لما تعرفوا حقوقكو طالبوا بيها

حضرت بصفتى الأمين الإعلامى المساعد لحزب مصر الفتاة مؤتمر ضم جميع الفئات من المهتمين بالشأن العام وتطرق الحديث لقرار مجلس الدولة منع شغل المرأة منصب قاضية الحوار كان يتسم بالموضوعية وهذا لا يمنع ان هناك من كان متفق قلباً وقالباً مع القرار ولكن حتى هذا الاختلاف ايضاً بموضوعية وحتى الآن كل شئ كان على ما يرام .. إلا أن قامت منتفضة من مكانها وانطلقت كالرصاص العشوائى .. يعنى ايه الست تشتغل قاضى ؟؟ انتوا ازاى دخلتوا مدارس واتعلمتوا ووصلتوا اللى بقى دكتور واللى بقى محامى واللى مهندسة وقاعدين تقولوا الست تشتغل قاضى واللى تستشهد لى بنساء يهوديات كافرات وتقول هما دول عندهم عقل والمصريات لاء ؟ لاء طبعا نساء مصر مش زيهم ولا عمرهم هيكونوا زيهم لان نساء مصر طاهرات عفيفات شريفات وازاى تقارنوا بين يهودية وبين مسلمة ؟ قاطعتها محامية مرشحة لعضوية مجلس الشعب عن مقعد المرأة .. حضرتك مش واخدة بالك انك بترمى الناس بالباطل ؟؟ ردت بعد ان اطلقت ضحكة سخرية يا ست المحامية اليهود دول انجاااااااس يبقى لما تقارنى قارنى بين مصرية ومصرية او اخت ليكى مسلمة من دولة عربية تانية لكن يهودية ده اللى مش هسمح بيه ابدا والساكت عن الحق شيطان اخرس وانا لا يمكن اسمع عن مقارنة مشركة نجسة باخت مسلمة عفيفة ابدا .. ثم ان رب العزة قال وقرن فى بيوتكن ... هنا والتقطت انا اطراف الحديث مع ان مش كان المفروض اتكلم ... انا مش هعلق على كلمة مشركة نجسة مع اننا فى القرن الواحد وعشرين ومفيش حاجة مشرك ونجس بس حضرتك لما تستشهدى بآية قرانية مش تقوليها كاملة اولاً الآية الكريمة تخاطب نساء النبى ؟؟ يا نساء النبى وقرن فى بيوتكن .. وطبعاً حضرتك لا زى نساء النبى ولا هما زيك علشان تقتصى من الآية الكريمة وتدى تعليمات بيها لان ربنا برضه هو اللى خاطبهم بقوله " يا نساء النبى لستن كأحد من النساء " نساء النبى محرم عليهم الزواج بعد وفاة الرسول لكن سائر النساء بتطلق اوا جوزها يموت وتروح تتجوز واحد تانى ونساء النبى الثواب ليهم مضاعف والعقاب ليهم مضاعف ... وكان عندى كلام تانى عايزة اكمله لكن تفضل دكتور محترم وقال لما الست تحترم عقلها وتعرف قدرها يبقى وقتها بس تطالب بحقها ده لو عرفته اصلا
بأمانة عنده كل الحق اذا كان فى العقول دى لسه موجودة بينا وبتدافع عن الغباء والجهل بكل ما أوتيت من طاقة
الست بتاعة وقرن فى بيوتكن مربية أجيال إذ أنها تعمل مدرسة بمدرسة إبتدائية

Comments

عوف الأصيل said…
نداء أخير إلى النساء المسلمات ، اللاتي يرغبن في الإرتباط بشاب مسلم مصلي مجاهد ، و ملتزم إسلاميا .أو اللاتي إرتبطن فعلا بهذا الشاب ذو الجبهة المتورمة .

أو النساء اللاتي يردن الإنتقام من زوجهم المرتد أو الغير مصلي أو المتطاول على الذات العلية .
.

يا أيها النساء المسلمات ماذا أعد الله لكن في جنة الذكور ؟

يا أيها النساء المسلمات ما وضع أزواجكن مع الحور العين و أين أنت ستكونون في هذه الحفلة الربانية ؟

لم يذكر القرآن أن لكن رجال حور مفتوليين العضلات لنكاحكن .

هل العيشة السواد مفروضة عليكن في الدنيا و الآخرة ؟
Ms Venus said…
انا مسيحية

انا كده مشركة نجسة فى نظرها


طب تقدرى تقوليلى انا ممكن اتعامل ازاى مع واحدة زى دى بتفكيرها ده فى المجتمع ؟


عزيزتى تيرز


صدقينى ما عارفة اقولك ايه

وبالتفكير ده والطريقة دى فاضل لنا 1000 سنة


على ما نقول احنا اهو
Ms Venus said…
اسفة يا قطة


غلطت فى اسمك وقولت تيرز لانى لسه كنت عندها فى مدونتها


ههههههههههههه سامحينى


اكرر اعتذارى عزيزتى
Tears said…
This comment has been removed by the author.
عواصف رملية said…
طيب لما هي عارفة ان "ثم ان رب العزة قال وقرن فى بيوتكن" هي مش بتقر في بيتها ليه؟ وليه جاية تقر في الاجتماع؟

ثم القاضية "اليهودية" بصفتها انثى تنافست امام كفائات الرجال وحصلت على مركزها كقاضية لان كفائتها تفوقت على كفائات ذكور؟

انا معرفش وحدة زي دي ازاي هتفضل تربي وتنتج اجيال فاشلة؟
Tears said…
تلك ثقافة القطيع

ده لينك احسن لمقال من اربع سنين بس ياريت تقريه عشان ح تلاقى فيه اللى بتقوليه بالضبط

www.ahewar.org/debat/show.art.asp?aid=81432
rony said…
اوك اليهود اسمهم مشركين
بس بعد اذنك يا قطه كنت عايزه اقول للمربيه الفاضله حاجه بس محشوره فى زورى
رغم انهم بيعبدوا ربنا برضه
وكل واحد يصلى ويصوم ويتعبد بالطريقه اللى تناسبه وتناسب عادات
وتقاليداسرته وعائلته
اما بالنسبه للمقارنه باليهود
انا عايزه اقولك انهم من اوائل المخترعين فى العالم لاختراعات افادت العالم كله
حتى مصر والعالم العربى
وللا احنا هنعرف انه اختراع يهودى نروح نلغيه او نستغنى عنه
يا سلاااااااااااام
انا مش مع اليهود فى اللى بيعملوه فى فلسطين وغيرها
لكن نسبة الاميه عندهم على حد سمعى اقل من
3 فى المائه
قوليلى انتى بقى نسبة المتعلمين كام فى مصر
الست اللى بتتكلم دى بنقابل زيها كتييييييييييير فى المواصلات وفى الشغل
ونظرتها لغير المسلمات وكأنهم كائن حقير
ربنا يهديهم يا قطه ويقدرنا على معرفة التعامل معاهم
تحياتى لبوستاتك الشجاعه
AHMED SAMIR said…
طبعا كل فرد و له قناعاته و معتقداته حتى لو كانت غريبة و عجيبة
بس رأي الست دي اكيد مش رأي الأغلبية
تحياتي
Kontiki said…
من اول كلمة " منع " اتحرق دمى منع المرأة تمييز عنصرى على اساس الجنس تولى المناصب فى الغرب على اساس المؤهل و الكفاءة والنزاهة وغيرة وهنا على اساس راجل وست
اللى بعد كدة عادى اما الشخصية بتاعه وقرن مش قاعدة هى فى بيتها لية ونزلت تشتغل عشان الماهية والمصيبة الاكبر مدرسة وكمان ابتدائى
علية العوض ومنه العوض مش غريب ان بنات زى الورد فى الابتدائى لابسين الحجاب و النقاب
علية العوض
ELVIRA said…
Ms Venus
انت مش مشركة و لا نجسة
اما نوعيتها فلا تتعاملى معها أصلا فالمفترض لكى يتم حوار او تعامل ان الطرفين يملكان العقل اما هى فتعترف بانها من حزب ناقصات عقل و دين

انا مسلمة وصدقينى لما اقول ان أقاربى من المسيحيين أقرب كثيرا من بعض المسلمين فى العائلة خاصة الحزب السلفى
فميهمكيش كلنا نعانى
عصام said…
لما الست تحترم عقلها وتعرف قدرها يبقى وقتها بس تطالب بحقها ده لو عرفته اصلا...موت ياحماااااااااارأرجو أن يكون واضحا من هو الحمار
khalil said…
على موضوع عدم حروج المراة للعمل
85فى الماءة من اليشرتعمل بالزراعة لو فعدوا فى البيت والرحال هم اللى يروحوا الترعة يملوا مياة ويشبلوا البلاص على دماغهم ويعسلوا الندوم على الترعة ويتموا الجلة علشان الفرن والستات قاعدة فى البيت من غير شغت
العمت فى الزراعة متقسم بين الرجل والمراءة والمراءة فى الريف واجبتها اكثر من الرجل دى عالم التخلف معشش فى دماعهم
Mai Zamalkweya said…
فعلا لما يعرفوا حقوقهم الاول ياطالبوا بيها
النساء في مصر بيحاربوا اكتر من الرجل للرجوع لعصر الحريم وقربوا يرجعوله
شوفي نسبه البنات اللي مبتفكرش الا في الجواز و اول ما يجيلها عدلها تسيب التعليم و تروح لسي السيد وهي فرحانه ومبسوطه
شوفي نسبه تزايد العورات في الشارع المصري متمثلين في خيم سوده و اللي مش لابسين الخيم السودة نفسهم يوصلوا لمرحله التخييم دي
اذا كانت المرأه في مصر مؤمنه ايمان كامل انها عوره وانها مجرد جسد لاشباع رغبات سي اليد هيبقوا عايزين حقوق اكتر من اللي علي السرير
شئ بيحزنني لما اشوف بلاد حوالينا كانوا نفسهم زمان يوصلوا لنص اللي احنا فيه دلوقتي انا اللي اتمني اننا نوصل لربع اللي هما بقوا فيه و مستمرين في مسيرتهم
والسبب الاول و الاخير في اللي احنا فيه ده مستوي التعليم اللي فيه مدرسات بالعقليه دي
Desert cat said…
عوف الاصيل
معلشى فى نساء مسلمات عارفين ان الالام دين الوسطية
وبالتالى ياريت لما توجه نداء يبقى نداءك محايد
علشان صوتك مش يتعبك
Desert cat said…
Ms Venus
انتى مش مشركة انتى ضفرك برقبتها لانك بتتعاملى مع الناس باخلاق وتعامليهم بانسانية
لكن اللى زى دى مكانها الطبيعى الصحراء او اقرب جنينة حيوانات تلمها
Desert cat said…
Ms Venus
ولا يهمك يا جميل
انا وتيرز واحد
:))
اغلطى براحتك المهم انك منورانى
Desert cat said…
عواصف رملية
هى واللى زى مش بيقروا فى بيوتهم لان شغلهم يلفوا فى اى مكان فيه تجمعات علشان يقرفوا الناس فى عبشتهم ويقولوا لك بنهديهم لطريق الهداية والبعد عن الضلال
Desert cat said…
Tears
ثقافة البهايم اللى لازم ليهم ابادة
هشوف اللنك حالا يا جميل
Desert cat said…
rony
هى لما عملوا لها غسيل مخ فهموها ان اى حد مش مسلم يبقى مشرك وان قتلته يبقى بتجاهد فى سبيل الله وهتدخل الجنة
لكن العلم حرام
والعمل حرام
واى حاجه حرام
تعيش عالة على غيرها ده اللى حلال
Desert cat said…
AHMED SAMIR
لا مش راى الاغلبية
هى رايها واللى فهموها كدا ودول نهايتهم مش بعيدة
Desert cat said…
Kontiki
فى مصر اى انثى تسير على الارض مهما كانت مؤهلاتها ومهما كانت خبرتها مجرد مشروع سرير فقط لا غير
وعلشان كدا يحيا التخلف والغباء
Desert cat said…
ELVIRA
كلامك صح ومتفقه معاه جدا
Desert cat said…
عمو عصام
واضح جدا جدا
:))
Desert cat said…
khalil
كان زمان فى كتاب القراءة بتاع الصف الاول الابتدائى بيجبوا صورة فلاح ومراته وهما بيشتغلوا فى الحقل وبتعمله الاكل
دلوقتى بيجبوا صور ارهابيين فالطبيعى يطلع اجيال متعفنة فكريا
Desert cat said…
Mai Zamalkweya
فعلا يا مى التعليم هو العامل الاساسى الاول لنهاية المهزلة دى
لو صلح التعليم لصلحت العقول

Popular posts from this blog

قميص دهشور

كل تحرش وانتوا طيبين