الله ينتقم


الله ينتقم من اللى قتل الشهيد المصرى احمد شعبان
الله ينتقم من حماس والإخوان
الله ينتقم من كل المههلتيه اللى قاعدين يشتمو فى البلد ليل نهار وكأنها مش لاماهم ولا مأكلاهم ولا مشغلاهم
عالم معندهاش دم عايشة على ارض مصر وبتفرح فى اى مصيبة تحصل لها ودايماً ضدها طب عايشين فيها ليه ؟ قاعدين فيها بتعملوا ايه ؟
مصر جعانة مصر مليانه بلاوى
خلاص سيبو مكانكو فى السكن وفى الاكل وفى المواصلات وفى الشغل لناس تستحقها لناس بتحبها
الله ينتقم فى كل من أشعل الفتنة الطائفة وكل من شجع مسجلين الخطر على ارتكاب افعالهم الإرهابية
الله ينتقم من الجماعات الإسلامية اللى الإسلام منها بريئ
الله ينتقم وياخد كل من فكر فى أذية اى شخص مختلف فى العقيدة اخذ عزيز مقتدر
الله ينتقم من كل واحد يشجع الزانية المسلمة ويقتل المسيحى اصله دخل شقه دعارة مسلمة .. يبقوا الداعرات يكتبوا داعرات للمسلمين فقط على الابواب بعد كدا او يشوفوا بطاقة اللى هيزنوا معاه
موت 7 مسيحيين كلهم شباب فى عمر الزهور واطفال غير الجرحى
سرقوا فرحتهم بالعيد وقتلوهم برصاص الإرهاب والغدر .. وقاعدين لحد يولولوا على شهيدة المرجيحة اللى اطلقوا عليها شهيدة الحجاب
مستنيين ايه ؟؟ بعد الانحطاط وقلة الادب على المختلف عقائديا مستنين سمعتكو تبقى ايه فى الخارج ؟؟
الله ينتقم من كل من افتى بتكفير الآخرين وعلى رأسهم القرضاوى والحيوانى وحسان
الله يحرق قلب كل واحد لا يهمه أمن مصر ولا سلامتها وعايز فلسطين اللى سايبة اسرائيل تدبح فيهم تدخل تستوطن فى العريش من خلال الأنفاق .. مش عارفه ايه الناس البادرة دى ؟؟؟ مش عارفه ايه الناس اللى معندهاش دم دى ؟؟؟
فوقوا بقى حماس دى اخطر على الفلسطينين من الاحتلال نفسه .. وافعالهم الاجرامية يندى لها الجبين
الله يحرق قلب كل ارهابى على اعز ما يملك وكل من اشعل الفتنة الطائفية او ايقظها ويشوف ابنه بيتقتل قدام عنيه ويقتل الفرحة فى قلبه وفى عينيه
ذنبهم ايه شباب فى عمر الزهور يتقتلوا وتتحرق قلوب اهاليهم عليهم ؟؟
اى اسلام اللى دعى للإرهاب وقتل الأبرياء يا ظلمه ؟
اى اسلام اللى قال شوية بلطجية يستدرجوا مسجلين خطر ويدولهم فلوس من التمويلات الخارجية اللى بيتجى لهم ويقنعوا الجهله بان الكاتب اللى يدعو للتفكير وإعمال العقل كافر وقتله واجب والمختلف عقائديا كافر واللى يقتله يدخل الجنة
الإسلام منكو بريئ يا همج يا جهله
الفديو ده لابو اسحاق الحيوان بيتكلم فيه عن مؤامرة النصارى وكأنه ضرب الودع وقاله الخزعبلات اللى ملهاش وجود غير فى عقله بس مع ان النوايا لا يعلمها الا الله إلا انه واضح معاه توكيل من ربنا ومحدش عارف انه يعرف نوايا الناس فيها علشان تعرفوا الجهلاء والمتخلفين اختلقوا الفتنة ازاى ومنين

Comments

نونا مجدى said…
ربنا ينتقم منهم كلهم اللى حرضو واللى نفذو وربنا يرحم كل شهدائنا
بعد اذنك هاخد الصورة بتاعت الشهداء ممكن
الصعيد المنسي سيناء المنسية

لازم زيادة الاستثمارات في سيناء و الصعيد

عشان نقضي الارهاب مع وجود

أمني مكثف في الصعيد لتطهيرة من الأرهابين

الارهاب لا دين لة
Tears said…
صراحة معاك حق ....بالرغم ان الدعاء بتاعك صعب بس فعلا المتأسلمون شوهوا الدين و اينما وجدوا حل الخراب...افغانستان...ايران...السعودية...اليمن
فعلاً الله ينتقم منهم
انا كنت حاسس لما بقول لحد مسيحى جارى : كل سنة و انت طيب

ببقى خايف يرد عليا رد وحش بناءاً على أولادهم اللى ماتوا فى نجع حمدى

ربنا يستر و الموضوع ميتطورش أكتر من كدة

و الاسلام بريء من اللى بيقتلوا الناس لمجرد اختلافهم فى الديانة

دا الرسول صلى الله عليه و سلم لما جاره اليهودى اللى كان بيرمى القمامة فى طريقه بطل يرمى الزبالة
الرسول راح زاره

تقوم احنا نعمل كدة ؟؟
كافى خيرى شرى said…
والله حرااام كده ستات تترمل وعيال تتيتم عشان شوية مجانين لاعقل ولادين
ان ها علق بس علي الفيديو بتاع او اسحاق

يا عم الشيخ ..... الفتنة نائمة لعن الله من ايقظها
Sahran said…
قطتي العزيزة

يعني شو كنتي متوقعة من اللي بيقتل أولاد شعبه , ويذيقهم العذاب والمرار , فهل سيكون لطيفا مع الشعوب الأخرى .

أتمنى أن لا تأخذوا الأمر على أنه حالة عداء مع الشعب الفلسطيني المجروح , فنحن ضحايا لحماس خادمة إسرائيل بلا منازع , فهم من سببوا الفرقة والانشقاق بين صفوف الشعب
إنهم أهل فتنة وتخريب , وأكثر ما يستطيعوا فعله هو التخريب .

كنت أتمنى لو وجهت حماس بنادقها تجاه الجنود الإسرائيليين الذين يستطيع أي مسلح في حماس اقتناص الواحد منهم , ولكن حماس سخرت ميليشياتها الإرهابية لحماية الحدود الإسرائيلية من أجل إثبات أنها البديل الأفضل لسلطة فتح و وبالتالي تتجه إسرائيل للتفاوض معهم

ألم نقل لكم بأنهم خونة
Mai Zamalkweya said…
ربنا يرحم شهيد الحدود وينتقم من اللي قتلوه ويتنقم من اللي شمتانين في موته وبيقولوا ده رد فعل طبيعي للي بتعمله مصر في مصريين خطر علي مصر اكتر من اسرائيل نفسها لانهم وصلوا لدرجه من كره مصر وحب البلاد التانيه والله لو ايران دورت علي ناس بتكره بلدها علشان تعملهم جواسيس مش هتلاقي احسن منهم
وربنا يرحم المسيحيين اللي اتقتلوا من عديمي الدين --لاني برفض اقول علي اللي قتلوهم مسلمين -- وبيلزقوا الخبر في ان سائق توك توك مسيحي اغتصب طفله مسلمه ولو اني مش مصدقه الحكايه دي بس حتي لو صجيجه في كام قضيه اغتصاب بتحصل في البلد كل يوم هل اللي هيروح يغتصب واحده هيسألها الاول انتي مسلمه ولا مسيحيه ؟؟!!
لو عايزين حد نحاكمه في الجريمتين يبقي مفيش احسن من بتوع الفضائيات اللي بيسموهم شيوخ لانهم اللي زودوا كره المصريين في بلدهم بادعائهم ان مفيش حاجه اسمها حدود في الاسلام وزودوا حب المصيين لبلاد تانيه غير بلادهم
وهما بردو اللي زودوا الفتنه بين المسلمين و المسيحيين بكلامهم المستفز عن المسيحيين
ربنا يتنقم منهم ال علماء الاسلام ال
انا بقدم كل التعازي وحزني و اسفي لاخواتي المسيحيين واتمني انهم يقبلو
مفكر said…
هل هؤلاء القتله المجرمون فى نجع حمادى ينتمون لجنس البشر؟ اشك كثيرا..انهم اخوان طالبان المتكسبين من اكبر تجارة مخدرات تقتل الملايين فى العالم
وحماس التى باعت القضيه بغبائهم وجهلهم وتخلفهم وطمعهم وافعالهم النى ترقى لمستوى الخيانه
من اين كل هذا القبح
من مثل هؤلاء الشيوخ الذين يشوهون عقول ونفوس ضحاياهم من البلهاء والمغيبين
ماذا نقول فيمن سبب لنا كل هذا الغم والأكتئاب يوم عيد مولد صانع السلام المسيح بن مريم
الذى نجلها كمسلمين
لنا ادراك وفهم
Desert cat said…
نونا مجدى
الله امين يا نونا ربنا ينتقم منهم وياخدهم اخذ عزيز مقتدر
Desert cat said…
مواطن مصري
اتفضل خد الصور واى حاجه عايزها من المدونة تحت امرك
Desert cat said…
مواطن مصري
كلامك صح يا مواطن
بس الحكومة مش فاضية
الحكومة وراها توريث
Desert cat said…
Tears
الله ياخد المتاسلمون ويريح العالم منهم
Desert cat said…
مهيج الجماهير
ومين عنده دم مش مكسوف يا علاء
الله ياخد كل انسان حاقد
Desert cat said…
كافى خيرى شرى
انا بجد قلبى محروق عليهم قتلوهم وقتلوا فرحة اهاليهم بيهم
ربنا يدوق اللى عمل كدا من نفس الكاس
لمواطن مصري
ايضا ممكن نقول الدلتا المنسيه و اننا في الدلتا في حاجه الي استثمارات كي تخرج الدلتا مما هي فيه
تحياتي
ما حدث فى نجع حمادى نتيجه لشحن الفضائيات للجهله والاغبياء وارجو الذهاب الى http://aklgdeed.blogspot.com/
Kontiki said…
cat
حرقوا قلب امهات على ولادهم ونكدوا على ناس يوم عيدهم
ونكدوا علينا
والله ما قدرة اتكلم
بعد اذنك حاخد صورة الشهدا
لانى ناوية اذهل الجميع بردود افعال البشر حول هذا الموضوع فى بوست
اتمنى اقدر اكتبة لان اللى شفتة و سمعتة منهم مش قادرة استوعبة لحد دلوقت
malika said…
وانا معاك ربنا ياخد كل الاشكال البشعة دي الى عكرة حياتنا و عايزة تضيع أمننا
امتى هانعرف طريقنا و نقف كلنا صف واحد ضد الاعداء الحقيقية لينا ونبطل ناكل في بعض أمتى بس
Tarek said…
طبعا عادي جدا إن واحد ولا ألف واحد يجيبوا مدافع رشاشة و يموتوا المسيحيين و المسلمين و مش بعيد يموتوا نفسهم طالما البلد فيها مثل ذلك الأراجوز الموجود في الفيديو ده
Anonymous said…
مصر تخسر 13.5 مليون دولار يوميا جراء بيع الغاز لإسرائيل

قال السفير المصرى السابق المحامي إبراهيم يسرى أن القاهرة تخسر من جراء هذه الصفقة مع تل أبيب حوالي 13.5 مليون دولار في اليوم الواحد ولهذا لا يمكن تبرير هذه الخسارة لا بوجود معاهدة سلام مع إسرائيل ولا بحقوق السيادة ولا بأي شيء آخر و أضاف يسرى " لا علاقة بين اتفاقية السلام وصفقة تصدير الغاز المصري لإسرائيل ، ولهذا نحن طالبنا بإلغاء الصفقة لكونها مجحفة بحق مصر وتمثل اهداراً للثروة المصرية خاصة وإننا دولة نامية تحتاج الكثير من الأموال للإصلاح الإقتصادي ولذا لا يجوز أن ندعم إسرائيل بهذا الشكل خاصة ونحن لسنا دولة غنية لكي نبذر أموالنا يميناً وشمالاً". ونفى ما تدعيه الحكومة المصرية من أن إسرائيل حصلت على هذا العقد من خلال مناقصة دولية مثلها مثل الدول الأخرى ، مؤكدا أن هذا غير صحيح وإن صح ذلك لكان سعر الغاز المصري المصدر لإسرائيل 16 دولاراً الآن. وتابع " نريد كما فعل رئيس الوزراء الروسي بوتين أن يكون تسعير الغاز حسب سعر السوق العالمية في حين أن اتفاقية الغاز "المصرية- الإسرائيلية" التي يمتد مفعولها لعشرين عاماً يمنع فيها تغيير السعر طيلة هذه المدة وهذا السعر يبدو الآن مضحكاً لأنه مثبت بدولار وربع الدولار في حين أن السعر العالمي الآن يتراوح بين 12 -16 دولاراً لوحدة القياس".

لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us
Anonymous said…
أشكرك على فكرك المستنير
للاسف هناك من يدفع الآلاف من البترودولار لتخريب نظم بعض الدول العربية و على رأسهم مصر، و للاسف يجد هذا صدى لدى عديمى الشخصية و السهل قيادتهم.
فمنهم من يدافع بالباطا عن أمور تبدو للاعمى واضحة و بعضهم يصدق انه بالانتحار سيحصل على منزلة شهيد بالجنة أما البعض الآخر مثل قاتل الجندى المصرى فهو مجرم بالميلاد و يبحث عن ذريعة ليمارس إجرامه فوجد ضالته فى كنف حماس و مثيلاتها من الموتورين.
لعن الله الغباء و لتا الله.
X said…
Thursday, January 7, 2010
الله ينتقم
copy from Desert cat
ذنبهم ايه شباب فى عمر الزهور يتقتلوا وتتحرق قلوب اهاليهم عليهم ؟؟
Desert cat said…
ناجي العلي 2000
الشيخ فهمه تقيل يا ناجى ميعرفش الكلام ده
الله يلعنه دنيا واخره
Desert cat said…
Sahran
احنا متفهمين يا سهران ان الشعب الفلسطينى مش طايق عصابة حماس
اللى مش تقدر توجه رصاصها للعدو اصلهم يخافوا من قتلهم زى الفراخ فى الجحور لكن يوجهوه للمصريين اللى واقفين يحموا حدودهم
Desert cat said…
Mai Zamalkweya
المفروض المصرى اللى يقول العرب والعروبة وده رد فعل طبيعى يتعامل على انه خاين وجاسوس
Desert cat said…
مفكر
القتلة المجرمين اللى فى نجع حمادى دول مالهمش اى علاقة بالدين كل علاقتهم انهم سمعوا شيخ سافل بيدعى فى المكرفونات على النصارى واليهود
الله ياخدهم خذ عزيز مقتدر
Desert cat said…
ذو النون المصري

والله كل اقاليم مصر منسية
لنا الله
Desert cat said…
سهيل ولى الدين علام
المفروض الفضائيات اللى قاعد يجعر فيها المرتزقة تتقفل بعد الحوادث البشعة المكررة دى
Desert cat said…
Kontiki
المدونة تحت امرك
خدى اللى انتى عايزاه
الله ينتقم من كل جاهل وحقود
Desert cat said…
malika
نعرف اعدائنا الحقيقيين ازاى واحنا مش طايقين بعض
Desert cat said…
Tarek
ويقولك على الارهابى دلوقتى شهيد
طالما الشهدادات بقت بتتوزع عل كل من هب ودب ليه مش يقتلوا فى الخلق
Desert cat said…
Sahran
شكرا على اللنك سهران
Desert cat said…
Anonymous
هما مش فاضيين للغاز
هما فايين لنطايل البنات ولقتل المختلف فى العقيدة لعلهم يحملوا الشهادة
Desert cat said…
Anonymous
شكرا لحضرتك بس ده رد الفعل الطبيعى لكل شخص ينتمى للآدمية
تحياتى
Desert cat said…
X

شكرا لحضرتك
samahyasin said…
ينتقم من مين بالزبط يا عم الحج حسبنا الله ونعم الوكيل انتوا واحد مات عتكم فضحتوا عرض الدنيا اما احنا اولادنا بموتوا بالملايين عادي

خليكم بمباريتكم احسن يا حج مرسي
اولا انا بعترض علي وضع اللينك بال
الاخ او الاخت سهران
لان المسيحيين ليسو اقلية في مصر ... ثم ان مثل هذه الندائات هي ما تفرق بصدق بين القطبي الوطن وهو ما يرفضه كل مصري


ثانيا بالنسبة للاخ
samahyasin

يا اخي في الروبة المبادئ لا تجزأ
فالقتل هو القت والارهاب هو الارهاب
X said…
جورجيت قليني ترد على الأنبا كيرلس
أسأل الأنبا «كيرلس»: من اتصل به وتعشي معه وجلس معه بعد ساعتين من جلوسه معنا؟!
وأوضحت «قليني» أن النائب عبدالرحيم الغول دخل علي اللجنة خلال اجتماعها السري مع الأنبا كيرلس، وقال: أنا نائب البلد ولازم ترجعولي لكن الدكتور فؤاد رياض أخبره أنها جلسة سرية، وبالفعل خرج «الغول» ثم دخل بعدما طلب أحد القساوسة منا دخوله.
جدير بالذكر أن الأنبا كيرلس كان قد وصف النائبة «جوجيت قليني» بأنها «وش خراب» ووصف ما قالته بأنه كذب وأنه لم يتعرض لضغوط أمنية حتي يغير أقواله ولم يقل إن محافظ قنا ضد المسيحيين، وقال إنه لا يرتاح أبدًا لها وتساءل: هل هي وصية علي الأقباط؟ وقال أيضًا: «شعرت عندما جاءت إلي نجع حمادي بأن هدفها الوقيعة بيننا.. صحيح (ناقصات عقل ودين)، وأوضح أنه لم يحذر الأمن من الحادث قبل وقوعه، وأن محافظ قنا ليس ضد المسيحيين
....................
انا أطالب قداسة البابا شنودة بسحب الانبا كيرلس من عمل الايبراشية و دخوله للدير . أنا أستمعت الي اقواله و فيها تضارب شديد جدا وواضح . لماذا هذا النفاق يا نيافة الانبا كيرلس . انا اعرف ان هناك ضغوط شديدة عليك من الامن . فاذا كنت خائف علي اولادك المعتقلين و لا تريد قول الحقيقة المرة فعلي الاقل التزم الصمت احسن .
كل التحية للبطلة جورجيت قلينى اللى هيخلص منها الحزب فى اقرب فرصة لكن احب أوضح الصورة وأقول أن الامن هدد الانبا كيرلس بمذابح شعبية ضد الاقباط فى نجع حمادى وبهجورة وفرشوط وغيرها إذا ما غيرش كلامه وشهد بالزور عن عظمة الامن الى كان متواطئ بالفعل مع المجرمين.

الانبا كيرلس متبهدل ومدبوح من الداخلية الى بتتعامل مع الاقباط على انهم رهائن فى ايدها.

وقد تم اعتقال عدد كبير من الاقباط ويتم تعذيبهم بالكهرباء والضرب

أرجو من كل المسلمين ان يتضامنوا معنا ضد الحزب الوطنى ورجاله

لأن الحزب الوطنى إستغل واقعة اغتصاب الطفلةالمسلمة (وهى جريمة جنائية حقيرة يحدث مثلها كل يوم)لأشعال قنا وتدمير الاقباط قبل الانتخابات القادمة

تدور فى قنا منذ نوفمبر الماضى حرب أهلية من طرف واحدابتحريض عبد الرحيم الغول نائب الحزب الوطنى بدأت بنهب وتدمير كل ممتلكات موارد رزق وبيوت اقباط فرشوط وتهجير أقباط الكوم الاحمر ، ولم تكن جريمة نجع حمادى التى نفذها بلطجية الغول المعروفين سوى حلقة فى مسلسل ارهاب الحزب الوطنى

اشهد أمام الله ان كل ما حدث فى قنا من جرائم لم يكن له اى علاقة بالسلفيين او الإسلامين أو الإخوان بل كله جرائم للحزب الوطنى الحاكم.

http://dostor.org/politics/egypt/10/january/13/2860

Popular posts from this blog

قميص دهشور

كل تحرش وانتوا طيبين