حيلة الإخــــوان المنافــــقــــون فى المحليات

كالعادة تصريحاتهم قبل كل انتخابات لن نخوض الانتخابات .... ومع قرب الانتخابات تلاقيهم رجعوا فى كلامهم ويقولوا لالالا احنا منسبش الساحة واحنا هنخوض بس علشان يبقى لنا دور ... .. وكالعادة يبتدى اللعب على الغلابة والفقراء والمفلسين فكرياً .... فمهديهم عاكف بعد ما اعلن انه لن يخوض الانتخابات ... رجع فى كلامه كالعادة واعلنها صريحه فى مؤتمر صحفى إنه سيخوض الانتخابات ... ولم ينسى التباكى الذى يستعطف بيه قلوب الغلابة والفقراء فأسترسل فى كلامة ان الاخوان المنافقون يتعرضون لسحل فى الشوارع وغلق محلات وقطع ارازاق ... طيب ما تديلهم من اللى عندك يا عاكف .. ولا انت تركب بى ام ديلو وهما يتسحلوا فى الشوارع من النظام الظالم الفاسق .... اللى قطع ارزاقهم ... طيب ما تعطيهم مما اعطاك الله ... ولا تكلم لهم زميلك عصام العريان يديهم من البنك اللى هو شريك فيه ؟؟؟؟ ولا انتوا مش بتزكوا على اموالكوا اللى مصادرها معروفة كويس اوى .... ما هم اللى بيتسحلوا دول اخوتكوا فى الاسلام .... وكالعادة اثناء المؤتمر منسيش عاكف يقول الكلمتين المحفوظين ان الانتخابات والمناصب ليست هدف الجماعة فى حد ذاتها وكل ما نريدة انقاذ الوطن من الغرق وانتشال اهله من الفقر والتخلف والمعاناة

هههههههههههههههههههههههههه

طيب يا عاكف اتفضل قولنا البرنامج بتاع معاليك اللى هتنتشل بيه الشعب من الفقر والتخلف

ولا تستدرج الغلابة تحت شعارات كدابة بدون برنامج او هدف واضح وتعمل زى ما الفلسطنيين دعمو حماس و

بيبكو دم دلوقتى

خوض الانتخابات حتى لو كانت محلية يا مهديهم مش شعارات زى الشعارات اللى بتستقطبوا بيها الشباب اللى فاضيين ومالهومش هدف وسهل اللعب فى عقولهم ... الله يرحم رابطة أقوى من العقيدة ولا عقيدة اقوى من الاسلام ... مش دى برضه كانت كلمة الحق التى تريديون بها باطل لا انكر ان هذا النداء تم السيطرة به على شباب المسلمين اللى قومتوا حضراتكو بغسل أدمغتهم واصبحت لا تعرف سوى السمع والطاعة .... وبقوا ورقة بتوجهوها كيف تريدون ومتى تشاؤون ..... تفتكر يا عاكف الناس مش اتعلمت من تجربة مجلس الشعب ... جاى تضحك عليهم تانى بشعار محاربة الفساد والغلاء فى المحليات .... والجميل ان مهديهم يلقى تصريحات وشعارات كدابة ومحمد حبيبهم ... التابع الاول بتاعه سورى النائب الاول بتاعه يلحن له .. لابد ان نسعى إلى تعبئة الشعب والحماية الشعبية .... عايز تعبى الشعب ازاى حضرتك ؟؟؟ هتعبيهم كلهم فى عربية وترميهم فى البحر ولا تعبيهم نفسيا بشعارات الجهاد علشان يقتلوا فى بعض وتفرحوا ببرك الدم .... طيب وهتحميهم ازاى بالسنج والمطاوى والفتوات بتاعتكو ولا هتدوا كل واحد بندقية وتقولوهم حى على الجهاد .. تعالوا نقتل فى بعض .. ما هو لازم نجاهد ..... على غرار طلاب الازهر اللى قاموا بعملهم الارهابى داخل حرم الجامعة على اكمل وجه .... والعجيب والمضحك ان الاخوانجية اللى حافظين كلمتين بيقولوا كانوا بيتدربوا كارتية .. لووووووول .. من امتا الكارتية بلبس اقنعة الجهاد وبالكلانشكوف ... والنبى يابنى انت وهو بلاش الجهل اللى ضحكوا عليكو بيه ده ... ما هو انت وهو مش ينفع غير انكو تصدقوا .. منها لله البرمجة ... معلشى يا مهديهم المرة دى جت معاك اوت الناس فهمت الدرس كويس والفقرا الغلابة بيلعنوا اليوم اللى صدقوكوا فيه ... انت تركب بى ام دبليو تلبس مستورد .... تغسل اموال ... انما الفقرا والغلابة مش بتفتكرهم غير بالشعارات وقت الانتخابات ... من امتا سيادتك اهتميت بمصر وشعب مصر .... هو مش حضرتك برضه صاحب الطظات الثلاث

العب غيرها يا عاكف