شعب للتجربة ... اه زى فيران التجارب كدا بالظبط
انتوا فاكرين الراجل ده .... ايون بالظبط كدا
هو ده اللى كان مترشح فى الانتخابات الرئاسية اللى فاتت واللى زاد وغطى انه ناوى يترشح فى اللى جاية اللى فى 2011 يعنى
هو عمره اساسا دلوقتى 92 سنة كل واحد يجيب الكالكيتور ويحسب معايا فى 2011 حيبقا عنده كام سنة .... علشان يحكمنا اصل نفسه يحكمنا ولو سنة واحده ... بصراحة احنا نبقا شعب مفترى وظالم لو مش انتخبناه على الاقل نحقق له امنيته قبل ما يقابل وجه كريم ....
ياباشا من حقك تترشح مقولناش حاجه .... بس ازاى اصلا حتحكمنا بعد ما وصلت ارذل العمر هو حضرتك فاكر نفسك حتحكم عيلين تلاتة فى البيت وممكن يكونوا عيال مشاغبين يوجعوا قلبك ويعجلوا بحياتك ...
خايفين عليك يا حج ده معاليك من الناس القليلة اللى من زمن الماضى الجميل واللى مبقا موجود منهم كتير دلوقتى ... مش عايزين واحد بلطجى من العيال المشاغبة يفجر نفسه مثلا ولا عبارة تغرق ولا قطر يتحرق واول ما تسمع الخبر تروح مننا وتضيع من ايدينا
حسك فى الدنيا يا حج
امنية حياتك تحكم مصر مقولناش حاجه بس ده لو فى حالة ان معاليك شاب بتلعب فى الاربعنيات الخمسينات الستينات لكن فى التسعينات لييييييييييييييييييييييه
هى مصر عجزت اوى كدا علشان حكامها يبقوا اللى فى التمانين واللى فى التسعين
وبرضه لالالالالالالالالالالا للاخوان المستسلمين على جثتى ان شاء الله
تفاصيل الخبر
الصباحي: أتمنى أن أكون رئيساً لمصر ولو لعام واحد وسأخوض انتخابات 2011
على الهامش
زى ما بلدنا فيها حاجات وحشة ودى كتير ففيها برضه حاجات حلوة
فبدأ القضاء يأخذ مجراه .... وبدأ بالفعل القانون يبقا فوق الجميع
بدءاً بعماد الكبير ومرورا بقتيل تلبانة والبقية تأتى
مبروك لاهل قتيل تلبانه
«تلبانة» تتلقي العزاء في «قتيلها» بعد الحكم بالسجن المشدد ٧ سنوات للضابط والمخبرين
تعليقات
و مش بعيد يدي صوته في الإنتخابات المزورة الجاية لجمال مبارك أو حسني مبارك أو مرشح الحزب الوطني أيً كان
يروح يشوف له تربة معتبرة خمس نجوم أحسن له و لنا
يعنى شوفى دة
بقاله عايش اد ايه
وتلاقيه شاف سعد زغلول
والملك فاروق وعرابى
وسعد متولى بتاع الفول ابو دقه حمرا
يعنى الراجل عنده خبرة وشاف المصرين فى كل الوقات
ايام الحرب وايام السلم
وشاف المصرين ايام ما كان الربع جنيه دةو
ياكل عيله وكام شحات فوقيهم
وشافهم ايام ما الربع جنيه دة ميجبش باكو لبان
يعنى هو دة الى يعرف تعامل معانا
وهو دة الى يعرف يجيب الحرميه ولاد ..... الارض ويعرف يلاعبهم ازاى
خبرة بقى خبرة
اترشح يعم الحج ولا يهمك
اترشح وكلنا وراك
لحسن توقع ولا حاجه
يقولوا علينا ايه شعب خيخه
عيب يابا دحنا شعب وشك والقبر على طول والله الراجل دة
مية مية
شوفى اديه داخل على تقفيل القرن اهو
ولسه عنده امل
انا بقى اعرف واحد
عنده 20 سنةوتخنق من حياته ونفسه يولعها
الله ينور عليك يعم الحجج والله
وربنا يخليك لينا
مصر محتاجلك
وشكرا يانانا
نجمه والله نجمه
هو تلاقيه كان قاعد فاضى فى ساعه عصارى بيشرب كوباية الشاى قام طقت فى مخه يحكم مصر
معلشى يا بشمهندس ده اد جدنا ولا زم نستحمله ربنا يقويه ويكمله بعقله
تحياتى
يعنى تفتكر ياباشا يحكمنا ويلبسنا كلنا الطرابيش
يوووووووووه
الراجاله الطرابيش واحنا نرجع لايام سى السيد
والجنية الجبس
دى حتبقا عيشه فله
فاكر ايام ما كان الجنية يشترى قصر
واللى عنده فدانين طين يبقا من الاعيان
والله وحيرجع بينا الزمان تانى
وشاطرين بس واجعين دماغنا فى التلفاز طول النهار مصر بتتقدم بينا
مصر بتتقدم بينا
ده التقدم وضح فى اعلى درجاته وحنرجع لعصر الطرابيش
بس دعواتنا جميعا كدا بطولة العمر للحاج ربنا يطول فى عمره لحد 2011 ويحكمنا السنة اللى هو عايزها من نفسه يا جدعان احسن لما يموت نندم ونقول كان نفسه يحمنا سنة واحدة بس
عليه العوض
تحياتى
بالنسبة لمسألة الاستاذ الصباحي انا المرة دي هعلق تعليق جد شوية
يا حاج احمد روح احكم ابنك اللي بينك و بينه قضايا على رئاسة الحزب العائلي بتاعك الاول و بعدين فكر تحكمنا
و باتلنسبة لموضوع صوتك في الانتخابات تديه لمين انت حر انشالله تروحترشح مصطفى النحاس و هو ميت ماهي موش هتفرق كتير مانت برضه كنت عايز تدي صوتك لواحد ميت الاحساس
ووالله يا اختي العزيزة قطة الصحراء و يا احبائي المدونين مثل هؤلاء هم عائق حقيقي عن تقدم المجتمع
لكي الله يا مصر و يا شعب مصر
قصدى 25 سنة دى اول نقطة خلصنا منها.............. تانى نقطة وهو انك قولتى فى وسط كلامك انك مش عاوزة الاخوان يحكمو طب لى؟بجد انا مش لاقى سبب واحد مقنع لكل واحد مش عاوز الاخوان يحكمو طبعا حاجة زى دى مش هينفع اقنعك بيها من خلال تعليق لانك هتردى وانا مش هعرف اكلمك تانى بس بجد يا ريت تراجعى رايك فى الاخوان بعقلانية من غير سورى جهل او خوف وعاوز اسالك سؤال يا ريت ترددى عليه ومتقوليلش السئ فالاسؤ والكلام دة السؤال هو لو خيرتك بين الاخوان والحزب الوطنى هتختارى مين معلش رخخمت عليك بس استحملينى انا بقرا مدونتك طوالى ومتعشم فيكى اوعى تزعلى مننى .......................................خالص تحياتى
لا حول ولا قوة الا بالله
لا حول ولا قوة الا بالله
مش مهم ياباشا المدونة مدونتك واعتبر نفسك صاحب كل التعليقات
بالنسبة للحاج الصباحى فهو بيتمنى يا جماعه قولوا حاضر احنا معاك ياريس
اللهم اعلم بيه سنة 2011 هيكون فين
ربنا يديه الصحة بس ويكمل لسنة 2011 ووعد منى لو اترشح ونجح اجيب له كل صحابى ونعمله حفله للصباح الباكر وابقا قابلنى لو استحمل سهر للساعه 9 بالليل ويبقا هو اللى جابه لنفسه
تحياتى
بالنسبة للرد فى المدونة رد براحتك لانى شايفه انك بتتكلم فى حدود الادب والذوق ولو رايك مخالف لكدا انا مش حنشره اصلا
بالنسبة للحاج الصباحى فهو اساسا ميعرفش يعنى ايه اسكواش ده راجل من قبل حفر قناة السويس يمكن لو قولت له اسكواش يقولك هات بوء
بالنسبة للاخوان انت اتكلمت واصدرت قرارات من غير اصلا ما تعرف ردى ايه
واللى هو اساسا الاخوان مش سيئين ده الاخوان اسوأ من السوء نفسه
انت عايزنى اراجع فكرى فيهم من غير جهل او خوف
تعرف الجاهل مين اللى مش عارف حاجه عن تاريخهم واللى بينساق خلف شعارات وبيسقف لهم وهو اساسا مش عارف مين الناس دى ولا هدفها .. عرفت دولقتى مين الجاهل
بالنسبة للخوف
فانا مش خايفه منهم يكفى انهم محذورين عارف محذورين ليه لانك لو قريت تاريخهم الدموى وتعمقت فى مصدر اموالهم منين واتاكدت انهم لا يمهم سوى مصالحهم الشخصية وواخدين من اسلام شعارات يخفوا وراها الوجه الاخر لحقيقتهم المزيفة كنت عرفت انهم اجبن من انى اخاف منهم سواء انا او اى شخص عارف تاريخهم كويس
فى بعض الموضوعات عن الاخوان عندى فى المدونة تقدر تعرف تاريخهم من خلالها بس خلى عندك الشجاعه انك تشوف بدون جهل او خوف
بالنسبة للحزب الوطنى ام الاخوان
اشمعنا دول تحديدا اللى اخترتهم ... علشان هما اللى ظاهرين على الساحة طيب ما فى ناس تانية كتير محترمة لم تواتيها الفرصة
ولكن فى حاله انعدام الناس المحترمة يبقا نار الحزب الوطنى ولا جنة الاخوان المستسلمون
لانهم للاسف الشديد لا اخوان ولا مسلمين
تصدق الاخوان المسلمين دى كمان طلعت شعار
للضحك على الغلابة علشان يصدقوهم وينساقوا وراه معذورين اللى بيصدقوا الشعارات دى محتاجين التعاطف معاهم
تحياتى
ما هو كل واحد عايز ينهب فى البلد شوية يجى يقولك انا عايز احكم مصر
ربنا يستر علينا
مودتى يا جميل
هند اان بقالى فترة مش عارفه ادخل مدونتك
ليه ؟
عايز يحكم للحكم نفسه ويتسمى حاكم ولو لعام
ربنا يصبركم على البلاوي دي
تحياتي ياجميلة
اه عايز يجرب فينا
لو كنا مسالمين وحلوين ومطيعين وبنسمع الكلام حيكم بقا بعد كدا
اتشقينا عليه حيسيب لنا البلد كلها
ربنا معانا
محبتى يا قمرى
ادي نتيجه الديموقراطيه
بلا وجع قلب
انا شبهت علي الصورة مش ده الي عاوز يرجع ارتداء الطربوش؟
هقولك ايه بس؟ فعلا لا تعليق
ميرسي علي موضوعاتك الممتعة
سلامي ليكي
هم يضحك وهم يبكي ده اللي ي
ممكن اقوله
اهى هى دى الاخبار ولا بلاش وخصوصا بعد البوست اللى كان قبل البوست اللى قبل ده ...
وضحكتينى والله
هى جت على العجوز ده يعنى يا قطقوطة
ماهى خربااااااااانة خرباااااااانة ان شاء الله
...
ما تدوقيش يا بنتى
...
:)
shoofy ana ra2y elragel dah yeb2a ra2ees fa7'ry (zy elli bya7'od doktorah fa7'ryah kedda).. k noo3 mn eltakreem ya3ni w mokafa2tan leeh 3ala esraroh w tamasokoh b el7ayah 7ata a7'er nafas..
elragel dah elmafrood yeb2a ra2ees maragee7 muled elnabi.. aw kbeeroh awi yeb2a ra2ees mat7af tarabeesh mn 3'eer zer. laken el7a2 mesh 3aleeh.. el7a2 3ally 3amleeno 2aragooz yeda7ako beeh elnas 3alashan, 3alashan elsha3b ygeelo e7bat w yay2as.. y2oom ma7adesh yroo7 yeddy sotoh, 3alashan shayef en elmawdoo3 le3b 3yal.. la2 3yal eih, da elragel mn ayam el7'edewy ya3ni.. elmohen enhom mesh hysharko f el2ente7'bat, 2oom eih, nas tanya tsawat b elnyaba 3anhom. w elli 2alef elmara7ya elhazlya di yenga7.
bas ya reet geddoh my7'asta3sh menhom 2abl m3ad elserk da. w ya reet elnas tefham enha law ra7et mafeesh ay 7ad hye2dar yzawar wala yefred 3aleehom 7ad.
t7yaty leeki w 7'ales e3gaby b ketabatek.
اه طبعا ياباشا ده كدا منتهى الديمقرواطية
ربنا يشفيه ويزيح عنه قادر يا كريم
دمت يود استاذ اسكندرانى
الله يسلمك يا حبيبتى
ما و فعلا الواحد من شدة الاحباط اللى بينتابنا يبقا مفيش اى كلام غير لا تعليق
دمتى بكل حب
اه والله صدقت
الواحد اعصابة تعبت من اللى كل يوم بنسمعه ونشوفه
وده اخرة صبرنا
عجبى
تحياتى
على فكرة انتى واحشااااااااانى جدا
اخبار الامتحانات ايه طمنينى
بالنسبة لعمى الحج ده فهو بيحلم
او سيبيه يا قلبى يتمنى ربنا يديله الصحة ويديله امل ده ان عاش فعلا لسنة 2011
الاعمار بيد الله طبعا
المهم انا فرحانه برجعوك
ومش تنسى تطمنينى على اخبار امتحناتك
امواااااااه
The viewpoint fully in place that actually end in Bihrk this person to become a joke for all
God Ihdi and improves conclusion all
I am very happy because tribute blog and happy harm that blog gained liked
love
حسبنا الله ونعم الوكيل
ربنا يديك طوله العمر ياحاج
اهو حتى يبقى تغيير
ع الاقل ده لو عاش ل 2011 مش هيعيش لمدة 25 سنه يحكمنا فيها
مش تابيده يعنى
انا نفسى فى تغيير
تحياتى
علاء
حتى لو عنده 100 سنه اهو حتى ع الاقل مش هيقدر يكمل 25 سنه فى الحكم زى الريس كده
عموما ربنا يحيينا ويحييه
تحياتى
علاء
ههههههههههههه
انا شايفه انه محتاج دعواتنا فعلا
ربنا يهديه
محبتى
ما هو كلنا نفسنا فى التغيير
بس مش للدرجة دى يعنى يا استاذ علاء
تقريبا محتاجين حد يفهمنا وينفذ طلبتنا مش يلبسنا الطرابيش لامؤاخذه
احترامى وتقديرى
وفيها ايه
هو يوصل بس الاول للمكان دة الى بيترشحه فيه وبعد كدةنتكلم
هو اخره يوصل لحد نمص المسافه وبعد كدة حيقولك قلبى وكليتى وودانى كبرت وهبا واحد اتين والتلاتنه حتلاقيه قايم واقع على ومحطش منطق
ولو ربنا كرمه حيوصل لحد الباب
و الخطة التانيه حتبقى فى عربيه الاسعاف زوحتى لو اترشح ونجح
هما يومين يقضيهم معنا
وتالت يوم حيجيلى ادفنه حى
مش حيستنى حتى الكام ساعه الى فضلله
عادى يعنى كأنه مترشحش
اساسا
بس نعمل ايه بقى واحد مصرى نفسهخ فى حاجه ادوهاله
مش يمكن دة الى يطلع فيه البروتين الى حيغذينا بيه
وعلى رئ المثل
يوضع سره فى اضعف خلقه
قصدى اعجز خلقه
مش بقول شعب للتجربة
تحياتى
انا الحمد لله تمام والامتحانات بتاعتى كانت 100 100 وكويسة
ماعدا مادة واحدة كدة بس ده راجع لغباء الدكتور ورغبته فى الانتقام مننا ...فاهمانى انتى اكيد
غير كدة الحمد لله على كل حال
واحشانى كتييييييييييييييييييير بجد
(K)
امواااااااااااه
____
تجرة مين يا قطه .. المسأله مش فى أداء هذا الشعب و لا قياداته الملعونه .. المسأله فى مساحة التهاون التى يقدمها هذا الشعب فى حقوقه .. حتى تجترىء عليهم الكلاب الضاله .. و لا يجد أى مهووس أو متخلف أو مدعى تخلف أى غضاضه من شر فكره الشاذ فى صورة دعوه عامه .. سيدتى .. ما الفارق بين طربوش الصباحى ؟ و طرحة بن لادن ؟ سيدتى كلاهمات غطاء للرأس جسدا و أفكارا .. كلاهما تغييب .. المصيبه أن هذا الشعب المتهاون ألى أقصى دريجه يسمح لكلاهما بالتفاهه .. الصباحى أو بن لادن
تحياتى
مش ده الراجل بتاع الطرابيش؟
ربنا يكرمه ويبطل يحلم كتير
قال 2011 قال
ومايحلمش كدة ليه صحيح ماهو شايف غيره مبلط وشكله كدة هيحكمنا للقرن القادم ربنا يستر
ملك الكبدة رجع يهيس من تاني
والله لو قارنا فضيلة التغيير بغض النظر عن الشخص
فإن اي صفيحة زبالة افضل مليون مرة من عبده كفتة )على راي واحد مصري)
عموما اقصد اقول ان الاثر الايجابي للتغيير افضل ميتين مرة من سلبية استمرارية هذا البتاع
كان هذا تهييسا خالصا من ملك الكبدة
نفسه يرجع التربوش اسمى طموحاطه
ربنا يعينه
الف تحية ليكى يا قمر، هى حصلت أصلها ناقصة يعيدوا المسرحية اللى فاتت تانى ، رحمتك بينا يا رب بقينا لعبة فى إيديهم
ومش بعيد ربنا يطول فى عمره ويعمل نيو لوك
و نراه فى 2011 ، طالما الحكومة بتدى فلوس لمن يشترك فى المسرحية والظاهر إنه طمع والفلوس خلصت بتاعة المسرحية اللى فاتت
احلى خبر فعلا الحكم ضد بلطجية النظام بالإدانة والله ده اللى يفرح القلب فعلا
يا رب ينصر ديما المظاليم
أحييكى يا غالية وديما فرحانيين بإدانتهم
عقبال البلطجية الكبار
تحية وتقدير يا احلى قطة
جرام عليكى سيبيه يحكم مصر ما هى بقيت حقل تجارب للفكر الجديد وكل من هب ودب عايز يمسك الحكم
وحسبى الله ونعمه الوكيل
الحمد لله يا قمر
يارب دايما من المتفوقين
وان شاء الله المادة اللى راجعه لغباء الدكتور تجيبى فيها تقدير عالى
محبتى
استاذى الغالى
فهمت قصدى من ورا تشريد هذا الصباحى وليس بهدف الحكم انما بهدف انه منفض لى منذ قديم الازل
القاسى
م عايز يحن عليا حتى بنظرة من تحت النظاره
للاسف يا استاذى توعدنا على الاذلال
فلا يستطيع احد ركوب ظهرك الا اذا كنت منحنيا
واحنا على طول منحنى لكل من هب ودب
احترامى وتقديرى لشخصك الكريم
اهو كله عمال يحلم
اللى بيحلم بالتغيير
واللى بيحلم بالحكم
بس يارى مين اللى حلمه حيتحقق فى الاخر
اللى بيحلم بالتغيير
ام
اللى بيتحلم بالحكم
الاجابة
الله اعلم
تحياتى
اذا كان التهييس بيطلع آراء زى الفل كدا
يبقا خليك مهيس على طول
ههههههه
تحياتى
ومالوا لما يرجع الطربوش ما احنا كدا كدا متربشين على الاخر
ربنا يهديه
حبيبتى منورانى دايما ياااارب
كنت قلقانه عليكى لما قريت عندك البوست الاخير
طمنينى على احوالك يارب تكونى بخير
بالنسبة للحاج اللى عايز يحكمنا فده اخر امنيه من الدنيا
الواحد مثلا فى ايامه الاخيرة بيطلب منجاية جوفاية موزاية كوبايه مية من البحر الاحمر
مش يحكم جمهورية بحالها
ربنا يهديه
بالنسبة للحكم على بلطجية النظام
فدائما ما ضاع حق ورائه مطالب
وربنا يصبر اهل القتيل
دمتى بكل حب
ياباشا انا مش معارضه الراجل يطلب اللى نفسه فيه
انما مش يحكم البلد ونقول نحقق له اللى نفسه فيه
على اساس انه بيتوحم ولا ايه
ههههههههههه
والله هم يضحك
ربنا يكمله بعقله
على رايك ما احنا كدا كدا لابسين طرابيش
تحياتى
يعني هيا جت عليه
و خلاص يامصر .. مابقاش فيكى إلا فاصلى الشحن يترشحوا رؤساء جمهورية
و الله الراجل دة عبقرى و فلتة من فلتات الزمن .. و رمز من الرموز اللى بتجسد مقولة "لا يأس مع الحياة و لا حياة مع اليأس" .. دة بافتراض إن الحالة اللى هو عليها دى اسمها "حياة"ا
و الله ضحكتينى كتير
ع الهامش مبروك عن مضض لعماد الكبير و قتيل التلبانة لان المجرمين كانوا المفروض يتعدموا انما باه نص العمى و لا العملى كله
اليس من حق كل انسان ان يكون له رأى
هذا هو رأى احمد الصباحى
وهو حر فيه
كما ان رايى ان ان اختار غيره فهو ايضا حق لى
فديموقراطيا من حقى وحقك ان تقول رأيك ولكن بلا اسفاف وبلا خطأ
وليس معنى هذا اننا فئران تجارب ما شرعه لى الدستور والديموقراطية التى تناشدون بها هو ماجعل الرجل يضع تصوره
ومن حقى ان ارفض او اقبل
ممارسة الديموقراطية التى تبغونها لابد ان تبدأ بأنفسنا
تقبل الرأى الاخر او عدمه هذا شأنك وشأنى ولكن الشو الذى يحدثه البعض ليعلن رأيه ففيه كثير من الديكتاتورية
اللهم امين
على رايك ما هو كل اللى عايز يعمل حاجه بيجى يعملها فى مصر
مودتى
يا محمد الراجل عنده امل فى الحياة
ده حتى لثه ثوغير
خليه يفرح بشبابه حبتين
بالنسبة لقتيل تلبانه فاهله اخيرا تقبلوا فيه العزاء مع انى اتفق معاك الحكم مخفف
الا اخبار احمد ايه
لسه بيخدم الوطن
تحياتى
حبيبتى منوردة البلوج
الراجل ده المفروض نشجعه اصله لو بقا رئيس فعلا حيرجعنا لايام الجنية الجبس وحتبقا العيشة هنية
هههههههههههه
بالنسبة لقتيل تلبانة
فما ضاع حق ورائه مطالب
لو فعلا كل واحد طالب بحق ابنه او اخوه اللى اتقتل فى قسم شرطة مش حنسمع ابدا عن الحالات دى لانهم هيكونوا عارفين ان الشخص اللى بيعذبه ده لو مات اهله مش حيسكتوا
محبتى يا قمراية
استاذى
اتفق معاك
لكن الا تلاحظ معى انه يجب ان يكون هناك حدود للديموقراطية
والحرية فحريتى تنتهى عند حرية الاخرين فما بالك من شعب باكمله يعنى المفروض كل واحد يفكر شوية قبل ما يمارس ديموقراطيته اللى ممكن يأذى بيها الناس
تحياتى
مشكوووووووووره جدا يا قطه
لولو
اه طبعا يا لولو
حرية الترشيح مكفولة للجميع
ةمن حق الكبير يترشح
منورة البلوج يا لينوو
و ربنا يديله طولة العمر
------------
المعلم أحمد الباحث لسة بيخدم الوطن .. و أخباره مقطوعة عننا تماما .. أنا مش عارف هو طول ليه ؟؟ ربنا يرجعهولنا بالسلامة
يا ريت كل الشباب يبقوا عندهم امل
بس مش فى الرئاسه طبعا
ههههههه
النكته ايه بقى
فى عيد ميلاد الراجل ده واحد من الحاشيه جاب له هديه زحلفه فساله هى الزحلفة دى بتعيش كام سنه
قام رد عليه و قاله قول متين تلتميت سنه كده يا ريس
فقاله طيب يا سيدى ادينا قاعدين و حنشوف الميه تكدب الغطاس
:)
يا رب ديما تكون بخير
حبيبتى أنا قلقانه اوى على فرنسا
متعرفيش حد يكون من المقربين ليها
بجد غيبتها طولت يا رب تكون بخير
واحلى مساء عليكى
و لأكمل الستين تعليق
حبيبتى انا والله ما اعرف عنها حاجهولا عارفه حد من صحابها
انا كمان قلقانة عليها جدا
ياريت لو حد يعرف يوصلها لها يبلغنا
او يطمنا عليها
تحياتى ليكى يا احلى عصمت
فعلا زى ما تخيلتك انسانة رقيقه
يكفى اوى اهتمامك بينا وسؤالك من غير ما تعرفينا شخصيا
امواااااااااااه
انا اسعد
ويارب دايما منورانى
واضح ان مفيش غيرهم هما التلاتة في الحزب
وبعدين احنا بلد الآثار والأهرامات
يعني جت ع الراجل ده
ده حتى لسه شباب وعريس جديد بجد والله لسه كان ف المستشفي من قيمة شهرين وكان لسه متجوز طازة زي ماواحد صحبي شافه وقالي
يعني الراجل لسه شباااااااب
بس امسكي انتي الخشب بس
:))
____
طب ماهو التاني زيو
ولا ابو تمانين اللي حلو
ربنا ليكي يامصر
نورتي مدونتى ويا ريت تشرفينا دايما
عشان وسيييييييييييم الرئاسة بقت بالوسامة يا جماعة..غطوني و صوتوووووووووووووو..و ألف مبروك لأهالي تلبانه..مش كان لازم نوزع شوكولاته برضه؟
طيب كويس والله الحزب التلاتاوى ده
الراجل ده ليه الجنة
ربنا يهديه
تحياتى
والله يا دكتور احنا تعبنا بقا من الانتيكات
يعنى نخلص من انيكات عمرها 80 سنة يجى لنا انتيكه 92 سنة
ده احنا على كدا بلد الصبار مش قاهره المعز
تحياتى
طيب ما هو مش معنى كلامى انى موافقه على ابو تمانين يا دكتور
انا بقول نخرج من التمانين نقع فى التسعين
يعنى مينفعش حاجه فى الخمسين حتى
تحياتى
يا احمد انت فى بلد العجايب
يعنى شوية 80
شوية 90 وبعد شوية حنلاقى 100
تحياتى يا احمد
ادوله فرصته وكله هيلبس تربوش مجانا
دا أنونيمس بيقول لك انه الصباحي لسه متجوز من شهرين
ليييييييييييييييييه
خدته على ماله و لا على جماله
يا واخد الصباحي على ماله يروح المال و يبقى الطربوش على حاله
حسرة علينا اللي مش لاقيين نتجوز
زعيم الطرابيش عايز يلبسنا الطرابيش طب ما احنا لابسينها
اصلا
تحياتى
اخد مليون جنيه ع الفاضى و قال انا لو كسبت هتنازل لمبارك
مش كفاية اللى حاكمنا دلوقتى بسنه ده
و بعدين ده مطلوب جدا يا بنتى امال هيبقى فين المنافسة فى 2011 مهو لازم تكون من العينة دى و ابقى قابلينى لو اخترتى بقى
تحياتى
قول انك بتحقد عليه يابشمهندس
الراجل معاه فلوس وعنده 92 سنة
من حقه يتجوز واحده عندها 18 سنة
اه يعنى احنا ندفع ضرايب وتاينات ومخالفات
علشان الصباحى يقبض
منه لله
اممممممممممممم
يعنى تفتكر ان دى لعبة ذكية علشان المنافسه تبقا نار نار على الريس الجديد
ومش يبقا قدامنا حل غير لاختياااااااااار
تصدق افكارهم ذكية
هههههههههههههههه
هى دى الناس اللى عندها امل فى الحياة العمر كله
شكله ناوى ينافس ابو الهول والاهرامات