حد فيكو يا جماعه ليه علاقة بأى مسئول فى شركة المحمول الثالثة ( إتصالات ) لاء انا مش عايزة اشتغل فيها ولا حاجه ولا عايزة منهم خط ... من يوم ما نزلوا العرض بتاع الكارت اللى بعشرين جنيه يديلك عشرين دقيقة واللى باربعين يديلك اربعين دقيقة ... وانا تليفونى طول الليل وفى اول ساعات النهار الاولى مبيبطلش رن لدرجة انى كنت هنطرد من البيت فى فجر احد الايام من قريب اوى .... اول مرة الرقم ده رن عليا شخص بيسأل على إيمان ... قولت له النمرة غلط وقفلت ... بعدها بعشر دقايق نفس الرقم طيب انا محمد ممكن نتعرف ... لاء اسفه انا مش بتعرف على حد وقفلت ... بعدها بـ 3 ثوانى انتى بتقفلى السكة فى وشى ليه ... هو انتى مش عندك اخوات صبيان ... لاء معنديش وبعدين انت شكلك واحد فاضى من فضلك مش تتصل فى الرقم ده تانى وبرضه قفلت ... وطبعا فى الوقت مكانش ينفع اقفل التليفون لانى كنت مستنية مكالمة من رفح ... بعد شوية اتصل تانى نفس الاخ .. لو سمحتى ممكن مش تقولى عليا فاضى تانى ... لانى انسان كبير ومحترم وعلى فكرة انا عارفك شخصيا وتعبت جدا والله لحد ما وصلت لرقمك .. وانا كنت عايز اتكلم معاكى فى موضوع .... والله يا فندم مش بتكلم مع حد وياريت تقفل دلوقتى لانى بجد مش ينفع يبقى تليفونى مشغول فى الوقت ده بالذات ... بعدها بدقيقة واحدة تليفونى رن .... لاء مكانش هو كان حد تانى .... أيون اللى فى رفح ... الحمد لله المكالمة خلصت على خير بعد كام استجواب وعدت ... الساعه 4 صباحاً .... لاقيت الاخ بتاع 011 ده بيتصل روحت مكنسلة وقافلة الموبايل خالص ... لسه بفتح الموبايل الصبح لاقيت منه رساله ... بصراحة كدا عيب وميصحش تقفلى فى وشى .... ولسه بعمل ديليت للرسالة ... والاقيه بيتصل ... سبته يرن ويرن ويرن وانا مارست طقوسى اليومية عادى جدا ... ونزلت الشغل ... لسه بوصل الشغل والاقى رسالة ... تصدقى لون الكوتشى بتاعك يجنن والله من زمان بدور على كوتشى زيه كدا الا هو مفيش منه رجالى .... قولت يمكن جت معاه صدفة يعنى .... الدنيا مطر والطبيعى ان اى حد ممكن يلبس كوتشى ... طول اليوم يتصل وانا اكنسل لما عملى هوس .... فى الاخر فتحت ومش اتكلمت ... لاقيته بيقول بصى ما هو انا مش هسيبك لانى بصراحة بحب الحاجات التنكة دى ... وطريقة معاملتك خلتنى احطك فى دماغى اكتير .... انا قولت بس انا شكلى هتخطف النهارده .... رجع يتصل تانى وكل لما يتصل افتح وما اردش ... تانى يوم الصبح لاقيته باعت لى رسالة مدينى مواصفات لبسى كله .... ده كدا بقى يبقى حد فعلا عارفنى .... اتصل رديت عليه بالآتى ... بص حضرتك انا مش هسالك انت جبت رقمى منين ولا انت تبقى مين لأن ده اصلا ميهمنيش فى حاجه ... بس كل اللى هقوله لك ... من الواضح انى معنديش استعداد اتكلم معاك ولا مع غيرك وبالرغم من كدا بتتصل كتير وفى اوقات مختلفة وده بيعملى ازعاج وبيضايقنى جدا ... لاقيته اتاثر وشوية وهيعيط ويقولى خلاص انا اوعدك مش اتصل تانى وانا راجل وعند وعدى .... قولت له شكرا وقفلت على كدا ... التزم بوعده 12ساعة ... والصبح لاقيته باعت لى رسالة بصى انا اسف للازعاج بس ليا عندك طلبين وبعدها مش هتشوفى رقمى تانى ... ياريت مرة واحدة بس تمشى من غير النضارة .. والتانى انا بكره اوى الموضة بتاعة البنطلونات الجينز المتقطعة دى .... انا معنديش حريم يلبسوا جينز مقطع انتى فاهمة ولا لاء .... هنا وكنت هرقع بالصوت الحيانى وافرج عليا الناس ..... لولا ستر ربنا وتماسكت فى اللحظات الاخيرة ..... وعليها اخدت قرار انى اغير الطريق هو اينعم الطريق التانى لفة كبيرة شوية بس مش مهم .... استلمنى الاخ كل شوية رسالة انتى فين ... مبتعديش ليه ... انا قلقان عليكى ... يا حرام قطعت قلبى عليك يابنى . وهو يبعت فى رسايل وانا احذف ... امبارح بالليل الجو كان برد شوية والشارع فاضى قولت كويس اروح من طريقى العادى .... وانا ماشية وماشية وماشية والاقى حد جاى جنبى يقولى انتى كنتى فييييييين قلقتينى عليكى .... على فكرة انا محمد ... ولا بصيت شوية وايه ده انا محمد 011 ... واخيرا شوفتك من غير نضارة فى سرى قولت والله حهزأه وأبص جنبى والاقى ايه ده الواد طلع موووووز مووووووز ... وكفاية عليه كدا اصل البلوج احيانا بيكون متراقب .... ومن غير ما انطق ولا حرف رحت موقفة توكتوك مع انى عاملة مقاطعة من يوم ما اتسرقت بس قولت العمر واحد ... وحتى الان هذا الزيرو حداشر مبطلش رن ولا رسايل ... اخرهم انا محمد وعندى 29 سنة تتجوزينى ... البعيد بيتفرج على قناة ميلودى كتير وبيغش من الرسايل اللى بتيجى عليها ..... انا من بلوجى هذا ومن هذا الموقع اناشد السادة المسؤلين عن الشركة الثالثة للمحمول ارحمونى بقى والغوا العرض ده علشان الاستاذ محمد اللى عنده 29 سنة بيستغله غلط
الحكاية دى حصلت معايا بس من موبينيل :)))) و لما لقيته واحد قليل الادب ما ردتش عليه تانى و لا بيقت ارد على رقم غريب لحد ما زهق هو
و فيه حل تانى افتحى عليه بس ما تكلميش و خلصيله رصيده :)))9
يا بنتى ما تاخديش و تدى مع الاشكال دى من اول مرة لقيتى كده ما كنتيش ردتى تانى و هو كان حيسكت لوحده و اذا كان على مشاكل البيت اعمليه سايلنت و انتى فيه و خلصى نفسك
ههههههههههههه والله يابنتي انا قلت دي حست بالمشكله اللي انا فيها وبتناشد الشركه انها تديني الدقايق المجانيه اصل انا شحنت بس ماكنتش اعرف موضوع الرساله بتاع اربع خمسات دي تفتكري هايدوني الدقايق ولا هايطنشوا ؟؟؟؟
عاليا حليم والله يا حبيبتى كنت بعمل كدا افتح الخط وما اردش خالص وده مفيش فايده قولت اقوله انى مش بتعرف على حد يمكن يرحم نفسه بس شكله شاحن الكارت اللى بـ 250 جنيه وواخد 250 دقيقة مجانى فقال يخلصهم عليا ... وده باللى بعملة دلوقتى برضه وكمان غيرت الطريق بتاعى خالص الموبايل بقيت بقفله خالص لما بدخل البيت ربنا يرحمنا
خمسة فضفضة عليكم السلام ورحمة الله وبركاته لو اعرف كنت بعت لهم بس ما تحاولى تتصلى بخدمة العملاء وتقولى لهم يمكن يديهم لك اصل انا ماليش فى الاتصالات دى انا فودافوووووووون
عارفة انجي صاحبة مدونة اي حاجة بقى واحد بردو حب يغلس عليها كده راحت عاملة حركة تمام اوي عملت بوست وكتبت الرقم اللي كان مدايقها وفضحته ادام المدونين كلهم هههههههه
بصي انا شايف ان الموضوع حله ف اديكي لازم تكوني أشد من كده شوية
يعني انا كنت متخيل وانتي بتقولي لقيته جمبي وبيقولي انا محمد قلت بئا هتقلبي عليه الشارع وتفرجي عليه الناس
بالضبط يا قطة كان المفروض فرجتي عليه الشارع و لو استمرت المضايقة بلغي فيه البوليس و وديه في داهية ناس مقرفة :( يا اما لو الواد موز قوي يبقى لو عارف سكة بيتك يتقدم لك و يا تقبليه يا ترفضيه ثم 29 سنة و لسه بيعاكس بالموبايل دي مراهقة متأخرة
ليه انتي تنكة و الحاجات دي و طريقة معاملتك هي اللي خليته يحطك في دماغه الكبير
غيري الصنف تستريحي
و مالكيش دعوة بالنفحة بتاعت اتصالات لزباينها
أنا فودافون
يعني عندي كود جامد جدا يخليني غير متاح و الاجمد بقى انه يخليني غير متاح لرقم معين بس
ههههههههههههههههههههههه
انا عارفك لئيمة هتفكري اني بقوللك كدة عشان تعرفيني انتي شبكة ايه يعني لو فودافون هاتقوليلي مولاي الملك من فضلك انعم على قطتك الاثيرة برتبة الكود لمنع الازعاج
و لو موبينيل هاتقوليلي يا ريت كان في يا مولاي اكواد من دي في موبينيل
على فكرة انا متأكدان كل اللى ردوا واعترضوا من البنات غيرانيين منك وكل اللى ردوا واعترضوا من الشباب غيرانيين عليكى انا الوحيد اللى ما تفرقش معايا ههههههههه اتمنى يا رب يكون خير
كدة برضه ؟؟ ده الواد شكله ابن حلال وعاوز الخير :))
معلش يا ستى بتحصل كتير وياما اتخانقت وخرجت عن شعورى جوة التليفون وبراه بسبب الموضوع ده بس برضه احب الفت نظرك ان زى ما فى شباب كدة فى برضه بنات كدة وهذا عن تجربة شخصية بحتة
آلام وآمال ده شكله رقم وداير على الكل ما انا اقدر انزل رقمه فى البلوج وفى الاهرام والجمهورية والفضائيات بس على ما اعتقد انى كدا بعمله تسويق اعلانى والله عملت كل حاجه والاخ مبيحسش اصلا
مهندس مصري ماهو ده اللى كان هيحصل كنت هخلى الكيلو منه بنص فرنك بس لسه بلتفت والاقى ايه ده هى البلد دى فيها موزززززز كدا وانا معرفش لاقيت الحل الامثل هو الهروب اصلى اتفاجأت
مصرى وبدرجة مواطن لاء انت ارسى على بر حمادة عزو دى اعملها لمين بالظبط بس تصدق تقريبا كلهم حمادة عزو وانا اخر من يعلم موضوع اشوف له عروسة ده نبقى ندرسة بعدين ... ممكن افكر الب السيبر مكتب خاطبة على الاقل هيكسب كويس والحكومة تبعد عنى شوية
الباحث عن الحقيقة يعنى انت شايف ان الناس دى بتحقد عليا اتوكل على الله واوافق اتجوز واحد عن طريق الموبايل تصدق جوازة شيك برضه يابنى ده واحد معاه دقايق كتير مجانية وبيدور على حد يخلصهم عليه منها لله قناة ميلودى وروتانا والخليجية
Nigro بص يا محمد انا كنت والله ناوية فعلا اهزئة انا مش طبعى حونينة مع الولاد خالص انا اى حد بيقولى بس بس بقولوا نيااااااااااااااااااو وتلاقينى هجمت وهاتك يا خربشة ده كنت هعضه مش اخربشه بس لكن ببص لاقيته مووووووز حاجه كدا مش ينفع خالص معاها زئير الاسد
Foxology اه فعلا فى بنات كدا ان قريت مرة موضوع بلوتوث وكدا كان تقريبا عند صوت من مصر بس انا مش كدا خالص والله ايه رايك نجمع اللى كدا على دكهوما ونخلص احنا من الخنقة دى
موووووووووووز والله عسل يا قطتي.. بس ماكنش ليكي حق تردي عليه أصلا بعد أول مره لما عرفتي انه بيعاكش أو حد ماتعرفهوش ماهو لما لقاكي رديتي بدل المره كذا مره قال طالما لانت وبترد حتى لو بتقول كلام خشن بكره تلين أكتر وأكتر ونبدأالناعم...والززن على الودان أمر من السحر... آه ياختشي مانتا عارفه شبان اليومين دول...
ولو غرضه شريف يبقى يا ريت.. وباب البيت مفتوح لكل الموز والتفاح والبرتقان....ههههه بس والله انك عسل
بصى انا مخنوق اساسا وبعد مقريت اتخنقت اكتر فانا حطلع الخنقة كلها هنا فمش عارف الكلام حيطلع ازاى فياريت تعذرينى
عندنا فى كمورا مورا الراجل كرامة
معروفة راجل يعنى تلاقى كرامة والكرامة مبتتهنش وان اتهانت بتضيع
ولما الراجل يعوز حاجة بيروح لصاحبها وبيطلبها منه يعنى بيقف قدامه ويقوله انا عايز كذا لو لقى الجواب بالنفى بيلم بعضه فى شوال وبيمشى من سكات ومبيعدهاش
وبرده الراجل مبيبصش على بنات الناس وهى ماشية فى السكة ويتفحص هى لابسة ايه عيب ... عيب .... عيب وكدة ميصحش
ويعنى ايه واحد يتصل بواحدة فى نص الليل حتى لو كان يعرفها ليه هو الاخ ميعرفش ان البيوت ليها حرمتها الى يخنق اكتر ان عنده 29 شنة يعنى المفروض انه بقى راجل عاقل انتهى من مرحلة النزوات والشهوات وبقى راسى وهادى وبقى يعرف الى يصح والى ميصحش وبقى عارف الاصول والعادات والتقاليد بتاعتنا الى حضرته اخترقها وبكل سهولة فى رسالة اول مرة اشوف حد عايز يتجوز بالرسايل وبعد كدة حتخلفه فى رنة
بس تصدقى اول مرة اسمع عن النوع دة من الجواز لا فعلا البلد بتتقدم بينا
ربنا يعينك يابنتى والله ربنا معاكى ومع الى زيك انتوا حالتكم مستعصية وحرجة فى نفس الوقت
ياله ماعلينا ربنا يبعدنا عن الاشكال دى وربنا معاكى ياحنان وتخلصى من المحنة دى
زعيم كمورا مورا تعرف انا الاول كنت متاضقية علشان قلة ادبة واتصالاته فى كل وقت دلوقتى انا متضايقة اكتر علشان طلع موووووووز يعنى لو كان طلع بطيخ مش كان زمانى هزأته وخلصت من الصداع بتاعه بس بجد بجد يعنى لو شوفته مرة تانية هنضف بيه الاسفلت تحياتى ياباشا
الله عليكى وعاملة قطة ومش اى قطةدى انتى قطةالصحراء يعنى خربوش واحد منك ويبقى البقية فى حياتك فيه بس الشارع عندك كله طينة وتراب اتمسحى الاسلفت بيه ازاى بس خلى بالك الموووووووووز اللى فى السوق شكل من غير طعم تحياتى خالد
همس الاحباب انا كنت ماشية فى شارع رئيسى يعنى كبير وفيه اسفلت هو اينعم اسفلت قريب من العدم بس خليها فى سرك ومشيها اسفلت وخلاص طبعا الموووز لو كان ليه طعم اكيد كان احترم نفسه من اول مرة اتهزء فيها س نعمل ايه فى المظاهر الخداعة تحياتى
قال غير معرف…
ده واد تبت اوي اوي غلس شكل
بصي ابنتي نصيحتي افحي عليه كل مايتصل و سيبيه يتكلم و انتي حطي الموبيل جنبك لحد مارصيده يقفل
و ممكن برضه تروحي اي مركز لاتصالات و تديهم رقمه و تقوليلهم انه بيضايقك يمكن يرتجع
طيب ده انتى فى نعمة تعملى ايه بقى للى بيعاكس بقالة 7 سنين و مبيبطلش و فتحت عليه بالساعات و هو بيهاتى يكلم نفسة و فرق النمرة على خط الصعيد كلة لانه لهجتة و لهجة اى حد بيتكلم صعيدى و وصلتلة و اتجرجر على القسم و اتهزق و مبطلش بردو و انا بالعند مغيرتش النمرة عشان هو مش هيلوى دراعى و حطيت نمرتة فى شات روم لل Ga*s و اتبهدل و مبطبش بردو
قال غير معرف…
تصدقي أنا كمان 011 إتصالات ممكن النمرة بتاعتك علشان أنا كمان مشترك في العرض ده ومعايا دقايق مجانية كتيييييييييييير ومش عارف أوديها فين عامة يا قطة العيب عليكي ، لو كنتي أسداية ولا حاجة ماكانش قدر يقربلك وإلا كان إتقطع مليون حته وطالما الواد موووووووووز موووووووووز وطالب القرب منك يبقى خلاص على بركة الله ، وعلى رأي المثل ما محبه إلا بعد رنات على فكرة تبقى مصيبة لو يعرف البلوج بتاعتك لإن كده مش حيبطل لا إتصالات ولا مسجات وحينتقل للمرحلة رقـ2ـم من الخطة أتمنى أسمع أخبار سعيدة عنكم بإذن الله ويابخت من وفق راسين في الحلال
قال غير معرف…
تصدقي أنا كمان 011 إتصالات ممكن النمرة بتاعتك علشان أنا كمان مشترك في العرض ده ومعايا دقايق مجانية كتيييييييييييير ومش عارف أوديها فين عامة يا قطة العيب عليكي ، لو كنتي أسداية ولا حاجة ماكانش قدر يقربلك وإلا كان إتقطع مليون حته وطالما الواد موووووووووز موووووووووز وطالب القرب منك يبقى خلاص على بركة الله ، وعلى رأي المثل ما محبه إلا بعد رنات على فكرة تبقى مصيبة لو يعرف البلوج بتاعتك لإن كده مش حيبطل لا إتصالات ولا مسجات وحينتقل للمرحلة رقـ2ـم من الخطة أتمنى أسمع أخبار سعيدة عنكم بإذن الله ويابخت من وفق راسين في الحلال
DoctorAllam راسين فى الحلال وما محبة الا بعد رنات ده انا كدا ممكن يجرى لى حاجه هو اينعم مووووز بس قليل الادب الا هو لسه معاك دقايق مجانية طيب ما تحولهم لى ولا مش ينفع اتصالات يحول فودافون 010000000000000 جرب كدا تكسب ثواب
انا كنت بلف على النت بدور على شوية حاجات في البيزنس وكده ووقاعت المقاله دي تحت ايدي بالصدفه بس بجد دمك خفيف بس تعرفي والله انا بيصعب عليا البنت اللى زيكم الرجاله في مصر يا عينني خلاص اتهطلت مبقيناش بنعرف ازاى نتعامل مع الجنس اللطيف بقينا بنفتقد المبادئ الاساسية في التعامل مع البنات علشان كده بكل احترام احب اقولك اتأمرى جدا انتى وكل البنات لان فيه الف بغل ممكن يشيل بس بجد انت دمك خفيف
حد فيكو يا جماعه ليه علاقة بأى مسئول فى شركة المحمول الثالثة ( إتصالات ) لاء انا مش عايزة اشتغل فيها ولا حاجه ولا عايزة منهم خط ... من يوم ما نزلوا العرض بتاع الكارت اللى بعشرين جنيه يديلك عشرين دقيقة واللى باربعين يديلك اربعين دقيقة ... وانا تليفونى طول الليل وفى اول ساعات النهار الاولى مبيبطلش رن لدرجة انى كنت هنطرد من البيت فى فجر احد الايام من قريب اوى .... اول مرة الرقم ده رن عليا شخص بيسأل على إيمان ... قولت له النمرة غلط وقفلت ... بعدها بعشر دقايق نفس الرقم طيب انا محمد ممكن نتعرف ... لاء اسفه انا مش بتعرف على حد وقفلت ... بعدها بـ 3 ثوانى انتى بتقفلى السكة فى وشى ليه ... هو انتى مش عندك اخوات صبيان ... لاء معنديش وبعدين انت شكلك واحد فاضى من فضلك مش تتصل فى الرقم ده تانى وبرضه قفلت ... وطبعا فى الوقت مكانش ينفع اقفل التليفون لانى كنت مستنية مكالمة من رفح ... بعد شوية اتصل تانى نفس الاخ .. لو سمحتى ممكن مش تقولى عليا فاضى تانى ... لانى انسان كبير ومحترم وعلى فكرة انا عارفك شخصيا وتعبت جدا والله لحد ما وصلت لرقمك .. وانا كنت عايز اتكلم معاكى فى موضوع .... والله يا فندم مش بتكلم مع حد وياريت تقفل دلوقتى لانى بجد مش ينفع يبقى تليفونى مشغول فى الوقت ده بالذات ... بعدها بدقيقة واحدة تليفونى رن .... لاء مكانش هو كان حد تانى .... أيون اللى فى رفح ... الحمد لله المكالمة خلصت على خير بعد كام استجواب وعدت ... الساعه 4 صباحاً .... لاقيت الاخ بتاع 011 ده بيتصل روحت مكنسلة وقافلة الموبايل خالص ... لسه بفتح الموبايل الصبح لاقيت منه رساله ... بصراحة كدا عيب وميصحش تقفلى فى وشى .... ولسه بعمل ديليت للرسالة ... والاقيه بيتصل ... سبته يرن ويرن ويرن وانا مارست طقوسى اليومية عادى جدا ... ونزلت الشغل ... لسه بوصل الشغل والاقى رسالة ... تصدقى لون الكوتشى بتاعك يجنن والله من زمان بدور على كوتشى زيه كدا الا هو مفيش منه رجالى .... قولت يمكن جت معاه صدفة يعنى .... الدنيا مطر والطبيعى ان اى حد ممكن يلبس كوتشى ... طول اليوم يتصل وانا اكنسل لما عملى هوس .... فى الاخر فتحت ومش اتكلمت ... لاقيته بيقول بصى ما هو انا مش هسيبك لانى بصراحة بحب الحاجات التنكة دى ... وطريقة معاملتك خلتنى احطك فى دماغى اكتير .... انا قولت بس انا شكلى هتخطف النهارده .... رجع يتصل تانى وكل لما يتصل افتح وما اردش ... تانى يوم الصبح لاقيته باعت لى رسالة مدينى مواصفات لبسى كله .... ده كدا بقى يبقى حد فعلا عارفنى .... اتصل رديت عليه بالآتى ... بص حضرتك انا مش هسالك انت جبت رقمى منين ولا انت تبقى مين لأن ده اصلا ميهمنيش فى حاجه ... بس كل اللى هقوله لك ... من الواضح انى معنديش استعداد اتكلم معاك ولا مع غيرك وبالرغم من كدا بتتصل كتير وفى اوقات مختلفة وده بيعملى ازعاج وبيضايقنى جدا ... لاقيته اتاثر وشوية وهيعيط ويقولى خلاص انا اوعدك مش اتصل تانى وانا راجل وعند وعدى .... قولت له شكرا وقفلت على كدا ... التزم بوعده 12ساعة ... والصبح لاقيته باعت لى رسالة بصى انا اسف للازعاج بس ليا عندك طلبين وبعدها مش هتشوفى رقمى تانى ... ياريت مرة واحدة بس تمشى من غير النضارة .. والتانى انا بكره اوى الموضة بتاعة البنطلونات الجينز المتقطعة دى .... انا معنديش حريم يلبسوا جينز مقطع انتى فاهمة ولا لاء .... هنا وكنت هرقع بالصوت الحيانى وافرج عليا الناس ..... لولا ستر ربنا وتماسكت فى اللحظات الاخيرة ..... وعليها اخدت قرار انى اغير الطريق هو اينعم الطريق التانى لفة كبيرة شوية بس مش مهم .... استلمنى الاخ كل شوية رسالة انتى فين ... مبتعديش ليه ... انا قلقان عليكى ... يا حرام قطعت قلبى عليك يابنى . وهو يبعت فى رسايل وانا احذف ... امبارح بالليل الجو كان برد شوية والشارع فاضى قولت كويس اروح من طريقى العادى .... وانا ماشية وماشية وماشية والاقى حد جاى جنبى يقولى انتى كنتى فييييييين قلقتينى عليكى .... على فكرة انا محمد ... ولا بصيت شوية وايه ده انا محمد 011 ... واخيرا شوفتك من غير نضارة فى سرى قولت والله حهزأه وأبص جنبى والاقى ايه ده الواد طلع موووووز مووووووز ... وكفاية عليه كدا اصل البلوج احيانا بيكون متراقب .... ومن غير ما انطق ولا حرف رحت موقفة توكتوك مع انى عاملة مقاطعة من يوم ما اتسرقت بس قولت العمر واحد ... وحتى الان هذا الزيرو حداشر مبطلش رن ولا رسايل ... اخرهم انا محمد وعندى 29 سنة تتجوزينى ... البعيد بيتفرج على قناة ميلودى كتير وبيغش من الرسايل اللى بتيجى عليها ..... انا من بلوجى هذا ومن هذا الموقع اناشد السادة المسؤلين عن الشركة الثالثة للمحمول ارحمونى بقى والغوا العرض ده علشان الاستاذ محمد اللى عنده 29 سنة بيستغله غلط
تعليقات
و لما لقيته واحد قليل الادب ما ردتش عليه تانى و لا بيقت ارد على رقم غريب لحد ما زهق هو
و فيه حل تانى افتحى عليه بس ما تكلميش و خلصيله رصيده :)))9
يا بنتى ما تاخديش و تدى مع الاشكال دى من اول مرة لقيتى كده ما كنتيش ردتى تانى و هو كان حيسكت لوحده و اذا كان على مشاكل البيت اعمليه سايلنت و انتى فيه و خلصى نفسك
سلام يا جميل
ههههههههههههه
والله يابنتي انا قلت دي حست بالمشكله اللي انا فيها وبتناشد الشركه انها تديني الدقايق المجانيه
اصل انا شحنت بس ماكنتش اعرف موضوع الرساله بتاع اربع خمسات دي
تفتكري هايدوني الدقايق ولا هايطنشوا ؟؟؟؟
ههههههههههههه
والله يا حبيبتى كنت بعمل كدا
افتح الخط وما اردش خالص
وده مفيش فايده
قولت اقوله انى مش بتعرف على حد يمكن يرحم نفسه
بس شكله شاحن الكارت اللى بـ 250 جنيه وواخد 250 دقيقة مجانى فقال يخلصهم عليا
...
وده باللى بعملة دلوقتى برضه وكمان غيرت الطريق بتاعى خالص
الموبايل بقيت بقفله خالص لما بدخل البيت
ربنا يرحمنا
عليكم السلام ورحمة الله وبركاته
لو اعرف كنت بعت لهم
بس ما تحاولى تتصلى بخدمة العملاء وتقولى لهم يمكن يديهم لك
اصل انا ماليش فى الاتصالات دى انا فودافوووووووون
واحد بردو حب يغلس عليها كده راحت عاملة حركة تمام اوي
عملت بوست وكتبت الرقم اللي كان مدايقها وفضحته ادام المدونين كلهم
هههههههه
بصي انا شايف ان الموضوع حله ف اديكي
لازم تكوني أشد من كده شوية
يعني انا كنت متخيل وانتي بتقولي لقيته جمبي وبيقولي انا محمد
قلت بئا هتقلبي عليه الشارع وتفرجي عليه الناس
يعني م الاخر خليكي جريئة ووريلو العين الحمرا
كان المفروض فرجتي عليه الشارع
و لو استمرت المضايقة بلغي فيه البوليس و وديه في داهية
ناس مقرفة
:(
يا اما لو الواد موز قوي
يبقى لو عارف سكة بيتك يتقدم لك و يا تقبليه يا ترفضيه
ثم 29 سنة و لسه بيعاكس بالموبايل
دي مراهقة متأخرة
ليه انتي تنكة و الحاجات دي و طريقة معاملتك هي اللي خليته يحطك في دماغه الكبير
غيري الصنف تستريحي
و مالكيش دعوة بالنفحة بتاعت اتصالات لزباينها
أنا فودافون
يعني عندي كود جامد جدا يخليني غير متاح
و الاجمد بقى انه يخليني غير متاح لرقم معين بس
ههههههههههههههههههههههه
انا عارفك لئيمة هتفكري اني بقوللك كدة عشان تعرفيني انتي شبكة ايه
يعني لو فودافون هاتقوليلي مولاي الملك من فضلك انعم على قطتك الاثيرة برتبة الكود لمنع الازعاج
و لو موبينيل هاتقوليلي يا ريت كان في يا مولاي اكواد من دي في موبينيل
وواضح جدا من البوست انك مش اتصالات
حودة فون أم نبيل أم صلاح
يا ترى مين وراهم
يا اما تشغلى له اغنية يتربى فى عزو حمادة عزو لان شكله كده من اياهم
.......................
او تجيبى له عروسة
وبعدين حد لاقى جواز اليومين دول
شوفى الاول نظامه اية يعنى خط ولا كارت ولا يمكن طنط دعيالك ويطلع بيزنيس وتبقى كده لعبت معاكى خلاص
انا لو منك اتكل على الله وعلى الاقل هتكلم من عنده ببلاش
تفتحى الخط ومتسمعيش حاجه
تركنى التليفون لغايه لما يزهق هو ويغور
تحياتى وسلامى لكى
ربنا يتمم بخير ان شاء الله
بجد فرحتلك ومش تريقه
ان شاء الله خير
وكل اللى ردوا واعترضوا من الشباب غيرانيين عليكى
انا الوحيد اللى ما تفرقش معايا
ههههههههه
اتمنى يا رب يكون خير
كدة برضه ؟؟ ده الواد شكله ابن حلال وعاوز الخير :))
معلش يا ستى بتحصل كتير وياما اتخانقت وخرجت عن شعورى جوة التليفون وبراه بسبب الموضوع ده بس برضه احب الفت نظرك ان زى ما فى شباب كدة فى برضه بنات كدة وهذا عن تجربة شخصية بحتة
سلام :)
طب والله الواد دمه خفيف
اعانك الله على عروض المحمول
شكرا على مرورك للمدونه بتاعتى
واتمنى نكون اصدقاء على طول
سلام يا قطتى الجميله
عشان كدة كان بيعاكسك
يبدو ان الموضوع ملهوش علاقة باتصالات
شركة المحمول اللى خرباها فى مصر
الراجل ده باينه عامل زي الناس السايكو بتوع الأفلام الأمريكيه
عندي فكره حلوه
كل ما يتصل
افتحي عليه واقفلي الخط
والرصيد هايخلص
:)
ده شكله رقم وداير على الكل
ما انا اقدر انزل رقمه فى البلوج وفى الاهرام والجمهورية والفضائيات بس على ما اعتقد انى كدا بعمله تسويق اعلانى
والله عملت كل حاجه والاخ مبيحسش اصلا
ماهو ده اللى كان هيحصل كنت هخلى الكيلو منه بنص فرنك
بس لسه بلتفت والاقى ايه ده هى البلد دى فيها موزززززز كدا وانا معرفش
لاقيت الحل الامثل هو الهروب
اصلى اتفاجأت
طيب يا فندم انا فودافون بقى
ولو تكرمت يا جلالة الملك ممكن الكود ده
الهى ما يغلب لك رعايا ابدا
لاء انت ارسى على بر حمادة عزو دى اعملها لمين بالظبط
بس تصدق تقريبا كلهم حمادة عزو وانا اخر من يعلم
موضوع اشوف له عروسة ده نبقى ندرسة بعدين ... ممكن افكر الب السيبر مكتب خاطبة على الاقل هيكسب كويس والحكومة تبعد عنى شوية
امممممم
يعنى انت شايف كدا
يعنى ده رأيك
امال قطة حدوتة مين اللى هيعملها
ماااااااااشى
ماااشى
ان ما جيت فجرت لك البلوج بالزوار
وحياتك يا ريسة بعمل كدا
وده لازقه انجليزى
واجمل حاجه انك تفضلى فاتحة الخط اكتر من ربع ساعة وحد مشغلك اغانى
نياهاهاهاهاهاها
لا ما انا عارفه انك مش بتتريق انت بتتمنى لى الخير
يعنى انت شايف ان الناس دى بتحقد عليا اتوكل على الله واوافق اتجوز واحد عن طريق الموبايل تصدق جوازة شيك برضه
يابنى ده واحد معاه دقايق كتير مجانية وبيدور على حد يخلصهم عليه
منها لله قناة ميلودى وروتانا والخليجية
بص يا محمد انا كنت والله ناوية فعلا اهزئة انا مش طبعى حونينة مع الولاد خالص انا اى حد بيقولى بس بس بقولوا نيااااااااااااااااااو وتلاقينى هجمت وهاتك يا خربشة
ده كنت هعضه مش اخربشه بس
لكن ببص لاقيته مووووووز
حاجه كدا مش ينفع خالص معاها زئير الاسد
اه فعلا فى بنات كدا
ان قريت مرة موضوع بلوتوث وكدا كان تقريبا عند صوت من مصر
بس انا مش كدا خالص والله
ايه رايك نجمع اللى كدا على دكهوما ونخلص احنا من الخنقة دى
يا حبيبتى ربنا يحرمنى من خفة دمه دى
دعواتك كدا
تفتكرى واحدة بتتخانق فى التليفون وكل كلامها زعيق ده حتى لو كراون فى الوقت ده بيقلب لصوت عبدالفتاح القصرى غصبا واقتدارا
والله غلبت
استخدمت كل الطرق
الحل ان العرض ينتهى واخللللللللص
عامله ايه ياقمر
انا بردك ومن نفس الموقع بااناشد الساده المسئولين انهم
يلغوا رساله كلمني شكراً
بتخنق منها
اه صحيح هو الواد جامد اوي ؟؟
سلاموووووووز ياقمر
ده عتيق جدا
انا مش فاهمة مادام هو الواد موووووز مووووووز ايه المشكلة بقى أتكلى على الله يابنتى وبعدين انت قلبك حد مطاوعكيش تهزقيه هوا بيبتدى كده على فكرة
هههههههههههههه
ولا يهمك افتحى انتى عليه وماترديش والرصيد اكيد مش هيصمدوهيخلص بدرى بدرى
احلى سلام
بامانه الى يحي يتعرف على البنت بالطريقه دى مش انسان كويس ابدا
لو طلعتي رقم 4000
هاديلك الكود
ايستابينا ؟
ايستابينا يعني اتفقنا بالايتاليانو
سي بارلو ايتاليانو
تصدقى انا كمان الرسالة دى خنقانى برضه
بصراحة الواد كان جامد طحن يعنى
هو بصراحة الاسلوب عتيق لكن الواد على احدث الطرز
يمكن كان عايش فى الكهف ولسه خارج
لاء خالص انا قولت الموووووز ده كله يتهزء فى الشارع ده حتى يبقى عيب
والله بفتح عليه
ولا هعبره برضه
انا دلوقتى بس حسيت بمعناتك
هو السيستم ايه
نفع واستنفع
اوكى يا ملك
يااااااااارب
انت عارف بقى
طيب طالما الواد موووووووووووووووووووز
فين المشكلة بقى ؟؟؟؟
:P
ازيك يا قطقوطة؟؟؟
عاملة ايه واخبارك ايه ؟؟؟؟
ابقى طمنينى عليكى يا جميل
عسل
انا مبطلتش ضوووحك من ساعة ماقريت اللى انتى كاتباه وخصوصا
موووووووووووووز دى
ولا الطريقه الجديده لكتابة الزيوز حداشر
انا راىى انك تبعتيله ماسيج وتقليله اتفرج على القناه السابعه على برنامج مالا يطلبه المشاهدون
اسلوبك فى السرد ممتاز بصراحه
ام عن الاخ اللى معندوش دم وشكله متبرع بيه لهيئة الرخامه الابديه
فانتى خليه يتصل وافتحى ومترديش
ده اقوى حل واستمرى على كده
لحد ميبعتلك رساله
اشحنلى شكرا
بس طالاما طلع موز بقى يبقى خلاص
أطلع منها أنا
هههههههههههه
و احب اضم صوتى لصوتك حتى يصل الى شركه أتصالات
ههههههههه
شكراً ليكى
مدونه ساخره
عبده الرايق
لعب وجد وضحك وضرب ................
عبده الرايق
يقدم لكم احلى تشكيله من المكسرات والمفتفتات والمطحونات والتعلب فات فات وفى ديله سبع لفات
عبده الرايق
راااااااااااااااااااااااااااااااااااايق
ومرووووووووووووووووووووووووووق
والدنيا كاسحاه فى ديلها
انتى تفتحى عليه وتسيبيه
يتكلم مع نفسه
لغايه لما يتقطع نفسه
الواد موز وصارف عليكى متين وخمسين جنيه مكالمات يبقى عايزة ايه اكتر من كده؟
تحياتى
المشكلة انه مزعج
وممكن اكون مشغولة والاقيه عاملى صداع
او محتاجه انام وعاملى ازعاج
انا كويسة يا قمر طول ما انت كويسة
يارب دايما مبسوطة
هو انا كاتبة زيرو حداشر غلط
معلشى التمسى لى العذر اصلها بصراحة حاجه تطلع الواحد من هدومة
ما هو ده النظام المتبع حاليا
هو يتصل وانا افتح وارمى الموبايل بعيد شوية
علشان يفضل يكلم نفسه
يارب العرض ده ينتهى بقى يااااارب
ما هو الحاجة الوحيدة اللى تشفع لرخامتة انه طلع موووز
الا هو شركة اتصالات دى مبيسمعوش
اصل العرض لسه شغااااال
والله ده اللىب بيحصل بس هو العرض مازال مستمر ومازال هناك دقائق مجانية فتقريبا الموضوع عادى
عايزاه يتعلم الزوق ويبعت لى رسالة يسالنى على عنوان بيتنا
والله عسل يا قطتي..
بس ماكنش ليكي حق تردي عليه أصلا بعد أول مره لما عرفتي انه بيعاكش أو حد ماتعرفهوش
ماهو لما لقاكي رديتي بدل المره كذا مره
قال طالما لانت وبترد حتى لو بتقول كلام خشن
بكره تلين أكتر وأكتر ونبدأالناعم...والززن على الودان أمر من السحر... آه ياختشي مانتا عارفه شبان اليومين دول...
ولو غرضه شريف يبقى يا ريت.. وباب البيت مفتوح لكل الموز والتفاح والبرتقان....ههههه
بس والله انك عسل
تحياتي
تفتكرى هو فكر بالشكل ده
بس انا فعلا بطلت ارد وبفتح الخط بس
وده يا اختى تقوليش لزقة
بس خلاص بقى انا سالت على الكود بتاع غير متاح ده وعرفته ومشغلاه دلوقتى ويبقى يخلى زيرو حداشر ينفعه
فانا حطلع الخنقة كلها هنا
فمش عارف الكلام حيطلع ازاى
فياريت تعذرينى
عندنا فى كمورا مورا الراجل كرامة
معروفة راجل يعنى تلاقى كرامة
والكرامة مبتتهنش
وان اتهانت بتضيع
ولما الراجل يعوز حاجة بيروح لصاحبها وبيطلبها منه
يعنى بيقف قدامه
ويقوله انا عايز كذا
لو لقى الجواب بالنفى
بيلم بعضه فى شوال وبيمشى من سكات ومبيعدهاش
وبرده الراجل مبيبصش على بنات الناس وهى ماشية فى السكة
ويتفحص هى لابسة ايه
عيب ... عيب .... عيب
وكدة ميصحش
ويعنى ايه واحد يتصل بواحدة فى نص الليل
حتى لو كان يعرفها ليه
هو الاخ ميعرفش ان البيوت ليها
حرمتها
الى يخنق اكتر ان عنده 29 شنة
يعنى المفروض انه بقى راجل عاقل
انتهى من مرحلة النزوات والشهوات
وبقى راسى وهادى وبقى يعرف الى يصح والى ميصحش
وبقى عارف الاصول والعادات والتقاليد بتاعتنا
الى حضرته اخترقها وبكل سهولة فى رسالة
اول مرة اشوف حد عايز يتجوز بالرسايل
وبعد كدة حتخلفه فى رنة
بس تصدقى اول مرة اسمع عن النوع دة من الجواز
لا فعلا البلد بتتقدم بينا
ربنا يعينك يابنتى والله
ربنا معاكى ومع الى زيك
انتوا حالتكم مستعصية
وحرجة فى نفس الوقت
ياله ماعلينا
ربنا يبعدنا عن الاشكال دى
وربنا معاكى ياحنان
وتخلصى من المحنة دى
بقولك ايه
بالنسبة للموز
متبقيش طفسة وهاتى حتة
لحسن انا مأكلتش بقالى قرنين
فاعلمى معايا واجب
ماشى
تعرف انا الاول كنت متاضقية علشان قلة ادبة واتصالاته فى كل وقت
دلوقتى انا متضايقة اكتر علشان طلع موووووووز
يعنى لو كان طلع بطيخ مش كان زمانى هزأته وخلصت من الصداع بتاعه
بس بجد بجد يعنى لو شوفته مرة تانية
هنضف بيه الاسفلت
تحياتى ياباشا
ارحمى قلبه الولهان
هههههههههههههههههه
ولو عرفتى الكود ابقى قوليلى انا عايز اعرفه بتاع فودافون ده
هههههههههههه
ماشى يا بطوط
عونية الاربعة
والله انتى زى العسل
فكرتينى بواحده صحبتى دايما يتصل بيها ارقام غريبه ويعاكسوا ويبعتوا رسايل بس هيا كانت بتتبسط بقى:)
بتتبسط من الارقام الغريبة
طيب هى رقمها كام وانا اخليها تبيعالموبايل من الصبح
تحياتى يا نوسة
يعنى خربوش واحد منك ويبقى البقية فى حياتك فيه بس الشارع عندك كله طينة وتراب
اتمسحى الاسلفت بيه ازاى بس خلى بالك الموووووووووز اللى فى السوق شكل من غير طعم
تحياتى خالد
انا كنت ماشية فى شارع رئيسى يعنى كبير وفيه اسفلت هو اينعم اسفلت قريب من العدم بس خليها فى سرك ومشيها اسفلت وخلاص
طبعا الموووز لو كان ليه طعم اكيد كان احترم نفسه من اول مرة اتهزء فيها
س نعمل ايه فى المظاهر الخداعة
تحياتى
غلس شكل
بصي ابنتي نصيحتي افحي عليه كل مايتصل و سيبيه يتكلم و انتي حطي الموبيل جنبك لحد مارصيده يقفل
و ممكن برضه تروحي اي مركز لاتصالات و تديهم رقمه و تقوليلهم انه بيضايقك يمكن يرتجع
معلش ياقمر ماتضايقيش نفسك فيه ناس غتيته كده
وحد طايل ياقطتى
اقفشى ف رقبته
وكمان موووووز
واسمه محمد
و 011
يعنى معدى اخر حاجه
وبيكرهه البناطيل المقطعه
بيفهم والله
بقى انتى
ياختى بتلبس بناطيل مرقعه اصدى مقطعه
ومش عايزه الناس تتجنن عليكى
وانا اقول العرسان حصلها شيفت واتشفطت م عندى ليه
اتاريهم جرى عليكى
ااااااااااااااااااه ياانا منك
rabena m3aky ya benty
i hate these people awy bgd
بصى يا حبيبتى
ده اللى بعمله
بس الظاهر انه حد شاحن له علشان كدا مش حاسس ان الرصيد بيخلص
يارب الرصيد بتاعه يخلص بقى
ما هو انا فعلا نويت اقفش فلا رقبته بس علشان اطلع روحه واخلص البشرية من رخامته
me too
hat this people
thank's 7abibi
و حطيت نمرتة فى شات روم لل Ga*s
و اتبهدل و مبطبش بردو
ممكن النمرة بتاعتك علشان أنا كمان مشترك في العرض ده ومعايا دقايق مجانية كتيييييييييييير ومش عارف أوديها فين
عامة يا قطة العيب عليكي ، لو كنتي أسداية ولا حاجة ماكانش قدر يقربلك وإلا كان إتقطع مليون حته
وطالما الواد موووووووووز موووووووووز وطالب القرب منك يبقى خلاص على بركة الله ، وعلى رأي المثل ما محبه إلا بعد رنات
على فكرة تبقى مصيبة لو يعرف البلوج بتاعتك لإن كده مش حيبطل لا إتصالات ولا مسجات وحينتقل للمرحلة رقـ2ـم من الخطة
أتمنى أسمع أخبار سعيدة عنكم بإذن الله ويابخت من وفق راسين في الحلال
ممكن النمرة بتاعتك علشان أنا كمان مشترك في العرض ده ومعايا دقايق مجانية كتيييييييييييير ومش عارف أوديها فين
عامة يا قطة العيب عليكي ، لو كنتي أسداية ولا حاجة ماكانش قدر يقربلك وإلا كان إتقطع مليون حته
وطالما الواد موووووووووز موووووووووز وطالب القرب منك يبقى خلاص على بركة الله ، وعلى رأي المثل ما محبه إلا بعد رنات
على فكرة تبقى مصيبة لو يعرف البلوج بتاعتك لإن كده مش حيبطل لا إتصالات ولا مسجات وحينتقل للمرحلة رقـ2ـم من الخطة
أتمنى أسمع أخبار سعيدة عنكم بإذن الله ويابخت من وفق راسين في الحلال
يالهووووى
ده ايه التناحة دى
معلشى فى ناس كدا بتكون عايشة على التهزيئ
تموت لو عاشت من غيره
راسين فى الحلال وما محبة الا بعد رنات
ده انا كدا ممكن يجرى لى حاجه
هو اينعم مووووز
بس قليل الادب
الا هو لسه معاك دقايق مجانية
طيب ما تحولهم لى
ولا مش ينفع اتصالات يحول فودافون
010000000000000
جرب كدا تكسب ثواب
انا شايف انه اسلوبه غلط
لكن هو فعلا مهتم
مش مجرد موضوع معاكسه
؟
!!!!!!!!!!!!!!
هاهاهاهاهاه
باتكلم جدا
بس تعرفي والله انا بيصعب عليا البنت اللى زيكم الرجاله في مصر يا عينني خلاص اتهطلت مبقيناش بنعرف ازاى نتعامل مع الجنس اللطيف بقينا بنفتقد المبادئ الاساسية في التعامل مع البنات علشان كده بكل احترام احب اقولك اتأمرى جدا انتى وكل البنات لان فيه الف بغل ممكن يشيل
بس بجد انت دمك خفيف