برافو شيخ الازهر

أجبر الدكتور محمد سيد طنطاوى، شيخ الأزهر، إحدى الطالبات المنتقبات على خلع نقابها، أثناء جولته التفقدية لمعاهد الأزهر للوقوف على مدى استعدادها لمواجهة انتشار فيروس «H١N١» المعروف باسم «أنفلونزا الخنازير»، معلناً عزمه إصدار قرار رسمى بمنع دخول المنتقبات معاهد الأزهر.

ولو ان الوقت تأخر يا شيخنا وتوغلت الجماعات الارهابية تحت مسميات عدة داخل مصرنا الحبيب وكل همهم وأد المرأة ثم الجهاد ضد الاثار الفرعونية اللى هى فى عرفهم العبيط والغبى اصنام ثم التحول لالغاء كلمة نهر النيل ونقول عليه الترعة نظرا لان الأنهار المقصود بها فقط انهار الجنة فباى وجه حق نطلق لفظ نهر على انهار الدنيا الفانية الغدارة دى
وشوية كمان وكنا هنلاقى وادى سوت بكل سؤاته اتنقل فى الميادين والشوارع العريقة ونقضيها بقى مع بعضيشنا كدا هدم مدارس الفتيات لقفل المحلات اللى مش تبيع غير السواك والعطارة فقط وبعدها نقتل فى بعض ونقول ده جهاد فى سبيل الله لحد ما نخلص على بعض
بجد بجد برافوا عليك شيخ الازهر ودع الاخوانجية يعوو والقافلة تسير قال مقدمين طلب لاقالته قال فاكرين نفسهم الحاكم بامرة هموت واعرف ليه ماسكين اوى فى النقاب كدا هما ولمؤاخذه يعنى بيبعتوا نسوانهم اماكن مشبوهه وخايفين احسن النقاب يتلغى يقوم يبان جراب الحاوى ؟
؟

وكمان الدكتور هانى هلال منع المنقبات الفاتنات من دخول المدينة الجامعية يطول عمره وينصره على من يعاديه هاى هيئ ومن بجاحتهم عاملين وقفات احتجاجية وكلهم واقفين وشهم مش يفرق عن قفاهم كنت بشبههم بكيس الزبالة الاسود المربوط طلعت ظالمة كيس الزبالة معاهم ده كيس الزبالة له ملامح اما دول بوقفتهم الفاشلة مفيش فرق بينهم وبين براميل زفت متكومة جنب بعضها ... اخيرا بارقة امل بدأت تظهر فى مصر كان فينها انفلونزا الخنازير من زمان ..رب ضارة نافعه

Comments

برج المراقبه said…
انا اتهم هؤلاء الذين تحدثتى عنهم ويريدون مصر صحراء قاحله بالخيانه
...نعم بالخيانه لماذا
لنفكر قليلا
مصر هى الدوله العربيه الوحيده التى استطاعت ان تلقن اسرائيل درسا قاسيا
فى اكتوبر
باسلحة اقل تطورا ولكن بعقول اجادت التخطيط
وقبل كل هذا بما انجزته مصر طوال قرنين من التحديث ولمعت اسماء كبرى فى العلم والأدب والفن والثقافه وتحولت مصر الى مركز اشعاع حضارى للمنطقه
زلذلك من يريد ان يجردها من مصادر قوتها هذه هو خائن خائن خائن
فلا حرب او عمل كبير بدون مصر
رغم ما اصابها فى الثلاثين سنه الماضيه على يد جماعات التخلف ونشر الغباء بكل همه ونشاط باسم الدين
وسوق الناس كالقطيع بعد ان سلموهم عقولهم يعبثون فيها كما يشاؤون
و الله يا قطة انا مش مستوعب اصلا موضوع النقاب ده....خلاص البنت فظيعه اوي و اللي هايشوفها سيفتن في دينه و يخسر دنياه..عموما انا مش منبهر أوي بشيخ الأزهر في موقف زى ده بل ارجو أن يطلع علينا علمائنا الأفاضل يوما ما ليعلنوا ان ملك اليمين مثلا لا يمكن العمل به حاليا و ان احكام الرقيق و غيرها لا تناسب زماننا و أن زواج المسيار و غيره هو زنا حقيقي بكل ما تحمله الكلمة...لكن هيهات لأن هذا سيهدد عرش ما يدعون برجال الدين الذين احتكروا الفتاوى و صنعوا كهنوتا جديدا ...
و في انتظار مارتن لوثر دمت بخير
Sahran said…
عزيزتي القطة :
ليس المطلوب إلغاء النقاب فقط بل ومنع الحجاب والختان وتعدد الزوجات وجرائم الشرف ومنع التنظيمات الدينية التي هدمت المجتمع وحولته لشبح يعلوه السواد والكآبة
أنا لست متوقعا الأفضل من طنطاوي فهو بالأول والأخير رجل دين ولن يغير موقفه إلاّ أن يكون قد صار إنسانا آخر
مدونتك ممتعة وأنا صنفتها من المدونات الصديقة منذ صممت المدونة

ولك مني 100 ألف بوسة محبة
ودمت سالمة
اخيرا شيخ الازهر وقف وقفة حق


انتي مش هتكتبي عن انتصار حرب اكتوبر 1973 ولا اية؟
Anonymous said…
من الآثار الموجوده فى ايطاليا ثوب يعتقد مؤمنون انه ثوب السيد المسيج لما يوجد عليه من آثار
ولكن البحث بالكربون المشع وجد انه يرجع الى القرون الوسطى وانه مزيف زيفه رجال الدين لجدث الناس للحج لأزدهار البيزنيز
ومع ذلك بعض المؤمنين يتثبثون بانه حقبقى وغير مزيف الا ان صنع استاذ كيمياء ثوبا مماثلا تماما مستخدما تكنولوجيا العصور الوسطى ليثبت انه مزيف
....المهم لم يتهمه احد بالكفر ويجل دمه
وهكذا يفضل بعض المؤمنين استمرار الوهم على مواجهة الحقيقه فى كل دين وهؤلاء هم زبائن المتاجرين بالدين فى كل عصر
خاصة مع اشتداد ظروف الحياه
عزيزتى القطه
شيخ الجامع الازهر عندما امر الفتاه بخلع النقاب فظهرت فقال لها (امال لو كنتى حلوه كنتى عملتى ايه؟ اخلعيه
وان اعرف اكتر من اللى خلفوكى)ونفهم من هذا ان اللى بيلبسوه بيخفوا انهن دميمات ومشوهات جسديا ونفسياومتمسحات بالاسلام!!و
عمو عصام said…
راهنت نفسى أنك ستعلقين على هذا الموضوع وبالطبع ستتعرضين للهجوم من بعضهم مثل الأخ أنا مش موافق ولكن لا تترددى مع خالص دعائنا للأخوات المنتقبات بأن يدركن أن الدنيا ليست ذكورا تطارد أناثاوأن النقاب ليس دليلا على العفه وهناك الكثيرات من الساقطات والمنحرفات يختبئن وراءه وأننا فى عصر أصبحت فيه اخبار الإكتشافات والإختراعات العلميه تتلاحق بشكل رهيب ومن العيب بل من العار أن نضيع وقتنا فى مناقشة هذه التفاهات
karim said…
عزيزتى ليس كل من برتدى النقاب قبيح او دميم هذا تصور خاطء ولا نستطيع ان هذا هو سبب استخدامة انا لى اقارب منقبات قمة فى الجمال ولكن ارتدوة عن قناعة وعن زيادة تدين, هناك تعليق ياسم سهران يطالب بالغاء الحجاب ايضا اريد ان اقول لة خليك فى حالك ولا تقترب من فرض اللة والا بقى بلاش نصوم ولا نصلى ولا حتى نعبد ربنا, شكرا
舞 Zamalkweya said…
برافو فعلا لشيخ الازهر بس مش برافو لصحفي المصري اليوم اللي كتب الخبر
الخبر واضح انه فيه تأليف علشان يتم اهانه شيخ الازهر في جزئيه " امال لو كنتي حلوه كنتي عملتي ايه" الصحفي المبجل عمل مداخله في برنامج 90 دقيقه وكان واضح انه زعلان جدا من القرار ده وقال في اخر المكالمه الحكومه سايبه المتبرجات في كل مكان نفس الكلمه اللي بيقلوها دعاه النقاب قال بقي االف كلمتين تخلي الناس تسب وتلعن في شيخ الازهر
وحكايه المدينه الطلبة دي متهيألي الحوار ده بيحصل كل سنه وبيعملوا شويه احتجاجات وبعدين مش بيقدروا علي الاحتجاجات بتاعتهم وبيسمحولهم بالدخول
اتمني المره دي يكون ظني غلط
ويمنعوه من مدينه الطلبه و الجامعات و المدارس و الحياه كلها
سؤال برئ اشمعنا تونس قدرت تمنس النقاب و الحجاب في المدارس و الجامعات و المصالح الحكوميه واحنا هنا مش قادرين نمنع النقاب في المدارس للاطفال؟
واحد زعلان على ما وصلنا اليه said…
حلو اوى
لماذا لا تصدر الدوله قرارا كما يلى
اذا اصر فحل المنقبه وهو ما يحدث عادة على ارغامها على ارتداء النقاب استعباطا واستهبالا وبحجة خيبانه انها حربة ملبس وهو أخر من يؤمن بالخريه
فلتلبس جاريته النقاب ولكن من حق رجل الشرطه التاكد من شخصيتها فى اى وقت فى الشارع ختى لا يستغل احد الغطاء الغريب فى ارتكاب الجرائم وهذا حق المجتمع
مفكر said…
ثقافة الأعتماد
والتخلف
لابد ان كلا منا صادف فى بنك او مصلحه حكوميه او ختى قى سوبر ماركت
عقم وتعقد وبالتالى فشل تسهيل امور الناس
حتى لشىء بسيط مثل توصيل طلبات للمنزل
لماذا هذا العجز عن وضع نظام سهل مرن يسهل حياة الناس
هل هو حب للقيود ؟طبعا لا ولكن نتيجة اهمال التفكير والخيال فلا نقدر على تخيل كل الأحتمالات ووضع خلول لها وذلك كله لأننا تعودنا ان نعتمد على الشيخ او رجل الدين ليبين لنا ماذا نفعل حتى فى ادق شؤون الحياه
وتسهيل امور الحياه هو الفرق بين التقدم والتخلف
ولا يمكن ان يحدث تقدم هع هذه العقليه الأعتماديه العاجزه عن اى ابتكار او تجديد
وهى استمرار لطفوله تعتمد على الكبار فى عمل كل شىء
Anonymous said…
ياناس ياهو
حرام عليكم كل هذا الضجيج والمعارك على قضيه خايبه لا معنى لها ولا علاقة لها بدين ولا عقل ولا بهذا البلد بل مستورده من بلاد متخلفه ...حرام ان نكون فى واد والعالم يقفز الى الأمام فى واد أخر
حرام ان نحكم على انفسنا بالأنقراض والتلاشى مثل الخيوانات المعرضه للأنقراض
يانشغالنا بهذه الخيابات
Nah·det Masr said…
اللي عايزة تتنقب تقعد في بيتها درءاً لنا من الفتنة التي ستوقعنا فيها هذه الحسناء، وخلي المواطنين العاديين زينا يتعاملوا مع بعض زي بتحضر زي باقي خلق الله.
Desert cat said…
برج المراقبة
انا ايضا اوجه لهم مع حضرتك نفس الاتهام فهم يتقاضون من اجل دمار مصر باسم الدين والدين منهم براء
Desert cat said…
واحد مصرى
والله غالبا اللى بيكونوا تحت لنقاب اما عندهم50سنة ومش منظر يعنىولو صغيرة شوية تبقى مش تفرق عن الضفدعه حاجه

معلشى ليا سؤال بس
هو انت ايهاب ؟؟
طيب لو ايهاب قافل مدونتك ليه وفينك من زمان اتمنى يكون المانع خير
وياريت ترجع تانى للتدوين بجد هيفرق معانا اوى نتحد ونعلى اواتنا قصاد الهجمة لشرسة على بلدنا من الوهابيين والسلفيين المتعفنين اللى تغلغلوا فيها دول

تحياتى ليك
Desert cat said…
Sahran
يا عزيزى اكتر ما يسيئ اصلا امرأة اللى قابلة بالذل وامهانة يعنى ايه توافق ان جوزها يتجوزعليها وتستكت علشان تربى العيال
ولا علشان ضل راجل ولا ضل حيطة مع ان غالبا بتكون الحيطة اهم من الراجل الف مرة وليها فايدة عنه

تحياتى
Desert cat said…
مواطن مصرى
اتصرنا فى اكتوبر واتوكسنا بعدها
تفتكر هكتب عن ايه بقى ؟؟
Desert cat said…
Anonymous
طالما هناك سذج لماذا لا يتربحون
هو حد يلاقى ساذج ومش ينصب عليه
ده حتى تبقى تحرم عليه عيشته
Desert cat said…
سهيل ولى الدين علام
صدقنى بيتخفوا وراه واذكر كومنت لمنقبة من حوالى سنة فى هذا البلوج الذى لم يتغير انها دخلت قالت لى بالحرف الواحد انتى متغاظة مننا له لان بنعمل اللى احنا عايزينه ومحدش عارفنا لكن انتى مكشوفه للجميع طيب ما تقلدينا وباعترافها يا عزيزى نفهم المغزى من دفاعهن باستماته على قطعة القماش اللى بتعمل من وراها اللى هى عايزاه من غير ما حد يعرفها

تحياتى
Desert cat said…
بابا عصام
يا بابايا العزيز هذا المش معاك ذهنيا ولا علاقة له باى شيئ فى الحياة هو فقط كل مهامه اظهار مدى تخلفه العقلى ورمى زبالته على اسياده
اما المنقبات الفاتنات فالطبيعى انهن يتمسكن بما يخفيهم والقى نظرة يا عزيزى على الكورنيش وهذا ابسط مثال واحصى عدد المنقبات ومرتديات الازلال الايرانى ده ان مش اتلخبطت فى العدد

يارب دايما منورنى يا بابى
Desert cat said…
karim
معلشى يا كريم انت فهمت رده غلط خالص
يا عزيى فى فرق بين قطعة قماش لم ينزل الله بها من سلطان وبين اركان الاسلام فمن رابع المستحيلات ن حد يقولك مش تصلى او مش تصوم او مش تزكى
لان دى اكان الاسلام الواضحة والمعروفة للجميع
اما الحجاب بمعناه الغوى وهو يعنى الساتر او الجدار زى الحجاب الحاجز وزى الستارة فى بيتكو كدا فا اللى عايزة تطبق معنى الحجاب الصحيح اما تقعد فى بيتها ورا حيطة تكلم الناس او تمى بقى ورا ستارة اما قطعة القماش دى مشركن من اركان الاسلام وربنا قالنا فى القآن ان النبىمحمد كان اخر الرسل والنبيين فامتا تم بقت الركن السادس ويارتى اى رسول اللى نزل بيها فى رسالته
Desert cat said…
舞 Zamalkweya
الصحفى زود كلمتين من عنده كمان جملة انا اعرف فى الدين اكتر من اللى خلفوكى برضه مزودها اوى يعنى مع ان شيخ الازهر يعرف اكتر من اللى خلفوها وخلفوه فعلا مش مجرد كلام
بس يشحد الناس ضد شيخ الازهر ازاى ما هو بالكلمتين الحمضانين بتوعه دول
بالنسبة للمنقبات الفاتنات بذمتك شوفتى منظرهم العار فى الوقفات اللى بيعملوها والله شكلهم يعر
كانهم واقفين فى الصحارء وكل واحدة مستنيه دورها علشان تتبول
ياريت وزير التنعليم العالى يثبت على موقفه

تحياتى ومودتى يا جميله
Moataz said…
برافو شيخ الأزهر مع انى ضده فى حاجات كتير بس يا ريت يصمد امام الهجمة اللى هاتحصل من الوهابيين و السلفيين و الجهله اللى مع الاسف اكتر من الهم على القلب ...و يا ريت دى تكون خطوه على طريق القضاء على جماعات التخلف و الفكر المستورد من بلاد الرمال.....فعلا لما تمشى فى الشارع ماتبقاش فاهم انتا فى ايران واللا افغانستان واللا فى الخليخ....و يا ريت التدين ده فى المعاملات كان زمانا باقينا احسن بلد فى الدنيا و لكن مع الاسف تدين سطحى و تقليد اعمى لأصحاب الصوت العالى و بقى هم الناس يا ترى ندخل الحمام بالرجل اليمين واللا الشمال......لك الله يا مصر
Moataz said…
برافو شيخ الازهر مع انك ليك سقطاتك برده ما علينا, يا ريت دى تكون خطوه فى طريق القضاء على قوى التخلف و مستوردى الفكر الوهابى من بلاد الرمال, و الله الواحد و هو ماشى فى الشارع مابقاش عارف هو فى مصر واللا ايران واللا افغانستان و اللا فى الخليج....و ياريت التدين ده كله فى المعاملات لأ فى الدقن و النقاب و الجلابيه المينى و سماع المتخلفين اللى فى قناة الناس و امثالها.....لك الله يا مصر
Marwa Rakha said…
http://globalvoicesonline.org/2009/10/09/egypt-niqab-ban-stirs-controversy/
Desert cat said…
واحد زعلان على ما وصلنا اليه
فى الحالة دى بقى هتلاقيه زى التور الهايج ويقولك لالالالا راجل يشوف وجه زوجتنا اين السيف البتار مع انها لو كشفت وشها ممكن رجل الامن يغمن عليه من المنظر الغبى اللى هيشوفه
Desert cat said…
مفكر
ده عدم تسهيل الامور ده مزاج فى مصر كلها
ده لو حص ورحت مكان تخلص فى شغل وانجزت ممكن القيامة تقوم بعدها
Desert cat said…
Anonymous
مش احنا اللى شغالين بالنا صدقنى اللى شاغلين نفسهم هما اللى بيستخبوا خلف هذه القطع القميئة من القماش
Desert cat said…
Nah·det Masr
موافقة كلامك تماما اللى عايز تتخف مش تخرج من بيتها مش ناقصين مصايب
Desert cat said…
Moataz
كل الناس ليها سقطات معتز بس اهو اخد خطوة كويسة
المفروض نحييه عليها

تحياتى
Desert cat said…
Marwa Rakha
ميرسى مروة اوى ليكى

تحياتى عزيزتى

Popular posts from this blog

قميص دهشور

كل تحرش وانتوا طيبين