Posts

Showing posts from June, 2008

الحب حاجه والجواز حاجه تانية

Image
منذ دقائق معدوده دخلت مدونة دكتور اياد حرفوش لانها من المدونات التى تتسم بالعقلانية والثقافة العالية وتستحق المتابعه
فوجدت فى أحدث بوست له وهو ( كلمات ليست كالكلمات ) هذه ... الجملة
تزوجت "ليلى" و جن "قيس"، تزوجت "جولييت" و انتحر "روميو" ، مازوشية الرجل مقابل واقعية المرأة ؟ أم واقعية الرجل مقابل مثالية المرأة؟ التى ما إن لمحتها حتى عادت ذاكرتى إلى سبعة أشهر مضوا صديقتنا (أ) جميعنا نعرف تمام المعرفة مدى علاقتها وارتباطها بدكتور (ت) وكم من المشاكل التى حدثت لها بسببه وعندما تقدم لخطبتها تم رفضه وتقدم مرة اخرى وايضا تم رفضه لانها ذات المستوى الاجتماعى المرموق اما هو دكتور ومرتبه ميأكلوش عيش حاف ولا يملك غيره لانه لا يملك عيادة خاصة فمازال فى مرحلة تحضير الماجستير فى يوم اتصلت بى وبعد الاطمئنان عن الاخبار فوجئت بها تخبرنى بان خطوبتها يوم الجمعه وهتتصل دلوقتى بباقى اصحابنا تعزمهم بالرغم من انها برضه اخبرتى بان الخطوبة عائلية ... بفرحة غامرة هو باباكى اخيرا وافق .. قالت لى لاء هتخطب لحد تانى ... نعم ازاى وحب السنين اللى فاتت دى كلها ... قالت معلشى نصيب…

لو الألقاب تباع .. ما كانوا قالوا علماء

Image
موضوع أثارة أستاذ طارق الغنام فى جروب أتكلم وأسمع على الفيسبوك عبارة عن رساله والرساله دى اهداء لكل من يقول لا نتحدث نحن فى الدين ونترك الأمر للعلماء فخريج التجارة اصبح عالم دين ومن يعمل فى الاستيراد والتصدير والتجارة ايضا عالم دين وإليكم نص الرساله بدون نقص و زيادة
رساله الى فضيله الشيخ خالد الجندى السيدة تغريد سيدة بورسعيديه تسكن فى حى بورفؤاد لم يكن أحد يعرفها إلا بعض الجيران الذين أكدوا أنها انسانه طيبه وبتاعه ربنا وأنها كانت تعمل حاجات للهالسيدة تغريد تداول أسمها بعد الأعتداء على فضيلتكم وقد تهكمت عليها ووصفتها بأنها إمرأة ضخمة وعملاقة جدا كأنها تابوت متحرك. لو رأيت الصور التي التقطت بواسطة كاميرات المبنى لذهلت من حجمها مقارنة بحجم السيارة التي كنت فيها لحظة الاعتداء، لبدت كتكوتا بالنسبة لها"ووصفتها بامرأة مثل الغول تضربني وتكسر نظارتي .. وهذا الكلام المفروض لا يخرج من داعيه اسلامى ولكن ممكن أن يخرج من ممثل كوميدى أو رجل عادى .. خصوصا أن فضيلتكم قدوة للشباب .. أنا أدين اعتداؤها على فضيلتك والذى لايرضاة عقل ولادين" ولكن كنت أتمنى من فضيلتكم أن تلتزم معها بأداب الداعيه وأن…

خايفيـــن لـيــــه

لاء بجد خايفين ليه او قلقانين من أيه
لو انتوا على حق مرعوبين اوى كدا وعمال تبعتوا رسايل للناس فى الخفاء علشان ايه ؟؟؟
مش بتقولوا ان النقاب فرض وناقشنا فرضيته وجبنا تفاسير وانتوا بدل ما ترودا على تفاسير ايات وتردوا الحجه بالحجه والدليل بالدليل شتمتوا وسبيتوا وقذفتوا وهددتوا
من ايه الرعب ده كله ؟؟؟؟
من ايه كل القلق ده ؟؟؟
مش المفروض انكو على حق هو برضه اللى على حق بيخاف كدا ويروح يبعت للناس رسايل فى الخفاء ويلموهم يمكن يعدلوا عن موقفهم ورأيهم
أظن كدا وضح أوى مين اللى على حق ومين اللى على باطل
مين اللى بيتكلم فى العلن وبأسمه وبشخصيته ومش بيخاف من لومة لائم ومين اللى بيتخفى وبيتدارى زى ماهو متعود يتخفى ورا قطعه من القماش فى الحياة العامة علشان يتسكع ويترمى فى الشوارع زى اكياس الزباله
أظن المتابعين جيدا لمدونتى
شافوا موضوع لا من شاف ولا من درى واكيد كمان فى ناس تابعته بالردود وفى ناس ايدتنى وناس عارضتنى وناس شتمتنى وناس هددتنى ده كله مش مشكلة
المشكلة بقى فى الناس اللى ايدتنى
أيوا متستغربوش مشكلة بجد
اصل ازاى وليه يأيدونى وليه حد يدخل يقولى اه كلامك صحيح بس مش تعممى وليه حد يقولى الموضوع حلو
ا…

التعليم أدب مش هز أكتاف

فى كل عام تكثر البلبلة حول إمتحانات الثانوية العامة
الإمتحان صعب
الإمتحان من خارج المقرر
إشمعنا هيجيبوا الإمتحان من خارج المقرر بينتقموا من الطلبة على اساس فى بينهم كلهم وبين واضعى الإمتحان معرفة شخصية وتار بايت لابد من تصفيته
انا طول السنة بشوف طلبة ثانوى ماليين الشوارع رايحين جايين دروس وفى ساعه فرق بين الدروس او ساعتين بيقضوها فى التسكع فى الشوارع او كل واحد مظبط مع واحده بيقابلو بعض وممكن الوقت يسرقهم ويقلبوا الدرس اللى بعده وعادى جدا ما فى ستين داهيه هو المدرس مش بياخد فلوسه اخر الشهر وخلاص
ويجى معاد الامتحان الاهالى يصوتوا ويلطموا والعيال طول السنة مطحونين فى الدروس
والامتحان صعب وجاى من خارج المقرر وهما ميعرفوش ان العيال طول السنة مقضيينها خروجات وهدايا عيد الحب والاهالى نايمين على ودانهم .... طبعا فى طلبة بيذاكروا وبيكونوا حاطين قدامهم هدف طب وهندسه وبالفعل ربنا بيكون معاهم " لأن الله لا يضيع اجر من احسن عملا " وده بلاقيه واضح وضوح الشمس وانا بطلع نتيجة الثانوية اللى بتكون عامله زى ميكون نتيجة حياة او موت بمعنى كل واحد بيكون واقف فاتح بؤه ومبرق عنيه وناقص يقولى ها يا…

ولا من شاف ولا من درى

Image
حد شاف فيلم عادل امام وايمان ولا من شاف ولا من درى
معلشى ده اعلان غير مدفوع الاجر علشان كدا مش هحكى على الفيلم

أنا بتكلم عن اللى حصل واللى بيحصل من خلف خيمة اسمها النقاب
سرقة وقتل وخطف وارتكاب الفحشاء والفاعل مجهول
طبعا لازم يكون الفاعل مجهول وهيجيبوه ازاى وهو او هى لابسه النقاب
هيعرفوها ست او يعرفوه راجل منين وهى متكلفته من فوق لتحت
فبعد ان كان النقاب هو البرقع الذى ترتديه البدويات فى الصحراء انتقل الينا كرمز دينى ( واحدة زى دى رمز للدين برضه )



لو انت فى وسيلة مواصلا او فى احد الاماكن العامة هتعرف الشكل ده راجل ولا ست ازاى
هل دى واحدة كل اللى تعرفه عن نفسها انها فتنه تمشى على الارض ولا هو راجل انتهى حالاً من جريمة سواء كانت سرقة او قتل او اغتصاب او تجارة مخدرات او ايا كان بقى نوعها

نشرت جريدة " المصري اليوم "
خبرا يفيد أن فرد حراسة السيارات المحتجزة بقسم الأزبكية فوجئ بسيدة ترتدي النقاب تسأله عن موقف السيارات المتجهة إلي سوهاج ، وقبل انصرافها ارتاب في صوتها وطريقة مشيها وبعد إبلاغ رؤسائه تم القبض علي المشتبه بها ، وبتفتيش متعلقاتها عثر بحوزتها علي حقيبة يد حريمي بداخلها تليفو…

ناس .. ذوق .. ذوق .. ذوق

Image
كنت على موعد بصديقتى والتى تتسم بالنشاط والحركة الدائمة حتى من قبل التحاقها بالعمل الصحفى ... ولكن حينما جاء الموعد لم تأتى وهذا على غير عادتها .... فقمت بالأتصال بها لأطمئن على أحوالها ... فوجدتها تطمأننى وأخبرتنى انها تقوم بعمل تحقيق صحفى فى قسم الشرطة وستأتى بعد ساعه ومن خلال صوتها علمت ان هناك أمر ما ... فأخبرتها أنى سأنتظرها ... فأجابتنى هى ساعة بالكتير وهكون عندك ؟؟؟ وبالفعل جاءت هذه المرة فى موعدها ... واثناء دردشتنا سالتها عن ماهية التحقق ... فاجابتنى هحكى لك بس مش بالتفصيل علشان محرقش الموضوع ... قولت لها موضوع ووصل لقسم الشرطة يعنى اتحرق من اول ما الاحداث حصلت اصل اكيد كان فى شهود عيان ... ابتسمت واجابتنى هو انتى مش بيعدى عليكى حاجه كدا ... عموما هحكى لك .. اتفضلى يا ستى وكلى آذان صاغيه ... الموضوع بين طفل وست جارتهم ؟؟؟ نعم طفل وست ... قالت لى اوعى الفار يلعب فى حجرك دى مشكلة مش حاجه تانيه ... قولت لها اااااه كدا الموضوع يتظبط شوية .. لكن ازاى ؟؟؟
قالت لى الست دى عايشه لوحدها بعد ما زوجها توفى وهى ما انجبتش الطفل ده عنده 12 سنة وكان بيلعب كورة وهو وصاحبه فى الشارع وهى ماشية …

الدين .. المال.. السلطة

Image
تحديـــــــــــــــث أصدقائى الأعزاء المدونين والمدونات سؤال جديد على مدونة برنامجنا الإذاعى أنت تسأل والكمبيوتر يجيب http://netonradio.blogspot.com/ الذى يذاع يومياً الساعه 9.10 صباحاً على إذاعة البرنامج العام ما عدا يوم الجمعه والسؤال هو ماهو الأختراع الذى تحلم بظهوره ليحل مشكله تزعجك ....يحل المشكله التى تؤرقك وتصبح الحياه بطعم الفراوله فى أنتظار آراء الجميع ************************************************************
الدين .. المال .. السلطة
ثلاث محاور أساسية تسهم بشكل مباشر فى جميع المشكلات فى مصر, أو بالأحرى هى أساس مشكلات مصر, وكل تيار من التيارات الثلاثة يسعى بقوة الى القضاء على التيارين الأخرين وتختلف طرق الصراع بين التيارات الثلاثة مرة بالتحالف او بالتصارع, فنجد ان المال يشتري السلطة للقضاء على التيار المعارض أو يرتدي المال العبائة الدينية للفوز بتأييد الأغلبية الشعببية فيفوز فى معركة السلطة, أو تأتي السلطة بنفوذها وقوتها لترهب كلا من التيارين او تتحالف معه ضد الآخر لكسب موقف ثم سرعان ما تجهز على التحالف بنفس الاسلوبهى كلها لعبة تحالفات والخاسر الوحيد هنا هو من يصدق كلام أو شعارا…

مش مهم المؤهل

Image
مش مهم انت مؤهلك الدراسى ايه ؟؟؟
مش مهم كفائتك ؟؟؟
مش مهم عدد سنوات خبرتك كام ؟؟؟
المهم انك عندك واااااااااااااااااااااااااااااو
الواسطة .....هى المؤهل الأساسي لشغل اى وظيفة
تحولت هذه الظاهرة السيئة إلى عادة و مرض اجتماعي انتشر في مجتمعنا
بل انها اصبحت عائق كبير امام كل صاحب كفائه وخبرة .... اصبح كارت التوصية هو جواز المرور لاى مكان لك واااااو فيه
عندك وااااو .. تقدر تتجاوز النظام والقوانين وتحقق مصالحك الشخصية اللى بالطبع بتكون على حساب الغير .. تتعين فى مكان اكبر حاجه بتعملها انك بتوقع حضور وانصراف ولو مش جيت مش مهم المهم انك ابن اخت المدير او حد من عيلته وده لوحده كفاية اوى ... فى الوقت نفسه فى غيرك كفء يستحق المكان ده وهيعمل شيئ اجابى فى المجتمع لكن معندهوش كارت توصية ولا حد قريبه فى منصب مرموق يعينه فيه وفى الحالة دى القهوة اولى بيه ...
بسبب الواو اتلغت الكفائه واتلغى النظام واتلغى الالتزام وحل مكانهم
الاتكالية و الجهل و انعدام المبادئ والقيم و انعدام الانتماء والوطنية و انعدام العدل والمساواة و الانانية و انعدام الأخلاق
وتنتشر الواو فى المجتمع من حوالينا بصور مختلفة وفى الادارات الحكومية …

كام سؤ ال محتاجه اجابة عليهم

Image
تحديـــــــــث
سؤال جديد على مدونة برنامج انت تسال والكمبيوتر يجيب
http://netonradio.blogspot.com/
الذى يذاع يوميا الساعه 9.10 صباحاً على اذاعه البرنامج العامما عدا يوم الجمعه والسؤال هو
كلنا نعرف ان الشغل الشاغل لصناع الكمبيوتر هو مايحدث للميكروبروسيسور من سخونه وتستحدم المراوح لتبريده ولكن شركة.... آى بى إم .... توصلت الى حل آخر جديد للتبريد ...اختار واحد من ثلاثه اشعة الليزر غاز الفريون المستخدم فى الثلاجات الماء
مستنياكو هناك فى انتظار اراء الجميع

*************************************************************
ونقول باااااااااااك لموضوعنا مازل النقاش مطروح وما زلت فى انتظار آراء الجميع لان حقيقى الموضوع يهمنى جدا
المعاكسة كظاهرة أنتشرت بانواع مختلفه وبشكل اعتقد انه يصعب السيطرة عليه ... طول ما انا ماشيه فى الشارع مش شايفه حد بؤه مقفول سواء طفل او شاب او راجل كبير .. واللى مش بيتكلم بيبص وعينه داخله تحت الهدوم ... ومفيش فرق بين اى واحده ماشية مش مهم هى حلوة او وحشه رفيعه او تخينة طويلة او قصيرة المهم انها انثى تتحرك على الارض ... الغريب انى لما سألت كذا حد من معارفى ليه كدا وايه الفايد…

الدعوة عامة لكللللل المدونين

تحديــــــــــــــــــــث
سؤال جديد فى مدونة أنت تسال والكمبيوتر يجيب
سؤال واقعى حدث فعلا نريد اجابات الحل من الأخوه الزوار زوج وزوجته نسيا كاميرا ديجتال فى اثناء جولة لهم مع طفلهم الصغير فى فلوريدا وحزنا لضياع مالتقطوه من صور تذكاريه للطفل وهو ياكل وحده لأول مره فى مطعم.....
ولكن عندما عادا الى البيت فوجئا بمعلومات كامله عن سارقى الكاميرا بل وصور لهم عند دخولهم الأنترنتكيف حدث هذا؟؟؟؟؟؟
وطبعا استردا الكاميرافى انتظار اجاباتكم بسرعه لأن هذه حلقه للسبوع القادم
فى انتظار اجاباتكو على العنوان
http://netonradio.blogspot.com/
***************************************************************************
عندنا الدعوة عامة لكل المدونيين لاء وكمان الفيسبوكيين
بناء على طلباتكو واقترحاتكو فى مدونة برنامجنا الإذاعى الشهير والمفضل لينا جميعاً أنت تسأل والكمبيوتر يجيب
سوف يتم طرح موضوع محبب لينا جميعا للنقاش والحوار
وسأكون انا معكم لمتابعة الردود
عنوان الموقع
http://dear.to/cairo
وعنوان المدونة التى ستكون الملتقى الذى يضمنا جميعا للنقاش والحوار اى انها مقرنا والملتقى الدائم لنا جميعا
كما يمكن سماع الحلقات الما…

ممنوع الخروج .. ممنوع الكلام .. جهزوا الأكفان

فى البداية البوست ده مقتطفات من كلام البنا الاب الروحى للجماعه المحظورة القادرة على قلب الحقائق والمرأة عورة فى كل زمان ومكان ولو خرجت ده لو سيدها الراجل سمح لها تخرج يعنى يبقى لازم تتكفن
رأي الشيخ حسن البنا في دخول المرأة للبرلمان"يعتبر منح المرأة حق الإنتخاب ثورة على الإسلام وثورة على الإنسانية، وكذلك يعتبر إنتخاب المرأة ثورة على الإنسانية بنوعيها لمناقضته لما يجب أن تكون عليه المرأة بحسب تكوينها ومرتبتها فى الوجود، فإنتخاب المرأة سبة فى النساء ونقص ترمى به الأنوثة " مجلة الإخوان المسلمون 5 يوليو 1947.
ايوا بالظبط كدا زى ما شوفتوا المرأة اللى بتدخل البرلمان سبه فى الانسانية كدا اللى ينتخبها مش بنى ادم اساسا ... وبعدين يعنى ثورة على الانسانية يعنى بتقلب النظام وبتهتف وتقول انا مش عايزة اكون انسانة
وكمان هى بالشكل ده بتتخلى على انوثتها ايشى خيال يا ناس

"إباحة عضوية البرلمان مطلقاً يتنافى مع خطر الخلوة والإختلاط بالأجانب على النساء، ويتنافى كذلك مع تحريم النظر، ويؤدى إلى كثير من المفاسد... المرأة لاتكون وزيرة ولاعضواً فى البرلمان بحال، فإن من مقتضى إسناد هذه الأعمال إليها ال…

انتــى مرتبطــة ؟؟؟

Image
اول سؤال بعد الاسم يطرأ على بال أى واحد لسه بيتعرف على واحده اسمك ايه ؟؟ انتى مرتبطة ؟؟ فى النت فى الشارع فى الشغل المهم السؤال اللولبى اللى لازم يتسال وكانها لو مرتبطة يقولها طيب معطلكيش يا حلوة انا عايز واحدة مش مرتبطة ... خلاص بقى من كتر ما اتسالناه اتعودنا عليه ... انا شخصيا بقيت لما حد بيساله لى بقوله وانت مال اهل حضرتك ؟؟؟ انما يبقى قاعد عندك فى البيت واول ما يفكر يكلمك يقولك انتى مرتبطة ؟؟؟ نعم يعنى لو مرتبطة حضرتك جاى هنا تعمل ايه دلوقتى ؟؟؟ يعنى لو متجوزة هتطلق واتجوزك انت ولا لو مخطوبة هتصل بيه اقوله معطلكش اصل جالى سيد سيدك ؟؟؟ مش المفروض الناس قبل ما بتدخل البيوت بتكون سائله وعارفه كل حاجه ؟؟؟ قصدى يعنى مرتبطة عاطفياً ؟؟؟ وانت مالك ... هو مش المفروض الناس بتتعرف ولو فى قابليه وحصل موافقه ده لو فى اساسا وقتها يبقى تسال فى اللى انت عايزه ... طيب انتى اتضايقتى كدا ليه ... مش قصدى ازعلك انا بس مش لاقيت حوار مناسب ... اه وعقلك الفذ صورلك السؤال ده فى صورة الحوار المناسب .. طيب تحبى نتكلم فى ايه ؟؟؟ ممكن تتكلم فى الرياضة كمال الاجسام مثلا ... مالها كرة السله على الاقل انا قصيرة …