بنحبك يا بلدنا .... حبينا
انا عارفه ان بلدنا ملهاش دعوة ... وملهاش ذنب ... امال الذنب ذنب مين ؟؟؟؟
ذنب المسؤلين ... هما مش فاضيين لنا ... بيدرسوا قرارات بيع البلد ... وبيدرسوا قررات لفرض ضرايب جديدة .. وبيدرسوا قرارات لرفع الاسعار .... الصبح محمد كلمنى علشان ننزل نشترى شوية حاجات ... وهو واقف ينتظرنى شوفت الطفل اللى فى الصورة دة ماسك الفوطة وواقف ينضف العربية ... المنظر مش جديد وشوفته قبل كدا مئات المرات وخصوصا فى إشارات المرور ... بس احساسى المرة دى هو اللى كان غريب ...... وقتها سألته انت أسمك أيه ... قالى ماجد ... قولت له طيب ممكن يا ماجد اصورك ؟ قالى ليه يا ابلة هتطلعينى فى التلفزيون ... قولت له مش لما اطلع انا الاول ..... قالى طيب صورينى زى ما تحبى .... فى الوقت نفسه لاقيت محمد بيصرخ و بيقولى اوعى رقم العربية يبان ... راح الولد من نفسه واقف بعيد ومتثبت الثبيته اللى فى الصورة دى ..... وبعد ما صورته لاقيتة بيقولى هى الصورة طلعت حلوة .. قولت له تشوفها .. قالى لو مش يضايقك .... وريتها له سالته ها ايه رايك حلوة ؟؟ مردش عليا وابتسم ابتسامة مليانة بمرارة سنين عمرة العشرة ... كان نفسى اتكلم معاه لكن محمد الله يسامحه فضل يدينى كلكسات لما طرشنى و يقولى متاخرييييين .... وقتها قولت له هشوفك تانى ... رد قالى سلميها لله ... ونعم بالله يا ماجد بس حقيقى .. اتمنى أشوفك
يرضيك يا بابا حسنى ؟؟؟ طفل من أولادك يبقى ده منظرة ... طفل من أولادك مش لاقى رغيف العيش ... طفل فى العمر ده بدل ما يلعب ويفرح بالدنيا ... يتحمل مسؤلية ويبقى فى الشارع .. أنهى قلب ده اللى يستحمل يشوف المنظر ده ؟؟؟؟
يرضيكى يا ماما سوزى ... ياراعية حملة الامومة والطفولة .... هو ده مش طفل من ضمن الاطفال ... ولا ده مخلوق شيطانى مالوش ام ؟؟؟ يرضيكى يا صاحبة حملة القراءة للجميع ومكتبة فى كل شارع وكل حى .... طيب مش نعلمهم القراءة الأول ولا نلبسهم ولا نأكلهم علشان يشوفوا يقروا فى حالة لو أتعلموا .... طيب طفل زى ده حتى لو بيعرف يقرا ... تفتكرى هيروح يشترى كتاب يقراه ولا يشترى رغيف عيش ؟؟؟؟؟
يرضيكو يا حضرات الوزراء الأجلاء ياللى مش بتدخلوا أولادكو وأحفادكو غير مدارس لغات أصل التعليم فى مصر مستواة انحدر بالرغم من أن منظر الطفل ده والآلاف غيره يحرق القلب ... إنما حقيقى بكن له كل احترام لأنه على الأقل أتحمل مسؤلية ونزل يدور على لقمة عيش حلال
الطفل ده فى نظرى اجدع من أتخن شنب واقف فى صفوف البطالة فى أنتظار التعيين وبيمد إيده لماما علشان ياخد المصروف علشان ينزل القهوة يختار مكان استراتيجى قدام التلفزيون وبيبص على الشارع علشان يعاكس اللى رايحة واللى جاية وفى مواجهة البوفيه علشان الطلبات توصله بسرعه ....
حقيقى يا ماجد أنت واللى زيك ربنا معاكو فى وطن للبيع
ذنب المسؤلين ... هما مش فاضيين لنا ... بيدرسوا قرارات بيع البلد ... وبيدرسوا قررات لفرض ضرايب جديدة .. وبيدرسوا قرارات لرفع الاسعار .... الصبح محمد كلمنى علشان ننزل نشترى شوية حاجات ... وهو واقف ينتظرنى شوفت الطفل اللى فى الصورة دة ماسك الفوطة وواقف ينضف العربية ... المنظر مش جديد وشوفته قبل كدا مئات المرات وخصوصا فى إشارات المرور ... بس احساسى المرة دى هو اللى كان غريب ...... وقتها سألته انت أسمك أيه ... قالى ماجد ... قولت له طيب ممكن يا ماجد اصورك ؟ قالى ليه يا ابلة هتطلعينى فى التلفزيون ... قولت له مش لما اطلع انا الاول ..... قالى طيب صورينى زى ما تحبى .... فى الوقت نفسه لاقيت محمد بيصرخ و بيقولى اوعى رقم العربية يبان ... راح الولد من نفسه واقف بعيد ومتثبت الثبيته اللى فى الصورة دى ..... وبعد ما صورته لاقيتة بيقولى هى الصورة طلعت حلوة .. قولت له تشوفها .. قالى لو مش يضايقك .... وريتها له سالته ها ايه رايك حلوة ؟؟ مردش عليا وابتسم ابتسامة مليانة بمرارة سنين عمرة العشرة ... كان نفسى اتكلم معاه لكن محمد الله يسامحه فضل يدينى كلكسات لما طرشنى و يقولى متاخرييييين .... وقتها قولت له هشوفك تانى ... رد قالى سلميها لله ... ونعم بالله يا ماجد بس حقيقى .. اتمنى أشوفك
يرضيك يا بابا حسنى ؟؟؟ طفل من أولادك يبقى ده منظرة ... طفل من أولادك مش لاقى رغيف العيش ... طفل فى العمر ده بدل ما يلعب ويفرح بالدنيا ... يتحمل مسؤلية ويبقى فى الشارع .. أنهى قلب ده اللى يستحمل يشوف المنظر ده ؟؟؟؟ يرضيكى يا ماما سوزى ... ياراعية حملة الامومة والطفولة .... هو ده مش طفل من ضمن الاطفال ... ولا ده مخلوق شيطانى مالوش ام ؟؟؟ يرضيكى يا صاحبة حملة القراءة للجميع ومكتبة فى كل شارع وكل حى .... طيب مش نعلمهم القراءة الأول ولا نلبسهم ولا نأكلهم علشان يشوفوا يقروا فى حالة لو أتعلموا .... طيب طفل زى ده حتى لو بيعرف يقرا ... تفتكرى هيروح يشترى كتاب يقراه ولا يشترى رغيف عيش ؟؟؟؟؟
يرضيكو يا حضرات الوزراء الأجلاء ياللى مش بتدخلوا أولادكو وأحفادكو غير مدارس لغات أصل التعليم فى مصر مستواة انحدر بالرغم من أن منظر الطفل ده والآلاف غيره يحرق القلب ... إنما حقيقى بكن له كل احترام لأنه على الأقل أتحمل مسؤلية ونزل يدور على لقمة عيش حلال
الطفل ده فى نظرى اجدع من أتخن شنب واقف فى صفوف البطالة فى أنتظار التعيين وبيمد إيده لماما علشان ياخد المصروف علشان ينزل القهوة يختار مكان استراتيجى قدام التلفزيون وبيبص على الشارع علشان يعاكس اللى رايحة واللى جاية وفى مواجهة البوفيه علشان الطلبات توصله بسرعه ....
حقيقى يا ماجد أنت واللى زيك ربنا معاكو فى وطن للبيع
تعليقات
ربنا ياخدهم اللى السبب بجد
اللى معندهمش احساس ولا دم
بجد دول اكبر بعطف عليه ختي لما بيبيعوا حاجات
أكيد اللي زي ماجد كتير اوي
اتحملوا المسؤليه بدري
و كلامك مظبوط قبل ماماما سوزي تفكري تفتح مكتبه في كل حي تفكر في الأطفال اللي زي ماجد اللي بيكافحوا عشان رغيف عيش يسدوا بيه جوعهم
بوست يوجع الألب فعلا ياقطه
الله يكون في عون المحتاج في البلد دي
:(
انزلى القلعه وحواريها وزواقيقها تلاقى منه الف واحد ادخلى المترو الصبح حتلاقيهم نايمين على الارض
بابا حسنى ...بابا حسنى مين فوقى يا بنتى لولا احترامى لفرق السن بينى وبينه كنت قلب عليه كلمه...
ولا بلاش الاحترام واجب برضو وربنا يخليلنا زعبوله
تحياتى ليكى سومه_87
ربنا معانا
تحياتى
عشرين مليون ماجد
هى دى مصر
وهو ده بابا حسنى
بوست جميل جدآ تحياتي يا قمر
عموما انتى زى اختى
بوست جميل بيناقش اوجاع الوطن
والوطن مليان اوجاع
بيعجبنى استغلالك لمواهبك في الكتابة في الحديث عن آلام الناس ومشاكلهم
ربنا يوفقك
وهنبقى كلنا ماجد
لا
كلنا الكابتن ماجد
تحياتى لكى يا قطه
وياريت بابا حسنى يسمع
تسلم ايدك
وحسبنا الله ونعم الوكيل
أشكرك علي اهتمامك بهذا الموضوع...
و هوو يعد قنبلة موقوته في مصر.
لعلاج ظاهرة أطفال الشوارع يجب ان نعرف اسبابها، و التي يمكن ان نلخصها في الاتي:
1- تنصل بعض الاباء من ابنائهم، سواء بطلاق الامهات...او عدم الاعتراف بابنائهم كنتيجة للزواج العرفي .
2- الفقر المدقع الذي تمر به اسرة الطفل ...نتيجة انخفاض مستوي الدخل
و كثرة عدد الاطفال.
3- عدم الوعي و انعدام ثقافة تنشئة
الاطفال التنشئة الصحيحة...اما لجهل الام...او لانشغالها بالعمل لمساعدة اسرتها....
و يمكن للدولة من خلال المجلس القومي للطفولة...و المجلس القومي للمرأة المساهمة في تقليص هذه الظاهرة...من خلال:
1- ما يسمي الام المعيلة ...التي تخلي عنها زوجها...و دعمها ماديا و نفسيا
و معنويا..
2- المشاركة مع اسرة الطفل و المدرسة لدعم تعليم الاطفال و الاشراف عليهم.
3- حتي الاطفال الذين لن تستطيع المجالس
والوزرات المتخصصة الاشراف عليهم دراسيا و ماديا...تستطيع هذه الجهات
تأمين عمل لهم او تأمين عملية عملهم الحالي...بمعني الا تتركهم للخضوع لسيطرة
البلطجية...و المدمنيين...ليسلبوا اموالهم التي عملوا بها...بل و يسلبوهم برأتهم و طفولتهم بالاعتداء جنسيا عليهم...
4- يبقي دور هام وحيوي لابد ان يقوم به جميع افراد المجتمع من دعم لهذه الجهود
من خلال دعم الجمعيات الاهلية و جمعيات النفع العام...سواء ماديا او مهنيا
بمعني ان المحامي يقبل ان يترافع في بعض قضايا مثل هؤلاء الاطفال مجانا...و الاخصائيين الاجتماعيين يتطوعوا لساعات
محمدودة اسبوعيا لدعم هؤلاء الاولاد و الاشراف عليهم...كذلكل الاطباء...و كل
طبقات المجتمع.
مرة أخري أشكرك علي كتابتك في هذا الموضوع...و ادعو الجميع الي التراحم و التكاتف كل بما يسر الله له.
تحياتي و تقديري و دمت بالف خير.
ياسلام لو يعملوا دار لرعاية اطفال دي زي مابيعملوا دار الايتام والمسنين بس هما مين اللي هايعملوا؟ اكيد طبعا الناس مش بابا وماما لانهم خلاص مابقاش عندهم قلب
تحياتي
اللى زى الولد ده من وهو لسه صغير شايف اهله عايشين ازاى وشايف الدنيا كل يوم بتقسى عليه هو واللى زيه ازاى وشايف كمان مستقبله المشرق هيبقى ازاى وبرده عايش وسايبها لربنا
تحياتى
مكنش المنظر ده يبقى موجود
بجد حسبنا الله و نعم الوكيل
بوست يوجع القلب
تحياتى ليكى
لما كنت بمشى انا و يوسف فى الشارع و نلاقى ولد بيشتغل كنت بقد أدعى على اللى رماه الرمية السودة دى ...يوسف يقوللى يا ماما ناخده معانا البيت يقعد معايا ....
طبعا أحاول أشرحله ان فيا ناس تانية دى شغلاتها فى الحياة و عندنهم فلوس مخصوص لكدا بس هما موش شايفين شغلهم صح
و اننا ظروفنا لا تسمح بدا يا حبيبى
يزعل قوى و نكتفى اننا نديله حاجة حلوة ... لعبة يوسف لسه شرايها ...أديله حتة فاكهة و لا رغيفين عيش أبقى لسه شاريهم مع الطليات ...
و بعد ما اروح أقعد أنب روحى
هوه دا اللى قدرتى عليه ؟
تصورى انك جرالك حاجة و يوسف بقى مكان الولد دا كنتى هتبقى عاوزة الناس تسيبه فى حاله و تكمل حياتها برضو من غير ما تقدر تعمله حاجة؟
انا قلبى بيتقطع مرتين
مرة من الحزن على الولد المظلوم فى الدنيا دا
و مرة تانية من عجزى
ربنا يدينا كلنا القوة نسند بعض
و نقوى بعض
و بجد تحسي عنيهم فيها حكايات كتييير...حكايات ممكن نعمل منها موسوعة
موسوعة عن المرارة وعن الظلم و الحزن و الألم والصبر و..و.. و
أحييكي علي الفكرة و الأسلوب بجد يوجع ويوصل بسرعة
قدرت يا ميجو تترجم احساسى فى اللحظة اللى شوفته فيها فى سطورك
وده معناه ان كلنا عندنا نفس الاحساس الصعب ده
ربنا يتولاهم ويتولانا احنا كمان
تحياتى
سلامة قلبك يا حبيبى
بس احنا مش بايدينا نعمل حاجه غير اننا نساعدهم باللى نقدر عليه
ربنا معاهم
البلد دى مبقتش بلد ماجد ولا بلدنا بقت بلد رجال الاعمال واللى ليهم ضهر واللى بيدخلوا مدارس اجنبية علشان ماما سوزى تفتح لهم مكتبات فى كل الشوارع
الباقى بقى ليهم رب اسمه الكريم
نورتينى يا ارق اجندة
تحياتى
ما انا بشوفهم عندى هنا كتير مش لازم اتعب نفسى وانزل القلعة
للاسف دول منتشرين فى كل الجمهورية انا مش عارفه المسؤلين عندهم عمى مثلا ولا بيغمضوا عنيهم لما يشوفوهم فى شارع اصل عنيهم ميصحش تقع على المناظر دى دول ناس كبيرة اصحاب مناصب ومعاهم فلوس المفروض عنيهم تقع على ناس نضيفه وريحتها حلوة وماسكين ورد فى ايديهم مش فوطة صفرا ينضفوا بيها العربيات
تحياتى يا جميل
يا رب
نورتى
" كلكم مسؤل وكلكم مسؤل عن رعيته
ماجد له رب كريم احن عليه من اى حد
الدور والباقى على اللى هينسئل علشان مقصر فى حق ماجد
تحياتى
انا كمان بضم صوتى لصوتك
وبدل ما نبنبى مكتبات فى كل الشوارع والحوارى نبنى مكتبات فى كل شارعين تلاته وفى كل عشرين شارع نعمل له ممؤسسه ترحمهم من اللى هما فيه
نورتى يا ميمى
تكرهنى ولا تحبنى دى احسايس تخصك لوحدك
بس مش تقول زى اختك
اصل بعد شوية الاقيك داخل تشتمنى وتقولى المفروض اهلك يتبروا منك
الا هو انت مين بقى
طالما انا دلوقتى زى اختك
اه علشان المنظر ده مش موجود غير فى مصر بس
والله مصر بلد العجايب صحيح
تحياتى
ان الله لا يغير ما بقوم حتى يغيروا ما بانفسهم
يعنى لو فضلنا زى ما احنا فى وقت قصير جدا هنكون ماجد
نورتينى يا فرنسيس
فعلا لا املك الا ان اقول مثلك حسبى الله ونعم الوكيل
نورتنى يا محمود
ومش قولت لى عملت ايه
طمنا عليك لو فى بوست لوحده عندك
ربنا يوفقك
الواحد مش عارف يعلق يقول ايه
غير حسبنا الله ونعم الوكيل
تحيااتى
احمد سكر
استاذى العزيز
اتمنى واتمنى واتمنى
ان واحد بس من المسؤلين يملك لو نصف عقلك وطرق حلك للمشاكل
فدائما ما اراهم يضعون المشكلة ويتركونا نحن نفكر كفوازير رمضان
ودائما ما أرى فى آراء حضرتك وبوستاتك المشكلة ومعها طريقة حلها
من اجمل العقول اللى قابلتها حضرتك والاستاذ وجهة نظرى
ودائما ما اتسائل مصر فيها عقول جميلة امال احنا غرقانين كدا لييييه
احترامى وتقديرى
وهى الناس دلوقت لاقيه تاكل اصلا علشان تعمل
ده 3/4 مصر بقوا تحت خط الفقر
تحياتى
بالظبط كدا بالرغم من المرارة والقسى مسلمها لربنا علشان عارف ان ربنا هو احن حد عليه
ربنا معاهم ومعانا
تحياتى يا سمسم
البلد فيها فلوس
بس مش لينا
عندك دخل قناة السويس بيروح فين
السياحة
ده كفاية بس شرم علينا
دخلها فين
اسفه على وجع القلب
تحياتى
وهو علشان ينهبوا ويعرفوا يعيشوا يقتلوا براءة غيرهم
طيب ضميرهم مات ولا ايه
والله حاجه توجع القلب بجد
تحياتى
احلى ام يوسف
طيب انتى ويوسف وانا وغيرنا قلبنا بيوجعنا
هما المسؤلين عننا مش عندهم قلب
بيستأصلوه وهما جايين يحلفوا اليمين
بس يمين ايه اللى بيحلفوه يوجوعونا وينهبونا ونترمى فى الشوارع
ولا يمين ايه بالظبط
ربنا كريم
تحياتى يا ام يوسف
اللهم امين يا سكر
تحياتى
حكايات المرار والظلم اللى فى نظرة عينيهم من شقى السنين اللى شافوه من اول ما عنيهم فتحت على الدنيا
بدل ما يتلفوا ويناموا فى سرير اتلفوا واترموا تحت كبارى فى البرد وفى الحر
ربنا معاهم
نورتينى يا ايمان
المشكله فعلا كبيره والمسؤليين ولا هما هنا
ربنا ينتقم منهم
تحياتى
انا كمان اشتغلت وانا صغير فى السن فى الاجازات
ده حقيقى مش هزار
سلامى لكى ولماجد
وكلنا ماجد
لكن باقية الاطفال اللي ريحتهم زباله وبيعيشوا في عشش
ولا عمرها شافتهم ويمكن لو قابلة واحد فيهم تضربوا زي ما الناس بتعمل في اشارات المرور
انا بقول يمكن لعل وعسى ربك يحيى من فى القبور
تحياتى
وانا كمان بحب الاشخاص المجاهدين جدا
وتحية ليك انت كمان
مودتى
هى اصلا مش بتشوفهم ولا عمرها هتشوفهم ده اثناء مرور احد الوزراء الشوارع كلها بتقف علشان سيادته يعدى
فما بالك بسيدة مصر الاولى
تحياتى
بصراحة انتى قولتى كل حاجة
بس المشكلة بتتزايد وتتفاقم يوم بعد يوم
وفى ملايين ماجد فى الشوارع
وغالبا ماجد بيكون احسن من غيره على الاقل بيصرف على نفسه
وبيلاقى قوت يومه
فى غيره لا حول ولا قوة لهم غير الهروب والنوم فى الشوارع من غير ادنى رحمة
ودى حال بلدنا مع الاسف فى الوقت الحالى
تحياتى ليكى
انا استغربت للجملة دي قوي .... يعني برغم الغلب الي هو فية الا انه مهتم ان صورتة تطلع جميله
السؤال هو :::ـ
بعد 10 سنة ... يا تري اية هايكون حال مجدي ؟؟؟؟؟؟؟؟؟
لا تعليق !!
ما هو انا بتكلم علشان اللى مش بيلاقوا حد يسال فيهم ولا يعبرهم وفى اطفال اصغر من ماجد بمراحل وبرضه متبهدلين فى الشوارع
المفروض يكون الدولة موفرة لهم مؤسسات اى دولة محترمة بتعمل كدا
تحياتى
انا مش استغربت للجملة دى اد ما انا استغربت لاحساسه
وانا بقوله تشوفها قالى لو تحبى
الولد زى ميكون خايف يقولى ورينى الصورة احسن اقوله امشى بعيد ولا حاجه ولا روح اغسل ايدك الاول
المفروض نكون كويسين مع الاطفال دول مش يبقى احنا والدنيا عليهم
تحياتى
ان شاء الله تكونى بخير
كلامك زى الرصاص فى جتت من نحاس
بقى انتى عايزه حسنى يفكر فى الواد ده لا ياستى كفايه عليه جمال وعلاء وامهم هو حشيل هم مين ولا مين كان الله فى عونه وربنا يأخذه أخذ عزيز مقتدر
كلامك كان قوى اوى
انا كل يوم بشوف المناظر دى
لما الواحد خلاص مبقاش عاوز يخرج من البيت
ياريت اخوانا البعدا يسمعوا ويشوفوا كلامك دة
انتي في بالك يعني بابا وماما مش عارفين بماجد وغير ماجد؟
لا عارفين ومش ساكتين عشان بيكرهوه؟
لا اطلاااااااااااااااقا
دي خطة منظمة الحكومة حاطاها عشان تعمل مننا شعب رجالة بانها تحملنا المسئولية واحنا سوكننين فنطلع رجالة نشيل المسئولية وندفع عجلة التقدم للامام ونعلي معدلات النمو
انما لو ماجد ده طلع زي شباب البيجي بيجي بيلاقي الاكل والعيش واللبس والتعليم وبيلع مع صحابه وله ناس بيحبوه تفتكري هيطلع راجل ويتحمل مسئولية؟
عجبي علينا والله شعب مبيعجبناش العجب الناس عاوزة مصلحتنا واحنا ولا احنا فاهمين
انا اللي صعبان عليا بجد اطفال مدينة نصر والمهندسين وولاد الوزرا ورجال الاعمال
ربنا يتولاهم يارب
انا كل ماافكر لو انا مكانه كنت هااعمل ايه؟؟
ملقيش اجابة
انا رائي اننا مديونين لماجد
هو مش فاضى يفكر فى الواد ده ولا فى اى حد هو جالس يتامل مستقبل مصر ياترى بعد سنة هيبقى لسه فى شعب يقرفه ولا كلهم هيهجوا ويسيبوها له
تحياتى
ما انا برضه كل يوم بشوف نفس المناظر دى بس مش وجعتنى اوى زى ماجد كدا
مش عارفه ليه والله
والله اتمنى
انهم يبقى لسه عندهم القدرة انهم يشوفوا او يسمعوا حتى
بامانة اطفال مدينة نصر والوزراء يصعبوا على الكافر ياراجل
دى حتى عيال فرافير ومتدلعه ومولدين فى بؤهم معلقة دهب شوفت الغلب اللى هما فيه
هههههههههههههههه
والله انت دكتور زى العسل
تحياتى
ماجد ده لو فى بلد محترمة بتحترم ولادها مكنتش هتلاقى اصلا المنظر ده منتشر وبالعشوائية دى
ماجد له رب هو المنتقم الجبار
تحياتى
هو ابن كل مصري بيتبهدل و مش بعيد ينتهي الحال بكل اطفال الغلابة بالشكل ده
الغلابة بس او بمعنى ادق المصريين بس
اما اللي بيناموا و بطونهم مليانة اكل و شر و فساد
عمر ما ولادهم هايكونوا زيه في اي حاجه
لكن زي ما قلتي هو احسن من اللي بياخد المصروف من مامي و بابي و اونكل
صديقتى الجميلة هارت غايبة فين بقالك كام يوم
قلقتينى عليكى على فكرة
انتشار ماجد واللى زية فى البلد بكثرة وبالصورة دى ده دليل فعلا على احترام بلدنا واهتمام بمواطنيها
ليهم رب موجود
تحياتى