آسر الحق معك .. فلا تخضعى .. لا تتنازلى

أسر يا سر .. صحفية جريئة ومدونة رقيقه .. تألقت داخل مدوناتنا جميعاً ... الصحفية الجريئة تعرضت لواقعة تحرش من مجموعة من الشباب الذى لا يعرف معنى لكلمة أدب ولا يفهم الشعور الذى تتعرض له الأنثى والتى ترى فى هذه اللحظة ظلام العالم كله وقد تجمع أمام وجهها وتنتابها حالة من القلق والخوف الممتزج بالإحساس بالإهانة بسبب انتهاك آدميتها وكرامتها وذلك لأن هؤلاء الهمج الذين يمارسون التحرش الجنسى فى الطرقات هم فى الأساس فاقدين للآدمية بكل ما تحمل الكلمة من معنى والمثير للذعر هو انها حينما تبحث حولها عن أى كائن ينقذها من محنتها ويلاحق الجاني ليقتص منه بالعقوبة المناسبة ... ولكن حتى هذا صعب المنال فى زمن انقلبت فيه المعايير وتبدلت فيه الأحوال فتنهار قواها عندما تجد الجميع يقف مكتف الايدى يتفرج وكأنها يتفرج على عرض مسرحى ساخر .. ولكن آسر كانت حسنة التصرف فى هذا الموقف وسيطرت قوتها على مشاعرها المنهاره فى ذلك الوقت وقامت بالأتصال بشرطة النجدة والتى حضر بعد اتصالها الملازم أول / مهاب الذى قام بالقبض على أحد هؤلاء الصبية الفاقدين للإنسانية والآدمية .. المثير للذعر حقاً هو موقف والد الشاب الذى بالفعل هو من يستحق التربية من أول وجديد .. فبدلاً من أن يؤنب ابنه ويوبخه توجه لآسر بالقاء اللوم على عاتقها .. والآن آسر تتعرض لضغوط حتى تتنازل عن المحضر ... اسمحى لى آسر أن أقول لكى بحق كل فتاة مصرية ترى فى الشارع كل يوم الكثير والكثير من المهازل ولم تقوى على النطق لضعفها او لخوفها من المجتمع وجدت فيكى الآن القوة المغيثة لها فلا تتنازلى
بحق كل فتاة تم الاعتداء عليها وبدلا من القاء الجانى فى اسفل السافلين تم التوجه باللوم لها بل والطعن فى شرفها لا تتنازلى
صديقتى العزيزة .. انتى الآن فى موقف قوى .. وانتى صاحبة حق والحق معك

Comments

بصراحة يا حنان
انتى بقالك كام بوست مزاجك عالى اوى
بجد بوستاتك الأخيرة تجبرنى وتجبر أى حد أنه يتابع مدونتك يوماتى
يعنى مثلا موضوع آسر كل الناس كتبت فيه لإنه فعلا موضوع يستاهل
لكن كتابتك لها لون تانى ومذاق تانى
تسلم ايديكى

احمد
MEDUS said…
اتمنى ان اكون اول تعليق
اناشدك يا اخت اسر ان لا تتنازلي عن حقك حتى يكون هناك رادع لهؤلاء الغير ادمين والله انا كتبت عن الموضوع دا قبل كده وقولت لازم البنت تكون جريئه في الحق(حقها) زي هذا الجبان مكان جريئ في الباطل (التحرش والاغتصاب)
والله الموضوع بيبدأ بخطوه ايجابيه
تحياتي لكى يا قطه واشد على يد الاخت اسر والى الامام
كلنا ثقة إن آسر إن شاء الله لن تتنازل

والجميع يساندها

وبإذن الله سيقف في قفص الاتهام وينال عقابه

حتى يكون عبرة لأمثاله

من المستهزئين المستهترين المغيبيين


سلام
وليد
متسيبش حقها احنا نفعل حملة احترم نفسك و نحي تلك التجربة من جديد

بس هيجي ناس من الاغبياء يقولك شوفتي اهو لو كانت قاعدة في البيت او غبي تاني يقولك لو كانت لابسة حجاب او نقاب ابو عين واحدة

مع ان التحرش في بدايتة مشكلة اقتصادية
شوفي التطفل

الهيئة تقتاد المصري حسام غالي إلى أحد مراكزها بدعوى "تبرج زوجته"

http://www.alarabiya.net/articles/2009/02/11/66242.html
عزيزتي ..
أتمني أن يأتي اليوم الذي تتوقفي فيه عن التعجب وتكفي عن الإندهاش لما وصل حال وطننا الذبيح (مصر) ..

وطن ابتلي بالكبت في جميع نواحيه الحياتية والتعبيرية والجنسية والعاطفية والسياسية والفنية و.. و..

أبناء الفراعنة العظام تحولوا إلى ذئاب حيوانية مسعورة تشتهي لحم النساء !


تحولنا يا عزيزتي إلى أسفل أسافل الإنحطاط الحيواني .. ومازلنا نستنكر وقع وكستنا الجلل .. كيف نحن موكسون ونحن أعظم أمة أخرجت للناس ؟؟

تحولت معاني الأنثى إلى كائن ناعم طري وبض الملمس يثير الشهوات .. ومتاح في كل وقت ومكان .. كائن لا غرض له إلا خدمة الذكر (النصف إله) ..
مجتمعنا يحتاج إلى صفعة قوية على مبادئه ، وبنفس اليد الصافعة تملس عليه في حنان لكي تعيده إلى رشده وأمجاد أجداده !!

أتمنى ألا يأتي اليوم الذي يأكل فيه الرجل المصري ماتيسر من شوربة النهود المسلوقة أو الفخذة اليسرى من عذراء عشرينية!!

أتمنى أن يأتي اليوم الذي يعود فيه الرجل إلى رشده .. وأن يحتمي الوطن بحضارته المسلوبة !!

أنتهى !
مسلم علمانى said…
مهزله اخرى لعصابة الأمر بالمعروف السعوديه
قتاد رجال هيئة الأمر بالمعروف والنهي عن المنكر اللاعب المصري حسام غالي المحترف في صفوف نادي النصر السعودي إلى مركز الهيئة في مجمع برج المملكة التجاري -الواقع في العاصمة السعودية الرياض- مساء الثلاثاء 11-2-2009؛ بدعوى "تبرج زوجته".

وأكد مصدر لوكالة الأنباء الألمانية في نادي النصر صحة الخبر، مشيراً إلى أن غالي أجرى اتصالاً مع إداري النادي طلال الرشيد الذي ساهم في إنهاء الموقف خلال دقائق.

وقال شهود عيان إن "زوجة غالي كانت تتسوق في المجمع وهي كاشفة رأسها؛ مما دعا أعضاء في الهيئة لمساءلته، وطلب حضوره إلى مكتب الهيئة وسط تجمع جمهور وصل تعداده إلى نحو 70 متسوقاً".
Anonymous said…
بدون تعليق
عاكف من المبشرين بالجنه
كتب احدهم فى مدونته
وهو لا يرى قى ذلك اى غرابه
فالعقول ممسوحه
والتفكير كبشر عاديين فى اجازه
يقول لا فض فوه
روى لى أحد إخوان البحيرة أن أحد الإخوان المسلمين من مركز المحمودية قد اعتقل فى سجن برج العرب وبعد أيام من اعتقاله أتاه أبو بكر الصديق - رضى الله عنه - فى منامه , فاشتكى إلى أبى بكر بعض الأشياء التى تظهر فى الصف المسلم , ثم سأله -الأخ-على أى طريق نكون -يقصد الإخوان المسمون-قال أبو بكر رضى الله عنه: "على طريق الجنة " فقال الأخ:" وأين قادتنا؟" قال أبو بكر :- من؟ قال الأخ :- أحمد ياسين . قال :- هو رجلٌ تتنازعه الجنان , قال الأخ :- وحسن البنا ؟! فرد أبو بكر رضى الله عنه:- رأيته يتأبَط رسول الله فى الجنة, فقال الأخ :- ومحمد عاكف فرد الصديق رضى الله عنه :- لرجلٌ تشتاق إليه الجنة
Hani Michel said…
Justice will be done if she didn't give up .... and with the pressure of civil society

Thanks Hanan for supporting
الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية
مسلم علمانى said…
عبادة الأسلاف
لماذا من دون كل الشعوب الحيه عندما نقرر شيئا يتعلق بامر من امور حياتنا نرجع الى ما حفظته الكتب من مرويات الأجداد
ونسعد جدا لو وجدنا حادثه قريبه من الموضوع المطروح سجلتها الكتب واذا لم تسجل الكتب حادثه قريبه نرتبك ونحاول القياس على اقرب حادث مسجل
مع ان المنطق يقول لا تتشابه تماما اى حادثتين ناهيك عن اختلاف الزمن
مثلا فىى موضوع غطاء الراس ولا اقول الحجاب لأننى لا اريد ان اتحدث او اعنى حجب المراه عن الحياه حجاب المراه لماذا قد يجيب العقل وليست نصوص اجدادنا هو من اجل الفضيله
فهل هذا صحيح دعونا نرى من الواقع
كما يقول رد احدهم فى موقع العربيه نت السعوديه
اخرة التدين المريض!!!!
مصراوى (زائر)
|
12/02/2009 م، 02:44 صباحاً (السعودية) 11:44 مساءً (جرينتش)
اللى يتفرج على الافلام المصرية المصورة فى فترة الستينات ومنتصف السبعينات ويتفرج على طريقة ملابس البنات هايلاقى مفيش حجاب وطبعا مفيش نقاب وكانوا بيلبسوا الميكورجيب والبناطيل والشباب كان ماشى على الموضة وكان وقتها نادرا ما تسمع عن اى حادثة زى دى عشان ماكانش فية كبت وغباء .... نتيجة طبيعية جدا دلوقتى ان اى رجل او شاب يمشى فى الشارع كل ما يبص يلاقى خيمة سودا ماشية فى الشارع ويوقولك اصل دة النقاب اصل دة التدين وادى اخرتها
لماذا نتمسك بعيادة الأسلاف كما القبائل البدائيه فى افريقيا
لماذا لا نرى بعقولنا مافيه الصالح
بناء على معطيات الواقع مثل البشر فى المجتمعات الحيه
لماذا نركن عقولنا ونتمسك بما آل الينا من كتب متضاربه وتفسيرات متناقضه وارتباك وتخبط ينتجان من كل هذا
كلنا معاها

حقها و لا زم تاخده
عزيزتى

مالذى اصاب شبابنا وجعل كل المعايير والمفاهيم التى تحث على الشرف والامانة والنخوة والرجولة تتضاءل حتى تصل الى ادنى المراتب الحيوانية
فالنبحث بداخلنا اولا ونوقظ ضمائرنا لعلنا ننقذ ما يمكن انقاذه قبل فوات الاوان .. ولعلنى لاأعرف (آسر) ولكنى اعلم انها فتاه مصرية ويؤلمنى اشد الالم ما حدث لها واتمنى ان تقتص العدالة من هؤلاء السباب جراء هذا الفعل الشائن
مسلم علمانى said…
درس لدعاة اعطاء الحريه لأعداء الحريه ليهدموها
بريطانيا تمنع دخول عضو البرلمان الهولندى الى اراضيها لأنه انتج فيلما مسيئا للأسلام
واعلنت الخكومه البريطانيه عدم منحه تاشيره مع انه مدعو من مجلس اللوردات
واعلنت الحكومه انها تمنع اى متظرف او داعيه للكراهيه او العنف من اى لون او دين
مسلم علمانى said…
لمن يسال ماذا حدث
اشتعلت النار فى التابوهات الثلاثه
الدين والجنس والسياسه
اما الأولى فواضحه فى الهوس الدينى والتدين المزيف الشكلى
مع ان الدين فى مصر لم يكن ابدا مشكله فى اى يوم من الأيام بل ان المصرى القديم هو الذى اهتدى للدين قبل الأديان
والثانيه السعار الجنسى كما نراه فى حوادث التحرش المخجله
امالسياسه فهذه معقده بعض الشىء فالسياسه هدفها فى النهايه توزيع الخيرات بشكل عادل على المواطنين
وكل يرضى بنصيبه ولكننا نرى سعار وراء المال على كافة المستويات من الحرفى لرجل الأعمال للمسؤول
لماذا اشتعلت النار هكذا فى التابوهات الثلاثه
هذا موضوعنا القادم
Desert cat said…
Ahmed Al-Sabbagh
ميرسى جدا يا احمد
بالنسبة لموضوع آسر فهى انسانة غاليه اوى عندى
علشان كدا انا كاتبة الموضوع باحساسى

تحياتى ونورتنى جدا
Desert cat said…
MEDUS
ان شاء الله الازمة هتعدى وآسر هتاخد حقها وحق كل بنت بتحس بالاهانة فى شوارعنا للأسف
واتمنى كل البنات مش تسكت ابدا عن حقها
تحياتى
Desert cat said…
!!! عارفة ... مش عارف ليه
كلنا مع آسر وان شاء الله تخرج من الازمة دى على خير انا واثقه فى قوتها بس برضه لازم اننا نساندها
تحياتى
Desert cat said…
مواطن مصري
الاغبياء دول مرفوضين ولا وجود ليهم فى المجتمع
اما آسر واى بنت فى مصر كلها تمشى براحتها وتعمل اللى هى عايزاه وبراحتها مش حد عينهم رقباء على الناس فى الارض
تحياتى
Desert cat said…
مواطن مصري
ماهو التخلف اللى بلدنا فيه ده بسبب جهل العالم دى
كل واحد يقولك اصلها مش محجبه ولا متبرجة يبقى حلال عليا انتهك عرضها
Desert cat said…
عرين الغضب
لو الفراعنة موجودين وشافوا التقاع والمهازل اللى بتحصل من احفادهم كان زمانهم اتبروا مننا
انا لما بشوف كلام المدونين بشعر ببارقه امل
تحياتى
Desert cat said…
Anonymous
هههههههههههههههههههههه
ههههههههههههههههههههه
حقيقى مش قادرة اتمالك نفسى من الضحك
اهو ده بقى الهبل بعينه
ربنا يتولاهم برحمته
Desert cat said…
Hani Michel

Of course as with the families of
all of us have a lot of hope in the pursuit of justice and undermines the offender punishment and I hope to purge the society of those times Savages
Mercy Hani
Desert cat said…
رابطة هويتي اسلامية
اعتقد هويتك اسلامية هويتك هندوسية دى حاجه بينك وبين الله مش تخصنا احنا فى حاجه
Desert cat said…
على باب الله
جميل التضامن
ب ربنا يحقق لها النصر والقاضى يكون عادل فى حكمه
Desert cat said…
وميض ابتسامة
آسر ربنا نجاها بأعجوبة ولو لم نتصدى لأمثال هؤلاء الأوغاد من الممكن ان تكون إحدى بناتنا او اخواتنا فى مكانها ومن الممكن جدا ان ينتهى بها الامر نهاية ماسوية
لذلك لابد من التصدى لهذه الظاهره المشينة فى حق الجميع
تحياتى
انا حرة said…
هو احنا مش هنخلص بقى من الهم ده؟..بجد انا بقيت بترعب من مجرد فكرة المشى فى الشارع..يعنى مش بدل ما يطلقوا كلاب العادلى على اللى بيمشوا بالعكس ولا بيقفوا صف تانى مش كانوا طلقوهم على الحيوانات اللى فاكرين نفسهم رجالة..حاجة تقرف بجد

ربنا يكون فى عون اسر و يقويها يا رب..هى عملت اللى انا واثقة انى لو كنت مكانها ما كنتش هعرف اعمله..يا رب تفضل صامدة لحد ما تاخد حقها و حق المجتمع من الكلاب دى
وزير الداخلية شرح لـ"لعربية.نت" خلفيات القرار
اللبنانيون سعداء بقرار حكومي يسمح لهم بإخفاء هويتهم المذهبية

http://www.alarabiya.net/articles/2009/02/12/66313.html

عقبالنا يا رب
شوفتي هل صحيح هيجلدو زوجة حسام غالي
؟.
هل صحيح هيجلدو زوجة حسام غالي
السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية
Anonymous said…
موضوع خطير
فى خطبة الجمعه فى مسجد بشارع عدلى كفافى بالقرب من ميدان تريمف بمصر الجديده شن الخطيب حملة شعواء على عيد الحب واليهود والنصارى
ودعاة حقوق المراه
وكتاب المسلسلات والفنانين
ووصفهم بابشع الصفات وكيف ان عيد الحب وحقوق المراه والفواحش السابقه مؤامره علملانيه من الغرب لهدم الأسلام
هل يترك امثال هؤلاء لأشعال الحرائق
أنا حر said…
انا دخلت على مدونتها وشفت الموضوع وقلت زيك لازم ما تتنازلش ومانيفعش تخاف على مستقبله اكتر منه لازم تخاف على مستقبلنا كلنا وتستمر في البلاغ لحد النهاية
تحياتي
Desert cat said…
انا حرة
ماهو اللى بيمشى بالعكس ده برضه يمثل خطر على حياة البنة ادمين اللى بيمشوا على رجليهم
انما التحرش المفروض يكون فى اهتمام
التهريج ده مبقاش ينفع ابدا

تحياتى
Desert cat said…
مواطن مصري
بس حسام غالى كدب الخبر وقال انه مستاء من اللى بيحصل والمواضيع اللى بتتنشر لانه توقيفه انتهى بمجرد اتصاله بمدير النادى
نياهاهاهاهاها
هيئة الاملا بالمنكر والنهى عن المعروف هى كمان بتشتغل بالواسطة

تحياتى
Desert cat said…
Anonymous
اهى الناس دى المفروض يجمعوهم فى ميدان عام ويرجمهوهم لحد ما نخلص منهم
قال إماء مساجد قال
دول الجهل اتسمى باسمهم
تحياتى
Desert cat said…
أنا حر
كلامك صح يا احمد مش نيفع المظلوم يخاف على مستقبل الظالم
ده اهله نفسهم مش خايفين عليه
تحياتى
واسطة خير said…
الحقيقة أن الرحمه مطلوبه

و هذا التحريض المبالغ فيه لهذه الفتاه التي تعرضت للتحرش ،يدخل في مجال التدخل السافر في سلوكها الشخصي ،فهي حرة .

و هذا أيضا يعتمد على نوعية التحرش الذي تعرضت له ،فكلمة تحرش كلمة فضفاضه تبدأ من أول إطالة النظر لملامح البنت الأنثوية بطريقة بها قلة إحترام و ذوق و تنتهي بملامسة أجزاؤها الحساسة ،بل يدخل بها أيضا كيفية هذه الملامسة .

و هذا يحدث في كل بلاد العالم و النساء تعرف كيف توقف المتحرش عند حدوده في أغلب الأحوال .

و لكن من غير المنطقي مثلا أن شاب مراهق لم يستطع تمالك مشاعره في هذا المجتمع الإنفصالي اللعين و عاكس بنت بكلمة مثلا .أن نأخذ هذا الشاب و نقطع من لحمه و نرمي للكلاب

لأن الشرطة تتعامل مع المواطنيين بالقانون ،و ليس بمشاعر المجني عليه و إلا تصبح أداة إنتقام و تشفي و هذا الذي لا نريده .

أما إذا قررت المرأه المجني عليها التنازل رحمه بالجاني و أهله و تقديرا لظروفهم و يكفيه مالقاه لأسابيع في قسم الشرطة ،فهذا أيضا من حقها و موقف يحسب لها .

و على رأي المثل الناس لبعضها
انا و كل سيده و فتاه تحترم نفسها نناشدك ان تصمدى لهذه الضغوط انتى مش اقل من نهى رشدى اللى سبقتك فى نفس الطريق و قدرت تاخد حقها
للاسف احنا بقينا بنعانى من مجرد مشينا فى الشارع كنت زمان احاول ابعد عن اى حد شكله غريب دلوقتى بقيت بارد و اشتم و ازق كمان و اعلى صوتى لان الحرامى دايما جبان و ناس زى دى حراميه لانهم بيعتدوا على حاجه مش من حقهم
كلنا معاكى يا آسر و تسلم ايدك يا حنان
أسوور said…
طبعا حبيبتى اجمل ما قرأت وكأنك تصفين مشاعرى بالضبط
Desert cat said…
واسطة خير
مش هقولك غير لو حضرتك او بنتك او اختك كانت مكان آسر كنت هتقول الكلام ده ؟؟
الجواب اكيد لاء
الولد مش قادر يتمالك مشاعره لانه مراهق يروح يتعالج
اهله مش خايفين على مستقبله ولا هو نفسه خايف على مستقبله
يبقى الناس اللى بيأذيها دى هتخاف عليه ليه ؟؟
Desert cat said…
صيدلانيه طالعه نازله
تصدقينى لو قولت لك انى مش برضى امشى من شوارع فيها شباب واقفين وبدور على الشوارع الجانبية امشى فيها حتى لو حوصل بيتى متاخر شوية
لكن لاقيت نفسى غلطانة ومفيش غير ان الواحد يمشى براحته فى اى وقت
واللى يتكلم يترد عليه واللى يمد ايده تتكسر

تحياتى ليكى وشرفتينى جدا
Desert cat said…
أسوور
تسلمى لى يا أسوور وألف حمد الله على سلامتك يا قلبى

Popular posts from this blog

قميص دهشور

كل تحرش وانتوا طيبين