تااااااج ..والله المستعان
التاج ده جالى من عند مهندس مصرى ... حاسه انه عقاب منه بس يلا ما بين البلوجرية حساب ولا عقاب
نبتدى الاجابات والله المستعان
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
كنت هقول ايه الناس الجبانة الذليلة اللى عاجبها انهم يتبهدلوا وكرامتهم تهان وهما برضه راضيين ساكتين ومطاططين بالرغم من ان فيهم علماء ومثقفين لكن الجميع راضى بالذل والهوان .. ليه الله وحده اعلى وأعلم .
لوكنت أوروبي أو غير مسلم هتبقي إيه نظرتك للعرب والمسلمين؟
كنت هبقا اجهلهم تمام الجهل لو مش قابلت حد فيهم ولو بالمصادفة ... اما لو اتقابلت مع شخص ملتزم ظاهره وباطنه يكمن الحقد والكراهيه كنت حكرههم واقول عليهم ارهابيين ومتطرفين ... لو ربنا كرمنى وقابلت شخص ملتزم خلقيا وروحانينا وبيطبق الدين الصحيح فى تعاملاته وفى كل أفعاله ... مش حتردد ثانية انى أعتنق الاسلام .
لو قالوا لك إنت بقيت رئيس جمهورية هتعمل إيه؟
لو كنت فعلا رئيس جمهورية يسمع من بؤك ربنا
ده انا حظبط الشعب اعلى تظبيط .. مش بانجو وحشيش وحريم لالالالا خاااااالص
وقتها مش هخلى الحاشية اللى حواليا هى عيونى .. هنزل واندمج مع الناس حتى لو فى زى تنكر ... واعرف مشاكلهم
هعمل زى الباحث اللى بيقابل عينات بحثه ... انا هعمل كدا هقابل فئات مختلفة من الشعب .. واشوفهم بيشتكوا من ايه وناقصهم ايه ... بمعنى اتقى الله فيهم .. لان كل راع مسئول عن رعيته .. علشان يوم لما أسأل عليهم قدام رب العباد اعرف اقول انا عملت كذا وكذا علشان شعبى مش علشان تأمين مستقبل أفضل لأحفاد أحفاد أحفاد أحفادى
انتخبونى بئه فى المرحلة الجاية
لوسمح لك برؤية الرسول عليه الصلاة والسلام وإنك تقوله كلمة واحدة ؟
اسالك الشفاعه
لو كنا في عصر ازدهار الأندلس كنت تتخيل نفسك إزاي؟
نابغه من نوابغ هذا العصر اما فى الادب او الفن او العمارة ... بس وقتها كنت هفضل اكون نابغه فى العمارة
لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟
وقتها هكمل حياتى معاه
وهجعل منه كل حياتى كزوج واخ وصديق واب وطفلى وهجعل الدنيا متمثلة فيه بدايتها من حروف كلامه ونهايتها تحت اقدامه .. ده مش كلام بس ده اللى جوايا بالفعل ... ومش حلم او مثالية منى ... لان الانجاب رزق من الله عزوجل ولو حدث لى شئ من هذا القبيل يبقا انا معترضة على ابتلاء من ابتلاءات ربنا والعياذ بالله
وهحط قدامى افتراضات كتير اولها لو انا اللى مكانه
ثانيها : لو احنا فعلا تزوجنا وربنا رزقنا بالذرية بس تعرضت لحادث تسبب فى عجز ما عندى
وبالتالى هرضى بقضاء الله
لو طلعت القمر هتكتب عليه ايه؟
Friends forever
اصله صاحبى اوى
لو مررت التاج لحد و ما جاوبش هتعمل ايه؟
مش هعمل حاجه هقول يمكن مش واخد باله
تمرر التاج لمين ؟
اللى حلمها تكون وزيرة عصمت
فرنسا هانم اللى عامله اقامة فى الجبس الايام دى ربنا يقومها بالسلامة
رئيس جمهورية نفسه
دكتور ضياء النجار
اسكندرانى اوى
بنت القمر
ملك الكبدة
واحد مصرى
الاجندة الحمرا
استاذى العزيز lastknight
واى حد عايزه يتفضله
تعليقات
ربنا يوفقك دايما كده ان شاء الله
وكمان مش تقولي انك صاحبة القمر
وقعتينا في بعض كده
لك تحياتي
و لا انتي لازم تخربشيني يا قطة حتى بعد ما قولنا صافي يا لبن حليب يا إنجوي
:)
عندك كمية رومانسية عالية و مشاعرك فياضة و بانت قوي في سؤالين الجواز و القمر
ربنا يرزقك باللي يسعدك و يهنيكي
و بعدين الدكور مكوش على التعليق الأول علطول ما بيذاكرش و لا ايه ؟
و موش هعديهالك
بتحرجيني عيني عينك كدة ادام الجماهير
ده اول تاج يوصلني
و موش عارف اكتب ايه
عموما ربنا يوفقني
و اجيب الدرجة النهائية
و لو عندكنماذج اجابة ابعتيهالي عالميل
تظبطينا ؟؟ قشطه .. قوليلى هاترشحى نفسك امتى و انا انتخبك
اشكرك جدا يا دكتورنا
الا هو انت والقمر صحاب
مكنتش اعرف
بس انا محرجه عليه ميصاحبش حد غيرى
تحياتى
طبعا يا بشمهندس خلاص طبعا
كانت زوبعه وراحت لحال سبيلها اصلا انا مش بعرف ازعل
المهم يا فندم اسعدنى ردك وحضورك الكريم
تحياتى
معلشى بقا علشان تبقا تكتب عن حواء كويس
استلم بقا ده اول الغيث
وبعدين اجابات ايه اللى عايزها على الميل
اصلا انا مش عارفه ايملك
ثم انت عمال تلعب طول السنة وجاى وقت التاج وعايز تغش
انت اللى جبته لنفسك
فى انتظار اجابات التاج يافندم
تحياتى
استاذى الفاضل
أأسف جدا على هذا السهو الغير مقصود
وسيتم تمرير التاج لحضرتك
حالا فورا فى التو واللحظة
احترامى وتقديرى
تحياتى يا جميل إجابات بتدل على إحساس عالى بالغير ،
كل رد اروع من التانى ياااه لو فعلا ربنا يجعل من يحكمنا يفعل كده لو متاح فعلا أه انتخبك والله لكى صوتى بس خلى بالك فرنسا هانم مصممة ويمكن تنزل قصادك
وعجبنى اوى ردك على لو قدر لكى الزواج من رجل لا ينجب
وردك يدل على إيمان و رضا بما يقسمه الله
أحييكى يا قمرة وربنا يكتب لكى كل الخير يا رب ويحقق امانيكى
howa 2eh mawdo3 el tag dah ana mesh fahma 7aga ma3lesh asl ana a new blogger but i like ur answer especcilly about the question what u gonna ask sayedna mohamed 3aleyh el salat wel salam if u c him
bgad rabena yeshfa3 lena kolena o lel 2a7a2 wel amwat
ameeen,o la 7awl o la quwat ela bellah
انا هترشح فى الدوة الانتخابية اللى جاية بس خليها فى سرك احسن يتلفق لى قضية ولا حاجه
بالنسبة لفرنسا انا هبقا اشوفها بقرشين وامسكها وزارة المالية كمان علشان تصرف براحتها
بالنسبة بقا يا حبيبتى لموضوع الزواج والانجاب فانا عندى قناعه بكل حرف من كلامى
لان تفصايل الموضوع ده حصلت لناس قريبين اوى منى وغاليين عليا جدا جدا
بس كانوا اكتشفوا الموضوع ده بعد الزواج ... لكن رحمة ربنا بيهم وسعت كل شئ وبعد مرور عدد من السنين وصولهم الى ابعد مدى من العمر ربنا رزقهم بطفل سبحان الخلاق
محبتى يا قمرى
بصى يا جميل
تاج يعنى مجموعة من الاسئلة بيقوم بعملها بلوجر ويمررها على البلوجرية
بنتعرف من خلالها على بعض اكتر
وبعد ما بتجاوبيها بتمرريها للى تحبيه
لو تحبى تاخدى التاج اللى عندى تجاوبيه اكون سعيدة
تحياتى
إجابات حلوه تنم عن شخصية راقيه ومتوازنه أحييكي بجد على إجاباتك اللي عجبتني جداً.
كل تاج وانتي طيبة
تحياتي
اشكرك جدا على حسن تقييمك
تحياتى
تحياتي
نانا
اجمل القطط كلها
ازيك عامله ايه ؟
عجبنى ردك ان لى كنتى اروبيه ووجدتى شخص يلتزم بالاسلام ظاهره وباطنه
كنتى هتعتنقى الاسلام
صحيح الدين الاسلامى لو فهمناه صح وعملنا بيه صح كنا بقينا اسياد العالم
زى بدايه الدوله الاسلاميه
وعلى فكره
انا متشكره انك مررتى التاج لى
لكن
انتى ناسيه يا قمر انا مجاوبه عليه فى التدوينه قبل السابقه
اصحى يا عسوله بقى
بحبك يا قمر
اختك فرنسا
اموااااااااااااااه
كده بقو 3 تاجات واحد من الدكتوره لماضه
والتاني من السيده عصمت
والتالت من حضرتك
يا لاااااااااااااهوي
ميرسى يا جميل
اااااااه
تصدقى مش خدت بالى
عموما الجايات اكتر
برضه ليكى عندى تاج
رخامة
المهم انتى عامله ايه دلوقتى
اخبار الجبس معاكى ايه
لازم تصاحبية علشان مش تحسى انك متضايقه منه
يعنى حسسى نفسك انك مميزة
وكل الناس اللى مش متجبسة دى مش من مستواكى
ان شاء الله تقومى لنا بالسلامة قريب
محبتى يا جميله
شوفت بئه التالته تابته
هتجاوب التاج يعنى هتجاوب
تحياتى استاذ اسكندرانى
و بخصوص انتخابك كرئيسة الجمهورية
اكيد بعد البرنامج الانتخابي اللي انتي كتبتيه ده هانتخبك على طول و اعيد انتخابك كمان
اهم حاجه ان الراعي يكون مسئول عن رعيته زي ما قلتي و رعيته اللي هي شعبه يمكن في واحد مش واخد باله و لا حاجه و عامل نفسه مسئول عن رعيته اللي هي اولاده و احفاده و بس
و ربنا يوفقك مكان ما تكوني يارب
للاسف تقريبا كل واحد بيقعد على الكرسى بيتناسى الناس اللى هو اصلا قاعد علشان يكون فى خدمتهم
نورتى البلوج
مودتى
وعاجبتني اوي تفريقك بين المتديينيين اللي يودوا في داهية والمتديينيين اللي اخلاقهم عالية
برافوا عليك
صحيح، اخبار صحابك بتوع البرنتر ايه
انا فضيت يومين وهتلوقني عندكم على طول
اشكر حضرتك جدا استاذ احمد
اصحابى بتوع البرنتر مش عارفه عنهم حاجه
اصلى غيرت طريقى
هههههههههه
تقريبا خلاص يعنى
وكان لازم من الموقف العدائى بتاعى ده علشان كل واحد يقعد فى حاله
احترامى وتقديرى
و اختيارك انك تكونى معمارية فى عصر الأندلس اختيار جميل .. لأنهم وقتها كانوا بيبنوا المبانى بأبعاد طبقا لبعض المتواليات الرياضية .. فكانت بتخلق روح جمالية عالية فى المبانى مش موجودة فى باقى أقطار الدولة الإسلامية
مش عارف ليه لغاية دلوقتى ماحدش جاوب على سؤال رئيس الجمهورية بأنه هايعمل نظم واضحة و صارمة لتداول السلطة ؟؟ شكلكم كدة كلكم عاجبكم الكرسى قوى
تحياتى لك يا هريرة .. إجابات متميزة
yalla take care
ميرسى اوى يا محمد
بس خلاص بقا دى كانت امنيات
بالنسبة للكرسى محدش بيفكر هيعمل ايه للناس
احنا عايزين معجزة تنتشلنا من اللى احنا فيه
تحياتى
اوكى يا جميل فى انتظار اجاباته عندك ان شاء الله
مودتى يا ساسو
الاحلى من ردودى هو حضورك الجميل
محبتى يا جميل
البلوج القديم اتسرق بتاعى وان شاء الله حفتح البلوج بتاعى بعد ما نزل البوستات القديمه تانى ان شاء الله لو عرفت اجيبها بالتاج الهديه بتاعك
اجاباتك منطقيه ومش عارف البلوجز ناوين على انقلاب ولا ايه لما كلهم بيحلمو برئاسه الجمهوريه ااقعد فى البيت انا
ده لينك البلوج الجديد
http://raeys.blogspot.com/
بقا بالزمة فى رئيس جمهوري بيتسرق
مش فضيحة دى
عموما مبروك البلوج الجديد
بص على رد السؤال ده في التاج عندي قبل ما تعمم
أنا رادد رد حيعجبك ان شاء الله
كويس التاج عرفنى على بعض من جوانب شخصيتك الجميلة
اكتر اجابة عجبتنى سؤال لو ما كنتش مصرى :))))))
انا الحمد لله كويسة
وانتى اخبارك ايه
اشكرك جدا على كلامك الجميل
نورتى البلوج يا عاليا
محبتى
انا بس جاية خطف رجل
حلوة فكرة التاج واجابتك عجبتني وبتعكس طيبة قلبك
سلااااام
شكرا يا جميل على كلامك الحلو
محبتى
أشكرك على التاج و بما انني هنا في مدونتك اللطيفة للغاية سارد على أسئلتك هنا برضه
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
كنت هاستغرب من سلوكياتهم تجاه نفسهم ومن حولهم ...يظلموا بعض و ما يقدروش يدافعوا عن نفسهم ضد من يظلمونهم..شعب مليئ بالتناقضات و الاخلاقيات المتدهورة و كله بمحض اراداتهم و اختيارهم
لوكنت أوروبي أو غير مسلم هتبقي إيه نظرتك للعرب والمسلمين؟
هاقول عليهم من أفعالهم يا لهم من حمقى اختاروا التخبط و لم يطوروا افكارهم بما يتناسب و اياع العصر فنسيهم
التاريخ و لم يتذكرهم احد الا بحماقاتهم
لو قالوا لك إنت بقيت رئيس جمهورية هتعمل إيه؟
هاقولهم امشي ياد يا مسطول انتا و هما من هنا المجد لفرعون في الأعالي
لوسمح لك برؤية الرسول عليه الصلاة والسلام وإنك تقوله كلمة واحدة ؟
هاقوله صلى الله عليك و سلم يا سيدي يا رسول الله و هاسأله ازاي قدرت تغير من حولك الى هذا الحد؟
لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟
على الرغم من انني لا اتصور حياتي بدون ابنتي الحبيبة أمينة الا انني مؤمن بأن المر لله من قبل و من بعد
لو مررت التاج لحد و ما جاوبش هاتعمل ايه؟
و لا حاجة
دمت بخير يا قطة
بجد اتحفتينى وكلامك دخل دماغى
بس انتى مش شايفه انك جوبتى بدبلوماسيه شويه
ياله مش مهم
ولا كانك سمعتى حاجه
الله ينور ياحاجه
والى الامام ياقطه وابقى خربشى اى كلب يقبلك فى السوكه
ولو كلمك قوليلى وانا حجيبلوه خالتى حنوئه
هههههههههههههههه
اشكر حضرتك جدا
تقبل خالص تحياتى
يا فندم اشكرك اولا على الحضور
ثانيا انا بخربش وبعض كمان اى حد يفكر يبص لى مش يقرب منى
تحياتى
بجد بحس ان اللى فى قلبك على لسانك وده طبعا بيديلك مصداقية كبيرة جدا
خليكى انتى كدة على طول ..بجد 100 100
;)
ثانكس يا جميل
ده من زوقك والله
مودتى
تشكري ياباشا علي التاج و بعون الله حرد عليه و انزله قريب
كل تاج و انتي بالصحه و السلامه
تسلمى لى يا قمر
وان شاء الله فى انتظار اجباته عندك
محبتى
بس نفسى أسألك سؤال :
لو قابلتى المسيح هاتعملى إيه
سؤال كمان ..واحد بس تفتكرى لو الرسالة النبوية نزلت وانتى عايشة كنتى هاتبقى من الرواد الأوائل؟
فكرى ...
السؤال للجميع وأولهم دانتى المصرى
بقلك لو لقيت أى كلام لأى حد على سطح القمر هامسحه
اشكرك جدا على اجاباتك للتاج
لو قابلت المسيح هقوله
انى مؤمنه بيه لانه لا يكتمل ايمانى كمسلمة الابايمانى بباقى الرسل
ولو الرسالة النبوية اللى جه بيها سيدنا محمد صالى الله عليه وسلم جت وانا كنت عايشه اكيد كنت هبقى من الاوائل
تحياتى