Desert Cat Search
قطه الصحراء: محمد فتحي يكتب: ريم ماجد بتضايقك؟

Saturday, November 3, 2012

محمد فتحي يكتب: ريم ماجد بتضايقك؟

محمد فتحي يكتب: ريم ماجد بتضايقك؟


لو سافرت إلى نيويورك الآن ستجد أزمة شديدة فى البنزين بعد إعصار ساندى القاتل الذى صنف ككارثة كبرى، وكانت نيويورك ونيوجيرسى أكثر الأماكن التى أضيرت منه، وهكذا فالناس مضطرون إلى ركن سياراتهم واستخدام المواصلات العامة، وهنا قررت الحكومة الأمريكية أن يكون استقلال المواصلات العامة (التى تسع الجميع دون زحام، وتعد مواصلات آدمية تحترم إنسانية المواطن الأمريكى) مجاناً للجميع لمساعدة الناس على تحمل هذه الأزمة، ناهيك عن تكفل التأمين بإصلاح الأضرار التى لحقت بالناس من الإعصار وإعادة بناء بيوت البعض بعد أن دمرها ساندى.. هذه حكومة تتحمل مسئوليتها أمام كارثة ليس لها يد بها ولا تصنع الكارثة ثم تتنصل منها. لو سافرت إلى مصر (ومصر محتاجة سفر بالمناسبة حتى لو كنت من أهلها لأنها ما زالت، وياللأسف، بعيدة) ستجد مذيعة مهنية محترمة اسمها ريم ماجد، تنحاز للناس لأنها تعرف أن مهنتها تحتم عليها الانحياز للناس، وليس التطبيل للمسئولين، تجلس فى برنامجها لتناقش قضية إغلاق المحلات التجارية التى قررتها الحكومة فجأة، وتتحدث على الهواء مع الوزير المسئول اللواء أحمد زكى عابدين (بالمناسبة ما مؤهلات أى لواء عسكرى لكى يدير وزارة)، فتسأله عن مصير الناس التى ترى أن هناك (خراب بيوت) بالنسبة لها إزاء هذا القرار، فيقاطعها الوزير بمنتهى الغطرسة والجليطة وقلة الذوق: «مين اللى قال قطع عيش وخراب بيوت.. انتى اللى بتقولى.. أنا ماسمعتش حد بيقول كده».
وحينما حاولت إكمال سؤالها مؤكدة أن هذا هو كلام الناس المضارة قاطعها: «لما تكلمينى كويس ابقى أكلمك كويس» ثم أغلق الهاتف فى وجهها!! وبغض النظر عن هذه الغطرسة التى لم نعهدها حتى فى وزراء مبارك أنفسهم، أحببت أن أبحث عن (التفسير النفسى) لسلوك السيد الوزير، والذى يجعلنى أتساءل: - هل كانت لديه مشكلة مع (ميس ريم) مدرسته فى ابتدائى (إن وجدت) لأنه لم يكن يعمل (الواجب) وكانت تناديه: يا بليد، بينما هو يبكى (ويدبدب على الأرض) وهو يقول: كلمينى كويس.. كلمينى كويس؟ الله أعلم.
- هل كانت البنوتة الجميلة (ريم) لا تحبه مثلما يحبها فى ثانوى، وفاجأته بقولها: أنا مابحبكش يا أحمد، فامتقع وجهه واحمر وعرق وجاب جاز، ثم لم يجد ما يرد به سوى: كلمينى كويس؟ الله أعلم.
- هل سيادة الوزير الذى يعمل عند الناس لخدمتهم، والمفترض به أن يكون واجهة محترمة لحكومته ولنظامه، والمفترض به أن يكون تحت الطلب دائماً، وأن يكون (ديليفرى) خدمات للمواطن البسيط.. هل هذا الرجل حين يفعل ما فعل.. محترم أصلاً؟ الله أعلم. يا سيادة الوزير اللواء.. لقد خلقنا الله أحراراً، ولسنا عبيد إحساناتكم، ولا أتصور أن رئيس الحكومة السيد هشام قنديل، الذى يعقد بين الحين والآخر اجتماعات مع الإعلاميين، لكى يدعوهم لمساندته ومساندة سياسات حكومته، ويسمى ما فعله حواراً مجتمعياً من أجل (حبْك الدور)، بينما الأمر أشبه بتعليمات يمررها للإعلاميين، وكأنه لا توجد ثورة حدثت أو أى شىء، لا أتصور أن هذا الرجل سيعاتبك، أو سيقول لك: عيب ما فعلته مع ريم ماجد، ولذلك نتبرع بالقيام بدوره، ونقول لسعادتك: عيب يا سيادة الوزير.. اختشى. «بتضايقك ريم ماجد يا سيادة الوزير؟»، طب: «ريم ماجد.. ريم ماجد.. ريم ماجد...».

16 comments:

Fatma El Diasty said...

التفسير العلمى الوحيد لسلوك احمد عابدين انه كان مضروب الصبح من مراته فبيطلعها ع البنى ادمين

Mohammed Yehia said...

لا لخراب بيوت 20 مليون مصري

الثورة من جديد لو القرار نفذ يا مرسي انت وقنديل
عقلك في راسك تعرف خلاصك

Mohammed Gheta said...

هى مين ريم ماجد دى الى هتعملوا منها بطل قومى عشان وزير عبيط قفل فى وشها التليفون .. هو كل حاجة بقت خراب بيوت .. هو يعنى لازم تنزل تشترى الفجر ؟؟؟ ( ده لو كان معاك اصلا عشان تشترى ) .. كام واحد بينزل يشترى بعد 10 مساءأ .. بصرف النظر عن موضوع توفير الطاقة الكهربائية .. محلات وسط البلد مثلا بتشتغل فى حاجات كتير غير الملابس والاحذية : عملة - مخدرات - دعارة .. وده كله بعد 10 مساءا لما الرجل تخف والنسيم يبقى عليل عشان الكلام يحلو

Heneen George Masyas said...

حكومه غطرسه وتعالي وقله ادب من فوقها لتحتها قال وبيقولك عنده تسجيلات يخرب بيت ابو اللي عملك رئيس انت ماتعرفش ان ده مش قانوني ولا الناس خلاص انتو اعتبرتوهم مابيفهموش لا انتو اتكشفتوا علي الاخر ونهايتكم قربت قوي وانشاء الله الشعب هو اللي هايحطكم تحت جزمته ياكومه لصوص

Mohamed Anwar said...

ريم ماجد .... ريم ماجد ......ريم ماجد ... علشان يمكن يطق ويموت

Ahmed Abdo ‏ said...


سياده الوزير ماعندوش رد ريم ظلمتو بسؤلها لانه ميعرفش حاجه عن القرار هى كانت سالت المرشد

Heneen George Masyas said...

صح والله العطيم انتوا ماتعرفوش ان دي من مبادئ البنا الخروف الكبير بتاعهم اللي جه في اخر الايام وقال ياريتني ماشتغلت بالسياسه

Mohammed Kotb said...

السلطة المدنية المنتخبة لها خطط و وسائل تنفيذ وقرارات والشعب اللى انتخبها لازم يساعدها وينفذلها قراراتها لانها بتعبر عنه واللى مش عجبوه الديمقراطية ينفذ القرارات غصبن عنه لغاية 4 سنين و بعدين ينتخب حد تانى لو هذه الخطط ما جبتش نتيجة-- وبعدين اللى يقول خراب بيوت يروح يشوف كل بلاد العالم التقدم والمتخلف من اول امريكا لغاية اندونيسيا للمحلات اوقات تقفل فيها-- لو عايز تفتح على مزاجك اتصرف انت فى المرافق والمياه والكهرباء والامن و متجيش تلومنى لو حصلك حاجة

حسام said...

كل دول العالم اللي بتقول عليها يابو جهل تحترم المواطن ورايه وتعطيه اعانه بطلاه ادا لم يجد عملا وتعطيه تامين صحي كامل واحسن الادويه في حكومه مرسي لو رحت مستشفي بتنام هلي البلاط ويقولك هات الدواء والسرنجه من بره جتكم نيله مطبالطيه لمرسي وحومته الاجهل من الجهل تحدي ان يستنطيع هذا الوزير قليل الادب ان ينفذ قراره لاهو ولا مرسي المتخبط المصروع بتاعه

مصرى للابد said...

ريم ماجد مذيعة متألقة
وموضوع اغلاق المحال من الساعة العاشرة لة سلبيات تفوق ايجيباتة بكثير
لذلك منطق المسئول عن هذا الوضع ضعيف للغاية
وعندما يرى نفسة امام مذيعة بمستوى ريم ماجد ويدرك انة اذا دخل معها فى حوار سوف يكون من اتجاة واحد
راىء ان ذلك افضل طريق هو التناحة والهروب لكن خوفة وقلقة جعل هروبة بطريقة غير محترمة بالمرة

Fauzia Malek said...

وزارة فاشلة ورئيس فاشل من يخلصنا منهم؟

Gigi G. Flool said...

لغة التعالى والغطرسة التى يتكلم بها هؤلاء المسئولون شىء مؤسف ولا تدل على اى احترافية او مهنية فى اداء اعمالهم.

Sameh said...

لو عنده إجابة كان قالها

Magdy said...

وزير فاشل و رئيس وزراء فاشل و رئيس دوله أفشل منهم ( أعمى يقود أعمى بقيادة أعمى ) هايروحوا كلهم و هايودوا البلد فى 1000 داهيه إن شاء الله

Rady Noshy said...

سعادة الزير من حقق هو من امتا كنتم بتسمعوً لانينً الغلابهً انتم بتسمعوً للاقوياءً وليس للضعفاء لاكنً نحن الله معنا

Neveen Zaki said...

والمفترض به أن يكون واجهة لحكومته ولنظامه، وهو لم يفعل سوى ذلك00 شكرا لأبنك عبرت عن النظام والسياسة التى تنتمى اليها سعادتك000 ومن له اذنان للسمع فلسيمع.