الحكم بالاعدام على هشام طلعت مصطفى ومحسن السكرى

طوال نظر قضية هشام طلعت مصطفى ومحسن السكرى وانا اتابع ردود افعال الناس على اى خبر متعلق بالموضوع وكله مش كان يتخير عن بعضه فى الآراء ان الجلسات اتعملت سرية علشان تتطبخ القضية ويبقى فيها اى ثغرة لخروج هشام ومحسن براءة
لكن للأسف الحكم جه النهاردة عكس توقعات الجميع وهو إحالة اوراق المتهمين لفضيلة مفتى الجمهورية .. وبعد النطق بالحكم سادت حالة من الهرج والمرج داخل قاعة المحكمة بسبب صراخ الجميع غير مصدقين من عائلات محسن وهشام والعاملين فى مجموعة طلعت مصطفى بينما هشام ومحسن انتابتهم حالة صمت تااااااامة انا نفسى مش كنت مصدقة لأن جريمة هشام هى التحريض على القتل بينما محسن اللى نفذ ازاى يكون الحكم متساوى مش عارفه ليه برضه مش عايزة اسبق الأحداث اصل لسه فى نقض والحالة الصحية برضه ليها عامل ماهو كل اللى يتزنق بقى يقول الحالة الصحية لما بقت عدوى

تعليقات

عزيزتنا حنان
موضوع استيلاء البعض على افكار المدونين وتحاهل نسبتها الى اصحابها بل نسبتها بدون وجه حق الى انفسهم نناقشها فى مدونة برنامجنا
http://netonradio.blogspot.com
‏قال غير معرف…
وانتى بئه صعبان عليكى هشام طلعت ميصعبشى عليك غالى يا نغة اقصد يا قطة
‏قال Desert cat
انت تسال والكمبيوتر يجيب
اه والله يا استاذنا بتكون حاجه تحرق الدم ولك جزيل الشكر لتخصيص حلقة عن موضوع سقة الانترنت
هدخل حالا مدونة البرنامج
‏قال Desert cat
Anonymous
روح اقرا البوست يا فالح وانت تعرف هو صعبان عليا ولا لاء
وفيه سؤال لو بتفهم فى القانون جاوب عليه
‏قال Hossam
بجد انا مش لاقى كلام اقولة مقدرش اقول غير ربنا ينجية لو مظلوم ويخفف عنه لو مذنب هم الاتنين امين.
‏قال أنا حر
بصراحة انا سعيد بالحكم رغم اعتراضي على موضوع الاعدام بشكل عام لكني سعيد لان القضاء مستسلمش لضغط الاعلامي الناتج عن كون الشخصية عامة
اما بالنسبة لحكم نفسه فانا شايف يا قطة ان الاثنين متساويين في الجريمة لان السكري مكنش هيقدر يعنل اي حاجة من الخطوات اللي تمت بدون تسهيلات هشام نفسه واللي طبعا استخدم فيها نفوذه السياسية وسلطاته وامواله وده يخلينا نعتبره منفذ للجريمة واعتقد ان في دلائل كتير عليه
تحياتي
‏قال Ahmed Shokeir
في معظم القوانين يعاقب المحرض على الجريمة بنفس عقوبة الجاني وفي بعض القوانين تغلظ العقوبة وتكون أشد من العقوبة التي تقع على الجاني ، وهناك عقوبات تقع على المحرض حتى لو تتم الجريمة
‏قال على باب الله
كان حكم مفاجأة فعلاً

حكاية الفرق بين جريمة القتل و التحريض على القتل دي عايزين نسأل فيها واحد محامي
‏قال عباس العبد
التحريض على القتل زى القتل .. الاثنين يستوجبان نفس الحكم ( قانون جنائى )
و هو ده اللى بيعتمدوا عليه فى القانون الولى لمحاسبة السفاحين من امثال ميلوسوفيتش او ارييل شارون
الناس دى مقتلتش بأيده لكن حرضت على القتل و التخلص من جماعات \ افراد بعينهم .
‏قال مواطن مصري
شوفتي دة ع قناة الجزيرة

http://www.youtube.com/watch?v=PfORm9U60gE


شتايم ع الهواء في الاتجاة المعاكس يمنين
انا ايضا لم اصدق الخبر لان فعلا كمية الكلام الذي قيل عن تواطؤ الحكومه علي مساندته كان كبير جدا و الافراج عن ممدوح اسماعيل في الف انسان قبله كان مؤيد لهذا الاتجاه و لا زلت غير مصدق بانه سيعدم الا اذا حدث فعلا
و اظن انه لو حتي محكمة النقض خففت الحكم فاكيد لن يقل عن المؤبد و هي عقوبه كبيره ايضا لمحرض علي قتل لكن اري ان القتل صار هو الحل الوحيد و لو حدثت فاكيد سيكون لها مفعول رادع لكل من تسول له نفسه من اصحاب المال ان يتجاسر علي استرخاص ارواح الناس
‏قال Adam
الحكومه ضربت كرسي في الكلوب عشان اللي حصل ده مفاجأه
وبيني وبينكوا يمكن تكون حكايه ومالفينها وهايطلع منها في الاستئناف
والله اعلم

علي العموم ربنا ينتقم من كل انسان ظالم

تحياتي

ادم
‏قال مواطن مصري
http://www.youtube.com/watch?v=THyhD3ZfmEQ


عادل امام يهاجم حماس و قال كلام صح
‏قال Desert cat
Hossam
انا شوفت امبارح رد فعل اللواء منير السكرى بصراحة الراجل مش مصدق الحكم وخصوصا وهو بيقول لعمرو اديب انا كنت متوقع ان محسن هيخرج معايا او يرجع البيت بعد يومين تلاته من حكم برائته
ربنا وحدة اللى عالم السر ولو مظلومين ربنا ينجيهم
‏قال Desert cat
أنا حر
انا سمعت فعلا السيديهات اللى تم عرضها على النيابة لما اتنشرت فى المواقع لانى مش بشتغل فى النيابة ولا حاجه فعلا محسن مش كان بيتحرك غير بمعلومات من هشام فى البداية لكن بعد لما سافر وراها لندن وكان بيراقبها هو اللى كان بينقل لهشام كل حركاتها وتنقلاتها وبالتالى انا مش دارسة قانون بس مش عارفه الحقيقة ليه حاسه ان موضوع التساوى فى الحكم ده غريب شوية

تحياتى
‏قال Desert cat
على باب الله
هو محامى محسن كان بيقول امبارح فى القاهره اليوم ان الحكم ظالم وقاسى مش عارفه ظالم وقاسى على مين بالظبط محسن ولا هشام .. يعنى اللى الحرض ولا اللى قتل

تحياتى
‏قال Desert cat
عباس العبد
طبعا طالما اهل الخبرة أدلوا بدلوهم إذن فخمتوا يا فندم
:)))
شرفتنى
‏قال Desert cat
Ahmed Shokeir
اشكر حضرتك جدا على التوضيح
وعلى الزيارة الكريمة
شرفتنى جداً
‏قال Desert cat
مواطن مصري
دى قناة الحظيرة وليست الجزيرة علشان كل حمار يطلع ينهق شوية ضد مصر
‏قال Desert cat
ذو النون المصري
الحكم كان مفاجأة للجميع خصوصا بعد تداول الجلسات سرية كان الجميع بيقول الجلسات اتعملت سرية علشان القضية تتظبط ويتقال اى كلام لخروجهم برائه لكن المستشار حمدى قنصوة خلف ظن الجميع ويارب يبقى عبرة لكل واحد اعماه غرورة وماله

تحياتى
‏قال Desert cat
Adam
نشوف يا آدم الأيام مخبية أيه
خصوصا ووالدة بيقول فى اتصال للقاهره اليوم ان هيواصل الاجراءات للحصول على برائه ابنه
تحياتى

المشاركات الشائعة