Posts

Showing posts from April, 2010

الناس اللى بيقولوا واحنا مالنا بالبلاد التانية

فى اخبار متعلقة بجلد كل من تسول لها نفسها ان ترتدى براه اصلها كدا بتغش البضاعة
او كل من تتجرأ وتفكر تروح مدرسة أصل خروجها من البيت حرام شرعاً وطلب العلم عندهم ليس بعبادة لذلك هدم المدارس فوق روسهم وراس اللى يتشدد لهم كمان واجب شرعى وجهاد فقهى

كنت كل شوية الاقى حد داخل سايب لى كومنت ويقولى واحنا مالنا بالناس التانية دى بتجيبى لنا اخبارهم ليه ؟ احنا فى مصر خلينا فى بلدنا
طيب ما احنا فى مصر بناخد منهم الهيافات بتاعتهم دى ايوا اسمها هيافات ماهو مش ينفع اقول على الجهل المدقع ده ثقافة

يعنى من 20 سنة مش كان فى حاجه اسمها نقاب فى مصر .. ومع هجرة بعض المتخلفين عقليا لبلاد الرمال رجعوا لنا بالهباب اللى اسمه نقاب ده وكل واحد لابس الجلابية المينى وينقب مراته وبنته اللى عمرها 3 سنين ومش مهم يكدب ولا ينصب ولا يخون الامانة مش فارقه كتير معاه المهم المنظر لا الجوهر
وبعد ما هجموا علينا بالسواد بتاعهم دخل كمان النهاردة شيخ الازهر على الخط الساخن وسار على درب منع الاختلاط بين الجنسين "معركة الاختلاط" تصل إلى مصر.. المفتي يجيزه بالمدارس والجامعاتمصر طول عمرها فيها اختلاط يا شيخ وطول عمرها وسط…

حينما يضع العراعير عقولهم داخل احذيتهم لابد من وقفه

Facebook Vs Liberal Egyptians

It’s Wednesday April 21, midnight U.A.E. time, 10 pm Egypt time & 4pm Montreal time. It’s the three places where live three liberal Egyptians dedicated themselves to fight fanatics thoughts spread by Islamist on FB, when suddenly their three accounts on FB was disabled at the very same moment loosing all what they did for more then a year on FB.
Fofa, Mark & Moomen started their cooperation on November 2009 by creating the group of “Egyptian Campaign to stop the broadcasting of fanatic TVs” -after the attack against Christians in Farshout in upper Egypt- and started to make each other administrators in other groups where they use to work individually. This cooperation between the three activists ends up with 14 groups with more then 17000 members covering almost all area of cultural war between liberals & extremists. The policy of the three activists was to condemn the fundamentalists Muslim from their own tongues by publishing their extremist f…

حينما يغسل الإخوانجية

وغسيل الإخوانجية مش اى غسيل لا تقولى تايد واريال ولا برسيل ولا اى مسحوق غسيل .. ده غسيل أموال
يعنى هما الجماعة إياهم بينصبوا ويحتالوا ويسرقوا وينهبوا مش مهم بقى هى فلوس مين ولا ايه
الأهم انهم بينضفوها باحدث مساحيق الغسيل وإن اتكلمت وقولت الناس دى بتجيب تمويلها منين ؟
يقولك دول مضطهدين .. ده الامن بيقبض عليهم علشان عايزين مصلحة البلد
واحد زى خيرت الشاطر عايش نص عمره فى المعتقل ويخرج اسبوع الامن يروح يتفش بيته يلاقى خزائن دهب وملايين الجنيهات .. منين فى اسبوع يا ريس .. يقولوا لك الراجل غنى وانتوا مالكو ... بلاش الشاطر واذكروا محاسن مساجين الإخوانجية .. خلينا فى وجدى غنيم اللى قاعد يردح من قطر والطبيعى انه يرضى اسياده اللى لامينه عندهم وبيسمحوا له يغسل ويكوى كمان كل يومين تلاته يتحفنا بوصلة ردح لمصر والنظام المصرى .. وبما انهم بانو بانو بانو على اصلهم بانو وحفظ حقوق الاغنية للراحلة سعاد حسنى
فقد امر النائب العام الراجل السكرة بالحالة
وجدي غنيم و4 من الاخوان لمحكمة أمن الدولة العليا طوارئ بدائرة محكمة استئناف القاهرة لمحاكمتهم.والمتهمون الخمسة هم اشرف محمد عبد الحليم طبيب بشرى وامين ع…

وهما يدرسوه ليه ؟؟

قامت الدنيا ولم تفكر فى الجلوس حتى بعد أن تورمت قدماها من الوقوف بعد تصريح الدكتور على هلال رفضه لإلزام الطلاب المسيحيين في المدارس الحكومية والخاصة بدارسة وحفظ الآيات القرآنية الموجودة في كتب اللغة العربية بجميع المراحل الدراسية
وبصراحة الراجل عنده الف الف حق .. وهما يدرسوا قرآن ليه ؟؟
يعنى ايه اجبر واحد انه يحفظ حاجه مش تخصه من بعيد او قريب ؟
يعنى اقوله لو مش حفظت درجاتك فى العربى حتنقص يا حلو .. هو ده مش اسمه تمييز ؟؟
هو مش ربنا قال لا إكراه فى الدين ؟
هو مش ربنا قال لكم دينكم ولى دين ؟
ايه المغزى من اجبار طفلين زى ماريو واندروا على الدخول فى الاسلام واختبار التربية الاسلامية وهما نفسهم بيعلنوها بالفم المليان احنا مش مسلمين ؟
هما نفسهم صرحو باعلى صوتهم الدين مش بالعافية
ليه بنقلل من قيمة العقيدة الاسلامية بالشكل ده ؟
ليه نجبر ناس انها تدرس وتحفظ حاجه متخصهاش ؟
ليه نجبر طفلين على اعتناق ديانة هما رافضينها وبدل من تمتعهم بطفولتهم السادة المستشارين كل يوم والتانى يجرجروهم بين اروقة المحاكم
ذنبهم ايه ان ابوهم راجل بتاع مصلحته وغير دينه من مسيحى لمسلم مش لانه مقتنع بالعقيدة لا سمح الله لكن ال…

مش تستخدم جرس استخدم رق

Image
وبجملة المحظورات اللى قايمة بيها حركة الشباب المسلمة المسلحة فى الصومال وياريت نلاحظ ارتباط كلمة المسلحة دائما بحركة الشباب المسلمين اوى خالص اللى دايرين حظر ومنع فى الصومال من حظر الموسيقة في الموبايل او مشاهدة الافلام او العاب الفيديو او كرة القدم لتعليم الفتيات لحظر للبراه اللى هو السوتيان ولامؤاخذه ودلوقتى بيدرسوا حظر الاندر وير بس قبله قاموا بحظر
الاجراس لان صوتها "يشبه صوت اجراس الكنائس" وطبعا لان التحذير شديد اللهجة وطبعا دى جماعة مسلحة يعنى اوعى الارهاب بقى ولو مش نفذت يبقى رقابتك يا ناظر منك له واهدار دمك واجب شرعى وحفاظ على الشريعة الاسلامية .. ايوا اوعى تقول الناس دى ارهابية الناس دى مجاهدة وبيحافظوا على الاسلام ويكفى انهم يلصقوا كلمة اسلامى باى فعل اجرامى يرتكبوه علشان لو اعترضت يبقى انت كافر واهدار دمك هو الحل الصحيح
استخدام الجرس ممنوع لانه يشبه صوت اجراس الكنائس انت تجيب رق وتشوف لك رقاصة منقبة وفى نهاية كل حصة تقوموا بالوصلة التمام وده حلال شرعاً وهتدخل الجنة من اوسع ابوابها

فوبيا البرادعى

من اول اعلان دكتور البردعى ترشحه للرئاسة حتى اليوم وانا واخده موقف المتفرج لأنى مش بحب اهيص مع الهيصه من غير ما افهم ايه اللى بيحصل اتابع فى صمت اولاً وبعدين أحدد موقفى ثانياً .. وكنت لسه لحد يومين فاتوا بتفرج لكن لاقيت المسرحية بقت هزلية اوى وسخفت اوى اوى تحديداً من اول ما بدأت الكويت تتدخل بقى فى اللى ملهاش فيه وتقبض على مصريين يؤيدوا البرادعى وفى سرعة الصاروخ رحلتهم لمصر قولت عادى دى بلدهم وهما حرين فيها وكل بلد ليها قانون ولابد ان يحترم .. وكل ده وانا متخيلة انهم كانوا عاملين مظاهرات زى ما الاعلام اتكلم والناس هاجت وماجت لكن تطلع زوجة احد المرحلين من الكويت وتقول هما كانوا متجمعين على العنترنت دى كدا اسمها تلاكيك ولسه مش خلصنا من حوار الكويت الا الاقى موقع مصراوى بيتحفنى بالخبر الجميل ده
الإمارات تنضم إلى الكويت في محاربة أنصار البرادعي وتحجب أحد المواقع المؤيدة له
ايشى خيال يا ناس طيب هنقول النظام المصرى يناهض انصار البرادعى لانه خايف من شعبيته لكن الكويت امبارح والنهاردة الامارات وبكره نلاقى كل الدول العربية اجمااااااااع خايفين من ايه ؟؟ خايفين صوت الشعب يغلب على صوت الحكومة ؟…

ويسألونك عن الإجهاض

فى فتوى لولبية لوذعية لدار الافتاء المصرية افاد الشيخ العلامة الدكتور على جمعة بأن اجهاض الجنين المشوه حرام شرعا إلا إذا تعرضت حياة الأم للخطر
طب افرض الام يا دكتور حياتها مش فى خطر واتضح من خلال اشعة السونار ان الطفل مشوه او يوجد بجسمه اى اعاقة .. ايه ذنب اسرة تعيش حاملة هم كائن حى بينهم من علاج لا يجدى لانه كدا اسمه عيب خلقى .. وايه ذنب الكائن الحى ده فى مجتمع زى مجتماعتنا العربية الهايلة الرائعة اللى بتحترم الانسانية فعلا ..
مش بيعاملوا المرأة على انها درجة تانية وانها مجرد فرج لافراغ شهوات الراجل اللى عملوا منه نصف إله
ولو طالبت بحقوقها فى الحياة يبقى لا تنتظر سوى التهكم وكل انحطاط من مجتمع ذكورى متعفن
لا يعرف سوى فن التحرش والبذاءة واختراع الاشعات والتفنن فى سلب الآخرين كرامتهم لا لشيئ سوى ان الشخص المقهور دائما عايز يحس انه له دور فى المجتمع بدل من انه كائن مهمش
يعنى العيال مش بيجروا ورا الناس اللى عقلها على ادها بالطوب فى الشوارع ويقولوا المجنون اهو ؟؟
ولا الكبار العاقلين بيجيبوه يقعدوه وسطهم علشان يبقى مسخرة القعدة واهم بيقضوا وقت ظريف ..
طيب نلقى نظرة كدا على المعاقين المعتصمين …

شم النسيم والبيض الملون .. كفاية بضنتونا

Image
تعمل ايه لو راكب مواصلات ولاقيت حد جاى يديلك كتيب غصباً واقتداراً مكتوب عليه شم النسيم للشيخ العرورى ابن مورستان .. طبعا ده مش اسم الشيخ بس لما قريت الكتيب الذى لا تتعدى عدد صفحاته العشر ورقات حسيت فعلا ان الراجل ده كاتبة خلف اسوار مستشفى المجانين ... الكتيب يحمل ما هو ارهاب فكرى بمعنى الكلمة ومستشهد بآيات تم اقتصاصها بما يناسب هوى الناشر الشخصى اللى مش مكتوب له اسم على غلاف ولا معروف هو مين اصلا ولا دار نشر ايه مجهولة الهوية دليل على ان الكتاب مطبوع تحت السلم ، والآيات اللى مستشهد بيها مش فيها حرف واحد يحرم شم النسيم .. الناشر العبقرى بادئ الكتاب بسؤال :
يحتفل المصريون بعيد شم النسيم فما هو أصل هذا الاحتفال ، وما رأى الدين فيه ؟
وبالطبع كاتب الجواب الذى يحمل بين طياته الجهل المدقع والحقد الدفين
فالجواب يا حضرات هو أن الرياح الطيبة ليس لها موسم معين وشم النسيم كان عيد فرعونى ومستشهد بربع آية من سورة النمل وهى ( فى تسع آيات إلى فرعون وقومه إنهم كانوا قوماً فاسقين ) واكمل جوابه كالتالى ثم حدث فى التاريخ المصرى حادثان اولهم يرتبط باليهود والآخر بالأقباط ، ومش جايب سيرة اليهود فى حاجه م…

اجدع وزير فى وزارة نظيف

تربية الاجيال تبدأ من الصغر وبما ان الاهل مش فاضيين يربوا الاب مطحون شغل علشان يوفر الفلوس والام اما مقتنعة انها عورة وبالتالى بتخرج جيل فاشل كل همه انه يتحرش باللى مش محجبة او مش لابسه نقاب علشان يبقى اسمه بيجاهد او سايبة مهمة التربية للحضانة والمدرسة اللى كل هم المدرسين هو الدروس الخصوصية واللى مش ياخد درس يبقى هياخد فى اعمال السنة صفر وفى نهاية السنة صفر اكبر منه شوية والنتيجة عيال بطلت تروح المدارس وفاضية للصياعة فى الشوارع علشان برضه نفس النيجة يقلوا ادبهم على اى حد بقى ماهو هيجيب منين تربية علشان يعرف يعنى ايه احترام وفى اخر الشهر بيروح يدى المدرس فلوس الدرس اللى طبيعى بيروحه بمزاجه ماهو المدرس مش يهمه غير الفلوس اخر الشهر وده كان سبب وجيه طبعا اننا نسمع عن مدرس اتضرب او اتشتم ماهو على راى مبروك ابو العلمين حمودة طالما المدرس اتحط قدامه الشاى والجاتوه يبقى عليه العوض .. وبما اننا شعب يحب السهل جدا فمش مستغربة من كمية التعقليات اللى على الخبر اللى بيقولوا ان الوزير مزودها مع ان ياريت كل الوزراء يحذو حذوه علشان البلد تنضف ونخلص من المهازل والفساد والانحطاط السائد ده بقى
وزير الت…