قال ايه هيحجبووووه ...

الفيسبوك عايزين يحجبوه ... مش يلبسوه الحجاب ... دول هيلبسوه النقاب الاسود ... وادى اللى اخدناه
طيب ليه يا حلوين
ليه يابتوع الديموقراطية يا متعلمين
ليه يابتوع حرية الرأى والتعبير يا متنورين
ده اللى هنشوفه فى مقال الاهرام
*******************************************************
نص المقال بالتفصيل
عالم الإنترنت الأسود في مصر‏:‏عري وبذاءات وتحريض علي العنفصور فاضحة‏,‏ وألفاظ نابية‏,‏ وسب وقذف بلا حسيب ولا رقيب‏,‏ وأخبار كاذبة‏,‏ ودعوات تحريض علي الفتنة‏,‏ ومحاولات للوقيعة بين أبناء الشعب الواحد‏.‏ هذه هي الصورة السوداء لعالم الإنترنت في مصر حاليا للأسف الشديد‏,‏ والتي رسم سوادها قلة من الشباب‏,‏ وإن كان هذا السواد يغطي حاليا علي أغلبية استخدامات هذه الوسيلة الإعلامية التي يفترض أنها أكثر رقيا ونظافة من هذا المستوي إلي الدرجة التي بات الأمر معها يستدعي وقفة من مستخدمي الإنترنت ضد هذه الإساءات والانتهاكات الصارخة قبل المطالبة بتدخل الجهات الأمنية لإعادة الانضباط إلي هذه المنطقة الخطرة علي المجتمع وأمنه واستقراره وأخلاقياته‏!‏وعلي الرغم من أن مصر تفخر بأنها تملك أكبر عدد من مستخدمي النت في المنطقة العربية‏,‏ فإنها عانت في الفترة الأخيرة إساءة استخدام البعض لهذه الوسيلة‏,‏ حيث باتت مواقع الإنترنت العالمية الشهيرة مثل يوتيوب و فيس بوك ساحة مناسبة يستغلها ضعاف النفوس لبث الصور واللقطات الفاضحة‏,‏ ولتبادل عبارات السب والقذف والتعليقات المبتذلة التي تسيء إلي مصر بالدرجة الأولي‏,‏ بل وتسيء إلي هذه الوسيلة التكنولوجية الراقية التي يجيد الغرب المتحضر استخدامها بما ينفع مجتمعه‏,‏ وانتشرت حملات وهمية تكالب علي إطلاقها علي النت بعض الشباب المصريين المندفعين بحثا عن الشهرة والإثارة‏,‏ وربما من المستترين خلف أسماء مستعارة أو وهمية‏,‏ بعضها يتضمن دعاوي تحريضية علي العنف أو علي نشر الأكاذيب‏.‏فهذه دعوات مجهولة المصدر لإضراب يعطل مصالح المجتمع‏,‏ ولا نظير لها في أي بلد آخر علي وجه الأرض من بين ما تضمنته مثلا دعوة الصيادلة إلي عدم فتح صيدلياتهم‏,‏ وهناك دعوة أخري إلي كتابة عبارات الاحتجاج ضد الحكومة علي أوراق النقد‏!‏وهذه اتهامات وبذاءات موجهة إلي مسئولين وشخصيات تتخطي حدود المعارضة المقبولة‏,‏ وتقع كلماتها تحت طائلة القانون‏,‏ أي قانون في العالم‏.‏وهناك مثلا لقطات مصورة منتشرة علي موقع يو تيوب الشهير تزعم اضطهاد المسلمين للمسيحيين في مصر‏,‏ ولقطات أخري تصور انتهاكات مزعومة من الأقباط لإخوانهم المسلمين‏,‏ والغرض منها معروف بالطبع‏,‏ ووصل الأمر إلي درجة أن أحدهم تجرأ وبث علي البريد الإلكتروني فيلم فتنة المسيء للإسلام الذي تبرأت منه هولندا رسميا‏
*********************************************************
طيب بالمرة بقى احجبوا لنا الماسنجرات والمدونات والمنتديات والهوا اللى بنتنفسه

تعليقات

‏قال nody
ياااااااااااا
احجز اول تعليق وارجع تانى
‏قال nody
يعملوها
ولاد المتضايقه
حكومه منايفه
عاوزه منهم ايه ؟
ويضاف هذا الانجاز الى انجاز العباره وقطر الصعيد
وشهيد المحله
‏قال Eldebug
الرد على الكلام ده موجود فى الدستور الاسبوعى النهاردة وملخصه انهم ميقدروش يحجبوا الموقع لانهم لو حجبوه عننا هيضطروا يحجبوه عن دول كتير فى الشرق الاوسط لاننا نقطة رئيسيية فى التوزيع...وكانت باكستان عملت حركة زى دى بس علموها الادب وقطعوا عنها النت ساعة واحدة رجعت وقالت حقى برقبتى

بالحق ...احنا حياتنا عبارة عن رواية احنا اللى بنكتب احداثها فمش غريب ان يكون موجود فيها حاجة قريتيها مرة فى قصة او رواية
‏قال Asmaa mahaba
يا بنتى حسبنا الله ونعم الوكيل
الموقع دا اصلا محجوب فى سوريا وفى دول تانيه عشان تعرفى شىء مهم الناس لما تتجمع دا مش فى صالح الحكام
ولا الحراميه
سكتونا سكتونا واقلعوا الجزم وادونا ما احنا رضينا بالمزله ورضينا بجبناء يحكمونا
تحياتى ليكى سومه_87
‏قال أنا حر
هي دي الديمقراطية اللي متعوده عليها الاهرام واللي بتنادي بيها
طيب هو اني بيسيء لمصر اكتر استخدام الحرية غلط على النت ولا القضاء على الحرية؟؟؟
يعني لو مكنش اسمه الحزن الواطي الديمقراطي كان عمل فينا ايه اكتر من كده
النظام في مصر خلاص خوخ والدليل اهتزازه بالشكل ده قدام شوية شباب على الفيس بوك
مقال حقير للاهرام
وبوست رائع منك
تحياتي
‏قال عبده الرايق
الخبر ده قريته فى كذا مدونه وفى اخبار المدونات العربيه
واهم ما نستخلصه منه
هو ان انتشار المطالبه باضراب 6 ابريل عبر الفيس بوك والانترنيت عموما
جعلهم يضعون تحته خمس شر طات واستك
‏قال د/اجدع بنوته
حبيبة قلبىىىىىى

كلام ف سرك كده

انا سمعت انهم هيغلوااااا النت جامد

وهيحجبوا الفيس بوك ومواقع كتييييير

ووداعا للنت المجانى

لوووووووووووووووول
‏قال wanna b a physician
الاووووووووووول
تصدقى انا لو منهم احجب البيوت نفسها اللى احنا ساكنين فيها ويمنعوا عننا الدخول
ماهما مش قاطعين عنك الميه وعنى
مع انها مياة غير صالحة للشرب وبتاعت صرف متكرر
فاكيد لازم يحجبوا الفيس بوك لانه وش عريان لازم يلبس النقاب انتى نسيتى
دولة اسلامية
بيعملوا زى ايران يعنى
تحياتى
‏قال wanna b a physician
نسيت اقولك العنوان مكتوب هيجبووووه مش يحجبوووووه
هى جت عالافيس بوك
يالا ربنا يسترها معانا والله
ممكن نقوم الصبح نلاقيهم
لغوا النت اساسا
سلامى ليكى
ايه ده مين اللي كتب الكلام الكبير ده ,داكيد صحفي علي درجة مخبر من اللي مليين الصحافة الحكومية ..

انتي عارفة الكلام ده بيفكرني بالخطب الحماسية في عهد عبد الناصر ضد الاستعمار ...

عجبي

سلام يا قطة
‏قال ayman_elgendy
قطة الصحراء

الظلامية كمفهوم فكري سائد ومسيطر لا يخرج أبداً غن نطاق الافكار المسبقة والتدليس والرياء بأسم الاخلاق والدين والعلم واي وسيلة ان شاء الله المدعوق المسمي الحجاب الذي اصبح رمز ذو مدلول ثقافي ظلامي هو الاخر بدلاً من مدلوله الاخلاقي الديني الراقي...

في الزمن الرديء يكثر الحديث عن الشرف

ولا اظن رداءة زمن تحصل علي علامة امتياز مع مرتبة الشرف من رداءة زماننا هذا....ولكن قولي يا رب

خالص تقديري و مودتي
‏قال صوت من مصر
انونو واقول الحجاب شىء شخصى يعنى مش اجبار
الحمد لله ياختي انا لسة نونو في الفيس بوك
وماأرتبطش بيه
بس لو عملوا كدة في المدونات .. ده انا كان يحصلي حاجة
هما لازم متفقين مع الدكاترة النفسيين عشان الناس بدل ماتفضفض علي النت تفضفض عندهم
‏قال wanna b a physician
انا كدا زعلت ماطلعتش الاول
مش مهم
يلا كويس انك عدلتى العنوان
لولى لولى لولى
يعنى انا اركب نت يحجبو الفيس بوك والله عال ولما يشتغل الخط يلغو المدونات يومين ويقفلوا الماسنجر هذا ان دل يدل وبحق انى احنا نعيش ازهى عصور الديمقراطيه والحكومه بتعتنا بتشجع الحوار احادى الجانب
‏قال Desert cat
nody_1987
نورتى يا نودى اول رد
‏قال Desert cat
nody_1987
هما عايزين يريحونا خااااااااااااالص
وبهدوء وبالهداوة
على رايك يا نودى حكومة منايفة
نورتينى يا جميلة
‏قال Desert cat
Eldebug
يعنى اطمن اصل انا الفيسبوك ده حياتى وقلبى وموجهتى تيرارا رررررررررررررررا
‏قال Desert cat
somaa mahaba
صح يا سومة محجوب فى سوريا م زمان جدا
انا عندى صديقة سورية كنا بتبادل رسايل من خلاله وفجأة بطلت تبعت لى لما سالتها قالت لى الموقع محجوب من عندهم
والله الواحد مش عارف يتنفس فين ربنا يرحمنا جميعا
نورتينى يا احلى مجنونة
قال مجنونة قال
ده انتى ست الكل
‏قال Empress appy
انتى جايبه الخبر ده منين الا الفيس بوؤ يا اوختى ده اللى بنبؤ عليه طول الوقت
يا نهارلوا
يالا ما هو بيهدد امن مصر
الا متعرفيش مصر دى فين اللهى يسترك يا اختى دنيا واخرة نيهاهاهاهاها اللى دايما بيكلمونا عليها
‏قال Desert cat
أنا حر
بص يا احمد اللى بيحصل ده فعلا دليل على وهن النظام
طيب نظام واهن وشعب خايف يبقى الناتج = خراب لا محال ان شاء الله
نورتنى يا احمد
‏قال Desert cat
عبده الرايق
ماهو لازم الخبر ينتشر يا مستر عبدوووو علشان نقدر نعمل حاجه انا الفيسبوك لو اتقفل ده انا مش بعد
وقتها اشوف فيسبؤ جديد بقى وامرنا لله
‏قال الربان
تحياتي

اولا انا افتكرت انك اجازة حتي تشتري متطلبات و لوازم عيد الميلاد...:)

ثانيا انا قرأت هذا الموضوع في جريدة الاهرام كما ذكرت حضرتك....

لكنني لا أظن انهم سيفعلوا...لان هذا لو حدث يبقي اسمه غباء سياسي و غباء امني
لكنني اتوقع ان يتم اختراق للمواقع مثل الفيس بوك...البلوجرز... او اي اماكن اخري بها حوار جاد...

ليس بمستبعد ان تتحدثي او تتحاوري مع شخص و يطلع من الداخلية...:)


تحياتي و كل سنه و انت طيبة و عقبال 101 سنة...:)
‏قال Esraa Hamed
اده
المقالة دي نزلت في الاهرام بجد ؟؟؟

طب ازاي يعني
و بعدين ايه ان شاء الله اشخاص لا تقبل المعارضة
هو في حد مبيقبلش المعارضة !!!!!

حاجة غريبة جدااا

مااااا عليناااا
‏قال Desert cat
د/اجدع بنوته
ماهم لو لغوا النت يبقى كدا مفيش اى مواقع
ولا غيره يبقى نتقابل فى البارون انا وانتى ونقعد على النيل ونغنى ظلموه سوا سوا
‏قال Desert cat
wanna b a physician
ااااااااااااااه
انا دلوقتى بس فهمت الفيسبوك سافر الوجه قليل الادب ده مش يلبس النقاب الاسود
علشان محدش يبص له
اصله على رايك فى دولة اسلامية
على فكرة المية جت عندنا
وش بيطلع لسانة
لو عايز ابعتلى وانا ابعتلك نص كوباية مية
شوفت الكرم
‏قال Desert cat
wanna b a physician
صلحته وبشكرك جدا جدا على لفت انتباهى
‏قال Desert cat
ملك الكبدة
ياخى نؤه
‏قال Desert cat
مواطن مصرى نايم
هى اى حاجه ممكن تجمع الناس لام تتلغى
لانهم اتعودوا من الشعب انه لازم يبقى ابكم اصم
شرفتنى
‏قال Tamer Nabil Moussa
شىء غير سليم بالمرة اللى بسمعة دة


ممكن يكون فى بعض المجانين سيئة الاستخدام للنت

لكن مش مبرر عشان تتقطع الخدمة عن الجميع

وبعدين فى ناس يادوبك بتقول رايها

تحياتى
‏قال Desert cat
الفارس الملثم

ماهو اهرام اخبار جمهورية
يعنى مخبرين تبع الحكومة الديمقراطية اللى عايزة تحجب عننا الفيسبؤ
نورتنى
‏قال Desert cat
ayman_elgendy
يا سيدى الفضال اقدر احدثك عن المدعوق حجاب واقولك اتمشى شوية على الكونيش او فى الحدائق العامة هتلاقى روداهم من المنحلات المنقبات ومرتديات الاسدال العظيمات
والله بيعملوا حاجات تكسف ولا تنتمى للحجاب اللى لابسينه بصله
احترامى وتقديرى
‏قال Desert cat
صوت من مصر
لا فى الحالة دى اجبار من الدولة وحياتك
‏قال Desert cat
مفقوعة مرارتي من حماتــــــــــــي
هما بيحاولوا يقفلوا اى وسيلة للتنفيس عن الناس الله يقفل نفسهم البعدا لو فكروا يقفلوا المدونات خصوصا مدونتك اللى زى السكر
شرفتينى
‏قال Desert cat
wanna b a physician
هعتبرك الاول ولا تزعل نفسك
وانا بشكرك جدا على لفت انتباهى لتعديل العنوان
احتراماتى
‏قال Desert cat
رئيس جمهوريه نفسى
لاء انا هخلى عبدو الرايق الفرند بتعنا يكلم لك الوزير صديقه مش يقفل حاجه
تصدق ياريسنا يا قمر الواحد تعب من كتر الديمقراطية الواحد نفسه فى شوية ديكاتورية بقى
‏قال Desert cat
appy
جيباه من الاهرام والله يا بيه
مصر دى كان اسم بلد زمان ولوقتى بقت اسمها الوسية
نياهاهاهاها
ابقى قومى لى محامى يا اوختشى ينوبك ثواب
‏قال Desert cat
الربان
استاذى العزيز
انا فى انتظار صديقة من دولة عربية وهتنزل مصر النهارده ان شاء الله وهنتقابل كمان خارج قطر المدينة الى انا عايشه فيها يعنى انا مش هستعد لحاجه هنا خالص
بالنسبة لفيسبوك لو حجبوه يبقى فعلا بيقولوا لنا احنا خلاص عجزنا والوهن اصابنا من زمان
وساعتها مش هيعرفوا الناس بتفكر فى ايه لو اتجمعوا من وراهم فى اماكن مغلقة زى ايام الثورة كدا
ويبقى هما اللى جابوه لنفسهم
الف شكر استاذى الجميل
احترامى وتقديرى لشخصك الكريم
‏قال Desert cat
Esraa Hamed
اه والله يا رؤه الخبر نزل فى الاهرام
وانا اشك انه ممكن يقفلوا الموقع لان كدا هيبقوا جنوا على نفسهم بنفسهم
نورتينى يا جميل
‏قال Desert cat
Tamer Nabil
ماهو مش ينفع يقطعها عن واحد وواحد تانى لاء
يعنى النت لو اتقطع هيتقطع على الجميع
تحياتى تامر
‏قال بنت النيل
السلام عليكم ورحمة الله وبركاتة
يا بنتى ولسة والله
وياما هنشوف منهم
هي دي الديمقراطية
هى جت عالافيس بوك
علية العوض ومنة العوض
وحسبى الله ونعمة الوكيل
ودمتى بخير يا احلى قطة
بنت النيل
‏قال Mafrousa
قطقوطه...هوه مين ده اللى حيحجبوه و يتوبوه
الفيس بوك.....ما هيه البت ديه ماشيه مع واد اسمه بلوجر طلع واد صايع و قليل الادب و كان حيغرغر بها ...فقامو قالو يحجبوا البت..و يلبسو الواد قضيه ...ايوه دول قرايبهم اللى فى الصعيد الجوانى
ده زى فيلم دعاء الكروان
و النبى تبقى تسلميلى على فاتن حمامه
................................
ايه رايك فى السعان العالى ده.....هوه ده المطلوب......و سلميلى على البت ديمو
‏قال همس الاحباب
اولا كل سنة وانتى طيبة
بكرة عيد ميلادك
اما بالنسبة يحجبوه او ما يحجبهوش
مش اتفرق كتير اتعودنا على كده
بس ده مش معناه ان الشعب ايسكت
او يستكين لان كتر البكى بيعلم النواح
وخلاص الكل بدا يعرف طريقه وهدفه من خلال الفيس بوك او غيره
تحياتى
خالد
‏قال Desert cat
بنت النيل
ما هى دى قمة الديمقراطية انهم يحجبوا الفيسبوك
وبعد يومين يحجبوا لنا الهوا علشان اللى يتنفس يدفع ضرايب
نورتينى يا جميل
‏قال Desert cat
واحدة مفروسة
حبيب قلبى يا رايق انت
البت فيسبؤ كانت ماشية فعلا على حل شعرها والعيال المدونين الكخة كانوا بيدعوا لاضربات وحوارات كدا وبتاع
المهم اهلها قالوا عيب والتار ولا العار والحجاب هو الحل
هههههههه
نورتينى يا جميلة
‏قال Desert cat
همس الاحباب
وانت طيب يا خالود وميرسى اوى على البوست الجميل الىل انت عامله لى ده

بالنسبة لحجب الفيسبوك فمش هو المشكلة
المشكلة انهم مش قادرين يفهموا ان الناس خلاص شالت البلاستر من على بؤها
وهتتكلم مش مهمالفيسبوك ومش مهم المدونات هيعرفوا يعبروا برضه
نورت يا خالد
‏قال Desert cat
مفقوعة مرارتي من حماتــــــــــــي
وانتى طيبة وفى احسن صحة واجمل حال يا روح قلبى
‏قال ياسر
موضوع متميز جدا
فعلاا انا لحظة في اليوتيب
اساءة كبيرة وكرة وحقد من بعض
الاخوة العرب ومش قادر افهم احنا
لية بس منستعلمش النت اولاا
لحل مشاكلنا كشعب او امة عربية
مسلمة واحدة لية الشباب ميحولوش
يحلوا مشاكلهم بدل ما يدورا علي
حاجات تفهة والسب ليهم ولبلدهم
مع تحياتي وتقديري لموضيعك المتميزة
‏قال Desert cat
ياسر
يا فندم الكلام عن حجب الفيسبوك واليتيوب فى مصر
ماذكرش تجاوازت العالم العربى
تحياتى
‏قال غير معرف…
قطتنا العسل عامله ايه؟
جهزتي للبارتي بكره و لا لأ؟
بس حلوه انها فعلا اجازه رسميه اموت انا في العطلات الرسميه
:)))

فعلا سمعت عن الخبر اده عبط و الله ياقطه حتي النت حيحرمونا منه ايه الخيبه دي
الحمدلله ان مايقدروش يحجبوا موقع عشان بقيه البلاد مش حتسيبهم في حالهم زي ماحصل في باكستان و اتربوا

مش فاهمه ديموقراطيه ايه اللي بيتكلموا عنها و هما عايزين يحجبوا موقع مايسيبوا الناس تعمل اللي هي مقتنعه بيه خايفين من ايه بس؟

كل سنه و موضوعاتك دايما مثيره للجدل و بتخالينا نفكر
كل سنه و انتي متألقه و متميزه
كل سنه و احنا كلنا اصحاب و بنحب بعضينا
:))
‏قال Desert cat
اجندا حمرا حبيبة قلبى
تعرفى اللى احلى من اى بارتى فى الدنيا ايه يا اجندة وجودكو معايا وحبكو ا ليا
ربنا ميحرمنيش منكو ابدا
بالنسبة لحجب الموقع
فهو ده اخرهم
بدل ما يشوفوا ايه اللى تاعب الشعب ويفكروا فى حلول جذرية للمشاكل
يقفلاو اى حاجه ممكن الناس تتنفس فيها
انا شايفه ان حكومتنا لو بتفكر فعلا لاء وكمان حكومة الكترونية ذكية المفروض ان النت يبقى وسيلة تواصل بينها وبين الشعب ويحققوا مطالبه من خلالها انما ده كمان مش عارفين يعملوه
نورتينى ياارق اجندة
محبتى يا قمرى
انا علقت مش عارف التعليق وصل و الا لا
ــــــــــــــــــــــــــ
بس المهم
كل سنة وانتى طيبة و بالف خير و فى احسن حال
سلامى ليكى
‏قال Empress appy
يااااااا نوناتى ميرسى يا حبيبى خالص مسيحه ليه وفضحانى رسمى اسكتى كنت خايف وحسه انى مش مظبطه بس رحت وبكل جرأة قولت لهم ايه عيد ميلاد صحبتى مروحش كنت حسه ان الصباغ بطوله ده هيجرى ورايا فى الشارع ههههههههههخخخخخخخ

ربنا يخليكى ليه ولما البرنامج يتذاع هنزل بوست علشان الناس تشوفه وتتخض بس سيبك انتى اه كنت تعبانه جدا بس مبسوطه انى جيت لكى بجد انا وسووو وهمس الاحباب ورئيس جمهوريه نفسى اللى حسه انه طول الوقت معانا مع انه على التليفون
انتى ميش اعز منك عندى يا جمر انت

المشاركات الشائعة