده بقى حتة الشكولاتية بتاعتى
ربنا يخليكو ليا ياجمل اخوات
لا بقى البلوج ده ملبوس
كل ما اعلق ادور على تعليقى مش موجود
يالا مش مشكلة اعلق تالت مرة
كل سنة و انتى طيبة و بالف خير و احسن حال
انتى عارف دا التعليق التالت مش عارف اللى فاتوا راحوا فين
ايهئ ايهئ ايهئ
تحياتى ليكى
و كل سنة و انتى طيبة
‏قال Desert cat
أم أحمد المصرية
وانتى طيبة يا حبيبتى وبالف خير
وربنا يبارك لك فى اسرتك يا جميلة
‏قال Desert cat
أم أحمد المصرية
ده انا كتبت 100 موضوع يا قلبى مش موضوع واحد بس
والناتج كان زى اللى شوفتيه عند استاذ الربان
مفيش نقاش ولا حوار
فى شتيمة وقلة ادب وبس
يبقى الحل ايه انى مش تخليهم يدخلوا عندى تانى
ابقى شوفى بوستاتى وانتى تتاكدى بنسك وكمان شوفى الردود وهتشوفى الشتيمة اللى خاليه من اى ادب
نورتينى يا جميل
‏قال Desert cat
blackcairorose
وانتى طيبة وادايما وردة منورة بلوج سبوت
‏قال Desert cat
مواطن مصرى نايم...
وانا والله ناشرة تعليقك قبل كدا
بس راح فين
انا كدا اللى بدات اشك فعلا ان البلوج ملبوس
انا متشكرة اوى على زيارتك
والف سنة وانت كمان بالف خير
ميرسى جدا لذوقك
شرفتنى يا احلى مواطن
سينا رجعت كاملة لينا ياكات

:D

كل سنة وانتى حلوة يارب وعلطول منورة بلوجتك ياقمر

وعقبال السنين لما نيجي نزورك هنا بردو ونقولك كل سنة وانتى كويسة

:)
انا جاية متأخر اوى معلش
‏قال Desert cat
كفايـة طيبـة
ما هو انا اللى جيت رجعت سينا يا مونىميرسى يا حبيبتى
وكل سنة وانتى اجمل بنوتة
‏قال Desert cat
كفايـة طيبـة
حبيبة قلبى متقوليش كدا
المهم انك شرفتينى
طبعا الغاليه ابى تستحق ودلوقتى هى فى الطريق الصحيح خلصت الاذاعه والتلفزيون وفاضل ليها السينماء
‏قال almasry
كل سنه وانتى بألف خير
‏قال سهر الليالى
كل سنة وانتى طيبة يا قمر

هى كل الأجازات دى بسببك لا والله انتى على كدة تستحقى هدية كبيييييييييرة اوى

باكو شيكولاتة كويس؟؟
:)

عقبال كل سنة يارب والسنة الجاية احلى واحلى
‏قال Esraa Hamed
كل سنة و انتي طيبة يا قمر

و عبال ياااارب مليووووون سنة
و يارب تبقي السنادي احلي سنة في الدنيا و تحققي كوووول اللي بتتمنيه

وب هذة المناسبة الجميلة قررت تبقي هديتي ليكي تاج مخصوووووص ليكي
هما اتنين اختاري منهم اللي يعجبك


مستنياكي يا قمرة
‏قال قوس قزح
كل سنة وانتى طيبة وبالف خير
و صوت زئيرك مالى الدنيا :)
‏قال رحيق الحب
هاهههههههههههههههههه بتعجبنى خفة دمك اوى يا قطة انتى فعلا طلعتى قطة شقية
كل سنه وانتى طيبة وبالف صحة وخير وسلام ويار ب تحققى كل اللى تتمنيه وتحققى نجاح فى حياتك وفى عملك وفى كل شئ ويحفظك ربنا وتزدادى قرب اكتر لربنا ويهدينا ويهديكى يار ب للى فيه الخير دائما وابدا

وعقبال ميت سنه فى حب لله وطاعه رسوله
‏قال Desert cat
رئيس جمهوريه نفسى
ربنا يوفقها ويحقق لها كل ما تتمنى
‏قال Desert cat
almasry
وانت طيب وبالف صحة وسعادة
‏قال Desert cat
سهر الليالى
اه طبعا انا عطيت الشعب كله اجازات رسمية
يلا عيشو
شرفتينى يا سهور
وكل سنة وانتى بالف خير
‏قال Desert cat
Esraa Hamed
تاااج هدية ميرسى اوى يا رؤا
هديتك غالية ومقدرش ارفضها
والف شكر يا قلبى
نورتينى
‏قال Desert cat
رحيق الحب
ميرسى يا احلى رحيق فى الدنيا كلها
والف شكر يا حبيبتى على ذوقك ورقتك
كل سنة وانتى اسعد انسانة
‏قال Desert cat
اسكندراني في الغربة
وحضرتك طيب وبالف خير
‏قال Abo 7anf
السلام عليكم
وكا سنه وانتى طيبه
وربنا يخليكى على كل الاجازات الخدنها بمناسبه مولد ساعتك
وان كان منها تاجيل الامتحان
مش مهم
المهم انوا يكون عيد ميلاد سعيد
‏قال Unknown
انا فاكرة انى علقتلك هنا و قلتلك كل سنة و انتى طيبة

---------

ع العموم لو جالك كلام عن مدونة عمالة تشهر و تغلط فيكى و بتقول شتايم على لسانك
و لا يهمك و لا تتنرفزى كل التمثليات بتاعتهم انكشفت و عرفت حقيقتهم خلاص قال و انا كنت عايزة اعتذرلهم عشان اتعصبت عليهم عندى

دول طلعوا يستاهلوا ده انا سمعت حاكايات يا بنتى

المهم انتى ما تزعليش و لا تحرقى دمك و لا كانك سمعتى خالص و احنا متاكدين انك محترمة و ما تكلميش كده

تحياتى
‏قال أحمد بكر
و النعمه لسه عارف دلؤتى
كل سنه و انتى طيبه يا قطه
الهديه موجوده بس ابعتها على انهى عنوان
‏قال Desert cat
Abo 7anf
وانت طيب يا ابو حنف
اول ما تحب تاخد اجازة قولى على طول
وانا هخترع لكو اى عيد فى اى وقت واديكو اجازات انت تؤمر يا باشا
وربنا يوفقك وتخلص امتحانتاك على خير
تحياتى
‏قال Desert cat
عاليا حليم
انا كمان فاكره والله يا عاليا انى نشرت ردك
وكنت هتجنن امبارح وانا مش لاقياه
حتى كمان كان فيه
لن نشترى هذا العام قطة
والله انا زعلانة عليه اوى
بس راح فيييييييييييين
*************************

بالنسبة للمدونة اللى تقصديها ولا فى بالى
يا قلبى
الكلاب تعوى والقافلة تسير
ده انا مفتوح لى مدونة مخصوص
كل المواضيع اللى فيها باسمى
حد طايل شهرة ونجومية اكتر من كدا حتى لو كانت كلها شتيمة
بس ده فى حد ذاته اهتمام وانا بموت فى النوعيات دى
يكفى انى شاغله تفكيرهم طول الوقت
ياترى كتبت عندها ايه النهارده
ولو مش لاقيوا حاجه يكتبوا عنها يالفوا حوارات وسفالة وقلة ادب وانشر يا اللى بتنشر
طيب والنبى دى حاجه تزعل لما يبقى حد سايب اللى وراه واللى قدامه وشغله واولاده وحاله وقاعد يفكر فيكى ويكتب عنك
هو ده عالم الشهرة والنجومية
ده انا بشكرهم جدا ومن كل قلبى
تخيلى لما حد يشوف الافتراء اللى بيتقال عليا ويدخل مدونتى علشان يشوف بقى صاحبة الكلام ده تبقى ايه بالظبط ويلاقى الحقيقة عكس كلامهم وقتها هما اللى بيشوهوا نفسهم مش بيشوهونى انا والحمد لله كل شيق انكشفن وبان
متقلقيش عليا يا قلبى انا اقوى من اى تفاهات ممكن تدور من حوليا وبالعكس الحجات دى بتفرحنى لانى بحب اشوف اللى يكهرنى وهو قاعد يحرق فى نفسه وانا بتفرج عليه واضحك وحاطة رجل على جل ومش معبراه
وبقولهم هو وهى موتوا بغيظكم وعلى قلوبكم حجر
اما انا هروح اكل ايس كريم
اشكرك جدا يا قلبى على رقة مشاعرك
وربنا ما يحرمنى منك ابدا احلى اخت فى الدنيا
محبتى يا جميلة
‏قال Desert cat
Baker
ولا يهمك يا بكر
المهم انك شرفت يا فندم
الهدية ابعتها لى على بلوج سبوت وهو هيوصلها
نورتنيى
‏قال Dr. Diaa Elnaggar
عزيزتي قطة الصحراء

سيبك انت، هذا الكم الهائل من رسائل الحب والتقدير أكبر رد على من يكن لك عكس الحب. وفعلا على رأي من قال: اللي ربنا يحبه يحبب فيه خلقه !!!!!!0 وانت واضح ان ربنا بيحبك جدا جدا جدا !!!! 0

كل سنة وانت طيبة مرة تانية وحب الناس لك يوم بعد يوم بيزيد !!!!!!! 0

عميق تحيتي وخالص مودتي

ضياء
‏قال Desert cat
Dr. Diaa Elnaggar
الحمد لله يا دكتور
والله حبكو ليا ووجودكو جنبى فى كل وقت ده اللى مخلينى لا القى بالا لمثل تلك السخافات
الحمد لله اولا واخيرا على ان ربنا رزقنى باخوات احبهم ويحبونى حتى من غير ما نعرف بعض
اشكرك جدا جدا جدا على تشريفك
احترامى وتقديرى لشخصك الكريم
مودتى
‏قال قلب ينبض لله
ايه دا هو انتي من الشرقيه؟

احنا طلعنا بلديات :)

منين بئي من الشرقيه

كل سنه وانتي طيبه وعئبال مليون سنه يكونوا في طاعة الله

وربنا يحئئلك كل احلامك
‏قال ابو احمد
كل سنه وانت طيبه
كل سنه وانت بخير وسعاده ومحققه كل امنياتك
‏قال بنت القمر
كل سنه وانتي طيبه
http://bella-kitchen.blogspot.com/
ندعوكم لزيارة مطبخنا والتمتع باشهي
الاطباق
تحياتي
‏قال nigro
أزال المؤلف هذا التعليق.
‏قال Desert cat
قلب ينبض لله
ده من حسن حظى يا جميلة ان احنا بلديات
نورتينى
‏قال Desert cat
ابو احمد
وحضرتك طيب وبالف خير
‏قال Desert cat
بنت القمر
وانتى طيبة
وان شاء الله ازور البلوج الجديد والف مبروك
‏قال Desert cat
nigro
ولا يهمك يا محمد انا عارفه انك فى امتحانات ربنا يوفقك
ان شاء الله تخلص على خير
كل سنة وانت طيب
معلش انا جيت متاخر ونسيت الهديا
كل سنه وانتى طيبه وعقبال 100 سنه بس
<:-P<:-P<:-P<:-P
‏قال Desert cat
تايه ومش تايه
احنا لسه فيها لان شهر 4 لسه منتهاش
مش مهم الهدية وجودك لوحدة هدية
نورتنى
‏قال mina
كل سنة و انت طيبة معلش جت متأخرة بقى عقبال مليونين سنة ..... بشكرك كتير على الاجازات و ليا عندك طلب ... هو مينفعش تأجليلنا الامتحانات شوية :D
‏قال Unknown
طب اعملى حسابى فى الايس كريم انا ضعيفة قدامه جدا :)))))

المشاركات الشائعة