المترو تأسلم

يوم الجمعه كنت واقفة فى محطة حمامات حلوان استنى المترو اللى رايح وسط البلد من قبل ما ادخل محطة المترو وانا سامعة صوت قرآن عااااااااالى قولت عادى وايه المشكلة فى صيوان عزاء ولا حاجه دخلت المحطة اتارى القرآن شغال جوا المحطة نفسها واحد صاحبى بيكلمنى صوت القرآن طلع له فى الموبايل لاقيته بيقولى انتى فى عزاء ولا ايه ؟؟ قولت له انا فى محطة المترو وتقريبا محطة المترو أسلموها وصل المترو وركبته وقعدت فى النص بين شاب فى العشرينات وراجل كبير شوية وقاعد فى مواجهتى واحد عامل مقشة واصلة لحد بطنه وقاعد يجيبنى من فوق لتحت وانا قاعدة ابص له بقرف وبقول لنفسى ايه الراجل اللى مش بيحس ده بعد القرف ده كله وهو برضه قاعد يبص اتفاجأت انى لابسه نضارة شمس يعنى مش باين انا ببص له ولا ببص لمين قلعت النضارة وقعدت محسساه انى قرفانة منه ومن منظرة وده مفيش فايدة قاعد يبصلى جابنى من شعر راسى لحد صوباع رجلى الصغير قولت وماله اعامله بالمثل ورحت قاعده متنحة له لحد ما وصلت المحطة بتاعتى .. طبعا لأن الحدث عادى ومعروف ان العالم دى اصلاً بتكون وسخة اوى فى معاملتها ومش هفكر حد بنصابين شركات التوظيف ولا النصابين اللى فاتحين محلات مسمينها اسماء زى الرحمة والرزاق والحمد ولابس جلابية مينى وعامل مقشة طولها مترين فى وشه وعينيه جاحظة لبره ومعاملته حدث ولا حرج ... فالطبيعى ان فى ناس محترمة كتير فقساهم لكن الحقيقة اللى اثارنى اكتر وخلانى اكتب عن الموضوع هو كومنت من بابا عصام
والكومنت هنقله زى ما كتبه بالظبط
عمو عصام said ...
عزيزتى القطة آسف لإزعاجك بتعليق قد يبدو خارج سياق الموضوع
ولكنى آثرت أن أقصه عليك من قبيل الفضفضه فقد حدث فى المترو أن
قام أحد الركاب من مكانه لوصوله محطته وعندما إكتشف أن أقرب
شخص للكرسى إحدى السيدات المسيحيات قام بالإشارة لرجل
بعيد نسبيا كى يأتى ويحتل الكرسى بدلا منها وعندما عاتبته السيدة بكلمات بسيطة
( يابنى شايفنى ست كبيرة قد والدتك ومستخسر فيا أقعد )
رد قائلا (بس متقوليش أمى أنا أمى مسلمة ومش عايزينكو جنبنا لا دنيا ولا أخرة )
وعندما دمعت عيناها قام أحد الشباب وحاول إجلاسها أمامه فرفضت وقالت
(بلاش أحسن أنجسكو )
وآثرت أن تنزل المحطة التاليه لتركب المترو التالى
بينما تكفكف دموعها ... و ... وأنتظر تعليقك علماً بأنها أصبحت قصة متكررة يوميا
بصوره أو بأخرى وأعتذر مرة أخرى لإزعاجك
مش قادرة أقولك يابابا أنا بكيت أد أيه لما شوفت الكومنت لأنى حسيت بمدى الإهانة و الجرح اللى اتسبب فيه هذا القذر بالكلام الجارح لهذه الست الكريمة أخلاقياً لأنها مش نزلت لمستواه واحتفظت بأخلاقها وتربيتها ولا قادرة أوصف لك مدى القهر اللى حسيت بيه من الإنحطاط الأخلاقى لهذا الكائن الهلامى المسمى مجازاً إنسان لكنه فى الحقيقة ينتمى باخلاقه المنحطة لعائلة الوحوش .. ونفسى اشوفها علشان ابوس ايديها والتمس منها ان تقبل اعتذارى نيابة عن كل مسلم محترم عارف دينه كويس وعارف يعنى ايه السماحة والمحبة فى الإسلام وعارف ان الرسول محمد صلى الله عليه وسلم مات ودرعه مرهون لدى يهودى يبتاع منه طعام لأهل بيته ... فما لا تستغرب يا بابا من هذا القذر فما تبثة القنوات الدينية من سموم وصراخ وعويل تجعل من هذا الحيوان الآدمى مصاص دماء وللأسف يلصق انحطاطه بالدين
ماذا لوكانت أخرجت الإنجيل من حقيبتها وجلست لتقرأ فيه كما أرى دائماً فى المترو أليس حقها ؟؟ كما هو حق لمن يخرج المصحف ويقرأ بصوت جهورى فى المترو ؟؟

Comments

بحييكي على جرائتك في تعبيرك عن رأيك
منيح انه في ال"وطن العربي" لسه بنات بتفكر
Lucifer said…
قصة عمو عصام مكررة اوى !!!
انا كنت نازل من سينا و الموبايل بتاعى رن كان زميلى فى الشغل اتكلمنا فى الشغل شوية و فى وسط المكالمة كنت بهزر كالعادة و بدون اى لفظ يجرح اى حد
الاقى الحمار اللى سايق الميكروباص بيقولى القرآن شغال يا اخ وطى صوتك
رديت ببرود انا مسيحى!!
هههههههههه انا مسلم ومربى دقن خفيفة كدة
المهم الحمار دة سكت شوية لغاية اما خلصت المكالمة و انا كبرت فى دماغى اغلس على امه
هو جاهل موت لكن تقريبا بيشغل القرآن عشان يسكت الزباين
قعدت انا و هو نتكلم و كانت هتبقى خناقة
بس خلصت حقى و خنقت عليه
يا عمو عصام
كلنا مضطهدين
سوا مسلم و لا مسيحى
صحيح المسيحيين اكتر بس ربنا يستر من اللى جاى
عزيزتى قطه
مايحث فى وسائل المواصلات يحدث بأفظع فى الجهاز الحكومى فأذا المدير مسلم فالترقيات للمسلمين والمتطرفين منه او المحجبات واذا كان المدير مسيحى فانه يخاف من ترقية اى مسيحى ومايحدث هو نتاج عملية اوهبنة واسلمة مصر فى

الثلاثين سنه الماضيه,.و
A.SAMIR said…
معقوووووووووووووول؟؟؟؟
هو في كدة؟؟؟
للأمانة انا لا اصدق قصة الاخ عصام
اصل مش معقول يكون في حد بالقذارة اللي فيها الاخ اللي كلم السيدة المسيحية بالاسلوب دة
و لو القصة دي حصلت على الرغم من بشاعتها.....ايه كان رد فعل بقية الاشخاص الجالسين معهم في المترو؟؟
و ليه محدش بلغ عنه الامن؟؟
شيء لا يصدقه عقل
يا حبيبتي الدنيا كلها هتتقدم و احنا هنفضل متخلفين بسبب البشر دي
و هتفضل الدنيا كلها مفكرانا ارهابيين برضه بسبب البشر دي
و لا بشر دي حتى كتير عليهم !!
الاسلام دين مرن و سمح
هو الواد دة ابو كرسي صورة كويسة للمسلم؟؟ و اخلاق المسلم؟؟
و الراجل ابو دقن دة
يا بنتي اغلبهم نصابين هو فهيم ناس كويسين على فكرة بس اللي كويسين منهم فعلا قلائل قلائل جدا
بس اغلبهم بتوع الشرايط اللي بتتباع مع الباعة السريحة دول
ربنا يرد الناس لدينها بدل ما هي عمالة تشوهه و تظلمه كدة
عمو عصام said…
عزيزتى ..بل إبنتى..أخجلتينى بإهتمامك البالغ بتعليقى وإحساسك العالى بأبناء بلدك مسلمين ومسيحيين لكن المشكله أن هؤلاء الدخلاء علينا يعتقدون أنهم يخدمون دينهم وإلههم عندما يضطهدون الآخرين ويتمادون فى أفعالهم لعدم وجود أى رد فعل من المسؤلين ولكن ستظل كلماتك نبراسا يضئ وسط الظلام مؤكدا أنك وآخرين كثيرين يرفضون تقسيم مصر أو نفى الآخر داخل بلده وستبقى مصر بخير مابقى فيها من هم مثلك وأهنئ نفسى لأن ظنى فيك لم يخب
*********
ماذا لو كانت أخرجت الإنجيل من حقيبتها وجلست لتقرأ فيه
**********

هاهاها .. دول كانوا فتحوا باب المترو ورموها منه والمترو بيمشي .. ايوا كانوا رموها هي وإنجيلها المحرف المنسوخ المنحول !!

معلش يا قطة .. سامحيني دي مش مبالغة .. لكن هو دة الواقع الأليم في المجتمعات الاسلامية وخاصة في مصر ..

أما انتي يا حنان .. فأد إيه انتي انسانة محترمة واشكرك علي كلامك الطيب والرقيق .. يا ريت يكون كل الناس بهذة الاخلاق الرائعة والعالية ...

واشكر عمو عصام علي هذا التعليق اللي بجد أحزني جدا .. للأسف نفس الشيء بيحصل معايا .. لما حد يشوف الصليب في إيدي ويعرف اني مسيحي واجي اقولك يا أخي .. يقولي احنا مش أخوة .. المسلم بس هو اللي أخو المسلم ... انتم مشركين بالله والمشركين انجاس!!!!

يا رب بقه ارحمنا من الجهل والتعصب
ولو تسمحي لي يا حنان ان انشر تعليق الاستاذ عصام عندي بالمدونة

..

وشكرا لك :)
سمراء said…
هذا يحدث فعلا ففي الكثير من المواصلات العامة بخرج المسيحيون كتاب الصلاة او الانجيل ليقرأو فيه
السؤال في رايي متي ينتهي هذا التحدي ويتفرغ الناس لما هو اهم نمو الوطن

سمراء
اقصوصه said…
اكيد تصرفات كل انسان تمثل نفسه

لازم ما نضفي على كل تصرفات

الانسان الخلقيه بعد دين

لانه هالتصرفات مرتبطه بتربيته

واسلوبه بالحياه

حسن الخلف وحسن التعامل والتهذيب

صفات انسانيه لا ترتبط بمذهب او دين
Anonymous said…
وماذا عن فوضى ميكرفونات الفجر
صديق جراح يتصل بى قرب الخامسه صباحاوانا سهران واعلم منه انه صحا من نومه مرغما فى هذا الوقت المبكر والسبب ان بيته وهو فى حى راق يقع بين ثلاث او اربع ميكرفونات لمساجد وزوايا فى نفس الشارع وكلها تفتح وقت الفجر ولأنها لا يمكن ان تبدا فى نفس الوقت تكون النتيجه ضجيج وكل ميكرفون يغلوش على الباقين
مما يشوه الأذان نفسه ويقلق مثل هذا الصديق الذى يحتاج للنوم لأنه يجرى فى الصباخ عمليه جراحيه دقيقه
فهل هذا يمكن ان يصدر الا من اناس لا عقل ولا تمييز لهم
واين الدوله من هذه الفوضى
الا يؤثر هذا الضجيج على من سيعملون فى الصباح دون ان يتمكنوا من النوم
كالسائق او الطيار
الا توجد وسيله للحد من هذه الفوضى
ام اننا نهوى تدمير حياتنا بايدينا
ثم نبحث عن شماعه ونتوهم من يعادينا ويهدم حياتنا ولا يهدم حياتنا الا مثل هذه التصرفات الهمجيه
karim said…
احسنتى فتح هذا الموضوع عندك فعلا مش عارف بقى فى ايية واللى حصل ليكى وللست الكبيرة بالسن دة يدل ان مفيش رجالة خلاص فى بلدنا محديش بيقف لحد علشان خايف,اما بالنسبة لموضوع اللى بيقروا قران بصوت عالى دة بردوا شىء غريب خصوصا انة بيقرا غلط وكمان صوتة وحش يعنى لو بيقرا كويس وصح اقوليك ماشى, زى اللى بردوا يركب ميكروباص ويكون فاتح قراان ويفضل مشغلة بصوت عالى اكنة لوحدة فى الكون ولو حد جالة تليفون على الموبيل ويقولوا يوطى الصوت يبوصلوا اكنة بيكفرة, حسبى اللة ونعم الوكيل, بلدنا بقيت بايظة فى كل حاجة, تحياتى
برج المراقبه said…
المراهالمتخلفه اسمها اسماء
منظمة "بوب تيك" الأمريكية المستقلة اختارت حياة سندي، مع علماء آخرين على مستوى العالم، وقالت إنه ينتظر أن يحدثوا تغييراً كبيراً في منظومة الحياة البشرية بأبحاثهم، كما أنها أول سيدة يتم اختيارها من الشرق الأوسط.
وهى من اصل سعودى وتعمل فى جامعة هارفارد
فتعلق اسماء من السعوديه
اذهبي تعلمي امور دينك وهتمي ببيتك وولادك وربيهم التربيه الصالحه .!.افضل لكِ من تعلم امور الدنيا ...!!!!!!!!!!!!...........والسلام
ايـــــويــــة said…
والنبي زعلت قوي علشانك من ابن البهيمة اللي غرس نظرته السامة فيكي, ربنا يسترنا ياختي


وعلشان قصة الاستاذ عصام بردو زعلت قوي من ابن المزبلة اللي بيتكبر على الست العجوز, وهي لو كانت شابة كان قام وقعدها مكانه

انا كمان بامر بالحجات دي وباحس بالاهانة وباحس اني اتدفنت تحت الارض كام يوم من كل مرة بيحصل فيها معاية كدة, بس يا ريت ربنا يوريهم في ولاياهم الحاجات دي قدام عيونهم علشان يحسو بكل لحظة الم

بكل لحظة اهانة
بالجرح اللي بيكبر كل يوم


دة انا على وشك ارتكب جريمة قتل في حد فيهم من كتر الغل اللي بيتراكم جواية من القصص اللي باسمعها واللي بتحصل معايا

ربنا يستر - وازا ما سترشي انا هافتح الستار علاخر

ايوية
ماهو انا لما بتكلم في المواضيع دي الناس بتقوم عليا
لما بقول ان دا تخلف مش تدين الناس بتزعل منى
بس دا مش تخلف دا غباء والاكتر ان بينفر من الاسلام مش بييقرب منه
الناس دي اكتر ضرر على الاسلام من بعض المهاجمين له


تحياتي على جرأتك
وللحديث بقية

محمد سمير
عمو عصام said…
إلى الأعزاء أصحاب التعليقات التى لاتصدق حدوث الواقعه :بالتأكيد كل من يركب مترو الأنفاق يوميا يشاهد عشرات من هذه الحوادث وقد حدثت الواقعه التاليه مع إحدى الزميلات المسيحيات فى عربة السيدات وهى واقعه كوميديه ولكنها الكوميدياالسوداءفقد ركبت السيده مع إبنها(5سنوات)وجلست بجوار سيده منتقبه تحمل إبنتها (حوالى 3سنوات)وبدأت البنت تميل لمداعبة الولدويتبادلان الشد والضحك وإذا بوالدتها تصرخ فى وجه الولد فقال لها (هى اللى بتلاعبنى ياطنط)فإذا بها تقسم بالمصحف وبالله العظيم أن تنقب البنت قبل أن تركب بها المترو مره أخرى حتى لايطمع فيها( عيل مش مسلم) وقامت لتجلس بعيدا خوفا على إبنتها ولأن المصائب لاتأتى فرادى فقد قامت أكثر من سيده مسلمه لتجلسها مكانها بعيدا عن الولد السافل وحمايه لشرف البنت المسلمه و...وشر البلية مايضحك وأنا أعذر كل من يكذب هذه الحكايات ولكنى أطالب الجميع بركوب المترو يوميا ولينعتبرها رحله ترفيهيه نرى فيها العجب وفى النهايه أؤكد أنهناك الآلاف من القصص التى ت}كد قوة العلاقه بين المسلمين والمسيحيين الذين يتعاونون بصدق وإخلاص ودزن تمييز بين دين وآخر ..وللجميع التحيه
انا فتحت التعليقات و ناوي اقفل
لاني بصراحة قرفت من الكلام الكتير في الموضوع ده و حاسس ان فيه مصايب كثيره قادمة خلفه
كانه هبوب ريح تسبق العواصف الشداد
Anonymous said…
متى نفهم
متى نفهم ان الفكر مهما كان خارجا عن المالوف لايقوم الا بالفكر وليس بالنيابه والمحاكم
وسنظل متخلفين مهما قلنا ختى ندرك هذه الحقيقه
والمناسبه كما يلى
قرر المستشار عبد المجيد محمود النائب العام إحالة البلاغ المقدم من 3 محامين ضد الدكتورة نوال السعداوي إلى نيابة أمن الدولة للتحقيق فيما نسبوه إليها من ازدراء الدين الإسلامي والتهكم عليه في تصريحات في إحدى الصحف المستقلة.

وجاء في البلاغ المقدم من رضا السبكي وعارف عبد الفتاح وخالد أبو صليب أن رئيس تحرير الصحيفة سمح لنوال السعداوي بسب الإسلام والتهكم عليه بقولها إن "الدين حالة فردية يمارس في البيت مثله مثل الجنس" ، وأنه "عبارة عن كتب تضم أفكارا ضد الآخر".

وأكد البلاغ أن نوال السعداوي اعتادت على السخرية من الأديان السماوية والمقدسات دون أن يحاسبها أحد أو يتم تطبيق القانون عليها.
ياناس اعدم القدماء سقراط لنهم اعتقدوا انه يسىء الى ألهتهم
وكان على حق وهم على باطل كما اظهرت الأيام من يؤمن اليوم بالهة الأولمب
Anonymous said…
كيف تسرق ةفى امان تام دون ان يتعرض لك احد
الا اذا شك فيك رجل امن يقظ
لقت مباحث قسم شرطة بندر المنيا القبض على

عاطل قبطى، انتحل صفة سيدة وارتدى النقاب،

ليقوم بسرقة عملاء فرع البنك الأهلى بالمنيا.

تلقى اللواء محسن مراد، مدير أمن المنيا، بلاغا من

العميد محمود حافظ، مأمور قسم شرطة بندر

المنيا، أمن البنك الأهلى من القبض على سيدة

منتقبة فى أثناء قيامها بسرقة عدد من رواد البنك،

ولما تمت إزاحة النقاب عن وجهها تبين أنه رجل

ويدعى ع. ت. ي. ، 22 سنة، مسيحى الديانة.

وبمواجهة المتهم فى التحقيقات التى يباشرها وليد

عباس رئيس نيابة بندر المنيا، تحت إشراف

المستشار جمال فهمى، المحامى العام الأول لنيابات

جنوب المنيا، اعترف بقيامه بسرقة عملاء البنك،

وأنه ارتدى النقاب حتى لا يعرفه أحد ولا يحاول

رجل الاقتراب منه، فقررت النيابة حبسه 4 أيام

على ذمة التحقيق.
عزيزتي قطة الصحراء

انا بدعوك تجي تزوري دبي و تركبي مترو دبي الرائع
راح توقعي في غرامه فورا

لا ضايقي حالك من يلي بيصير في مصر
ما في فايدة

تحياتي
مطلق said…
للمره المليون يا قطه معنديش غير كلمه واحده زهقت من كتر ما بقولها

و طول ما الفكر الوهابي متعمق في البلدي عمرها ما حتشوف خير ابدا

ده الرسول عليه الصلاه و السلام سأل علي اليهودي الي كان بيئذيه لما يوم مجاش يعمل عملته و كان بيوصي الجنود باهل البلاد من غير المسلمين في وقت الحرب

والله انا قربت اتاكد ان دينهم غير دينا


يارب يحرقهم تحت و فوق
برج المراقبه said…
العكس بالعكس مابين هنا وهناك
الشباب السعودى يثور على المتشددين فى مظاهرات واعمال شغب فى الخبر والدمام
نهدى القصه للمغرمين بتفليد عادات يثور اهلها عليها ويقوم المقلدون هنا بروايه كوميديه هزليه
حينما يقلدون عادات متخلفه باليه فى طريقها حتما للأنقراض
لأنها تجافى العقل والمنطق والدين
نص البى بى سى
Twenty Saudi youths have been

given 30 lashes each following

disturbances on the country's

national day, local reports say.

The Saudi press reported that gangs

of hooligans had smashed shops in

the eastern city of Khobar.

Other reports say clashes broke out

when religious conservatives tried to

stop the celebrations which they

regard as blasphemous.

The public punishment allegedly took

place in Khobar and nearby

Dammam.

The original incident took place on

the country's national day on 23

September.

Saudi newspapers have accused the

youths of going on the rampage,

claiming that shops and restaurants

were smashed and in some cases

looted.

The BBC's Sebastian Usher says the

media have voiced serious concern

over what would be a rare incident of

unrest on the streets of the tightly-

controlled kingdom.

Some Saudi websites say religious

conservatives, offended when the

young Saudis took part in festivities,

provoked a violent confrontation.

Wahhabism is the dominant form of

Islam practiced in the kingdom and

followers adhere to a strict code of

conduct.

Conservatives are said to be

unhappy that a university opened on

the day by King Abdullah was co-

educational.
Mona said…
أدعوكى لقراءة هذا المقال
http://www.soufia.org/vb/showthread.php?t=3631
المقال جاءنى عن طريق زميل ميسيحى يعيش فى كندا بحثت عن اللينك فى النت لارسله لك كمثال أخر من التخلف الى على أصوله وأنا أقول لكل هؤلاء حسبى الله ونعم الوكيل
Anonymous said…
مسجل خطر تحت النقاب وسط السيدات
ألقت مباحث القليوبية القبض على مسجل خطر هارب من حكم بالمؤبد حاول التخفى فى زى سيدة منتقبة، واستقل عربة السيدات بمترو الأنفاق بشبرا الخيمة.

أحيل المتهم للنيابة، فأمرت بحبسه وتقديمه لمحاكمة عاجلة، وكانت حملة تنفيذ الأحكام قيادة العميد بلال لبيب مأمور قسم ثان شبرا الخيمة على المترو لضبط المخالفين فحدث ذعر فى إحدى عربات السيدات عندما حاول المتهم التحرش بإحدى السيدات.

تمكن رجال المباحث من القبض عليه ويدعى «ه. ع إسماعيل» 25 سنة، وتبين أنه هارب من حكم مؤبد بالسجن 25 سنة فى قضية مخدرات.
Anonymous said…
مسجل خطر امام مسجد
قدم الدكتور فريد إسماعيل عضو مجلس الشعب بطلب إحاطة للدكتور فتحى سرور رئيس المجلس والدكتور أحمد نظيف رئيس الوزراء والدكتور محمود حمدى زقزوق وزير الأوقاف يستنكر تعيين مسجل خطر بأحد مساجد دائرته بمركز فاقوس محافظة الشرقية.

وقال النائب: إن الوزارة قامت بتعيين «عبداللطيف حسن» وشهرته (عبده نبوية) والذى يعمل رسميا عاملا على الورق ولكنه يعمل إماما للمسجد بالقوة والبلطجة على المصلين وذلك بمسجد السكة الحديد بقرية كفر الحاج عمر مركز فاقوس، وقال: جاءنى عشرات الشكاوى من أهالى القرية يستنكرون وجود مسجل خطر وإمام يعظ الناس بلغة المجرمين، وأكد النائب أنه يقوم بعمليات سرقات على مستوى عالٍ وصلت إلى أكثر من ثلاثين سرقة مسجلة بقسم الشرطة وكان آخرها سرقة ماكينة الصوت والمتعلقات الأخرى بالمسجد الذى يخدم فيه وذكر أنه مسجل فى مركز شرطة فاقوس وفى ورق رسمى مسجل خطر سرقات عامة تحت رقم 584 فئة «أ» ونشاطه مستمر فى مجال السرقات العامة، وله كارت تخصص إجرامى ورغم كل هذا الإجرام والتفانى فى خدمة الشيطان لاتزال وزارة الأوقاف مصرة على بقائه فى بيوت الله يصلى بالناس بالقوة وفرض البلطجة.. ولم يستبعد النائب تزوير العامل لصحيفته الجنائية فى أثناء تقدمه للعمل بوزارة الأوقاف.
برج المراقبه said…
ياعالم لماذا نحى معارك انتهينا منها من سنين
دهوا السعوديه تناضل معركتها من اجل التطزر ...مالنا احنا ومال هعاركهم لنحييها عندنا
اقراوا
عن هبة المثقفين على شيخ معترض على الأهتلاط الجديد فى جامعة الملك عبد الله
"لو استمعنا إلى آراء هؤلاء لبقينا نعيش في العصر الحجري حتى الآن. فعندما ظهرت مدارس البنات وقفوا ضدها، وعندما استدعى الملك عبدالعزيز الخبراء الأجانب للتنقيب عن النفط خرج من يدعو لطردهم من البلد. تصور لو أن هذه الشركات لم تأت وتنقب عن النفط".

وأضاف الحمد في حديثه لـ"العربية.نت" أن "هؤلاء الذين ينتقدون الجامعة ليسوا أعداء التطور فقط بل الحياة أيضاً لأن الحياة اختلاف وتنوع بينما هم يريدون النظر الواحدة وإبقاء الحال على ما هو عليه".

ويعتقد الحمد أن موقف منتقدي الجامعة ينطلق من منطلقين: الأول التجمد الفكري، ولا يريدون أي حراك لأن فيه تهديد للنهج الفكري الذي يسيرون عليه. الأمر الثاني يكمن في أنه حين يتم تغيير هذا النهج الفكري فإن مواقعهم الاجتماعية سوف تهتز لأنهم يريدون أن يكونوا المرجعية الوحيدة في المجتمع، وهذا مخالف للتنوع الذي تقوم عليه جامعة الملك عبدالله".

وتابع "إذا أراد الشيخ الشثري التعبير عن رأيه فعليه الخروج من هيئة كبار العلماء وعندئذ يمكن أن يعبر عن رأيه كما يشاء. أما أن يقبل بمنصب حكومي ثم ينتقد سياسة الدولة فهذا لا يجوز إلا إذا تركها، وإلا يُعتبر تنصلاً من العهود التي قطعها".
Anonymous said…
حرف الأكس فى الحروف اللاتينيه حرام فى راى هيئة الأمر بالمعروف والنهى عن المنكر
كما فى المقال الذى ذكرت رابطه منى
وهذا يذكرنا بمن روج لمنع الكوسه والخيار لشبههما بعضو التذكير فى الصعيد ايام هوجة الجماعات الأرهابيه
المشكله كيف سنطالب العالم بحذف حرف الأكس من الكتب
هههههههههههه
عمو عصام said…
قطتى اعزيزه..آسف لإقتحامى مدونتك بتعليق هو الثالث ولعلى أملك عذرا مقبولا وهو تقديرى لكل صاحب تعليق سواء صدق أو كذب..مدح أو ذم وإليهم جميعا أهدى هذه القصه البسيطه التى حدثت فى عيادة أحد الأطباء بالمعادى فقد كنت أنتظر دورى وكان رقم 3ولكن حدث إن دخلت العياده سيدتان إحداهما محجبه والأخرى يبدو صليبها معلقا بعنقها وتحملان طفله (حوالى سنتان)وكانت تعبيرات وجهها توحى بأنها على وشك الموت فهى تتنفس بصعوبهوالسوائل تدر من عينيها وأنفها وفمها دون سيطره..راعنى المشهد وأثار قلقى على البنت ورغم ذلك كنت أحاول أن أخمن من من السيدتين هى أم البن ويعلم الله أنى ولمدة عشر دقائق أو تزيد فشلت فى ذلك فكلاهما ملهوفه على البنت نفس اللهفه وكلاهما تدمع عيناها من الألم وتحاول أن تمسح وجه الصغيره مما يعلق به وعندها قررت التنازل عن دورى كمشاركه متواضعه فى التخفيف عنهما ولإحساسى بأن الدقائق قد تحدث فرقا مع البنت وعندما طلبت منهما الخول مكانى تعالت الأصوات مستنكره من باقى المرضى فمن قال أنه ليس من حقى أن أفعل ذلك ومن إشترط بأن آخذ دورهما المتأخر وليس بعدهما مباشرة ...المهم خرجت من العياده وفى رأسى عشرات الأسئله هل مصر لاتزال بهذا الجمال لدرجة أنىلم أميز من من السيدتين هى أم البنت؟ وهل مصر نالها كل هذا القبح حتى ينظر كل منا لمصلحته حتى لو أدى ذلك لموت طفله صغيره أو على الأقل تهديدها بالألم ووجع المرض؟؟ولازلت أتذكر هذا الموقف متسائلا أو متفلسفا :أين أنت يا مصر ومتى سندرك أن جميلتنا الصغيره مريضه وتحتاج منا التضحيه كى تعيش ؟؟أعتذر مره أخرى فيبدو أننى (وجعت دماغك ودماغ زوارك)بما كان يجب أن أحتفظ به لنفسى ولكن يبدو أننى قد وجدت ضالتى فى منبرك الغالى كى أبث فيه أفراحى وأتراحى
Desert cat said…
GeekyArtistArabWoman
ميرسى لزوقك الوطن العربى فيه بنات بتفكر لكن للاسف مش قادرين يعبروا خوفا من عدوى العرعرينا اللى مسكت في العرب
تحياتى لحضرتك
Desert cat said…
Lucifer
اهو الحمار اللى سايق الميكوباص ده تلاقيه طول النهار قاعد يسب الدين تناقض غريب فى المجتمع
Desert cat said…
سهيل ولى الدين علام
بتمنى الـ30 سنة دول لو يتحذفوا باستيكة من تاريخ مصر
منتهى الانحطاط الاخلاقى والتردى حصل فيهم
تحياتى
Desert cat said…
A.SAMIR
ياريت تركب مواصلات عامة وانت هتشوف ماهو اسخم واسخم من الموقف اللى حكاه عمو عصام
تحياتى
Desert cat said…
قهوة بالفانيليا - شيماء علي
فعلا يا شيماء فيهم ناس كويسة بس عى فكرة الناس الكويسة مش بتستمر معاهم لانها بتكتشف مدى النفاق اللى بيتعاملوا بيه

تحياتى
Desert cat said…
بابا عصام
بالعكس ده انا اللى خجلانة جدا من الوضع اللى وصلنا له انا عندى اصدقاء اجانب مش قادرة اوصف لك كم الخجل اللى بحس بيه لما يحكو لى عن مواقف مخزية اتعرضوا ليها من تحرش لنصب لقلة ادب
Desert cat said…
Servant of Christ
هذا ما توقعته تمام لذلك اثرت طرح السؤال يا عزيزى ماذا لو اخرجتالانجيل
اشكرك جدا
المدونة تحت امرك انقل اللى تحبه
Desert cat said…
سمراء
بصراحة انا مش شوفت موضوع اخراج الانجيل ده خالص
ياريت نركز جهودنا فى التقدم ببلدنا فعلا بدلا من التحدى فى اخراج الكتبامقدرسة وفى النهاية الافعال لا ترتقى لمستوى البشر
تحياتى
Desert cat said…
اقصوصة
ومين اللى قالك اننا قولنا انها مرتبطة بالدين لكن انتى لو نظرتى للتصرفات هتلاقي اللى بيرتكبها هو اللى بيلزقها بالدين علشان كدا هما اولى بكلامك لالانا بنعرض اللى بنشوفه مش احنا اللى بنقوم بالتصرفات دى
تحياتى
Desert cat said…
Anonymous
فوضى الفجر دى لوحدها عايزة معركة حربية حامية الوطيس
لك ان تتخل شيخ ميض او طفل بذلت امه كل ما فى وسعها حتى يهدأ وينام وتأتى هذه الميكروفونات تصرخ فى اذانهم
منتهى الهمجية بجد
Desert cat said…
karim
تخيل انا راكبة المترو تانى يوم الصبح من المنيل ولان الوقت كان الساعه 8 يعنى بدرى شوية كل اللى قاعدين ماسكين المصحف ولما نزلنا الرجالة اللى ماسكين المصاحف راحوا يتحرشوا وهما نازلين انا مش شوفت ازدواجية قبل كدا بالشكل المرضى ده الحقيقة
تحياتى كريم
Desert cat said…
برج المراقبة
تخيل اسما دى ممكن تخرج جيل عامل ازاى ؟؟
اعتقد انهم لن يقلوا ارهابا عن بن وطبعا دى مش بقت كدا من فراغ يعنى برضه اهلها علموها انها عورة وان اخرها تمسح الحمام وتضاجع مولاها اخر الليل علشان تخلفاورطة عيال ليتكاثروا
Desert cat said…
ايـــــويــــة
الاشكال دى منتشرة فعلا ف كل مكان انتشار النار فى الهشيم يويو
بس برضه بتمنى زيك انهم يشوفوها فى ولاياهم علشان يعرفوا مدى الاهانة الل بتشعر بيها اى انثى تتعرض لهذه المواقف
تحياتى
Desert cat said…
غمض عينيك
لو قولنا كديا محمد بيقولوا شوفوا الاسلام بيدخله كام واحد فى العالم كل يوم
طيب ما تشوفوا برضه بيخرج منه كام واحد فى العالم
وبعدين هو انتوابتحسبوه بالعدد يا فرحتى واحد مسلم بالاسم

تحياتى يا عزيزى وشرفتنى ونورتنى كمان
:))
Desert cat said…
بابا عصام
انا شايفة ان الست بطلة القصة كانت متهاونة اوى مع البنت هتنقبها بس ازاى دى كان المفروض توأدها حية قليلة الحياء العورة دى علشان الولاد اللى مش مسلمين الوحشين مش يبصوا ها تانى ومش تجيب لهم العار

ربنا يرحمنا
Desert cat said…
ذو النون المصرى
وا جدوى الكلام يا عزيزى فى هذا الانحدار الذى نهوى اليه بسرعة البرق
تحياتى
Desert cat said…
Anonymous
هكذا دائما العاجز فما بالنا اذا كان عاجز وجاهل الطبيعى لا يملك الفكر بل يملك السيف
Desert cat said…
Anonymous
وما ابسطها واسهلا من وسيلة للنصب والاحتيال والزنا وارتكاب كل ما يحلو لهم دون ان ينكشف امرهم او يعرفهم احد
Desert cat said…
مثلية فقط
اعتقد ان اى مكان خالى من امتعرعرين سهل جدا ان الواحد يقع فى غرامة
اشكرك جدا صديقتى عى دعوتك الطيبة
تحياتى
Desert cat said…
مطلق
ممكن لو قولت لهم الرسول سال عن اليهودى اللى كان بيرمى له قاذورات فى طريقه وهو رايح يصلى الفجر مع انه مذكور فى اكتر من مدصر يقولك المصادر دى مغلوطة طالما الكلام لم يناسب هواهم
تحياتى كريم وربنا يستر علينا من الرياح الوهابية
Desert cat said…
برج المراقبة
والنساء العوديات ايضا يثورون على النقاب ويطالبون بحقوقهم فى قيادة السيارات وممارسة حقوقهم دون وصايا لكن تعمل ايه فى العقول اللى اتبدلت بعناكب
Desert cat said…
Mona
عزيزتى الموضوع ده تم اثارته فى جروب اتكلم واسمع عل الفيسبوك تعفى كان رد الوهابيين ايه ؟؟
الموضوع ده قديم انتوا ايه خلاكو تنكشوا عليه وتعرضوه تانى
تخيلى مشكلتهم كلها فى ايه ؟؟
Desert cat said…
Anonymous
وياما تحت النقاب مسجلين خطر وقتالين قتلة كمان امال بيدافعوا عنه باستماته ليه ماهو بيسلك لهم كل المصالح ومسهل لهم كل حاجه ده لو اتمنع هيبقى كارثه
Desert cat said…
Anonymous
بما انى شرقاوية وليا جذور فى فاقوس طبعا سال واتاكدت من الموضوع ده فعلا الموضوع عامل ذعر عند الاهالى والمجاورين للمسجد اذا كان مسجلين الخطر بقوا دعاة دين بالقوة الجبرية يبقى مستنين حال البلد يتعدل
ربنا يستر
Desert cat said…
برج المراقبة
الراجل رجل فى كلامه تانى وطلع واحد تالت شتمه علشان تراجع واكد على كفر كل من ينادى بالاختلاط
هههههههههههههههه
والله عالم مجانين
Desert cat said…
بابا عصام
تخيل بقى لو انت فى وسط لجمع الغفير اللى استنكر دخول طفلة للطبيب تصارع الموت اثرت قضية النقاب او الحجاب كانوا زمانهم هاجو وماجو وكل واحد عمل نفسه مفتى
ازدواجية معايير وقلة ادب محصلتش الحقيقة
المدونة مدونتك اكتب اللى تحبه فى اى وقت
تحياتى ومودتى

Popular posts from this blog

قميص دهشور

كل تحرش وانتوا طيبين