تااااااج ..والله المستعان


التاج ده جالى من عند مهندس مصرى ... حاسه انه عقاب منه بس يلا ما بين البلوجرية حساب ولا عقاب
نبتدى الاجابات والله المستعان
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
كنت هقول ايه الناس الجبانة الذليلة اللى عاجبها انهم يتبهدلوا وكرامتهم تهان وهما برضه راضيين ساكتين ومطاططين بالرغم من ان فيهم علماء ومثقفين لكن الجميع راضى بالذل والهوان .. ليه الله وحده اعلى وأعلم .
لوكنت أوروبي أو غير مسلم هتبقي إيه نظرتك للعرب والمسلمين؟
كنت هبقا اجهلهم تمام الجهل لو مش قابلت حد فيهم ولو بالمصادفة ... اما لو اتقابلت مع شخص ملتزم ظاهره وباطنه يكمن الحقد والكراهيه كنت حكرههم واقول عليهم ارهابيين ومتطرفين ... لو ربنا كرمنى وقابلت شخص ملتزم خلقيا وروحانينا وبيطبق الدين الصحيح فى تعاملاته وفى كل أفعاله ... مش حتردد ثانية انى أعتنق الاسلام .
لو قالوا لك إنت بقيت رئيس جمهورية هتعمل إيه؟
لو كنت فعلا رئيس جمهورية يسمع من بؤك ربنا
ده انا حظبط الشعب اعلى تظبيط .. مش بانجو وحشيش وحريم لالالالا خاااااالص
وقتها مش هخلى الحاشية اللى حواليا هى عيونى .. هنزل واندمج مع الناس حتى لو فى زى تنكر ... واعرف مشاكلهم
هعمل زى الباحث اللى بيقابل عينات بحثه ... انا هعمل كدا هقابل فئات مختلفة من الشعب .. واشوفهم بيشتكوا من ايه وناقصهم ايه ... بمعنى اتقى الله فيهم .. لان كل راع مسئول عن رعيته .. علشان يوم لما أسأل عليهم قدام رب العباد اعرف اقول انا عملت كذا وكذا علشان شعبى مش علشان تأمين مستقبل أفضل لأحفاد أحفاد أحفاد أحفادى
انتخبونى بئه فى المرحلة الجاية
لوسمح لك برؤية الرسول عليه الصلاة والسلام وإنك تقوله كلمة واحدة ؟
اسالك الشفاعه
لو كنا في عصر ازدهار الأندلس كنت تتخيل نفسك إزاي؟
نابغه من نوابغ هذا العصر اما فى الادب او الفن او العمارة ... بس وقتها كنت هفضل اكون نابغه فى العمارة
لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟

وقتها هكمل حياتى معاه
وهجعل منه كل حياتى كزوج واخ وصديق واب وطفلى وهجعل الدنيا متمثلة فيه بدايتها من حروف كلامه ونهايتها تحت اقدامه .. ده مش كلام بس ده اللى جوايا بالفعل ... ومش حلم او مثالية منى ... لان الانجاب رزق من الله عزوجل ولو حدث لى شئ من هذا القبيل يبقا انا معترضة على ابتلاء من ابتلاءات ربنا والعياذ بالله
وهحط قدامى افتراضات كتير اولها لو انا اللى مكانه
ثانيها : لو احنا فعلا تزوجنا وربنا رزقنا بالذرية بس تعرضت لحادث تسبب فى عجز ما عندى
وبالتالى هرضى بقضاء الله
لو طلعت القمر هتكتب عليه ايه؟
Friends forever
اصله صاحبى اوى
لو مررت التاج لحد و ما جاوبش هتعمل ايه؟
مش هعمل حاجه هقول يمكن مش واخد باله
تمرر التاج لمين ؟
اللى حلمها تكون وزيرة عصمت
فرنسا هانم اللى عامله اقامة فى الجبس الايام دى ربنا يقومها بالسلامة
رئيس جمهورية نفسه
دكتور ضياء النجار
اسكندرانى اوى
بنت القمر
ملك الكبدة
واحد مصرى
الاجندة الحمرا
استاذى العزيز lastknight
واى حد عايزه يتفضله

تعليقات

‏قال دكتور حر
حلوة ردودك يا قطه


ربنا يوفقك دايما كده ان شاء الله

وكمان مش تقولي انك صاحبة القمر

وقعتينا في بعض كده


لك تحياتي
عقاب ليه بس دا محبة و اللهي
و لا انتي لازم تخربشيني يا قطة حتى بعد ما قولنا صافي يا لبن حليب يا إنجوي
:)
عندك كمية رومانسية عالية و مشاعرك فياضة و بانت قوي في سؤالين الجواز و القمر
ربنا يرزقك باللي يسعدك و يهنيكي

و بعدين الدكور مكوش على التعليق الأول علطول ما بيذاكرش و لا ايه ؟
‏قال ملك الكبدة
شكرا عالتمرير

و موش هعديهالك

بتحرجيني عيني عينك كدة ادام الجماهير

ده اول تاج يوصلني

و موش عارف اكتب ايه

عموما ربنا يوفقني

و اجيب الدرجة النهائية

و لو عندكنماذج اجابة ابعتيهالي عالميل
‏قال lastknight
تسلم أيد مهندس مصرى .. رغم أنك مامررتيش التاج ليا لكن و الله بافكر اجاوبه عندى فى المدونه .. بس أول ما ألاقى وقت بأمر الله
تظبطينا ؟؟ قشطه .. قوليلى هاترشحى نفسك امتى و انا انتخبك
‏قال Desert cat
دكتور حر
اشكرك جدا يا دكتورنا
الا هو انت والقمر صحاب
مكنتش اعرف
بس انا محرجه عليه ميصاحبش حد غيرى
تحياتى
‏قال Desert cat
مهندس مصري
طبعا يا بشمهندس خلاص طبعا
كانت زوبعه وراحت لحال سبيلها اصلا انا مش بعرف ازعل
المهم يا فندم اسعدنى ردك وحضورك الكريم
تحياتى
‏قال Desert cat
ملك الكبدة
معلشى بقا علشان تبقا تكتب عن حواء كويس
استلم بقا ده اول الغيث
وبعدين اجابات ايه اللى عايزها على الميل
اصلا انا مش عارفه ايملك
ثم انت عمال تلعب طول السنة وجاى وقت التاج وعايز تغش
انت اللى جبته لنفسك
فى انتظار اجابات التاج يافندم
تحياتى
‏قال Desert cat
lastknight
استاذى الفاضل
أأسف جدا على هذا السهو الغير مقصود
وسيتم تمرير التاج لحضرتك
حالا فورا فى التو واللحظة
احترامى وتقديرى
‏قال Esmat
قطتنا الطعمة
تحياتى يا جميل إجابات بتدل على إحساس عالى بالغير ،
كل رد اروع من التانى ياااه لو فعلا ربنا يجعل من يحكمنا يفعل كده لو متاح فعلا أه انتخبك والله لكى صوتى بس خلى بالك فرنسا هانم مصممة ويمكن تنزل قصادك

وعجبنى اوى ردك على لو قدر لكى الزواج من رجل لا ينجب
وردك يدل على إيمان و رضا بما يقسمه الله
أحييكى يا قمرة وربنا يكتب لكى كل الخير يا رب ويحقق امانيكى
‏قال غير معرف…
desert cat el ottah:
howa 2eh mawdo3 el tag dah ana mesh fahma 7aga ma3lesh asl ana a new blogger but i like ur answer especcilly about the question what u gonna ask sayedna mohamed 3aleyh el salat wel salam if u c him
bgad rabena yeshfa3 lena kolena o lel 2a7a2 wel amwat
ameeen,o la 7awl o la quwat ela bellah
‏قال Desert cat
Esmat
انا هترشح فى الدوة الانتخابية اللى جاية بس خليها فى سرك احسن يتلفق لى قضية ولا حاجه
بالنسبة لفرنسا انا هبقا اشوفها بقرشين وامسكها وزارة المالية كمان علشان تصرف براحتها

بالنسبة بقا يا حبيبتى لموضوع الزواج والانجاب فانا عندى قناعه بكل حرف من كلامى
لان تفصايل الموضوع ده حصلت لناس قريبين اوى منى وغاليين عليا جدا جدا
بس كانوا اكتشفوا الموضوع ده بعد الزواج ... لكن رحمة ربنا بيهم وسعت كل شئ وبعد مرور عدد من السنين وصولهم الى ابعد مدى من العمر ربنا رزقهم بطفل سبحان الخلاق
محبتى يا قمرى
‏قال Desert cat
Sola
بصى يا جميل
تاج يعنى مجموعة من الاسئلة بيقوم بعملها بلوجر ويمررها على البلوجرية
بنتعرف من خلالها على بعض اكتر
وبعد ما بتجاوبيها بتمرريها للى تحبيه
لو تحبى تاخدى التاج اللى عندى تجاوبيه اكون سعيدة
تحياتى
السلام عليكم

إجابات حلوه تنم عن شخصية راقيه ومتوازنه أحييكي بجد على إجاباتك اللي عجبتني جداً.
كل تاج وانتي طيبة
تحياتي
‏قال Desert cat
alaa salim
اشكرك جدا على حسن تقييمك
تحياتى
‏قال stranger
اسألة ذكية واجوبة اذكي وجميلة
تحياتي
‏قال فرنسا هانم
حبيبتى الغاليه عشرات المرات
نانا
اجمل القطط كلها
ازيك عامله ايه ؟
عجبنى ردك ان لى كنتى اروبيه ووجدتى شخص يلتزم بالاسلام ظاهره وباطنه
كنتى هتعتنقى الاسلام
صحيح الدين الاسلامى لو فهمناه صح وعملنا بيه صح كنا بقينا اسياد العالم
زى بدايه الدوله الاسلاميه

وعلى فكره
انا متشكره انك مررتى التاج لى
لكن
انتى ناسيه يا قمر انا مجاوبه عليه فى التدوينه قبل السابقه
اصحى يا عسوله بقى
بحبك يا قمر
اختك فرنسا
اموااااااااااااااه
الله الله
كده بقو 3 تاجات واحد من الدكتوره لماضه

والتاني من السيده عصمت

والتالت من حضرتك
يا لاااااااااااااهوي
‏قال Desert cat
Venella_lover
ميرسى يا جميل
‏قال Desert cat
فرنسا هانم
اااااااه
تصدقى مش خدت بالى
عموما الجايات اكتر
برضه ليكى عندى تاج
رخامة
المهم انتى عامله ايه دلوقتى
اخبار الجبس معاكى ايه
لازم تصاحبية علشان مش تحسى انك متضايقه منه
يعنى حسسى نفسك انك مميزة
وكل الناس اللى مش متجبسة دى مش من مستواكى
ان شاء الله تقومى لنا بالسلامة قريب
محبتى يا جميله
‏قال Desert cat
اسكندراني اوي
شوفت بئه التالته تابته
هتجاوب التاج يعنى هتجاوب
تحياتى استاذ اسكندرانى
‏قال Heart Beat
الله ايه الردود الجميلة دي

و بخصوص انتخابك كرئيسة الجمهورية

اكيد بعد البرنامج الانتخابي اللي انتي كتبتيه ده هانتخبك على طول و اعيد انتخابك كمان

اهم حاجه ان الراعي يكون مسئول عن رعيته زي ما قلتي و رعيته اللي هي شعبه يمكن في واحد مش واخد باله و لا حاجه و عامل نفسه مسئول عن رعيته اللي هي اولاده و احفاده و بس

و ربنا يوفقك مكان ما تكوني يارب
‏قال Desert cat
Heart Beat
للاسف تقريبا كل واحد بيقعد على الكرسى بيتناسى الناس اللى هو اصلا قاعد علشان يكون فى خدمتهم
نورتى البلوج
مودتى
‏قال Unknown
حلوة ردودك اوي يا قطة الصحراء
وعاجبتني اوي تفريقك بين المتديينيين اللي يودوا في داهية والمتديينيين اللي اخلاقهم عالية

برافوا عليك
صحيح، اخبار صحابك بتوع البرنتر ايه

انا فضيت يومين وهتلوقني عندكم على طول
‏قال Desert cat
يوميات عيل مصري
اشكر حضرتك جدا استاذ احمد
اصحابى بتوع البرنتر مش عارفه عنهم حاجه
اصلى غيرت طريقى
هههههههههه
تقريبا خلاص يعنى
وكان لازم من الموقف العدائى بتاعى ده علشان كل واحد يقعد فى حاله
احترامى وتقديرى
بصراحة يا هريرة الرد بتاع لو طلعتى القمر كان غير تقليدى

و اختيارك انك تكونى معمارية فى عصر الأندلس اختيار جميل .. لأنهم وقتها كانوا بيبنوا المبانى بأبعاد طبقا لبعض المتواليات الرياضية .. فكانت بتخلق روح جمالية عالية فى المبانى مش موجودة فى باقى أقطار الدولة الإسلامية

مش عارف ليه لغاية دلوقتى ماحدش جاوب على سؤال رئيس الجمهورية بأنه هايعمل نظم واضحة و صارمة لتداول السلطة ؟؟ شكلكم كدة كلكم عاجبكم الكرسى قوى

تحياتى لك يا هريرة .. إجابات متميزة
‏قال غير معرف…
akeed taba3a2 ya fandem dah yekon sharaf leya law temarary el tag leya howa ana 2atouk
yalla take care
‏قال رحيق الحب
ردودك حلوة ومنطقية يا قطة ربنا يكرمك ويزقكك بالزوج الصالح ان شاء الله ويسعد ايامك كلها يا رب
‏قال Desert cat
ابن حـجـر الـعـسـقـلانـى
ميرسى اوى يا محمد
بس خلاص بقا دى كانت امنيات
بالنسبة للكرسى محدش بيفكر هيعمل ايه للناس
احنا عايزين معجزة تنتشلنا من اللى احنا فيه
تحياتى
‏قال Desert cat
Sola
اوكى يا جميل فى انتظار اجاباته عندك ان شاء الله
مودتى يا ساسو
‏قال Desert cat
رحيق الحب
الاحلى من ردودى هو حضورك الجميل
محبتى يا جميل
قطه الصحراء
البلوج القديم اتسرق بتاعى وان شاء الله حفتح البلوج بتاعى بعد ما نزل البوستات القديمه تانى ان شاء الله لو عرفت اجيبها بالتاج الهديه بتاعك
اجاباتك منطقيه ومش عارف البلوجز ناوين على انقلاب ولا ايه لما كلهم بيحلمو برئاسه الجمهوريه ااقعد فى البيت انا
ده لينك البلوج الجديد
http://raeys.blogspot.com/
‏قال Desert cat
رئيس جمهوريه نفسى
بقا بالزمة فى رئيس جمهوري بيتسرق
مش فضيحة دى
عموما مبروك البلوج الجديد
إلى بن حجر العسقلاني
بص على رد السؤال ده في التاج عندي قبل ما تعمم
أنا رادد رد حيعجبك ان شاء الله
‏قال Unknown
ازيك يا نابغة ؟

كويس التاج عرفنى على بعض من جوانب شخصيتك الجميلة

اكتر اجابة عجبتنى سؤال لو ما كنتش مصرى :))))))
‏قال Desert cat
عاليا حليم
انا الحمد لله كويسة
وانتى اخبارك ايه
اشكرك جدا على كلامك الجميل
نورتى البلوج يا عاليا
محبتى
قطة الصحراء
انا بس جاية خطف رجل
حلوة فكرة التاج واجابتك عجبتني وبتعكس طيبة قلبك

سلااااام
‏قال Desert cat
Gloomy Day's
شكرا يا جميل على كلامك الحلو
محبتى
‏قال واحد مصرى
الصديقة العزيزة قطة الصحراء

أشكرك على التاج و بما انني هنا في مدونتك اللطيفة للغاية سارد على أسئلتك هنا برضه

لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟

كنت هاستغرب من سلوكياتهم تجاه نفسهم ومن حولهم ...يظلموا بعض و ما يقدروش يدافعوا عن نفسهم ضد من يظلمونهم..شعب مليئ بالتناقضات و الاخلاقيات المتدهورة و كله بمحض اراداتهم و اختيارهم



لوكنت أوروبي أو غير مسلم هتبقي إيه نظرتك للعرب والمسلمين؟

هاقول عليهم من أفعالهم يا لهم من حمقى اختاروا التخبط و لم يطوروا افكارهم بما يتناسب و اياع العصر فنسيهم
التاريخ و لم يتذكرهم احد الا بحماقاتهم


لو قالوا لك إنت بقيت رئيس جمهورية هتعمل إيه؟

هاقولهم امشي ياد يا مسطول انتا و هما من هنا المجد لفرعون في الأعالي


لوسمح لك برؤية الرسول عليه الصلاة والسلام وإنك تقوله كلمة واحدة ؟
هاقوله صلى الله عليك و سلم يا سيدي يا رسول الله و هاسأله ازاي قدرت تغير من حولك الى هذا الحد؟

لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟

على الرغم من انني لا اتصور حياتي بدون ابنتي الحبيبة أمينة الا انني مؤمن بأن المر لله من قبل و من بعد



لو مررت التاج لحد و ما جاوبش هاتعمل ايه؟

و لا حاجة

دمت بخير يا قطة
‏قال زعيم كمورا
الله عليكى وعل كلامك
بجد اتحفتينى وكلامك دخل دماغى
بس انتى مش شايفه انك جوبتى بدبلوماسيه شويه
ياله مش مهم
ولا كانك سمعتى حاجه
الله ينور ياحاجه
والى الامام ياقطه وابقى خربشى اى كلب يقبلك فى السوكه
ولو كلمك قوليلى وانا حجيبلوه خالتى حنوئه
هههههههههههههههه
‏قال Desert cat
واحد مصرى
اشكر حضرتك جدا
تقبل خالص تحياتى
‏قال Desert cat
رئيس جمهورية كمورا مورا
يا فندم اشكرك اولا على الحضور
ثانيا انا بخربش وبعض كمان اى حد يفكر يبص لى مش يقرب منى
تحياتى
‏قال oceaneyes
حلوة اوى ردودك يا قمر

بجد بحس ان اللى فى قلبك على لسانك وده طبعا بيديلك مصداقية كبيرة جدا


خليكى انتى كدة على طول ..بجد 100 100

;)
‏قال Desert cat
oceaneyes
ثانكس يا جميل
ده من زوقك والله
مودتى
‏قال غير معرف…
اتعرفت عليكي ياجميل اكتر من خلال ردودك علي التاج و حبيت اجاباتك كلها و خصوصا بتاع لما تبقي رئيس جمهوريه

تشكري ياباشا علي التاج و بعون الله حرد عليه و انزله قريب
كل تاج و انتي بالصحه و السلامه
‏قال Desert cat
اجندا حمرا
تسلمى لى يا قمر
وان شاء الله فى انتظار اجباته عندك
محبتى
‏قال DantY ElMasrY
قطة اناولو فيها بواخة جاوبت التاج بس عند فارس قديم
بس نفسى أسألك سؤال :
لو قابلتى المسيح هاتعملى إيه
سؤال كمان ..واحد بس تفتكرى لو الرسالة النبوية نزلت وانتى عايشة كنتى هاتبقى من الرواد الأوائل؟
فكرى ...
السؤال للجميع وأولهم دانتى المصرى
بقلك لو لقيت أى كلام لأى حد على سطح القمر هامسحه
‏قال Desert cat
DantY ElMasrY
اشكرك جدا على اجاباتك للتاج
لو قابلت المسيح هقوله
انى مؤمنه بيه لانه لا يكتمل ايمانى كمسلمة الابايمانى بباقى الرسل

ولو الرسالة النبوية اللى جه بيها سيدنا محمد صالى الله عليه وسلم جت وانا كنت عايشه اكيد كنت هبقى من الاوائل
تحياتى
‏قال DantY ElMasrY
عن نفسي مافتكرش ان لو الرسالة وصلت وانا موجود كنت هابقى من الأوائل كنت هافكر جامد اوى .والنتيجة مش مضمونة
‏قال غير معرف…
No Other Site Has More Celebrity Scandal Pictures. [url=http://behemoth.rizvanhasan.com/locating-a-nude-model-for-your-upcoming-shoot/]behemoth.rizvanhasan.com[/url]

المشاركات الشائعة