Desert Cat Search
قطه الصحراء: علمونى أن أنكر الاصوات

Thursday, October 28, 2010

علمونى أن أنكر الاصوات

كنت وانا صغيرة لما اتكلم بصوت عالى الاقى ماما تقولى ان انكر الاصوات لصوت الحمير .. ولما اضحك بصوت عالى الاقيها تقولى يا بنتى الرسول كان بيبتسم .. لحد لما دخلت المدرسة وأول درس فى النصوص كان حفظ آية ان انكر الاصوات لصوت الحمير وتفسيرها .. ولما كبرت شوية وبدأت اعرف يعنى ايه مشكلة وازاى ممكن أحلها كان دايما يتقالى الصوت العالى بيخلى صاحبه فى موقف ضعف حتى لو هو صاحب الحق ولحد كدا مفهوم لكن اللى مش مفهوم لحد دلوقتى .. انى لما كنت اسمع الاذان اروح لماما اسألها هو انتى مش بتقولى لى انكر الاصوات امال ده صوته عالى ليه ؟ بعد التكشيرة التمام لاقيتها بتقولى اخر مرة اسمعك تتكلمى بالطريقة دى ثانياً علشان يذكرنا بوقت الصلاة ونقوم نصلى الصلاة حاضر وفى وقتها .. امممممم مش مقتنعة اصل اللى اعرفه ان مفيش حد مستنى واحد تانى يفكره بواجبه وفروضه ده احنا من اول يوم فى المدرسة بنصحى فى معاد معين ونروح من غير ما حد يفكرنا ... وبما ان ماما قالت لى اخر مرة اسمعك تتكلمى كدا روحت سالت الميس تانى يوم نفس السؤال .. قالت لى اطلعى بره ومش تيجى غير وانتى معاكى ولى الامر .. لما كلكوا رافضين امال أسأل مين ؟

لما تبقى محظوظ زى وبيتك خلفه مسجد وعلى يمينه مسجد وقصادة مدرسة وقبل الفجر بساعة تلاقى انطلق سباق مين هيفوز بأعلى صوت وبعد الفجر بساعه اللى خلف بيتك يخلص اللى على يمينك يخلص بعده بنص ساعة ولسه هتبتدى تقول اخيرا مفيش ازعاج تلاقى طابور المدرسة إبتدى ياخى A7A

لما يبقى كل شارع فيه مسجد لكل مواطن وميكرفون لكل من هب ودب يبقى من حقى أعرف مين اللى قالهم إن ده من الدين ؟

مش ربنا هو اللى قال برضه انى قريب اجيب دعوة الداعى إذا دعى ؟ و مش هو اللى يسمع من فى القبور ؟ ومش هو اللى يعلم السر والجهر ؟

امال مين اللى قال للناس اللى ساعات بتحط المايك فى بؤها لدرجة انك غالبا مش تقدر تميز هو بيقول ايه ؟ والاصوات النشاز اللى طالعة من كل اتجاه ان ده هو الدين ومش ينفع صلاة من غير الإزعاج اللى بتعملوه للبشرية ده ؟

هو مش المفروض فى الصلاة الخشوع ؟ ليه بقى اخر حاجه تفكروا فيها واصبح المسيطر ايديولوجيا الاستبداد و القهر باسم المقدس .

14 comments:

آخر أيام الخريف said...

جيتى ع الجرح كالعادة :(

قريتى تدوينتى دى؟

http://reeeshkalam.blogspot.com/2010/06/blog-post_27.html

كيف وصلنا الى القمر said...

قطه
امال احنا وصلنا القمر ازاى
مش بمثل هذه العقول الجباره
والحناجر القويه مع ميكرفونات الضجيج والغلوشه على بعضها وتشويه حتى الآذان
حتقولى ايه فى ضعف الأدراك والغباء المزمن
الم يعادوا العقل بكل صراحه وصفاقه؟
ماذا تنتظرين؟ هل نهضت امه غيبت العقل؟
ان التخلف اصاب حتى فهمهم للدين فاختزلوه فى كعوب وشعر وحواجب النسوان

elmasryeffendi said...

احنا عايشين عصر الكهنوت الاسلامى المقدس ، انا باعانى اكثر منك لان عندى مش مسجد واحد و لا اثنين و لا ثلاثة بل خمسة فى مربع حجم سكانه يحتاج لمسجد واحد فقط كبير و ايه بقى فى واحد لسه طالع معاش من بتوع القطاع الحرام و شكله كده نشيط فبيبدأ من الساعة 1 او 2 لو اتاخر و هاتك يا جعير و شخر و حشرجة فى الميكروفون لدرجة انه مرة شتم اطفال كعادتهم دائما و قال يلا يا ولاد الكلب فى الميكروفون، مش عارف هو ايه المانع لو اتخطط لكل منطقة مسجد محترم و خلاص و هل لو اتقفلت المساجد الصغيرة دى حرام و لا لا ؟ لان اكيد ده اللى مخوف المسئولين بس برضه الناس اللى بتنشا مسجد بتنشاه بالقوة و العافية و القهر و ما حدش عاوز يقولوا عليه عدو الاسلام

SERVANT OF JC said...

======

مفيش حد مستنى واحد تانى يفكره بواجبه وفروضه

======

أتفق معكي مليون في المائة يا قطة..

اللي عايز يصلي هيقوم يصلي لوحده وخاصة إن في اختراع دلوقتي اسمه المنبة ممكن يضبطه علي اي وقت يصحيه فيه من غير ما يحتاج لحد يزعق في الميكروفونات

بوست رائع وجميل بإستثناء كلمة
A7A :))))

تحياتي

emy said...

والله ياقطة أنا عشت في بلد خليجي,و فضلت أشتكي الجامع إللي كان قارفني,لحد ماالشرطة راحت شالت الميكريفون. لكن في مصر !!أنهي شرطة دي إللي هتعبرني لو رحت إشتكيت. أنا فاكره زمان لما كنا طلبه في الثانوي, ومش عارفين نذاكر من دوشة الجوامع.كان أخويا يروح الجامع ويقطع سلك الكهرباء. وعقبال مايعرفوا العطل منين ويصلحوه, يروح يقطعه من مكان مختلف, يعني لو عندك أخ ولا حاجه ممكن يساعدك في الموضوع ده. بس لو إتقفش, هيقيموا عليه الحد على طول

Kontiki said...

نفسى يقفلوا الجوامع و الكنايس ويهدوا المدارس اللى وسط البيوت عشان الحياة تستقيم وعمرها ما حتستقيم بالمناسبة قولى احا براحتك فى المجتمع دة مش كفاية .

strategicalone said...

مفيش فايدة يا قطة
المد الدينى اقوى من التسونامى
انصحك تكبرى دماغك من المتدينين
وتكتبيلنا شوية شعر علشان ننسى
وعلى فكرة احنا لسة فى اول الطريق نحو التدين الحق . يعنى انتوا فى نعمة ها تتذكروها فى المستقبل وتلسفوا على الايام اللى كانت جميلة دى وتقولوا ان الادان كان بادن والواحد بحريتة يروح يصلى او يمتنع بعد كدة موش ها يبقى بحرية الفرد بل الصلاة واجبة
اتمنى ما اشوفش الايام دى معاكم
سلام

Desert cat said...

آخر أيام الخريف

اولا انا اسفه جدا على التاخير فى الرد بجد كنت مشغولة جدا
ثانيا هشوف التدوينة حالا

Desert cat said...

كيف وصلنا الى القمر

زغلول الفشار كان بيقولك علماء ناسا سمعوا صوت الاذان فوق القمر
وعلماء ناسا كذبوه لما كان منظرة زبالة

Desert cat said...

elmasryeffendi

ده دلوقتى بقى موضة كل واحد يبنى لك عمارة يبنى تحتها مسجد مش حب فى الصلاة
ما تفهمش ايه الكوسة والانحطاط والغباء اللى ماشى فى البلد ده

Desert cat said...

SERVANT OF JC

ما هو انت لو فى مكانى هتقول العن من احه

Desert cat said...

emy

اخويا
هع هع هع
ده اخويا بيقوم يصلى الفجر حاضر
يبقى حيقطع لى السلك ؟
ده انا لو طلبت منه كدا مش بعيد يقطعنى انا إرباً إرباً إرضاءاً للرب

Desert cat said...

Kontiki

ما تفهميش الاغبياء اللى فى البلد دى على اى اساس بيصرحوا ببناء المبانى المزعجة دى فى وسط الكتلة السكنية
انا زهقت من احا
دلوقتى بقول بييييييييج احا

Desert cat said...

strategicalone
ايوا يعنى انا استحمل الضجيج اليومى ده علشان غباء الارهابيين دول ؟
ماهو انا لو فى بلد محترمة بجد كان زمانى عارفه اخد حقى
لكن للاسف البلد دى كله بيرفع فيها قرون لكله