المجموعة السلفية



مجموعة أفراد لابسين الجلابية المينى وعاملين فى وشهم مقشات تقريبا تتلاقى فى الطول مع طول الجلابية ومنتشرين عندى فى ارجاء المنطقة فى ايديهم اليمين ورقه وفى الشمال كارنية .. يبتدوا يقدموا نفسهم بكلمة انت عارف الشيخ محمد حسان ؟ طبعا يكون الرد ايوا عارفه يروح مطلع لك الكارنيه اللى هو عبارة عن ظهر الكارنية صورة للشيخ محمد حسان ووش الكارنية صورة الاخ اللى واقف يكلمك وبياناته وفوق على الكارنية جملة المجموعة السلفية .. وليست الجماعة السلفية عبارة عن ايه المجموعة دى وهدفها ايه بقى يا حضرات ؟ اثناء 25يناير كان الشيخ محمد قطران منزل اعوانه منتشرين فى الميدان لانهم كانوا فاكرينها سايبة وبمجرد ان الرئيس مبارك تنحى يبقى محمد حسان يتزف على الحصان الابيض فى ميدان التحرير ويعينوه خليفة المسلمين فات شهر وفى خلاله اتغيرت حاجات كتير العيال بتوع التحرير مش بيتجمعوا غير يوم الجمعة وغالبا مش بيكون عددهم كتير وده اللى انا شوفته بنفسى يوم الجمعة الشباب اللى كانوا موجودين هناك ماشيين على طريقة خليك فريش احنا فى رحلة ودى جى ورقص وغنا وعالم رايقه اما اغلب اللافتات اللى كانت موجودة وهى شعارات وصور اخوانية فاصبح اللى شال الموجه كلها مش بس ركبها هما الاخوان كل لما حد يتكلم يقولك الاخوان اللى قاموا ب25يناير والاخوان اللى شالو مبارك والاخوان الراجل اللى ورا عمر سليمان .. فى الحالة دى السلفيين حسوا انهم خدوا الخازوق الاعظم فى التاريخ .. راح الشيخ محمد قطران مجمع جرابيعه ومعاهم كل المنشقين والمطرودين من الجماعات الدينية بما فيهم المنشقين عن الاخوان .. وراحوا عاملين خيمة كبيييييرة قافلين بيها الشارع كله ودى لتجمع الدقون ووراها خيمة صغيرة ودى لتجمع المنقبات هو قفل الشوارع ده مش تعطيل لمصالح الناس وهل وقف حال مصالح الناس عند السلفيين الجهابذة بقى من الإيمان ؟ هل تشويه الحيطان اللى كاتبين عليها شعارتهم فى الشارع ده من الايمان ؟ هل الاطفال الصغيرة اللى جايبينهم ملبسينهم الجلابية البيضا والبنات الصغيرين اللى عمرهم لا يتعدى ال5سنوات وملبسينهم نقاب وكاتبين على صدورهم عايزنيها اسلامية ومستعد اموت من اجل الاسلام ده من الايمان ؟ يعنى ايه طفل صغير بدل ما اعلمه كلمة محبة وتسامح وقبول الآخر اعلمه القتل وسفك الدماء ؟ هل من شهر كان كلاب الاخوانجية والسلفية يقدروا يعلنوا عن نفسهم ويعملوا مؤتمرات يقفلوا بيها الشوارع بكل تبجح بالشكل المريع ده ؟ لكن رغم كدا مبسوطة انهم فعلا بدأوا شغلهم وجهادهم العلنى والاخوان يركبوا الموجة والسلفيين يواجههوهم بالثورة المضادة وياريت تبقى بحور دم ويبقى شوية اوساخ خلصوا على بعض وخلصنا

Comments

Boneta said…
ربنا يسمع منك يا حنان
قادر يا كريم خلي البلد تنضف
Boneta said…
ربنا يسمع منك يا حنان
قادر يا كريم
خلي البلد تنضف
nor said…
من شهر يا نونا كانوا لبمشوا جنب الحيط
النهاردة بيرسموا شعارات على الحيط
Anonymous said…
ده فين الاحداث دى يا قطة ؟
mag said…
الكلام حصل فى الشارع نهاراً جهاراً يعنى محدش اتدخل ولا قالهم ايه اللى بتعملوه ده ؟
marwa said…
هى الصور مالها مهزوزة كدا يا حنون ههههههههههههههههه
انا عارفه شعورك وقتها كان ازاى
mohamed said…
اللى جاى باين عليه لا يطاق يا حنان يا مرعوب
Anonymous said…
انتى عايزه ايه
عايزاها سداح مداح والشباب يسكر فى الشوارع والبنات تمشى عريانة اصل الحكم الدينى عاملك حساسية
Kontiki said…
و ملصقات و دعاية و شغالين زى الفل الجماعه السلفية و غيرة انا غير متفائلة اطلاقا :(
ELVIRA said…
هم منظمين علشان كدة بيبانو
كل اللى سمعته من تعليقات الناس هو أنهم عالم عاملة دماغ و محدش من المصريين اللى فى الشارع يعنى العاديين بياخدهم على محمل الجد يعنى
الخطر الإخوان
Desert cat said…
Boneta

صدقينى بتمنى من كل قلبى انهم يقعوا فى بعض ونخلص
Desert cat said…
nor

شوفتى الفرق يا نور
خايفة الشهر اللى جاى يشيلوا البلد بالحيط
Desert cat said…
Anonymous

فى الشرقية
Desert cat said…
mag

هو حد يقدر يتدخل
الجنازير جاهزة على طول
Desert cat said…
marwa

ايه الفضايح دى يا مروة
Desert cat said…
mohamed

انا اللى مرعوب ولا انت يا محمد ولا كلنا مرعوبين ولا ايه النظام
ربنا يستر
Desert cat said…
Anonymous

هو مفيش اختراع لكلمة وسطية ابداً يا امة الوسطية ؟
هو يا اما اعين نفسى مكان الله على الارض يا اما تبقى سكر وعرى ؟
ماهو مش مضيع البلد غير بتوع محو الامية امثال حضرتك
Desert cat said…
Kontiki

ماهى بقت سايبة مش يشتغلوا زى الفل ليه
Desert cat said…
ELVIRA

ماهى المشكلة الاكبر فعلا فى الاخوان بس انا اتمنى ان السلفيين يقلبوا عليهم وتبقى حرب ضروس

Popular posts from this blog

قميص دهشور

كل تحرش وانتوا طيبين