وزارة القتـل والتعذيـب

تخلت وزارة التربية والتعليم عن عملها الأساسى فى تربية نشئ ليخرج لنا جيل جديد يعتمد عليه ربما يكون منهم من يكون على يده اصلاح حالنا من الازمات والنكبات المتوالية وربما كان من بيهم احمد زويل اخر ... ولكن بعد تعيين مدرسين وتعاقد البعض منهم الذين لا يرتقون الى ان يكونوا مربيين اجيال .. فالإهمال والتسيب بالطبع ينتج عنهم رائحة نتنه للفساد .. فسمعنا جميعا عن موت الطفل إسلام بالإسكندرية الذى ضربه هيثم نبيل ضرب افضى الى موت ولا اعلم اى مدرس هذا الذى ظن نفسه فى جوانتنامو ليقوم بمثل هذا الجرم .. ليقضى على حياة طفل لا يملك من القوة الجسدية ما يدافع بها عن نفسه ويترك اب وام مكلومين ..
ومن الطفل اسلام إلى مدرسة عبدالرازق عبدالمجيد التجريبية والتى اعتدى بها حارس المدرسة على طفله عمرها 5 سنوات اثناء ذهابها الى الحمام وتتبعها ودخل خلفها وتجرد من ملابسه وانسانيته ولم يشفع له صراخ الطفلة ذات الخمس سنوات للتراجع عن فعلته القذره .. ليقوم بنزع ملابسها عنها والاعتداء عليها ...كيسف ستعيش هذه الطفلة عمرها الآتى .. وقد اغتيلت برائتها ؟؟ اين الاثارة فى طفلة عمرها 5 سنوات ؟؟ هل كانت ترتدى ملابس مثيرة ؟؟ هل كانت تسير بميوعه ؟؟ ام ما مبرر هذا الحيوان الذى سيتبارى اصحاب النفوس المريضه ليتفننوا فى مبرر لاخراجه من هذه الواقعه المخزية .. اعتقد انه سيقال ان الفتاة امريكية الجنسية وهذا الحارث كان يساند اخوانه فى العراق
الطفل كريم .. طفل مدينة نصر والذى عثر عليه اسفل كوبرى السلام وقد تم الاستيلاء على احشائه
وكاننا اصبحنا نعيش فى غابة من يريد كبد او كليه او اى عضو فعليه وعلى اول المارة بالانقضاض عليه واخذ ما يحلو له من اعضائه
ويتحدث شهود عيان عن قيام سيدة منقبة باستدراج الطفل عقب عودته من السوبر ماركت القريب من العماره
اما فاطمة محمد الشرقاوى الطالبة بالصف الرابع الابتدائى فحكايتها مختلفه بعض الشيئ
فلقد ادعت إحدى السيدات بانها والدتها ودخلت الى مديرة المدرسة وطلبت مقابلتها وصعدت الى فصلها واستاذنت من مدرس الفصل وافهمت الطفلة بانها مدرسة اللغة الانجليزية وانها معجبة بمصوغاتها الذهبية وتريد شراء مثلها لابنتها واخذت من الطفله ما فى يدها من مصوغات وخرجت من المدرسة وعليها الامان ... فكيف لمديرة مدرسة محترمة تسمح وبمنتهى السهوله لأى شخص يدعى انه ولى امر طفل دون التأكد منه هكذا وحتى وان كان ولى امر هذا الطفل كيف يسعد الى الفصل دون ان يرافقه احد من العاملين فى المدرسة الهذا الحد وصل بنا التسيب ؟؟ ... والغريب فى الأمر ان هذه المدعيه ما زالت حتى الآن حرة طليقه
ماذا يحدث فى مصرنا هل هذه طريقة جديدة لتحديد النسل ؟؟؟
وإلى أن يتم إرهاب المقبلين على الزواج حتى لا يتجرؤا على الإنجاب لأنهم سيعشون وطفلهم طول الحياة فى حالة رعب .. اين ومتى وكيف يتوفر لأطفالنا الحاليين الأمان وهم مازالوا براعم فى عمر الزهور كيف يذهب طفل الى مدرسته صباحاً وهو لا يدرى هل سيعود مع اقرانه ام انه سياخذ شلوت من استاذ الفصل ليسقط جثه هامده ؟؟؟ .. وكيف ستذهب طفله الى حضانتها لتعود اخر اليوم لاهلها وقد اعتدى عليها مجرم ونزع عنها ملابسها واغتصبها ؟؟؟
كيف ستأمن على نفسها من تجلس فى فصل وفى يدها مصوغات حتى لو فضه وليست ذهبية ؟؟
.. وكيف سيخرج طفل لدرس او لقضاء حاجه لاهله وهو لا يعلم هل سيعود مرة اخرى ام سيستخدم كقطع غيار بشرية
أى مستقبل هذا الذى سيحياه طفل عاش فى رعب وخوف وترقب من الآتى
اهمال وتسيب وغياب قانون وغياب دور الرقابة
والناتج .. قتل وسرقه واغتصاب فى اماكن من المفترض انها تمثل الامن والامان لجيل يدعى انه المستقبل ..

Comments

tamer.sala7 said…
مش لازم نسكت المرة دي

ومش لازم نتراجع عن طلبنا بأقالة وزير التعليم علي الاقل

انا حاولت اقابل والد الطفل اسلام بس للاسف معرفتش بس انشاء الله حعرف اوصل ليه بس لازم نركز كلنا الفترة دي علي وزارة التعليم شوية
Ocean said…
ربنا يستر من المستخبي
بيسوو said…
ايه ده بقى..ايه الناس دي..ده حصل فعلا

هي الدنيا للدرجة دي بقت سايبة وهيصة هو خلاص مبقاش في امان ولا ضمير..طب بلاش دول مفيش دين خوف من ربنا مثلا

مولد وصاحبه غايب
شوفي أنا باقرا كل بوستاتك
بس كان لازم أعلق هنا وأقوللك إني كنت خايفة لغاية من شوية علي أولادي
دلوقتي مرعوبة .. متجننة
ليه بس كتبتي كل الحوادث دي
أنا باقنع نفسي ان دة شخص مريض والمرضي قليلين وأكيد دي حاجة فردية
ومش هاصدق غير كدة علشان اقدر اعيش في البلد دي
مدرس يقتل تلميذاً لعدم أداء الواجب المدرسي والامتحانات تتسرب والمناهج متعقدة والناس متخلفة وبلدنا بتتخلف بينا واهم حاجة التعليم هو الخطوة الاساسية لاصلاح اى بلد ولازم الوزير دة يتشال فورى

http://www.facebook.com/editpicture.php?success=1#/group.php?gid=32340167366&ref=mf

انضمى دلوقتى للجروب دة بتاعى
طيب بما انى اول كومنت
و تحرق دمى و الحمد لله
فايزه اقولك ان الرعب ده موجود
و علشان انا عندى اولاد ربنا يحفاظهم يارب من كل شر
احب اقولك ان الرعب زياده
ربنا يحفظ كل الاولاد يارب
و يستر
بجد رعبتينى
mohamed ghalia said…
إنا لله وإنا إليه راجعون)
هو إيه الى بيحصل فعلا
مش برده احنا فى دولة مسلمة
صح برده
الناس الى بتعمل كده دول مرضى نفسيين ولا مالهم بس
اللهم اهدى قومنا
وانصرنا
تحياتى على الموضوع المؤلم
دمتى بود وفى سعادة ربنا يحفظنا
romansy said…
حسبى الله ونعم الوكيل
وفى الاخر بيقولوا هيعوضوهم
انتى عارفه المفروض الوزاره تتغير
وكمان مديريه تعليم اسكندريه
لان
اسلام وفاطمه
من اسكندريه
بس نعمل ايه
حسبى الله ونعم الوكيل
micheal said…
الله يرحم أيامك يا طهطاوي
رفاعة الطهطاوي وعلي مبارك وزكي جمعة
:)
بجد دي مصيبة..ايه كل البلاوي دي وبالذات بلوة اغتصاب الخمس سنين
طب فعلا المرة دي حيقولوا ايه
مفيش حجة
ده سلوك حتي لا يجوز وصفه بالحيواني
عافة ليه
لان الحيوانات لا تتحرش جنسيا ببعضها وانما تمارس الجنس بالغريزة
ربنا يرخمنا من البلاوي اللي بتهل علينا دي
تحياتي
momken said…
دلوقتى ياستى الى شاغل المدرسين وكل موظفين التربيه والتعليم هو (الكادر الوظيفى) وامتحان الكادر

تخيالى مدرسين ومعلمين يخافون من الامتحان
ان دل على شىء فيدل على عدم تاهيلهم علميا وادبيا ونفسيا وتربوياً

احنا عندنا فنين تدريس
جيل كده طلع
زى بتوع الميكروباص الولد الى بيلم الاجره من الركاب وبينادى على المكان الى بيروحه بعد فتره بيكون اسطى ويسوق هو الميكروباص
انهارده ابح كل سائقين الميكروباص صبيان
وعلشان كده بنعانى منهم فى الشوارع
المدرسيبن كده بالظبط

اغلب الموجودين صبيان مدرسين
مش عاوز انطق كلمه معلم لان دى كلمه كبيره وايضا كلمه استاذ برضه كتير عليهم

دول فنى تدريس
ةةزير التعليم ده لو فى اليابان كان انتحر لانقاذ كرامته

كل الامثله الى حضرتك قولتيها ضيفى عليها تسرب اسئله الثانويه العامه
وحالات الانتحار
وانتشار الدروس الخصوصيه الى اصبحت علنى

الله يرحم التعليم
ويرحم المستقبل

تحياتى
هذا ما لاحظته اثناء اجازتى الاخيرة فى مصر
أحسست أننا فقدنا النخوة ، ما عدنا نفرق بين الصح والخطأ ، وأن مبدأ الناس تحول إلى ما تستطيع فعله افعله ولن تجد عقابا
أننا نواجة تفكك اجتماعي خطيرا وما هو قادم أسوا


تنقلت كثيرا فى المدونة فقد فاتني الكثير
أحييك بشدة
ربنا يرحمنا برحمته

انا كل ما اعرف ان المدرسين بتوع اليومين دول حالتهم النفسيه متنيله
اقول طب دول هيعلمو العيال ازاي
بس توصل للقتل
دي حاجه تخوف الواحد الاكتر
علي ابنه او بنته
يعني ابقي قاعد في بيتنا
والاقي حد بيتصل بيه يقولي ابنك او بنتك
اتقتلو
او عرضهم انتهك
وربي اولع في المدرسه بالي فيها بوزراة التعليم

دا الضني غالي
يعني المدرس هو بس يقوم بواجبه وعلشان كدة بياخد معاش

مهو اصلو متخرج من عند المدرس اللي قبله وعمل تخصص تعذيب او تخصص ارهاب او اغتصاب , او نصب واحتيال, ظابط بيقزقز بزر وموش فاضي, او وزير حريمي, او عضو مجلس شعب ديني اختصاص انقلاب للوصول للحكم باسم الدين, او مفتي عبقري تخص اذلال الحريم

يعني, ربنا يكون في عونهم

()×
بس انا عاوزة اقول حاجة تانية خالص لاهالي كل الجيل القادم: انتو في البيت بتزرععو اول بذور الجريمة عند اطفالكم لما تبتدو تعلموهم كراهية الناس وكراهية الديانات التانية, وانهم هم احسن ناس في الدنيا , وكمان علشان اولكم يرونكم قدوة فيعتبرونكم احسن اهل وكل الاخطاء اللي بيعملها نتيجة رد فعل لا ارادي مغروس منذ الصغر في نفسيته, واذا كان مبدع فاكيد سيطور هذه الاعمال للوصول الى مرتبة رئس حزب او رئيس وزارة او رئيس شعبة تجارة مخدرات

واذا كان موش فالح هيروح دار الافتاء والازهر ويستر على خيبته من وراء ستار الدين او من وراء حجاب وجلباب

اذا عايزين تخلفو اولاد اصحاء ابقو ادرسو المشروع قبل ما تخلفوه وتحدفوه على المجتمع
Desert cat said…
tamer.sala7
وزارة التربية والتعليم زيها زى باقى القطاعات فساد متفشى
ولكن وزارة التربية والتعليم السكوت عليها معناه تحطيم مستقبل اجيال
وان شاء الله تقدر تقابل والد اسلام وبلغه تعازينا كلنا
تحياتى
Desert cat said…
Ocean
اللهم آمين
Desert cat said…
بيسوو
عدم اكتراث بالاخرين بيسو
مفيش رقابة ولا محاسبة على ارتكاب الى فعل مخالف
لحد ما وصلنا لقتل اطفالنا فى المدارس
مودتى
Desert cat said…
بثينــــــة
انتى مشرفه ومنورة كل بوستاتى
وربنا يسترها مع اولادك ومع الجميع
Desert cat said…
طالب ثانوى
حاضر يا فندم
Desert cat said…
الجواز و سنينه
ربنا يحفظ اولاد حضرتك والجميع
والله انا خايفه على اطفال العيلة عندى ربنا يسترها على الجميع
Desert cat said…
mohamed ghalia
اه يا محمد المفروض انها دولة مسلمة
بس مسلمة اروح البشرية لرب العباد من غير معاد
تحياتى يا فندم
Desert cat said…
romansy
والبنت اللى الحارس اغتصبها كمان من الاسكندرية
احنا لو فى بلد محترمة كان الحكومة كلها اتغيرت
تحياتى
Desert cat said…
micheal
المفروض ان ربنا وهب البشر عباد علشان تفكر تبتكر تميز اضعف الايميان بين الاشياء وبعضها
لكن فى ناس بتستخدمه فى اعمال شيطانية لا ترتقى ابدا لبنى البشر
تحياتى
كباريه said…
رصد لجرائم أرتكبت بحق البراءة والإنسانية، حقا من يرى بلاوي الناس تهون عليه بلوته، أحقا أصبحت مصر هكذا ؟، بج لما قريت البوست ده حسيت إني في كابوس موش قادره أقوم منه

لاحول ولاقوة إلا بالله وحسبي الله ونعم الوكيل، وإيه التسيب والإهمال وعدم الإنسانية التي نعيشها وإلي متي؟
Desert cat said…
momken
موضوع الكادر ده يا ممكن عملوا عليه هوليله ويقولا لك جايين يمتحنونا بعد ما شاب
هو فيه تعسف برضه من الوزارة ليهم لكن ده مش معناه انى اكون متضايقه من الوزارة اروح اقتل لى عيل
هو المفروض يتعمل للدرسين المعينين اختبارات نفسية لمعرفة مدى قواهم وكيفية تعاملهم مع الاطفال
الله يحفظ اطفالنا
تحياتى
Desert cat said…
حاول تفتكرنى
استنتاج حضرتك صح تماما
اصبحنا نحيا فى غابه البقاء للاقوى
فعلى الجميع تعلم المصارعه
اما اطفالنا فلهم الله
سعدت جدا بتشريفك مدونتى
فجميعها تحت امر سيادتكم
مودتى واحترامى
Desert cat said…
__—¤¤AhMeD.3LaM¤¤—__
الف بعد الشر على اولاد حضرتك يا فندم المفروض الحكومة تستقيل فى حوادث متتالية متكرره لاغتيال البراءة
مودتى واحترامى
Desert cat said…
واحة في الصحراء
لخصتى اللى بيحصل داخل بيوت مجتمع مريض يعانى من حالة شيزوفرنيا
يشتكى من الاضطهاد وهو بيتلذذ فى تعذيب الاضعف منه
يدعى التدين ويدعو لمقاطعه الاديان الاخرى والتحريض على ايذاء معتنقيها
يدعى انه يتعامل بشرع الله وهو ابعد ما يكون عن الله ولا يعرف معنى كلمة المحبة فى الله
لذلك لابد ان يكون الناتج قمع وقهر يمارس على الاجيال القادمة فهذا هو الحرث الطبيعى لنبته الشر التى غرست منذ زمن مضى
شرفتينى جدا
مودتى واحترامى
Desert cat said…
كباريه
عزيزتى هذه الجرائم حدثت فى وقت قايسى متتالية لا يفصلها وقت زمنى كبير
وبالرغم من ذلك لاتزال الوزارة كما هى هل رايتى كم التسيب والفساد الذى اصبنا به
مودتى واحترامى
علي فكره عجبتني اوي مدونتك
في تصميمها
والاهم افكارها الجريئه
وموضوع الضرب في المدارس ده شئ موجود من زمان
العمليه التعليميه في مصر من سئ لاسوا
وللاسف الطلبه من صغرهم اتعودوا علي الضرب
فلما كبروا للاسف بقم همج
بتفرقهم العصايه
وخايفين يطالبم بحقوقهم
Anonymous said…
لأننا ظننناان كل ما علينا هو التمسك بالتدين المسرحى
ونسينا بعد ذلك كل واجب واستسلمنا لغفله غريبه وتركنا كل شىءللأقدار تدبره بالنيابة عننا...التدين المسرحى لا بد ان يؤدى الى التواكل...والتواكل هو الطريق الملكى للكوارث
...وماذا يجدى اقالة وزير ومرض اليدز المجتمعى تحول الى وباء
Anonymous said…
...ومن اعراض الأيدز المجتمعى الصخب وعلو الصوت الذى يصاحب التدين المسرحى...والنتيجه ابتكار جديد صناعه محليه وهو الغيبوبه الصاخبه...
ونسينا بناء المواطن الصحيح النفس والعقل
القادر على التعامل مع معطيات الحياه الواقعيه بثقه واقتدار... ومن اعراض الأيدز المجتمعى تدهور فى مستوى الكفاءه والأتقان فى كافة المجالات...من التدريس الى الطب ...حتى الطب
وعلينا ان نواجه انفسنا فالكل مسؤول عن هذا والكل يدفع ثمن الغفله والغيبوبه الصاخبه
Anonymous said…
...وقد تكون هذه الأعراض فى حكاياتك محدوده وفرديه ولكنها قابله للأنتشار والتحول الى وباء فالظروف مواتيه وجاهزه...وعلينا ان لا نبحث عن كبش فداء...فكلنا مسؤولون...والحكومه ليست هى التى نشرت التدين المسرحى الصاخب...ليس هذا دفاعا عن الحكومه بالطبع
ولكن تركيز على ضرورة مواجهة المسؤوليه من الجميع
لأنه قد يريح مؤقتا القاء التهم على الغير ثم نعود لغيبوبتنا وتتفاقم الماساه
Anonymous said…
...نعم المستقبل فى خطر وما هذه الحوادث البشعه الا اجراس انذار
Anonymous said…
كيف اصيب المجتمع بانهيار المناعه المكتسبه او الأيدز مع التاكيد على كلمة المكتسبه لأن المناعه المجتمعيه تكتسب وليست طبيعبه وذلك بالتنشاه السليمه للعقل والبدن والوجدان...وهذا مووضع مستقل...ولكن ما نتحدث عنه كيف اصيب المجتمع بهذا المرض؟
تحدثنا عن جانب وهو التدين السطحى الصاخب والعامل الثانى هو الفساد وحتى لا اتهم بالدفاع عن الحكومه اضرب مثالا واحدا
فى اواخر سنة 1999 حرج علينا وزير الثقافه بفكره غريبه جدا كلفت مصر فى ليله واحده عشرة ملايين دولار اى اكثر من خمسين مليون جنيه
وهو دعوته لشخص شاذ فرنسى اسمه ميشيل جار ظل يغنى ويطبل عدة ساعات عند سفح الهرم
مقابل10 مليون دولار
ورغم معرضة بعض الصوات الشريفه لهذا العبث مثل الكاتبه الصحفيه سكينه فؤاد
هذا المبلغ كان يكفى لأقامة عشرات المراكز الثقافيه التى تربى ألأنسان فى القرى والمراكز والنجوع وترتقى بوجدانه
ومر الموضوع دون اى حساب
ومثل آخر فكره غريبه خرج بها الوزير الأميركى فى الوزاره وهو ان تصدر مصر سندات دولاريه اى دين عليها بعدة بلايين ودون اى داعى لأن البنك المركزى به بلايين لا تستغل
المهم دفعنا ملايين الدولابات للشركه الأميركيه التى اصدرت السندات ولا نعلم كم دفعت هى من عمولات لصاحب الفكره والنتيجه خسارة مئات الملايين من الدولارات من دم الشعب انتقلت لبنوك اميركيه
والخساره هناى ليست مئات الملايين فقط ولكن الجو الفاسد الذى تشيعه ويصبح تربه صالحه لكل الميكروبات لتنتعش
dr.lecter said…
طول عمري اقول وزاره التربيه والتعليم دي متربيه في معسكرات النازيين

بس المدرسين غلابه والله هم برده مظلومين اللي يتحاسب مش هم
Anonymous said…
....ويتحالف الجانبان التدين المسرحى الصاخب والفساد فى زواج غير شرعى عندما يغفل اهل التدين المسرحى كل هذه القضايا ويركزون على طول فستان النساء الذى يمسح الشارع بنفاياته وبركه وترابه والنقاب دى العين الواحده درءا للفتنه...كما تفهما عقولهم القاصره
Anonymous said…
...مصر فى اشد الحاجه لأعادة صياغة حياتهامن جميع جوانبها على اسس تكفل خلق مناخ صحى يعيش فيه الناس حياة مستقره آمنه واضحة المعالم شفافه لا اسرار فيها تخفى عليهم فى اشد ما يمس امورهم فلا يعيش فى هذا الجو ميكروبات الفساد وتنتعش
بينما الناس يقتلها الشعور بالعجز واللا حيله
فيصاب حتى الطيبون باللامبالاه والتوهان والسلبيه
وضعف الهمه والعزيمه وعدم الرغبه فى التفوق ونظل ندور فى دائره مفرغه تاخزنا الى اسفل يوما بعد يوم
....مصر قادره على الشفاء باسرع مما نظن والأنطلاق وتعويض ما فاتها
لو توفر المناخ الصحى
سهيل ولى الدين said…
لم تصلك حتى الان تعليقات حول الزىالزى كانت ترتديه فتاة ال 5 سنوات امعتدى عليها هو اللى حرضه على ارتكاب جريمته ................
يعني بالذمة كنا أقلنا وزير الثقافة ساعة حريق بني سويف اللي مات فيه مجموعة من المثقفين
ولا حريق المسرح القومي ؟
كنا أقلنا وزير النقل والمواصلات ساعة حريق القطار في الصعيد ولا ضحايا الباخرة ؟
كنا أقلنا الوزارة ورئيسها والمبجل صفوت الشريف ساعة حريق الشوري
لماذا نغضب لموت
طفل ؟
مثله مثل ضحايا الباخرة وضحايا الدويقة وضحايا صخرة المقطم منذ سنوات وضحايا بني سويف وضحايا الهروب إلى إيطاليا وضحايا كل شيء
مثله مثل العساكر المصرية على الحدود مع العدو
مثله مثل أي ضحية تسقط كل يوم
لا نتحرك ولا نفعل غير تنفيس الغضب عبر التدوينات والفيس بوك
أما الفعل الحقيقي فلن يظهر لأننا نفرغ شحنات الغضب كل يوم بأن نشتم حسني مبارك
ونسب نظيف
ونلعن ديك أم الوزراء
ونبصق على رجال الأعمال ولجنة السياسات وجمال مبارك
والوضع قائم وكائن ومستقر ولا شيء يحرك الماء الراكد
mohamed ghalia said…
أختى العزيزة
ليكى تاج عندى
حقيقى فى إنتظار إجاباتك
دمتى بود
وتهديه لأصدقائك
اقصوصه said…
حسبي الله ونعم الوكيل عليهم
Anonymous said…
...ودعونا ننظر نظره بانوراميه لكل الحوادث البشعه...اغتصاب طفله بريئه من انسان فقد صلته تماما باى معايير مجتمعيه او اخلاقيه او دينيه...للمدرس الذى فقد صلته باى معايير تربويه او انسانيه او اجتماعيه....للمتحرش الذى ينسى فى لحظة جنون ان له اخت او ام او قريبه يمكن ان تتعرض لنفس هذا الأعتداء اى انه انسلخ عن المجتمع ...ثم المرتشى والنصاب والالمسؤول الدجال الذى لا يتردد فى عمل او قول اى شىء يتنافى مع العقل والمنطق اى يتنافى مع ما يتوقعه منه الأخرون ...هو ايضا انسلخ من المجتمع المحيط...
...والشخص الذى لا يتورع عن عمل اى شىء من اجل اهدافه الشخصيه حتى ولو تعارضت مع مايعتبره الناس جريمه...ما الذى يجمع بين كل هؤلاء؟
هو الأنسلاخ من المجتمع وتبنى طريق الفرادانيه البائس كانه يعيش فى جزيره منعزله يفعل فيها ما تسول له نفسه
ولا يحدث هذا الا فى حالة تفكك شديده للمجتمع وتحلل وهو ما نسميه الأيدز المجتمعى
لأنه يتميز بانهيار المناعه ضد كل فساد...المناعه التى تكتسب بالحياه فى مجتمع
لماذا الكفر بالمجتمع وتبنى الفرادانيه؟
هذا موضوع آخر
Anonymous said…
...للمجتمع المصرى ارث ضخم من القيم والخصال النبيله مثل النخوه ومراعاة مشاعر الآخرين والذوق الجميل فى معاملة المراه-اقراوا الأدب الفرعونى-وهذه حميعا قديمه ومتوارثه وسابقه للأديان....تخلينا عن هذا الميراث لأسباب ليس هنا مجال مناقشتها وماكان التدين المسرحى
او القادم من هجير الصحراء بقادر على ملىء الفراغ القيمى الناشىءفكانت بداية الضياع...وللحديث بقيه
SemSem said…
اول زيارة لى فى المدونة
للاسف اللى بيحصل دا كله مش سببه الوزير بس
الموضوع اكبر من كده بكتيير
مؤسسة التعليم كلها عاوزه تغيير
وربنا يستر علينا
تحياتى
Anonymous said…
...الشهامه والأفتخار باتقان الصنعه والقناعه والنفور الطبيعى من القرش الحرام والتدين الحقيقى العميق الهادىءوالمحافظه على الحياه برعاية النبت والزرع حتى الحصاد واغنيات الحصاد احتفالا بما زرعت الأيدى واضافت من نماء...الأحتفال بالحياه وتجددها بتجدد فيضان النيل فى اغنيات سبوع الأطفال
....ثقافه كامله تعرضت للتآكل وحلت محلها عقلية اخطف واجرى واكبر قدر من الأجر مع اقل جهد ممكن...عقليه وافده مع ثورة النفط وتدفق المال بلا مجهود ومعها التدين الصحراوى الذى يتعارض مع تدين المصرى العميق الهادىء ولهذا التعارض كان لا بد ان يتحول الى تدين مسرحى صاخب كمحاوله مخكوم عليها بالفشل لأثبات الوجود
Anonymous said…
....وعندما نطلع على قفزات الآخرين المسرعه الى الأمام والتى اتاحتها الأنترنت ونتامل ما يشغلنا نحن مثل طول فستان المراه وهل كعبها عوره ام لا او ماحكم صوتها والغناء او النقاب بعين واحده او فتاوى لقضايا بلهاء
يحس الأنسان بالخوف والقلق والغضب ...الخوف من المستقبل والغضب مما نفعله بانفسنا
الربان said…
تحياتي

عندك جق... اصبحنا نخشي علي فلذة اكبادنا من المدارس و ما يجري فيها.


المفروض ان مرحلة التعليم الاساسي يقوم
بالتدريس فيها معلمات فقط و ليس معلمين ذكور....لانهن هن الاصلح للطفل في هذه السن.

ثانيا بالنسبة للتلميذة فاطمة اعتقد
ان اهلها جزء من الخطأ بل انهم عرضوا
ابنتهم لما هو اشد من هذا فقد تٌقتل
الطفلة لاستخلاص ما معها من ذهب...الطفلة ذاهبة الي مدرسة و ليس
الي مسرح او فرح...

اما مديرة المدرسة او الناظرة فقد تهاونت...و تكاسلت...و كان يفترض ان
تتأكد اولا من هوية السيدة....ثم تحضر
التلميذة الي مكتبها ليكون الحوار تحت
سمعها و بصرها....

ليت من يهمهم الامر يستمعوا الي تنبهاتك و الي تنبيهات الاخرين حتي ينصلح الحال...

تحياتي و شكري و تقديري
عزيزتى

بالرغم من انك وجعت قلبى لكن للاسف احنا عايشين فى زمن الفوضى وانعدام الضمائر ..ولازم تتوقعى كل حاجة ..واوعى تفتكرى ان ما تم سرده من حوادث هو كل يوجد على السطح ..بالطبع لا اكيد احنا عندنا بلاوى لم تأخذ طريقها الى النور حتى يعلمها الجميع ..
عزيزتى لم يبقى لدينا سوى الحرص والحذر حتى لانقع وابنائنا فى هذه المصيدة الاجرامية

واشكرك على تناولك مثل هذه المواضيع حتى تكون عبرة وناقوس خطر للناس اجمعين
Desert cat said…
محمد سامى
ميرسى جدا يا محمد على رايك وكلامك الطيب
للاسف احنا بنربى اولادنا بعدوانية وعلشان كدا تلاقى الناس فى المجتمع مش متقبله بعضها
مودتى واحترامى
Desert cat said…
dr.lecter
تعرف والد الطفل اسلام فى اتصاله بالعاشرة مساءاً قال ايه
قال انا عايز الوزارة كلها تتحاسب مش يبقى المدرس هو كبش الفدا
تخيل واحد لسه دافن ابنه وراجع وبرضه مش عايز يحمل اللى قتله كل المسؤلية
ده معناه ان التعليم منهار ومفيش حاجه اسمها معاملة آدمية
تحياتى
Desert cat said…
سهيل ولى الدين
حتى الطفلة اللى عمرها 5 سنين هنحملها مسؤلية المتحرش ونقول لبسها
حتى لو ماشية عريانه من غير هدوم خالص 5سنين سا جدعان فيها ايه مثير دى
امتا بس حنفوق من الغيبوبة وندور على اعذار للمتحرشين لحد ما يدخلوا بيوتنا ويتغتصبوا حريمنا ؟؟؟
ساعتها بقى مش عليهم لوم لان المجتمع اللى برر لهم كل الافعال دى
Desert cat said…
هويدا صالح / عشق البنات
للاسف حبيبتى كل حرف من حروفك صح جدا
النكبات تحدث متوالية
الفساد استشرى حتى وصل عقر الدار وما زالنا نشجب بيننا وبين انفسنا واعتقد ان هذه الطريقة تريح المسؤلين تماما
فكل فى كرسيه مستقر ولا يهم ما يحد ث للشعب بل احيانا اشعر انه لا يدرون عن اى شعب نتحدث
مودتى واحترامى
Desert cat said…
mohamed ghalia
ميرسى جدا يا فندم على التاج
Desert cat said…
اقصوصه
حسبنا الله ونعم الوكيل
Desert cat said…
SemSem
طبعا شرفتى المدونة جدا
اللى بيحصل فى مصر كلها محتاج تغيير جذرى للحكومة ككل
احنا لو فى بلد محترمة كان ده تم من زمان
تحياتى
Desert cat said…
الربان
استاذى العزيز
انا اعتقد انالمشكلة ليست فى نوع المردس سواء مدرس او مدرسة المشكلة تكمن فى مدى تحمل المسؤلية وكيفية معاملة الاطفال
فمن المفترض ان يكون هناك اختبارات نفسيه للمدرس المتدقم لشغل هذه الوظيفة لمعرفة مدى ملائمته من عدمها
التلميذه فاطمة اعتقد ان والدها صرح بانها فى مدرسة لغات يعنى فى باص مخصص من والى المدرسة لكن هذا ايضا لا يعفيهم من المسؤلية فطفلة فى هذه المرحلة من العمر المفروض يكون هناك حرص اكثر وعدم المغالاة فى تزيينها
طفلة اخرى عمرها 4 سنوات توفت بالامس فى الفصل خوفا من مدرس الرياضيات مش عارفه ايه موضوع مدرسين الرياضيات السنة دى
لو ظل الحال كما هو عليه اتوقع انتهاء الاطفال فى مراحل التعليم الاساسى واحد تلو الاخر قبل نهاية العام
مودتى واحترامى
Desert cat said…
وميض ابتسامة
استاذى العزيز
مازلت الجرائد تطالعنا حتى الآن كل يوم حادث مختلف
فطالب فى مدرسة مكفوفين تحرش به ناظر المدرسة وطفلة اخرى تموت خوفا
وطفلة تسقط قتيلة بعد ان امر المدرس التلاميذ تسلقهم لمواسير الصرف الصحى للخروج من المدرسة بعد ان تم اغلاق المدرسة عليهم دون علم المدير والمدرس
فالكوارث متتالية والله يستر على اطفالنا
اشكر حضرتك جدا
مودتى واحترامى
لا بد ان تكون هنالك نقطة التقاء بين الاحداث من جهة وبين الشكاوي من هذه الاحداث وبين المسؤلين من جهة اخرى بحيث ان المسؤول لا يفهم ولا يدرك علاقته بالاحداث من جهة وتحميله المسؤولية من جهة اخرى لانه بالفعل لا يعرف ان كان بوسعه عمل شيئ طالما هو اصلا غير مؤهل للمسؤولية وكذلك الموظفين المسؤولين تحت ادارته لا يعرفون منفذ لايجاد الحلول وما يتبقى على المواطن الا تحمل المسؤولية على انخفاض مستوى الادارة والدوائر التي لم يتم تاهيل احد منها قبل توليه المنصب او الوظيفة والتي هي تعتمد على شهادة جامعية او دكتوراة في اي مجال ولكن لا يعرف شيئ عن وظيفته وعن الاساليب العصرية في الحياة والتي تتطلب دورات تاهيل بسيطة ولكنها مهمة جدا في كيفية مواجة احداث جانبية وحوادث وليس فقط اداء الوظيفة وتلقي المعاش في اخر الشهر وبهذا تنتهي مهمته

المواطن بطبيعة الحال هو انسان بسيط ومحدود الامكانيات ولا يسطيع معرفة ماذا يجب على المسؤول عمله لان المسؤول هو بنفسه لا يعرف ماذا يتوجب عليه عمله

نحن فقط نلهي انفسنا بشتم "الغرب الكافر" ولا نستطيع ان نرى مستوى الكفاءات في اداء ابسط المهمات ولا نقبل ان نتعلم من هذا الكافر ولكن بالامكان استنتاج من هو المجتمع الكافر من هذه الاحداث والجهل في معالجتها
نلتهي بكلمة عدو ولا نعرف من هو العدو, بل لا نريد ان نعرف ان العدو في داخلنا وليس ما تلهينا به الصحف
العدو هو الوزير والموظف والمسؤول الذين يقودون حياتنا الى الوراء ولا نعرف كيف نواجههم لاننا في جهلنا سوف نبقى نعيش في اسطورة العدو والغرب الكافر والارواح الشريرة

ارجو ان لا يغضب احد مني بان قلت اننا نحن اعداء انفسنا بينما نعيش في وهم عدو مجهول ونتجاهل الاعداء في الوزارة ابتداءا من الوزير الى الصحافة والاعلام والتي يبيعون لنا الكذب وحتى نصل الى البواب في المدرسة

تحياتي
Desert cat said…
كان ياما كان
طبعا كلامك لا غبار عليه
احنا اقصى امانينا رغيف الخبز الذى من شدة سلبيتنا وخنوعنا واستسلامنا لكل ما يسلبنا ارداتنا اصبحنا لا نعرف كيف الحصول عليه
اطفالنا يموتون جوعا وبسبب القهر وايضا بدون سبب ومازلنا مكتفين الايدى لا نعرف ما هى حقوقنا بالرغم من اننا نؤدى واجبات فوق طاقتنا
فخطيب الجمعه فى كل صلاة ينادى باعلى صوت احذروا اعداء الغرب
والاب والام يحذرون ابنهم فى المنزل من عدم مصاحبه من هو على غير ديانتهم
ولا يعرف هذا ولا ذاك انه يزرع الكره ويربى البغضاء اما اعداء الغرب فلو توصلنا لجزء من اتقانهم لاعمالهم لما كنا فى مؤخرة الامم
مودتى واحترامى
قطتنا الجميله

صدقيني بيتقطع ألبي لما بسمع عن حوادث اغتصاب للأطفال بقول يعني المجرم اللي عمل العمله السودا دي الطفله فيها ايه مغري عشان يعتدي عليها و يدمر نفسيتها و مستقبلها بالشكل ده؟للاسف دول مفروض يتشنقوا في ميدان عام عشان يكونوا عبره لأمثالهم لكن للاسف ده مش بيحصل و مهما شددوا العقوبه برضه المجرمين دول تلاقيهم برضه بيعملوا العمايل القذره دي
ربنا ياخدهم
محبتنا ليكي ياقمر
سهيل ولى الدين said…
ايتها القطه فهمتينى غلط انا استعجب !!!!!وانا اسال انه من الممكن انياتيك من يسال هزا السؤال واسف للتاخير لم افرا تعلقكك الا الان....

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز