تصدقى دى طلعت عارفه كل حاجه !!

كانت جارتنا ايام زمان ... قابلتنى فى الشهر العقارى وبعد سؤالها على الأهل والإطمئنان على الحال والأحوال ولأن الاستاذ ماهر اللى ورقى عنده قدامه طابور طويييييييييييييل بطول السنة الكبيسة قولت اضيع الوقت شوية فى الرغى لحد ما ينادى اسمى اروح اوقع واخلص فى اليوم اللى مش فايت ده وبما انها اطمنت على عائلتى الكريمة اسال انا كمان عن اخبارها .. فبينما تحكى عن اختها التى تخرجت وتعمل فى إحدى الهيئات والأخرى التى ستتخرج العام المقبل واخوها الذى سافر من 8 شهور ويعمل بالخارج
واخبار خطيبته ايه ولا اتجوزوا من غير ما تعزمونا

هى : اتجوز ايه ده ساب خطيبته
ليه ؟
اسكتى دى طلعت عارفه كل حاجه ؟
نعم يعنى ايه عارفه كل حاجه
ابداً يا ستى بيقول لنا لما بتكلم معاها بلاقيها فاهمه وعارفه حاجات كتير .. واللى فاهمه وعارفه دى يتخاف منها اصلها هتكون عرفت منين الا اذا كانت جربت يا نانا .. طبعا هو قلق وبعدين انتى فاهمه بقى الولد اللى بيكون لافف وعارف الدنيا ماشية ازاى ده بيكون عايز حاجه على الفرازة

يعنى انتى بنفسك بتقولى ان اخوكى لافف وعارف الدنيا ماشية ازاى يبقى اكيد كان ليه تجارب قبل كدا
هى بكل انشكاح وفخر : يووووووه كتير وعلشان كدا هو مش عايز اى حاجه ولا واحدة يكون حد مسك ايدها قبله
طيب ماهى اللى مش حد مسكها ايدها قبله هى كمان من حقها تختار واحد مش فى واحدة مسكت ايده قبلها
قالت فين ده هما البنات دلوقتى لاقيه تتجوز وبعدين واحد حليوة زى اخويا البنات بيترموا تحت رجليه ومش تنسى فى الاول وفى الاخر اسمه راجل لكن البنت شرفها اهم من كل حاجه
طيب معلشى هو ايه مفهوم الشرف عندك
هو الشرف الواحد يكون امين وبالنسبة للبنت مش تعرف ولاد غير الراجل اللى هتعيش فى بيته وتكون ام ولاده
طيب افرضى مش عرفت ولاد بس كدابة وبتمد ايدها وتسرق عادى ؟؟
وهل الراجل مش ليه شرف ؟؟
يعنى علشان مش فى دليل على عذريته من عدمها من حقه يزنى وفى شغله لو بياخد رشوة كدا شريف ؟؟
ولو نصاب كدا برضه شريف ؟
ولو قاتل كدا شريف ؟
هى مقاطعة حيلك حيلك فى ايه يابنتى انا بس كنت بقولك على السبب اللى خلاهم يسيبوا بعض يلا ربنا يرزقه باللى تستاهله
انا مأمنة على كلامها اللهم أمين ربنا يرزقه باللى يستاهلها وممكن تكون عرفت عشروميت واحد قبله بس اكيد يعنى مش هتقول وهتمثل دور البراءة وانها لسه حالا طالعه من البيضا ومش فتحت عنيها على الدنيا

طيب البنت الفاهمه طلعت كخه ومش تنفع

هو فى حد مش فاهم دلوقتى ؟؟
طيب هو شرف البنت بين رجليها ومش مهم اى حاجه تانية امال شرف الراجل فين ؟؟؟
اذا كان المجتمع الذكورى مديله الحق يعمل كل حاجه واى حاجه طالما مفيش دليل على عذريته وطالما هو اسمه راجل من حقه يمشى مع دى ودى لكن دى بنت لازم مش يكون واحد مسك ايديها قبل كدا اى مرض واى تشوه عقلى المنتشر فى المجتمع ده ؟؟

Comments

صوت الحق said…
حقوق وواجبات المرأة المسلمة
@@@@@@@@@@@@@@@@@@@@@@@@@@
لماذا إتهام المرأه المسلمة بأنها كائن حقير؟
@@@@@@@@@@@@@@@@@@@@@@@@@@
واجب المرأه المسلمة تجاه زوجها غير الملتزم
@@@@@@@@@@@@@@@@@@@@@@@@@@@
هذه هي عقوبة المجتمع على أي بنت لا تلتزم بزي أمهات المسلميين ،فجواز المرور لكي في المجتمعات الإسلامية هو الزي الإسلامي ،و أيضا تدافعي عن تعاليم أسعد المخلوقات ،و تدافعي عن كل القيود التي وضعها الإسلام على المرأه ،فالمرأه المسلمة هي أول المناديين بتحقيرها ،فنرى من تقول عاشقة النقاب ،و تفرح عندما يناديها الشيخ بأمة الإسلام ..


فإذا وصلت المرأه إلى هذه المرحلة فيمكن لها أن تمارس الجنس بكل حرية و منها طرق كثيرة بدون المساس بغشاء البكارة ،و لها حرية ممارسة السحاق مع صديقاتها لأنهم ينامون معا و بمباركة الأهل .

و الأهل يعطوها كل الثقة و الحرية لأنها أصبحت داعية إسلامية ،و يتهافت عليها الرجال لطلبها للنكاح .

و من حقها أيضا إذا لم يكن زوجها ملتزم و بمباركة أهلها ،عشق رجال عليه ،و يمكنها أيضا تخليص الإسلام منه لأنه مهدر الدم ،و لها حق أيضا أن الولد للفراش أي تنكح ممن تشاء من الرجال و الولد يكتب بإسم الزوج .

و حقوق اخرى كثيرة لا تتوفر لإمرأه في أي دين و لكن المهم أن تحافظ على نقابها.

فالمرأه المسلمة يجب أن تدافع عن تحقيرها بنفسها ،و بالتالي فأفعالها لابد أن تكون أفعال كائن حقير
Anonymous said…
ربنا قدم فى القرآن الزانية عن الزانى
لذلك البنت هى سبب الابتلاء
ما فعله اخو جارتك هو عين العقل
Ahmed Shokeir said…
رداً على جملتك الأخيرة وتساؤلك على هذا الحوار المستفز " اذا كان المجتمع الذكورى مديله الحق يعمل كل حاجه واى حاجه طالما مفيش دليل على عذريته وطالما هو اسمه راجل من حقه يمشى مع دى ودى " ... بصراحة مش عارف بتعيبي ليه على المجتمع الذكوري وأول من يهدر حقوق المرأة أجدها غالباً المرأة ، ولك في حديث صديقتك خير دليل على أن المراة بفكرها لها جزء كبير على تلك الأفكار

اليوم وجدت إحدي الصديقات على الفيس بوك تعيب على إحدى النساء في الإستيتس تقول " يعني دي مالهاش راجل يلمها ؟ " .. إذن المرأة هي التي تلجأ للرجل وتجد فيه الملاذ لإصلاح الخطأ

بصراحة إنصاف المرأة لن يأتي إلا من المراة لن يأتي إلا من فكر المرأة ذاتها ، ولاتعيبوا على المجتمع الذكوري مادمتن أنتن من تمتهنون فكريا حقوقها .. لا أتحدث عنك ياحنان بشكل شخصي فأنا أعلم أفكارك وتدوينتك توضح ماتريدين قوله ، ولكني أعيب على الفكر النسائي بشكل عام
مفكر said…
لا اعرف لماذا يصر من يسمى نفسه صوت الحق
علىممارسة هوايته المنحطه بالأساءه للأسلام بحشر الدين فى موصوع اجتماعى بحت ويردد
خزعبلاته وهذيانه
بصوره مستفزه
ويتجاهل ان المراه فى المسيحيه ترغم على العيش مع زوجها حتى لو كرهته واصبحت لا تطيق الحياه معه
بينما الزوجه المسلمه تستطيع ان تخلع زوجها
والفرق شاسع
وهذا مجرد مثال فقط
والأمثله الأخرى كثيره
ولا نود عمل مقارانات عقيمه ولكن يجب ان يتوقف امثال هذا الكائن عن هذيانه المجنون
Tareq said…
سلام

إنتي بتلومي مجتمعنا و بتصفيه بإنه مجتمع "ذكوري" لإنه بيشوف نفس الفعل بشكل مختلف بين الراجل و بين الست. ده صحيح ، و لكن هل مجتمعنا وحده هو اللي بيعمل كده؟
الإجابة بكل بساطة هي لا.انا قرأيت شوية في الموضوع ده و إكتشفت إن المعايير المزدوجة دي موجودة حتي في المجتمعات الغربية الليبرالية اللي بيشوفوا الراجل اللي بيعرف بنات كثير على إنه كازانوفا، دون جوان، فحل. و في نفس الوقت بيشوفوا البنت اللي بتعرف أولاد كثير علي إنها سهلة، "عجلة كل الناس ركبتها"، و بيطلقوا عليها ألقاب ماينفعش أكتبها.

إذا كان في مجتمع في أي مكان في الدنيا بيشوف الراجل و البنت بشكل متساوي لما بيتعرفوا على أشخاص كثير من الجنس الآخر ياريت تقولي لنا عنه، و إذا ماكانش في مجتمع كده، ياريت ما تنتقديش مجتمعنا و تصنفيه على أساس
إنه "ذكوري" و "مريض" و "متشوه عقليا"، او علي الأقل ما تنتقديهوش لوحده

و هنا بعض اللينكات اللي بتشرح بشكل موسع المعايير المزدوجة في الموضوع ده
http://media.www.thepenn.org/media/storage/paper930/news/2002/11/18/Variety/Studs.Vs.Sluts.The.Eternal.Double.Standard-2227507.shtmlhttp://www.psychocats.net/ubuntucat/the-slutstud-double-standard/
http://www.amazon.com/Other-Double-Standards-Every-Should/dp/1580052452
فيديو بيشرح بشكل ظريف ليه في الفرق في إستخدام المعايير المزدوجة
http://www.youtube.com/watch?v=4OfC7GkDgx0

بس إنتي عارفه مين اللي مابيشوفش المعايير المزدوجة دي بين الرجل و البنت؟
االله. الله بيقول لنا إن إحنا الإثنين مفروض نكون طاهرين و طاهرات و متقين و متقات و إن نغض بصرنا و إن الزاني و الزانية عقابهم واحد و ما بيفرقش مابينهم

سلام
Hossam said…
صديقتى الجميلة اللى بجد وحشتنى جدا جدا جدا
موضوعك اكثر من رائع ولنا مناقشة فيه باذن الله
انا طبعا معاكى فى كل كلمة انتى قلتيها فى كل كلمة بحذافيرها زى مبيقولوا فعلا المجتمع مدى الراجل الحق فى اى فعل عشان مش فى دليل على عزريتة وطبعا موضوع زى ده انا اتنقشت فيه كذة مرة مع كذة حد كبير وادى فى السن
فى رد اتردلى وحسيت انه غير متحضر بالمرة بعض الشىء واليك التقرير
الله سبحان وتعالى محصن البنت طبيعيا فهى لا تشعر بشىء الا بعد الزواج اما الرجل فمطتلباطة ليس لها وقت اذا فيمكنة فعل اى شىء ما دام البنت اللى مش كويسة موجودة حتى يشبع نفسة وعندها اصابنى الفزع فكيف يفكر هؤلاء اليس من المحرم فعل هذة المعاصى سواء لرجل ام امرأة وهنا دليل العذرية ليس له علاقة فللطرفين هو شيئ محرم دينيا واخلاقيا
تحياتى للبوست الجميل مع انه مستفز شوية لانه بينم ان لسة فى سيدات غير متحضرة وغير مثقفة بالمرة
خايف تقولى عليا من كلامى عندى تجارب من قبل كده hahahahahahhahahahah وتخافى تكلمينى
تحية لكى صديقتى
السنونو said…
المشكلة هنا مش شرفه وشرفها لأنه طالما الرجل يريد ان يكون مغفل فليكن
المشكلة هنا فى حدود المعرفة التى استنكرتها جارتك واستنكرها أخوها
الغريبة أنه ثلاث أرباع مشاكل الأزواج ناتجة من عدم المعرفة والجهل بأبسط قواعد العلاقة الزوجية
وأكيد مش معنى أنه أعرف نظرية تركيب القنبلة الذرية انى جربت أعمل قنبلة
تفكير سطحى جداً وخصوصاً أنه صاحب السوء لن يجاهر به يعنى أخاف من اللى بيدعى الجهل أكتر من اللى يعرف
舞 Zamalkweya said…
بصراحه الموضوع ده بيستفزني جدا وخصوصا الجمله اللي الناس كلها في مصر بتقولها
الراجل راجل و البنت وبنت
يعني ايه مش قادره افهم يعني الراجل من حقه يزني ويعرف 10 الاف واحده ويبقي كده راجل في عين الناس لكن البنت لو حبت واحد تستحق الموت
الناس اللي بتتكلم بالمنطق ده رأيها ايه لما الانسان يقف قدام ربنا
هل ربنا هيقسمنا رجاله وستات و الراجل اللي هيزني هيدخل الجنه لانه راجل و الست اللي هتزني هتترمي في النار علشان الراجل راجل و الست ست
انا اللي نفسي المجتمع يفهمه ان مفيش حاجه عن ربنا اسمها الراجل راجل و البنت بنت
BaTaBeeT said…
yooooooooh el mawdo3 da law etkalemna fih 100000 mara bardo mesh 7ayet3'iar fekrohom....

w 3arfa zai manty olty
انا مأمنة على كلامها اللهم أمين ربنا يرزقه باللى يستاهلها وممكن تكون عرفت عشروميت واحد قبله بس اكيد يعنى مش هتقول وهتمثل دور البراءة وانها لسه حالا طالعه من البيضا ومش فتحت عنيها على الدنيا

wa7ed zai da beya7'od 7aga mn etnen.... ya ema wa7da memasela enaha methal el bara2a... ya ema wa7da fe3lan mesh fahma ay 7aga w sa3et'ha 7ayet7'ene2 mn ennaha m2afella

rabena yehdee
Anonymous said…
أنا رغم إختلافي معاكي في التوجه لكن المرة دي أنا معاكي

بصي يا قطة.. اللي بيحصل ده غلطة من المجتمع الذي ينظر للشرف على أنه غشاء البكارة رغم أن عمليات الترقيع باتت أكثر من الهم على القلب..و كان الأفضل لهذا المجرب أن يحترم نفسه و يحترم الناس و بنات الناس و يخاف من ربه لأن الموضوع ده بالذات (داين تدان) ..بس للأسف بعض الجهلة (و للأسف هم كثر) لا يرى عيبا في إنحراف و زنا و تجارب إنحطاط الرجل..لكنه يرى الكثير بالنسبة للمرأة..

على فكرة الموضوع ده مش صح 100% و برضه مش غلط 100%..

المجتمع يأتمن المرأة على شرفها..على حفاظها على نفسها و عرضها أن يدنس لأنها هي من تحمل و تلد و تربي المجتمع..فإن سلمت التربة التي نغرس فيها البذرة..فستكون الثمرة صالحة إن شاء الله , و لكن هذا لا يعني أن تكون البذرة من فاسد ثم نرجو لها الصلاح..


ما أقصده يا حنان..الإسلام ضد المرأة المنحرفة تماما كما هو ضد الرجل المنحرف.. و يساوي بين الإثنين في العقوبة في حالة الزنا..المشكلة في عقولنا التي ابتعدت عن الدين و خلطته بخرافات و معتقدات ليست من الدين في شئ.. و عندما أراد البعض أن يكحلها عماها بمطالبته بإبعاد الدين ناسبا إليه إنحرافات البشر و معتبرا تعاليم الدين هي السبب أو حتى منكرا لبعض تعاليم الدين كالحجاب الذي أراه فرضا.

يحث الإسلام المسلمين على الزواج..و ينبههم إلى العامل الأهم في المرأة (و كذلك في الرجل).. الدين و الأخلاق و ليس الجمال أو الحسب أو النسب..
يحث الرسول صلى الله عليه و سلم على الزواج من ذات الدين التي إن نظر إليها سرته (و ليس أثارته)
و إذا أمرها أطاعته
و إن غاب عنها حفظته في نفسها و ماله

و سرته دي كلمة جميلة لأنها غامضة بحيث تشمل جميع أنواع السرور.. سرته بأخلاقها..سرته بجمالها..سرته لأنه تذكر جمال طبيخها ,سرته لانه تذكر شدة تفانيها من أجله و أولاده..

و إذا أمرها أطاعته ..مش عيب .. مش عيب لما الست تدي لجوزها بريستيجه و تكبره و تحترمه و لا يكون استعباد..و لا تشعره أنها مساوية له ..بل تشعره أنه سيدها..ليكون لها عبدا أسيرا لها..

و إن غاب عنها حفظته في نفسها و ماله
حفظت عرضه و شرفه و نسب أولاده و حفظت ماله..

بس اللي هيدور على دي مين..صدقيني الشخص المجرب (من التجربة مش من الجرب) ده لن يبحث عن تلك المرأة..لأنه دنئ لا يبحث إلا عن الجسد..و عندما ينال نهمته و يشبع من دي يتركها لاخرى..و هكذا.
Anonymous said…
بالمناسبة خدي اللينك ده لموضوع كان على العربية بعنوان
لابسة قميص نوم علشان النصيب


http://www.alarabiya.net/views/2009/06/16/76102.html
عماد said…
ممكن ربنا يوعده بواحده تعمل مع حد تانى كل الحاجات إللى هو خايف منها و هى معاه و ميكونش عارف
ايــــو يـــة said…
هههههههههه . موتني من الدحك يا نونو

هي بصراحة طلعت مش عارفة ولا حاجة بس المرة الجاية هتسكت وساعتها هتنجح في الاختبار

________________

بس الغريبة ان الذكور كل واحد فاكر نفسه انه فاهم كل حاجة وفالاخر بيتضح انه جاهل ومتخلف ومش عارف ولا حاجة

وحتى ارائه وتفكيره كله موروث من تعاليم البيت والشارع المتخلف

__________
Anonymous said…
انونمس هد كل اللى قاله
الأخ انونومس بعد ان طرخ الموضوع علىانه اجتماعى ويتعلق بمفاهيم موروثه
فجاه انتقل للحجاب وهدم مقدمته باستخدام لغة سى السيد وسيدها وعبدا لها اى لغة الجوارى
وهو بهذا كشف عن حقيقة الماساه وعى ان سبب المشكله المعروضه هو هذا بالتحديد
وان لم يدرى
والنتيجه ازدواجيه فى المعايير
Anonymous said…
هل هذا معقول
مايقوله معلق انونونمس
إذا أمرها أطاعته ..مش عيب .. مش عيب لما الست تدي لجوزها بريستيجه و تكبره و تحترمه و لا يكون استعباد..و لا تشعره أنها مساوية له ..بل تشعره أنه سيدها..ليكون لها عبدا أسيرا لها
لأ عيب والف عيب
وعيب ايضا التلاعب بالألفاظ بهذا الشكل..
واحده مستفزه said…
فاشله محاولة تمرير هذا الأستعباد بعبارات انشائيه رنانه لا معنى لها فى الواقع والتطبيق الا العبوديه
إذا أمرها أطاعته ..مش عيب .. مش عيب لما الست تدي لجوزها بريستيجه و تكبره و تحترمه و لا يكون استعباد..و لا تشعره أنها مساوية له ..بل تشعره أنه سيدها..ليكون لها عبدا أسيرا لها..
Anonymous said…
الراى الرسمى فى التحرش
البنات هن الحطر
هذا دليل اخر على العقل المتاسلم وطريقة علاجه للمشاكل الاجتماعية واتبيان اسبابها...الان اصبح لباس المرأة هو المشكلة...وكان المراة المحجبة لايتم التحرش بها...والله ان المرأة لمخلوق مسكين مظلوم في مجتمع الشرق الغارق في تخلفه...ياناس اتقوا الله في ابناء بلدكم وفي من يتبع كلامكم
هذا هو الراى الرشمى تمخض الجبل فولد فارا
بدأت وزارة الاوقاف المصرية فى توزيع كتاب عن "التحرش الجنسي.. أسبابه وعلاجه" على أئمة المساجد على مستوى محافظات مصر بهدف توعية المواطنين بحرمة انواع التحرش والعمل على مواجهة انتشار الظاهرة.

ويقع الكتاب الذي حصلت "العربية.نت" على نسخته في 40 صفحة من القطع الصغير وقام بإعداده لجنة التأليف بالإدارة العامة لبحوث الدعوة بوزارة الاوقاف، وراجعه واعده للنشر الدكتور سالم عبدالجليل وكيل وزارة الاوقاف لشؤون الدعوة الاسلامية.

وصرح عبدالجليل لـ"العربية.نت" أن الكتاب، الذي بدأ توزيعه أمس السبت، يتضمن فصلين رئيسيين هما: (الأسباب المؤدية للتحرش الجنسي) وحددها في: ضعف الوازع الديني، قلة احتشام كثير من الفتيات، الفراغ الذهني والثقافي، البرامج والاغاني "خاصة الكليبات المثيرة والخادشة للحياء" وتعاطي المخدرات، وتأخر سن الزواج، اما الفصل الثاني فتم خلاله عرض (علاج التحرش الجنسي) وتضمن: تفعيل الخطاب الديني، الالتزام بالحجاب الشرعي، قهر البطالة ونشر ثقافة العمل، تفعيل دور الاسرة، الحض على الزواج وتيسيره، وتشريع عقوبة ملائمة.

وأشار الى ان الكتاب يحدد مفهوم "التحرش" في "إلقاء العداوة بين فريقين وحملهم على الفتن والحروب، كما في حديث أبى داود عن ان (النبى صلى الله عليه وسلم نهى عن التحريش بين البهائم )، وأما التحرش بالمفهوم الخاص فيعني "التعرض للأنثى على نحو يخدش الحياء".

وشدد على انه تم في صفحات الكتاب مهاجمة الكليبات الخادشة للحياء وعرض بعض المناظر المثية في الاعلام وكذلك عدم التزام كثير من الفتيات بالزي الشرعي مستندا الى قول الامام الغزالي "إن تعرية المرأة حينا، وحشرها في ملابس ضيقة حينا آخر، عمل لم يشرف عليه علماء الأخلاق، وغنما قام به تجار الرقيق، ذلك ان حائكي ملابس النساء لايوفرون لهن كرامة ولايرجون لهن وقارا، وإنما يقصدون تهييج غرائز السوء نحوهن".

وأوضح عبدالجليل ان الكتاب انتقد ارتداء كثير من الفتيات "للجينز" مع الحجاب وجاء فيه "والأمر المؤسف أننا نرى كثيرا من الفتيات المحجبات يلبسن (الجينز) الضيق اللافت للأنظار، والذي لايتناسب اطلاقا مع ما تضعه الفتاة فوق رأسها من حجاب.

واضاف: دعا الكتاب الفتيات الى ضرورة الالتزام بارتداء الزي الشرعي وجاء فيه "على المرأة أن تكون محتشمة فى ملابسها بحيث لاتصف ولاتشف ولاتلفت الانظار بزينة أو حركة او كلام غير ذلك، وإذا كان القرآن الكريم يطالب السيدات العجائز بالتعفف وعدم إبداء الزينة حفاظا عليهن وصيانة لهن من نظرة ساقطة، فالمرأة الشابة والفتاة أولى بذلك، كما دعا الكتاب إلى الحض على الزواج والعمل على تيسيره وعدم المغالاة في المهور لتشجيع الشباب على الزواج ومواجهة التحرش الجنسي.
لاخظوا العقليه التى تبحث فى التراث باى شكل عن كلمه ولو قريبه من التحرش
فلا تجد الا التعريش بين البهائم
ههههههههههههه
الموضوع يا قطه ان هذا المجتمع المتخلف الذى نعيش فيه والموروثات الغبيه هى التى تتحكم فينا وهى التى تجعل من الرجل من حقه ان يفعل اىشىء وكل شىء اما المرأه فمحرم علييها كل شىء واى شىء وينسون ان المرأه ايضا بشرا كالرجل واسباب المنع للمرأه عديده وجاهزه من اول اختلاط الانساب وحتى صيانة شرف زوجها واقرأى معى تعليقات المعلقين فى هذا البوست تدركى ان المرأه يجب ان تمتنع ليس حمايه لنفسها بل للرجل الذى سياخذها ولم يعجبنى تعليق الا لاحمد شقير وآسفه للباقى..
والمهم ان اى راجل عاوزها متعرفشى اى حاجه!!او ان عرفت ما تقولشى وتستعبطه!!اطلت عليكى وتحياتى.و
مفكر said…
هههههههههه
التعليق الذى اثار الأستياء هو فى الواقع نموذج ممتاز للفهلويه الكلاميه ولا اقول الفكريه لأنه يعتمد على جرس الكلمات وليس على الفكر
-هو نوذج حيد لهذا اللون من الكلام من مدرسةاصل احنا بنعتبرك ابتها المراه جوهره
ولذلك نخفيك عن الأعين
بنفس الطريقه التى تستخدم لأقناع الأطفال
وطبعا الرد على هذا بسيط للغايه
ونحن ايها الرجل نعتبرك ايضا جوهره غاليه
واسمح لنا بان نخفيك انت ايضا والا اشمعنى المراه
ثانيا المراه تطمح لأن تعامل كانسان وليس كشىء حتى لو كان جوهره
بنفس المنطق البادى السذاجه
تقول الفهلوه الكلاميه المراه هى التربه التى تزرع فيها البذره الصالحه......الخ
وبنفس منطق الرد
وهل هذا مبرر لكى تعمل كتابعه تسمع الأوامر من سيدها فتنفذها على الفور ام العكس هو الصحيح
اى اعطائها الفرصه كاملة لتنمى شخصيتها المستقله لتحسن الأضطلاع بمسؤولياتها التربويه
فمن العبده لا يمكن ان ينتج سوى عبيد
بعد كل النقاش اللى دار ده يتضح لى اننا عمرنا ما حنرتقى ابدا طول ما احنا بنضيع وقتنا فى مناقشه موضوعات المفروض انها بديهيات لا و كمان بنتخانق عليها و نشتم بعض
الحاجات اللى البنت عارفاها و خوفت الباشا موجوده فى كتب المدارس دلوقتى و فى النت و اى حد يقدر يوصلها بمجرد كليك
العجيب اننا نلاقى على الجانب الاخر رجال بيسيبوا ستاتهم عشان ميعرفوش حاجه او بالمعنى الدارج هبله
يعنى لا كده عاجب ولا كده عاجب
Anonymous said…
الدوله المصريه المتناقضه المرتبكه
هذا الموضوع يا حنان فى منتهى الخطوره ويحتاج لبوست مستقل
هو كتاب فى منتهى الغرابه توزعه الدوله ممثله فى وزارة الأوقاف لخطباء المساجد فى مصر يحمل الفتاه نسؤولية التحرش بها
لأرتدائها الجينز
هل تسلل المتطرفون المتخلفون الى مرافق الدوله الحساسه بهذا الشكل
الا يدرى هؤلاء المتطرفون ان التحرش يطال ختى الملثمات
وماهذا التناقض والأرتباك الم تنفى الأوقاف من قبل ان يكون النقاب فريضه
واين المجلس القومى للمراه
وتوقعوا ان بنهال الخطباء على المراه باللعنات
طبعا ما صدقوا
هذه مهزله كبرى
Anonymous said…
إستعباد..طاعة الزوج إستعباد..بينما طاعة مديرها في الشغل مش استعباد..ده شغل و طبعا من حقها تشتغل.

تلبس و تتشيك و تحط ميك اب ساعة نزولها و خروجها و تصحى من بدري علشان المواضيع دي مافيهاش مشكلة لكن لو زوجها قالها البسي لي و اتشيكي لي يبقى استعباد و ربما إغتصاب كمان..

ليه قلب المعروف إلى منكر و المنكر إلى معروف..

ده حتى طبيعة المرأة فيها رقة و هدوء ليه تقلبوه إلى نظام المرأة المسترجلة المتوحشة ؟

أجمل ما في المرأة ضعفها و انكسارها
Anonymous said…
جمعية المرأة المتوحشة ما فهموش كلامي و هاعيده تاني مع بعض الشرح..

1- المجتمع يأتمن المرأة على شرفها..على حفاظها على نفسها و عرضها أن يدنس لأنها هي من تحمل و تلد و تربي المجتمع..فإن سلمت التربة التي نغرس فيها البذرة..فستكون الثمرة صالحة إن شاء الله , و لكن هذا لا يعني أن تكون البذرة من فاسد ثم نرجو لها الصلاح..

عندما يأتمن المجتمع المرأة على شرفها فهو يعطيها مسئولية كبيرة تنم عن يقينه بأهليتها لتحمل المسئولية , و لذلك يعاقب بشدة و لا يرحم من تفرط في مسئوليتها..كما يعاقب الجندي إذا أهمل في الحفاظ على بلده بالإعدام..سواء الإعدام المادي أو المعنوي..

2-الإسلام ضد المرأة المنحرفة تماما كما هو ضد الرجل المنحرف.. و يساوي بين الإثنين في العقوبة في حالة الزنا .. المشكلة في عقولنا التي ابتعدت عن الدين و خلطته بخرافات و معتقدات ليست من الدين في شئ.. و عندما أراد البعض أن يكحلها عماها بمطالبته بإبعاد الدين ناسبا إليه إنحرافات البشر و معتبرا تعاليم الدين هي السبب أو حتى منكرا لبعض تعاليم الدين كالحجاب .

لو خدت الست المتوحشة بالها كانت قرت بداية الكلام عن المساواة في العقوبة كما المساواة في الثواب :

وَمَنْ يَعْمَلْ مِنَ الصَّالِحَاتِ مِنْ ذَكَرٍ أَوْ أُنْثَى وَهُوَ مُؤْمِنٌ فَأُولَئِكَ يَدْخُلُونَ الْجَنَّةَ»،
ويحيا كلاهما في الدنيا حياة طيبة وفي الآخرة لهما الجنة «مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً»،

«وَمَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَأُولَئِكَ يَدْخُلُونَ الْجَنَّةَ».

مساواة في الثواب و مساواة في العقوبة
يعني الإسلام لم يقبل إن الشاب ينحرف و كلنا سمع أو قرأ حديث ذلك الشاب الذي ذهب للرسول يريد منه أن يباح له الزنا..فأرشده إلى أن الناس لا يقبلونه لنسائهم كما لا يرضاه هو لنسائه..

بالنسبة للشاب المجرب سيقع بالتأكيد في فتاة مجربة مثله تخرج منه القديم والجديد و الذي فعله ببنات الناس
Anonymous said…
يادى المصيبه
يعنى الدوله ووزارة الأوقاف سابقا التحرش حاليا
تعطى المتحرشين الرخصه من على منابر المساجد لممارسة هوايتهم الشاذه
Anonymous said…
ولسه النساء عندنا مستسلمه لكل هذا الطلم والمهانه
الا يشاهدون ثورة المراه فى ايران
والآن الدوله لن تحميهم من التحرش بل تعتبر المتخرش بها مذنبه
هل انزلقت مصر للفوضى كما حذر علماء السياسه
Anonymous said…
النكته وكما هى عادة من الغوا عقولهم ودون كافة البشر المتقدمين
اذا واجهوا مشكله لا يستخدمون عقولهم مثل هؤلاء البشر المحترمين
ولكن يسرعوا الى كتب الأجداد يحاولون
العثور على اى شىء له صله بالموضوع
ولو من بعيد
ففى مشكلة التحرش
لم يجدوا الا كلمة تحريش بين البهائم
اى بذر بذور العداوه بينهم
تصوروا
الى اى حد نلغى عقولنا
ونسوا فى حلولهم البلهاء
ان العصور القديمه لم تعرف التحرش بهذا الشكل لوجود الجوارى
Anonymous said…
عبادة الماضى هو اوسع الأبواب للجمود والتخلف والتردى
كل من درس فى جامعه فى دوله متقدمه يعرف انهم يعتبرون الكتاب الذى مضى عليه عشر سنوات اصبح غير صالح للأعتماد عليه كمرجع لأختلاف الظروف
ونحن فى الشرق السعيد نتمسك ونشعر بما يشبه القداسه لكتب كتبت قبل الف او اكثر من السنين
ولا نجرؤ على مناقستها ونقدها
اليس هذا نوع من عبادة الأسلاف وهى ديانه منتشره بين قبائل بدائيه فى افريقيا؟
Anonymous said…
فرصه ذهبيه للمتاسلمين
كلما ظهر ضعف الدوله وبان هزالها
سنحت الفرصه الذهبيه للمتاسلمين
وتجدد حلمهم بالقفز الى السلطه
وهذا الكتاب الذى توزعه الأوقاف لابد كتبه طابور خامس منهم مندس ليظهر ضعف الدوله وعجزها عن التصدى للتحرش
انها ماساه لا تدركون ابعادها
فى زخمة الحياه
magi said…
بصى يا حنان هو ده بقى العادى دلوقت وبعدين الاخت دى مسألتش اخوها ازاى المحترم يكلم خطيبته فى حكايات من دى اصلا
وبعد كده انا متفقه 100% مع تعليق مواطن مصرى الاول
Anonymous said…
نحن فى الواقع غارقون لآذاننا دون ان ندرى فى الفهلوه الكلاميه
المشهوره باللعب بالألفاظ وهو نوع من الهروب من التفكير ومواجهة الواقع
فمن التعليقات الظريفه من هذا النوع الفهلوى هو ان الزوجه تطيع اوامر رئيسها فى العمل فلماذا لا تطيع اوامر زوجها
وهذا خلط مضحك بين الأسس التى تقوم عليها مؤسستان مختلفتان كل الأختلاف
مؤسسة العمل ومؤسسة الزواج
كما يعرف تلميذ فى اولى قسم اجتماع
ففى المؤسسه الأولى تدرج هرمى للمسؤوليات يخضع له العاملون من ذكور واناث
ويمكن ان تتقلد من تنفذ الأوامر اليوم منصبا يكفل لها اعطاء اوامر لمن يعملون معها رجالا ونساء
بينما لا شىء من هذا فى مؤسسة الزواج كما يتخيل صاحب المقارنه العجيبه
وقد يخضع الرجل للأوامر فى مؤسسة العمل وعندما يذهب الى البيت يسقط تبعيته فى العمل الى تسيد فى البيت تعويضا عما يلقاه فى العمل ولكن المراه لا تستطيع
وهكذا يمكن ان تمضى المقارنه والتحليل لتظهر فكاهية
الفهلوه الكلاميه
Anonymous said…
واختلف الأمراء فى مملكة الرمال فبان المستور
الأمير خالد بن طلال يتهم اخيه الوليد صاحب روتانا
بنشر الفساد والرذيله
بسبب محاولته خلق سينما سعوديه ولعياذ بالله
والأمير خالد مثل باقى الأمراء من اعنى اعنياء العالم
وعادة اختلاف الأمراء المتشددين مع الأمراء التقدميين لا يعلن
ولكن هذه اول مره يعلن الخلاف داخل الأسره المختكره لكل شىء فى العلن
Anonymous said…
ههههههه
بناء على تعليمات فقهاء وزارة الأوقاف
الجهابذه
على كل امراه ان تحمل فى جيب سندوتشاتها وفى الجيب الآخر
مطوتها
كما تقول عبله كامل لأبنها مخمد سعد المتخلف فى الفيلم وهو داخل يؤدى امتحان محو الأميه
Anonymous said…
هههههههه
اعلان زواج عصرى
مطلوب لشاب طموح ملتزم ومتسالش ملتزم بايه بالظبط زوجه
تجيد تمثيل دور الهابله ام بدوى
وبدون شخصيه او بشخصيه مضروبه
تطيع اوامر سيدها مثل الروبوت واهه ادينا بنستخدم التكنولوجيا علشان متقولوش علينا متخلفين
العزيزة قطة الصحراء
موضوع جريء كالعادة
نجحت في أن تنقلي لنا حوارا واقعيا معتاد بين العامة

عن هذه العقلية أقول لك هناك الكثير من الاصدقاء الحداثيين ويخافون من المرأة المتحررة

هناك موضوع مهم على مدونتي موضوع مصيري متعلق ببقاء المدونة من عدمها المرجو الاطلالة عليه
Anonymous said…
عقول ترى الدنيا بالأبيض والأسود
ولم تعرف بعد الشاشات الملونه
انظروا لهذه العقليات التى لاترى غير الأبيض والأسود
اما مراه متوحشه او عبده اوروبوت ولا شىء آخر
متى يدخلون حداهم الشاشه بالألوان الطبيعيه
Anonymous said…
الله يرحمه فاسم امين
قال قبل اكثر من 100 سنه الرجل السوى لا يستمتع بامراه لا تناقش ولا تعرف من الدنيا غير الجسد ولا آفاق فكرية لها...اما الرجل المهزوز هو من يستمتع بالمراه التى لا كيان انسانى لها
ونحاول نحن اليوم اعادة اختراع العجله
Anonymous said…
عقول ابيض واسود2
نعم هم لا يستطيعون الا رؤية العالم بلونبن فقط ابيض واسود اما الوآد الجزئى المشهور بالنقاب او العرى
وكانه لا يوجد بينهما شىء آخر
Anonymous said…
قال فلان عن علان
ماشى
ولكن مارايك انت
ما النتيجه التى توصلت انت اليها بعد استخدام ذلك العضو المعطل المعروف بالعقل؟
عقل اى اللجوء للراى والعباذ بالله؟
انت حتكفر؟
مفكر said…
اللغز او الحلقه المفقوده فى الموضوع كله هو اجابة السؤال: لماذا تتبنى المراه نفسها فى احيان كثيره النظره الذكوريه للمراة الأخرى؟
لماذا تكون احيانا اشد تعنتا مع الأنثى الأخرى من الرجل او ملكيه اكثر من الملك؟
الأجابه لفه بعض الشىء وليست فى خط مستقيم شان كل سلوكيات البشر تحت الضغط والتحجيم
من قوه اكبر
المراه تدرك بفطرتها عقدة الرجل الشرقى الذى يتوجس خيفة من المراه الذكيه ذات الشخصيه
فتلجا للمداراه وتقمص شخصبة مكسورة الجناح لترضى ضعفه واهتزاز شخصيته
ولكن تظل شخصيتها القويه الحقيقيه ثبحث لها عن متنفس
فتجده فى صب كل مكبوتاتها فى انثى اخرى
Anonymous said…
لماذا تتبنى المراه وجهة النظر الذكوريه عنها وتصبح كثيرا ملكيه اكثر من الملك...شرحنا احدى الطرق التى يحدث بها ذلك ولكن هناك طريقه اخرى
وهى معروفه لعلماء النفس وهى تبنى الأسير مع الوقت لوجهة نظر من ياسره
والقصه التى يدللون بها على ذلك قصة خطف يساريين فى اميركا لأبنة ثرى كبير معروف
ومع الوقت بدات الأبنه فى تبنى فكرهم اليسارى
الثورى وبدات تؤمن بالظلم الواقع على الطبقات الفقيره
من كبار الراسماليين ومنهم ابوها
ولم تتغير بعد الأفراج عنها
بل ظلت فى صفوف الثوار اليساريين
Anonymous said…
لماذا تتبنى المراه وجهة النظر الذكوريه عنها وتصبح كثيرا ملكيه اكثر من الملك...شرحنا احدى الطرق التى يحدث بها ذلك ولكن هناك طريقه اخرى
وهى معروفه لعلماء النفس وهى تبنى الأسير مع الوقت لوجهة نظر من ياسره
والقصه التى يدللون بها على ذلك قصة خطف يساريين فى اميركا لأبنة ثرى كبير معروف
ومع الوقت بدات الأبنه فى تبنى فكرهم اليسارى
الثورى وبدات تؤمن بالظلم الواقع على الطبقات الفقيره
من كبار الراسماليين ومنهم ابوها
ولم تتغير بعد الأفراج عنها
بل ظلت فى صفوف الثوار اليساريين
Anonymous said…
اذا لماذا يتبنى الأسير معتقد من ياسره
الأسير هنا تصعب عليه نفسه ويجز فى نفسه عجزه عن عمل شىء
فيقوم بحيله نفسيه للتخفيف من هذا التوتر
بان يقول الله مش يمكن الناس دول على حق
وينتهى بان يقنع نفسه انهم فعلا على حق
ويتبنى معتقدهم وبالتالى يحل التناقض بين كونه ذو منزله بينما يهان
نفس ماحدث مع من ذهبوا لبلاد الرمال وعادوا متبنين لعاداتهم
هم فى البدايه يحز فى انفسهم انهم مضطرون لخدمة هؤلاء البدو
وللتخفيف من هذا التوتر يبداون فى توهم حسن عاداتهم وجمال سلوكياتهم بالوهم طبعا وينتهون بتبنى هذا كله
وبذلك يتوصلون لطريقه مريحه لجل التناقض الذى يجدون انفسهم فيه
وهو ناس لهم منزلتهم مضطرون لخدمة بدو متخلفين والوقع تحت سيطرتهم وتحكمخم
SoLa said…
7anoon:
ya bnty tafker 3'aby eza kanet el otat fahma kola 7aga el ensan mesh hayfham
7ekam
آه يا قطه لو حكيت لك عن اللي شفته من بنات محجبات وعفيفات وكلامهن كله من نوع "قال الله وقال الرسول" وهن مبحلقات في الفراغ زيادة في الأونطه واللي بيعملوه ساعة الحظ فرادي ومثني وثلاث... قبل وبعد الزواج من الخرنجات اللي فرحوا بنقطتين دم ليلة الدخلة بغرزتين عند الدكتور أو حافظوا علي العداد زيرو داخلياً وقلبوه خارجياً وفخاذياً وعن ما يفعلونه بعد نيل الرخصة فحدثي ولا حرج

يا عزيزتي الثورة الجنسية في مصر الآن فاقت كل حدود حلمت بها أوروبا في الستينات بس الفرق في الستارة والناس كلها عارفه بس مشتريين دماغاتهم
Anonymous said…
مافيش فايدة..نقول تور يقولو احلبوه..

يا نساء جمعية المرأة المتوحشة..الحجاب فريضة و ليس وأد جزئي و لا أدري من أفتى بعدم وجوبه لكنه حتى في حالة وجود فتوى شبيهة من (عالم فقيه) (مش مفكر زي جمال البنا و لا حسن حنفي و لا عبده تلوث ) فهذه فتوى شاذة تخالف الإجماع.

نيجي لنقطة قاسم أمين:المرأة التي تناقش..إيه المشكلةإن المرأة يكون ليها رأي.. ده من الإسلام يا جماعة و من مظاهر السلوك النفسي السوي و ماحدش أنكره..الرسول صلى الله عليه و سلم استشار السيدة أم سلمة و سيدنا عمر استشار و سأل بنته السيدة حفصة أم المؤمنين.. و السيدة سكينة بنت الحسين كانت أديبة و فقيهة ..و حتى البنت العربية اللي كانت أمها بتنصحها في الوصية المشهورة زوجها استشارها و أخد برأيها و كانت سبب في توقف حرب دامت 40 سنة..

المشكلة إنكم بتيجو تزنقو نفسكو في أوامر ربنا و تقولو نناقشها بالعقل.

لا يا حيلتها منك ليها له..بالنسبة لأوامر ربنا لا تناقش و لا يتم التفكير فيها..و نقصد بالطبع ما لا خلاف فيه كالعبادات و الحلال و الحرام و الأخلاق و المعاملات..أما ما سكت الله عنه رحمة بنا ففيه المجال واسع و الميدان كبير و يساع من العقول ملايين بس بشروط ..يعني ما يجيش واحد ما يعرفش حاجة عن دينه و ييجي يتكلم و يعمل فيها أبو العريف ..رغم إنه لو كان الموضوع في الطب أو الهندسة أو القانون هيقعد زي الجزمة و مايفتحش بقه لأنه مش من أهل التخصص..


العقل ربنا اداهولنا علشان نفكر بيه فعلا..بس مش علشان أول حاجة نفكر فيها إننا نعصى أوامره.

تصدقي إحنا خرجنا من الموضوع خالص؟
Anonymous said…
اعتقد انه لا جدوى من مناقشة من يوطفون الدين بتفسيراتهم لخدمة اغراضهم المتخلفه
ورحم الله على بن ابى طالب الذى نبهنا الى ان النصوص لا تفسر نفسها ولكن البشر باغراضهم ونقائصهم وما فى نفس يعقوب هندما قال حتى القرآن حمال اوجه
وعندك كلمة الفاسدون فى الأرض يقسرها متخلفون من اهل الكهف فى عضور التدهور والأنحطاط الحضارى بانهم الفنانون
وهذا مجرد مثال واحد
ويفسرها أخرون مثل طالبان او بن لادن بانهم الأميركان وهكذا
واحده مستفزه said…
فى عصر كانت فيه جوارى وحرائر وتغطية الحرائر لتمييزهم عن الجوارى فلا يتعرض لهم احد هكذا تقول الأيه
فهل هناك حاجه الآن لذلك بعد ان اختفت الجوارى
سؤال بسيط الا على العقول المتحجره ومكانها مع ىالحفريات فى المتاحف
متابع said…
هؤلاء المتاسلمون يهرجون تهريجا يحاولون ان يكون مقدسا
بقول احدهم اتركوا الكلام فى الدين للمتخصصين ويعتقد بانه بذلك وبالفهلوه قد افحمنا
وبنسى ان جماعة التكفير والهجره قتلت الشيخ الذهبى عندما لم يعجبها تاويلاته للنصوص
Desert cat said…
صوت الحق
انا مش عارفه ايه علاقة الموضوع باللى حضرتك كاتبه
انا بتكلم عن مجتمع ذكورى بما فيه المرأة التى تتلذذ بقهر المرأة
وده مبنى على البيئة التربية
Desert cat said…
Anonymous
طيب وليه ربنا قدم السارق على السارقه
Desert cat said…
Ahmed Shokeir
انا اتفهم وجهة نظر حضرتك تماما يا استاذ احمد لكن الذكر فى مجتمعنا متعدد العلاقات ده ولد وااااو فلانتينو اما البنت حتى وان كان مجرد صداقة او زماله فدى بنت فلتانه ومش ليها حد يلمها
طبعا انا استغربت من طريقة حوار جارتى اللى مشيت وانا بلعن الظروف اللى قابلتنى بيها وزعلانه اكتر من نفسى لانى كنت سبب الحوار اصلا
على ذكر صديقة الفيسبوك
بنت ولد بيعاكسها فى الشارع بكلام خارج ولما شتمت الولد اللى عاسكها اللى ردت واحدة ست مصمصت شفايفها وتقولها اصلك مش متربية هو فى بنت محترمة بتشتم ولد .. قولت لها ربنا يوريكى اللى هى فيه دلوقتى وتجربى احساسها ووقتها حنشوف هتعملى ايه
ما كان منها الا انها شتمتنى انا كمان
يعنى فعلا عندنا ازدواجية غريبة

تحياتى لحضرتك
وشرفتنى جدا
متساءل said…
معلهش نفسى افهم الناس الغبيه دى بتفكر ازاى
اذا كان القرآن الكريم نفسه نزل مواكبا لكل ما يطرا من تغيرات واحداث خلال عشرين سنه فقط
فكيف بنا نهمل تغيرات 1400 سنه
ونحاول ان نوقف الكومن بالعافيه او بالأرهاب
Desert cat said…
Tareq
حضرتك جيت تكلمت عن المجتمعات الليبرالية وقولت دراسات دون ذكر اسم الدراسة ولا مين الباحث اللى عملها ولا اى نسبة وتناسب ولا حتى ذكر لمجتمع واحد من كل المجتمعات الليبرالية اللى فيه ازدواج معايير
هل السيرش اللى حضرتك عملته كان سرى للغاية ؟؟؟
Desert cat said…
Hossam
حسام اخبارك ايه
يار بتكون كويس
انت كمان وحشتنى جدا
انا كل لما اقرء ردك فى الحقيقة تنتابنى حالة ضحك هيستيرية على الرد اللى اتقالك ان ربنا محصن البنت والجميل ان الجهبذ اللى قالك كدا رجع تانى نفى كلامه وقال طالما فى بنت وحشة موجوده
هههههههههههههههههه
هى الوحشة بس اللى بتحس بحاجات قبل الجواز والحلوة مش عندها احساس
ماهو اما الاحساس موجود او مش موجود
مجتمع بيعانى من حالة شيزوفرنيا غريبة
يا عزيزى انت رد براحتك انا واثقه فيك كويس اوى وعارفه اخلاقك وتفكيرك ازاى

تحياتى ليك
Desert cat said…
لسنونو
كلام حضرتك صح جدا وانا متفقه معاه
لكن فى ناس تعشق اللى يستغفلها
لكن ممكن الانسان يخدع الناس بعض الوقت لكنه لا يمكن يخدعهم كل الوقت لما بينكشف الامر بعد كدا بيكون الالم مضاعف
متعجبه said…
باى حق يتكلمون
اليس هؤلاء المتاسلمون هم من لا يستطيعون
التحكم فى غرائزهم الحيوانيه لو لمحوا كعب رجل انثى
باى حق يتكلمون
بل باى حق ينتمون لجنس البشر
Anonymous said…
ولأن البشر هم الذين يعطون للنصوص والكلمات معناها
فان من لم يعجبهم تفسيره للنص كفروه وعزلوه او اضطر للهجره او قتلوه
وليس فى هذه مبالغه
هل تذكرون قتل الشيخ الذهبى؟
ومن يجرؤ على تاويل عقلانى يلائم الزمن فويل له
Anonymous said…
ببلاغه وايجاز لخصت معلقه كل الموضوع
هؤلاء المتاسلمون لا يستطيعون التجكم فى غرائزهم الحيوانيه اذا لمحوا كعب رجل انثى
وبدلا من ان يبخثوا عن علاج بخفون المراه عن الأنظار...انظارهم المريضه
ويتحججون بالنصوص والحواديت من الكتب القديمه
هذا باختصار فعلا هو كل الموضوع
Desert cat said…
Zamalkweya
طبعا ربنا فى حسابه مش هيستثنى الرجالة من العقاب او الحساب انما مع تقدم الزمن بدل من تطور العقول والفكر اصبحت المجتمعات العربية ترفع الذكر لنصف اله
وبالتالى من حقه يعمل اى حاجه هو يعنى عنده غشاء بكاره يخاف عليه
انما البنت اللى تسلم على حد دى صايعه ومش متربية

تحياتى
Desert cat said…
BaTaBeeT
طبعا اللى بتمثل مش هتستمر فى تمثيليتها طول الوقت ووقتها ربنا معاه فى صدمته اصله هيبقى واخد على قفاه
اما اللى مش عارفه حاجه خالص يبقى يقعد عشر سنين يعلمها ده ان اتعلمت اصلا ووقتها اشك انه هيستمر

تحياتى
Desert cat said…
Anonymous
انا متفقه مع الجزء الاول من كلامك
لكن الجزء التانى مفيش حاجه اسمها عبدة وسيد لها
زمن العبيد انتهى من زمان اوى
Desert cat said…
Anonymous
ميرسى على اللنك
Desert cat said…
عماد
بشوف ساعات ملايكة متكفنين من فوق لتحت وطالعه تقابل صاحب جوزها
عادى يعنى مش مهم
الاهم انه برضه فلانتينو
Desert cat said…
ايــــو يـــة
انا برضه اعتقد زيك كدا يا يويو
انها بعد كدا هتعيش دور البراءة والطهر واللى ليه مولودة حالا وبعد كدا يبقى يرشب سيادته
Desert cat said…
Anonymous
انا فى البداية انبهرت الحقيقة وقولت انونيمس مختلف فى توجهى لكن متفق معايا فى الطرح الاجتماعى فده فى حد ذاته شيئ جميل يعنى الا فى الآخر ابص الاقى عبيد واسياد حسيت انى رجعت عند ابو لهب
Desert cat said…
واحده مستفزه
هو لازم لغة العبيد والاسياد دى يعنى علشان تبقى راجل وست او زوج وزوجة
ليه مش يحترمنى على انى انسانه وانا احترمه على انه انسان
Desert cat said…
Anonymous
كل لما وزارة الاوقاف تاخد خطووة لقدام يجى متعرعر يرجعها الف خطوة للخلف
مين عبدالبعير ده كمان اللى بيتحدث للعربية نت
ارحمونا المرأة العربية مش ناقصه عهر فكرى
Desert cat said…
سالى فوزى
انتى مش طولتى ولا حاجه يا سالى
بالعكس انتى شرفتينى جدا
المدونة مدونتك يا قلبى اكتبى فيها اللى تحبيه
وانا طبعا متفقة جدا معاكى ومع استاذ احمد شقير
ومع كل صاحب عقل وفكر حر

تحياتى ومودتى
مفكر said…
دعوه
مسرحية رضاعة الكبير بنجاح ساحق
قطه بدل الجدل مع المناسلمين ندعوهم لمسرحية رضاعة الكبير التى لا تجدى فيها مكان قبل اسبوع واسمها قهوه ساده
مفكر said…
تقدم مسرحية مصرية باسم "قهوة سادة" مشهدا لطابور طويل من الرجال في انتظار دورهم للرضاعة من زميلة العمل تطبيقا لفتوى "ارضاع الكبير" التي أثارت ضجة عالمية عنيفة عند صدورها من أحد علماء الأزهر الكبار قبل نحو عامين.



وتثير مسرحية "قهوة سادة "حالة جدلية وضجة كبرى في مصر رغم أنها تقدم منذ ما يزيد عن العام في مصر وبنجاح منقطع النظير لدرجة ان التذاكر تنفد يوميا ولا يمكن حجز مقعد قبل أسبوع على الأقل، وهو العرض الذي تقرر مد العرض له بناء على طلب الجماهير كما قال مخرجه ومؤلفه خالد جلال لـ"العربية.نت".
Desert cat said…
مفكر
ماهو فكروا برضه فى اخفاء الراجل يا استاذى من قريب كان فى فتوى لشخص جهول بيقول انه الرجال فتنة علشان كدا مش يلبسوا نص كم قولت يا مسهل اكيد الحجاب الرجالى هيطلع بعد ايام ونشوف الراجل هيغطى عينه اليسرى ولا عينه الشيمين ويبقى مجتمع كله متغطى
Desert cat said…
صيدلانيه طالعه نازله
معلشى يا دكتورة فى ناس بتموت فى اللى يستغفلها
واعتقد ده اللى يشربه هذا الشخص وامثاله

تحياتى
Desert cat said…
Anonymous
انا كنت قريت عنه مقال فى جريدة الوسط لكنى هجمع عنه المعلومات الكافيه واعمل عليه بوست اكيد
اشكر حضرتك جدا
بالفعل احنا فى مجتمعنا محتاجين للعقول المستنيرة اللى زى حضرتك
اتمنى
Desert cat said…
Anonymous
اى ضعف واى انكسار اللى عايزينه فى المرأة يا نهار اسود
ربنا نفسه مش فرق بين الراجل والست لا فى فرق فى الثواب او العقاب ربنا مش خلق الست علشان تبقى ضعيفه ومنكسره ده فى ستات بالف راجل
فى ست بتشتغل وتتعب طول النهار والمسمى مجازا راجل نايم لها فى البيت بياخد مستنيها لما ترجع علشان ياخد منها مصروف
وفيها ايه لما تلبس وتتشيك وهى نازلة شغلها مش احسن ما تنزل متكفنة وريحتها وحشة ومنظرها ينأى عنه
وبالبديهى كدا الست الشيك بتكون شيك فى كل وقت واى مكان
Desert cat said…
Anonymous
تقصد مين بجمعية المرأة المتوحشة حضرتك ؟؟
وبعدين يعنى ايه المرأة فقط اللى عليها حماية شرفها والراجل بقى واخد رخصه انه يطيح فى الجميع ويعاشر من يعاشرهن ويبقى متعدد العلاقات اصله مش بيربى واصله مش له شرف ولا عنده غشاء يخاف عليه ؟؟؟
ولو هو راجل محترم مش هيكون مسئول بعد ما يخلف عن الاطفال اصله امهم المحافظة على شرفها حتربى ومش مهم بقى هو سيادته يرعاهم من عدمه
بلاش ازدواجيه مفاهيم ارحمونا بقى
المجتمع مش ناقص
Desert cat said…
Anonymous
النساء فى مصر معمول لها غسيل مخ ده فى كمان ستات بتدافع باستماته على استعبادها
مستريحة فى اى انها مسلوبة الارادة والهوية وان فى واحد ساحبها وراه دى حتى مش تقدر تمشى جنبه
Desert cat said…
Anonymous
عيب كلمة يستخدموا عقولهم دى عيب
طبعا التشبيه بالحيوانات فى التحرش هو ده المقام السامى بالنسبة لهم
امال عايزهم يشتبهوا بالغرب الكافر فى احترامهم لادمية بعض
Desert cat said…
magi
كان بيعمل لها اختبار يا ماجى وعلشان البنت طلعت فاهمه كل حاجه
سقطت فى الاختبار فشل ذريع
حقيقى شر البلية ما يضحك
:))
تحياتى
Desert cat said…
عقل مهوي
ربنا يديم السعادة
Desert cat said…
Anonymous
اى كلام لتغييب العقول
ظنا ان المرأة الغير عامله قاعدة طول اليوم تعمل ميكب ومانيكير وباديكير لزوجها اللى هيرجع من الشغل عايز يتغدى او يلاقى الشقة نضيفة والعيال لابسين كويس
ده فى بيوت معتمدة اعتماد كلى على مرتب الست اساسا
المفروض بعد كدا تنزل بشبشب حمام علشان مش تبقى رايحة الشغل شيك ولابسه شيك
Desert cat said…
Anonymous
ياريته مجرد اختلاف
ده عايز كمان يحجر على اموال اخوه
وادينا بنتفرج على العراعير
بس ربنا يبعدهم عننا اصل مصر مش ناقصه عرعرينا
Desert cat said…
Anonymous
انا انصح صاحب الاعلان عن الزواج يروح يتجوز من مملكة الرمال حتى اللى فى مملكة الرمال اعلنوا ثورتهم ممكن المصريات المتعرعرات عشاق النقاب ينفعوه فى الموضوع ده
هو الاخ ممكن يكون ملتزم بلحس صوابع رجليه صباحا ومساءا حسب توقيت جرنيتش الكافر
Desert cat said…
نبراس العتمة
ايه ده غلق مين او غلق ايه اوعى تفكر
انا جاية حالا
Desert cat said…
Anonymous
الا ليت من قاسم امين يحرر المرأة القابلة للعبودية بعد عملية غسيل مخ
Desert cat said…
مفكر
فعلا قالها استاذ احمد شقير لم يحرر المرأة سوى المرأة
فمن تتبنى الفكر الذكورى اعتقد ان لديها موروث فكرى كمان تقول دى اسمها بنت اما ده ولد من حقه يفعل ما يشاء عملية تخريب عقل تراكمت مع مرور التاريخ
Desert cat said…
SoLa
لاء يا حبيبتى المغيبين عايزين دلوقتى القطة المغمضة بقى اصلهم لفوا وداروا وعرفوا الدنيا ماشية ازاى
اما البنت المفروض مش تخرج من بيتها ولا تعرف اى حاجه فى الحياة
وان لقى فعلا الشخصية دى يبقى يشرب
Desert cat said…
Hassan El Helali
يا استاذى النوعيات دى اكتر من الهم على القلب فى المجتمع
امال هما بيدافعوا باستماته ليه لما بننشر فضايحهم من تحت قطعة القماش اللى بيتداروا فيها هى يعنى هتفضح نفسها وتقول دى لزوم الشغل وساعات الحظ والذى منه

شرفتنى جدا
Desert cat said…
Anonymous
هو اللى بيفكر دلوقتى بيبقى بعيصى اوامر ربنا
هههههههه
جديدة دى
اذا كان ربنا نفسه امر باعمال العقل وبالتفكير
تصدق ان المجتهد اذا أصاب له أجران وإن أخطأ له أجر يعنى فى كل الحالات مثاب الا هو هيخطئ ويصيب اذاى مش باعمال عقله باين ؟؟
تصدق ان الرسول قال انتم اعلم بشئون دنياكم ؟؟
طيب احنا اعلم بشئون دنيانا ازاى مش باعمال العقل برضه ؟؟؟
Desert cat said…
Anonymous
الناس دى موقفه عقلها ولا تقرء اساسا ازاى هيعرفوا كلام عل بن ابى طالب هم استاذة نقل ولا عزاء لاعمال العقل
Desert cat said…
واحده مستفزه
بصرف النظر عن الجوارى لو عايزين يحتفظوا بالعادات البدوية القديمة يبقى ياريت كل واحد يبنى بيته من غير تواليت
ونساؤهم يخرجوا يقضوا حاجاتهم فى الصحراء
هههههههههههههههه
Desert cat said…
متابع
الا هما يبقوا مين المتخصصين دول ؟؟؟
اذا كان كل واحد قاعد يطلع فتوى شكل على حسب وهوى الزبون من اجل ورم ارصدتهم فى البنوك
Desert cat said…
متعجبه
اصلهم ةبيقولوا لك الكعب عورة وبيثير الغرائز اكتر من الوجه نفسه
طيب ما تقولوا لها تكشف وجهها وتغطى كعبها طالما الكعب بيثيركو
جتهم الارف ناس مثارة على نفسها
Desert cat said…
مفكر
انا سعيدة اوى بالمسرحية دى وياريت كل المثقفين والمفكرين يفضحوا اصحاب الفتاوى الرنانة بمثل هذه الاعمال المسرحية ربما يفوق المغيبين
متابع said…
والخلاصه
كلما تكلم هؤلاء المتاسلمين اكثر
كل افتضخ بؤس مافى جماجمهم ولا اقول عقولهم لأنها ضمرت مع عدم الأستعمال لفترات طويله
وافتضح مايعانون منه من اضطرابات نفسيه ليس اخطرها الهوس الجنسى
فعلا صدق من قال تكلم حتى اراك
اولا ثقافة المجتمع دى احنا الى بنعملها واحنا الى عايشينها لاننا جزء من المجتمع دا ثانيا اذا كان الى لف ودار دا هو الى مش عايز نفس نوعيته امال هتروح لمين واقول تانى الطيبين للطيبات دا حاجه من عنج ربنا مش علشان البنت خجوله يعينى ومؤدبه وبتنكسف خلاص تبقى الطهاره الشريفه لا محدش عايش معاها ال24 ساعه لاكن فى معايير لازم الانسان يقوم بيها لم يختار شريكة حياته وعلى الاساس دا هيلاقى الى زيه وشكله لان دا فكره وهو بافعاله وحياته بيشكله هو بيكون ماشى بفكره هو لما يختار هيختار واحده على شاكلته بدليل انه خطب البنت دى واكيد اختارها بناء على معايير عنده لاكنه اكتشف انها عارفه حاجات من المفروض انها بنت مش تعرفها باكدلك ان الكل عارفها مهما كان لان دا هو انسان وكل واحد ادرى بنفسه بقى لاكن فى حاجه اسمها مثلا الخجل اصول تربيه التربيه الى الاهل ربوها ومش بتختلف كتير عن الولد والبنت لان كله متربى فى نفس البيت اسره واحده بقى ولكه بيطبع بطبع الى قبله بالظبط زى الاب المدخن الى بيضرب اينه لما يلاقيه بيدخن المهم كل واحد بيختار الى على شاكلته
Anonymous said…
المتاسلمون والأرهاب
لماذا لا يعلن المتاسلمون موقفهم الصريح من بن لادن والزرقاوى وامثالهم والمسلمون الشرفاء فى كل مكان يضعون ايديهم على قلوبهم
بعد نشر بيان لمن يسمى نفسه قائد عام القاعده فى المغرب يهدد فرنسا باعمال ارهابيه لمنعها وأد النساء الجزئى المسمى بالنقاب-يتمنى المسلمون الشرفاء ان يكون هذا البيان مدسوسا
مفكر said…
بيان مريب
فى ىالوقت الذى تقف فيه الحكومه الفرنسيه مؤيدة للحق العربى فى فلسطين وتنتقدعنصرية وزير خارجية اسرائيل علانية
يخرج بيان مريب منسوب لتنظيم القاعده فى المغرب العربى
يهدد فرنسا باعمال ارهابيه لمنعها واد النساء الجزئى بالنقاب
هل وصل الغباء بهؤلاء المتاسلمون الى هذا الحد ام ان البيان
وراءه يد خفيه مخابراتيه لأثناء فرنسا عن موقفها
مفكر said…
متاسلمون يزرعون الأفيون
من مصايب الزمن ان يظهر هؤلاء المتاسلمون
بفكرهم المريض وكل همهم تغطية كعوب النساء
بينما يزرعون الأفيون ويصدروه لكل العالم فى افغانستان
افيون عليه علامة طالبان لضمان الجوده
هههههههههه
و قوات الناتو تقوم برش هذه المزارع لأتلافها
أنها المصدر الأول لأموال امراء طالبان
مفكر said…
القتل باسم السماء
ابشع الجرائم ارتكبت وترتكب باسم السماء
ليس فقط قتل الشيخ الذهبى عنما لم تعجب المتاسلميين
اجتهاداته
طالبان قتلت الشيخ نعيمى فى مدرسة تخفيظ القرآن
لأنه افتى ضد اعمالهم الأجراميه
الحكم باسم السماء هى الفوضى بعينها
متى يفيق المغيبون البسطاء
مفكر said…
قصه من مجتمع يستعمل عقله
اعترف حاكم ولاية كالورانيا الجنوبيه
انه كان علاقة بمراسلة تيلفزيون ارجنتينيه رعم انه متزوج بعد ان تسلل هاكر الى بريد عشيقته الألكترونى ونشرت صحيفه محليه اجزاء من المراسلات الغراميه
وعلى الفور طولب الحاكم بتقديم استقالته وبدا تحقيق للتاكد منانه لم يستخدم منصبه للأنفاق على نزواته
وهذا الحاكم كان سيرشخ لرشاسة اميركا
ولكن حياته السياسيه دفعت ثمنا لنزواته
ولم يقل احد انه رجل والرجل رجل والست ست
Anonymous said…
انا مش عارف أرد عليكي لأني حاسس إن عقلك لولبي شوية و بيميل للفهم الغلط..

بصي ردودك عليا شكلها إيه :
وبعدين يعنى ايه المرأة فقط اللى عليها حماية شرفها والراجل بقى واخد رخصه انه يطيح فى الجميع ويعاشر من يعاشرهن ويبقى متعدد العلاقات اصله مش بيربى واصله مش له شرف ولا عنده غشاء يخاف عليه ؟؟؟

الرد:
أنا ماقلتش كده..أعتقد كلامي واضح بدون الحاجة لتقويلي كلام ما قلتوش..
المجتمع بيحاسب الرجل على تفريطه في مسئولياته التي أوكلها الله إليه و هي عمله و سعيه في الأرض لتوفير المعيشة الكريمة له و لعائلته..و بيحاسبه كمان لو اعتدى على شرف غيره.. و أعتقد لو جالك واحد بيقول على نفسه إنه كان مقطع السمكة و ديلها أهلك يرفضوه لأنهم أكيد عاوزين راجل له أخلاق و عنده (شرف).

كلامك:
ولو هو راجل محترم مش هيكون مسئول بعد ما يخلف عن الاطفال اصله امهم المحافظة على شرفها حتربى ومش مهم بقى هو سيادته يرعاهم من عدمه

الرد:
مين قال إن الرجل ليس له دور في تربية أولاده؟أنا ماقلتش كده و لا كلامي يحمل هذا المعنى..إنتي بتجيبي الكلام ده منين؟
بالتأكيد الرجل له دور مهم جدا في تربية الأولاد..فهو الحاكم للبيت و صاحب الشخصية القوية التي ترسي قوانين البيت و آدابه و أخلاقه بالإشتراك مع الأم..بس الأم لأنها الأطول احتكاكا بالأولاد (لو مابتشتغلش) فبيكون دورها أكبر..

كلامك:

هو اللى بيفكر دلوقتى بيبقى بعيصى اوامر ربنا
هههههههه
جديدة دى
اذا كان ربنا نفسه امر باعمال العقل وبالتفكير
تصدق ان المجتهد اذا أصاب له أجران وإن أخطأ له أجر يعنى فى كل الحالات مثاب الا هو هيخطئ ويصيب اذاى مش باعمال عقله باين ؟؟
تصدق ان الرسول قال انتم اعلم بشئون دنياكم ؟؟
طيب احنا اعلم بشئون دنيانا ازاى مش باعمال العقل برضه ؟؟؟

الرد:
و آدي نتيجة تفكير سيادتك..مش عارفة تفرقي بين أمور الدين و قواعد الفقه و أمور الزراعة و الصناعة و التجارة

عندما قال الرسول (صلى الله عليه و سلم): (أنتم أعلم بشئون دنياكم) كان موضوع تأبير النخل(يعني تلقيحه) يعني موضوع خاص بالزراعة.. و الرسول صلى الله عليه و سلم بيحيل الأمر لأهل الإختصاص لأنه ماشتغلش بالزراعة و بالتالي مايفهمش فيها..فقالهم (أنتم أعلم بشئون دنياكم) يعني يا أهل التخصص في الزراعة..يا أهل التخصص في الصناعة.. يا أهل التخصص في التجارة أنتم أعلم بشئونكم (المهم بس تكون بعيد عن المحرمات..يعني ماتزرعش أفيون و لا تتاجر في حشيش و لا خمور و لا تصنع خمور و لا تتعامل بالربا)

بينما الإجتهاد في الحكم و الفقه و ما يتعلق بشئون الناس و مصالح العباد و دينهم فيجب أن يتكلم فيه أهل الإختصاص..و الدليل :


- عن سعيد بن جبير عن ابن عباس رضي الله عنهما قال: قال رسول الله صلى الله عليه وسلم: " من قال في القرآن برأيه فليتبوأ مقعده من النار " (1) .


2- عن سعيد بن جبير عن ابن عباس رضي الله تعالى عنهما عن النبي صلى الله عليه وسلم قال: " من قال في القرآن بغير علم فليتبوأ مقعده من النار " (2) .

3- عن جندب بن عبد الله البجلي رضي الله عنه قال: قال رسول الله صلى الله عليه وسلم " من قال في القرآن برأيه فأصاب فقد أخطأ "

المجتهد يا قطة له شروط..ماهو ماينفعش أطلب منك رأي في الطب و إنتي خريجة مساحة تقومي تروحي تدوري على كتاب طب تقريه و تيجي بعد كده تقولي أنا متخصصة..
لا يا ماما المجتهد له شروط

الشرط الأول: أن يكون عالما بنصوص الكتاب والسنة، فإن قصر في أحدهما لم يكن مجتهدا ولا يجوز له الإجتهاد، ولا يشترط معرفته بجميع الكتاب والسنة، بل بما يتعلق منهما بالأحكام.

الشرط الثاني: أن يكون عارفا بمسائل الإجماع، حتي لا يفتي بخلاف ما وقع الإجماع عليه، إن كان ممن يقول بحجية الإجماع.

الشرط الثالث: أن يكون عالما بلسان العرب بحيث يمكن تفسير ما ورد في الكتاب والسنة من الغريب ونحوه.

الشرط الرابع: أن يكون عالما بعلم أصول الفقه، لاشتماله علي نفس الحاجة إليه.

الشرط الخامس: أن يكون عارفا بالناسخ والمنسوخ بحيث لا يخفي عليه شيء من ذلك مخافة أن يقع في الحكم المنسوخ

و تعرفي إن القضاة 3 واحد في الجنة و اثنان في النار.
واحد عارف و فاهم و قضى بالحق قدراجتهاده .. ده في الجنة
و واحد عارف و فاهم و قضى بالباطل..ده في النار

و واحد جاهل..مش مكانه يبقى قاضي..مش مكانه يبقى مجتهد..ماعندوش العلم اللي يخليه يقول صح و غلط و حلال و حرام..عنده عقل اه..ربنا أمره يفكر بالعقل ؟ طبعا..بس يفكر بعقله في عظمة ربنا..يفكر بعقله إزاي يشتغل في الدنيا في حدود علمه..أما يفكر بعقله إنه يحلل و يحرم و هو جاهل؟

أتمنى كلامي يوصل و تفهميه و تنشريه و أتمنى نكون عقلانيين و صادقين مع نفسنا

ماتحملوش الدين أخطاء البشر..
الغلط و المشاكل اللي إحنا فيها بسبب بعدنا عن الإسلام..و للأسف ناس تيجي تكحلها تعميها و تقول إن كل مشاكلنا بسبب الدين و عاوزة تبعد عنه بزيادة.
Anonymous said…
الحمد لله
فى تحسن ولو قليل فى كلام الدكتور انونمس
فلم يلجا لحديث الجوارى والعبيد
ولكنه يحتمى بالردود الجاهزه المعلبه وظاهرها المنطق وباطنهااللامعنى
اولا يبدا بالتعجيز فلا يسمح بفهم الدين الا لطبقة من الكهان مع انه لا كهانه فى الأسلام
ويذكر الحديث الذى ينهى عن الراى فى فهم النص القرأنى
ولا يذكر الراى الآخر وهو ان النص لا يفسر نفسه وانما البشر ولا مناص من العقل والتفكير فلا يستطيع الكمبيوتر تفسيرها
ويتجاهل قول على بن ابى طالب ختى القرأن حمال اوجه
وهو الأسلوب الأنتقائى الذى يدعم موقفه
واطلب منه ان يقول لى على سبيل المثال من هم المفسدون فى الأرض
هل هم من يثورون على الأسره المالكه المحتكره للخكم فى المملكه كما يفتى المجتهدون المعتمدون المتوفره فيهم شروطه لطبقة الكهان
وما هو رايه فى الفن بكل اشكاله
ورايه الواضح الصريح فى بن لادن وطالبان والزرقاوى
الغريب ان اللى بيقول الكلام ده واحدة بنت
ازاى الراجل المصري قدر يقلب البنات المصريات على بعضهن البعض؟
Anonymous said…
Fantastic goods from you, man. I have have in mind your stuff prior to and you are just too excellent.

I really like what you have received here,
really like what you are stating and the best way wherein you assert it.
You are making it entertaining and you continue to take care of to stay it sensible.
I can not wait to read far more from you. That is actually a wonderful
site.
Check out my blog post : swelling in foot
Anonymous said…
Wow, fantastic weblog structure! How lengthy
have you ever been blogging for? you made blogging glance easy.
The full look of your website is wonderful, let alone the
content!

my website quest bars

Popular posts from this blog

قميص دهشور

كل تحرش وانتوا طيبين